نیویارک(ایمرا نیوز آن لائن)عام طور پر کسی بھی خاتون کے ہاں سال میں ایک بار ہی بچوں کی پیدائش ہوتی ہے اور بیک وقت خواتین ایک سے زائد بچوں کو بھی جنم دیتی ہیں۔تاہم امریکا کی ایک خاتون کے ہاں ایک ہی سال میں 2 بار جڑواں بچوں کی پیدائش کے معاملے نے دنیا کو حیران کردیا۔

فلوریڈا کے شہر ویسٹ پام بیچ کی ایک خاتون کے ہاں ایک ہی سال میں 2 بار محض چند ماہ کے وقفے سے جڑواں بچوں کی پیدائش نے لوگوں کو حیران کردیا۔رپورٹ کے مطابق پہلی بار خاتون کے ہاں نارمل ڈیلیوری کے دوران مارچ 2019 میں جڑواں بیٹوں کی پیدائش ہوئی تو خاتون انتہائی خوش دکھائی دیں۔

تاہم چند ہفتوں بعد ہی ڈاکٹرز نے خاتون کو بتایا کہ وہ جڑواں بچوں کے حمل سے ہیں تو وہ حیران رہ گئیں۔رپورٹ کے مطابق الیگزینڈریا ولسن نے سال 2019 میں ہی دوسری بار 27 دسمبر کو ایک بار پھر جڑواں بچوں کو جنم دیا اور دوسری بار خاتون کے ہاں بیٹیاں پیدا ہوئیں جن کی پیدائش آپریشن کے ذریعے ہوئی۔

ایک ہی سال میں 2 بار بچوں کو جنم دینے والی خاتون کا کہنا تھا کہ ان کے خاندان میں ان کی دادی اور نانی کے علاوہ کسی نے بھی جڑواں بچوں کو جنم نہیں دیا تھا۔خیال رہے کہ امریکی خاتون سے قبل گزشتہ برس مارچ میں ایک بنگلہ دیشی خاتون کے ہاں بھی ایک ہی سال میں دوسری بار بچوں کی پیدائش ہوئی تھی۔

(ایمرا نیوزآن لائن) جنوبی افریقا کے سابق اسٹار آل راؤنڈر جیکس کیلس نے آدھی داڑھی اور آدھی مونچھ چھوڑ کر سب کو حیران کر دیا۔

سابق جنوبی افریقی آل راؤنڈر کی جانب سے جیسے ہی آدھی داڑھی اور آدھی مونچھ اپنے سوشل میڈیا اکاؤنٹ پر شیئر کی گئی تو مداحوں نے جہاں حیرانی کا اظہار کیا وہیں ان کے ذہنوں میں یہ سوال بھی اٹھے کہ آخر جیکس کیلس نے ایسا کیوں کیا؟

کیلس نے مداحوں کے تجسس کو ختم کرنے کے لیے ٹوئٹر کے کیپشن میں لکھا کہ آئندہ کچھ روز بہت دلچسپ ہوں گے، اور یہ سب گینڈے کی نسل کے تحفظ اور گالف کی بہتری کے لیے ہو گا۔ خیال رہے کہ جیکس کیلس نے جنوبی افریقا میں تیزی سے ختم ہوتی گینڈے کی نسل کو محفوظ رکھنے کے لیے ’سیو دی رہینو‘ مہم شروع کر رکھی ہے۔

سابق جنوبی افریقی آل راؤنڈر نے نا صرف اپنی آدھی داڑھی اور آدھی مونچھ منڈوائی بلکہ سینے کے آدھے بال بھی صاف کروائے جس کا مقصد عوام میں آگہی کے ساتھ اس مہم کے لیے فنڈ بھی اکٹھا کرنا ہے۔

