Tag Supreme Court of Pakistan

لاہور (ایمرا نیوزآن لائن) پاکستان تحریک انصاف کے رہنما اور وفاقی وزیر برائے پارلیمانی امور اعظم سواتی نے 2018 کے آخر میں ہمسایوں کے ساتھ جھگڑا اور پھر اسلام آباد پولیس کے سربراہ کی تبدیلی کے معاملے پر وزارت سے استعفیٰ دیا تھا اور وہ اس وقت وزیر برائے سائنس و ٹیکنالوجی کے عہدے پر فائز تھے تاہم کچھ عرصہ کے بعد جب معاملہ ختم ہو گیا تو عمران خان نے انہیں پھر وزارت سونپ دی تھی.

اس معاملے کو ایک لمبے عرصے کے بعد سینئر صحافی روف کلاسرا نے سوشل میڈیا پر ایک مرتبہ پھر سے اٹھا دیاہے اور چیف جسٹس سپریم کورٹ جسٹس گلزار احمد کی توجہ اس طرف دلاتے ہوئے درخواست بھی کر دی ہے ۔آج صبح سپریم کورٹ میں ریلوے سے متعلق کیس کی سماعت ہوئی جس دوران شیخ رشید بھی عدالت میں پیش ہوئے ، کیس کی سماعت کے دوران چیف جسٹس نے برہمی کا اظہار کیا اور سخت ریمارکس بھی جاری کیے ۔

چیف جسٹس گلزار احمد کے ریمارکس پر مبنی خبر کو ری ٹویٹ کرتے ہوئے سینئر صحافی روف کلاسرا نے سوشل میڈیا پر پیغام جاری کرتے ہوئے کہا کہ ”چیف صاحب ذراءاعظم سواتی کو بلا کر پوچھیں ،جس کے خلافJITنے5رپورٹس سپریم کورٹ میں پیش کیں۔سزا سے بچنے کے لیے فورا استفعی دے دیا۔جونہی ثاقب نثار عہدے سے ریٹائر ہوئے اور انہیں دوبارہ وزیر بنا دیاگیا۔یہ عدالت کے ساتھ مذاق ہے ،وہ بندہ ٓآج پارلیمنٹ چلا رہا ہے جس نے سنگین جرائم پر استعفیٰ دیا تھا۔ یہ عدالت کو مذاق سمجھتے ہیں۔“

یاد رہے کہ اعظم سواتی کی رہائش گاہ کے قریب ایک غریب آدمی نیاز محمد کے ساتھ لڑائی جھگڑے کے معاملے پر ان کے بیٹے کی مدعیت میں اسلام آباد پولیس نے پانچ افراد کے خلاف مقدمہ درج کیا تھا جس میں الزام عائد کیا گیا تھا کہ ملزمان نے وفاقی وزیر کے گھر پر حملہ کیا تھا۔اس مقدمے میں پولیس نے ایک بارہ سالہ لڑکے ضیا الدین کا نام بھی درج تھا تاہم سپریم کورٹ نے آئی جی کے تبادلے کا جب نوٹس لیا تو پولیس حکام نے اس کمسن ملزم کو رہا کر دیا۔

ضیا الدین کا کہنا تھا کہ ان کی گائے اعظم سواتی کے فارم ہاو¿س میں گھس گئی تھی جب انھیں واپس لے کر آئے تو مذکورہ وزیر کے کارندوں نے مبینہ طور پر انھیں تشدد کا نشانہ بنایا اور مقدمہ بھی ان ہی کے خلاف درج ہوا۔دوسری طرف وفاقی وزیر اعظم سواتی کا کہنا ہے کہ ملزمان نے ان کے ملازمین کو تشدد کا نشانہ بنایا۔ان کا موقف تھا کہ انھوں نے اسلام آباد پولیس کے سربراہ کو تحفظ فراہم کرنے کی درخواست کی تھی لیکن انھیں تحفظ فراہم نہیں کیا گیا۔معاملہ اعلیٰ سطح پر آنے کے بعد تحقیقات کیلئے جے آئی ٹی تشکیل دی گئی تھی جس نے اپنی انکوائری میں اعظم سواتی کو قصور وار ٹھہرایا تھا ۔

