Tag shahid khaqan abbasi

اسلام آباد(ایمرا نیوز آن لائن)ایل این جی ریفرنس میں ن لیگی رہنما شاہد خاقان عباسی کے جوڈیشل ریمانڈ میں 4 فروری تک توسیع، سماعت 4 فروری تک ملتوی کر دی گئی۔
ایل این جی ریفرنس، سابق وزیراعظم شاہد خاقان عباسی و دیگرملزمان کو عدالت پیش کیا گیا، ن لیگی رہنما مفتاح اسماعیل حاضری سےاستثنیٰ کے باعث پیش نہ ہوئے۔عدالت نے چیئرپرسن اوگراعظمیٰ عادل، سابق چیئرمین سعید احمد کو حاضری یقینی بنانے کیلئے ایک کروڑ کے مچلکے جمع کرانے کا حکم دیا، فاضل جج نے ریمارکس دیئے کہ ایک مفرورملزم کی وجہ سے فرد جرم عائد نہیں کر سکتے، رپورٹ آ جائے پھر کارروائی آگے بڑھے گی۔ انہوں نے نیب سے مفرورملزم شاہد اسلام کے وارنٹ گرفتاری کی رپورٹ بھی طلب کر لی۔ عدالت نے ن لیگی رہنما شاہد خاقان عباسی کے جوڈیشل ریمانڈ میں 4 فروری تک توسیع کرتے ہوئے ایل این جی ریفرنس کی سماعت 4 فروری تک ملتوی کر دی۔

اسلام آباد(ایمرا نیوزآن لائن) کے نجی اسپتال میں سابق وزیراعظم شاہد خاقان عباسی کے ہرنیا کا آپریشن کر دیا گیا۔

ایل این جی کیس میں گرفتار شاہد خاقان عباسی کو گزشتہ 4 سال سے ہرنیا کی تکلیف تھی اور انہیں 4 نومبر کو اسلام آباد کے نجی اسپتال میں منتقل کیا گیا تھا۔ شاہد خاقان عباسی کا بلڈ پریشر زیادہ ہونے کی وجہ سے 4 نومبر کو آپریشن مؤخر کر دیا گیا تھا۔

محکمہ داخلہ پنجاب کی شاہد خاقان عباسی کو اسپتال منتقل کرنے کی ہدایت ذرائع کے مطابق شاہد خاقان عباسی کے ہرنیا کا آپریشن کر دیا گیا ہے اور انہیں ہوش میں آنے میں مزید 3 سے 4 گھنٹے لگیں گے۔

ذرائع کا بتانا ہے کہ شاہد خاقان عباسی کو آپریشن کے بعد کم از کم 7 دن تک اسپتال رکھا جائے گا اور میڈیکل بورڈ نے شاہد خاقان عباسی کے اسپتال میں مزید قیام سے متعلق حکومت کو آگاہ کر دیا تھا۔

ایل این جی (ایمرا نیوزآن لائن) کیس میں گرفتار سابق وزیراعظم شاہد خاقان عباسی کو طبیعت خراب ہونے پر پمز اسپتال منتقل کیا گیا جہاں ان کا طبی معائنہ کرایا گیا۔

قومی احتساب بیورو (نیب) نے مسلم لیگ ن کے سینئر نائب صدر اور سابق وزیر پیٹرولیم شاہد خاقان عباسی کو ایل این جی کیس میں 18 جولائی کو گرفتار کیا تھا۔ نیب کی جانب سے شاہد خاقان عباسی کے خلاف تاحال ریفرنس دائر نہیں کیا گیا اور احتساب عدالت کی جانب سے شاہد خاقان عباسی کے ریمانڈ میں کئی بار توسیع کی جا چکی ہے۔

28 اکتوبر کو شاہد خاقان عباسی نے احتساب عدالت میں بتایا تھا کہ میڈیکل بورڈ کی جانب سے ان کی سرجری تجویز کی گئی ہے لہذا عدالت اجازت دے کہ میں اپنے خرچ پر شفا انٹرنیشنل اسپتال سے علاج کراؤں۔ شاہد خاقان نے عدالت سے یہ استدعا بھی کی کہ ان کا کیس میڈیا پر براہ راست دکھایا جائے تاکہ پورا پاکستان دیکھے کہ منتخب نمائندے کتنے کرپٹ ہیں۔

