Tag tralier

لاہور(ایمرا نیوزآن لائن) ہالی وڈ فلم ‘آئی ٹی چیپٹر 2 ‘کاپہلا ٹریلر جاری کر دیا گیا ۔اینڈی موچیٹی کی ڈائریکشن میں بننے والی یہ فلم 2017میں ریلیز ہونے والی بلاک بسٹر فلم آئی ٹی کا سیکوئل ہے جس میں ایک بار پھر پر اسرار مسخرہ خوف و دہشت پھیلانے آرہا ہے۔فلم کی کاسٹ میں جیمز میک اووے،جسیکا چیسٹن،جے ریان،جیمز رینسون،بل ہیڈر اور اینڈی بین سمیت دیگر اداکار شامل ہیں۔فلم رواں سال6ستمبرکو امریکی سنیما گھروں کی زینت بنائی جائیگی۔

لاہور(ایمرا نیوزآن لائن) ہالی ووڈ کی نئی لائیو ایکشن اینیمیٹیڈ فلم ‘پوکیمون؛ ڈیٹیکٹیو پکاچو کافائنل ٹریلرریلیزکردیا گیا ہے۔ہدایتکارروب لیٹر مین کی اس فینٹسی فلم کی کہانی ایسے جاسوس پکاچو کے گرد گھوم رہی ہے جو ایک نوجوان کی مدد کرتے ہوئے اس کے لاپتہ باپ کی تلاش میں مدد کرتا ہے۔یہ ننھا جاسوس اور نوجوان ملکر نئے مشن پر ایک دوسرے کا ساتھ دیتے ہیں اور ننھے ننھے مونسٹرز کو قابو میں کر کے لاپتہ افراد کی تلاش شروع کرتے ہیں۔

میری پیرنٹ اورکیل بوئیٹر کی مشترکہ پروڈکشن میں بننے والی اس فلممیں پوکیمون کے ڈائیلاگ نامور ہالی وڈ اداکار ریان رینلڈکی آواز میں ریکارڈ کروائے گئے ہیں ۔فلم کی دیگر کاسٹ میں،جسٹس اسمتھ،کیتھرین نیوٹن اورکین واٹینبی سمیت کئی فنکاراہم کرداروں میں جلوہ گر ہوں گے۔فلم 10مئی کو سنیما گھروں میں نمائش کے لئے پیش کیجائے گی۔

لاہور(ایمرا نیوزآن لائن) مارول کامکس کی نئی سپر ہیرو ایکشن ایڈونچر فلم اسپائیڈر مین؛ فار فرام ہوم کا نیاٹریلر جاری کردیاگیا ۔جان واٹس کی ہدایتکاری میں بننے والی اس فلم میں اداکار ٹام ہالینڈ بحیثیت پیٹر پارکر/ اسپائیڈرمین مرکزی کردار میں جلوہ گر ہونگے جن کے علاوہ فلم کی دیگر کاسٹ میں مائیکل کیٹن،سیموئیل ایل جیکسن،میریسا ٹومی، ڈونلڈ گروور، مارٹن اسٹار، زینڈایااورٹونی ریولوری فلم کی دیگر کاسٹ میں نمایاں ہیں۔

کیون فیج اور ایمی پاسکل کی مشترکہ پرودیو کردہ اس فلم کی کہانی پیٹر پارکر نامی ایسے لڑکے گِرد گھوم رہی ہے جو غیرمعمولی صلاحیتوں کا مالک ہوتا ہے اور مکڑی کی طرح جال کے ذریعے بلند و بالا عمارتوں پر سیکنڈوں میں چڑھ جاتا ہے۔فلم سونی پکچرز کے تحت5جولائی کو سنیماگھروں میں نمائش کیلئے پیش کی جائے گی۔

لاہور(ایمرا نیوزآن لائن) ہالی ووڈ کرائم ڈرامہ فلم دی پوائزن روز(The Poison Rose)کا پہلاٹریلر جاری کردیا گیا ہے۔یہ فلم فرینسیسکو سنکوئیمانی کی ہدایتکاری میں بنائی گئی ہے۔ اس فلم کی کہانی ایک سابق فٹ بالر کے گرد گھوم رہی ہے ،جسے ٹیکساس میں واقع اسکے قصبے میں، ایک خاتون کی گمشدگی کی چھان بین کرنے کیلئے بھیجا جاتا ہے۔

فلم کی کاسٹ میں جوہن ٹریوولٹا،برینڈن فریسر،فیمکے جینسن،پیٹر اسٹورمیئر،رابرٹ پیٹرک اور کیٹ گراہم سمیت دیگر اداکار شامل ہیں۔جیف ایلیوٹ اور رچرڈ سیلویٹور کی مشترکہ پروڈیوس کردہ سنسنی خیز مناظر سے بھرپور یہ فلم 24مئی کو سینما گھروں میں نمائش کیلئے پیش کی جائے گی۔

