Tag Sarfraz Ahmed

کراچی(ایمرا نیوزآن لائن) قومی کرکٹ ٹیم کے کپتان سرفراز احمد کا کہنا ہے کہ ہم ورلڈ کپ ہر صورت پاکستان لائیں گے اور قوم کو عید کا تحفہ دیں گے۔کراچی میں قومی کرکٹ ٹیم کے کپتان کے اعزاز میں ایک عشائیہ دیا گیا، فنکاروں کے اس عشائیہ میں سرفراز احمد نے غیر رسمی گفتگو کرتے ہوئے کہا کہ کرکٹ اور فنکاروں کا چولی دامن کا ساتھ ہے، دونوں ایک دوسرے کے شعبوں میں گہری دلچسپی لیتے رہے ہیں۔اس موقع پر گلوکار سلیم جاوید نے کہا کہ موسیقی کے بعد کرکٹ میرا جنون ہے، میں کپتان سرفراز احمد کی بیٹنگ اور کیپنگ کا دیوانہ ہوں، ان کا کہنا تھا کہ میں نے کرکٹرز کے لیے سب سے پہلے گیت تیار کیے۔سلیم جاوید نے بتایا کہ عمران خان اور میانداد کے لیے گائے ہوئے گیت بہت مقبول ہوئے، میں اب سرفراز احمد کے لیے بھی نغمہ تیار کروں گا مجھے امید ہے سرفراز دھوکا نہیں دے گا۔تقریب میں میزبان بابر عباسی کی جانب سے کپتان سرفراز احمد کو تحائف پیش کئے گئے۔

قبضہ مافیا نے کپتان سرفرازاحمد کو تنگ کرنا شروع کر دیا
مئیر کراچی کی جانب سے کرکٹ اکیڈمی کے لیے دیے جانے والے گراونڈ پر کام نہیں کرنے دیا جارہا،کپتان قومی کرکٹ ٹیم سرفراز احمد
کراچی( آن لائن )قومی کرکٹ ٹیم کے کپتان سرفراز احمد نے مئیر کراچی کو شکایت کی ہے کہ انہیں جو پلاٹ کرکٹ اکیڈمی بنانے کے لیے دیا گیا تھا اس پہ کام نہیں کرنے دیا جارہا۔سرفراز احمد نے بتایا کہ قبضہ مافیا انہیں تنگ کر رہا ہے۔ یاد رہے کہ چیمپئین ٹرافی جیتنے کے بعد کراچی کے مئیر وسیم اختر نے کراچی میں موجود کاکا گراونڈ سرفراز احمد کو دیا تھا تا کہ وہ وہاں کرکٹ اکیڈمی بنا سکیں لیکن اب سرفراز احمد مئیر کراچی کے پاس شکات لے کر گئے ہیں کہ انہیں گراونڈ پر کام نہیں کرنے دا جارہا اور قبضہ مافیا انہیں تنگ کر رہا ہے۔اس شکایت پر مئیر کراچی وسیم اختر نے حیرت کے ساتھ برہمی کا بھی اظہار کیا اور کپتان سرفراز احمد کو یقین دلایا کہ فوری طور پر ان کی شکایات کا ازالہ کر دیا جائے گا۔سرفراز احمد قومی کرکٹ ٹیم کے کپتان ہیں اور گزشتہ دنوں ونے والی پاکستان پریمئیر لیگ کی فاتح ٹیم کوئٹہ گلیڈی ایٹرز کے بھی کپتان تھے۔ پی ایس ایل میں کامیابی پر بھی انہوں نے کراچی نیشنل سٹیڈیم کے گراونڈ سٹاف کے لیے دس، دس ہزار فی کس تحفہ دینے کا اعلان کیا تھا۔اب وہ کراچی میں کرکٹ اکیڈمی بنا کر نئے ٹیلنٹ کو آگے لانا چاہتے ہیں لیکن قبضہ مافیا نے انہیں تنگ کرنا شروع کر دیا سرفراز احمد نے مئیر کراچی کو شکایت کی ہے کہ انہیں جو پلاٹ کرکٹ اکیڈمی بنانے کے لیے دیا گیا تھا اس پہ کام نہیں کرنے دیا جارہا۔سرفراز احمد نے بتایا کہ قبضہ مافیا انہیں تنگ کر رہا ہے۔

کراچی(ایمرا نیوز آن لائن) قومی کرکٹ ٹیم کے کپتان سرفراز احمد نے کہا ہے کہ پی ایس ایل فور کا بہترین انعقاد ہم سب کی کامیابی ہے تاہم وہ دن دور نہیں جب ملک میں انٹرنیشنل کرکٹ ٹورنامنٹس ہوں گے۔ ایک بیان میں انہوں نے کہا کہ عوام سے ملنے والی محبتوں پر بہت ان کا بہت شکرگزار ہوں ،تاہم وہ دن دور نہیں جب ملک میں انٹرنیشنل کرکٹ ٹورنامنٹس ہوں گے۔پی ایس ایل فورمیں فتح پانے والی کوئٹہ گلیڈی ایٹرزکی قیادت کرنے والے سرفراز احمد نے کہا کہ پاکستان میں لوگوں کاکرکٹ سے والہانہ لگا¶ اور وہ اس کھیل سے محبت کرتے ہیں، فائنل میں کراچی کے بہترین کرآڈ کے سامنے کامیابی کا لطف آیا، مستقبل میں پاکستان کرکٹ میں مزید کامیابیاں حاصل کرے گا۔

