Tag weather

لاہور(ایمرا نیوزآن لائن) ملک کے بیشتر علاقوں میں آج موسم گرم اورخشک رہے گا، جبکہ جنوبی پنجاب اور سندھ میں موسم آج بھی شدید گرم رہے گا۔گزشتہ روز ملک کے بیشتر علاقوں میں موسم گرم اور خشک ہی رہا جبکہ جنوبی پنجاب اور سندھ میں شدید گرم رہا، تاہم بہاولپور سٹی میں 02ملی میٹر بارش ریکارڈ کی گئی۔گزشتہ روز ریکارڈ کیے گئے گرم ترین مقامات کے درجہ حرارت کے مطابق سکرنڈمیں43 جبکہ بھکر، تربت، مٹھی اور شہید بینظرآباد میں 42 ڈگری سینٹی گریڈ ریکارڈ کیا گیا۔

محکمہ موسمیات نے رواں ہفتے کے دوران ملک کے مختلف علاقوں میں بارش کے ساتھ تیز آندھی کی پیش گوئی کی ہے جس کے باعث دن کے درجہ حرارت میں معمول سے 03 سے05ڈگری کمی کا امکان ہے۔محکمہ موسمیات کے مطابق اسلام آباد، راولپنڈی، فیصل آباد، سرگودھا، ساہیوال، ملتان، بہاولپور، ڈیرہ غازی خان، سکھر، مکران، بنوں، ڈیرا اسماعیل خان، ہزارہ، گلگت بلتستان اور کشمیر میں آندھی کے ساتھ بارش کا امکان ہے۔

جیکب آباد(ایمرا نیوزآن لائن) ملک بھر میں شدید گرمی کی لہر برقرار ہے، گزشتہ 24 گھنٹوں میں سب سے زیادہ درجۂ حرارت جیکب آباد میں 48 ڈگری سینٹی گریڈ ریکارڈ کیا گیا۔محکمہ موسمیات کا کہنا ہے کہ گزشتہ 24 گھنٹوں میں ملک بھر میں موسم خشک اور گرم رہا اور آئندہ 24 گھنٹوں میں بھی موسم گرم اور خشک رہنے کا امکان ہے۔

محکمہ موسمیات کے مطابق شہید بینظیر آباد، لاڑکانہ، اور موہنجوداڑو میں درجہ حرارت 46، ڈی جی خان، بہاولپور، سکھر اور پڈعیدن میں 45 ڈگری سینٹی گریڈ ریکارڈ کیا گیا۔گزشتہ 24 گھنٹوں میں اسلام آباد میں زیادہ سے زیادہ درجۂ حرارت 36 ڈگری سینٹی گریڈ ، کراچی میں 35، لاہور میں 41، پشاور میں 37، کوئٹہ میں 31، مظفر آباد میں 34، فیصل آباد میں 41، ملتان میں 43 اور حیدر آباد میں 39ڈگری سینٹی گریڈ ریکارڈ کیا گیا۔

لاہور(ایمرا نیوزآن لائن) ملک بھر میں آج پہلے روزے پر شدید گرمی ہو گی، کئی علاقوں میں روزہ 15 گھنٹے سے طویل ہو گا۔محکمہ موسمیات کے مطابق ملک کے بیشتر علاقوں میں آج موسم گرم اور خشک رہے گا، جنوبی پنجاب اور سندھ میں شدید گرمی پڑے گی۔محکمہ موسمیات کا یہ بھی کہنا ہے کہ آج دوپہر کے بعد جنوبی پنجاب میں تیز ہوائیں چل سکتی ہیں۔کل سب سے زیادہ درجہ حرارت جیکب آباد میں 48 ڈگری ریکارڈ کیا گیا، لاہور میں پارا 40 ،پشاور میں 39، اسلام آباد میں 36، کراچی میں35 اور کوئٹہ میں 31 ڈگری تک گیا۔

