Tag to

برازیل(ایمرا نیوزآن لائن) برازیل میں ہونے والی بیچ ریسلنگ ورلڈ سیریز میں شکست کے بعد قومی پہلوان انعام بٹ واپس وطن پہنچ گئے، ان کا لاہور ایئرپورٹ پر شاندار استقبال کیا گیا۔پہلوان انعام بٹ نےبیچ ریسلنگ ورلڈ سیریزمیں سلور میڈل حاصل کیا تھا۔اس موقع پر میڈیا سے گفتگو کرتے ہوئےانعام بٹ کا کہنا ہے کہ ریفری نے ان کےخلاف غلط فیصلہ دیا جس کی شکایت ورلڈ ریسلنگ فیڈریشن کو کی جا چکی ہے۔

واضح رہے کہ پاکستان کے انعام بٹ جانبدارانہ امپائرنگ کے سبب ریوڈی جنیرو میں ورلڈ بیچ ریسلنگ چیمپئن شپ میں گولڈ میڈل سے محروم ہوگئے۔انہوں نے سلور میڈل کے ساتھ سان ڈیاگو میں رواں برس شیڈول ورلڈ بیچ گیمز کے لیے کوالیفائی کرلیا ہے۔

ممبئی(ایمرا نیوزآن لائن) لاکھوں دلوں پر راج کرنے والے بالی ووڈ کے دبنگ سلمان خان جو ابھی تک کنوارے ہیں اور شادی کرنے کو تیار نہیں مگر اب سلمان خان نے سروگیسی کے عمل کے ذریعے باپ بننے کا فیصلہ کیا ہے۔
بھارتی میڈیا رپورٹس کے مطابق بھارتی فلم انڈسٹری کے سب سے معروف کنوارے سلمان خان کی بھی خواہش ہے کہ بالی ووڈ کنگ شاہ رخ خان اورمسٹرپرفیکشنسٹ عا مرخان کی طرح سروگیسی کےعمل کے ذریعے اُن کا اپنا بچہ ہو۔

سب ہی جانتے ہیں کہ سلمان خان کو بچے بہت پسند ہیں، وہ اپنے بھانجے بھتیجوں کے ساتھ اکثر اوقات وقت گُزارتے اور کھیلتے نظر آتے ہیں اور بچوں کےساتھ ویڈیوز سوشل میڈیا پر بھی شیئر کرتے رہتے ہیں، سلمان خان شادی کے لیے تو تیار نہیں ہیں مگر اُنہوں نے اس خواہش کا اظہار کیا ہے کہ وہ اپنی اولاد چاہتے ہیں۔بالی ووڈ میں سروگیسی کا ٹرینڈ چل پڑا ہے جس کے ذریعے شاہ رخ خان، عامر خان، کرن جوہر، ایکتا کپور اور ان کے بھائی تشار کپور بھی والدین بن چکے ہیں۔

اس سے قبل 2017ء میں ایک انٹرویو کے دوران سلمان خان کا کہنا تھا کہ وہ آئندہ چند سال میں اپنےبچے چاہتے ہیں، ان کا کہنا تھا کہ میں اپنی اولاد اس لیے چاہتا ہوں کہ میرے والدین میری اولاد دیکھ سکیں۔واضح رہے کہ سلمان خان کی اگلی آنے والی فلم ’بھارت‘ ہے جس میں وہ کترینہ کیف کے ساتھ نظر آئیں گے، فلم 5 جون کو ریلیز کی جائے گی۔

ممبئی(ایمرا نیوزآن لائن) بھارتی فلم انڈسٹری کی کوئین کنگنا رناوت کی بہن رنگولی چاندیل نے ہریتھک روشن پر الزام لگاتے ہوئے کہا ہے کہ وہ کنگنا کے خلاف پروپیگنڈہ کر رہے ہیں جس کے نتیجے میں کنگنا کی ساکھ کو نقصان پہنچ رہا ہے، رنگولی چاندیل نے ہریتھک روشن کو دھمکی دیتے ہوئے اپنے ٹوئٹر اکاؤنٹ پر لکھا ہے کہ ’’اب تو دیکھ بیٹا، تیرا کیا حال ہوگا‘‘۔بالی ووڈ کے دونوں اسٹارز کی لڑائی کا آغازاس وقت ہوا جب ’ مینٹل ہے کیا‘ کی پروڈیوسر ایکتا کپور نے اپنی فلم کی تاریخ 21 جولائی سے آگے بڑھاتے ہوئے 26 جولائی کی جو پہلے سے ہی ہریتھک روشن کی فلم ’سپر 30‘ کی ریلیز کی تاریخ تھی۔

