Tag ready

اسلام آباد(ایمرا نیوزآن لائن) وزیراعظم عمران خان بورڈ آف انویسٹمنٹ کے صدر کے فرائض بھی انجام دیں گے۔سرکاری نوٹیفکیشن کے مطابق وزیراعظم عمران خان سرمایہ کاری بورڈ کے صدر کی حیثیت سے بھی اپنی خدمات انجام دیں گےجبکہ نجی شعبے سے 7 افراد کو بھی بورڈ آف انویسٹمنٹ میں شامل کرلیا گیا ہے۔ڈاکٹر سلمان شاہ سمیت ڈاکٹر شمشاد اختر، احمر بلال صوفی، علی نقوی اور نوید اے خان کو بورڈ آف انویسٹمنٹ میں شامل کیا گیا ہے۔

پہلی پروفیشنل فائٹ کا چیلنج قبول کرلیا ہے۔ وہ 2020 سے پہلے برازیلین فائٹر کا مقابلہ کریں گے
تہران (ایمرا نیوز آن لائن )سوشل میڈیا پر اصلی ہلک کے نام سے مشہور ایرانی شہری نے مکس مارشل آرٹس کے مقابلوں میں حصہ لینے کا اعلان کردیا۔ایرانی پاور لفٹر سجاد غریبی نے انسٹا گرام پر لکھا ہے کہ انہوں نے اپنی پہلی پروفیشنل فائٹ کا چیلنج قبول کرلیا ہے۔ وہ 2020 سے پہلے برازیلین فائٹر کا مقابلہ کریں گے۔سجاد کو ان کے بھاری بھر کم جسم کی وجہ سے مارول کومک کے سپر ہیرو ہلک سے تشبیہ دی جاتی ہے۔ سوشل میڈیا پر وہ ‘رئیل ہلک’ کے نام سے مشہور ہیں، لوگوں کو ان کی پہلی فائٹ کا انتظار ہے۔

کاسٹ میں تبدیلی آسکر ایوارڈ یافتہ اداکار ریمی ملک ولن کا کردار ادا کرینگے
لاس اینجلس (ایمرا نیوز آن لائن )مشور زمانہ ہولی وڈ جاسوس ایکشن فلم ’جیمز بانڈ‘ سیریز کی 25 ویں فلم اپریل 2020 میں ریلیز کرنے کا اعلان کردیا گیا، ساتھ ہی فلم کی کاسٹ میں تبدیلی اور اضافہ کرتے ہوئے نئے ولن کو متعارف کرایا گیا ہے۔ جیمز بانڈ سیریز کے پروڈیوسرز کے مطابق اس بار آسکر ایوارڈ یافتہ اداکار ریمی ملک کو بھی فلم کا حصہ بنایا گیا ہے اور وہ منفی کردار میں دکھائی دیں گے۔ریمی ملک جیمز بانڈ کی 25 ویں فلم میں ولن کا کردار ادا کریں گے جو برطانوی جاسوس 007 کو تنگ کرتے دکھائی دیں گے۔اس سے پہلے یہ اطلاعات تھیں کہ اس بار جیمز بانڈ کی فلم میں خاتون ولن کا کردار ادا کریں گی۔یہ اطلاعات تھیں کہ فلم کے پروڈیوسرز چاہتے ہیں کہ اداکارہ ہیلینا کارٹر اس بار ولن بن کر برطانوی جاسوس کو تنگ کریں، تاہم اب خبر آئیہے کہ ولن کا کردار ریمی ملک ادا کریں گے۔جیمز بانڈ کی 25 ویں فلم میں جہاں ریمی ملک ولن کا کردار ادا کرتے دکھائی دیں گے، وہیں ڈینیئل کریگ بھی آخری جیمز بانڈ کا کردار ادا کریں گے۔مزید پڑھیں: ایک فلم کا سوا ارب روپے معاوضہ لینے والا جاسوس اداکارڈینیئل کریگ اس بار 5 مرتبہ برطانوی جاسوس کا کردار ادا کریں گے، وہ 25 ویں فلم کی شوٹنگ کے دوران زخمی ہوگئے ہیں، جس وجہ سے انہوں نے کہا ہے کہ وہ آئندہ فلم میں کام نہیں کریں گے۔

انگلینڈ(ایمرا نیوزآن لائن) پاکستان کرکٹ ٹیم آج دورہ انگلینڈ میں پہلا ٹور میچ کینٹ کے خلاف کھیلے گی۔انگلینڈ کے خلاف اہم ترین سیریز اور مشن ورلڈ کپ کے لئے قومی کرکٹ آج سے اپنی مہم کا آغاز کینٹ کائونٹی کے خلاف پریکٹس میچ سے کرے گی،کینٹ میں کئی روز سے پریکٹس میں مصروف قومی کھلاڑی پہلے ایک روزہ پریکٹس میچ کے لئے تازہ دم ہیں۔

کینٹ کائونٹی کے خلاف میچ پاکستانی وقت کے مطابق سہ پہر 3 بجے شروع ہوگا۔ہیڈ کوچ مکی آرتھر کا کہنا ہے کہ انگلینڈ کے خلاف تیاری کا بھرپور موقع مل رہا ہے، پہلے ٹور میچ میں بہترین کمبی نیشن میدان میں اتاریں گے ۔