کراچی میں صبح 9 بجے درجہ حرارت 28 ڈگری ریکارڈ کیا گیا جبکہ زیادہ سے زیادہ درجہ حرارت 34 ڈگری رہنے کا امکان ہے۔محکمہ موسمیات کے مطابق آج زیادہ سے زیادہ درجہ حرارت حیدر آباد اورسکھرمیں46، تربت میں 45، ملتان میں 43، لاہور ،فیصل آباد اور ڈیرہ اسماعیل خان میں 42، سرگودھا میں 41، پشاور میں 40، اسلام آباد میں 37، بارکھان اور مظفر آباد میں 36، دیر میں 33،کوئٹہ اور گلگت میں 32،چترال میں 31، قلات میں 29، مری میں 24 اور اسکردو میں 22ڈگری سینٹی گریڈ رہنے کا امکان ہے۔

کراچی(ایمرا نیوزآن لائن) کراچی شہر میں گزشتہ روز کی نسبت آج گرمی کم ہونے کا امکان ہے، آئندہ 24 گھنٹوں کے دوران کراچی کا موسم گرم اور خشک رہ سکتا ہے۔محکمہ موسمیات کے مطابق شہر کا زیادہ سے زیادہ درجہ حرارت 38 سے 40 ڈگری سینٹی گریڈ تک بڑھنے کا امکان ہے، ہوا میں نمی کا تناسب 70 فیصد ہے اور شمال مشرقی علاقوں سے ہلکی ہوائیں چل رہی ہیں۔ملک کے بیشتر علاقے شدید گرمی کی لپیٹ میں ہیں، محکمہ موسمیات کے مطابق 24 گھنٹے کے دوران سب سے زیادہ درجۂ حرارت چھور میں 44 ڈگری سینٹی گریڈ ریکارڈ کیا گیا، جبکہ جیکب آباد، لسبیلہ، میرپور خاص میں 43، ٹھٹھہ، تربت، شہید بینظیر آباد اور کراچی میں 42 ڈگری سینٹی گریڈ ریکارڈ کیا گیا۔ملک کے بیشتر علاقوں میں موسم گرم اور خشک جبکہ جنوبی پنجاب اور سندھ میں میں شدید گرم رہا، تاہم مالا کنڈ، ہزارہ، راولپنڈی، گوجرانوالہ ڈویژن، گلگت بلتستان اور کشمیر میں چند مقامات پر آندھی، تیز ہواؤں اور گرج چمک کے ساتھ بارش ہوئی۔

سب سے زیادہ بارش کشمیر کے علاقوں مظفر آباد میں11، گڑھی دوپٹہ میں04، راولا کوٹ میں01،پنجاب کے علاقوں سیالکوٹ میں (ایئرپورٹ پر11، کینٹ میں03)، گوجرانولہ میں03، مری میں01، خیبرپختون خوا کے علاقوں کاکول میں04، دیر میں 01، گلگت بلتستان کے علاقوں بونجی میں04، استور میں03، بگروٹ میں02 ملی میٹر بارش ریکارڈ کی گئی۔محکمہ موسمیات کا کہنا ہے کہ جنوبی پنجاب اور سندھ میں آج بھی موسم شدید گرم رہے گا، مالاکنڈ ڈویژن، گلگت بلتستان اور کشمیر میں چند مقامات پر گرج چمک کے ساتھ بارش کا امکان ہے، اسلام آباد، راولپنڈی اور گوجرانولہ ڈویژن میں آندھی اور گرج چمک کا امکان ہے۔

ادھر سرگودھا میں گرمی کی شدت کا مقابلہ کرنے کے لیے شہریوں نے لیموں، ادرک اور پودینے ملے گنے کے رس کا استعمال شروع کر دیا، شہریوں کا کہنا کہ عام مشروبات کی نسبت گنے کا یہ رس گرمی کی شدت کو جلدی ختم کرتا ہے۔ملتان میں موسم آج بھی گرم اور خشک ہے جبکہ درجہ حرارت زیادہ سے زیادہ 39 ڈگری سینٹی گریڈ رہنے کا امکان ہے جبکہ آج کم سے کم درجہ حرارت 24 ڈگری سینٹی گریڈ ریکارڈ کیا گیا ۔محکمہ موسمیات کے مطابق ملتان میں آئندہ چند روز تک موسم خشک اور گرم رہے گا اور بارش نہ ہونے کے باعث درجہ حرارت میں مزید اضافہ ہو گا ۔وادی کوئٹہ اور گرد ونواح میں مطلع صاف ہے اور دھو پ نکلی ہو ئی ہے ، محکمہ موسمیات نے آئندہ 24 گھنٹے کے دوران موسم گرم و خشک رہنے کی پیش گوئی کی ہے ۔آج صبح ریکارڈ کیے گئے کم سے کم در جہ حرارت کے مطا بق کوئٹہ میں7ڈگری سینٹی گریڈ، زیارت میں 4، قلا ت میں 9، ژوب میں16، دالبندین میں 14، گوادر میں 20، خضدار اور بارکھان میں19 اور تر بت میں 21ڈگری سینٹی گریڈ ریکارڈ کیا گیا ۔محکمہ مو سمیا ت نے بلوچستان کے بیشتر علاقوں میں موسم گرم اور خشک رہنے کی پیشن گوئی کی ہے۔