اسلام آباد (میڈیا 92نیوز آن لائن) سپریم کورٹ آف پاکستان نے سی ای او پی آئی اے ارشد محمود کو کام پر بحال کرنے کی استدعا مستردکردی،عدالت نے پی آئی اے کے بورڈآف ڈائریکٹرز کو کام کرنے کی اجازت دے دی،عدالت نے سندھ ہائیکورٹ سے مقدمے کی تفصیلات طلب کرلیں ،چیف جسٹس گلزاراحمد نے ریمارکس دیتے ہوئے کہا کہ چیئرمین پی آئی اے کو قانون کے مطابق آنا چاہئے،معلوم نہیں کوئی ایئر مارشل پی آئی اے کو کیسے چلائے گا؟بہتر ہے ایئرمارشل پیک اپ کرلیں ۔چیف جسٹس نے حکومت کو طریقہ کار کے مطابق نیا پی آئی اے سربراہ تعینات کرنے کا حکم دے دیا۔
تفصیلات کے مطابق سپریم کورٹ میں سی ای او پی آئی اے ارشد ملک کی کام پر بحالی سے متعلق درخواست پر سماعت ہوئی،چیف جسٹس گلزاراحمد کی سربراہی میں بنچ نے سماعت کی ۔چیف جسٹس پاکستان نے ریمارکس دیتے ہوئے کہا کہ چیئرمین پی آئی اے کو قانون کے مطابق آنا چاہئے،معلوم نہیں کوئی ایئر مارشل پی آئی اے کو کیسے چلائے گا؟بہتر ہے ایئرمارشل پیک اپ کرلیں ۔چیف جسٹس نے حکومت کو طریقہ کار کے مطابق نیا پی آئی اے سربراہ تعینات کرنے کا حکم دے دیا۔چیف جسٹس گلزاراحمد نے کہا کہ ہماراکوئی ذاتی مفاد نہیں یہ موصوف خود ڈیپوٹیشن پر آئے اور10 بندوںکو ساتھ لائے ،چیف جسٹس پاکستان نے ریمارکس دیتے ہوئے کہا کہ پی آئی اے پاکستان ایئر فورس کو ہی دے دیں حکومت کیوں چلا رہی ہے ؟۔

(ایمرا نیوز آن لائن) لاہور کے پنجاب انسٹیٹیوٹ آف کارڈیالوجی (پی آئی سی) میں مبینہ طور پر ڈاکٹروں اور عملے کو تشدد کا نشانہ بنانے، ہسپتال کی املاک اور پولیس کی گاڑیوں کو نقصان پہنچانے والے 250 سے زائد وکلا کے خلاف 2 ایف آئی آر درج کرلی گئی ہیں۔

گزشتہ روز وکلا نے چند ہفتے قبل پنجاب انسٹیٹیوٹ آف کارڈیالوجی میں مار پیٹ کا شکار ہونے والے وکلا کے ایک گروہ کا بظاہر بدلہ لینے کی مشن پر پی آئی سی میں پرتشدد مظاہرہ کیا تھا سوشل میڈیا پر وائرل ہونے والی ویڈیو کلپ میں کچھ ڈاکٹروں کو اس واقعے کا ذکر کرتے ہوئے دیکھا گیا تھا، جس میں مبینہ طور پر وکلا کا ‘مذاق’ اڑایا گیا تھا۔لاہور کے ہسپتال دھاوا بولنے والوں میں اکثر سیاہ لباس اور ٹائی میں ملبوس نوجوان تھے جنہوں نے ہسپتال کی حدود کسی شخص کو نہیں بخشا جہاں امراض قلب کے کئی مریض کسی بھی وقت زیرِ علاج ہوتے ہیں۔

صورتحال اس وقت خراب ہوئی جب مشتعل گروہ نے ایمرجنسی ڈپارٹمنٹ پر کچھ ڈاکٹروں کی تلاش میں دھاوا بولا تھا جبکہ خطرے کے پیشِ نظر ڈاکٹرز فرار ہوگئے تھے۔
ڈاکٹروں کی غیر موجودگی میں کچھ مریضوں کی حالت بگڑنے پر ایک لڑکی اور عمر رسیدہ خاتون سمیت پی آئی سی کے 3 مریض جاں بحق ہوگئے تھے۔