ایکتا کپور کی جانب سے فلم کی تاریخ بدلنے کے اعلان کے بعد ہی سماجی رابطے کی ویب سائٹ ٹوئٹر پر دونوں اداکاروں کے مداحوں کی جانب سے جنگ چھڑ گئی جس کے جواب میں ’مینٹل ہے کیا‘ کی پروڈیوسر ایکتا کپور نے ایک ٹویٹ میں لکھا کہ ’ٹویٹس کا یہ ایک بد ترین سلسلہ شروع ہو گیا ہے جسے اب ختم ہو جانا چاہیے، میں نےاپنے اداکاروں سے وعدہ لیا ہےکہ وہ اس کا حصہ نہ بنیں، فلم کی تاریخ آگے کرنے کا فیصلہ صرف میرا تھا۔‘ایکتا کپور کے ٹویٹ کو کنگنا کی بہن رنگولی چاندیل نے اپنے ٹوئٹر اکاؤنٹ پر ری ٹویٹ کرتے ہوئے لکھا ہے کہ ’ایسے لوگوں سے اور کیا توقع کی جاسکتی ہے جو ہمیشہ پیٹھ پیچھے وار کریں اور سامنے بات آکر بات کرنے سے ڈریں، اُنہوں نےہریتھک روشن کو طنزیہ ’جادو‘ پکارتے ہوئے مزید لکھا کہ اب تو دیکھ بیٹا، تیرا کیا حال ہوگا۔تازہ اطلاع کے مطابق ہریتھک روشن نے اپنے ٹویٹر اکاؤنٹ پر ایک نوٹ شیئر کرتے ہوئے لکھا ہے کہ ذاتی صدمے اور ذہنی تشدد سے بچنے کے لیے وہ اپنی آنے والی فلم ’سپر 30‘ کی تاریخ آگے بڑھا رہے ہیں، جبکہ فلم بالکل ریلیز کے لیےتیار ہے اوراُنہوں نے اپنے پروڈیوسر سے کہا ہے کہ جتنی جلدی ہو سکے مناسب نئی تاریخ کا اعلان کر دیا جائے۔

کراچی:(ایمرا نیوزآن لائن) نامور پاکستانی اداکارہ سجل علی کی بہن صبور علی کو کھڑکی صاف کرنے والے شخص کا مذاق اڑانے پرسوشل میڈیا پرشدید تنقید کا نشانہ بنایا جارہا ہے تاہم صبورعلی نے اپنے اقدام کی وضاحت کردی ہے۔اداکارہ صبورعلی نے گزشتہ روز اپنے انسٹاگرام پرایک اسٹوری شیئر کی جس میں وہ کسی ڈرامے کے سیٹ پر موجود ہیں اور وہاں موجود کھڑکی صاف کرنے والے شخص کا مذاق اڑاتی نظرآرہی ہیں۔ صبورعلی صفائی کرنے والے کی ویڈیو بناتے ہوئے کہہ رہی ہیں ’کیا خواب دیکھ کر اس کی ماں نے اسے گھرسے بھیجا ہوگا‘ یہ کہتے ہوئے صبورعلی مسلسل ہنسے جارہی ہیں۔ سیٹ پر ان کے ساتھ اداکارہ صحیفہ جبار اور اداکار عفان وحید بھی موجود ہیں۔

سیٹ پر موجود اداکارہ صحیفہ جبار نے صبورعلی کا ساتھ دیتے ہوئے کہا یہ شخص صبح اٹھ کر اپنی بیڈ شیٹ بھی ٹھیک نہیں کرتا ہوگا اور نا ہی اپنا کمبل طے کرتا ہوگا۔ صبور علی کی اس ویڈیو پر سوشل میڈیا صارفین شدید غصے میں آگئےاورانہیں شدید تنقید کا نشانہ بناڈالا۔جب تنقید حد سے بڑھ گئی تو صبورعلی نے انسٹاگرام پر وضاحت جاری کرتے ہوئے لکھا میری انسٹاگرام اسٹوری غلط فہمی کی وجہ سے وائرل ہورہی ہے، میں وضاحت کرنا چاہتی ہوں کہ ویڈیو میں موجود کھڑکی صاف کرنے والا شخص دراصل ہمارے اگلے ڈرامے کا اسسٹنٹ ڈائریکٹرہے ہم کئی ماہ سے ایک دوسرے کے ساتھ کام کررہے ہیں اور ساتھ کام کرنے کی وجہ سے ہم ایک دوسرے سے مذاق بھی کرتے ہیں۔