لاہور(ایمرا نیوزآن لائن) محکمہ موسمیات نے کراچی والوں کو نئی خوشخبری سنا دی ہے. محکمہ موسمیات کے مطابق آج کراچی میں ہلکی بارش ہوسکتی ہے اور آئندہ 24 گھنٹوں کے دوران کراچی کا موسم مزید سرد رہنے کا امکان ہے.اس خبر سے کراچی والے بہت خوش ہوگئے ہیں کیونکہ کراچی کا موسم اکثر کافی گرم رہتا ہے.
ڈائریکٹر محکمہ موسمیات نے بتایا ہے کہ مغربی ہواؤں کے کم دباؤ کا ایک اور سسٹم 30 اور 31جنوری کو ملک میں داخل ہوگا. اس نئے سسٹم کی وجہ سے ملک کے بالائی علاقوں میں بارش ہوسکتی ہے جس کی وجہ سردی کی شدت میں بھی اضافہ ہوجائے گا. لیکن کراچی والوں کے لیے یہ سسٹم اچھی خوشخبری لے کر آیا ہے اور کراچی والے اس بارش کو انجوائے کرنے کے لیے تیار ہیں.
https://emra.tv/2019/01/26/بھارت-میں-پھنسی-…اکستانی-خاتون-کی/
محکمہ موسمیات کے مطابق آج کراچی میں کم سے کم درجہ حرارت 14، لاہور میں 17 اور اسلام آباد میں 15 ڈگری سینٹی گریڈ ریکارڈ کیا گیا ہے.

آسٹریلیا(نیٹ نیوز/ایمرا نیوز) آسٹریلیا میں شدید گرمی نے نہ صرف انسانوں بلکہ جانوروں کو بھی بے حال کردیا ہے۔ آسٹریلیا کے جنوب مشرقی علاقوں میں در جہ حرارت میں اضافہ ہوگیا ہے، شہریوں کے ساتھ ساتھ جانور بھی گرمی سے ستائے ہوئے ہیں۔سڈنی کے چڑیا گھر میں گرمی کے توڑ کے لیےجانوروں کے لیےخصوصی انتظامات کئے گئے ہیں۔

ہاتھیوں ، زرافوں، دریائی بلوں و دیگر جانوروں کو پانی سے نہلایا بھی گیا۔آسٹریلوی محکمہ موسمیات کےمطابق تسمانیہ کے علاوہ دیگر جنوبی ریاستوں میں درجہ حرارت 40 جبکہ نیو ساتھ ویلز میں 41 ڈگری سینٹی گریڈ تک جانے کی توقع ہے۔

لاہور (ایم نائن ٹو ڈاٹ ٹی وی )موسم بہت تیزی سے سرد ہورہا ہے اور اس تبدیلی کے جسم اور ذہن پر کچھ غیر متوقع اثرات مرتب ہوتے ہیں۔ جی ہاں واقعی موسم بدلنے سے ہمارے جسم اور ذہن میں بھی متعدد تبدیلیاں آتی ہیں اور طبی ماہرین بھی اس بات کی تصدیق کرتے ہیں۔ان تبدیلیوں کو مدنظر رکھنا سارا سال صحت مند رہنے کے لیے بہت ضروری ہوتا ہے۔یہاں آپ موسم سرد ہونے سے جسم پر مرتب ہونے والے اثرات کے بارے میں جان سکیں گے جن میں کچھ آپ کو حیران کردیں گے۔
موٹاپے سے نجات پانا آسان ہوتا ہے