احتساب عدالت نے نیب کی استدعا پر سابق وزیراعظم شاہد خاقان عباسی کے ریمانڈ میں 19 نومبر تک توسیع کر رکھی ہے۔ اب اطلاعات ہیں اڈیالہ جیل میں شاہد خاقان عباسی کی طبعیت ناساز ہونے پر جیل حکام انہیں معائنےکے لیے پمز لیکر آئے۔

ترجمان پمز اسپتال ڈاکٹر وسیم نے بتایا کہ شاہد خاقان عباسی نے کارڈیک سینٹر میں اپنا چیک اپ کرایا۔ ڈاکٹر وسیم کے مطابق شاہد خاقان عباسی کے دل،گردے اور ہرنیا کا چیک اپ کیا گیا، چیک اپ کے بعد شاہد خاقان عباسی پمز سے روانہ ہو گئے۔

اسلام آباد(ایمرا نیوز آن لائن)ایل این جی کیس میں گرفتار سابق وزیراعظم شاہد خاقان عباسی کو طبیعت خراب ہونے پر پمز اسپتال منتقل کیا گیا جہاں ان کا طبی معائنہ کرایا گیا۔
قومی احتساب بیورو (نیب) نے مسلم لیگ ن کے سینئر نائب صدر اور سابق وزیر پیٹرولیم شاہد خاقان عباسی کو ایل این جی کیس میں 18 جولائی کو گرفتار کیا تھا۔نیب کی جانب سے شاہد خاقان عباسی کے خلاف تاحال ریفرنس دائر نہیں کیا گیا اور احتساب عدالت کی جانب سے شاہد خاقان عباسی کے ریمانڈ میں کئی بار توسیع کی جا چکی ہے۔

28 اکتوبر کو شاہد خاقان عباسی نے احتساب عدالت میں بتایا تھا کہ میڈیکل بورڈ کی جانب سے ان کی سرجری تجویز کی گئی ہے لہذا عدالت اجازت دے کہ میں اپنے خرچ پر شفا انٹرنیشنل اسپتال سے علاج کراؤں۔شاہد خاقان نے عدالت سے یہ استدعا بھی کی کہ ان کا کیس میڈیا پر براہ راست دکھایا جائے تاکہ پورا پاکستان دیکھے کہ منتخب نمائندے کتنے کرپٹ ہیں۔احتساب عدالت نے نیب کی استدعا پر سابق وزیراعظم شاہد خاقان عباسی کے ریمانڈ میں 19 نومبر تک توسیع کر رکھی ہے۔

اب اطلاعات ہیں اڈیالہ جیل میں شاہد خاقان عباسی کی طبعیت ناساز ہونے پر جیل حکام انہیں معائنےکے لیے پمز لیکر آئے۔ترجمان پمز اسپتال ڈاکٹر وسیم نے بتایا کہ شاہد خاقان عباسی نے کارڈیک سینٹر میں اپنا چیک اپ کرایا۔ڈاکٹر وسیم کے مطابق شاہد خاقان عباسی کے دل،گردے اور ہرنیا کا چیک اپ کیا گیا، چیک اپ کے بعد شاہد خاقان عباسی پمز سے روانہ ہو گئے۔

(میڈیا 92 نیوز آن لائن) ایل این جی کیس میں گرفتار سابق وزیراعظم پاکستان شاہد خاقان عباسی، سابق وزیر خزانہ مفتاح اسماعیل اور سابق ایم ڈی پی ایس او عمران الحق کو جوڈیشل ریمانڈ مکمل ہونے پر جیل سے لا کر احتساب عدالت کے جج محمد بشیر کے روبرو پیش کیا گیا۔

سماعت شروع ہوئی تو بیرسٹر ظفر اللہ نے عدالت سے استدعا کی کہ سماعت سے قبل شاہد خاقان عباسی سے ملاقات کی اجازت دی جائے، مفتاح اسماعیل کے وکیل نے بھی اپنے موکل سے ملاقات کی اجازت طلب کی جسے عدالت نے منظور کر لیا۔

