Tag water

کراچی(ایمرا نیوزآن لائن) کراچی واٹر بورڈ کا کہنا ہے کہ کراچی واٹر بورڈ کے نارتھ ایسٹ کراچی پمپنگ اسٹیشن اور حب پمپنگ اسٹیشن پر بجلی کے بار بار تعطل سے شہر میں پانی کی فراہمی متاثر ہورہی ہے۔ترجمان کے الیکٹرک کے مطابق واٹر بورڈ کے تمام پمپنگ اسٹیشنوں پر بلا تعطل بجلی فراہم کی جاتی ہے ۔ترجمان کراچی واٹر بورڈ کے مطابق کے الیکٹرک نے دھابیجی، گھارو، پپری، این ای کے اور حب پمپنگ اسٹیشن کو لوڈ شیڈنگ سے مستثنیٰ قرار تھا، استثنیٰ کے باوجود این ای کے پمپنگ اسٹیشن پر بجلی کی فراہمی معطل ہو رہی ہے۔

کراچی واٹر بورڈ کےترجمان کا مزید کہنا ہے کہ بجلی جانے سے این ای کے پمپنگ اسٹیشن سے 5 ملین گیلن جبکہ حب پمپنگ اسٹیشن سے 4اعشاریہ 9 ملین گیلن پانی کم فراہم کیا گیا۔ترجمان کراچی واٹر بورڈ نے یہ بھی کہا ہے کہ پانی کی کم فراہمی سے ڈسٹرکٹ ویسٹ، بلدیہ اور سینٹرل کے علاقے متاثر ہورہے ہیں۔ادھر کے الیکٹرک کے ترجمان کا کہنا ہے کہ واٹر بورڈ کے تمام پمپنگ اسٹیشنوں پر متواتر بجلی فراہم کی جاتی ہے، عارضی تعطل کی صورت میں کے الیکٹرک پمپنگ اسٹیشنوں پر متبادل ذرائع سے بجلی فراہم کرتا ہے، واٹر بورڈ کے تمام بڑے پمپنگ اسٹیشن لوڈشیڈنگ سے مستثنیٰ ہیں۔

اسلام آباد(ایمرا نیوز آن لائن) پاکستان میں پانی کا 90 فیصد حصہ پانچ فصلوں کی آبپاشی پر صرف ہوتا ہے جن کا مجموعی قومی پیداوار (جی ڈی پی) میں حصہ 20 فیصد سے کم ہے۔ زرعی شعبہ میں چاول، گنے، کپاس ، گندم اور مکئی کی فصلوں کی آبپاشی پر ملک کا 90 فیصد پانی صرف ہوتا ہے۔ عالمی بینک کی رپورٹ کے مطابق زرعی شعبہ کا انحصار آبپاشی کےلئے دستیاب پانی پر ہوتا ہے تاہم جی ڈی پی میں شعبہ کا حصہ استعداد سے کم ہے۔ عالمی بینک نے اپنی رپورٹ میں خبردار کیا ہے کہ اس وقت ملک میں استعمال کئے جانے والے پانی میں سی69 فیصد پانی انسانی استعمال کےلئے غیر محفوظ ہے۔ رپورٹ کے مطابق پاکستان کو “اب اگاﺅ اور بعد میں صاف کرو کی حکمت عملی” کے تحت اقدامات کی ضرورت ہے جس سے ملک کی نوجوان افرادی قوت سے بھرپور استفادہ کے تحت معاشی ترقی میں نمایاں اضافہ کیا جا سکے گا۔ مزید برآں کاشتکاری اور آبپاشی کے روایتی طریقوں کی بجائے زیادہ پیداوار اور کم اخراجات کی حامل فصلوں کی کاشتکاری کے فروغ کی ضرورت ہے تاکہ کم سے کم وسائل سے زیادہ سے زیادہ استفادہ کیا جاسکے۔

فراہمی ونکاسی آب کے کروڑوں لاگت کے ٹھیکوں کی انتہائی دیدہ دلیری کے ساتھ بندر بانٹ
کراچی(ایمرا نیوز آن لائن)واٹر بورڈ میں کرپٹ مافیا بے قابو ہوگئی، فراہمی ونکاسی ا?ب کے کروڑوں لاگت کے ٹھیکوں کی انتہائی دیدہ دلیری کے ساتھ بندر بانٹ شروع کردی گئی ،چند ماہ قبل محکمہ جاتی پول کئے جانے کا بھانڈا پھوٹنے پر حکام نے این ا?ئی ٹی کو منسوخ کیا تھا،دوبارہ طلب کی گئی این ا?ئی ٹی میںافسران نے تخمینی لاگت سے30فیصد کم ریٹ میں کام کی پیشکش کرنے والے کنٹریکٹرز کو حیران کن طور پر مسترد کرتے ہوئے 14فیصد زائد کا ریٹ ڈالنے والے ٹھیکیدار کو کامیاب قرار دیدیا،واٹر بورڈ میں کی جانے والی سنگین بدعنوانیوں پر کنٹریکٹرز میں سخت تشویش اور اشتعال پھیل گئی،ٹھیکیداروں کا اینٹی کرپشن،نیب سمیت دیگر اعلی حکام سے فوری نوٹس لینے کا مطالبہ،کنٹریکٹرز کا عدالت عالیہ سے بھی رجوع کا فیصلہ‘ کنٹریکٹرز کا کہنا ہے کہ افسران نے اپنے بھاری کمیشن کیلئے ادارے کو کروڑوں روپے کا ٹیکہ لگادیا ہے اور سیپرا قوانین کی سنگین خلاف ورزی کی گئی ہے،کنٹریکٹرز کا مزید کہنا ہے کہ کرپٹ افسران نے حکومتی خزانے کو ہونے والی بچت کو خاک میں ملاکر اپنی جیبیں گرم کرنے کا منصوبہ بنایا ہے جس پر سیپرا سمیت عدالیہ سے رجوع کرنے کا فیصلہ کرلیا ہے،ٹھیکیداروں نے واٹر بورڈ میں جاری بدعنوانیوں پر نیب،اینٹی کرپشن سے فوری نوٹس اور تحقیقات کا مطالبہ کیا ہے۔