جنوبی افریقا کی جانب سے 166 ٹیسٹ، 328 ون ڈے اور 25 ٹی ٹوئنٹی میچ کھیلنے والے جیکس کیلس کا شمار سچن ٹنڈولکر کے بعد ٹیسٹ میں سب سے زیادہ 45 سنچریاں اسکور کرنے والے کھلاڑیوں میں ہوتا ہے۔

یاموسوکرو: (ایمرا نیوزآن لائن) اگر ہمت و حوصلہ اور کچھ کر دکھانے کی لگن ہو تو ہر کام کو ممکن بنایا جا سکتا ہے۔ ہاتھوں سے معذور شخص نے کینوس پر خوبصورت رنگ بھر کر فن کی دنیا میں قدم رکھ لیا۔

میڈیا رپورٹ کے مطابق ایک افریقی شخص نے اپنی معذوری کو مجبوری نہیں بننے دیا اور مصوردی کو اپنا پیشہ بنا لیا۔ آئیوری کوسٹ سے تعلق رکھنے والا ترورے آدما نامی معذورشخص اپنے منہ سے کینوس پر رنگ بکھیرنے میں ماہر ہے اور منہ میں برش پکڑ کر خوبصورت تصاویر بنا لیتا ہے۔

ترورے آدما قدرتی طور پر ہاتھوں سے معذور ہے تاہم اس نے فن مصوری میں قدم رکھا دیا اورمنہ سے دیدہ زیب فن پارے بنائے۔

جنوبی افریقہ(ایمرا نیوز آن لائن)چار سالہ بچے کا کم عمر ترین ڈی جے بننے کا ریکارڈ برطانیہ میں چارسالہ بچے نے دنیا کا سب سے کم عمر ڈی جے بننے کے بعد اپنے اس فن میں مہارت کی بنا پر گنیز ریکارڈ قائم کردیا ہے۔

جی ہاں، Archie Norburyنامی ننھے ڈی جے نے ہانگ کانگ کے ایک میوزک کلب میں کسی پیشہ ور ڈی جے کی طرح 1گھنٹے سے زائد وقت تک میوزک سسٹم کنٹرول کرتے ہوئے موسیقی کی دُھنوں کو شاندار انداز میں ترتیب دیکر گنیز بک آف ورلڈ ریکارڈ میں اپنا نام کم عمر ڈی جے کے طور پر درج کروالیا ہے۔

دنیا کے سب سے کم عمر ڈی جے، جسے عام طور پر لوگ ڈی جےArchieکے نام سے جانتے ہیں اور اس کی شاندار پرفارمنس کو دیکھنے کیلئے بچوں اور بڑوں سمیت بڑی تعداد میں لوگ موجود تھے ، نہ صرف ننھے میاں کی ترتیب کردہ دُھنوں پر جھوم اُٹھے بلکہ اُسکی مہارت کو سراہے بغیر رہ نہ سکے۔واضح رہے کہ اس سے قبل یہ ریکارڈ جنوبی افریقہ سے تعلق رکھنے والے 5 سالہ بچے Oratilwe AJ Hlongwane کے پاس تھا۔

مسٹر 360اے بی ڈی ولٹیرز نے چپ کا روزہ آخر توڑ ہی دیا

لاہور(ایمرا نیوز آن لائن)مسٹر 360اے بی ڈی ویلیرز نے چپ کا روزہ آخر توڑ ہی دیا۔جنوبی امریکہ کے سابق کپتان نے کہا کہ انہوں نے ورلڈ کپ میں شامل کرنے کا مطالبہ نہیں کیا تھا بلکہ صرف تجویز دی تھی کہ اگر ٹیم کو ان کی ضرورت ہے تو وہ دستیاب ہیں، بیان میں مزید کہا کہ ورلڈ کپ میں مزید کہا کہ ورلڈ کپ میں پروٹینز کی ٹیم اب اختتام پذیر ہو چکی ہے تاہم ٹورنامنٹ کے دوران بلا جواز تنقید کا جواب دینا چاہتا تھا میں نے مئی 2018ءمیں انٹرنیشنل کرکٹ سے ریٹائر ہونے کا اعلان کر چکا ہوں کیونکہ میں اپنے بچوں اور فیملی کو ٹائم دینا چاہتا ہوں۔