جی ہاں واقعی سرد موسم کا یہ بہت بڑا فائدہ ہے اور طبی تحقیقی رپورٹس کے مطابق جب موسم سرد ہوتا ہے تو ہمارا جسم زیادہ کیلوریز جلانے لگتا ہے تاکہ جسم کو گرم رکھا جاسکے، ویسے یہ اتنا بڑا فرق نہیں جو مکمل طور پر موٹاپے سے نجات دلا سکے تاہم اس کے ساتھ ورزش یا دیگر طریقوں کو اپنا کر اضافی چربی کو کافی حد تک کم کیا جاسکتا ہے۔
انگلیاں ‘سکڑ جاتی ہیں

کیا آپ نے کبھی نوٹس کیا ہے کہ سرد موسم میں آپ کی انگلی میں انگوٹھی ڈھیلی ہوجاتی ہے؟ یہ آپ کا تخیل نہیں، درحقیقت ہاتھوں اور پیروں کی انگلیوں کی ہڈیاں گرم موسم میں پھول جاتی ہیں اور سردیوں میں یہ عمل الٹا ہوجاتا ہے، جس کے نتیجے میں وہ ‘سکڑ جاتی ہیں۔ اس طرح جسم اپنے جسمانی حرارت کو محفوظ رکھنے کی کوشش کرتا ہے اور بنیادی درجہ حرارت برقرار رکھتا ہے۔
ہڈیوں کا درد

کچھ افراد کو سردیوں میں کچھ ہڈیوں میں تکلیف کا زیادہ سامنا ہوتا ہے جس کی وجہ سرد موسم میں سامنے آنے والا جسمانی ردعمل ہوتا ہے، عام طور پر یہ ہاتھوں، پیروں اور کانوں میں ہوتا ہے، جس کی وجہ وہاں موجود خون کی چھوٹی شریانوں میں خون کی سپلائی بہت زیادہ بڑھ جانا ہوتا ہے، یہ خطرناک تو نہیں ہوتا مگر تکلیف دہ ضرور ثابت ہوتا ہے۔ اس سے بچنے کے لیے مناسب گرم ملبوسات اور باہر زیادہ دیر تک رہنے سے گریز کرنا چاہیے۔
بینائی متاثر ہوسکتی ہے

زیادہ سرد درجہ حرارت، سر ہوا اور برفباری وغیرہ بینائی پر اثرات مرتب کرسکتے ہیں، ایسے علاقے جہاں برفباری ہوتی ہے وہاں لوگوں کے لیے ضروری ہے کہ سن گلاسز کا استعمال ضرور کریں۔
چہرہ سرخ ہوجانا

اگر سردی سے ناک یا گال سرخ ہوگئے ہیں، تو اس کی وجہ یہ ہوتی ہے کہ ان حصوں کا خون زیادہ اہم اعضاءجیسے دل یا پھیپھڑوں کی جانب منتقل ہورہا ہوتا ہے، جب آپ گرم موسم میں آتے ہیں اور خون کی گردش معمول پر آجاتی ہے تو اس کا نتیجہ چہرے کے کچھ حصوں ٹماٹر کی طرح سرخ ہونے کی صورت میں نکلتا ہے۔
ہارٹ اٹیک کا زیاہ خطرہ

بزرگ افراد کے لیے اس موسم میں دل کے دورے کا خطرہ بڑھ جاتا ہے خاص طور پر جو پہلے ہی امراض قلب کا شکار ہوں۔ ایک تحقیق کے مطابق جب جسم درجہ حرارت محفوظ رکھنے کی کوشش کرتا ہے تو دل پر دباؤ بڑھ جاتا ہے، وہ خون پمپ کرنے کے لیے زیادہ کام کرنے لگتا ہے جس سے بلڈ پریشر کچھ حد تک بڑھ جاتا ہے۔
مزاج پر اتار چڑھاؤ

جب درجہ حرارت کم ہوتا ہے تو اس کے اثرات مزاج پر منفی طریقے سے اثرانداز ہوتے ہیں جس کی وجہ سورج کی روشنی کے کم وقت کی وجہ سے وٹامن ڈی کی کمی آنا ہوتا ہے، اس کی شدت کا انحصار موسمی شدت پر ہوتا ہے۔