لاہور:(ایمرا نیوزآن لائن) ورلڈ کپ کیلیے ستاروں کی کہکشاں سب گئی، تمام ٹیموں نے اپنے 15رکنی اسکواڈزکی فہرست جاری کردی جب کہ تبدیلیوں کی آخری تاریخ 23 مئی ہوگی۔پاکستان سمیت تمام ٹیموں نے ورلڈ کپ کیلیے اپنے اسکواڈز کا اعلان کردیا تھا،سب سے آخر میں 15 کرکٹرز کی فہرست جاری کرنے والی ٹیم ویسٹ انڈیز تھی، اگرچہ سب نے اپنے دستیاب بہترین 15 کرکٹرزکو اسکواڈز کا حصہ بنایا تاہم کسی کی فارم یا انجریز جیسے مسائل کو پیش نظر رکھتے ہوئے تبدیلیاں کرنے کی حتمی تاریخ 23 مئی مقرر کی گئی ہے، پاکستان کو مشکوک فٹنس کے ساتھ انگلینڈ پہنچنے والے محمد حفیظ اور وائرس کے شکار شاداب خان کے متبادل کی ضرورت پڑ سکتی ہے۔

اسی طرح یا انگلینڈ کیخلاف سیریز میں کسی پیسر کی ناقص کارکردگی کی صورت میں بھی متبادل کو لینا ممکن ہوگا، محمد عامر اور آصف علی امیدواروں میں شامل ہیں، کاؤنٹیز کے خلاف میچز اور انگلینڈ سے سیریز میں ان دونوں کی فارم کا بھی اندازہ ہو جائے گا۔ بھارت اور سری لنکا سمیت کئی ملک بھی چند ریزرو کھلاڑیوں کو انگلینڈ میں ساتھ رکھنے کا فیصلہ کرچکے اور اگر ضرورت محسوس کی تو ممکنہ تبدیلیوں پر غور کریں گے۔

یاد رہے کہ اسکواڈ میں تبدیلیوں کی ڈیڈ لائن ختم ہونے کے بعد اگر کسی ٹیم کو متبادل کی ضرورت پیش آئی تو اس کو ورلڈ کپ کی ٹیکنیکل کمیٹی کے سامنے اپنا کیس پیش کرنا ہوگا، انجری سمیت کوئی ٹھوس وجہ ثابت کئے بغیر کسی کو پلیئر تبدیل کرنے کی اجازت نہیں ہوگی۔

میگا ایونٹ کیلیے منتخب ہونے والے پلیئرز اپنی اپنی ٹیموں کو چھوڑ کر نیشنل ڈیوٹی پر لوٹنے والے ہیں
نئی دہلی(ایمرا نیوز آن لائن) آئی پی ایل میں شریک انٹرنیشنل اسٹارز نے ورلڈ کپ میں شرکت کیلیے اپنا سامان باندھنا شروع کردیا میگا ایونٹ کیلیے منتخب ہونے والے پلیئرز اپنی اپنی ٹیموں کو چھوڑ کر نیشنل ڈیوٹی پر لوٹنے والے ہیں۔

سب سے پہلے رخصت ہونے والوں میں جونی بیئر اسٹو شامل ہیں جو سن رائزرز حیدرآباد کی جانب سے اپنے اس سیزن کے آخری میچ میں صفر پر آٹ ہوئے،اس سے قبل 9 اننگز میں وہ 445 رنز بناکر نمایاں رہے۔حیدرآباد کے ایک اور بیٹسمین ڈیوڈ وارنر آئندہ ہفتے آسٹریلوی ٹیم کو جوائن کریں گے۔ ماہرین کا خیال ہے کہ انٹرنیشنل اسٹارز کے آخری اسٹیج پر رخصت ہونے سے آئی پی ایل کی چمک دمک ماند پڑسکتی ہے.

لاہور (میڈیا نائن ٹو ڈاٹ ٹی وی ) فیس بک کی کئی ایپس پہلے ہی لوگ اپنے اسمارٹ فونز میں رکھنا پسند کرتے ہیں یا مجبور ہیں، اور اب اس کمپنی نے ایک اور اپلیکشن لانے کا فیصلہ کرلیا ہے۔فیس بک کی زیرملکیت فوٹو شیئرنگ ایپ انسٹاگرام کو اب دو حصوں میں تقسیم کیا جارہا ہے۔جی ہاں انسٹاگرام اس وقت ایک نئی ایپ ڈائریکٹ کو آزما رہی ہے جو اس اپلیکشن کو فیس بک کی طرح دو حصوں میں تقسیم کردے گی۔اس وقت فیس بک کی مرکزی ایپ کے ساتھ اس کی چیٹ یا میسجنگ کے لیے الگ سے میسنجر کو ڈاؤن لوڈ کرنا پڑتا ہے۔اب انسٹاگرام بھی میسجنگ کے لیے الگ ایپ متعارف کرانے والی ہے، جس کی تصدیق کمپنی کے ترجمان نے بھی کی۔اس اقدام کا مقصد انسٹاگرام کا میسجنگ کو اپنی مرکزی ایپ سے الگ کرنا ہے۔ترجمان کا کہنا تھا کہ ہم انسٹاگرام کو صارفین کے تمام لمحات کا مقام بنانا چاہتے ہیں جبکہ انہیں قریبی دوستوں سے نجی معاملات شیئر کرنا بھی ہمارے لیے اہمیت رکھتا ہے۔اس نے بتایا کہ اس مقصد کو آسان کرنے کے لیے ہم نے ڈائریکٹ نامی ایپ کی کیمرہ فرسٹ ایپ کی آزمائش شروع کی ہے جو کہ لوگوں کو انسٹاگرام سے جوڑے رکھے گی۔اس وقت یہ ایپ چلی، اسرائیل، اٹلی، پرتگال، ترکی اور یوروگوئے میں پیش کی گئی ہے۔ایسا ہی فیس بک نے 2014 میں کیا تھا جب اس نے میسجنگ کو اپنی ایپ سے نکال کر میسنجر کا حصہ بنا دیا تھا۔