Tag trump

اسلام آباد( وقت آن لائن)وزیر خارجہ شاہ محمود قریشی نے وزیراعظم عمران خان کے دورہ ڈیووس کے حوالے سے اہم بیان میں کہا ہے کہ وزیراعظم عمران خان اورامریکی صدر ٹرمپ کے درمیان ملاقات مفید رہی، صدرٹرمپ نے یقین دہانی کرائی ہے وہ جلد پاکستان کا دورہ کریں گے ۔

وزیر خارجہ شاہ محمود قریشی نے کہا کہ پاکستان نے ایف اے ٹی ایف کا ایشو بھی اٹھایا،وزیراعظم نے صدرٹرمپ سے ایف اے ٹی ایف پر سپورٹ کاکہا،وزیر خارجہ نے کہا کہ ملاقات میں فیصلہ ہواکہ امریکا کا ایک تجارتی وفدپاکستان آئے گا،شاہ محمود قریشی نے کہا کہ وزیراعظم نے کشمیر کی صورتحال کاخاکہ صدرٹرمپ کے سامنے رکھا،ٹرمپ نے یقین دلایا وہ کشمیر کے مسئلے پر بات کریں گے،صدرٹرمپ نے کہا کہ کشمیر کامسئلہ حل ہوناچاہئے۔

وزیرخارجہ نے کہا کہ امریکی صدر ٹرمپ نے کہا میں عمران خان کو پسند کرتا ہوں،وزیراعظم نے صدرٹرمپ کو ایران کے معاملے پر تشویش سے آگاہ کیا،ایران کے مسئلے سے جومضراثراب پاکستان پر پڑتے ہیںصدرٹرمپ سے ان پر بھی بات ہوئی۔

واشنگٹن(ایمرا نیوزآن لائن) امریکی صدر ڈونلڈ ٹرمپ اور ان کی اہلیہ میلانیا ٹرمپ نے ماہ رمضان کے آغاز پر امریکا اور دنیا بھر کے مسلمانوں کو مبارک باد دی ہے۔وائٹ ہاؤس سے جاری بیان کے مطابق صدر ٹرمپ کا کہنا تھا کہ ان کی اور میلانیا کی جانب سے امریکا اور دنیا بھر کے مسلمانوں کو رمضان مبارک ہو۔انہوں نے کہا کہ ماہ رمضان کے مہینے میں ہمیں نعمتوں کا شکر ادا کرنے اور آپس میں بھائی چارہ بڑھانے کا موقع ملتا ہے۔ڈونلڈ ٹرمپ کا کہنا تھا کہ اس ماہ میں ہم اتحاد اور باہمی احترام والے معاشرے کو تشکیل دے سکتے ہیں۔

انڈیانا(ایمرا نیوزآن لائن) امریکی ریاست انڈیانا کے شہر انڈیانا پولس کے نیشنل رائفل ایسوسی ایشن کے سالانہ کنونشن میں امریکی صدرٹرمپ کے اسٹیج پر پہنچتے ہی ایک شخص نے موبائل فون اسٹیج کی طرف پھینک دیا۔خفیہ سروس کےایجنٹس نےموبائل فون اسٹیج پر پھینکنے والےشخص کو تقریب سے باہر نکال دیا۔امریکی میڈیا کے مطابق سیل فون پھینکنے والےشخص نےخود کو ٹرمپ کا حمایتی ظاہر کیا ہے۔

