Tag russia

روس(ایمرا نیوزآن لائن) روس میں 74ویں وکٹری ڈے کا جشن زوروشوور سے جاری ہے اوراس موقع پر مختلف تقریبات منعقد کی جا رہی ہیں۔روس کے دارالحکومت ماسکومیں وکٹری ڈے کے موقع پر شاندار آتش بازی کامظاہرہ کیا گیا جس سے آسمان رنگ برنگی روشنیوں سے جگمگا اُٹھا۔ہر سال کی طرح اس سال بھی منعقد کئے جانے والے اس شاندار فائر ورک شو میں ہزاروں پٹاخوں کا استعمال کر کے آسمان پر ایسے دلچسپ نظارے ترتیب دیئے گئے کہ دیکھنے والے مبہوت رہ گئے۔شہریوں نے وکٹری ڈے کی خوشی کو خوب انجوائے کیا۔

انٹرنیٹ سروسز فراہم کرنے والی کمپنیاں ملک کے اندر تمام ویب ٹریفک کو حکومتی ٹیلی کام ادارے روسکومنازور کے منظور کردہ روٹنگ پوائنٹس پر ری ڈائریکٹ کردیں گی.
ماسکو(ایمرا نیوز آن لائن)روس نے عارضی طور پر پورے ملک کو عالمی انٹرنیٹ سے منقطع کرنے کا فیصلہ کرلیا ہے۔اس منصوبے کے تحت روسی انٹرنیٹ سروسز فراہم کرنے والی کمپنیاں یا آئی ایس پی ایس ملک کے اندر تمام ویب ٹریفک کو حکومتی ٹیلی کام ادارے روسکومنازور کے منظور کردہ روٹنگ پوائنٹس پر ری ڈائریکٹ کردیں گی۔زی ڈی نیٹ کی رپورٹ کے مطابق اس وقت بیشتر ممالک کی طرح روس میں بھی انٹرنیٹ ٹریفک کو عالمی سسٹمز کو استعمال کیا جاتا ہے جو دنیا بھر میں ڈیوائسز کو آن لائن کنکٹ کرنے میں مدد دیتے ہیں۔روس کی جانب سے عارضی طور پر انٹرنیٹ کو منقطع کرنے کا تجربہ اگلے چند ہفتوں میں ہوگا۔اس تجربے کے دوران روس انٹرنیٹ کے لیے اپنے ڈومین نیم سسٹم (ڈی این ایس)، ویب ڈومین ڈائریکٹری اور ایڈریسز پر انحصار کرے گا۔اس تجربے کو یکم اپریل سے پہلے مکمل کیا جائے گا تاہم ابھی کوئی حتمی تاریخ طے نہیں کی گئی ہے۔یہ تجربہ روس کے ڈیجیٹل اکانومی نیشنل پروگرام کے تحت ہوگا، یہ مجوزہ قانون گزشتہ سال پیش کیا گیا تھا جس کا مقصد روسی ڈیجیٹل انفراسٹرکچر کو اس وقت بھی تحفظ فراہم کرنا ہے جب دیگر کمپنیاں روس کے لیے انٹرنیٹ سروسز کاٹ دیں۔روسی حکومت کے اس پروگرام کا مقصد غیرملکی انٹرنیٹ سروس فراہم کرنے والی کمپنیوں پر انحصار ختم کرنا اور روس کو اس حوالے سے خودمختار کرنا ہے تاکہ کسی بھی ممکنہ سائبر حملے سے بھی تحفظ مل سکے۔رپورٹ کے مطابق تمام انٹرنیٹ ٹریفک حکومتی روٹنگ پوائنٹس کے ذریعے کنٹرول کرنے سے ماسکو کو ویب سنسرشپ سسٹم کی تشکیل دینے کا موقع بھی ملے گا جیسا چین میں ہورہا ہے۔رپورٹ کے مطابق تمام انٹرنیٹ ٹریفک حکومتی روٹنگ پوائنٹس کے ذریعے کنٹرول کرنے سے ماسکو کو ویب سنسرشپ سسٹم کی تشکیل دینے کا موقع بھی ملے گا جیسا چین میں ہورہا ہے۔روس نے اس منصوبے پر اس وقت کام شروع کیا جب ناٹو کی جانب روس کے خلاف سالانہ سائبر وار گیمز کا عمل تیز کردیا گیا جبکہ امریکا، برطانیہ اور یورپی یونین کی جانب سے بھی روس پر سائبر حملوں کے بعد پابندیاں لگانے کی دھمکی دی گئی تھی۔