گزشتہ روز پہلی ابتدائی اطلاعی رپورٹ (ایف آئی آر) پی آئی سی کی شکایت پر شادمان پولیس اسٹیشن میں درج کی گئی تھی جس میں لاہور بار ایسوسی ایشن کے جنرل سیکریٹری ملک مسعود کھوکر، لاہور بار ایسوسی ایشن کے نائب صدر اعجاز بسرا اور لاہور بار ایسوسی ایشن کے صدارتی امیدوار رانا انتظار کو وکلا کی قیادت کرنے، انہیں اشتعال دلانے اور ہدایات دینے پر نامزد کیا گیا ہے کہ ڈاکٹروں اور طبی عملے سمیت جو بھی ان کی راہ میں آئے بچ کر نہیں جاسکے۔

ایف آئی آر پنجاب انسٹیٹیوٹ آف کارڈیالوجی کی جانب سے ثاقب شفیع شیخ کی شکایت پر انسداد دہشت گردی ایکٹ کی دفعہ 7 اور تعزیرات پاکستان کی دفعات 322( قتل و غارت گری)، 452 ( زخمی کرنے، حملے یا حبس بے جا کے لیے تیاریوں کے بعد کسی جگہ بے جا مداخلت کرنے)،352 (سرکاری ملازم کو فرائض کی انجام دہی سے منتشر کرنے کے لیے حملہ یا مجرمانہ قوت کا استعمال)، 186، 354 (کسی خاتون کی بے حرمتی کے ارادے سے اس پر حملہ کرنا)، 148 (فسادات، مہلک ہتھیاروں سے لیس ہونا)، ،149 ( غیرقانونی عمل) 337-ایچ (2) ( غفلت کے نتیجے میں زخمی کرنے پر سزا ) اور 395 (ڈکیتی کی سزا) کے تحت درج کی گئی ہے۔

ایف آئی آر کے شکایت کنندہ کے مطابق گزشتہ دوپہر وہ اپنے دفتر میں موجود تھے کہ چوکی انچارج نے ٹیلیفون آپریٹر کے ذریعے آگاہ کیا کہ 200 سے 250 مرد اور خواتین وکلا پی آئی سی کی طرف آرہے ہیں۔

شکایت کنندہ نے بتایا کہ اطلاع موصول ہونے کے بعد انہوں نے ہسپتال میں موجود ڈاکٹروں کو بتایا جو پی آئی سی کے ایمرجنسی وارڈ میں وکلا کی آمد سے متعلق سیکیورٹی الرٹ کے لیے پہنچے تھے۔

انہوں نے بتایا تقریبا آدھے گھنٹے بعد 200 سے 250 وکلا پی آئی سی کے ایمرجنسی گیٹ پر تعینات پولیس کی بھاری نفری کو دھکے دیتے ہوئے ایمرجنسی گیٹ کو توڑ کر زبردستی پنجاب انسٹیٹیوٹ آف کارڈیالوجی میں داخل ہوئے جن میں سے کچھ کے پاس اسلحہ اور ڈنڈے بھی تھے۔

ایف آئی آر کے مطابق کئی گروہوں میں تقسیم وکلا انتہائی نگہداشت یونٹ (آئی سی یو)، آپریشن تھیٹر اور ریڈیالوجی سمیت پی آئی سی کے مختلف ڈپارٹمنٹس میں داخل ہوئے جہاں انہوں نے سیکیورٹی گارڈز، طبے عملے اور ڈاکٹروں کو زد و کوب کیا۔

اس میں مزید کہا گیا کہ وکلا نے ہسپتال کے قیمتی آلات بھی توڑے جس سے ہسپتال میں زیرِ علاج مریضوں اور ان کے اہلِ خانہ میں خوف و ہراس پیدا ہوا۔

ایف آئی آر کے مطابق ہسپتال میں تباہی کے نتیجے میں مریضوں کو دی جانے والے طبی سہولیات معطل ہوگئی جو 3 مریضوں کی اموات کا باعث بنی۔

اس میں مزید بتایا گیا کہ پارکنگ لاٹ میں موجود ڈاکٹروں کی گاڑیوں کو بھی نقصان پہنچایا گیا۔

ایف آئی آر کے مطابق وکلا کی جانب سے ہسپتال میں تعینات 2 سیکیورٹی گارڈز کو تشدد کا نشانہ بنایا گیا اور ان کی حالت سنگین ہونے کے بعد علاج کے لیے سروسز ہسپتال منتقل کیا گیا تھا۔

