Tag tomorrow

برسٹل(ایمرا نیوزآن لائن) پاکستان اور انگلینڈ کے درمیان ون ڈے سیریز کا تیسرا میچ کل برسٹل میں کھیلا جائے گا، میزبان ٹیم کو سیریز میں ایک صفر کی برتری حاصل ہے۔پاکستان اور انگلینڈ کے درمیان ہونے والا پہلا میچ بارش کی نذر ہو گیا تھا جبکہ دوسرے میچ میں انگلینڈ نے پاکستان کو سنسنی خیز مقابلے کے بعد 12 رنز سے شکست دی تھی۔دوسرے ایک روزہ میچ میں انگلینڈ کی جانب سے جوز بٹلر نے سینچری بنائی تھی جبکہ پاکستان کی طرف سے فخر زمان نے شاندار بیٹنگ کا مظاہرہ کیا تھا۔

لاہور:(ایمرا نیوزآن لائن) پاک انگلینڈ ون ڈے سیریز کے پہلے میچ سے قبل لندن کی فضائوں پر سیاہ بادلوں کا راج ہے جب کہ مقابلہ بارش سے متاثر ہونے کا خدشہ بڑھ گیا۔کارڈف میں کھیلے جانے والے واحد ٹی ٹوئنٹی میچ میں میزبان ٹیم سرخرو ہوئی، اس ناکامی کا صدمہ اٹھانے کے بعد گرین شرٹس ون ڈے سیریز کے پہلے میچ کیلیے گزشتہ روز لندن پہنچ گئے،مہمان کرکٹرز منگل کو بھرپور پریکٹس سیشن میں لہوگرمائیں گے، بیٹنگ، بولنگ اور فیلڈنگ میں صلاحیتیں نکھارنے کی کوشش ہوگی، میزبان ٹیم کا ٹریننگ سیشن بھی شیڈول ہے، اس دوران دونوں ٹیموں کے کپتان پریس کانفرنس کریں گے، لندن کا موسم سرد ہے، گزشتہ روز درجہ حرارت12رہا۔بدھ کو میچ کے دوران ایک سے زائد بار بارش کی مداخلت ہونے کی پیش گوئی کردی گئی ہے،ابھی تک ہونے والے باہمی ون ڈے مقابلوں میں میزبان کا پلڑا بھاری رہا،پاکستان ٹیم 82میچز میں 31فتوحات حاصل کرپائی، 49میں انگلینڈ کو فتح نصیب ہوئی۔ 2مقابلے بے نتیجہ رہے۔

انگلش سرزمین پر دونوں ٹیمیں 42بار مقابل ہوئیں،گرین شرٹس15میں کامیاب ہوئے،26میں میزبان ٹیم نے برتری ثابت کردی،ایک میچ بے نتیجہ رہا، دونوں ملکوں کے مابین آخری باہمی سیریز اگست، ستمبر 2016میں کھیلی گئی،انگلینڈ نے ابتدائی تینوں میچز جیتے۔پاکستان کو کارڈف میں کھیلے جانے والے آخری میچ میں کامیابی حاصل ہوئی،دونوں ٹیموں کے مابین آخری ٹاکرا چیمپئنز ٹرافی 2017کے سیمی فائنل میں ہوا،کارڈف میں ہی کھیلے جانے والے اس میچ میں گرین شرٹس نے 8وکٹ سے فتح پائی اور بعد ازاں بھارت کو بھی ہراکر ٹائٹل پر قبضہ جمایا۔

کراچی: (ایمرا نیوزآن لائن) بینک کھاتوں سے زکوة کٹوتی کل ہو گی، سٹیٹ بینک کے مطابق تمام بینک عوام کے لئے بند رہیں گے۔وزارت مذہبی امور کی جانب سے زکوة نصاب کے اعلان کے بعد اب سٹیٹ بینک نے بھی اعلامیہ جاری کر دیا ہے جس کے مطابق کل تمام بینک کھاتوں سے زکوة کٹوتی ہو گی یہی وجہ ہے کہ بینک کل 7 مئی کو عوام کے لئے بند رہیں گے۔