واشنگٹن (ایمرا نیوزآن لائن) امریکی صدر ڈونلڈ ٹرمپ نے کہا ہے کہ پاکستان اور امریکہ کے درمیان بہت اچھے تعلقات ہیں اور وہ جلد ہی پاکستان کی قیادت سے ملاقات کریں گے ۔ ریاست اوہائیو روانگی سے قبل وائٹ ہاؤس میں میڈیا سے گفتگو میں ٹرمپ نے مختصراً کہا کہ پاکستان اور امریکہ کے درمیان بہت اچھے تعلقات ہیں اور وہ جلد پاکستان کی قیادت سے ملاقات کریں گے لیکن صدر نے یہ نہیں بتایا کہ ان کی یہ ملاقات کب، کہاں اور کس کے ساتھ ہوگی۔ یہ دوسرا موقع ہے کہ صدر ٹرمپ نے پاکستان کے ساتھ خوشگوار تعلقات کا ذکر کیا ۔ اس سے قبل صدر نے رواں سال جنوری میں پاکستان کے ساتھ اچھے تعلقات کی خواہش کا اظہار کرتے ہوئے کہا تھا کہ وہ پاکستان کی قیادت کے ساتھ ملاقات کرنا چاہتے ہیں جو ان کے بقول جلد ہوسکتی ہے ۔صدر ٹرمپ نے مزید کہا 400 امریکی فوجی شمال مشرقی شام میں بدستور تعینات رہیں گے ۔ انہوں نے کہا چین کے ساتھ تجارتی تنازع میں ایک ممکنہ سمجھوتہ آہستہ آہستہ قریب آتا جا رہا ہے ، نئے تجارتی مذاکرات کیلئے امریکی نمائندے جلد ہی چین جائیں گے ۔ چیئرمین امریکی جوائنٹ چیفس آف سٹاف کمیٹی جنرل جوزف ڈنفورڈ نے امریکی اخبار میں شائع خبر کو غلط قرار دیتے ہوئے کہا کہ شام میں ایک ہزار امریکی فوجیوں کو بدستور تعینات رکھنے کا فیصلہ نہیں کیا گیا۔انہو ں نے کہا ہم صدرٹرمپ کی ہدایت پر شام میں متعین فوجیوں کی تعداد کم کرنے کی کوشش کررہے ہیں۔انہوں نے کہا ترکی کے ساتھ مل کر مفصل عسکری منصوبہ بندی کی گئی تاکہ ترکی کو شام کی سرحد پر درپیش خطرات سے بچایا جاسکے ۔علاوہ ازیں ایک ٹویٹ میں ڈونلڈ ٹرمپ نے کہا ہے کہ 52 سال بعد اب وقت آ گیا ہے کہ امریکہ گولان کی پہاڑیوں پر اسرائیل کی حاکمیت اور اقتدار کو تسلیم کر لے ۔ اسرائیلی وزیراعظم نتن یاہو نے صدر ٹرمپ کے بیان کا خیرمقدم کرتے ہوئے ان کا شکریہ ادا کیا ہے ۔

امریکا میں درآمدات پر اضافی محصولات عائد کیے جانے کے خطرے سے چین جلد معاہدہ چاہتاہے‘گفتگو
واشنگٹن(ایمرا نیوز آن لائن) امریکی صدر ڈونلڈ ٹرمپ نے کہا ہے کہ چین کےساتھ تجارتی تنازعے میں ایک ممکنہ سمجھوتہ آہستہ آہستہ قریب آتا جا رہا ہے،امریکا میں چینی درآمدات پر اضافی محصولات عائد کیے جانے کے خطرے کی وجہ سے چین،امریکاکےساتھ جلد ہی کسی نہ کسی معاہدے تک پہنچنا چاہتا ہے۔خبررساں ادارے کے مطابق جمعرات کو امریکی صدر نے وائٹ ہاؤس میں صحافیوں سے گفتگو کرتے ہوئے کہا کہ نئے تجارتی مذاکرات کے لیے امریکی نمائندے جلد ہی چین جائیں گے۔انہوں نے کہا کہ امریکا میں چینی درآمدات پر اضافی محصولات عائد کیے جانے کے خطرے کی وجہ سے چین،امریکاکےساتھ جلد ہی کسی نہ کسی معاہدے تک پہنچنا چاہتا ہے۔ امریکا اور چین دنیا کی دو سب سے بڑی اقتصادی طاقتیں ہیں، جن کے مابین تجارتی تنازعے کو عالمی تجارت کے لیے بہت نقصان دہ سمجھا جاتا ہے۔

