Tag turkey

(میڈیا 92نیوز آن لا ئن ) واشنگٹن: امریکی صدر ٹرمپ نے مشرق وسطیٰ کو خون آلود مٹی قرار دیتے ہوئے خطے سے نکلنے کا عہد کیا ہے عرب خبر رساں ادارے کے مطابق وائٹ ہاؤس میں خصوصی خطاب کرتے ہوئے صدر ٹرمپ نے کہا کہ امریکا مشرقی وسطیٰ کی خون آلود مٹی کو چھوڑ دے گا

امریکی صدر نے مشرقی وسطیٰ سے تعلقات کی نوعیت بھی تبدیل کرنے کا اعلان کرتے ہوئے کہا کہ مشرقی وسطیٰ میں بہت امریکی سروس کے ممبران مارے گئے.انہوں نے کہا کہ امریکا کو اب مزید دنیا کے پولیس مین کے طور پر رہنے کی ضرورت نہیں ہے، ہم باہر نکل رہے ہیں اور اب کسی اور کو اس خون آمیز زمین پر لڑنے دیں، ہماری فوج کی نوکری دنیا کی پولیس کی نہیں ہے۔

ٹرمپ کا کہنا تھا کہ دیگر اقوام لازمی آگے آئیں اور اپنے حصے کے مطابق کام کریں، میں مختلف طریقے کے انتخاب پر قائم ہوں جو امریکا کو کامیاب کرسکیں۔ امریکی صدر نے مزید کہا کہ شام سے بڑے پیمانے پر انخلا کے باوجود کچھ فوجی دستے شام کی آئل تنصیبات پر موجود رہیں گےکیونکہ ہم نے تیل کو محفوظ کردیا ہے اور اسی لیے امریکی افواج کی کم تعداد ایسے علاقوں میں موجود رہے گی جہاں پر تیل موجود ہے۔

یاد رہے کہ ترکی کی جانب سے شمالی شام میں 9 اکتوبر سے کرد باغیوں کے خلاف بہارِ امن ’پیس اسپرنگ‘ کے نام سے فوجی آپریشن شروع کیا گیا تھا ۔ ترکی اپنی سرحد سے متصل 32 کلو میٹر تک کے شامی علاقے کو محفوظ بنا کر ترکی میں موجود کم و بیش 20 لاکھ سے زائد شامی مہاجرین کو وہاں ٹھہرانا چاہتا ہے اور ترکی کا مطالبہ ہےکہ کرد ملیشیا شمالی شام کی 32 کلو میٹر کی حدود سے باہر چلی جائے اور یہ علاقہ ’سیف زون‘ کہلا سکے۔

معلوم رہے کہ کرد ملیشیا آزاد ملک کے قیام کیلئے سرگرم ہے، عراق میں کردستان کے نام سے ایک خودمختار علاقہ کردوں کو دیا گیا ہے تاہم وہ شام اور ترکی کے کچھ علاقوں کو بھی کردستان کا حصہ بنانا چاہتے ہیں جبکہ ترکی کرد ملیشیا کو دہشت گرد قرار دیتا ہے۔ عرب میڈیا کے مطابق سیز فائر معاہدے کے تحت روس اور شام کرد ملیشیا کو سرحدی علاقے سے نکالنے میں سہولت کاری فراہم کریں گے۔ روس نے کرد ملیشیا کو خبردار کیا ہےکہ وہ ترکی اور شام کے سرحدی علاقے سے فوری انخلا کریں بصورت دیگر ترک فوجیں انہیں ختم کردیں گی۔

ترکی (ایمرا نیوز آ ن لائن) ترکی میں ای سگریٹ کی اجازت نہیں دوں گا، اردون ترکی کے صدر رجب طیب اردوان نے کہا ہے کہ میں کبھی بھی الیکٹرانک (ای) سگریٹ کی کمپنی کو اجازت نہیں دوں گا کہ وہ اپنی مصنوعات ترکی میں فروخت کریں۔استنبول میں تمباکو نوشی کے حوالے سے تقریب میں خطاب کرتے ہوئے طیب اردوان نے کہا کہ میں نے وزیر تجارت کو حکم دیا ہے کہ ترکی میں الیکٹرانک سگریٹ کی اجازت نہیں دینی کیوں کہ اس زہر سے تمباکو کی کمپنیاں امیر ہوتی جارہیں تھیں۔عالمی ادارہ صحت کے اعداد و شمار کے مطابق 2016 میں ترکی کی آبادی کے 27 فیصد 15 سالہ نوجوان سگریٹ پیتے تھے، جبکہ 2010 میں 31 فیصد نوجوان تمباکو نوشی کرتے تھے۔

