Tag shahid afridi

(ایمرا نیوزآن لائن) سابق کرکٹر شاہد آفریدی کی چھوٹی بیٹی اسمارا نے پاکستان کے لیے خوبصورت نظم پڑھی جسے سوشل میڈیا پر بے حد سراہا جارہا ہے۔

شاہد آفریدی کی اہلیہ نادیہ شاہد نے ٹوئٹر پر اپنی بیٹی اسمارا کی پاکستان کے لیے خوبصورت نظم سناتے ہوئے ایک ویڈیو شیئر کی۔

ویڈیو کے کیپشن میں نادیہ شاہد نے لکھا کے ’گھر واپس آنے پر خوش آمدید بابا۔‘ شاہد آفریدی کی صاحبزادی ویڈیو میں بے حد معصومیت کے ساتھ پاکستان کے لیے نظم پڑھتی دکھائی دے رہی ہیں جس کی تعریف کیے بغیر کوئی رہ نہ سکا۔

ٹوئٹر پر عائشہ نامی صارف نے دعا دیتے ہوئے لکھا کہ ’ ماشاءاللہ، اللہ ہمیشہ خوش رکھے‘۔ آفرین نامی صارف نے لکھا کہ ’ماشاءاللہ پیاری سی شہزادی اللہ بابا کا سایہ سلامت رکھے‘۔ بلال مظہر نامی صارف نے لکھا کہ ’اللہ آپ کو ہمیشہ خوش رکھے اور ساتھ ہی انہوں نے ہیش ٹیگ پاکستان زندہ باد بھی لکھا‘۔

( میڈیا 92 نیوز آن لا ئن) سانحہ ساہیوال کیس میں تمام ملزمان کی بریت پر شدید مایوسی کا اظہار کیا جا رہا ہے اور سابق پاکستانی کرکٹر شاہد آفریدی نے بھی اس فیصلے پر اپنا ردعمل ظاہر کیا۔

شاہد آفریدی نے مائیکرو بلاگنگ ویب سائٹ ٹوئٹر پر ساہیوال کے ہیش ٹیگ کے ساتھ حضور پاک صلی اللہ علیہ والہ وسلم کی ایک حدیث لکھی: ’تم سے پہلے لوگ تباہ ہوگئے تھے کیوں کہ وہ غریبوں کو قانونی سزا دیتے تھے اور امیروں کو معاف کرتے تھے۔ اللہ کی قسم اس کے ہاتھ میں میری جان ہے! اگر فاطمہ (رسول اکرم صلی اللہ علیہ والہ وسلم کی صاحبزادی) نے ایسا کیا (چوری کی)، میں اس کا ہاتھ کاٹ دوں گا۔‘

نبی (ﷺ) نے کہا ،

“تم سے پہلے لوگ تباہ ہوگئے تھے کیوں کہ وہ غریبوں کو قانونی سزا دیتے تھے اور امیروں کو معاف کرتے تھے۔ اللہ کی قسم اس کے ہاتھ میں میری جان ہے! اگر فاطمہ (رسول اللہ صلی اللہ علیہ وسلم کی بیٹی) نے ایسا کیا (چوری کی ) ، میں اس کا ہاتھ کاٹ دوں گا ”

شاہد آفریدی نے حدیث نبوی صلی اللہ علیہ والہ وسلم لکھنے کے بعد ہیش ٹیگ میں ساہیوال لکھا جس سے یہ بات ظاہر ہوتی ہے کہ انہوں نے سانحہ ساہیوال کے کیس کے فیصلے پر یہ ٹوئٹ کیا ہے۔

