Tag song

لاہور(ایمرا نیوز)

لاہور(ایمرا نیوز)

لاہور(ایمرا نیوز) تصویر بناتا ہوں، تصویر نہیں بنتی

لاہور(ایمرا نیوزآن لائن)

لاہور(ایمرا نیوزآن لائن) کبھی کبھی میرے دل میں خیال آتا ہے

لاہور(ایمرا نیوزآن لائن) پنجابی نئے گانے Sandal نے دھوم مچا دی

لاہور(شوبز ڈیسک/ایمرا نیوز) پاکستان کے سب سے بڑے اسپورٹس ایونٹ پاکستان سپر لیگکے ابتدائی تین ایڈیشن کا ترانہ گانے والے معروف گلوکار علی ظفر نے اس سال پی ایس ایل 4 میں اپنی آواز کا جادو ں نہیں جگایا جس کا لوگوں کو شدّت سے انتظار تھا۔پاکستان سپر لیگ( پی ایس ایل ) سیزن 4 کا آفیشل گانا علی ظفر کے بجائے اس بار اداکار و گلوکار فواد خان نے پیش کیا۔

بیک وقت اداکاری، گلورکاری، پروڈکشن اور اسکرپٹ رائٹنگ کے جوہر دکھانے والےعلی ظفر کا گایا ہوا پی ایس ایل 2017 ایڈیشن کا سب سے مشہور نغمہ ’ سیٹی بجے گی، اسٹیج سجے گا، تالی بجے گی اور اب کھیل جمے گا‘ آج تک سب کی زبان پر ہے۔شائقین کرکٹ اس انتظار میں تھےکہپی ایس ایل 2019 کے ایڈیشن کے لئے علی ظفر کیا نیا لاتے ہیں۔علی ظفر نے وجہ بتاتے ہوئے کہا کہ سیزن فور میں اپنی مصروفیات کے سبب وہ دستیاب نہیں تھے اور منتظمین کو وہ اس بات سے آگاہ کر چکے تھے۔علی ظفر کا کہنا تھا کہ پی ایس ایل اب ایک برانڈ ہے اور انہیں خوشی ہے کہ انہوں نے اسے تناور درخت بنانے میں اپنا کردار ادا کیا تاہم وہ سمجھتے ہیں کہ نئے لوگوں کو سامنے آنا چاہیے، تین سال انہوں نے اپنے کام کو ایمانداری اور پیشہ وار انہ انداز میں کیا۔واضح رہے علی ظفر’طیفہ ان ٹربل‘ کی بین الاقوامی سطح پر پزیرائی کے بعد اپنی نئی آنے والی فلم پر کام کر رہے ہیں ۔

لاہور(سپورٹس ڈیسک/ایمرا نیوز) سب کو آج رات 8 بج کر 55 منٹ کا بے چینی سے انتظار ہے کیونکہ اس وقت پاکستان کے سب سے بڑے اسپورٹس ایونٹ پاکستان سپر لیگ 4 کا ترانہ ریلیز کیا جائے گا۔پی ایس ایل 4 ایڈیشن کے لیے نغمہ شجاع حیدر نے تحریر کیا ہے اور اس کی تھیم کے بارے میں بتایا جارہا ہے کہ یہ ‘کھیل دیوانوں کا ہے۔اس سے قبل پی ایس ایل کے تین ایڈیشنز میں گلوکار علی ظفر کی آواز میں الگ الگ نغمے جاری کیے گئے تھے اور چوتھے ایڈیشن کا نغمہ فواد خان کی آواز میں ہوگا۔ اس گانے کے مکمل بول کیا ہوں گے اس حوالے سے شائقین کو بے صبری سے انتظار ہے۔پی ایس ایل 2017 ایڈیشن کا سب سے مشہور نغمہ ’ سیٹی بجے گی، اسٹیج سجے گا، تالی بجے گی اور اب کھیل جمے گا‘ آج تک سب کی زبان پر ہے۔واضح رہے پاکستان سپر لیگ (پی ایس ایل)کے چوتھے ایڈیشن کے لیے میچز کے ٹکٹس کی آن لائن فروخت شروع ہوچکی ہے۔پہلے مرحلے میں شارجہ اور ابوظہبی میں ہونے والے میچز کی ٹکٹس فروخت کی جارہی ہیں جس کے بعد دبئی، لاہور اور کراچی میں منعقدہ میچز کے ٹکٹس فروخت کے لیے پیش کیے جائیں گے ،ان کی تاریخ کا اعلان بعد میں ہوگا۔