ترکی میں ای سگریٹ کی اجازت نہیں دوں گا، اردون ترک صدر کا کہنا تھا کہ متقی مسلمان کو شراب اور سگریٹ ناپسند ہے، انہوں نے ترک عوام پر زور دیا کہ سگریٹ نوشی اور شراب پینا چھوڑ دیں اور سگریٹ چھوڑ کر ہماری (Rize) چائے پئیں۔ واضح رہے کہ حالیہ دنوں آسٹریلیا، برازیل، بھارت اور جاپان نے الیکٹرونک سگریٹ پر پابندی لگا دی یا پھر اس کی مارکیٹ کو محدود کردیا ہے جبکہ امریکا نے ای سگریٹ کے مختلف برانڈز کو مارکیٹوں سے ہٹانے کا منصوبہ بنالیا ہے۔

واشنگٹن(ایمرا نیوز آن لائن) شام پر ترک حملے کے بعد امریکا نے ایکشن لیتے ہوئے ترکی پر پابندیاں عائد کردیں۔برطانوی نشریاتی ادارے کے مطابق امریکا کی جانب سے ترکی کی وزارت دفاع اور توانائی پر پابندیاں عائد کی گئی ہیں جب کہ ترکی کے دو وزرا اور تین سینئر عہدیداروں پر بھی پابندی لگادی گئی ہے۔کُرد ملیشیا سے معاہدے کے بعد شامی و ترک فوج آمنے سامنے، تصادم کا خطرہ میڈیا نمائندوں سے گفتگو کرتے ہوئے امریکی وزیر خزانہ کا کہنا تھا کہ ترکی پر عائد کی گئی پابندیاں بہت سخت ہیں جو اس کی معیشت پر بہت زیادہ اثر انداز ہوں گی۔

امریکی وزارت خزانہ کی جانب سے جاری بیان میں مزید کہا گیا ہے کہ ترکی کی وزارت دفاع اور توانائی کے خلاف کارروائی کی گئی ہے جب کہ ساتھ ہی وزیر دفاع، توانائی اور داخلہ کے خلاف بھی ایکشن لیا گیا ہے۔امریکی وزارت خزانہ کا کہنا ہےکہ ترک حکومت کی کارروائی سے بے گناہ شہری خطرے میں ہیں اور خطہ عدم استحکام کا شکار ہورہا ہے، اس کے علاوہ داعش کو شکست دینے کی مہم بھی کمزور پڑررہی ہے۔برطانوی نشریاتی ادارے کے مطابق امریکی نائب صدر مائیک پینس نے بتایا کہ صدر ٹرمپ نے اپنے ترک ہم منصب رجب طیب اردوان کو فون کرکے فوری طور پر جنگ بندی روکنے کا مطالبہ کیا ہے۔

امریکی نائب صدر کا کہنا تھا کہ وہ جتنی جلدی اور جتنا ممکن ہوا، خطے کا دورہ کریں گے۔امریکا کی جانب سے ترکی کو خبردار کیا گیا ہےکہ ترکی کے سیز فائر کیے جانے تک پابندیوں جاری رہیں گی اور ان میں مزید سختی کی جائے گی۔امریکی نائب صدر نے ترکی پر زور دیا کہ فوری طور پر تشدد روک کر ترکی اور شام کی سرحد سے متعلق مسائل پر مذاکرات کے ذریعے ایک طویل مدتی معاہدہ کیا جائے۔ترکی کا شمالی شام میں فوجی آپریشن میں 480 کرد جنگجوؤں کو ہلاک کرنے کا دعویٰ