امریکی صدر تمام مسلمانوں سے معافی مانگیں جو یہاں اچھی زندگی کے حصول کے لیے آئے ہیں، گلوکار
نیویارک(ایمرا نیوز آن لائن) امریکا کے مقبول ترین گلوکار جان راجر اسٹیفن المعروف جان لیجنڈ نے سانحہ کرائسٹ چرچ کا ذمہ دار صدر ڈونلڈ ٹرمپ کو قراردیتے ہوئے ٹرمپ پر زور دیا ہے کہ وہ مسلمانوں سے معافی مانگیں۔امریکی گلوکار جان لیجنڈ نے ایک انٹرویو کے دوران امریکی صدر ڈونلڈ ٹرمپ پر زور دیا کہ وہ ان تمام مسلمانوں سے معافی مانگیں جو یہاں اچھی زندگی کے حصول کے لیے آئے ہیں۔ انہوں نے کہا کہ ڈونلڈ ٹرمپ کے نفرت انگیز بیانات مسلمانوں کو بدنام کرتے ہیں اور لوگوں کو سانحہ نیوزی لینڈ جیسے واقعات کرنے کے لیے اکساتے ہیں، لہذا ٹرمپ کو مسلمانوں سے معافی مانگنی چاہئے۔جان لیجنڈ نے اپنے ایک ٹوئٹ میں کہا کہ صدرٹرمپ واقعے کےبراہ راست ذمہ دارنہیں ہیں لیکن ان کے بیانیے نے قاتل کو نیوزی لینڈ جیسے واقعے کے لیے اکسایا ہے۔ انہیں یہ تسلیم کرناہوگا کہ وہ ایسی بیان بازی کرکے غلط کررہےہیں۔ امریکی صدربرائی کے اس نظریے کی مذمت کریں اوراس کامقابلہ کرنے کے لیے حقیقی اقدامات کریں۔ڈونلڈ ٹرمپ مہاجرین کے لیے اکثر اشتعال انگیز زبان استعمال کرتے ہیں، 2016 میں اپنی انتخابی مہم کے دوران بھی ٹرمپ نے امریکا میں رہنے والے میکسیکو کے شہریوں کے لیے نہایت غلط زبان استعمال کرتے ہوئے انہیں منشیات کا اسمگلر قرار دیا تھا۔واضح رہے کہ اس سے قبل بھی جان لیجنڈ نے ٹوئٹر پر سانحہ کرائسٹ چرچ کی شدید الفاظ میں مذمت کرتے ہوئے اس واقعے کو خوفناک قرار دیتے ہوئے کہا تھا کہ یہاں اوربیرون ممالک یہ سفیدفاموں کی برتری کی دہشت گردانہ تحریک تباہ کن ہے ہمیں اس کے خلاف متحد ہونے کی ضرورت ہے۔

مینا فورٹ پر یوکرین کے سیاستدانوں سے مشاورت کے دوران حاصل ہونے والی لاکھوں ڈالر کی آمدنی چھپا نے کا الزام تھا
واشنگٹن(ایمرا نیوز آن لائن)امریکی صدر ڈونلڈ ٹرمپ کی سابقہ صدارتی مہم کے سربراہ پال مینا فورٹ کو ٹیکس چوری اور بینک فراڈ پر 47ماہ قید کی سزا سنا دی گئی۔امریکی خبر رساں ایجنسی کے مطابق مینا فورٹ پر الزام تھا کہ انہوں نے گزشتہ سال یوکرین کے سیاستدانوں سے مشاورت کے دوران حاصل ہونے والی لاکھوں ڈالر کی آمدنی چھپائی اور ان پر یہ جرم ثابت ہونے پر سزا سنائی گئی۔اس کے ساتھ ساتھ انہیں ایک اور مقدمے میں بھی سزا سنائے جانے کا امکان ہے جہاں کولمبیا ڈسٹرکٹ میں چل رہے ایک علیحدہ مقدمے میں ان پر غیرقانونی طور پر لابی کرنے کا الزام ہے۔جج ٹی ایس ایلس کی جانب سے سزا سنائے جانے سے قبل مینافورٹ نے کہا کہ یہ کہنا انتہائی کم ہو گا کہ میں انتہائی شرمندہ ہوں تاہم انہوں نے اپنے عمل پر کوئی معافی نہیں مانگی اور جج نے سزا سانتے ہوئے اس عمل کو مدنظر رکھا۔مینافورٹ نے 2016 کے امریکی صدارتی انتخابات میں ڈونلڈ ٹرمپ کی صدارتی مہم کو چلایا تھا اور اس کی کامیابی میں اہم کردار ادا کیا تھا۔بعدازاں 2016 انتخابات میں مبینہ طور پر روس کی مداخلت کی تحقیقات شروع ہوئیں تو اس دوران مینافورٹ کی جعل سازی کا پردہ فاش ہوا اور وہ مولر تحقیقات میں ٹرمپ کے پہلے ساتھی ہیں جنہیں سزا ہوئی ہے۔تاہم ان پر یہ الزامات صدارتی مہم کے سلسلے میں نہیں لگائے گئے بلکہ گزشتہ سال جیوری نے ان پر فرد جرم عائد کی تھی جہاں ان پر الزام تھا کہ انہوں نے یوکرین میں کام کے دوران حاصل ہونے والی لاکھوں ڈالر کی آمدنی چھپائی۔مینافورٹ کے وکیل نے اپنے موکل کے دفاع میں کہا کہ اس جرم میں ایک سال سے زیادہ کی سزا کی مثال نہیں ملتی جبکہ پراسیکیوٹر نے اس عمل کو بڑا جرم قرار دیتے ہوئے سزا کی مدت پر وکیل دفاع سے اتفاق کیا۔عدالت کے باہر مینافورٹ کے وکیل کیون ڈاؤننگ نے کہا کہ ان کے موکل نے اپنے عمل کی ذمے داری قبول کی لیکن اس بات کے یکسر کوئی ثبوت نہیں ملے کہ وہ روس کی حکومت کے ساتھ مل کر کوئی سازش کر رہے تھے اور اگر مقدمہ صرف اس بات پر ہوتا تو ان کے موکل باعزت رہا ہو جاتے۔

