Tag whatsapp

لاہور(سبط اعوان سے)واٹس ایپ نے چند روز قبل ہی دنیا بھر میں صارفین کے لیے ’ڈارک موڈ‘ متعارف کرایا تھا۔ڈارک موڈ ایپ کے لیے ڈیزائن کیا جانے والا ایک نیا فیچر ہے جس کو آن کرنے کے بعد صارفین کی ایپ کی اسکرین کا رنگ ہلکا کالا اور ہرے رنگ کا ہوجائے گا۔

اس فیچر کی اچھی بات یہ ہے کہ جو صارفین ایپ کا ’ڈارک موڈ‘ استعمال کرنا چاہتے ہیں وہ اس کو آن کر کے اسے حاصل کرسکتے ہیں، جنہیں اپنی اسکرین کا کالا رنگ نہیں پسند ہے وہ اس فیچر کو آن نہیں کریں ان کے پاس پرانی ڈسپلے کے ساتھ ہی ایپ نظر آئے گی۔

واٹس ایپ کے ڈارک موڈ فیچر کی خاص بات یہ ہے کہ ایپ میں اس موڈ کو آن کرنے سے آپ کے اسمارٹ فون کی بیٹری دیر تک چلے گی کیونکہ یہ فیچر بیٹری کی لائف بڑھاتا ہے، یہ فیچر واٹس ایپ کے اپ ڈیٹڈ ورژن میں صارفین کے لیے دستیاب ہوگا۔

اس فیچر پر کام کرنے والے ڈیولپرز نے امید ظاہر کی ہے کہ ڈارک موڈ سے صارفین کی آنکھوں پر زیادہ دباؤ نہیں پڑے گا۔

لاہور(ایمرا نیوزآن لائن) واٹس ایپ کے نئے فیچر نے دھوم مچا دی ہے
معروف میسیجنگ سروس واٹس نے اپنے اینڈرائیڈ صارفین کی سہولت کے لیے نیا فیچر ’فنگر پرنٹ اسکینر‘ متعارف کروا دیا ہے۔واٹس ایپ بیٹا انفو کے مطابق واٹس ایپ نے فنگر پرنٹ کے ذریعے اینڈ رائیڈ موبائل سیکورٹی کا فیچراپنے اینڈرائیڈکے تازہ ترین ورژن 2.19.13 میں متعارف کروایا ہے۔اس فیچر کے استعمال سے اینڈرائیڈ ڈیوائس میں واٹس ایپ استعمال کرنے والے صارفین کے فنگر پرنٹ اسکینر سے کوئی بھی شخص کسی دوسرے شخص کی واٹس ایپلی کیشن نہ کھول سکے گا اور نہ ہی واٹس ایپ پیغامات پڑھ سکے گا۔نئے فیچر کو سیٹنگز میں جا کر اکائونٹ پرائیوسی سے فعال کیا جاسکتا ہے، جس کے تحت صارف اپنی واٹس ایپ ایپلیکیشن اور اس میں موجود پیغامات کو مکمل طور پر دوسروں کے ہاتھوں میں جانے سے بچا سکتے ہیں۔یہ فیچر واٹس ایپ کی مکمل ایپلی کیشن پر اپلائی ہوگا اور اس فیچر کےذریعے کسی ایک خاص چیٹ کو نہیں بلکہ پوری ایپلی کیشن کو ہی محفوظ بنا یا جا سکے گا۔اس نئے فیچرکو setting>account > privacy > use finger print to unlock میں جا کر فعال کیا جاسکتا ہے۔واضح رہےکہ سام سنگ ،ژیاؤمی ، ون پلس سمیت متعدد کمپنیاں اپنے نئے ہینڈ سیٹ میں فنگر پرنٹ آپشن متعارف کروا چکے ہیں جس سے صارفین استفادہ کر رہے ہیں جبکہ آئی فون صارفین کے پاس فنگر پرنٹ فیچر کے علاوہ فیس آئی ڈی ، ٹچ آئی ڈی کے فیچرز پہلے ہی موجود ہیں۔میسیجنگ کی موبائل ایپلیکیشن واٹس ایپ دنیا بھر میں پیغامات بھیجنے اور وصول کرنے کے علاوہ وائس کال اور ویڈیو کال کے لئے بھی استعمال کی جاتی ہے۔

لاہور(ایمرا نیوز)

لاہور(ایمرا نیوز)

لاہور(ایمرا نیوز)

لاہور(ایمرا نیوز)
WhatsApp Video 2019-03-07 at 16.05.49 (1)

لاہور(ایمرا نیوزآن لائن)