سانحہ ساہیوال کیس کا فیصلہ: واضح رہے کہ گزشتہ روز لاہور میں انسداد دہشت گردی کی خصوصی عدالت نے گزشتہ روز سانحہ ساہیوال کیس کا فیصلہ سناتے ہوئے تمام ملزمان کو شک کا فائدہ دے کر بری کردیا تھا۔ عدالت نے مقدمے میں مقتول ذیشان کے بھائی اور خلیل کے بچوں سمیت 49 گواہان کے بیانات قلمبند کیے تاہم تمام گواہان نے عدالت کے روبرو ملزمان کو شناخت کرنے سے انکار کردیا۔ مقدمے میں وکلا اور سرکاری گواہوں کے بیانات پر 9 ماہ بعد جرح مکمل ہونے کے بعد عدالت نے فیصلہ سناتےہوئے تمام 6 ملزمان کو شک کا فائدہ دیتے ہوئے بری کردیا۔

سانحہ ساہیوال کا پس منظر: یاد رہے کہ 19 جنوری کی سہ پہر سی ٹی ڈی نے ساہیوال کے قریب جی ٹی روڈ پر ایک گاڑی پر اندھا دھند فائرنگ کی جس کے نتیجے میں خلیل، اس کی اہلیہ، بیٹی اور محلے دار ذیشان گولیاں لگنے سے جاں بحق ہوئے جب کہ کارروائی میں تین بچے بھی زخمی ہوئے۔

واقعے کے بعد سی ٹی ڈی کی جانب سے متضاد بیانات دیے گئے، واقعے کو پہلے بچوں کی بازیابی سے تعبیر کیا بعدازاں ویڈیو منظر عام پر آنے کے بعد مارے جانے والوں میں سے ایک کو دہشت گرد قرار دیا گیا۔ تاہم میڈیا پر معاملہ آنے کے بعد وزیراعظم نے واقعے کا نوٹس لیا اور سی ٹی ڈی اہلکاروں کو حراست میں لے کر تحقیقات کے لیے جے آئی ٹی تشکیل دی گئی۔

میں نے سابق آرمی چیف راحیل شریف کے ساتھ میچ کھیلا جس میں جان بوجھ کر ہار مان لی تھی،راحیل شریف کو ایسی گیند کروائی کہ انہوں نے چوکا لگا دیا

(ایمرا نیوز آن لائن)
پاکستان کرکٹ ٹیم کے سابق کپتان چاہد آفریدی نے اپنے کیرئیر میں ایک فکسڈ میچ کھیلنے کا اعتراف کیا ہے۔لیکن دلچسپ بات یہ ہے کہ شاہد آفریدی کے میچ فکسڈ کھیلنے پر کسی پاکستانی کو بھی اعتراض نہیں ہو گا کیونکہ شاہد آفریدی نے یہ میچ وزیرستان میں کھیلا تھا جو کہ سابق آرمی چیف راحیل شریف کے ساتھ کھیلا گیا تھا۔

میڈیا رپورٹس میں بتایا گیاہے کہ شاہد آفریدی نے اپنی کتاب میں لکھا ہے کہ جب وہ اور راحیل شریف میچ کھیلنے جا رہے تھے تو راحیل شریف نے کہا کہ میں تمہاری گیند پر چوکا ماروں گا۔مجھے یہ معلوم نہیں تھا کہ وہ اپنا پلان بتا رہے ہیں یا پھر آرڈر دے رہے ہیں۔شاہد آفریدی کا کہنا تھا کہ میں چاہتا تو انہیں بولڈ کرسکتا تھا تاہم میں نے بہت آرام سے انہیں گیند کروائی کیونکہ وہ مجھ سے بڑے تھے۔

واضح رہے 2015ء میں یوم آزادی کے موقع پر آئی ڈی پیز کی مالی امداد کیلئے آرمی الیون اور پی سی بی الیون میں میچ کھیلا گیا تھا جس میں سابق آرمی چیف جنرل راحیل شریف نے گراؤنڈ کے اندر بھی دھاک بٹھا دی تھی ، سٹار کرکٹر شاہد آفریدی کی گیند پر چوکا لگای تھا۔اس دوران سابق ڈی جی آئی ایس پی آر میجر جنرل عاصم سلیم باجوہ نے وکٹ کیپر کے فرائض سرانجام دئیے۔