اس میں مزید کہا گیا وکلا کے ایک گروہ نے نرسز ہسپتال میں داخل ہو کر وہاں بھی توڑ پھوڑ کی، وکلا نے عملے کو ہراساں کیا، نرسز ہسپتال کی انچارج کے ساتھ بدتمیزی کی اور ان کے گلے میں پہنا ہوا لاکٹ چھین لیا تھا۔

ایف آئی آر کے مطابق صورتحال بے قابو ہونے پر پولیس کی مزید نفری پی آئی سی پہنچی اور جب انہوں نے وکلا کو ہسپتال سے باہرنکالنا چاپا تو ان میں سے کچھ نے فائرنگ شروع کردی۔

اس میں مزید بتایا گیا کہ واقعہ تقریبا 2 گھنٹے تک جاری رہا جبکہ زخمیوں اور آلات کو نقصان پہنچنے سے متعلق معلومات بعد میں دی جائیں گی۔

دوسری ایف آئی آر
مذکورہ معاملے پر دوسری ابتدائی اطلاعی رپورٹ پولیس کی جانب سے درج کی گئی ہے اس میں انسداد دہشت گردی ایکٹ کی دفعات شامل ہیں۔

شکایت کنندہ انسپکٹر سید انتخاب حسین کے مطابق پستول اور ڈنڈوں سے لیس وکلا ان کی پولیس گاڑی کے پاس آئے اور انہیں جان سے ماردینے کی نیت سے ان پر فائرنگ کی۔
انہوں نے مزید کہا کہ صورتحال کی سنگینی کا احساس ہوتے ہی وہ گاڑی میں بیٹھے اور فوری طور پر وہاں سے نکلنے کی کوشش کی اس دوران ان کی گاڑی فٹ پاتھ پر چڑھ گئی اور وکلا نے گاڑی کو گھیرلیا اور اسے نقصان پہنچانا شروع کردیا۔ شکایت کنندہ انسپکٹر نے کہا کہ مظاہرین میں سے ایک نے کہا کہ پولیس کی گاڑی کو آگ لگادو اور پولیس عہدیداران کو جان سے مار ڈالو۔

ان کا مزید کہنا تھا کہ مظاہرین نے پولیس کی گاڑی پر فائرنگ اور اسے آگ لگائی۔

گزشتہ روز انسداد دہشت گردی ایکٹ کی دفعہ 7 اور تعزیرات پاکستان کی دفعہ 290(عوام کو تکلیف پہنچانے)، 291 (حکم کے باجود پریشانی کا باعث بنے رہنے )، 148 (فسادات، مسلح ہتھیار سے لیس ہونے)، 353 (حملہ)، 324(اقدام قتل)، 436 ( گھر وغیرہ تباہ کرنے کے مقصد سے آگ یا دھماکا خیز مواد کا استعمال) اور 186 (سرکاری ملازم کے عوامی کاموں میں رکاوٹ بننے) کے تحت وکلا کے خلاف مقدمہ درج کیا گیا ۔

معاملہ شروع کہاں سے ہوا؟
یہ معاملہ اس وقت شروع ہوا جب چند روز قبل کچھ وکلا پنجاب انسٹی ٹیوٹ آف کارڈیولوجی میں ایک وکیل کی والدہ کے ٹیسٹ کے لیے گئے، جہاں مبینہ طور پر قطار میں کھڑے ہونے پر وکلا کی جانب سے اعتراض کیا گیا۔

اسی دوران وکلا اور ہسپتال کے عملے دوران تلخ کلامی ہوئی اور معاملہ ہاتھا پائی تک پہنچ گیا اور مبینہ طور پر وہاں موجود وکلا پر تشدد کیا گیا۔

مذکورہ واقعے کے بعد دونوں فریقین یعنی وکلا اور ڈاکٹرز کی جانب سے احتجاج کیا گیا اور ایک دوسرے پر مقدمات درج کرنے کا مطالبہ کیا گیا، تاہم بعد ازاں ڈاکٹرز کے خلاف مقدمہ درج کرلیا گیا۔

س مقدمے کے اندراج کے بعد وکلا کی جانب سے کہا گیا کہ ایف آئی آر میں انسداد دہشت گردی ایکٹ کی دفعات شامل کریں، تاہم پہلے ان دفعات کو شامل کیا گیا بعد ازاں انہیں ختم کردیا گیا۔