نیو یارک (ایمرا نیوزآن لائن) ہالی ووڈ ہارر سائنس فکشن فلم ڈیڈ ٹریگر کا نیا ٹریلر جاری کردیا گیا ہے ۔ائیک کف کی ہدایتکاری میں بننے والی اس فلم کی کہانی ایک ایسے خطرناک وائرس پر مبنی ہے جو کروڑوں لوگوں کی جانیں لے لیتا ہے جس کے بعد حکومت اس سے نمٹنے کیلئے ایک ویڈیو گیم تیار کرتی ہے۔فلم کی کاسٹ میں ڈولف لینڈگرن،آٹمن ریسر،رومیو ملر،ایسایہ واشنگٹن،ٹمارہ بران اور برینڈن بیمر سمیت دیگر اداکار شامل ہیں۔کرس کونوور اور اسٹینلے پریسچوٹی کی مشترکہ پروڈیوس کردہ سنسنی خیز مناظر سے بھرپور یہ فلم 3مئی کو سینماء گھروں میں دھوم مچائیگی۔

لاہور(ایمرا نیوزآن لائن) بچوں اور بڑوں کی پسندیدہ ہالی وڈ ڈزنی فلم ’دی لائن کنگ‘ اب شائقین اینیمیٹڈ شکل میں دیکھ سکیں گے جس کا شاندار ٹریلر ریلیز کردیا گیا ہے۔’دی لائن کنگ‘ 1994 کی سپر ہٹ فلم ہے جس کا ریمیک تیار کیا گیا ہے، فلم کی کہانی ایک شیر کے گرد گھومتی ہے جس کا نام ’سمبا‘ ہے اور وہ مستقبل میں جنگل کا بادشاہ بنتا ہے۔اینیمیٹڈ کردار’سمبا‘ 90 کی دہائی کا وہ کردار مانا جاتا ہے جس نے بچوں اور بڑوں کے دل میں ہمیشہ کے لیے گھر کرلیا۔1994 میں ریلیز ہونے والی اس فلم کو راجر ایلرز اور روب منکوف نے ڈائریکٹ کیا تھا جب کہ فلم کے ریمیک کو جون فیورو نے ڈائریکٹ کیا ہے اور انہوں نے 2016 میں فلم ’دی جنگل بُک‘ کا بھی ریمیک بنایا تھا۔’دی لائن کنگ‘ کا شاندار ٹریلر 1 منٹ 48 سیکنڈ پر مشتمل ہے جس کا آغاز اس مکالمے سے کیا گیا ہے ’کچھ جشن کے لیے پیدا ہوتے ہیں جب کہ کچھ ٹکڑوں کی التجا کرتے ہوئے تاریکی میں اپنی زندگی بسر کردیتے ہیں‘۔فلم میں مرکزی کردار ’سمبا‘ کی آواز اداکار ڈونلڈ گلوور کی ہے جب کہ ان کے دیگر کرداروں میں اداکار سیٹھ روجن، شہادی جوزف، جیمز ایرل جونز، جون کینی اور امریکی گلوکارہ بیونس کی آواز بھی شامل ہے۔فلم کی اینیمیشن انتہائی عمدہ کی گئی ہے اور ٹریلر دیکھ کر تصور کیا جاسکتا ہے کہ حقیقی مناظر ہیں، یہی وجہ ہے کہ شائقین کی جانب سے ٹریلر کو قابل ستائش قرار دیا جارہا ہے۔’دی لائن کنگ‘ ٹریلر کو 24 گھنٹوں کے دوران 63 لاکھ 10 ہزار سے بھی زائد مرتبہ دیکھا جاچکا ہے اور یہ سوشل میڈیا پر تیزی سے وائرل ہورہا ہے۔فلم 19 جولائی کو سینما گھروں کی زینت بنے گی جس کا فلم بینوں کو بےصبری سے انتظار ہے۔

لاہور(شوبز ڈیسک/ایمرا نیوز) ڈی سی کامکس کے مشہور کردار شازم کے گرد گھومتی نئی ہالی وڈ سپر ہیرو ایکشن ایڈونچر فلم ‘شازیم ‘کانیا ٹریلر جاری کر دیا گیا ۔ہدایتکارڈیوڈایف سینڈ برگ کی اس سنسنی خیز فلم کی کہانی ایک ایسے لڑکے کے گرد گھوم رہی ہے جسے اچانک جادوئی طاقت کے ذریعے بے پناہ طاقت مل جاتی ہے۔یہ لڑکا اس غیر معمولی طاقت کے ملتے ہی مضبوط جسامت والے نوجوان کو روپ دھار لیتا جسے اس کے دوست تک اسے پہنچان نہ پاتے۔یہ لڑکا خطرناک صلاحیتوں کا استعمال نہ جاننے پر اکثر مشکل میں گھِر جاتا تاہم پھراپنی طاقت کا اندازہ ہونے پر یہ نوجوان دشمنوں کو منہ توڑ جواب دیتا ہے اور ان کا ڈٹ کر مقابلہ کرتا ہے۔

