Tag shahrukh khan

ممبئی(ایمرا نیوزآن لائن) بالی ووڈ کے کنگ شاہ رخ خان نےایک ایوارڈ شو میں اپنے اور گوری خان کے ہنی مون سے متعلق دلچسپ انکشاف کرتے ہوئے بتایا کہ انہوں نے گوری کو ہنی مون کے نام پر بیوقوف بنادیا تھا۔
انڈیا ٹوڈے کے مطابق چند روز قبل شاہ رخ خان نے ایک ایوارڈ شو میں شرکت کی تھی جہاں شو کے میزبان وکی کوشال نے شاہ رخ خان اور گوری کی ایک پرانی تصویر دکھائی جس میں شاہ رخ خان اپنی اہلیہ کے ساتھ خوشگوار موڈ میں نظر آ رہے تھے۔

اس تصویر کو دیکھتے ہی کنگ خان کو ماضی کا ایک دلچسپ قصہ یاد آگیا اور انہوں نے بتایا کہ اُن کی اہلیہ گوری خان کو پیرس گھومنے کا بے حد شوق تھا اور وہ اس سے قبل کبھی ملک سے باہر نہیں گئی تھیں، شاہ رخ خان نے گوری سے وعدہ کیا کہ وہ اُنہیں آئیفل ٹاوردکھانے پیرس لےکر جائیں گے مگر انہوں نے کہا کہ وہ جھوٹ تھا۔

شاہ رخ خان نے مزید کہا کہ وہ اُس وقت کافی غریب تھے اور اُن کے پاس ٹکٹس خریدنے کے پیسے نہیں تھے جبکہ گوری خان کا تعلق ایک متوسط طبقے سے تھا۔انہوں نے بتایا کہ ’شادی کےتقریباً 20 سے 30 دن بعد مجھے ایک گانے کی شوٹنگ ’راجو بن گیا جینٹل مین‘ کے لیے دارجیلنگ جانا تھا تو میں گوری کو پیرس بول کر دارجیلنگ لےگیا کہ یہ ہمارا ہنی مون ہے۔‘یاد رہے کہ شاہ رخ خان اور گوری خان کی جوڑی بھارتی میڈیا کی کامیاب ترین جوڑی ہے جو طویل عرصے سےکامیابی کے ساتھ رشتہ ازدواج میں منسلک ہے اور بہت کم لوگ جانتے ہیں کے یہ شادی شدہ جوڑی16 سال کی عمر سے ایک دوسرے کے ساتھ ہے۔

ممبئی(ایمرا نیوزآن لائن) بالی ووڈ کنگ شاہ رُخ خان ایک بہترین شخصیت کے مالک ہونے کے ساتھ ساتھ مداحوں کے دلوں کو جیتنا بھی جانتے ہیں ۔شاہ رُخ خان کی اہلیہ انٹیرئر ڈیزائنر گوری خان نے سماجی رابطے کی ویب سائٹ ٹوئٹر پر ایک تصویر شیئر کی ہے جس میں وہ اپنے سب سے چھوٹے بیٹے ابرام اور بھارتی فلمی انڈسٹری کے نامور ہدایتکار کرن جوہر کے بچوں روہی اور یش کے ہمراہ خوشگوار موڈ میں نظر ا ٓرہی ہیں۔

گوری خان نے تصویر شیئر کرتے ہوئے ساتھ ہی لکھا کہ’ وہ تین جنگجؤوں کے ساتھ وقت گزار رہی ہیں۔‘شاہ رخ خان نے اپنی اہلیہ گوری کے ٹوئٹ کو اپنے اکائونٹ پر ریٹوئٹ کیا اور اے آر رحمٰن کا سانگ ’ ماں تجھے سلام ‘ کا سہارا لیتے ہوئےاپنی اہلیہ گوری خان کو خراجِ تحسین پیش کرنے کے ساتھ ساتھ سبھی ماؤں کے دل جیت لیے۔