اسلام آباد(M92) ملک بھر میں بارش اور پہاڑی علاقوں میں برفباری کا سلسلہ وقفے وقفے سے جاری ہے جس کے باعث سردی کی شدت میں اضافہ اور اسموگ کا خاتمہ ہوگیا جبکہ محکمہ موسمیات نے (آج ) جمعرات کو بھی راولپنڈی اسلام آباد سمیت بالائی پنجاب،خیبرپختونخوا، فاٹا، شمال مشرقی بلوچستان اور کشمیر میں بارش کا سلسلہ جاری رہے گا۔تفصیلات کے مطابق محکمہ موسمیات نے (آج ) جمعرات کو بھی ملک کے مختلف حصوںمیں بارش کا سلسلہ جاری رہنے کی پیش گوئی کی جبکہ جمعہ سے موسم صاف ہونے کا امکان ہے ۔آئندہ 12گھنٹوں کے دوران خیبرپختونخوا، اسلام آباد، بالائی پنجاب ( راولپنڈی، لاہور، فیصل آباد، سرگودھا، گوجرانوالہ ڈویژن)، فاٹا ، گلگت بلتستان اور کشمیر میں کہیں کہیں گرج چمک کے ساتھ بارش اور پہاڑوں پر برفباری کا امکان ہے۔جبکہ پنجاب کے میدانی علاقوں میں دھند رہے گی۔ آئندہ 24گھنٹوں کا موسم کے دوران بالائی خیبرپختونخوا، اسلام آباد، بالائی پنجاب (راولپنڈی، لاہور، فیصل آباد، سرگودھا، گوجرانوالہ ڈویژن )، فاٹا ، گلگت بلتستان اور کشمیر میں کہیں کہیں گرج چمک کے ساتھ بارش اور پہاڑوں پر برفباری کا امکان ہے۔جبکہ پنجاب کے میدانی علاقوں میں شدید دھند رہے گی۔ آئندہ 48گھنٹوں کے دوران ملک کے بیشتر علاقوں میں موسم سرد اور خشک رہے گا۔تاہم مالاکنڈ ڈویژن،بالائی فاٹا،کشمیر اور گلگت بلتستان میں چند مقامات پر مزید بارش اور پہاڑوں پر برفباری کا امکان۔ جبکہ پنجاب کے میدانی علاقوں( لاہور، فیصل آباد، ساہیوال، سرگودھا ڈویژن ) میں رات اور صبح کے اوقات میں شدید دھندکا امکان۔ گزشتہ روز پنجاب،خیبرپختونخوا، فاٹا، اسلام آباد، شمال مشرقی بلوچستان اور کشمیر میں کہیں کہیں پر گرج چمک کے ساتھ بارش ہوئی۔سب سے زیادہ بارش خیبرپختونخوا : چراٹ 70، پشاور( ائیرپورٹ 64،سٹی 61)، ، بنوں 40، لوئیر دیر 30، کوہاٹ 24، مالالم جبہ 22، دیر 21، رسالپور20، کاکول 17،سیدو شریف 16، میر کھانی 10، پارہ چنار 06، چترال،دروش 02، کالام، بالاکوٹ 01، پنجاب: مری 24، کامرہ 16، اسلام آباد(سیدپور12،زیرو پوائنٹ08، گولڑہ 10، بوکڑہ06)، راولپنڈی(چکلالہ08،شمس آباد08)، چکوال،اوکاڑہ 06، میاانوالی، ٹوبہ ٹیک سنگھ03، منگلا، منڈی بہاوالدین، نورپورتھل، جہلم، قصور، ڈی جی خان، سیالکوٹ(کینٹ)، سرگودھا سٹی 02، جوہر آباد 01، کشمیر : راولاکوٹ 12، کوٹلی 10، مظفرآباد 05، گڑھی دوپٹہ 02، میٹر ریکارڈ کی گئی۔گزشتہ روز ریکارڈ کیے گئے سرد ترین مقامات کے درجہ حرارت،قلات منفی 02 ، سکردو منفی 01 اور کوئٹہ 00 ڈگری سینٹی گریڈ ریکارڈ کیا گیا۔