ممبئی(شوبز ڈیسک/ایمرا نیوز) بالی ووڈ کنگ شاہ رخ خان کی فلم ’زیرو‘ کا نیا گانا ’عشق بازی‘ریلیز کردیا گیا۔اس گانے میں شاہ رخ اور سلمان ایک ساتھ اسٹیج پر رقص کرتے نظر آئے۔’عشق بازی‘ گانے کا میوزک اجے اتل نے تیار کیا جبکہ اس کی گلوکاری سکھوندر سنگھ اور دویا کمار نے کی ہے۔

فلم کی مقبولیت کی طرح گیت ’عشق بازی‘ کی مقبولیت کا اندازہ اس بات سے لگایا جا سکتا ہے کہ 3 منٹ 16 سیکنڈ کے اس گانے کی ویڈیو کو محض ایک دن میں 77 لاکھ سے زائد بار دیکھاگیا،یہ گانا شاہ رخ، سلمان اور کترینہ کیف پر فلمایا گیا ہے۔اس سے قبل فلم کا پہلا گانا ’میرے نام تو‘ بھی حال ہی میں ریلیز ہوا تھا، جسے مداحوں نے خوب پسند کیا۔

واضح رہےکہ آنند ایل رائے کی ہدایت کاری میں بننے والی اس فلم کے ٹریلر کو دو نومبر کو ریلیز کیا گیا تھاجس کی مقبولیت کا انداز اس بات سے لگایا جاسکتا ہے کہ 3 منٹ اور 14 سیکنڈ کے اس ٹریلر کو محض4 دن میں شائقین کی جانب سے 6 کروڑ سے زائد بار دیکھا گیا، ٹریلر نے سوشل میڈیا پر کئی ریکارڈ توڑ دیئے۔فلم میں شاہ رخ خان پہلی مرتبہ بونے کا کردار ادا کر رہے ہیںجبکہ انوشکا فلم میں عافیہ یوسف زئی کا کردار نبھا رہی ہیں جو معذور ہے ۔انوشکا شرما کے علاوہ فلم میں کترینہ کیف بھی مرکزی کردار میں جلوہ گر ہوں گی۔واضح رہے کہ یہ کترینہ کی شاہ رخ کے ساتھ دوسری فلم ہے، اس سے قبل دونوں فلم ‘جب تک ہے جان میں ایک ساتھ کام کرچکے ہیں۔فلم 21دسمبر کو ریلیز کی جائیگی ۔