مائیک پینس کا مزید کہنا تھا کہ امریکا نے ترکی کو شام پر لشکر کشی کے لیے کوئی گرین سگنل نہیں دیا تھا۔میڈیا رپورٹس کے مطابق شامی افواج شمال مشرقی علاقے میں داخل ہوچکی ہیں جس کے بعد ان کا ترک فورسز سے تصادم ہوسکتا ہے۔ترکی کا کہنا ہےکہ اس کے حملے کا مقصد کرد فورسز کو سرحدی علاقے سے پیچھے دھکیلنا ہے اور ایک سیف زون قائم کرنا ہے۔

ٹرمپ کی دھمکی دوسری جانب امریکی صدر ٹرمپ نے گزشتہ روز جاری ایک بیان میں کہا تھا کہ وہ جلد ترکی کے سابق اور موجودہ حکومتی عہدیداروں سمیت ترکی کی عدم استحکام پیدا کرنے والی کارروائیوں میں شامل کسی بھی شخص پر پابندیوں کے لیے ایک ایگزیکٹو آرڈر جاری کریں گے۔امریکی صدر کا کہنا تھاکہ اسٹیل ٹیرف کو واپس 50 فیصد تک لایا جائے گا، اس کے علاوہ امریکا وزارت تجارت کی سربراہی میں ترکی سے 100 بلین ڈالر کی ٹریڈ ڈیل پر بھی مذاکرات فوری روک دےگا۔

ٹرمپ نے مزید کہا کہ ایگزیکٹو آرڈر سے امریکا کو یہ اختیار ہوگا کہ وہ انسانی حقوق کی خلاف ورزیوں میں ملوث اور سیز فائر میں رکاوٹ ڈالنے والوں پر سخت پابندیاں عائد کرسکے۔خیال رہے کہ کرد ملیشیا آزاد ملک کے قیام کیلئے سرگرم ہے، عراق میں کردستان کے نام سے ایک خودمختار علاقہ کردوں کو دیا گیا ہے تاہم وہ شام اور ترکی کے کچھ علاقوں کو بھی کردستان کا حصہ بنانا چاہتے ہیں جبکہ ترکی کرد ملیشیا کو دہشت گرد قرار دیتا ہے۔

2014 میں امریکی صدر باراک اوباما نے پہلی مرتبہ داعش کے خلاف شام میں فضائی آپریشن شروع کیا اور 2015 کے اواخر میں اپنے 50 فوجی بھیج کر شامی خانہ جنگی میں باضابطہ طور پر حصہ لیا۔36 لاکھ شامی مہاجرین کو یورپ بھیج دوں گا، طیب اردوان کا انتباہ امریکی فوجی داعش کے خلاف لڑنے کیلئے شامی کردش ملیشیا اور جنگجوؤں کو تربیت دیتے رہے ہیں۔20 دسمبر 2018 کو امریکی صدر ڈونلڈ ٹرمپ نے شام میں داعش کو شکست دینے کا اعلان کرتے ہوئے امریکی فوجیوں کو واپس بلانے کا اعلان کیا تھا۔

پاکستانی عوام رجب طیب اردوان کی کامیابیوں کیلئے دعاگو ہیں،ٹوئیٹ
اسلام آباد(ایمرا نیوز آن لائن)وزیر اعظم عمران خان نے ترکی کے صدر رجب طیب اردوان کو مقامی سطح پر الیکشن میں کامیابی حاصل کرنے پر پاکستانی قوم کی جانب سے مبارکباد پیش کی ہے پیر کے روز وزیر اعظم عمران خان نے سماجی رابطے کی ویب سائٹ پر ٹوئٹر پر اپنے ایک پیغام میں ترکی کے صدر رجب طیب اردوان کو مقامی سطح پر الیکشن میں کامیابی حاصل کرنے پر پاکستانی قوم کی جانب سے مبارکباد پیش کی ہے اور کہا ہے کہ پاکستان کی عوام خواہش ہے کہ آپ کو مزید ایسی کامیابیاں حاصل ہوتی رہیں(اشفاق خان صدام)