لاہور (ایمرا نیوز/رپورٹ رضا ملک سے) پاکستان پیپلز پارٹی کے چیئرمین بلاول بھٹو زرداری نے جوائنٹ انوسٹی گیشن کی رپورٹ کو سیاسی قرار دیتے ہوئے اسے تسلیم کرنے سے انکار کر دیا ہے۔ انہوں نے کہا کہ نیب حکومت کے دباو¿ پر کام کر رہی ہے، ہم جے آئی ٹی رپورٹ کو نہیں مانتے۔ لاہور میں میڈیا نمائندوں سے گفتگو میں بلاول بھٹو زرداری کا کہنا تھا کہ حکومت اداروں کو دباو میں لا کر سیاسی مخالفین کو نشانہ بنا رہی ہے، نیب حکومت کے دباو¿ پر کام کر رہی ہے، ہم جے آئی ٹی رپورٹ کو نہیں مانتے۔ دھمکیوں سے ڈرنے والے نہیں، ایک سال کی عمر سے جیلوں کا سامنا کرتے آیا ہوں۔ بلاول بھٹو کا کہنا تھا کہ کیا یہ حکومت چل رہی ہے؟ اتنی نااہل اور نالائق حکومت زندگی میں نہیں دیکھی، سردیوں میں بھی بجلی کی بدترین لوڈشیڈنگ جاری ہے۔ موجودہ حکومت کی کوئی پرفارمنس ہی نہیں ہے، ملک کی معیشت تباہ ہو رہی ہے۔ ان کا کہنا تھا کہ ہم جانتے ہیں یہ سارے کیسز جھوٹے اور جعلی ہیں۔ مخصوص طاقتوں کی کوشش ہے کہ پیپلز پارٹی کو بدنام کرنا ہے، شہید ذوالفقار علی بھٹو اور محترمہ بینظیر کی زندگی میں بھی سب کچھ ہو رہا تھا، آصف زرداری کو بغیر کسی جرم کے گیارہ سال جیل میں رکھا گیا۔ ہم اب بھی بھٹو کے اصولوں پر کمپرومائز نہیں کریں گے۔ ایک سوال کے جواب میں انہوں نے الزام لگایا کہ جے آئی ٹی سیاسی بنیادوں پر بنی، ہم سیاسی حملوں کا سیاسی جواب دے رہے ہیں اور لیگل ایشوز کا جواب عدالت میں دے رہے ہیں۔ یہ پولیٹیکل انجینئرنگ کے لیے عدالت کو استعمال کرنا چاہتے ہیں۔ پیپلز پارٹی کے چیئرمین نے واضح کیا کہ اپوزیشن کیلئے ہماری جماعت اکیلے ہی کافی ہے، حکومت کو ٹف ٹائم دیں گے، یہ لوگ الیکشن میں ہمارا مقابلہ نہیں کر سکتے، ہم گرینڈ الائنس کی طرف نہیں جا رہے، آصف زرداری کی مولانا فضل الرحمان سے ملاقات ہوتی رہتی ہے۔ انہوں نے کہا کہ اگر شیخ رشید میری سیاست پر تبصرہ کرے گا تو ٹرین کو کون چلائے گا؟ وہ اپنی وزارت پر توجہ دیں۔

لاہور(M92)واٹس ایپ نے گزشتہ مہینے کے آخر میں صارفین کا بڑا مطالبہ اس وقت پورا کردیا تھا جب کمپنی نے غلطی سے بھیجے جانے والے پیغامات کو ڈیلیٹ کرنے کا فیچر متعارف کرایا۔اینڈرائیڈ، آئی فون اور ونڈوز فونز استعمال کرنے والے صارفین اس فیچر کے ذریعے کسی بھی میسج کو سات منٹ کے اندر ڈیلیٹ کرسکتے ہیں۔تاہم اب یہ انکشاف بھی سامنے آیا ہے کہ ڈیلیٹ فار ایوری ون نامی اس فیچر کے تحت جن پیغامات کو ڈیلیٹ یا ان سینڈ کیا جاتا ہے، اسے ڈیلیٹ ہونے کے بعد بھی موصول ہونے والا صارف دیکھ سکتا ہے۔اینڈرائیڈ جیفی نامی ویب سائٹ نے انکشاف کیا کہ واٹس ایپ پر اگر کوئی میسج ڈیلیٹ ہوجائے تو بھی اسے ابھی اینڈرائیڈ فونز کے نوٹیفکیشن لاگ کے ذریعے دیکھا جاسکتا ہے۔ویسے تو یہ کوئی زیادہ بڑی خامی نہیں مگر عجیب ضرور ہے۔اس کے لیے آپ کو بس فون کی ہوم اسکرین پر خالی جگہ کو کچھ دیر دبا کر رکھنا ہوگا جس کے بعد Widgets کے آپشن پر کلک کریں اور وہاں موجود سیٹنگز ویجیٹ کو ہوم اسکرین پر لے جائیں۔اب اسے اوپن کرکے نوٹیفکیشن لاگ پر جائیں اور متعلقہ انٹری کو فہرست میں دیکھ لیں۔یہ طریقہ کار فی الحال تو موثر ہے اور اس سے اگر آپ کا کوئی دوست میسج بھیج کر ڈیلیٹ کر بھی دے تو اسے دیکھا جاسکتا ہے، تاہم یہاں وہاں ایسے ہی پیغامات کو دیکھا جاسکتا ہے جنھیں آپ نے کھول کر دیکھا لیا ہو۔ایسے پیغامات نظرآنا ممکن نہیں جنھیں دیکھا نہ ہو ، یعنی اگر سات منٹ کے اندر کسی میسج کو دیکھ لیا جائے اور پھر وہ ڈیلیٹ ہوجائے تو وہ فون پر دوبارہ دیکھے جاسکتے ہیں۔بدقسمتی سے واٹس ایپ اس خامی پر ابھی قابو نہیں پاسکی ہے تاہم توقع کی جاسکتی ہے کہ مستقبل قریب میں اس حوالے سے کسی اپ ڈیٹ کو متعارف کرایا جائے گا۔