جنوبی افریقہ نے آخری ٹی 20بھی جیت لیا: سری لنکا کو 45رنز سے شکست
سیریز3-0سے وائٹ واش،پریٹوریس کو میچ اور ریزا ہینڈرکس کو سیریز کا بہترین کھلاڑی قرار دیا گیا
جوہانسبرگ(ایمرا نیوز آن لائن) جنوبی افریقہ نے سری لنکا کو 3 میچوں پر مشتمل ٹی ٹوئنٹی سیریز کے آخری میچ میں 45 رنز سے شکست دے کر سیریز 3-0 سے جیت لی۔جوہانسبرگ میں کھیلے گئے سیریز کے آخری میچ میں سری لنکا کے کپتان لاستھ ملنگا نے ٹاس جیت کر میزبان جنوبی افریقہ کو پہلے بیٹنگ کی دعوت دی۔جنوبی افریقہ کے اوپنرز میکرم اور ہینڈرکس نے 37 رنز کی اوپننگ شراکت قائم کی جبکہ لکمل نے میکرن کو 15 کے انفرادی اسکور پر پویلین بھیج دیا۔دوسری وکٹ کی شراکت میں ہینڈرکس اور پریٹوریس نے اپنی نصف سنچریاں بھی مکمل کیں اور اسکور 127 رنز تک پہنچا دیا۔وینڈرسے نے ہینڈرکس کو 127 کے مجموعے پر آوٹ کیا تو انہوں نے 66 رنز بنائے تھے جس کے بعد سری لنکن باولرز مزید کوئی وکٹ حاصل کرنے میں ناکام رہے۔جنوبی افریقہ کی ٹیم نے مقررہ اوورز میں 2 وکٹوں کے نقصان پر 198 رنز بنا کر حریف ٹیم کو ایک مشکل ہدف دے دیا۔پریٹوریس 77 اور جے پی ڈومینی 34 رنز بنا کر ناقابل شکست رہے۔سری لنکا کے نیروشان ڈیکویلا نے ہدف کے تعاقب میں 38 رنز بنا کر ڈی سلوا کے ہمرا 42 رنز کا آغاز کیا لیکن وہ بڑی اننگز کھیلنے میں ناکام رہے اور دوسرے اینڈ سے دیگر بلے باز بھی مسلسل آوٹ ہوتے رہے۔ڈیکویلا 38 رنز بنا کر آوٹ ہوئے اور 96 کے مجموعے پرسری لنکا کے 6 بلے باز آوٹ ہوچکے تھے اور 8 بلے باز دوہرے ہندسے کو بھی عبور نہ کرسکے۔سری لنکا کی پوری ٹیم 16 ویں اوور میں 137 رنز بنا کر آوٹ ہوئی اور 45 رنز سے شکست کے بعد سیریز میں کلین سوئپ شکست کا سامنا کرنا پڑا۔جنوبی افریقہ کے فیلوکوایو نے سب سے زیادہ 4 وکٹیں حاصل کیں، جونیئر ڈیلا اور سپاملا نے 2،2 کھلاڑیوں کو آوٹ کیا۔پریٹوریس کو میچ اور ریزا ہینڈرکس کو سیریز کا بہترین کھلاڑی قرار دیا گیا۔