جس کے بعد ینگ ڈاکٹرز کی جانب سے ایک پریس کانفرنس میں مذکورہ واقعے پر معافی مانگ لی گئی اور معاملہ تھم گیا۔

تاہم گزشتہ روز ینگ ڈاکٹرز کی ایک ویڈیو وائرل ہوئی جس میں ایک ڈاکٹر کو اس واقعے کا ذکر کرتے ہوئے دیکھا گیا، جس میں مبینہ طور پر وکلا کا ‘مذاق’ اڑایا گیا تھا، جس پر وکلا نے سوشل میڈیا پر ڈاکٹر کے خلاف مہم شروع کردی۔

اس معاملے پر بدھ کو ایوان عدل میں لاہور بار ایسوسی ایشن کا اجلاس عاصم چیمہ کی سربراہی میں ہوا جس میں مزید کارروائی کے لیے معاملے کو جمعرات تک ملتوی کردیا گیا، تاہم کچھ وکلا نے بدھ کو ہی ڈاکٹرز کے خلاف کارروائی کرنے کے لیے پی آئی سی کا رخ کیا۔

اسلام آباد(میڈٰیا92نیوزآن لائن) جنرل( ریٹائرڈ )امجد شعیب کا کہنا ہے کہ انہوں نے آرمی چیف جنرل قمر جاوید باجوہ سے بات کی تھی اور وہ اپنی مدت ملازمت میں توسیع نہیں چاہتے تھے مگر وزیر اعظم عمران خان ان کو مذید عہدے پر برقرار رکھنے پر مصر ہیں۔

امجد شعیب نے کہا کہ آرمی چیف کی مدت ملازمت میں 6 مہینوں کی مشروط توسیع ’’آرمی کمانڈ ‘‘ میں غیر یقینی کی صورتحال پیدا کرےگی تاہم دو دیگر ریٹائرڈ جنرنلزبشمول سابق ڈیفنس سیکریٹری ان کی بات سے متفق نہیں۔

انہوں نے مزید کہا کہ حکومت کے پاس قانون سازی کے لئے مقررہ اکثریت نہیں کہ وہ قانون قومی اسمبلی اور سینیٹ میں پاس کرا سکیں، یہ بہت نقصا ن دہ صورتحال ہے کیونکہ آرمی کے نچلے افسران یہ صورتحال دیکھتے رہیں گے اور غیر یقینی قائم رہے گی۔

جنرل (ر) امجد شعیب کا کہنا تھا کہ صورتحال افراتفری کی سی ہے، اب یہ جنرل قمر جاوید باجوہ پر منحصر ہے کہ وہ پاک فوج کے وقار کا خیال رکھتے ہیں یا پھر سسٹم میں اصلاحات لاکر عہدہ چھوڑتے ہیں۔ جمعرات کےفیصلے میں اس بات کو دیکھا گیا ہے کہ مدت ملازمت میں توسیع کے معاملے میں قانونی خلاء ہے کیونکہ نہ آئین میں اور نہ ہی آرمی ایکٹ میں توسیع کا ذکر ہے۔

سپریم کورٹ نے اس کی تشریح کرکے کہا ہے کہ پارلیمنٹ اس معاملےکو ہمیشہ کےلئے طے کر لے، تاہم اس کا وقت ٹھیک نہیں ہے اگر یہ ایک ہفتے پہلے ہوجاتا تو بات کچھ اور ہوتی۔ امجد شعیب نے مزید کہا کہ انہوں نے جنرل قمر جاوید باجوہ سے بات کی تھی اور وہ اپنی مدت ملازمت میں توسیع نہیں چاہتے تھے مگر وزیر اعظم عمران خان ان کو مذید عہدے پر برقرار رکھنے پر مصر ہیں۔

سابق سیکریٹری ڈیفنس جنرل (ریٹائرڈ) آصف یاسین ملک کا کہنا تھا کہ پاکستان کی مسلح افواج منظم ادارہ ہے، مشروط توسیع سے کوئی منفی اثر نہیں ہوگا۔ میجر جنرل (ریٹائرڈ) اعجاز اعوان نے کہا کہ فو ج کا اپنا ایک مکینزم ہے آرمی چیف کی مدت میں مشروط توسیع سے چین آف کمانڈ پر کوئی فر ق نہیں پڑے گا۔