(شوبز ڈیسک/ایمرا نیوز)
سُروں کے سلطان، استاد راحت فتح علی خان کے لیے ایک اور اعزاز ، سلمان احمد کے پروڈیوس کیے گئے گانے ’’محبت بھی ضروری تھی‘‘ کی ویڈیو کو صرف یو ٹیوب پر اب تک 50کروڑ سے زائد بار دیکھا جاچکا ہے ۔اس گیت کی ویڈیوکو ’’یوٹیوب‘‘ پر 8جون 2014کو ریلیز کیا گیا تھا۔اس گانے کو 1600 دنوں میں اب تک اوسطاً روزانہ تین لاکھ سے زائد بار دیکھا ،سنا یا چلایا جاتا ہے ۔اس ویڈیو کو 20لاکھ کے قریب’’ لائکس‘‘ بھی مل چکے ہیں۔ اس گیت کی تعارفی تقریب کراچی میں مئی 2014 میں ہوئی تھی ۔ گانے کی ویڈیو میں بگ باس سے مشہور ہونے والی جوڑی گوہر اور کوشال ٹنڈن نے پرفارم کیا تھا۔بالی وڈ میں سلمان خان ، شاہ رخ خان ، اکشے کمار سمیت بڑے بڑے ہیروز کی آواز بننے والے استاد راحت فتح خان نے رواں برس جیو کے سپر ہٹ ڈرامے ’’خانی ‘‘ کے اوریجنل ساؤنڈ ٹریک نے بھی نیا ریکارڈ بنایا۔ خانی کے ساؤنڈ ٹریک کو صرف یو ٹیوب پر 3کروڑ سے زائد بار دیکھا جاچکا ہے۔ استاد راحت فتح علی خان نے 2003میں بالی وڈ میں اپنا پہلا گانا ’’من کی لگن ‘‘فلم ’’پاپ’’ کے لیے ریکارڈ کروایا ۔گزشتہ 15 برسوں میں راحت فتح علی خان 90کے قریب بالی وڈ فلموں میں سپر ہٹ گانے گاچکے ہیں۔ وہ بالی وڈ کے دبنگ خان سلمان خان کے لیے فلم، میں اور مسز کھنہ، ویر، لندن ڈریمز ، دبنگ، دبنگ ٹو، ریڈی، باڈی گارڈ،سلطان ، بجرنگی بھائی جان اور ٹیوب لائٹ جیسی فلموں گانے گاچکے ہیں، کنگ خان، شاہ رخ خان کے لیے راحت فتح علی خان کی آواز فلم مائے نیم از خان اور اوم شانتی اوم جیسی سپر ہٹ فلموں میں استعمال کی جاچکی ہے ۔ اکشے کمار اور اجے دیوگن کی بھی کافی فلموں میں راحت فتح علی خان نے پلے بیک دیا۔اس سال راحت اب تک ورون کی فلم اکتوبر ،سیف علی خان کی بازار،شاہدکپور کی بتی گل میٹر چالو، اجے دیوگن کی ریڈ اور ارجن کپور کی نمستے انگلینڈ سمیت 9فلموں میں اپنی آواز کا جادو جگا چکے ہیں۔راحت فتح علی خان بھارت کے سب سے بڑے فلم فیئر ایوارڈ کے لیے چار سال میں پانچ بار نامزد ہوئے ، انھوں نے 2011میں فلم ’’عشقیہ‘‘ کے گانے ’’دل تو بچہ ہے جی‘‘ کے لیے فلم فیئر ایوارڈ بھی جیتا تھا۔اس گانے کی میوزک وشال بھردواج اور لیرکس گلزار جیسے مایہ ناز نےلکھے تھے۔ راحت فتح علی خان پاکستان کے ’’کوک اسٹوڈیو‘‘ میں بھی دس سے زائد بار اپنے گیت ریکارڈ کراچکے ہیں ، ان کے نغمے’’آفرین آفرین‘‘ کی ویڈیو کو صرف یو ٹیوب پر اب تک ریکارڈ 20کروڑ سے زائد بار دیکھا جاچکا ہے ۔آفرین آفرین استاد نصرت فتح علی خان کا کلاسیک سونگ تھا ،جسے کوک اسٹوڈیو کے لیے راحت فتح اور مومنہ مستحسن نے دوبارہ گایا تھا۔اس طرح بالی وڈ کنیکشن میں کیا گیا کوئی ویڈیو ہو یا کوک اسٹوڈیو یا پھر پاکستانی ڈراموں کا اوریجنل ساؤنڈ ٹریک راحت فتح علی خان کا یو ٹیوب پر پہلا نمبر ہے۔ گزشتہ ہفتے ان سے کراچی میں ایک مختصر ملاقات ہوئی، جس میں ہم نے ان سے پوچھا کہ جیو ٹی وی کی سب سے مقبول ڈراما سیریل ’’خانی‘‘ کے ساؤنڈ ٹریک کو آپ کی آواز میں یو ٹیوب پر 3کروڑ سے زائد بار دیکھا گیا،فلموں اور قوالیوں کے ساتھ ٹیلی ویژن پر بھی آپ کی آواز کا جادو چل رہا ہے،یہ سب کچھ کیسا لگتا ہے؟انہوں نے جواب میں کہا کہ یہ سب میرے رب کی عطا ہے، وہ جسے چاہتا ہے کام یابیوں سے نواز دیتا ہے۔ میری آواز اور میرا فن میرے سننے والوں کی امانت ہے۔ ٹی وی کے لیے بھی اتنی ہی توجہ سے گاتا ہوں، جتنا فلموں اور کنسرٹ پر دیتا ہوں۔‘‘ ’’محبت بھی ضروری تھی‘‘ کی ویڈیو کو یو ٹیوب پر اب تک 50کروڑ سے زائد بار دیکھا جاچکا ہے، ایسی کیا خاص بات ہے اس گیت میں کہ چار برس ہوگئے اسے ریلیز کئے ہوئے، اس کی مقبولیت میں کمی واقع نہیں ہوئی؟ خاں صاحب نے جواب میں کہا کہ محبت ہر انسان کی ضرورت ہے، اس گیت کا مرکز بھی محبت ہے۔میں اسے پسند کرنے والوں کا شکر گزار ہوں کہ انہوں نے اسے مقبولیت کے آسمان پر چڑھادیا۔یہ ایک غیر فلمی گیت ہے، جسے معروف میوزک پروڈیوسر سلمان احمد نے پروڈیوس کیا تھا۔‘‘2018 میں آپ نے ’’جسٹ قوالی‘‘ کے عنوان سے دُنیا بھر میں کنسرٹ کیے، اس کا رسپانس کیسا رہا، جب کہ مداح تو آپ سے بالی وڈ سونگ کی فرمائش کرتے ہوں گے؟ استاد راحت فتح علی خان نے بتایا کہ میں نے گزشتہ ہفتے سعودی عرب کی تاریخ میں پہلی بار سماع کی محفل میں صُوفیانہ اور عارفانہ کلام پیش کیا، جسے بے حد پسند کیا گیا۔ امریکا اور یورپ سمیت40 سے زائد ممالک میں سماع کی محافل کا انعقاد کیا، جس کا سارا کریڈٹ میری ٹیم اور سلمان احمد کو جاتا ہے۔ دُنیا بھرمیں فنِ قوالی کا جادو سر چڑ کر بول رہا ہے، ان ممالک کے سارے قوالی کنسرٹ ہاوس فُل گئے، ہم نے دنیا کے درجنوں ممالک میں پیور قوالی پیش کی۔ پاکستان سےمختلف اختراع لے کر گئے، امیر خسرو، شیخ سعدیؒ، بوعلی سینا قلندر، حافظ شیرازی و دیگر شعراء کا کلام پیش کیا۔ استاد نصرت فتح علی خان نے قن قوالی کو پُوری دنیا میں نئے رنگ اور منفرد انداز سے متعارف کروایا۔ان کے فن کو کوئی بھی فراموش نہیں کرسکتا۔ مداح اب ایک پھرسنجیدہ موسیقی کو زیادہ پسند کررہے ہیں،جہاں تک بالی وڈ گانوں کی بات ہے تو اس سلسلے میں اتنا عرض کردوں کہ بالی وڈ والے تو خود صُوفیانہ گائیکی کے دیوانے ہیں۔ وہ اپنے ڈرائنگ روم اور نجی محافل میں قوالی شوق سے سُنتے ہیں۔ ایشوریا رائے اور ابھیشک بچن کی شادی ہوئی تو امیتابھ بچن جی نے مجھے قوالی کے لیے مدعو کیا۔ میں ابتدا ہی سے خود کو قوال کہلوانا پسند کرتا ہوں۔ میری آواز کو بالی وڈ نے استعمال کیا ہے، جب کہ میری روح میں قوال چُھپا ہوا ہے۔
میری جو بھی گائیکی ہے، وہ قوالی کے راستے ہی سے نکلتی ہے، اسی وجہ سے وہ منفرد اور الگ نظر آتی ہے۔ یہاں ایک بات اور بتانا چاہوں گا کہ 1992ء کے ورلڈ کپ کے دوران ہمارے کرکٹر استاد نصرت فتح علی خان کی قوالیاں بہت شوق سے سنتے رہے۔ آج کی نئی نسل بھی قوالی بہت شوق سے سُنتی ہے۔ کالج اور یونی ورسٹی میں منعقدہ کنسرٹ میں مجھ سے بہت زیادہ قوالیوں کی فرمائش کی جاتی ہے۔‘‘ مستقبل میں فن ِقوالی کو کہاں دیکھ رہے ہیں؟اس بارے میں ان کا کہنا تھا کہ قوالی کا فن کبھی ماند نہیں پڑے گا۔سب جانتے ہیں کہ قوالی پاپولر عوامی میوزک ہے، تاقیامت درگاہوں اور درباروں میں قوالی کی محفلیں ہوتی رہیں گی۔ یہ صدیوں پُرانا فن ہے۔ آئندہ چند برسوں میں فنِ قوالی کو مزید عروج ملے گا۔ آج کے دور کے گانوں میں جو صُوفیانہ رنگ نظر آتا ہے، وہ قوالی کا مرہونِ منت ہے، جس فلم میں بھی قوالی شامل کی جاتی ہے، وہ فلم سپرہٹ ثابت ہوتی ہے۔ انگریز کو قوالی بہت پسند ہے۔ وہ ہماری ثقافتی موسیقی کو بے انتہا چاہتے ہیں۔‘‘آپ کو کون کون سی قوالیاں پسند ہیں؟ مجھے ذاتی طور پر ’’یہ جو ہلکا ہلکا سرور ہے‘‘، ’’سانسوں کی مالا‘‘ اور ’’تمہیں دل لگی‘‘ بہت پسند ہیں۔