شاہد خاقان عباسی کے اہل خانہ کو جج کی مداخلت پر کمرہ عدالت میں داخلے کی اجازت ملی۔ سعدیہ عباسی نے روسٹرم پر آ کر بتایا کہ شاہد خاقان عباسی کے اہل خانہ کو کمرہ عدالت میں داخلے سے روک دیا گیا ہے۔ فیملی ممبرز کو عدالت نے کورٹ روم آنے کی اجازت دے رکھی ہے، پھر ایسا رویہ کیوں اختیار کیا جا رہا ہے؟ جج احتساب عدالت نے عدالتی عملے کو ہدایت کی کہ شاہد خاقان عباسی کے جن فیملی ممبرز کے نام لسٹ میں شامل ہیں انہیں کمرہ عدالت میں آنے دیں۔

مصدق ملک اور عدالتی عملے میں تکرار:ابھی سماعت کا باقاعدہ آغاز نہیں ہوا تھا کہ عدالتی اہلکار نے جج کو شکایت کی کہ مصدق ملک نے کمرہ عدالت میں داخلے کے وقت انہیں گالیاں دی ہیں۔ سینیٹر مصدق ملک کو روسٹرم پر بلا یا گیا تو انہوں نے وضاحت کی کہ کمرہ عدالت کے داخلی دروازے پر ڈیوٹی پر مامور عدالتی اہلکار نے بدتہذیبی کی اور دھکے مارے ہیں۔

جج نے استفسار کیا کہ گالیاں کیوں دی ہیں؟ گالی تو نہیں دینی چاہئے۔ مصدق ملک نے کہا انہیں کہیں کہ یہ قرآن پر حلف اٹھائیں، میں بھی حلف اٹھاتا ہوں کہ گالیاں نہیں دیں جس پر معاملہ رفع دفع کر دیا گیا۔

شاہد خاقان عباسی کا کمرہ عدالت میں روسٹرم پر بیان: سماعت کا آغاز ہوا تو شاہد خاقان عباسی روسٹرم پر آئے اور عدالت کو بتایا کہ میڈیکل بورڈ نے سرجری کرانے کی سفارش کی ہے، میں اپنے خرچے پر شفا انٹرنیشنل اسپتال سے علاج کرانا چاہتا ہوں، اپنے خرچے پر مرضی کے اسپتال سے سرجری کرانے کی اجازت دی جائے۔

ان کا کہنا تھا کہ ڈیڑھ سال سے تفتیش ہو رہی ہے، 100 دن سے قید ہوں، ابھی تک چارج بھی فریم نہیں ہوا۔ استدعا ہے کہ عدالتی کارروائی کی ٹی وی چینلز پر لائیو کوریج دکھائی جائے، تمام پاکستان دیکھے کہ منتخب نمائندے کتنے کرپٹ ہیں۔

جج نے استفسار کیا کہ عدالت میں ٹرائل کی لائیو کوریج کیسے ہو سکتی ہے؟ بیرسٹر ظفر اللہ نے کہا کہ بیرون ملک کئی عدالتوں کے ٹرائل لائیو دکھائے جاتے ہیں۔ جج نے کہا لاہور ہائی کورٹ نے لائیو کوریج سے منع کر رکھا ہے، آپ لاہور ہائی کورٹ کا حکم پڑھ لیں موجود ہے۔

شاہد خاقان کا جیل سہولیات واپس کرنے کا بیان: شاہد خاقان عباسی نے کہا کہ جیل میں سہولیات ملنے سے وزیراعظم اور وزیر اعلی پریشان رہتے ہیں، ان کی پریشانی مجھ سے دیکھی نہیں جاتی، سوچتا ہوں کہ سہولیات واپس کر کے ان کی پریشانی ختم کر دوں۔

شاہدخاقان عباسی نے استدعا کی کہ مجھے جیل میں کیس کی تیاری کے لیے لیپ ٹاپ کی سہولت دی جائے جس کی نیب پراسیکیوٹر نے مخالفت کی اور کہا کہ قانون کے مطابق جیل کے قیدی کو لیپ ٹاپ کی سہولت نہیں دی جا سکتی، جس پر شاہد خاقان عباسی نے جواب دیا کہ اگر مجھے کیس میں دفاع کے لیے لیپ ٹاپ کی سہولت نہیں مل سکتی تو ان سے بھی کہیں کہ لیپ ٹاپ کے بغیر ریفرنس بنائیں۔