2مئی کو سابق صدر کے پیش نہ ہونے پر ان کا دفاع کا حق ختم ہوجائےگا اور ان کو دفعہ 342 کے تحت بیان ریکارڈ کروانے کی سہولت بھی نہیں ہوگی
سنگین غداری کیس کی جلد سماعت سے متعلق درخواست کی سماعت عدالت عظمیٰ کا فیصلہ
ملزم جان بوجھ کر غیر حاضر ہوجائے تو اس کے بعد کی کارروائی غیر حاضری کے زمرے میں تصور نہیں ہوگی، مفرور ملزم کے کوئی حقوق نہیں ہوتے،جسٹس آصف سعید کھوسہ اسلام آباد(ایمرا نیوز آن لائن )سپریم کورٹ آف پاکستان نے سنگین غداری کیس میں حکم دیا ہے کہ سابق صدر جنرل (ر)پرویز مشرف اگر 2 مئی کو پیش نہیں ہوتے تو خصوصی عدالت استغاثہ کو سن کر فیصلہ کرے۔ساتھ ہی عدالت عظمی نے یہ بھی فیصلہ دیا کہ 2 مئی کو پرویز مشرف کے پیش نہ ہونے پر ان کا دفاع کا حق ختم ہوجائے گا اور ان کو دفعہ 342 کے تحت بیان ریکارڈ کروانے کی سہولت بھی نہیں ہوگی۔چیف جسٹس پاکستان آصف سعید کھوسہ کی سربراہی میں 3 رکنی بینچ نے سابق صدر جنرل (ر)پرویز مشرف کے خلاف سنگین غداری کیس کی جلد سماعت سے متعلق درخواست سماعت کی۔سماعت کے دوران خصوصی عدالت کا 28 مارچ کا حکم نامہ پیش کیا گیا، جس پر چیف جسٹس نے ریمارکس دیے کہ کیا مشرف نے پیش ہونے کی یقین دہانی کروائی ہے؟اس پر سابق صدر کے وکیل نے کہا کہ مشرف خود واپس آکر بیان ریکارڈ کروانا چاہتے ہیں، جس پر چیف جسٹس نے پوچھا کہ مشرف یقین دہانی کے باوجود واپس نہ آئے تو کیا ہوگا؟ وعدہ کرکے واپس نہ آنے پر کچھ تو ہونا ہی چاہیے۔عدالتی استفسار پر سابق صدر کے وکیل نے کہا کہ ذاتی گارنٹی نہیں دے سکتا کہ پرویز مشرف واپس آئیں گے، بطور وکیل مجھے ہدایات ہیں کہ پرویز مشرف خود پیش ہوں گے۔وکیل سلمان صفدر نے کہا کہ پرویز مشرف نے علاج کی غرض سے 13 مئی کو واپس آنے کی تاریخ دی، چیف جسٹس کی برطانوی آمر کی مثال شہ سرخیاں بن گئیں۔انہوں نے کہا کہ سپریم کورٹ میں مقدمہ غیر موثر ہوچکا ہے، ملزم کی عدم موجودگی میں ٹرائل غیر آئینی ہوتا ہے، اس پر چیف جسٹس نے ریمارکس دیے کہ ملزم جان بوجھ کر پیش نہ ہو تو اس کو فائدہ نہیں اٹھانے دے سکتے، سنگین غداری کوئی معمولی جرم نہیں۔سماعت کے دوران پرویز مشرف کے وکیل کے دلائل پر پراسیکیوٹر نے کہا کہ پرویز مشرف کا ٹرائل عدم موجودگی میں نہیں ہورہا، ان پر فرد جرم ان کی موجودگی میں عائد ہوئی، سابق صدر طلب کرنے پر پیشی کی یقین دہانی کروا کر گئے تھے۔اس دوران چیف جسٹس آصف سعید کھوسہ کی جانب سے ریمارکس دیے گئے کہ ملزم جان بوجھ کر غیر حاضر ہوجائے تو اس کے بعد کی کارروائی غیر حاضری کے زمرے میں تصور نہیں ہوگی، مفرور ملزم کے کوئی حقوق نہیں ہوتے۔بعد ازاں عدالت کی جانب سے سنگین غداری کیس میں فیصلہ دیتے ہوئے کہا گیا کہ پرویز مشرف 2 مئی کو پیش نہیں ہوتے تو خصوصی عدالت استغاثہ کو سن کر فیصلہ کرے، مشرف کے پیش نہ ہونے پر ان کا دفاع کا حق ختم ہوجائے گا۔عدالتی فیصلے میں کہا گیا کہ پرویز مشرف کو سیکشن 342 کے تحت بیان ریکارڈ کروانے کی سہولت بھی نہیں ہوگی، تاہم اگر پرویز مشرف 2 مئی کو پیش ہوجاتے ہیں تو تمام سہولیات میسر ہوں گی۔سپریم کورٹ نے فیصلے میں کہا گیا کہ اگر پرویز مشرف پیش نہیں ہوتے تو اس کا مطلب ہے کہ 342 کا بیان ریکارڈ کروانے کی سہولت سے فائدہ نہیں اٹھانا چاہتے۔خیال رہے کہ 28 مارچ کو اسلام آباد کی خصوصی عدالت نے سابق صدر جنرل (ر)پرویز مشرف کو 2 مئی کو ذاتی حیثیت میں طلب کرتے ہوئے کہا تھا کہ عدالت نہ پہنچنے کی صورت میں بیان ریکارڈ کرنے سے متعلق مناسب حکم جاری کردیا جائےگا۔خیال رہے کہ جنرل (ر)پرویز مشرف کے خلاف وفاقی حکومت کی جانب سے وزارتِ داخلہ کے ذریعے سنگین غداری کیس کی درخواست دائر کی گئی تھی جسے خصوصی عدالت نے 13 دسمبر 2013 کو قابلِ سماعت قرار دیتے ہوئے سابق صدر کو 24 دسمبر کو طلب کیا تھا۔