فیصلے کے خلاف لوگ بھر سڑکوں پر نکل آئے
کیلیفورنیا(ایمرا نیوز آن لائن)امر یکہ کی 16 ریاستوں کے اتحاد نے صدر ڈونلڈ ٹرمپ کی جانب سے ہنگامی حالت کے نفاذ پر ہر جانے کا دعوی کر دیا ہے۔ڈونلڈ ٹرمپ کے میکسیکو کی سرحد کے ساتھ دیوار کی تعمیر کے لیے فنڈ حاصل کرنے کی غرض سے یہ ہنگامی حالت نافذ کی ہے۔یہ قانونی مقدمہ کیلیفورنیا کے شمالی ضلعے کی ایک عدالت میں دائر کیا گیا ہے۔امریکی صدر نے یہ اقدام سرحدی دیوار کے فنڈز کے حصول کے لیے کانگرس کے سامنے پیش ہونے کے بجائے اپنے اختیارات بڑھانے کے لیے اٹھایا۔کیلیفورنیا کے اٹارنی جنرل زیویئر بیکیرا کا کہنا تھا وہ صدر ٹرمپ کو عدالت لے کر جائی گے ’تاکہ ان کی جانب سے صدارتی اختیارات کے ناجائز استعمال کو روکا جاسکے۔‘ان کا مزید کہنا تھا ’ہم صدر ٹرمپ کو ٹیکس دہندگان کی رقوم پر ڈاکہ ڈالنے سے روکیں گے جو وہ کانگرس کو بائی پاس کر کے کر رہے ہیں۔ڈونلڈ ٹرمپ نے ہنگامی حالت کا اعلان اس وقت کیا جب کانگرس نے سرحدی دیوار کے لیے رقوم کی منظوری دینے سے انکار کر دیا۔امریکی صدر کے خلاف پہلا مقدمہ جمعے کو دائر کیا گیا۔ پبلک سٹیزن نامی ایک گروہ نے قدرتی وسائل اور تین زمین مالکان کی جانب سے یہ مقدمہ دائر کیا جن کی حدود سے یہ دیوار گزرنی تھی۔کیلیفورنیا کے گورنر گیون نیوسم نے امریکی صدر کے فیصلہ کب ’سیاسی تھیٹر‘ قرار دیتے ہوئے مسترد کیا جبکہ نیویارک کے اٹارنی جنرل لٹیٹیا جیمز نے بھی اس فیصلہ کے خلاف قانونی جنگ کا اعلان کیا تھا۔

ٹرمپ امریکہ میں ’ایمرجنسی نافذ‘ کرنے والے ہیں: وائٹ ہاؤس
ٹرمپ سرحدی دیوار کے اپنے مطالبے کو عملی جامہ پہنانے کے لیے کانگرس کو بائی پاس کر کے فوجی فنڈز کا استعمال کرنے کا ارادہ رکھتے ہیں، پریس سیکرٹری سارہ سینڈرز