ممبئی(ایمرا نیوزآن لائن) بالی ووڈ کے سپر اسٹار اداکار شاہ رخ خان کو ’کنگ خان‘ بنانے والے ہدایت کار کرنل راج کپور اس دنیا سے چل بسے۔بھارتی میڈیا رپورٹس کے مطابق لیجنڈ شاہ رخ خان کو ٹیلی وژن شو ’فوجی‘ سے، فلم انڈسٹری میں متعارف کرانے والے ہدایتکار ’کرنل راج کپور‘ 87 کی عمر میں دہلی کے ایک اسپتال میں جان کی بازی ہار گئے۔ہدایت کار کرنل راج نے ٹی وی شو ’فوجی‘ بنایا تھا جس میں انہوں نے شاہ رخ خان کومرکزی کردار دیا، یہ شاہ رخ خان کے کیرئیر کا پہلا پروجیکٹ تھا جس نے انہیں بالی ووڈ میں بھی متعارف کرایا اور پھر دیکھتے ہی دیکھتے وہ، شاہ رخ خان سے کنگ خان بن گئے۔ اسی لیے کہا جاتا ہے کہ کرنل راج کپور نے ’شاہ رخ‘ بنایا، یعنی اس بات کا یہی مفہوم ہے کہ شاہ رخ خان کو پہلی مرتبہ اسکرین پر لانے والے کرنل راج کپور تھے۔کرنل راج نے ثمر خان کی کتاب ’SRK‘ میں ایک مضمون شائع کروایا تھا جس میں انہوں نے لکھا کہ ’میں ایک اداکار رہا ہوں، میں نے 3 جنگیں بھی لڑی ہیں لیکن مجھےان باتوں کی وجہ سے نہیں بلکہ 20 سال قبل شاہ رخ خان کو متعارف کرانے کی وجہ سے پہچانا جاتا ہے۔ مجھے یہ بات بے حدخوش کرتی ہے کہ مجھے اُس بات کا کریڈٹ دیا جاتا ہے جس میں میرا کوئی کردار نہیں۔انہوں نے لکھا کہ ’ شاہ رخ کو شاہ رخ خان اُن کے والدین نے بنایا ہےمیں نےنہیںجبکہ میں نے انہیں ایک سپر اسٹار بھی نہیں بنایا، میں نے صرف اپنے کام کے لیے ایک صحیح آدمی کا انتخاب کیا تھا، اُن کی زندگی میں جو کچھ اس سے پہلے یا اس کے بعد ہوااُس کا کریڈٹ مجھے نہ دیا جائے۔‘

ممبئی(ایمرا نیوزآن لائن) بالی ووڈ کے کنگ شاہ رخ خان نے آئی پی ایل میں کولکتہ نائٹ رائیڈرز کی جیت پر کھلاڑیوں کی حوصلہ افزائی کرتے ہوئے کہا کہ آپ لوگوں نے بہت خوب کھیل پیش کیا۔سوشل میڈیا پر اپنے ایک ٹوئٹ میں بالی ووڈ کے کنگ نے اپنی ٹیم کے کھلاڑی کرس لن، رابھن اتھپا اور نتیش رانا کے کھیل کی تعریف کی اور کہا کہ ٹیم سب کھلاڑیوں نے بہت اعلیٰ کھیل کھلا مگر آپ سب متفق ہو گے کہ تعریف کے سارے الفاظ اس قیمتی تصویر کے لیے ہے۔واضح رہے کہ آئی پی ایل 2019 کے ایک میچ میں کولکتہ نائٹ رائیڈرز نے رائل چیلنجرز بنگلورو کو شکست سے دوچار کیا۔بنگلورو نے پہلے بیٹنگ کرتے ہوئے مقررہ 20 اوورز میں تین وکٹ کے نقصان پر 205 رنز کا ٹارگٹ دیا تھا، مگر کولکاتہ نے رسل کی طوفانی اننگز کی بدولت اتنے بڑے ہدف کو 19 اعشاریہ 1 اوور میں ہی پانچ وکٹ کھو کر حاصل کرلیا۔