لاہور(ایمرا نیوز) سپریم کورٹ آف پاکستان نے نواز شریف کی سزا 6 ہفتے کے لیے معطل کردی ہے، جبکہ ان کے ملک سے باہر جانے پر پابندی لگا دی، کارکنوں نے ملک بھر شکرانے کے سجدے ادا کیے.

اسلام آباد(ایمرا نیوز) سپریم کورٹ میں نواز شریف کی ضمانت کا فیصلہ کچھ دیر بعد سنایا جائے گا، سریم کورٹ آف پاکستان نواز شریف کی طبی بنیادوں پر کچھ دیر میں فیصلہ سنایا جائے گا ، وکیل نے درخواست دی تھی کہ نواز شرئیف کا علاج پاکستان میں ممکن نہیں لہذا ان کی طبی بنیادوں پر ضمانت دی جائے تاکہ وہ بیرون ملک جاکر اپنا علان کراسکیں.

اسلام آباد(ایمرا نیوزآن لائن رپورٹ رضا ملک) سپریم کورٹ آف پاکستان کی جانب سے بحریہ ٹاؤن کراچی کی پیشکش منظور کرنے پر اوورسیز پاکستانیوں میں خوشی کی لہر دوڑ گئی ۔میڈیا پر خبر نشر ہونے کے بعد اوورسیز پاکستانیوں نے جنگ کو فون کرکے اپنے خیر سگالی کے جذبات کا اظہار کرتے ہوئے کہا کہ ملک ریاض نے پاکستان کو خوبصورت بنانے اور ملکی ترقی خوشحالی کے ساتھ ساتھ رفاعی و سماجی کاموں میں گرانقدر خدمات سرانجام دی ہیں۔اوورسیز پاکستانیوں کا کہنا تھا کہ بحریہ ٹاؤن کی جانب سے بھاری رقم جمع کرانے کی پیشکش کو قبول کرکے اعلیٰ عدلیہ نے ہمارے دل جیت لئے ہیں۔واضح رہے کہ بحریہ ٹاؤن کے اکثر منصوبوں میں اوورسیز پاکستانیوں نے اپنی ساری زندگی کی حق حلال کی کمائی لگائی ہوئی تھی کیونکہ وہ سمجھتے ہیں کہ ملک ریاض وہ انسان ہیں جن کی ساری جدوجہد ملک قوم کی ترقی خوشحالی اور خوبصورتی کےلئے گزری ہے اور انہیں ہر حال میں سر خرو ہونا چاہئے تھا جس کےلئے وہ دعا گو بھی تھے۔اوورسیز پاکستانیوں کا کہنا تھا کہ ملک ریاض نے کھیلوں کے فروغ اور خصوصی طور پر مساجد کی تعمیر کےلئے قابل تحسین اقدامات کیے ہیں۔