اس کے ساتھ ہی انہوں نے سوشل میڈیا پر خود کو تنقید کا نشانہ بنانے والوں کو آڑے ہاتھوں لیتے ہوئے کہا کہ کسی کے متعلق کچھ بھی لکھنے سے قبل ایک بارسوچ لیا کریں۔واضح رہے کہ چند روز قبل بھی صبورعلی کے بارے میں افواہیں گردش کررہی تھیں کہ انہوں نے خودکشی کرنے کی کوشش کی ہے تاہم انہیں بچالیا گیا ہے اور وہ اسپتال میں داخل ہیں۔

کراچی(ایمرا نیوزآن لائن) پاکستان کرکٹ ٹیم کے سابق کپتان شاہد آفریدی کا کہنا ہے کہ سرفراز جتنا اوپر کے نمبروں پر بیٹنگ کریں گے اسکا ٹیم کو فائدہ ہوگا، وہ جارح مزاج اور مثبت پلیئر ہیں، امید ہے ورلڈ کپ میں ٹیم کو اچھی طرح لیڈ کریں گے۔کراچی میں میڈیا سے بات کرتے ہوئے شاہد آفریدی نے کہا کہ انہیں امید ہے کہ سرفراز احمد ورلڈ کپ میں اچھے نتائج دیں گے۔

آفریدی کا کہنا تھا کہ بڑے ایونٹ میں پلیئرز کو محنت کرنا ہوگی کیوں کہ ون ڈے فارمیٹ میں ٹیم کو ہمیشہ مشکل ہوئی ہے لیکن ٹیم میں صلاحیت ہیں کہ وہ ٹاپ فور میں جگہ بنائیں ۔سابق آل راؤنڈر نے کہا کہ انہوں نے ہمیشہ وہاب ریاض اور عامر کی حمایت کی، انہیں ٹیم میں ہونا چاہئے۔

لاہور(ایمرا نیوزآن لائن) قومی پہلوان انعام بٹ بیچ ریسلنگ ورلڈ سیریز میں شرکت کے لیے برازیل روانہ ہوگئے۔دو روزہ ورلڈ سیریز دس مئی کو برازیل کے شہر ریو ڈی جنیرو میں شروع ہوگی۔انعام بٹ کا کہنا تھا کہ میرے لیے فخر کی بات ہے کہ ایک مرتبہ پھر میں پاکستان کی نمائندگی کرنے کے لیے برازیل جارہا ہوں۔انہوں نے مزید کہا کہ ورلڈ سیریز کے لیے 10 کلو وزن بھی کم کیا ہے۔

واضح رہے کہ انعام بٹ نے ترکی میں ہونے والی ورلڈ بیچ ریسلنگ چیمپئن شپ میں گولڈ میڈل حاصل کیا تھا۔اس کے علاوہ انہوں نے آسٹریلیا کے شہر گولڈ کوسٹ میں ہونے والے کامن ویلتھ گیمز 2018 کے مقابلوں میں بھی گولڈ میڈل جیت تھا۔

ممبئی(ایمرا نیوزآن لائن) بالی ووڈ کنگ شاہ رُخ خان ایک بہترین شخصیت کے مالک ہونے کے ساتھ ساتھ مداحوں کے دلوں کو جیتنا بھی جانتے ہیں ۔شاہ رُخ خان کی اہلیہ انٹیرئر ڈیزائنر گوری خان نے سماجی رابطے کی ویب سائٹ ٹوئٹر پر ایک تصویر شیئر کی ہے جس میں وہ اپنے سب سے چھوٹے بیٹے ابرام اور بھارتی فلمی انڈسٹری کے نامور ہدایتکار کرن جوہر کے بچوں روہی اور یش کے ہمراہ خوشگوار موڈ میں نظر ا ٓرہی ہیں۔

گوری خان نے تصویر شیئر کرتے ہوئے ساتھ ہی لکھا کہ’ وہ تین جنگجؤوں کے ساتھ وقت گزار رہی ہیں۔‘شاہ رخ خان نے اپنی اہلیہ گوری کے ٹوئٹ کو اپنے اکائونٹ پر ریٹوئٹ کیا اور اے آر رحمٰن کا سانگ ’ ماں تجھے سلام ‘ کا سہارا لیتے ہوئےاپنی اہلیہ گوری خان کو خراجِ تحسین پیش کرنے کے ساتھ ساتھ سبھی ماؤں کے دل جیت لیے۔