ترکی کے بلدیاتی انتخابات میں اردوان کی جماعت کو 2 بڑے شہروں میں شکست
اب ساری توجہ معیشت کو بہتر بنانے پرہوگی، اے کے پارٹی اپنی کوتاہیوں کو دور کرے گی، رجب طیب اردگان
انقرہ(ایمرا نیوز آن لائن)ترکی کے بلدیاتی انتخابات میں صدر رجب طیب اردگان کی جماعت ‘اے کے پارٹی’ کو دارالحکومت انقرہ میں 2 بڑے شہروں میں شکست کا سامنا کرنا پڑا جس کے بعد طیب اردگا ن نے پارٹی کی شکست تسلیم کرلی۔ترک میڈیا کی رپورٹس کے مطابق اپوزیشن جماعت ریپبلکن پیپلز پارٹی کے امیدوار منصور یاواس نے انقرہ میں واضح برتری حاصل کرلی جب کہ استنبول میں دونوں جماعتوں کے درمیان سخت مقابلہ ہے۔ترک صدر رجب طیب اردگان کے اقتدار کے 16 سال میں بلدیاتی انتخابات میں ان کی جماعت کو دارالحکومت انقرہ میں پہلی مرتبہ شکست کا سامنا کرنا پڑا جب کہ ملک کے تجارتی شہر استنبول سے مکمل نتائج نہیں آئے، اس سے قبل ہی رجب طیب اردوان نے اپنی شکست تسلیم کرلی۔رجب طیب اردگان نے 90 کی دہائی میں اپنے سیاسی کیرئیر کا آغاز استنبول کی میئرشپ سے کیا تھا اور اب پہلی مرتبہ ملک کے سب سے بڑے تجارتی شہر سے میئرشپ ان کی جماعت کے ہاتھوں سے نکل چکی ہے۔انقرہ میں اپنے حامیوں سے خطاب کرتے ہوئے رجب طیب اردگا ن نے استنبول میں بھی شکست تسلیم کرتے ہوئے کہا کہ اب ساری توجہ معیشت کو بہتر بنانے پر ہوگی اور اے کے پارٹی اپنی کوتاہیوں کو دور کرے گی۔دوسری جانب اپوزیشن جماعت ریپبلکن پیپلز پارٹی کے سربراہ کیمل کلک ڈراگلو کا کہنا ہے کہ عوام نے جمہوریت کے حق میں ووٹ دیا اور جمہوریت کا انتخاب کیا ہے۔واضح رہے کہ ترکی کے تین بڑے شہر استنبول، انقرہ اور ازمیر رجب طیب اردگان کی جماعت اے کے پارٹی کے مضبوط گڑھ سمجھے جاتے تھے۔

شام معاملے پر رجب طیب اردوان نے فرانسیسی صدر کو ملاقات کیلئے انتظار کرنے کا کہہ دیا
انقرہ (ایمرا نیوز آن لائن)ترک صدر رجب طیب اردوان نے کہا ہے کہ فرانس کے صدر ماکروں نے ان سے بات کرنے کی خواہش ظاہر کی تھی مگر میں نے انہیں مناسب وقت کا انتظار کرنے کا کہہ دیاکیونکہ اس وقت ہم بلدیاتی انتخابات کی تیاریوں میں مصروف ہیں۔ ترک نشریاتی ادارے کے مطابق فرانسیسی صدر ایمانویل ماکروں کی ترک صدر سے ملنے کی خواہش پر صدر اردوان نے انہیں مناسب وقت تک کا انتظار کرنے کا کہہ دیا ہے۔ انہوں نے کہا کہ شام میںکسی محفوظ علاقے کے قیام کے کنٹرول کےلئے جرمنی، فرانس یا امریکا سے رجوع نہیں کیا جائے گا۔ اس حوالے سے فرانس کے صدر ماکروں نے ان سے بات کرنے کی خواہش ظاہر کی تھی مگر میں نے انہیں مناسب وقت کا انتظار کرنے کا کہا تھا کیونکہ اس وقت ہم بلدیاتی انتخابات کی تیاریوں میں مصروف ہیں۔