واشنگٹن(ایمرا نیوز آن لائن)وائٹ ہاؤس کے مطابق امریکی صدر ڈونلڈ ٹرمپ میکسیکو کی سرحدی دیوار کی فنڈنگ کے معاملے پر ’قومی ایمرجنسی‘ کا اعلان کرنے والے ہیں۔ایک بیان کے مطابق ڈونلڈ ٹرمپ حکومتی شٹ ڈاؤن کو ختم کرنے کے لیے باڈر سکیورٹی کے بل پر تو دستخط کر دیں گے مگر سرحدی دیوار کے اپنے مطالبے کو عملی جامہ پہنانے کے لیے اب وہ کانگرس کو بائی پاس کر کے دیوار کی تعمیر کے لیے فوجی فنڈز کا استعمال کرنے کا ارادہ رکھتے ہیں۔سنئیر ڈیموکریٹس نے اس بیان پر ردعمل دیتے ہوئے صدر ٹرمپ پر طاقت کے ناجائز استعمال کا الزام لگایا ہے۔اس دیوار کی تعمیر ڈونلڈ ٹرمپ کی صدارتی انتخابات کی مہم کا ایک اہم وعدہ تھا۔ لیکن بطور صدر وہ اس دیوار کے لیے ابھی تک فنڈنگ حاصل کرنے میں ناکام رہے ہیں۔وائٹ ہاؤس کی پریس سیکرٹری سارہ سینڈرز کی جانب سے جاری ایک بیان میں کہا گیا ہے کہ’ڈونلڈ ٹرمپ ایک بار پھر دیوار کی تعمیر، باردڑ سیکورٹی اور ہمارے ملک کی حفاظت کا وعدہ پورا کر رہے ہیں۔‘انھوں نے مزید کہا کہ قومی ایمرجنسی سمیت ایک اور ایگزیکٹو قدم اٹھایا جائے گا تاکہ بارڈر کے پار قومی سلامتی اور انسانی بحران کو روکا جا سکے۔کانگرس کی جانب سے منظور شدہ بل میں بارڈر سیکورٹی کے لیے 1.3 ارب امریکی ڈالر کی منظوری دی گئی ہے لیکن اس میں امریکی صدر کو دیوار کی تعمیر کے لیے رقم نہیں دی گئی ہے۔ ڈونلڈ ٹرمپ نے دیوار کی تعمیر کے لیے 5.7 ارب امریکی ڈالر مانگے تھے۔ایوان زیریں کی سپیکر نینسی پلوسی پہلے ہی صدر ٹرمپ کے ایمرجنسی کے اعلان کو قانونی طور پر چیلنچ کرنے پر رائے دے چکی ہیں۔نینسی پلوسی اور ڈیموکریٹس رہنما چک شومر کی جانب سے جاری ایک مشترکہ بیان میں بھی اس اقدام کی شدید الفاظ میں مذمت کی گئی ہے۔ان کا کہنا ہے کہ ’قومی ایمرجنسی کا اعلان ایک غیر قانونی عمل اور طاقت کا ناجائز استعمال ہے۔ حقیقت یہ ہے کہ صدر ٹرمپ اس اقدام کے ذریعے دیوار کی تعمیر کی ادائیگی میکسیکو سے کرانے کے وعدے سے توجہ ہٹانا چاہتے ہیں۔‘’وہ میکسیکو، امریکی عوام اور ان کے منتخب نمائندگان کو اس ناکارہ اور مہنگی دیوار کی تعمیر کے بارے میں قائل نہیں کر سکے ہیں۔ تو اب وہ کانگریس کو پس پشت ڈال کر ٹیکس دہندگان کو اس مشکل میں ڈالنے کی کوشش کر رہے ہیں۔قومی ایمرجنسی کا اعلان ملک میں بحران کی صورت میں کیا جاتا ہے۔ امریکی صدر کا کہنا ہے کہ میکسیکو کی سرحد سے آنے والے تارکین وطن کی وجہ سے ملک میں بحران پیدا ہو رہا ہے۔ماہرین کے مطابق قومی ایمرجنسی کو صورت میں امریکی صدر کو خصوصی اختیارات حاصل ہو جائیں گے جس کے بعد وہ سیاسی عمل کو پس پشت ڈال سکتے ہیں۔اس کے بعد وہ فوج اور ناگہانی آفات کے لیے مختص بجٹ میں سے دیوار کی تعمیر کے لیے پیسے لے سکتے ہیں۔تاہم اس بارے میں بحث جاری ہے کہ کیا امریکہ کی جنوبی سرحد پر ایسے ہنگامی حالات ہیں جن کی وجہ سے ایمرجنسی لگانے کی ضرورت ہے۔دوسری طرف صرف نومبر کے دوران بارڈر سے تقریباً ہر روز دو ہزار افراد کو گرفتار یا واپس بھیجا جاتا رہا ہے۔ ٹرمپ حامیوں کے مطابق یہ بھی ایمرجنسی کے برابر ہے.

واشنگٹن (ایمرا نیوز آن لائن)امریکی صدر ڈونلڈ ٹرمپ اور چینی صدر شی جن پِنگ کی ملاقات دونوں ممالک کی طرف سے تجارتی معاہدہ کرنے کی ڈیڈ لائن یکم مارچ سے قبل ہونا مشکل ہے۔یہ بات امریکی اتنظامیہ کے دو ایسے اہلکاروں نے برطانوی خبر رساں ادارے کو بتائی جو اس صورتحال کے بارے میں معلومات رکھتے ہیں۔ امریکا اور چین نے تجارتی محاذ آرائی کے خاتمے کے لیے ایک معاہدے تک پہنچنے کے لیے نوے دن کی ڈیڈ لائن رکھی تھی جو یکم مارچ کو ختم ہو رہی ہے۔ اس سلسلے میں مذاکرات کا اگلا مرحلہ آئندہ ہفتے منعقد ہونا ہے۔