کراچی (ایمرا نیوز) پاکستان سپر لیگ فورکی فاتح ٹیم کوئٹہ گلیڈی ایٹرز کے کپتان سرفراز احمد نے نیشنل سٹیڈیم کے ہر گرائونڈ سٹاف ممبر کو دس دس ہزار روپے دینے کا اعلان کیا ہے ۔انہوں نے کہا کہ گراؤنڈ سٹاف کی محنت سے نیشنل سٹیڈیم میں ٹورنامنٹ کامیابی سے ہمکنار ہوا، اس موقع پر سرفراز احمد کا کہنا تھا کہ فائنل جیتنے کی بہت خوشی ہے ۔

نئے کھلاڑیوں کے ورلڈ کپ پلان میں شامل ہونیکا انحصار آسٹریلیا کی سیریز پر ہوگا:سابق کپتان
لاہور (ایمرا نیوز آن لائن)پاکستان کرکٹ ٹیم کی انتظامیہ نے مئی میں شیڈول ورلڈ کپ سے قبل سینئرکھلاڑیوں کو آرام دے کر کچھ نئے کھلاڑیوں کو آزمانا دینے کا فیصلہ کیا ہے جس سے ورلڈ کپ کے لیے ٹیم کو حتمی شکل دی جا سکے گی ،ان میچز میں اگر کوئی نیا کھلاڑی بہترین پرفارمنس دکھانے میں کامیاب رہا تو اسے ورلڈ کپ کا ٹکٹ مل سکتا ہے۔ایک انٹرویو میں کپتان سرفراز احمد کا کہنا ہے کہ جو لڑکے ہمارے ورلڈ کپ پلان میں ہیں انہیں آئندہ ماہ آسٹریلیا کے ہوم سیریز میں کچھ نئے لڑکوں کے ساتھ موقع دیا جائے گا اور بعض سینئرز کو آرام دیا جاسکتا ہے۔ورلڈ کپ سے قبل انگلینڈ کی سیریز میں جس ٹیم کا انتخاب ہوگا وہی ٹیم ورلڈ کپ کھیلے گی، ورلڈ کپ کے 16 کھلاڑی ہی انگلینڈ کے خلاف پانچ ون ڈے میچوں میں شرکت کریں گے۔ہوسکتا ہے کہ کچھ نئے کھلاڑی ورلڈ کپ پلان میں شامل ہو جائیں لیکن اس بات کا انحصار آسٹریلیا کی سیریز میں ٹیم کی کارکردگی پر ہوگا۔سرفراز احمد کا کہنا تھا کہ ورلڈکپ کی کپتانی ملنے سے پہلے مطمئن تھا کیوں کہ کرکٹ بورڈ کے چیئرمین احسان مانی مجھے بتا چکے تھے کہ آپ ہی کپتان بنیں گے اور یہ اعزاز ملنے کے بعد مجھ پر ذمہ داری بڑھ گئی ہے۔اپنی کارکردگی کے حوالے سے سرفراز احمد نے کہا کہ وہ کوشش کریں گے کہ ورلڈ کپ میں پانچویں یا چھٹے نمبر پر آئیں،میگا ایونٹ میں اپنی کارکردگی کے ذریعے فرنٹ سے لیڈ کرنا چاہتا ہوں۔