ترک قوم کا پاکستان کے ساتھ گہرا رشتہ ہے، برابری کی بنیادوں پر دو طرفہ تجارت کریں گے، تولگا اوچک
کراچی(ایمرا نیوز آن لائن) ترکی کے قونصل جنرل تولگا اوچک نے کہا ہے کہ صدر طیب ارودگان اگلے ماہ پاکستان کے دورے کے موقع پر بڑا اعلان کریں گے۔ انہوں نے کہا ہے کہ ترکی پاکستان کے ساتھ برابری کی بنیادوں پر تجارت کرے گا، پاکستان کے ساتھ ترکی کا اٹوٹ رشتہ ہے جو آنے والے وقت کے ساتھ مضبوط تر ہوگا۔ ای کامرس کے تحت پاکستان آنے والے ترکی کی ٹاپ ٹین کمپنیوں کے وفد کے سربراہوں پر مشتمل اعلی سطحی وفد کی پاکستانی کمپنیوں کے ساتھ بی ٹی بی کے سلسلے میں منعقد کی گئی تقریب سے خطاب کرتے ہوئے قونصل جنرل تولگا اوچک نے کہا کہ ترکی برادر اسلامی ملک پاکستان کے ساتھ نا صرف دفاعی تعاون بلکہ ٹیکنالوجی اورکاروبار کے ہر شعبے میں شانہ بشانہ اپنا کردار ادا کرے گا۔انہوں نے کہا کہ ترکی پاکستان کے سی پیک منصوبوں میں بھی گہری دلچسپی رکھتا ہے، ان منصوبوں میں شراکت کے لئے ترکی کی اعلی قیادت پاکستان سے رابطے میں ہے۔تولگا اوچک نے کہا کہ ترکی کا تجارتی حجم 200 ارب ڈالر ہے جبکہ برابری کی بنیادوں پر تجارت سے پاکستان کی برآمدات کر فروغ حاصل ہوگا۔ ترکی کے قونصل جنرلنے کہا کہ ای کامرس کے تحت بی ٹو بی کے ذریعے پاکستان کے ایس ایم ای شعبے کے کاروباری شراکت کے مواقع میسر آئے ہیں۔ہماری خواہش ہے کہ پاکستان کا ایس ایم ای شعبہ ترقی کرے اس شعبے کے چھوٹی صنعتوں کے فروغ سے مقامی سطح پر ملازمتوں کے مواقع بڑھیں گے۔ممبر ٹرکش الیکٹرو ٹیکنالوجی (ٹی ای ٹی) ہکان اوزترک نے کہا کہ پاکستان کے دورے کے دوران کراچی اور لاہور کے صنعتکاروں اور چیمبرز کے عہدیداروں سے ملاقاتیں کریں گے تاکہ دونوں ممالک کے درمیان کاروبار کو بڑھایا جاسکے۔ اس موقع پر ای کامرس کے نائب صدر عمیر نظام نے بتایا کہ ترکی کی سرفہرست 13 کمپنیوں کا 20 رکنی وفد پانچ روزہ دورے کے دوران الیکٹریکل اور الیکٹرانکس کے شعبے میں پاکستانی کمپنیوں کے ساتھ دو طرفہ تجارت کے معاہدے کرے گا۔ وفد کراچی کے بعد لاہور میں بھی مختلف کمپنیوں کے ساتھ بی ٹو بی کرے گا۔

یہ قیدی غیر قانونی طور پر یہاں پہنچے،نتظامی امور کی انجام دہی میں رکاوٹ ہو رہی ہے ،ترک محکمہ داخلہ کا وزیراعظم عمران خان کو خط
انقرہ(ایمرا نیوز آ ن لائن) ترکی نے غیر قانونی طور پر مقیم 50 ہزار پاکستانیوں کو اپنے داخلی استحکام کیلئے خطرہ قرار دیتے ہوئے ملک بدر کرنے کا فیصلہ کیا ہے۔ خبر رساں ادارے کے مطابق ترک وزارت خارجہ نے ایک خط کے ذریعے وزیراعظم پاکستان عمران خان کو حکومت کے اس فیصلے سے مطلع کردیا ہے کہ ترکی جلد غیر قانونی طور پر مقیم 50 ہزار پاکستانیوں کو اپنے ملک سے بے دخل کردے گا۔ترک وزیر خارجہ نے پاکستان بھیجے گئے خط میں انکشاف کیا ہے کہ ملک بھر کی جیلوں میں 50 ہزار سے زائد پاکستانی قید ہیں ،جن کے پاس سفری دستاویزات نہیں ہیں اور یہ سب غیر قانونی طور پر ترکی پہنچے تھے کچھ کو عدالتوں نے سزائیں بھی سنائی ہیں۔خط کے متن میں مزید کہا گیا ہے کہ اتنی بڑی تعداد کو جیلوں میں رکھنا ممکن نہیں رہا اور ان قیدیوں کی وجہ سے انتظامی امور کی انجام دہی میں رکاوٹ ہو رہی ہے اس لیے حکومت نے ان افراد کو ڈی پورٹ کرنے کا فیصلہ کیا ہے۔