جنوبی افریقا:(نیٹ نیوز/ایمرا نیوز) کیا آپ ایسے گھرمیں سوسکتے ہیں جہاں دن کے علاوہ رات کو بھی شیروں کے دھاڑنے کی آواز آتی ہو اور آپ کے اور جنگلی درندوں کے درمیان صرف ایک برقی باڑ حائل ہو؟اگر آپ یہ مہم جوئی چاہتے ہیں تو جنوبی افریقا کا ’ شیرگھر‘ آپ کے لیے ہی ہے جہاں آس پاس 77 شیر پائے جاتے ہیں۔ تین بیڈ روم پر مشتمل یہ مکان کرائے پر دستیاب ہے اور ایک رات کا کرایہ صرف 100 ڈالر ہے جو ہیری اسمتھ کی جنگلی حیات کی تحفظ گاہ میں واقع ہے لیکن ٹی وی اور ایئرکنڈیشنر کی سہولت موجود نہیں اور اس کی رقم شیروں کے تحفظ پر خرچ کی جاتی ہے۔

یہ گھر جی جی کنزوریشن کمپنی نے تیار کیا ہے جہاں آپ کی جان خطرے میں ڈالے بغیر جنگل میں شیروں کو دیکھ سکتے ہیں۔ انسان اور حیوان دونوں ایک دوسرے کے کاموں میں مداخلت نہیں کرتے مگر ایک دوسرے کا احساس ضرور کرسکتے ہیں۔ سب سے بڑھ کر جنگل کے بادشاہ کی عادات اور رویہ دیکھا جاسکتا ہے اور فطری ماحول میں اس عظیم جانور کے اطوار نوٹ کیے جاسکتے ہیں۔بسا اوقات ایک سے زیادہ شیر گھر سے چند میٹر دور آجاتے ہیں لیکن برقی باڑ کی وجہ سے گھر میں گھسنے کی جرات نہیں کرتے۔ اگرچہ جانوروں کو کرنٹ لگانے کا یہ طریقہ درست نہیں لیکن کمپنی کے مطابق اس میں ہلکا کرنٹ ہے جو شیروں کو دور ہٹانے کے لیے کافی ہے۔ رات کو ایک ساتھ درجنوں شیروں کی دھاڑ عجیب دہشت پیدا کرتی ہے۔سیاحوں نے یہاں رہنے کے بعد اس سہولت کی بہت تعریف کی ہے اور عوام سے کہا ہے کہ وہ بھی یہاں آئیں تاکہ شیروں کی فلاح کا کوئی بندوبست ہوسکے۔

Suranga Lakmal took a career best five for 54 as Sri Lanka dismissed New Zealand for 178 in their first innings of the series-deciding second Test in Christchurch on Wednesday.

It was only the second five-wicket haul for Lakmal and eclipsed his five for 63 against South Africa two years ago.

He took four wickets bowling unchanged through the morning session and finished off the innings soon after tea.

Tim Southee and BJ Watling attempted to consolidate the New Zealand innings with a 108-run partnership for the seventh wicket after Lakmal and Lahiru Kumara had reduced the hosts to 64 for six.

Southee was eventually out for 68 and Watling made 46.