فنڈ ریزنگ میچ کے مہمان خصوصی سابق آرمی چیف جنرل راحیل شریف تھے۔میچ شروع ہونے سے قبل راحیل شریف سے گراؤنڈ میں دونوں ٹیموں کا تعارف کرایا گیا۔اس موقع پرپاک فوج اور پی سی بی کے دیگر حکام بھی موجود تھے۔کھلاڑیوں سے تعارف کرانے کے بعد شاہد آفرید ی نے راحیل شریف کے ہاتھ میں بیٹ تھمادیا اور ’’پچ ‘‘پر لے آئے جہاں شاہد آفریدی نے گیندکرائی جس پر راحیل شریف نے شاندار چوکا لگاکرمیچ کا آغاز کیا، آرمی الیون کی قیادت شاہد آفرید ی نے کی تھی ، دوستانہ میچ میں محمد حفیظ ،احمد شہزاد،اظہر علی، مصباح الحق،محمد رضوان ،یاسر حمید،سہیل تنویر، باؤلنگ کوچ محمد اکرم اور ان کے علاوہ انڈر 19 سے بھی کھلاڑی شامل تھے۔

کراچی(ایمرا نیوزآن لائن) پاکستان کرکٹ ٹیم کے سابق کپتان شاہد آفریدی کا کہنا ہے کہ سرفراز جتنا اوپر کے نمبروں پر بیٹنگ کریں گے اسکا ٹیم کو فائدہ ہوگا، وہ جارح مزاج اور مثبت پلیئر ہیں، امید ہے ورلڈ کپ میں ٹیم کو اچھی طرح لیڈ کریں گے۔کراچی میں میڈیا سے بات کرتے ہوئے شاہد آفریدی نے کہا کہ انہیں امید ہے کہ سرفراز احمد ورلڈ کپ میں اچھے نتائج دیں گے۔

آفریدی کا کہنا تھا کہ بڑے ایونٹ میں پلیئرز کو محنت کرنا ہوگی کیوں کہ ون ڈے فارمیٹ میں ٹیم کو ہمیشہ مشکل ہوئی ہے لیکن ٹیم میں صلاحیت ہیں کہ وہ ٹاپ فور میں جگہ بنائیں ۔سابق آل راؤنڈر نے کہا کہ انہوں نے ہمیشہ وہاب ریاض اور عامر کی حمایت کی، انہیں ٹیم میں ہونا چاہئے۔

لاہور: (ایمرا نیوزآن لائن) شاہد آفریدی نے اپنی سوانح حیات ‘گیم چینجر’ میں یونس خان کیخلاف 2009 میں ہونیوالی بغاوت کا راز بھی فاش کر دیا۔سابق آل راؤنڈر نے انکشاف کیا کہ ایک سینئر بیٹسمین نے یونس خان کیخلاف بغاوت کی اور چیمپئنز ٹرافی کے دوران دیگر کھلاڑیوں کو بھی اکسایا جس کا ساتھ دینے والوں میں رانا نوید الحسن، شعیب ملک اور سعید اجمل بھی شامل تھے۔شاہد آفریدی نے زندگی کا دردناک ترین واقعہ بیان کرتے ہوئے لکھا کہ ایک بار کاروباری نقصان کی وجہ ہم نے اپنا گھر بیچنے کا بھی سوچ لیا تھا۔

ادھر شاہد آفریدی کی گیم چینجر آپ بیتی کتاب آج کھل جائے گی، لیجنڈری جاوید میانداد اور وقار یونس کی کوچنگ پر بوم بوم بیان داغنے، شعیب ملک کے چھکے چھڑانے اور فکسرز کو آل آؤٹ کر دینے کے علاوہ کیا ہے، سب سامنے آ جائے گا، تنازعات بھری اننگز نے کرکٹ دیوانوں کو بے قرار کر دیا۔