جیل حکام کو شوکاز نوٹس جاری کرنے کی استدعا: مفتاح اسماعیل کے وکیل حیدر وحید عدالت میں پیش ہوئے اور کہا کہ کسی بھی ملزم کو بلاوجہ ایک دن بھی جیل میں نہیں رکھا جا سکتا مگر قوم کی خدمت کرنے والے بغیر کسی چارج کے جیل میں ہیں۔

انہوں نے کہا کہ مفتاح اسماعیل کو شاہد خاقان عباسی سے ملاقات کی اجازت بھی نہیں دی گئی، دونوں کی اتوار کو جیل میں ملاقات کرانے کا بیان عدالت میں دیا گیا تھا مگر اس پر عمل نہیں کیا گیا اس لیے جیل حکام کو شوکاز نوٹس جاری کیا جائے۔

عدالت نے ایل این جی کیس میں گرفتار تینوں ملزمان کو اتوار کو ملنے کی اجازت دے دی، وکلاء کو بھی ملزمان سے ملاقات کے لیے جیل حکام کو ایک دن مقرر کرنے کا حکم دیا۔ عدالت نے جیل حکام سے شاہد خاقان عباسی کی میڈیکل رپورٹ طلب کرتے ہوئے ملزمان کے جوڈیشل ریمانڈ میں 19 نومبر تک توسیع کرتے ہوئے سماعت ملتوی کر دی۔

( میڈیا 92 نیوز آن لا ئن) تاریخِ پاکستان کا طالبعلم ہونے کی حیثیت سے یہ میرا ’اندازہ‘ یا پیش گوئی ہے، جو غلط بھی ثابت ہو سکتی ہے۔ مجھے یوں لگتا ہے جیسے اب پاکستان کے ہر وزیراعظم کا مقدر جیل ہوگا، چاہے وہ چند ماہ وزیراعظم رہا ہو یا تین بار منتخب ہو کر وزارتِ عظمیٰ پر متمکن ہوا ہو۔

شاہد خاقان عباسی، احسن اقبال کی مانند گرفتار نہ کئے جاتے لیکن شومئی قسمت کہ وہ کچھ ماہ کے لئے وزیراعظم بن گئے۔ وزیراعظم بننے کے بعد نیب کے ہاتھوں اُن کی گرفتاری اوپن سیکرٹ (open secret)تھا کیونکہ مقصد وزیراعظم کو گرفتار کرنا اور ذلیل کرنا تھا نہ کہ شاہد خاقان عباسی کو کسی آزمائش میں ڈالنا۔

راجہ پرویز اشرف، یوسف رضا گیلانی یا کوئی اور نامزد تابع فرمان وزیراعظم ہر کسی کو بہرحال جیل جانا پڑا۔ اس لئے وہ تمام سیاستدان جو وزارتِ عظمٰی کا خواب دیکھ رہے ہیں یا یہ تمنا پال رہے ہیں ابھی سے جیل جانے کی پریکٹس کرلیں تاکہ بعد ازاں ’’تکلیف‘‘ کی شکایت نہ کریں۔ میں علمِ نجوم یا پامسٹری یا روحانیت کا طالبعلم نہیں کہ مجھے اپنی پیشین گوئی پر سو فیصد اعتماد ہو، میں تو تاریخ کا ادنیٰ سا طالبعلم ہوں اور اسی حوالے سے اندازے لگاتا اور مستقبل میں جھانکتا ہوں۔ رات سابق وزیراعظم میاں محمد نواز شریف کی خطرناک بیماری، اسپتال آمد، مسلم لیگی قیادت کا احتجاج اور حکومتی ترجمانوں کے طنز سن کر مجھے بار بار احساس ہوتا رہا کہ اس سارے واقعہ میں عبرت کا بے پناہ سامان پوشیدہ ہے۔