پیٹر سیفران کی پروڈکشن میں بننے والے اس سپر ہیروفلم میں مرکزی کردار ہالی وڈ اسٹارزیچرے لیوی ،عشر اینجل،مارک اسٹروگ،روز بٹلر اورایڈم بروڈی سمیت کئی فنکار اہم کرداروں میں جلو گر ہو ں گے۔سنسنی خیز مناظر سے بھرپور یہ سپر ہیرو ایکشن ایڈونچرڈی سی انٹرٹینمنٹ اور وارنر بروس کے بینر تلے5اپریل کو سنیما گھروں میں نمائش کیلئے پیش کر دی جائیگی۔

لاہور(شوبز ڈیسک/ایمرا نیوز) ہالی ووڈ اسٹارکیانو رِیو کی ایکشن سے بھرپور فلم’ جان وِک؛ چیپٹر3‘ کا پہلا ٹریلر جاری کردیا گیا ہے۔بدلے اور انتقام کی آگ کے گِرد گھومتی ہالی ووڈ کی نئی ایکشن تھرلر فلم ’جان وِک؛چیپٹر3 ‘ کا پہلا ٹریلر جاری کردیا گیا ہے۔ چیڈ اسٹیلسکی کی ہدایت کاری میں بننے والی یہ فلم2015کی ایکشن فلم ’جان وِک‘کا تیسرا حصہ ہے۔

اس فلم کی کہانی نشانے بازی کے ماہرایک ایسے اسنائپر کے گِرد گھوم رہی ہے جوایک ہائی پروفائل مرڈر کرنے کے بعد اپنی جان بچانے کے لیے بھاگ دوڑ کرتا ہے۔اس سنسنی خیز فلم میں مرکزی کردار معروف ایکشن ہیرو کیانو رِیو نبھا رہے ہیں اس کے علاوہ فلم کی کاسٹ میں لارنس فشبرن،ہیلی بیرے،رابن لارڈ،روبی روز،مارک ڈیکیسکوس اور لانس ریڈک سمیت دیگر اداکار شامل ہیں۔باسیل لیوانک اور ایریکا لی کی مشترکہ پروڈیوس کردہ ایکشن اور سنسنی سے بھرپو ریہ فلم 17مئی کو سینما گھروں کی زینت بنے گی۔

ممبئی(شوبز ڈیسک/ایمرا نیوز) ایکشن سے بھرپور ہالی ووڈ تھرلر فلم’کولڈ پرسوئٹ‘کا نیا ٹریلر جاری کردیا گیاہے۔ہالی ووڈ تھرلر، ایکشن فلم کولڈ پرسوئٹ (Cold Pursuit) کا نیا ٹریلر جاری کردیا گیا ہے،ہنس پیٹر مولینڈ کی ہدایتکاری میں بننے والی اس فلم کی کہانی شمالی امریکی قصبے میں رہائش پذیر ایک ایسے شخص کے گرد گھوم رہی ہے جو اپنے بچے کے قتل کے بعد ڈرگ مافیا کے خلاف میدان میں آجاتا ہے۔

فلم کی کاسٹ میں لیام نیسن،لاؤرا ڈرن،ایمی روسم،ٹام بیٹ مین،جولیا جونز اور ولیم فورسیتھ سمیت دیگر اداکار شامل ہیں۔مائیکل شیم برگ اور فن جرڈرم کی مشترکہ پروڈیوس کردہ ایکشن اور سنسنی سے بھرپور یہ فلم 8فروری کو سینما گھروں کی زینت بنے گی۔

(شوبز ڈیسک/ایمرا نیوز)
ہالی ووڈ کرائم ڈرامہ فلم’ڈسٹرائر‘ کا نیاٹریلر جاری کردیا گیا ہے۔کیرن کساما کی ہدایتکاری میں بننے والی اس فلم کی کہانی ایک ایسی خاتون پولیس جاسوس کے گرد گھوم رہی ہے جسے امن قائم کرنے کیلئے ایک انتہائی اہم مشن پر بھیجا جا تا ہے۔
فلم کی کاسٹ میں نکول کڈمین ،ٹوبی کیبل،تاتیانا مسلانے،سباسٹین اسٹن،ٹوبی ہس اور بریڈلے وٹفورڈ سمیت دیگر اداکار شامل ہیں۔فریڈ برجر اور فل ہے کی مشترکہ پروڈیو س کردہ سنسنی خیز مناظر سے بھرپوریہ فلم 25دسمبر کو سینما گھروں میں نمائش کیلئے پیش کی جائے گی۔