شاہد آفریدی نے 99 ٹی ٹونٹی میچوں میں 1415 رنز4 نصف سنچریوں کی مدد سے بنائے
لاہور (ایمرا نیوز آن لائن)کرکٹ کی دنیا میں بوم بوم آفریدی کے نام سے شہرت پانے والے کرکٹر شاہد آفریدی نے زندگی کی 39 بہاریں دیکھ لیں۔شاہد خان آفریدی یکم مارچ 1980 کو خیبرایجنسی میں پیدا ہوئے، جارحانہ بیٹنگ کی وجہ سے دنیا بھرمیں بوم بوم کے نام سے مشہور آفریدی نے کرکٹ کی دنیا میں قدم 1996 میں رکھا اور چھاگئے۔ آفریدی نے 27 ٹیسٹ میں 5 سنچریز اور8 نصف سنچریوں کی مدد سے 1716 رنز بنائے جب کہ ان کا بہترین سکور156 رنزرہا۔آفریدی سری لنکا کے خلاف 37 بالزپرتیزترین سنچری کا ریکارڈ بنا کردنیا بھرمیں مشہور ہوگئے۔ ان کا ریکارڈ پہلے نیوزی لینڈ کے کورے اینڈرسن اور پھر جنوبی افریقا کے اے بی ڈی ویلیئرز نے توڑ کر اپنے نام کرلیا۔ 398 ون ڈے میچز میں شاہد آفریدی نے 8064 رنزاسکور کئے جس میں 6 سنچریاں اور39 نصف سنچریاں شامل ہیں جب کہ 99 ٹی ٹونٹی میچوں میں آفریدی نے 1415 رنز4 نصف سنچریوں کی مدد سے بنائے۔شاہد خان آفریدی کو ٹی 20 میں سب سے زیادہ 98وکٹیں لینے کا ریکارڈ حاصل ہے۔شاہد آفریدی کی جارحانہ بلے بازی شائقین کھیل کے دلوں کو گرمانے کے ساتھ ساتھ انکی نبض بھی تیزکردیتی ہے جب کہ بوم بوم کی بالنگ پرمخالف بلے بازوں کی وکٹیں اڑنے کا منظرہمیشہ مداحوں کی بے پناہ خوشی اورمسرت کا باعث بنتا ہے دوسری جانب آفریدی کی سالگرہ پر ان کے مداحوں اور شائقین کرکٹ کی جانب سے کی جانب سے سوشل میڈیا پر پیغامات اور مبارکباد کا سلسلہ جاری ہے۔

ہم امن سے محبت کرنے والی قوم ہیں اورحالیہ کشیدگی کا واحد حل دونوں ملکوں کے مذاکرات ہیں، ہم دشمنوں کے ساتھ بھی ایسا سلوک کرتے ہیں، بھارتی پائلٹ کی تصویر بھی شیئر کردی
دبئی(ایمرا نیوز آن لائن)سابق کپتان شاہد آفریدی نے ٹوئٹر پر بھارتی پائلٹ ونگ کمانڈر ابھی نندن کی ویڈیو شیئر کرتے ہوئے کہا کہ ہمیں اپنی مسلح افواج پر فخر ہے۔ ہم دشمنوں کے ساتھ بھی ایسا سلوک کرتے ہیں، بھارت کی جانب سے شروع کیا جانے والا جنگ کا فتور ختم ہونا چاہیے۔شاہد آفریدی نے مزید کہا کہ ہم امن سے محبت کرنے والی قوم ہیں اورحالیہ کشیدگی کا واحد حل دونوں ملکوں کے مذاکرات ہیں جس کا وزیر اعظم عمران خان اپنی تقریر میں بھی ذکر کرچکے ہیں۔خیال رہے کہ شاہد آفریدی نے بھارتی پائلٹ ونگ کمانڈر ابھی نندن کی وہ ویڈیو شیئر کی ہے جس میں اسے چائے پیتے ہوئے دیکھا جاسکتا ہے۔ اس ویڈیو میں بھارتی پائلٹ نے مشتعل ہجوم سے اپنی جان بچانے والے پاک فوج کے افسران کا شکریہ بھی ادا کیا ہے۔

