Tag record

چین(ایمرا نیوزآن لائن) چینی نوجوان نےرسی کودنے کا حیرت انگیز مظاہرہ کر کے گنیز ریکارڈ قائم کردیا ہے۔چین کے دارالحکومت بیجنگ کے ایک رئیلٹی شو میں Wu Boboنامی چینی نوجوان نے 30سیکنڈکے دوران66بار رسی پھلانگ کر نہ صرف دیکھنے والوں کو حیران کردیا بلکہ گنیز بک آف ورلڈ ریکارڈ میں اپنا نام درج کروالیا۔

زیادہ لسٹ اے سنچریاں سکور کرنےوالے قومی بلے بازوں کی فہرست میں چھٹے نمبر پر آگئے
ٹانٹن(ایمرا نیوز آن لائن )قومی ٹیم کے سابق ون ڈے کپتان اظہر علی نے لسٹ اے کرکٹ میں زیادہ سنچریاں بنانے کا سابق بھارتی اوپنر وریندر سہواگ کا ریکارڈ توڑ دیا ہے ۔ تفصیلات کے مطابق رائل لندن ون ڈے کپ میں اظہر علی نے سمر سیٹ کانٹی کی نمائندگی کرتے ہوئے ایسیکس کیخلاف93گیندوں پر9چوکوں اور 4 چھکوں کی مددسے 110رنز سکور کیے ،یہ 34سالہ اظہر علی کی لسٹ اے کرکٹ میں 17ویں سنچری تھی جس کےساتھ ہی وہ زیادہ لسٹ اے سنچریاں سکور کرنےوالے قومی بلے بازوں کی فہرست میں چھٹے نمبر پر آگئے اور سابق بھارتی اوپنر وریندر سہواگ کا لسٹ اے سنچریوں کا ریکارڈ بھی توڑنے میں کامیاب ہوگئے ،سہواگ نے332میچز میں16سنچریاں سکور کی تھیں۔73ٹیسٹ اور53ون ڈے میچز میں قومی ٹیم کی نمائندگی کرنےوالے اظہر علی اب تک 164لسٹ اے میچز کی 148اننگز میں 47.77کی اوسط سے 6020رنز سکور کرچکے ہیں جس میں17سنچریاں اور35نصف سنچریاں شامل ہیں۔لسٹ اے کرکٹ میں پاکستان کیلئے قومی ٹیم کے سابق اوپنر سعید انور26سنچریوں کےساتھ سب سے زیاد ہ سینکڑے سکور کرنےوالے ملکی بلے باز ہیں۔ قومی ٹیم کے وکٹ کیپر بلے بازکامران اکمل نے 21سنچریوں کےساتھ تیسری پوزیشن سنبھال رکھی ہے ، ایشین بریڈمین ظہیر عباس19سنچریاں سکور کرکے چوتھی جب کہ سابق ٹیسٹ اوپنر سلیم الہی اور بابر اعظم18، 18سنچریاں سکور کرکے مشترکہ طور پر پانچویں نمبر پر موجود ہیں۔سابق ٹی ٹونٹی کپتان محمد حفیظ اور اظہر علی 17،17سنچریوں کے ساتھ چھٹے ، سابق ٹیسٹ کرکٹر اعجاز احمد ،ٹیسٹ اوپنر احمد شہزاد اور آل رانڈر شعیب ملک 16،16سنچریاں سکور کرکے مشتر کہ طور پرساتویں اور سابق کپتان محمد یوسف اور رمیز راجہ15، 15لسٹ اے سنچریاں سکور کرکے مشتر کہ طور پر 8ویں نمبر پر موجود ہیں۔