(سپورٹس ڈیسک/ایمرا نیوز)
پاکستان کرکٹ ٹیم نے جنوبی افریقا میں وارم اپ میچ میں کامیابی حاصل کرکے مشکل ترین سیریز کے لئے کچھ اعتماد بحال کرلیا ہے،بینونی میں کھیلے گئے،اس میچ سے پاکستانی بیٹسمنوں اور بولرز کو اچھی پریکٹس بھی مل گئی جو دروہ میں اہم ثابت ہوگی ،پاکستان اور جنوبی افریقا کے درمیان 3 ٹیسٹ میچوں کی سیریز کا آغاز باکسنگ ڈے یعنی 26 دسمبر سے ہورہا ہے، جس میں مہمان ٹیم 3 فاسٹ بولرز اور ایک اسپنر سے اٹیک کریں گی۔محمد عامر، عباس اور شاہین آفریدی کے ساتھ حسن علی بھی ہونگے، محمد عباس فٹ ہونے کی صورت میں بہتر آپشن ہونگے،بیٹنگ لائن قریب 3 روزہ میچ والی ہوگی،فخر زمان پروٹیز وکٹوں پر رک کر کھیلے تو ٹیم کا اسٹرائیک ریٹ بہتر رہے گا،دوسری جانب جنوبی افریقا ٹیم میں کیپ کوبراز کے سیمر ڈینی پیٹرسن شامل کرلیا گیا ہے،رائٹ آرم پیس مین کو زخمی ہونے والے ویرون فلینڈر کی جگہ ملی ہے ،29 سالہ تیز بولر اب تک ٹیسٹ کیپ کے منتظر ہیں لیکن اب تک 3 ون ڈے اور 8 ٹی 20 انٹر نیشنل میچ کھیل چکے ہیں ،اس لئے وہ ڈیل اسٹین اور ربادا وغیرہ کے ساتھ مل کر فاسٹ بولنگ کا طوفان برپا کرسکتے ہیں۔سینچورین کے سپر اسپورٹس پارک میں پاکستان جنوبی افریقا کے خلاف 2 ٹیسٹ کھیل چکا ہے،یہاں اس کا ہائی اسکور 313 اور کم اسکور 156 ہے ،جنوری 2007 میں اس سال کی طرح اتفاق سے 3 میچوں کی سیریز کا یہ پہلا ٹیسٹ تھا ،قومی ٹیم 313 اور 302 رنز بنانے کے باوجود 7 وکٹ سے ہارگئی تھی اور یہ بولنگ لائن کی ناکامی تھی کہ ٹیم درست مقابلہ نہ کرسکی،فروری 2013 میں 3 میچوں کی سیریز کا یہاں آخری میچ کھیلا گیا ،جنوبی افریقا نے 409 رنز بنائے تو بیٹنگ لائن ایسی ناکامی سے دوچار ہوئی کہ فالوآن کے نتیجے میں بھی اسکور پورا نہ کرسکی،156 اور 235 پر ڈھیر ہونے کے بعد اننگز اور 18 رنز کی شکست مقدر بنی ،اظہر علی 6 اور 27،اسد شفیق 6 اور 6 رنز کی اننگ کھیل سکے تو آج کے کپتان سرفرازاحمد 17 اور 40 رنز جوڑ سکے۔سپر سپورٹس پارک میں ہوم ٹیم کا ریکارڈ قابل رشک ہے، کھیلے گئے 23 میچوں میں سے 18 جیتے اور صرف 2 ہارے ہیں،3میچ ڈرا رہے ،خوش قسمت ٹیمیں 2 ہی رہیں،2000 میں انگلینڈ 2 وکٹ اور 2014 میں آسٹریلیا 281 رنز سے فاتح رہا،2009 میں انگلینڈ کے خلاف کھیلا گیا میچ ڈرا رہا تھا اسکے بعد سے اب تک یہاں تمام 8 میچ فیصلہ کن رہے جن میں سے میزبان ٹیم 7میں فتحیاب رہی۔پاکستان کرکٹ ٹیم کے لیئے سینچورین کا قلعہ فتح کرنا بہت ہی بڑا چیلنج ہے،سرفراز الیون کے لئے 3 روزہ میچ کی کامیابی کچھ اطمینان کا باعث ہوگی تو پروٹیز کے گھر میں موجودہ سیریز کا پہلا امتحان سر کرنا بہت بڑا امتحان ہوگا۔ملتان میں قومی ٹی 20 کپ کا فائنل آج کھیلا جارہا ہے،10 دسمبر سے شروع ہونے والے مختصر فارمیٹ میں قومی کرکٹرز نے بھرپور شرکت کی جن میں شعیب ملک،محمد حفیظ کی شمولیت قابل ذکر ہے، اس ایونٹ میںشائقین کی آمد خاصی مایوس کن رہی ہے تو چند کرکٹرز کی کارکردگی خاصی حوصلہ افزا تھی ۔