معاہدہ کے تحت روس روزانہ500ملین سی1بلین کیوبک فٹ گیس فراہم کرے گا ،وافر گیس کی فراہمی سے انڈسٹری کو ضرورت کے مطابق گیس فراہم سے صنعتی شعبہ ترقی کرے گا چیئرمین لاہور ٹاﺅن شپ انڈسٹریز ایسوسی ایشن
لاہور (ایمرا نیوز آن لائن)چیئرمین لاہور ٹاﺅن شپ انڈسٹریز ایسوسی ایشن میاں خرم الیاس نے روسی کمپنی کی طرف سے پاکستان میں 10ارب ڈالر کی سرمایہ کاری کے معاہدہ کو خوش آئند قرار دیا ہے،اس معاہدے کے تحت روس پاکستان کو روزانہ500ملین سے 1ملین کیوبک فٹ گیس فراہم کرے گا جو سمندری راستے سے پاکستان پہنچائی جائے گی جبکہ پائپ لائن کی تعمیر آئندہ 3سی4سال کے دوران مکمل کر لی جائے گی۔ان خیالات کا اظہار انہوںنے سینئر وائس چیئرمین حافظ عمران حمید، وائس چیئرمین مہوش احمد کے ساتھ ٹاﺅن شپ انڈسٹریز کے صنعتکاروں کے مختلف وفود سے گفتگو کرتے ہوئے کیا۔ انہوںنے کہا کہ یہ معاہدہ پاکستان اور روس کے درمیان باہمی تعاون کے فروغ کا آئینہ دار ہے اس معاہدے کے تحت روسی کمپنی مشرق وسطی سے گیس مالیکولز پائپ لائن کے ذریعے پاکستان لائے گی ۔مزید برآں روسی کمپنی پاکستان میں گیس کی زیر زمین سٹوریج سے متعلق سہولیات کی فراہمی میں بھی مدد کرے گی ۔میاں خرم الیاس نے کہا کہ ملک میں گیس کے بحران کے باعث موسم سرما میں انڈسٹریز کو گیس کی سپلائی بندی کی جاتی رہی ہے اب وافر گیس کی فراہمی سے انڈسٹریز کواسکی ضرورت کے مطابق سارا سال سپلائی دستیاب رہے گی جس سے صنعتی شعبہ ترقی کرے گا اور ملک سے گیس کا بحران بھی ختم ہوگا نیز وافر گیس کو پاور پلانٹ میں استعمال سے سستی بجلی کا حصول بھی ممکن ہوگا جس کی انڈسٹریز کو سخت ضروت ہے۔