لندن سے علاج کروانے کے عادی سابق وزیراعظم کی بے بسی، جیل میں بیماری اور نگرانی کرنے والوں کی سرد مہری، سابق طاقتور وزیراعلیٰ کی آنکھوں میں آنسو، اُن کی کمر درد کو فراموش کرکے بار بار اسی اسپتال کی ’مریض گردشوں‘ میں خواری جہاں کبھی ان کی آمد پر چڑی بھی پر نہیں مارتی تھی، ادھر بیمار مریم نواز کا جیل میں تڑپنا اور باپ سے ملنے کے لئے بے چین ہونا… یہ سب سوچنے اور غور کرنے کے مقامات ہیں، اس قدر طاقتور انسان کس قدر کمزور اور بے بس بھی ہو سکتا ہے۔ پھر بھی ہم نظامِ قدرت پر غور نہ کریں اور سبق نہ سیکھیں تو آنکھوں سے پردے کیونکر ہٹیں۔

سیاست اپنی جگہ، انسانیت اپنی جگہ… سچ پوچھئے تو میں یہ سوچ کر غم کی وادیوں میں کھو جاتا ہوں کہ میاں نواز شریف زندگی و موت کی کشمکش میں مبتلا اپنی رفیقہ حیات کو لندن میں چھوڑ کر جیل جانے کے لئے پاکستان آئے، مریم کو بھی جیل کاٹنے کے لئے ساتھ لے آئے۔

باپ بیٹی جیل کی سلاخوں کے پیچھے تڑپ رہے تھے جب محترمہ کلثوم نواز کی وفات کی خبر آئی۔ بے بسی کی انتہا دیکھئے کہ میاں صاحب اپنی بیگم کی وفات سے کچھ دیر قبل ان سے لندن میں بات کرنا چاہتے تھے لیکن بار بار درخواست کے باوجود سپرنٹنڈنٹ جیل نے بات نہ کروائی۔ کہاں وزیراعظم جس کے نام سے سرکاری افسران سہم جاتے تھے اب گریڈ 18کے افسر کی منت سماجت پر مجبور تھا۔ بیگم کلثوم کی وفات کی خبر مریم کو پہنچی تو وہ صدمے سے ڈھیر ہو گئی۔

میاں صاحب کو اس کی زندگی کے لالے پڑ گئے۔ درمیانی عرصے کی تفصیلات کو چھوڑیے موجودہ منظر نامے پر نگاہ ڈالیے۔ میاں صاحب شدید بیمار ہیں، ڈاکٹر پریشان ہیں کہ بلڈ ٹیسٹ کے نتائج تشویشناک ہیں۔ حکومت ان کو پے رول پر رہا کرکے علاج کے لئے لندن جانے کی اجازت دینے پر مائل نہیں حالانکہ اگر ایسا کر دے تو اس سے حکومتی گراف بہتر ہوگا۔

داماد کیپٹن صفدر کو ایک ایسے الزام میں گرفتار کیا گیا ہے جسے سن کر ہنسی آتی ہے اور جس کے تحت کم سے کم نصف کابینہ کے خلاف مقدمہ درج ہو سکتا ہے۔ مقامِ غور یہ ہے کہ آج تک نہ کرپشن ثابت ہوئی ہے نہ ایک دھیلا وصول ہوا ہے، تاہم گزشتہ ڈیڑھ سال سے یکطرفہ پروپیگنڈہ جاری ہے اور پروپیگنڈے کا بہرحال اثر ہوتا ہے۔ میں یہ کیوں کہتا ہوں کہ پاکستان کے ہر وزیراعظم کا مقدر جیل ہے اس لئے وزیراعظم بننے کے خواہشمند امیدواروں کو اس کی تیاری کرنا چاہئے۔

ذرا اپنی تاریخ پر نگاہ ڈالیے، پاکستان کا پہلا وزیراعظم جسے قید و بند کی صعوبتیں برداشت کرنا پڑیں وہ حسین شہید سہروردی تھا جس نے تحریک آزادی میں بڑھ چڑھ کر حصہ لیا، بنگال کا وزیراعلیٰ رہا، 1946کے دہلی کنونشن میں پاکستان کے حصول کیلئے قرارداد پیش کی۔