سیورا گوئے(نیٹ نیوز/ایمرا نیوز) سیورا گوئے میں پانی کے تیز بہاؤ کی وجہ سے کئی فٹ لمبی کشتی بے قابو ہو کر پُل سے ٹکرا کر تباہ ہو گئی۔یورا گوئے میں دیوہیکل کشتی پانی کیبے قابو لہروں پر توازن برقرار نہ رکھ پائی اور پُل سے جا ٹکرائی جس سے مقامی افراد خوفزدہ ہو گئے۔پانی کے تیز بہاؤ میں یہ کشتی بے قابو ہو گئی اور پُل کے نچلے حصے سے ٹکرا کر پھنس گئی جس کے بعد عقب سے آنیوالا جہاز بھی اس کشتی سے ٹکرا کر پل کے قریب پھنس گیا۔اس صورتحال میں پل کے قریب موجود لوگ حیران و پریشان دکھائی دئیے جبکہ انتظامیہ کشتی اور جہاز کو اس مشکل سے نکالنے کے اقدامات کرتی اوردوڑ لگاتی دکھائی دی تاہم خوش قسمتی سے کوئی جانی نقصان نہیں ہوا۔

سیالکوٹ (M92)بھارتی آبی جارحیت ، سندھ طاس معاہدہ کی سنگین خلاف ورزی ،ستلج ،راوی ،بیاس کا مکمل اور چناب کا 50ہزار کیوسک پانی روک لیا۔ چاروں دریاؤ ں سے برآمد ہونے والی 90نہریں مکمل طور پر بند ، بھارت کا پنجاب کو ریگستان میں تبدیل کرنے کا منصوبہ پایہ تکمیل کے قریب پہنچ گیا۔ تفصیلات کے مطابق 1960ء کی دہائی میں پاک بھارت سندھ طاس معاہدہ کے تحت دونوں ممالک میں طے پایا تھا کہ بھارت دریائے چناب میں 55ہزار کیوسک پانی چھوڑنے کا پابند ہوگا۔جس کے برعکس بھارت نے مقبوضہ جموں کشمیر اور ہماچل پردیش میں ڈیم تعمیر کرکے ان کے لیول کو اپ کرنے کیلئے دریائے چناب کا پانی روک لیا ہے۔ اور ہیڈ مرالہ کے مقام پر دریائے چناب میں 55ہزار کی بجائے 5461کیوسک پانی کی آمد ریکارڈ کی جارہی ہے۔ سندھ طاس معاہدے سے قبل بھارت کی طرف سے دریائے بیاس میں 12ہزار کیوسک ،دریائے ستلج میں 10ہزار کیوسک اور دریائے راوی میں 15ہزار کیوسک پانی کی آمد حریف کی فصل کی کاشت کیلئے درکار ہوتا تھا۔تاہم سندھ طاس معاہد ہ کی رو اور عالمی قوانین کے تحت ستلج ، بیاس اور راوی میں پائے جانے والے آبی جانوروں اور پرندوں کی زندگی کو بحال رکھنے کیلئے پانی چھوڑنا ضروری ہے بھارت نے عالمی قوانین کی خلاف ورزی کرتے ہوئے ستلج ،بیاس اور راوی پر ڈیم تعمیر کرکے ان کا مکمل طور پر پانی رو ک لیا ہے جس کے باعث مذکورہ تین دریائے ریگستان کی صورت اختیار کرگئے ہیں اور وہاں پر پائے جانے والے آبی جانور اور پرندے ہلاک ہوچکے ہیں۔جبکہ دریائے چناب کے ڈیم ہیڈ مرالہ ،ہیڈ خانکی، ہیڈ قادر آباد، ہیڈ تریموں اور ہیڈ پنجند سے برآمد ہونے والی نہریں حریف کی فصل کیلئے مکمل طور پر بند ہوگئی ہیں۔نہر اپر چناب میں 18ہزار کیوسک کی بجائے 4182کیوسک پانی چھوڑا جارہاہے اور ہیڈ خانکی کے مقام پر ایل سی سی کو رواں رکھنے کیلئے دریائے جہلم سے لوئیر چناب کےذریعے پانی حاصل کیا جارہاہے۔ اسی طرح دریائے راوی ،دریائے ستلج، دریائے بیاس سے برآمد ہونے والی90 کے قریب نہریں مکمل طور پر خشک سالی کا شکار ہیں جس سے پنجاب کے گوجرانوالہ ریجن ،فیصل آباد ریجن، لاہور ریجن ،ملتان ریجن، بہاوپور ریجن، بہاولنگر ریجن، رحیم یار خان ریجن کی کروڑ ایکٹر اراضی پر حریف کی فصل کو نہری پانی دستیاب نہ ہونے کی بناء پر کاشتکارووں کو ٹیوب ویلز کے ذریعے مہنگا ترین پانی استعمال کرنا ہوگا۔ جس سے زرعی ملک میں مہنگائی کا طوفان برپا ہوگا۔