لاہور(ایمرا نیوز)
انٹرویو:-شان علی
کرکٹ کی دنیا میں بوم بوم آفریدی کے نام سے شہرت پانے والے پاکستانی سٹار کرکٹر شاہد خان آفریدی کا نام دنیا کے بہترین آل راﺅنڈرز میں شمار ہوتا ہے۔ وہ یکم مارچ 1980ءکو کوہاٹ میں پیدا ہونے والے شاہد خان آفریدی کا پورا نام ”صاحبزادہ محمد شاہد خان آفریدی“ ہے اور وہ یکم مارچ 1980ءکو کوہاٹ میں پیدا ہوئے۔پورا نام عمر شاہد خان آفریدی ہے ۔ شاہد آفریدی نے کراچی کی گلیوں سے کرکٹ کا آغاز کیا۔آفریدی نے 1996ءمیں مشتاق احمد کے زخمی ہونے پر متبادل کی حیثیت سے بطور لیگ سپنر ون ڈے سے کیرئیر کا آغازکرنے والے سری لنکا کے خلاف دوسرے ہی میچ میں 37بالزپر تیز ترین سنچری کا ریکارڈقائم کر کے شہرت حاصل کی دنیا بھر میں ان کا ریکارڈ پہلے نیوزی لینڈ کے کورے اینڈرسن اور پھر جنوبی افریقہ کے ڈی ویلیئرز نے توڑا۔ ان کو یہ نام بھارت کے معروف کرکٹر اور کمنٹیٹر روی شاستری نے اس وقت دیا جب شاہد آفریدی نے بھارت کی سر زمین پرمحض 45گیندوں میں انڈیا کی خوب دھلائی کی۔

شاہد آفریدی نے ٹیسٹ ڈیبو 1998ءمیں آسٹریلیا کے خلاف کیا۔ انہوں نے 27ٹیسٹ میچوں میں 1716 رنز جن میں 5سنچروں اور 8نصف سنچریوں شامل ہیں، بہترین سکور 158 جبکہ 48وکٹیں حاصل کرنے میں کامیاب ہوئے۔ بہترین باﺅلنگ 52رنز کے عوض پانچ وکٹیں لیں۔ 398 ون ڈے میچز میں شاہد آفریدی نے 8064 رنزمیں 6سنچریاں 395وکٹیں حاصل کر کے وہ ون ڈے کرکٹ کے ساتویں کامیاب ترین باﺅلر بھی قرار پائے۔ بہترین باﺅلنگ 12رنز دیکر 7وکٹیں ہیں۔91ٹی ٹونٹی میچوں میں آفریدی نے 1315رنز 4نصف سنچریز کی مدد سے بنائے۔ وہ 91وکٹیں لیکر مختصر طرزکی کرکٹ کے کامیاب ترین باﺅلر قرار پائے اور بہترین باﺅلنگ 11رنز کے عوض 4وکٹیں ہیں۔

شاہد خان آفریدی ایسے کھلاڑی ہیں جن کا نام ذہن میں آتے ہی چھکوں کی بارش، چوکوں کی برسات اور دنیا کی پہلی تیز ترین سنچری کا خیال ذہن میں گونجتا ہے ۔ یہ دنیا میں سب سے زیادہ چھکے لگانے والے بیٹسمین اور کئی تیز ترین اننگز کھیلنے کے ساتھ ساتھ پاکستان کی جانب سے تیز ترین اور دنیا کی دوسری تیز ترین ٹیسٹ اور 9ویں تیز ترین نصف سنچری بنانے کا اعزاز بھی انہی کے نام ہے۔دنیا نے کرکٹ میں شاہد خان آفریدی نے اپنے آل راﺅنڈر ہونے کا لوہا منوایا۔