ماڈل اپارٹمنٹ کرائے پر دینے کی خواہشمند تھی ، پولیس نے ملزم کو گرفتار کرلیا
ماسکو (ایمرا نیوز آن لائن)روس کی پولیس نے اپارٹمنٹ کرائے پر دینے کی خواہشمند ماڈل کرینہ شانکینہ کے ریپ اور قتل میں ملوث 31 سالہ شخص کو گرفتار کرلیا۔ پولیس کا کہنا تھا کہ 20 سالہ ماڈل کی لاش ان کے اپارٹمنٹ کے باتھ ٹب سے برہنہ حالت میں ملی تھی اور ابتدائی طور پر بتایا گیا کہ ماڈل کی ہلاکت پانی میں ڈوبنے کے باعث ہوئی۔رپورٹ کے مطابق ماڈل کی والدہ نے پولیس سے اپنی بیٹی کے لاپتہ ہونے سے متعلق رپورٹ درج کروائی تھی، جس کے بعد پولیس نے ماڈل کی لاش ان کے اپارٹمنٹ سے برآمد کی اور شواہد جمع کرکے، ہاتھوں کے نشان کی مدد سے، ایک شخص کو گرفتار کرلیا، جن کی شناخت ظاہر نہیں کی گئی۔رپورٹ کے مطابق مذکورہ شخص ایک اور خاتون سے شادی کے بغیر نجی تعلقات استوار کرنے کے لیے ماڈل کا اپارٹمنٹ کرائے پر حاصل کرنا چاہتا تھا، مذکورہ خاتون کی شناخت بھی ظاہر نہیں کی گئی ہے۔اس میں مزید بتایا گیا کہ کرینہ نے اپارٹمنٹ کرائے پر دینے کے لیے اشتہار دیا تھا اور ملزم مذکورہ اپارٹمنٹ دیکھنے کے لیے آیا تھا۔کرینہ نے مذکورہ شخص کو اپارٹمنٹ دکھایا اور اس دوران ملزم نے کرینہ پر حملہ کردیا۔واقعے کے حوالے سے پولیس کا کہنا تھا کہ ‘ملزم نے کرینہ کے ریپ کے بعد اسے قتل کرنے کا ارادہ کیا کیونکہ وہ خوف زدہ تھا کہ ماڈل ریپ سے متعلق پولیس کو شکایت کردے گی’۔پولیس کے مطابق ملزم نے کرینہ کو باتھ ٹب میں ڈالا اور پانی میں ڈبو دیا، جس کی وجہ سے وہ ہلاک ہوگئی، جس کے بعد ملزم اپارٹمنٹ سے فرار ہوگیا تاہم اس کے فنگر پرنٹس سے اسے گرفتار کرلیا گیا۔

روس(نیٹ نیوز/ایمرا نیوز) روس کے شہر سینٹ پیٹرز برگ میں برف سے مجمسمہ سازی کے سالانہ فیسٹیول کا آغاز ہوگیا ہے ۔جس میں تاریخی عمارتوں کے دیوہیکل مجسمے لوگوں کی توجہ کا مرکز بنے ہوئے ہیں۔

کرسمس کی مناسبت سے منعقد کئے گئے اس فیسٹیول کا آغاز روسی صدر ولادیمیر پیوٹن نے توپ کا گولہ داغ کر کیا اور برف سے بنے مجسمے بھی دیکھے۔اس برفیلے میلے میں روس سمیت مختلف ممالک سے تعلق رکھنے والے مجسمہ سازوں نے حصہ لیا اور منفی تین ڈگری درجہ حرارت میں رکھے گئے 2300آئس بلاکس پر اپنے مہارت کا عملی مظاہرہ کیا۔ہر سال کی طرح اس سال بھی منعقد ہونے والے اس برفیلے فیسٹیول میں نمائش کیلئے پیش کئے گئے درجنوں مجسمے لوگوں کی توجہ کا مرکز بنے ہوئے ہیں جنہیں دیکھنے کیلئے دنیا بھر سے لوگ یہاں کا رُخ کر رہے ہیں۔

روس(نیٹ نیوز/ایمرا نیوز) روس کے دارالحکومت ماسکو میں سرد موسم کو خوش آمدید کہتے ہوئے دنیا کی سب سے بڑی آئس رِنک عوام کے لئے کھول دی گئی ہے۔