لاہور(ایمرا نیوزآن لائن) سرفراز احمد کو افریقن سیاہ فارم کو نسلی جملے بولنا مہنگا پڑگیا ہے، آئی سی سی نے ان پر چار میچوں کی پابندی عائد کردی ہے. پاکستان کرکٹ بورڈ نے اگلے چار میچوں کے لیے شعیب ملک کو پاکستان کرکٹ ٹیم کا کپتان مقرر کیا ہے اور ان کی کپتانی میں پاکستان نے جنوبی افریقہ کو چوتھے ون ڈے میں 8 وکٹوں سے شکست دی.اس جیت کو سرفراز احمد کی کپتانی کو مزید مشکل میں ڈال دیا ہے. یہ سوال بھی کھڑا ہورہا ہے کہ سرفراز احمد پابندی کے بعد پاکستان ٹیم کی نمائندگی کرسکیں گے یا نہیں؟ یہ خبریں بھی آرہی ہیں کہ کچھ سابق کرکٹرز یہ چاہتے ہیں کہ شعیب ملک کو کرکٹ ورلڈکپ کے لیے پاکستان کرکٹ ٹیم کا کپتان بنایا جائے، اور اس کے لیے انہوں نے ایک مہم بھی شروع کی رکھی ہے. اس بات کا بہت بڑا انحصار اس پر ہوگا کہ پاکستان کرکٹ ٹیم اگلے چار میچوں میں شعیب ملک کی قیادت میں کیسا پرفارمنس کرتی ہے.
ورلڈکپ کے لیے پاکستان کا کپتان کون ہوگا؟ اس بات کا فیصلہ تو پی سی بی چیئرمین احسان مانی نے ہی کرنے ہیں لیکن ہیڈ کوچ مکی آرتھر اور چیف سلیکٹر انضمام الحق چاہتے ہیں ودلڈکپ میں سرفراز احمد ہی پاکستان کرکٹ ٹیم کی نمائدگی کریں.ذرائع کے مطابق نئی سیریز کیلیے کپتان کا تقرر کرنے سے قبل مکی آرتھر، انضمام الحق ،بورڈ آف گورنرز اور پی سی بی کرکٹ کمیٹی سے مشاروت کی جائے گی۔لیکن شعیب ملک کی قیادت میں پاکستان کی چوتھے ون ڈے میں شاندار کارکردگی نے بہت سے پاکستانی اور انٹرنیشنل کرکٹرز کو بہت متاثر کیا ہے اور ان سب نے شعیب ملک کی کپتانی کی کافی تعریف بھی کی ہے.

ملتان:(سپورٹس ڈیسک/ایمرا نیوز) سابق اسٹار آل راؤنڈر وسیم اکرم کا کہنا ہے کہ سرفراز بہت اچھی کپتانی کررہا ہے اور اس کے علاوہ ایسا کوئی کھلاڑی نہیں جو کپتان بنے۔ملتان میں میڈیا سے بات کرتے ہوئے وسیم اکرم نے کہا کہ نوجوانوں کو کرکٹ کی طرف لانے کے لیے ایونٹ شروع ہو رہا ہے، اس میں یونیورسٹی اور مدرسے کے بچے بھی کھیلیں گے، ایونٹ کا مقصد برداشت ہے، کھیل میں ہار جیت ہوتی ہے لیکن ہار کے بعد برداشت سیکھنا ہے۔سرفراز احمد کو کپتانی سے ہٹائے جانے کے سوال پر وسیم اکرم نے کہا کہ جنوبی افریقا کا دورہ صرف پاکستان ہی نہیں ہر ٹیم کے لیے مشکل ہوتا ہے۔ سرفراز بہت اچھی کپتانی کررہا ہے، مجھے اس کھلاڑی کا نام بتادیا جائے جو سرفراز کے بجائے کپتان بن سکتا ہو، سرفراز کے بعد ایسا کوئی کھلاڑی نہیں جو کپتان بنے، سرفراز کے بعد عمران خان یا جاوید میاں داد نہیں بیٹھے جس میں سے کسی کو کپتان بنا دیا جائے۔

ابوظہبی: (سپورٹس ڈیسک/ایمرا نیوز) قومی کرکٹ ٹیم کے کپتان سرفراز احمد نے نیوزی لینڈ کیخلاف سیریز کی شکست کے بعد شدید رد عمل کا اظہار کرتے ہوئے ٹیسٹ ٹیم کی قیادت چھوڑنے کا عندیہ دے دیا۔ ان کا کہنا تھا کہ اب بہت ہو چکا لہٰذا نتائج کے بارے میں سنجیدگی سے سوچنا ہوگا۔قومی کپتان کے مطابق یہ کہنا فضول بات ہوگی کہ پلیئرز محنت نہیں کرتے یا کوچز بتاتے نہیں بلکہ اب وقت آگیا ہے کہ سب اپنی ذمہ داری کو سمجھیں۔ ٹیسٹ کرکٹ میں لمبی اننگز کے پلیئرز درکار ہیں جبکہ اوپنرز کو نئی گیند کے ساتھ وکٹ پر وقت گزارنے کی عادت ڈالنا ہوگی۔نیوزی لینڈ سے ٹیسٹ سیریز ہارنے کے بعد کپتان سرفراز احمد واپس گھر لوٹ آئے۔ صحافیوں سے گفتگو کرتے ہوئے انہوں نے کہا مواقع ملنے کے باوجود سیریز نہ جیت سکے، بیٹنگ میں زیادہ سکور کرنے کی ضرورت تھی، لمبی اننگز نہ کھیلنے کے باعث ٹیسٹ میں شکست ہوئی۔کپتان سرفراز احمد نے ہارنے کے باوجود نیوزی لینڈ کے سیریز کو اچھا قرار دیا اور اپنی کارکردگی پر گفتگو سے گریز کیا، اسد شفیق اور میر حمزہ بھی نجی ائیر لائن کی پرواز سے کراچی پہنچے۔