کروڑوں روپے خفیہ طریقے سے پاکستان بھجوانے کا الزام عائد کردیا
ممبئی(ایمرا نیوز آن لائن) ہندو انتہا پسندوں نے شاہ رخ خان پر منی لانڈرنگ کا الزام لگادیا، کروڑوں روپے خفیہ طریقے سے پاکستان بھجوانے کا الزام عائدسوشل میڈیا پر ایک ویڈیو گردش کررہی ہے جس میں یہ دعویٰ کیا جارہا ہے کہ شاہ رخ خان نے بہاولپور ٹینکر حادثے کے متاثرین کے لیے 45 کروڑ روپے پاکستان بھجوائے۔ یہ ویڈیو وائرل ہونے کی دیر تھی کہ شاہ رخ خان سے محبت کا دعویٰ کرنے والے بھارتیوں نے یوٹرن لیتے ہوئے کنگ خان کے خلاف محاذ کھول لیا۔سوشل میڈیا صارفین نے کنگ خان کو آڑے ہاتھوں لیتے ہوئے کہا پلوامہ حملے کے بعد جب امیتابھ بچن اور سلمان خان سمیت متعدد بالی ووڈ فنکار حملے میں مرنے والے جوانوں کی مدد کررہے ہیں اسی وقت شاہ رخ خان بھارتی پیسے پاکستان بھجوارہے ہیں۔سوشل میڈیا پر یہ بھی کہا جارہا ہے کہ شاہ رخ خان نے حملے میں ہلاک ہونے والوں کے لیے ہمدردی کے بول تک نہیں بولے، شاہ رخ خان جان بوجھ کر ہندوؤں کے جذبات کو ٹھیس پہنچاتے ہیں۔ کچھ لوگوں نے لکھا ہم ہندو اگر شاہ رخ خان کی فلمیں دیکھنا بند کردیں تو یہ 45 کروڑ کیا 45 روپے بھی پاکستان بھجوانے کے لائق نہیں رہے گا۔بھارتی پاکستان سے نفرت میں اتنے اندھے ہوگئے ہیں کہ انہیں یہ بھی نہیں معلوم کہ شاہ رخ خان کی جانب سے 45 کروڑ روپے پاکستان بھجوائے جانے کی ویڈیو ابھی کی نہیں بلکہ سوشل میڈیا پر گردش کرنے والی ویڈیو 2017 کی ہے اور اسے کروپ (کانٹ چھانٹ )کرکے اب وائرل کیاگیاہے۔

ممبئی(ایمرا نیوز آن لائن) بھارتی فلموں کے کنگ شاہ رخ خان کی جانب سے بالی ووڈ کے شہنشاہ امیتابھ بچن کو کی گئی ایک ٹوئٹ سوشل میڈیا پر وائرل ہورہی ہے جس میں کنگ خان امیتابھ بچن کو کہہ رہے ہیں میں آپ سے بدلہ لینے آرہا ہوں۔بالی ووڈ کنگ شاہ رخ خان نے گزشتہ روز ٹوئٹ کی بچن سر میں آپ سے بدلہ لینے آرہا ہوں لہذا تیار رہیے گا۔ شاہ رخ خان کی اس ٹوئٹ پر صارفین حیران پریشان رہ گئے کہ آخر ایسا کیا ہوگیا کہ کنگ خان امیتابھ سے بدلہ لینا چاہ رہے ہیں، تاہم بگ بی نے شاہ رخ خان کے ٹوئٹ کا جواب دیتے ہوئے کہا ارے بھائی شاہ رخ خان بدلہ لینے کا ٹائم تو نکل گیا اب تو سب کو بدلہ دینے کا ٹائم ہے۔دراصل کنگ خان اور امیتابھ بچن کے درمیان ٹوئٹر پر جاری یہ دلچسپ لڑائی کسی پرانی جنگ کا حصہ نہیں بلکہ امیتابھ کی آنے والی فلم بدلہ کی تشہیری مہم کا حصہ ہے۔ فلم بدلہ میں امیتابھ بچن اور تاپسی پنوں مرکزی کردار ادا کر رہے ہیں جب کہ فلم کو شاہ رخ خان اوران کی بیوی گوری خان پروڈیوس کررہے ہیں۔ یہی وجہ ہے کہ دونوں اسٹارز سوشل میڈیا پر فلم کی منفرد انداز میں تشہیر کررہے ہیں۔