ممبئی:(ایمرا نیوزآن لائن) بالی ووڈ کے شہنشاہ امیتابھ بچن اوراداکاررشی کپور نے ہرسال کی طرح رواں سال بھی امت مسلمہ کو رمضان کی مبارکباد دی ہے۔ماہ رمضان امت مسلمہ کے لیے رحمتیں اوربرکتیں لے کرآتا ہے، رحمتوں کے اس مہینے میں تمام مسلمان آپسی اختلافات بھلا کر ایک دوسرے کو رمضان کی مبارکباد دیتے ہیں۔ بالی ووڈ انڈسٹری میں ایک بڑی تعداد مسلم فنکاروں کی ہے، بالی ووڈ میں بھی ماہ رمضان کا بالکل اُسی طرح اہتمام کیا جاتا ہے جس طرح پوری دنیا میں کیا جاتا ہے۔ رحمتوں کے اس مہینے میں جہاں تمام مسلمان ایک دوسرے کو رمضان کی مبارکباد دیتے ہیں وہیں بالی ووڈ فنکار بھی امت مسلمہ کو رحمتوں اور برکتوں والے اس مہینے کی مبارکباد دیتے ہیں۔

بالی ووڈ کے شہنشاہ امیتابھ بچن رمضان کی آمد کے موقع پر امت مسلمہ کو کبھی بھی مبارکباد دینا نہیں بھولتے ہر سال کی اس سال بھی انہوں نے تمام مسلمانوں کومبارکباد دیتے ہوئے کہا رمضان کا مطلب محبت، امن اور ایک دوسرے کو سمجھنا ہے۔
امیتابھ بچن کی طرح بالی ووڈ اداکار رشی کپور بھی ہر سال امت مسلمہ کو رمضان کی مبارکباد دیتے ہیں رواں برس بھی انہوں نے مسلمانوں کو مبارکباددیتے ہوئے انہیں اپنا بھائی قرار دیا۔

لاہور(ایمرا نیوزآن لائن) ینگ ڈاکٹرز ایسوسی ایشن کا کہنا ہے کہ تین دن میں اگرحکومت نے مذاکرات نہ کیے تو آؤٹ ڈور کے ساتھ ساتھ اسپتالوں کے ان ڈور بھی بند کردیں گے۔ پنجاب اسمبلی کے اگلے سیشن پر صوبے بھر کے ڈاکٹرز اور پیرامیڈیکل اسٹاف دھرنا دیں گے۔

سروسز اسپتال لاہور میں پریس کانفرنس کرتے ہوئے ینگ ڈاکٹرز ایسوسی ایشن کے عہدے داروں کا کہنا تھا کہ اسپتالوں کی نجکاری مسترد اورسول سرونٹ ایکٹ ختم کرنے کی مخالفت کرتے ہیں۔عہدے داروں نے کہا کہ اسپتالوں کو ٹھیکیداروں سے نہیں چلایا جا سکتا، اسپتالوں کو کاروباری مراکز بنانے کے خلاف تمام تنظیمیں متحد ہیں۔ان کا کہنا تھا کہ ابھی تک حکومت نے باقاعدہ مذاکرات کی کوشش نہیں کی۔

کینیڈا(ایمرا نیوزآن لائن) کینیڈین وزیر اعظم جسٹن ٹروڈو نے حسب معمول ماہ رمضان کی آمد پر مسلمانوں کو مبارکباد پیش کرتے ہوئے اپنی نیک خواہشات کا اظہار کیا۔ایک ویڈیو پیغام میں مکمل اسلامی طریقے سے سلام کرتے ہوئے ٹروڈو نے کہا کہ رمضان کا مہینہ نعمتوں کا شکر ادا کرنایاد کرواتاہے اور ساتھ ہی ساتھ مستحق لوگوں کی مدد کا درس بھی دیتا ہے۔

اپنے پیغام میں ان کا کہنا تھا کہ کینیڈین مسلمان ہر روز ملک کی ترقی میں اپنا کردار ادا کرتے ہیں اس لیے یہ ضروری ہے کہ ان کے اس کام کو سراہا جائے۔پیغام کے اختتام پر اپنی اہلیہ اور فیملی کی جانب سے رمضان کی مباکباد دیتے ہوئے اپنی نیک تمناؤں کا اظہار کیا۔