شاہد خان آفریدی جنہوں نے منفرد انداز سے دنیا کو ورطہ حیرت میں مبتلا کئے رکھا۔1999ءمیں بھارت کے خلاف چنئی میں ان کی کھیلی گئی شاندار سنچری جس کی بدولت پاکستان فتح سے ہمکنار ہوا کوکبھی فراموش نہیں کیا جا سکتا۔انہوں نے تیز ترین سنچریاں، نصف سنچریاں، کیرئیر میں سب سے زیادہ چھکے اور سب سے زیادہ سٹرائیک ریٹ کا عالمی ریکارڈ اپنے نام کرنے کا اعزاز حاصل کیا ہے۔ ایک کمزور پاکستانی ٹیم کی قیادت کرتے ہوئے ٹیم کو سیمی فائنل میں پہنچانے میں کامیاب رہے اور مذکورہ عالمی کپ میں سب سے زیادہ 21وکٹیں حاصل کرنے والے باﺅلر ہیں۔ شاہد آفریدی کی غیر مستقل مزاجی نے ان کے لئے کافی مشکلات پیدا کیں۔ انہوں نے 2015ءکے ورلڈ کپ کے بعد ون ڈے کرکٹ سے ریٹائرمنٹ لے لی۔پاکستان کرکٹ ٹیم کے سابق کپتان شاہد آفریدی کا کہنا ہے کہ جتنی انٹرنیشنل کرکٹ مجھے کھیلنا تھی میں کھیل چکا ہوں،اب میری توجہ ٹی ٹونٹی ہے میں ٹی ٹونٹی 20لیگز ہی کھیلوں گا۔

پاکستان کو سرفراز احمد جیسے فائٹر کپتان کی ضرورت ہے اور اگر بورڈ انہیں تینوں فارمٹ کیلئے ٹیم کا کپتان بنانا چاہتے ہیں تو یہ پاکستان کے لئے ایک خوش آئن قدم ہو گا۔

شمالی وزیرستان:(نیٹ نیوز/ایمرا نیوز) وزیراعظم عمران خان، سربراہ پاک فوج جنرل قمر جاوید باجوہ کے ہمراہ میران شاہ پہنچے جہاں انہیں سیکیورٹی صورتحال پر بریفنگ دی گئی۔ترجمان پاک فوج میجر جنرل آصف غفور نے ٹوئٹر بیان میں کہا کہ وزیراعظم عمران خان اور آرمی چیف نے شمالی وزیرستان کا دورہ کیا، انہیں استحکام کے لیے جاری آپریشنز، سماجی و معاشی منصوبوں اور ٹی ڈی پیز کی بحالی پر بریفنگ دی گئی۔ترجمان پاک فوج کا کہنا تھا کہ وزیراعظم غلام خان ٹرمینل کا دورہ اور پاک افغان سرحد پر باڑ کا معائنہ بھی کریں گے، بعدازاں وزیراعظم میران شاہ میں جرگے سے خطاب بھی کریں گے۔

شارجہ (ایم نائن ٹو) بالی وڈ اداکارہ زرین خان بھی بوم بوم شاہد خان آفریدی کی مداح نکلیں۔بھارتی اداکارہ کا کہنا تھا کہ کھیل کو سیاست سے دور رکھنا چاہئے۔ پاکستان اور ہندوستان کے عوام ایک دوسرے سے محبت کرتے ہیں۔شارجہ کرکٹ اسٹیڈیم میں ہونے والے کرکٹ ایونٹ ٹی 10لیگ میں وہ بالی وڈ اداکاروں کے ساتھ جلوہ گرہیں۔خصوصی گفتگو کرتے ہوئے بالی ووڈ اسٹار کا کہنا تھا کہ کرکٹ کا تو مجھے زیادہ پتہ نہیں لیکن شاہد آفریدی بہت پسند ہیں۔ اداکارہ نے کھیل کو سیاست سے دور رکھنے کا مشورہ دیا۔انہوں نے کہا کہ سرحدوںکی اطراف عوام ایک دوسرے سے محبت کرتے ہیں۔ اداکارہ نے اپنے پختون ہونے پر فخر کا بھی اظہار کیا۔