سہروردی پہلا وزیراعظم تھا جس نے چین کا دورہ کیا لیکن اسے ایوبی مارشل لاء کے دور میں 1962میں گرفتار کر لیا گیا۔ قصور یہ تھا کہ اس نے ڈٹ کر مارشل لاء کی مخالفت کی تھی۔ آمر حکومت نے اس کی ایسی کردار کشی کی کہ اسے مشکوک بنا دیا۔ اس کے بعد جونیجو کے سوا کوئی ایسا وزیراعظم نہیں گزرا جسے جیل کی ہوا نہ کھانا پڑی ہو۔ جونیجو کو کینسر کے مرض اور جنرل ضیاء الحق کی ناگہانی موت نے جیل سے بچا لیا۔

جنرل ضیاء الحق کے بعد محترمہ بینظیر بھٹو، محترم میاں نواز شریف، محترم یوسف رضا گیلانی، محترم راجہ پرویز اشرف اور محترم شاہد خاقان عباسی پاکستان کے وزیراعظم بنے۔ سب کے سب نیب کے شکنجے میں ہیں اور جیل کی آزمائش سے گزر چکے ہیں۔ آمرانہ حکومتیں اپنی سیاسی راہ صاف کرنے کے لئے سیاسی وزرائے اعظم کی نہایت سائنسی انداز سے کردار کشی کرتی ہیں لیکن افسوس کہ خود سیاسی حکومتیں بھی اپنے مخالفین کے ساتھ ایسا ہی سلوک کرتی ہیں۔

نتیجے کے طور پر پاکستان میں سیاست گالی اور کرپشن کا دوسرا نام بن چکا ہے جس نے نہ صرف جمہوریت کی بنیادیں کمزور کر دی ہیں بلکہ عوام کو بھی اس نظام سے بدظن کر دیا ہے۔ تحریک انصاف کی حکومت کا بھی سب سے بڑا کارنامہ سیاستدانوں کی مسلسل کردار کشی ہے اور سابق وزرائے اعظم کو جیلوں میں ڈالنا۔ مختصر یہ کہ اگر پاکستان کی تاریخ کی بنیاد پر پیش گوئی کی جائے تو محسوس ہوتا ہے کہ پاکستان کے ہر وزیراعظم کا مقدر جیل ہے اور شاید یہی پاکستانی وزارتِ عظمیٰ کا انجام ہے۔

(میڈیا 92 نیوز آن لا ئن) مسلم لیگ ن کے سیکریٹری جنرل احسن اقبال نے الزام عائد کیا ہے کہ سابق وزیراعظم شاہد خاقان عباسی کو اڈیالہ جیل میں سزائے موت کے مجرموں کی چکی میں رکھا گیا ہے۔

مسلم لیگ ن کے سینئر نائب صدر اور سابق وزیراعظم شاہد خاقان عباسی ایل این جی ٹرمینل کیس میں نیب کی حراست میں ہیں۔ سابق وزیر داخلہ اور ن لیگ کے سینئر رہنما احسن اقبال نے الزام عائد کیا ہے کہ وزیراعظم عمران خان کی ہدایت پر سابق وزیراعظم شاہد خاقان عباسی کو سزائے موت کے مجرموں کی چکی میں رکھا گیا ہے۔

احسن اقبال نے مزید کہا کہ شاہد خاقان عباسی نا سزا یافتہ ہیں اور نا ہی مجرم بلکہ وہ قوم کے ہیرو ہیں جنہوں نے گیس کا بحران حل کیا۔ رہنما ن لیگ نے حکومت کو تنقید کا نشانہ بناتے ہوئے مزید کہا کہ یقیناً چھوٹے لوگ بڑے عہدوں پر بیٹھ گئے ہیں۔

حمزہ شہباز ،سلمان شہباز، مفتاح اسماعیل اور شاہدخاقان عباسی شامل
لاہور(ایمرا نیوز آن لائن)پاکستان مسلم لیگ (ن)کے 4 اہم رہنماؤں کے نام ایگزٹ کنٹرول لسٹ(ای سی ایل )میں ڈال دیئے گئے ہیں ۔نجی ٹی وی کے مطابق (ن)لیگکے 4 اہم رہنماؤں کے نام ایگزٹ کنٹرول لسٹ(ای سی ایل)میں ڈال دیئے گئے ، ان رہنماؤں میں اپوزیشن لیڈر پنجاب اسمبلی حمزہ شہباز ان کے بھائی سلمان شہبازاور سابق وفاقی وزیر خزانہ مفتاح اسماعیل شامل ہیں جبکہ سابق وزیراعظم شاہدخاقان عباسی کا نام بھی ای سی ایل میں ڈال دیا گیا ہے۔واضح رہے کہ سلمان شہباز پہلے ہی بیرون ملک جا چکے ہیں۔