لاہور:(سپورٹس ڈیسک/ایمرا نیوز) دورہ جنوبی افریقہ میں پاکستان کیلیے ہتھیاروں کی آزمائش کا وقت آگیا تاہم انوی ٹیشن الیون سے سہ روزہ میچ کا آغاز آج بینونی میں ہوگا۔امارات کی سازگار کنڈیشنز میں پاکستان ٹیم کی بیٹنگ لائن کارکردگی میں تسلسل کو ترستی رہی، نیوزی لینڈ کیخلاف ٹیسٹ سیریز میں حریف کو دباؤ میں لانے کے مواقع ضائع کیے جانے کی وجہ سے 2میچز میں ناکامی کا سامنا کرنا پڑا، خاص طور پر چوتھی اننگز میں ہدف کا تعاقب کرتے ہوئے بیٹسمین حوصلے ہارتے دکھائی دیے۔جنوبی افریقہ آمد کے بعد کپتان سرفرازاحمد اور ہیڈ کوچ مکی آرتھر نے بیٹنگ میں استحکام کو انتہائی اہم قرار دیا، ان کا کہنا تھا کہ پروٹیز کی مضبوط بولنگ لائن اپ کیخلاف اچھا ٹوٹل حاصل کریں تو بولرز میزبان ٹیم کی20وکٹیں حاصل کرسکتے ہیں،جنوبی افریقہ میں 4روزہ فرنچائز ٹورنامنٹ جاری ہونے کی وجہ سے انوی ٹیشن الیون میں صوبائی سطح کے کرکٹرز کو شامل کیا گیا ہے۔

انہوں نے کہا کہ حریف کمزور ہونے کے باوجود میزبان ملک کی کنڈیشنز سے ہم آہنگی اور بیٹنگ فارم کی واپسی کیلیے پاکستان کو میسر واحد ٹور میچ اہمیت کا حامل ہوگا، بینونی کا میدان 26دسمبرسے شروع ہونے والے پہلے ٹیسٹ کے وینیو سے صرف 60 کلومیٹر کے فاصلے پر ہے، اس لیے موسمی حالات سے مطابقت پیدا کرنے کے حوالے سے بھی یہ ٹور میچ اہم ہوگا۔دوسری جانب مشکوک فنٹس کے حامل کرکٹرز پیسر محمد عباس، لیگ اسپنر شاداب خان اور اوپنر فخرزمان کو ساتھ لے کر ملک سے روانہ ہونے والی پاکستان ٹیم تاحال مسائل سے نجات پانے کیلیے کوشاں ہے۔ادھر موصولہ اطلاعات کے مطابق تینوں تاحال فٹنس مسائل سے مکمل طور پر نجات نہیں پا سکے،یواے ای میں کندھے کی انجری کا شکار ہونے والے محمد عباس، گروئن مسائل سے دوچار شاداب خان اور گھٹنے کی تکلیف میں مبتلا فخرزمان ٹریننگ ضرور کررہے ہیں لیکن ان کی میچ فٹنس پر شکوک ختم نہیں ہوئے۔ذرائع کے مطابق دورے کی اہمیت کے پیش نظر ٹیم انتظامیہ کھلاڑیوں کو انجریز سے بچانا چاہتی ہے، انھیں 100 فیصد فٹنس کی رپورٹ ملنے پر ہی میدان میں اتارا جائے گا، محمد عباس اور شاداب خان کو پریکٹس میچ نہیں کھلایا جا رہا، اوپنر فخر زمان کی فٹنس میں کافی بہتری آچکی لیکن میچ سے قبل ایک بار پھر جائزہ لیا جائے گا۔پاکستانی ٹیم نے بینونی میں گزشتہ روز بھی ٹریننگ کا سلسلہ جاری رکھا،کھلاڑیوں نے کوچز کی نگرانی میں اپنی صلاحیتوں کو نکھارنے کیلیے نیٹ میں وقت گزارا،مڈل آرڈر بیٹسمینوں اظہر علی، اسد شفیق اور حارث سہیل گرین ٹاپ پچ پر پریکٹس کرتے ہوئے اپنی خامیوں کو درست کرنے کیلیے سرگرم رہے۔