تہران کےساتھ تجارت کیلئے انقرہ ایک بنیادی لائحہ عمل تیار کرنے کو رضامند ہے‘صدراردگان
ماسکو (ایمرا نیوز آن لائن) ترک صدر طیب اردگان نے اعلان کیا ہے کہ ترکی ایران پر امریکہ کی جانب سے معاشی پابندیاں نظر انداز کرکے باہمی تجارت کرنے لیے بالکل تیار ہے۔روس کے شہر سوچی میں روس، ایران اور ترکی کے صدور کے مابین ملاقات کا دور رواں دواں ہے۔اپنے بیان میں ترک صدر رجب طیب اردگان نے کہا کہ ایران کےساتھ تجارت کے لیے ترکی ایک بنیادی لائحہ عمل تیار کرنے کو رضامند ہے، ایران کےساتھ کئی نکات پر بات چیت کے اچھے اثرات مرتب ہوئے ہیں اور ترکی ایران کےساتھ بات چیت و تجارت سے تعلقات مزید بہتر کرنا چاہتا ہے۔واضح رہے کہ ترکی کی جانب سے ایران سے تعلقات کے بارے میں یہ اعلان اس وقت سامنے آیا ہے جب پولینڈ کے شہر وارسا میں امریکا اور کئی یورپین ممالک کی ایک کانفرنس منعقد ہورہی ہے میڈیا کے مطابق اس کانفرنس کے انعقاد کے مقاصد و مندرجات میں سے ایک ایران کے مشرق وسطیٰ میں بڑھتے ہوئے اثرورسوخ کو کم کرنا اور اس پر دباو¿ بڑھانا بھی شامل ہے۔

استنبول(ایمرا نیوز آن لائن)ترکی کے شہر استنبول میں 8 منزلہ رہائشی عمارت زمین بوس ہوگئی جس کے نتیجے میں 2 افراد جاں بحق اور 6 افراد زخمی ہو گئے۔استنبول کے کرتال ڈسٹرکٹ میں واقع اس رہائشی عمارت کے منہدم ہونے کی وجہ فوری طور پر سامنے نہیں آ سکی ہے۔استنبول کے گورنر علی یرلیکایا کے مطابق اس بلڈنگ میں 14 فلیٹس اور 43 افراد رجسٹرڈ تھے تاہم اس کی اوپر کی تین منزلیں غیر قانونی طور پر تعمیر کی گئی تھیں جبکہ گراﺅنڈ فلور پر بغیر لائسنس کے ایک ٹیکسٹائل ورکشاپ بھی قائم تھی۔ مذکورہ عمارت کے ملبے کو ہٹانے اور اس میں دبے افراد کو تلاش کرنے کے لیے ریسکیو اداروں کی کارروائیاں جاری ہیں، تمام زخمیوں کو طبی امداد کے لیے اسپتال منتقل کیا گیا ہے۔ترک صدر نے وزیر داخلہ اور ماحولیات کے وزیر کو متاثرہ عمارت کے فوری دورے کا حکم دے دیا ہے۔ ریسکیو ٹیموں نے 3 افراد کو ملبے سے صحیح سلامت نکالا ہے، مذکورہ عمارت کے ارد گرد کی سڑکوں کو ٹریفک کی آمد و رفت کے لیے بند کر دیا گیا ہے تاکہ وہ امداد کاموں میں تاخیر کا سبب نہ بنے.