جہاں لوگوں کی بڑی تعداد اسکیٹنگ کے ایڈونچر سے لطف اندوزہوتے دکھائی دئیے۔شہر کے آئس کمپلیکس میں موجود اس انوکھے تفریحی مقام پر آئس اسکیٹنگ کیساتھ ساتھ آئس ہاکی کھیلنے کی سہولت بھی موجود ہیں۔

Christmas in Moscow. Red Square in Moscow; Shutterstock ID 725572744; Purchase Order: –

PESHAWAR:(Net News/Media 92 News) A delegation of the Russian armed forces called on Corps Commander Peshawar Lieutenant General Shaheen Mazhar Mehmood at Corps Headquarters, Peshawar, the Inter-Services Public Relations said in a statement on Thursday.

The six-member delegation was headed by Vice Admiral Osipov lgor Vladimirovich, Deputy Chief of General Staff of the Armed Forces of the Russian Federation.

The delegation was briefed on Pakistan Army’s campaign against terrorism, and the situation and fencing along the Pak-Afghan border. The delegation also visited Khyber District, the ISPR statement read.

Earlier, on arrival at Corps Headquarters, Vice Admiral Osipov lgor Vladimirovich laid a floral wreath at Yadgar-e-Shuhada in order to pay tribute to the martyrs of Pakistan Army, the statement added.

سائبیریا(میڈیا نائن ٹو ڈاٹ ٹی وی) روس کے سرد ترین علاقے سائبیریا میں ایک بھورا ریچھ شکاری کی دو بندوقیں اٹھا کر فرار ہوگیا، پولیس نے مقدمہ درج کرکے ریچھ کی تلاش شروع کردی۔یہ واقعہ سائبیریا کے علاقے ارکوتسک میں پیش آیا جہاں آبادی سے میلوں دور ایک نامعلوم 57 سالہ شکاری گھنے درختوں کے درمیان بنے لکڑی کے گھر میں ٹھہرا ہوا تھا، وہ پانی لینے کے لیے باہر نکلا واپس آکر دیکھا تو معلوم ہوا کہ ایک ریچھ وہاں موجود ہے جسے دیکھ کر شکاری قریبی درختوں میں چھپ گیا اور گھبراہٹ میں اس کی دو بندوقیں بھی وہیں رہ گئیں۔
بعدازاں کئی روز تلاش کے باوجود اس کے دو ہتھیار ویپر کاربائن اور آئی زی ایچ شاٹ گن نہیں مل سکیں کچھ روز بعد اس نے پولیس میں رپورٹ درج کرائی جس کے بعد پولیس نے مسلح ریچھ کی تلاش شروع کردی۔ یہ واقعہ 16 نومبر کو پیش آیا اور شکاری کے مطابق اس کا سارا سامان لکڑی کی کٹیا میں تھا۔شکاری نے بتایا کہ واپسی پر اس نے گھر میں ریچھ کو دیکھا جسے دیکھ کر وہ باہر بھاگا، ریچھ کے روانہ ہونے کے بعد اس نے دیکھا کہ ریچھ نے پلاسٹک کی بالٹی چبائی ہوئی تھی اور لکڑی کی دیواروں پر پنجے کے نشانات تھے۔ شکاری نے زور دے کر کہا ہے کہ چور ریچھ نے ہی اس کے ہتھیار ہتھیائے ہیں۔
خیال رہے کہ روس میں ہر سال نومبر کے مہینے میں ریچھ کے شکار کے محدود اجازت نامے دیے جاتے ہیں اور سائبیریا میں ان کا شکار کھیلا جاتا ہے۔
سائبیریا کا سرد ترین خطہ معدوم شدہ بالوں والے قدیم ہاتھیوں کے فوسلز، تنگوسکا جنگل میں شہابِ ثاقب گرنے کے عجیب واقعے اور خون جما دینے والی سردی کی وجہ سے مشہور ہے، اس علاقے میں کئی برفانی جانور بھی پائے جاتے ہیں جن میں بھورے بھالو سرِفہرست ہیں۔