لاہور(ایمرا نیوزآن لائن) بالی ووڈ کے کنگ خان اور بالی ووڈ کے مشہور ڈائریکٹر کرن جوہر ایک دوسرے کے بہترین دوست ہیں ان دونوں کی دوستی بہت پرانی اور مضبوط ہیں. شاہ رخ خان اور کرن جوہر کے خاندان والے بھی ایک دوسرے کو اچھی طرح جانتے ہیں اور ایک دوسرے کے گھر آتے جاتے ہیں، یہاں تک کہ کوئی بھی تقریب ہو یہ دونوں ایک دوسرے کے ساتھ نظر آتے ہیں.
https://emra.tv/2019/02/04/آسٹریلیا-میں-بارش-نے-تباہی-مچا-دی/
کرن جوہر جتنے فلموں میں مشہور ہیں اتنے ہی وہ ٹی وی میں بھی مشہور ہیں، کرن جوہر کا ایک ٹی وی پر ایک مشہور شو بھی آتا ہے جس کا نام کافی ود کرن ہے اس شو میں تقریب بالی ووڈ کے تمام بڑے ستارے شرکت کرچکے ہیں. شاہ رخ خان اس شو کے ہر سیزن میں آچکے ہیں. لیکن اس سیزن میں شاہ رخ خان ابھی تک نہیں آئے اور یہ سیزن ختم بھی ہونے والا ہے. اب شاہ رخ خان نے اس معاملے پر خاموشی توڑ دی ہے اور ان کہنا ہے فلم زیرو کی ناکامیابی کے بعد بہت دکھی ہیں اور وہ کسی بھی شو پر نہیں جانا چاہتے، یاد رہے کہ شاہ رخ خان کی فلم زیرو باکس آفس پر ناکام ہوگئی تھی.

ممبئی:(شوبز ڈیسک/ایمرا نیوز) فلموں کی ناکامی کو بالی ووڈ کنگ شاہ رخ خان نے خود پرحاوی نہیں ہونے دیا وہ اپنے کیریئر کو بچانے اور بالی ووڈ پر حکمرانی کرنے کیلئے اب بھی پُرعزم ہیں۔حال ہی میں دئیے گئے ایک انٹرویو میں شاہ رخ خان نے اپنی فلم ’’زیرو‘‘ کی ناکامی پر کھل کر بات کی اور کہا کہ اگرمیری زندگی میں چیلنجزنہ ہوتے تو میں کبھی اس مقام پرنہیں پہنچ پاتا جہاں آج ہوں۔

آج جب میں 25 سال پیچھے دیکھتاہوں تو محسوس ہوتا ہے یہ سفر اتنا بھی آسان نہ تھا۔شاہ رخ خان نے ’’زیرو‘‘ سے قبل اپنی فلم ’’فین‘‘ کی ناکامی پر بات کرتے ہوئے کہا فلم ’’فین‘‘ کی ناکامی نے مجھے اداس کردیا تھا لیکن میں نے اس ناکامی کو کبھی خود پر حاوی ہونے نہیں دیا بلکہ اس ناکامی کے بعد میں نے اپنا بہترین کام پیش کرنے کا عزم کیا۔کنگ خان نے 2011 میں ریلیز ہوئی فلم ’’را ون‘‘ کے بارے میں کہا جب ’’را ون‘‘ شائقین کے معیار پر پوری نہیں اتری تو لوگ یہ سوچ رہے تھے کہ میں ویژول ایفیکٹس (وی ایف ایکس) والی فلمیں بنانا بند کردوں گا لیکن میں نے ایسا نہیں کیا، ’’راون‘‘ کے بعد ’’فین‘‘ اور’’زیرو‘‘ بنائیں۔واضح رہے کہ شاہ رخ خان کو بالی ووڈ کا کنگ کہا جاتا ہے تاہم ان کی آخری ریلیز ہونے والی فلم ’’زیرو‘‘ شائقین کو متاثر کرنے میں ناکام رہی لیکن فلم کی ناکامی نے بھی شاہ رخ خان کے حوصلوں کو پست نہیں کیا ہے وہ ابھی بہترین فلمیں کرنے کے لیے پُر عزم ہیں۔