اسلام آباد(میڈیا نائن ٹو) وزیر اعظم شاہد خاقان عباسی کا کہنا ہے کہ 16 دسمبر 2014 کا دن ملکی تاریخ میں سیاہ یوم کے طور پر یاد رکھا جائے گا اور شہدا ء کے خون سے لکھے جانے والے اِس باب کو منطقی انجام تک پہنچایا جائے گا۔
وزیراعظم پاکستان شاہد خاقان عباسی نے سانحہ اے پی ایس کی برسی کے موقع پر اپنے خصوصی پیغام میں کہا کہ 16 دسمبر 2014 کا دن ملکی تاریخ میں سیاہ یوم کے طور پر یاد رکھا جائے گا، بربریت اور سفاکیت کے علمبرداوں کی جانب سے آرمی پبلک اسکول پشاورمیں معصوم بچوں کو نشانہ بنایا گیا، حصولِ تعلیم کے لیے جانے والے معصوم جب واپس لوٹے تو اْن میں سے بہت ساروں نے شہادت کی قبا اوڑھ رکھی تھی، طلبا کی ایک بڑی تعداد زخموں سے چور اور ان کے ذہنوں میں بزدل دشمن کی سفاکیت کے نقوش ثبت تھے۔ آج ان معصوموں کا خون رنگ لے آیا ہے اور آج پاکستانی اقوامِ عالم میں وہ واحد قوم ہے جس نے دہشت گردی کے خلاف جنگ جیتی ہے۔
وزیراعظم نے کہا کہ دہشت گردی کے خلاف جنگ میں پاکستانی قوم نے جو قربانیاں پیش کیں وہ شاید ہی کسی دوسری قوم نے دی ہوں، شہیدوں کی دِن رات محنت اور قربانیوں کی بدولت آج پاکستان میں دہشت گردوں کی کمر ٹوٹ چکی ہے، نیشنل ایکشن پلان کے تحت ہماری بہادرافواج اور سیکورٹی اداروں نے دہشت گردوں کو شکستِ فاش دی، سانحہ اے پی ایس نے پاکستانی قوم میں دہشت گردی کے خلاف تاریخ سازوحدت کو جنم دیا جب کہ اس دل خراش واقعے سے پوری قوم نے دہشت گردی کے عفریت کے خلاف فیصلہ کن معرکہ لڑنے کا مصمم ارادہ کرلیا۔
وزیراعظم شاہد خاقان عباسی کا کہنا تھا کہ آج کا دن ہمیں یاد دلاتا رہے گا کہ وطنِ عزیز کو دہشت گردی سے پاک کرنے کے لیے ہم نے اپنے کیسے کیسے ہیرے قربان کیے، یہ دن ان معصوموں کو خراجِ عقیدت پیش کرنے اور اْن کے غم زدہ والدین کے ساتھ اظہارِ ہمدردی کا دن ہے، سانحہ اے پی ایس میں ہم سے بچھڑ جانے والوں کی یاد ایک کسک بن کر ہمارے دلوں میں ہمیشہ موجود رہے گی اورآج کا یہ دن دہشت گردی کے خلاف قومی عزم کے اعادہ کا دن بھی ہے۔
وزیراعظم نے کہا کہ شہداء کے خون سے لکھے جانے والے اِس باب کو منطقی انجام تک پہنچایا جائے گا، آئیں عہد کریں کہ پاکستان کو ایسا جمہوری معاشرہ بنائیں گے جہاں فرقہ واریت ، لسانیت ، تشدد اورانتہا پسندی کو برداشت نہیں کیا جائے گا، پاکستانی قوم اپنے معصوم شہیدوں، افواجِ پاکستان ، پولیس اور دیگر سیکورٹی اداروں کے شہداء کو خراجِ عقیدت پیش کرتی ہے۔