رواں برس زکوة کا نصاب 44 ہزار 415 روپے مقرر کیا گیا ہے جو گذشتہ سال کے مقابلے میں 13 فیصد یعنی 5 ہزار 217 روپے زائد ہے، بینکوں میں سیونگ اکاونٹس سے رقم پر زکوة کٹوتی کی جائے گی جبکہ کرنٹ اور پینشن اکاؤنٹس زکوة کٹوتی سے مستثیٰ ہوں گے۔ بینکوں میں کھاتوں سے زکوة کٹوتی یکم رمضان المبارک کو ہو گی۔واضح رہے کہ گذشتہ سال زکوة کا نصاب 39 ہزار 198 روپے طے گیا گیا تھا جس کی بدولت 3 ارب 67 کروڑ روپے کی زکوة وصول ہوئی تھی۔

ذوالفقار علی بھٹو کی 40 ویں برسی کے موقع پر صوبائی حکومت کے تحت چلنے والے تمام ادارے بند رہیں گے، نوٹیفکیشن جاری
کراچی(ایمرا نیوز آن لائن) سندھ حکومت نے کل 4 اپریل کو بانی پاکستان پیپلزپارٹی ذوالفقار علی بھٹو کی 40 ویں برسی کے موقع پر عام تعطیل کا اعلان کردیا۔سندھ حکومت کے نوٹیفکیشن کے مطابق ذوالفقار علی بھٹو کی برسی کے موقع پر صوبائی حکومت کے تحت چلنے والے تمام ادارے بند رہیں گے۔ نوٹیفکیشن میں بتایا گیا ہے کہ صوبائی حکومت کے ماتحت چلنے والی خودمختار و نیم خود مختار ادارے، کارپوریشنز اور لوکل کونسلز کے دفاتر بند رہیں گے۔ بانی پیپلزپارٹی کی برسی کے موقع پر گڑھی خدا بخش میں تعزیتی جلسہ منعقد کیا جائے گا جس میں پورے ملک سے جیالے شرکت کریں گے اور جلسہ عام سے پارٹی کے چیئرمین بلاول بھٹو زرداری کا خطاب متوقع ہے.

اسلام آباد:(نیٹ نیوز/ایمرا نیوز) وفاقی وزیر اطلاعات فواد چوہدری کا کہنا ہےکہ حکومت اپنا اقتصادی ویژن دے رہی ہے۔ٹوئٹر پر جاری بیان میں فواد چوہدری نے کل کے دن کو اہم قرار دیتے ہوئے کہا کہ حکومت اپنا اقتصادی ایجنڈا عوام کے سامنے رکھنے جارہی ہے۔انہوں نے کہا کہ پہلے 5 ماہ میں ادائیگیوں کے توازن سےنمٹا گیا، سابقہ حکومت کی تباہ کن اقتصادی پالیسی سے پیدا مالیاتی ایمرجنسی سے نمٹا گیا۔وفاقی وزیراطلاعات کا کہنا تھا کہ اب اپنا اقتصادی ویژن دے رہے ہیں، 2019 اصل اہداف کےحصول کا سال ہے۔

لاہور: (سپورٹس ڈیسک/ایمرا نیوز) ہاکی ورلڈ کپ میں کل پاکستان کا پری کوارٹر فائنل مقابلہ بیلجئم سے ہو گا، جیت سے محروم قومی شاہین اونچی اڑان بھرنے کے لیے پرعزم ہیں۔بھارتی ریاست اڑیسا میں ہاکی ورلڈ کپ کا میلہ جاری ہے، پول مرحلہ ختم ہو گیا۔ ٹاپ کی چار ٹیموں ارجنٹینا، جرمنی، آسٹریلیا اور بھارت کی کوارٹر فائنل تک رسائی ہو گئی۔

آخری گروپ میچ میں نیدرزلینڈ سے پانچ ایک کی شکست کے باوجود بہتر گول اوسط پر قومی ٹیم کو پری کوارٹر کھیلنے کا موقع مل گیا۔آٹھ ٹیموں کا گروپ جوائن کرنے کے لیے پاکستان کا بیلجئم سے مقابلہ شیڈول ہے جس کیلئے شاہینوں نے تیاریاں مکمل کر لیں۔ کہتے ہیں کہ خامیاں اور ناکامیاں بھلا کر اِن ایکشن ہوں گے۔ گیارہ دسمبر (کل) دوسرا پری کوارٹر فائنل مقابل نیدرزلینڈ اور کینیڈا کے درمیان کھیلا جائے گا۔