ممبئی(شوبز ڈیسک/ایمرا نیوز) بالی وڈ کنگ شاہ رخ خان کی فلموں کو گزشتہ دو برس سے مسلسل ناکامی کا سامنا ہے، ایسے میں انہوں نے اپنے ڈوبتے ہوئے کیریئر کو بچانے کے لیے فلم ’ڈان 3‘ کو قبول کرلیا ہے۔شاہ رخ خان نے 2017 میں ریلیز ہونے والی فلم ’جب ہیری میٹ سیجل‘ میں ایک ٹور گائیڈ کا کردار نبھایا تھا جبکہ گزشتہ برس کے آخر میں ریلیز ہونے والی فلم ’زیرو‘ میں انہوں نے ایک بونے کا کردار نبھایا، تاہم یہ دونوں ہی کردار مداحوں کو متاثر کرنے میں ناکام رہے۔

اب وہ دوبارہ سے فلم ’ڈان‘ کے تیسرے سیکوئل میں کام کرنے جارہے ہیں، جس کے لیے امید کی جارہی ہے کہ وہ ’ڈان 2‘ کی طرح ان کے لیے کامیاب ثابت ہوگی۔ بھارتی میڈیا کے مطابق شاہ رخ خان نے فلم ساز سدھارتھ رائے کپور کی فلم ’سارے جہاں سے اچھا‘ کے لیے انکار کردیا ہے جس میں انہیں ایک سائنسدان کا کردار نبھانا تھا تاہم انہوں نے ہدایت کار فرحان اختر کی ’ڈان 3‘ میں جلوہ گر ہونے کی تصدیق کردی ہے۔فلم کی مکمل کاسٹ کے حوالے سے فی الحال کوئی تفصیلات سامنے نہیں آئیں۔واضح رہے کہ قیاس آرائیاں تھیں کہ ’ڈان 3‘ میں مرکزی کردار دپیکا پڈوکون نبھائیں گی، جس کی تردید کردی گئی تھی۔

ممبئی(شوبز ڈیسک/ایمرا نیوز) دنگل اسٹار فاطمہ ثنا شیخ عامر خان کے بعد بالی ووڈ کے بادشاہ شاہ رخ خان کے ساتھ اداکاری کے جلوے دکھائیں گی۔بھارتی میڈیا کے مطابق فلم’سلیوٹ‘ میں بالی ووڈ کنگ شاہ رخ خان کے مقابل دنگل گرل فاطمہ ثنا شیخ کا نام زیرغور ہے۔رپورٹس کے مطابق فلمساز فاطمہ کی اداکاری سے کافی متاثر ہیں۔

اداکارہ فاطمہ آخری بار بالی ووڈ کے مسٹر پرفیکشنسٹ عامر خان کے ساتھ ’فلم ٹھگ آف ہندوستان‘میں نظر آئیں تھیں۔فلم تو باکس آفس پر ناکام ہوگئی لیکن فلم میں فاطمہ ثنا شیخ کی پرفارمنس کو بے حد سراہاگیا، یہی وجہ ہے کہ بھاتی خلاباز راکیش شرما کی زندگی پر بننے والی فلم’سلیوٹ‘کے ہدایت کار و پروڈیوسرز کنگ خان کے مقابل مرکزی کردار کے لیے فاطمہ کے نام پر غور کررہے ہیں۔فاطمہ ثنا شیخ سے پہلے اداکارہ بھومی پانڈیکر کانام بھی فلم کی مرکزی اداکارہ کے طور پر لیاجارہاتھا جب کہ اداکارہ کرینہ کپور خان، وانی کپور اور پریانکا چوپڑا کانام بھی زیرغورتھا۔یہ پہلی بار نہیں ہے کہ فاطمہ شاہ رخ خان کے ساتھ کام کریں گی بلکہ 17 سال قبل وہ فلم’ون ٹوکا فور‘میں بطور چائلڈ آرٹسٹ کام کرچکی ہیں اور اسی فلم کے دوران انہیں کنگ خان سے محبت ہوگئی تھی۔