فارمولے سے کمپیوٹروں کی حساب کتاب کرنے کی استعداد کار میں خاطرخواہ اضافہ ہو گا، کمپنی
ٹوکیو(ایمرا نیوز آن لائن )جاپان کی الیکٹرانکس کی بڑی کمپنی توشیبا نے دنیا کا تیز ترین الگورزم تیار کرنے کا اعلان کردیا ہے۔کمپنی کے مطابق اس فارمولے سے کمپیوٹروں کی حساب کتاب کرنے کی استعداد کار میں خاطرخواہ اضافہ ہو گا۔ توشیبا کا کہنا ہے کہ یہ الگورزم مختلف تراکیب کے شعبے میں بہترین نتائج حاصل کرنے کی جانب بڑی پیشرفت ہے۔اس عمل کے تحت مختلف ممکنہ صورتوں میں سے بہترین عمل کی نشاندہی کے ساتھ ساتھ معاشرے اور کاروبار میں درپیش مختلف مسائل کو حل کرنے میں مدد ملے گی۔ ان میں ترسیل کے باکفایت راستوں کی نشاندہی اور نئی ادویات کی تیاری کو آسان بنانے کا عمل شامل ہے۔ ماہرین کا خیال رہا ہے کہ کسی مسلے کے کئی حل میں سے بہترین حل تلاش کرنے کے لیے کوانٹم کمپیوٹرز کہلانے والے کمپیوٹروں کی مدد سے اعدادوشمار کا بڑا حساب کتاب کرنا ہو گا۔ توشیبا کا کہنا ہے کہ اس کا الگورزم عام کمپیوٹروں پر استعمال کیا جا سکتاہے اور دنیا کے تیز ترین کمپیوٹروں کی ممکنہ اہلیت کے مقابلے میں دس گنا تیز ہے۔

انگلینڈ (ایمرا نیوز آن لائن) شہزادہ ہیری اور میگھن مارکل کے نئے مشترکہ انسٹاگرام اکاﺅنٹ میں 5گھنٹے اور 45 منٹ میں مداحوں کی تعداد 10 لاکھ تک پہنچ گئی
برطانوی شاہی جوڑا شہزادہ ہیری اور میگھن مارکل کے نئے مشترکہ انسٹاگرام اکاﺅنٹ نے 5گھنٹے اور 45 منٹ میں مداحوں کی تعداد 10 لاکھ تک پہنچ گئی جس نے ایک تیز ترین ریکارڈ بنا ڈالا۔گینس ورلڈ ریکارڈ کے مطابق شاہی جوڑا شہزادہ ہیری اور میگھن مارکل کے نئے انسٹاگرام اکاﺅنٹ نے نیا ریکارڈ قائم کرتے ہوئے جنوبی کوریا کے گلوکار کینگ ڈینیئل سے یہ اعزاز چین لیا ہے جس کے رواں سال جنوری میں 11گھنٹے 36منٹ میں مداحوں کی تعداد ایک ملین تک پہنچی۔شاہی جوڑے کا نیا انسٹاگرام اکاﺅنٹ سوزیکس رائل منگل (2 اپریل) کو بنایا گیا جس پر پہلی پوسٹ میں ان کے اکاﺅنٹ کو شاہی جوڑے ”ڈیوک اینڈ ڈچز آف سوزیکس “ کے طور پر متعارف کرایا گیا جس کے مداحوں کی تعداد بدھ کو 2.1ملین تک جا پہنچی۔

سڈنی(نیٹ نیوز/ایمرا نیوز) آسٹریلیا میں دوسری عالمی جنگ کے بعد تاریخ کی بدترین ہیٹ ویو دیکھنے میں آئی،گرمی کا تقریباً 80 سالہ ریکارڈ ٹوٹ گیا ۔1939 کے بعد سڈنی میں ریکارڈ کی جانے والی یہ سب سے زیادہ گرمی ہے۔برطانوی میڈیا کے مطابق آسٹریلیا کے کئی علاقوں میں پارہ 50 ڈگری سینٹی گریڈ تک پہنچ گیا،گرمی کی شدت سے سڑکیں پگھلنے لگیں جبکہ کھیلوں کے میدانوں میں بچوں کے لئے تپش سے جھلسنے کا خطرہ ہے۔

سڈنی کے مغربی علاقے پینرتھ میں سورج کی تپش سب سے زیادہ رہی جبکہ محکمہ موسمیات کی جانب سے شہریوں کو غیر ضروری طور پر گھروں سے نہ نکلنے کی ہدایت کی گئی۔اس کے علاوہ شدید گرمی کی وجہ سے آگ کی متعدد وارننگز جاری کی گئیں جبکہ پورے شہر میں کہیں بھی آگ جلانے پر مکمل پابندی عائد کردی گئی۔محکمہ موسمیات کے مطابق نیو ساؤتھ ویلز میں اوسط درجہ حرارت 41 ڈگری سینٹی گریڈ رہا۔محکمہ موسمیات نے گرمی کی ایک اور لہر کے بارے میں خبردار کردیا۔حکومت کی جانب سے بے گھر لوگوں کو محفوظ مقامات پر منتقل کیا گیا جبکہ ہیٹ ویو سے بچاؤ کے لیے اسپتالوں میں خصوصی ڈیسک بھی قائم کردیے گئے ہیں۔