Tag women

نیو یارک (ایمرا نیوزآن لائن) حالیہ پاک بھارت کشیدگی اور دونوں ممالک کی فضائی افواج کے ٹاکرے میں پاک فوج کو فاتح قرار دینے والی نیو یارک ٹائمز کی خاتون صحافی ماریہ ابی حبیب کے خلاف بھارتیوں نے سوشل میڈیا پر محاذ کھول دیا۔امریکی اخبار نیو یارک ٹائمز کی خاتون رپورٹر ماریہ ابی حبیب نے پاکستان اور بھارتی فضائیہ کی ڈاگ فائٹ میں پاکستان کو فاتح قرار دیا تھا۔ انہوں نے بھارتی فوج کی عسکری صلاحیت کا بھی پول کھولا اور لکھا کہ اگر پاکستان اور بھارت کے مابین کل کلاں بڑی جنگ چھڑ جاتی ہے تو بھارت اپنے فوجیوں کو صرف10دن کا اسلحہ دے سکتا ہے ۔ بھارتی فوج کا 68 فیصد سازوسامان بہت پرانا ہے ۔ ماریہ ابی حبیب نے اپنے آرٹیکل میں بھارتی فوج کو ’ ونٹیج ‘ یعنی پرانی سپاہ بھی قرار دیا تھا۔نیو یارک ٹائمز کی صحافی کا یہ آرٹیکل بھارتیوں کوایک آنکھ نہیں بھایا اور انہوں نے خاتون کو سوشل میڈیا پر اتنا ٹرول کیا کہ وہ بھارتیوں کے رویے کو بد ترین قرار دینے پر مجبور ہوگئیں۔ انہوں نے لکھا ’ مجھے لگتا تھا کہ میں سوشل میڈیا ٹرولنگ سے واقف ہوں لیکن مجھے انڈین ٹوئٹر کا نہیں پتا تھا‘۔ماریہ ابی حبیب نے بھارتیوں کو داعش کے جنگجوﺅں سے بھی بدتر قرار دیا اور کہا کہ ’ اتنا برا رویہ تو مشرق وسطیٰ کے ان جہادیوں نے بھی اس وقت نہیں اپنایا تھا جب امریکی رپورٹرز نے داعش کے مظالم کا پردہ چاک کیا تھا‘۔خیال رہے کہ ماریہ ابی حبیب نیویارک ٹائمز میں جنوبی ایشیا سے متعلقہ سٹاف رپورٹر ہیں۔ اس سے قبل وہ مشرق وسطیٰ اور افغانستان میں بھی صحافتی فرائض سر انجام دے چکی ہیں۔

لاہور(ایمرا نیوزآن لائن)خواتین کو ڈرائیونگ سیٹ پر بٹھا کر لاہور میں ریلوے ڈرائیور نے سینکڑوں مسافروں کی جانیں داﺅ پر لگا دی ، لاہور میں ٹرین ڈرائیور نے غیر ذمہ داری کا مظاہرہ کرتے ہوئے خواتین کو ڈرائیونگ سیٹ پر بٹھا دیا، سوشل میڈیا پر وائرل ہونے والی ویڈیو میں دیکھا جاسکتا ہے کہ خواتین کو ڈرائیونگ سیٹ پر بٹھا کر ریلوے ڈرائیور نے سینکڑوں مسافروں کی جانیں داﺅ پر لگا دیں جب کہ ڈرائیور خواتین کو مزید رفتار بڑھانے کا کہتا ہے جب کہ خود خواتین کی مختلف سٹائل سے ویڈیو بنا رہا ہے ۔ ریلوے حکام کے مطابق ریلوے میں ٹرین انجن چلانے کے لئے خواتین ٹرین ڈرائیو بھرتی ہی نہیں جب کہ ریلوے انجنوں میں غیر متعلقہ افراد کے داخلے پر بھی پابندی ہے۔ اس سلسلے میں ریلوے انتظامیہ کا کہنا ہے کہ اس میں کچھ واضح نہیں، بعض اوقات کوئی انجن دیکھنے کے لئے بھی چڑھ جاتا ہے ، چلتے انجن میں کسی فیلمی کو سوار کرکے سفر نہیں کرایا گیا، ویڈیو میں یہ بھی واضح نہیں یہ کونسا مقام ہے۔

لاہور(ایمرا نیوزآن لائن) آپ نے ساس بہو کی لڑائی کے بارے میں سنا ہوگا، اکثر گھروں میں ساس بہو کی توتو میں میں جاری رہتی ہے. ساس اور بہو میں چھوٹی چھوٹی باتوں پر جھگڑا ہوتا رہتا ہے. لیکن بھارت میں ایک ایسا حیران کن رہ پیش آیا کہ سن کر سب کے ہوش اُڑ گئے. بھارت کی ایک ساس کو وقت پر کھانا نہ ملنے پر غصے میں آگئی اور اپنی بہو کی انگلیاں چبا ڈالیں.
https://emra.tv/2019/02/04/شاہ-رخ-خان-کی-کا…میں-نہ-جانے-کی-و/
یہ واقع بھارت کے شہر بریلی میں پیش آیا. رپورٹ کے مطابق 32 سالہ پریتی اپنے نومولود بچے کو دودھ پلا رہی تھی کہ اس کی 65 سالہ’سوشیلہ دیوی‘ ساس نے اس کو کھانے بنانے کا کہا اس پر پریتی نے اپنی ساس کو جواب دیا کہ ابھی کچھ دیر انتظار کریں، سب اس کا اتنا ہی کہنا تھا کہ اس کی ساس اپنا آپا کھو بیٹھی اور اپنی بہو کی انگلیاں چبا ڈالیں. اس واقعہ کے بعد ساس گھر سے بھاگ گئی اور اس کی بہو کو اسپتال منتقل کردیا گیا.پولیس کے مطابق اس واقعہ کی رپورٹ درج کردی گئی ہے، اور پریتی کی ساس سوشیلہ دیوی جو اس واقعے کے بعد فرار ہے اس کو جلد گرفتار کیا جائے گا.

لاہور(ایمرا نیوزآن لائن) وطن سے دوری ہر کسی کو بہت تنگ کرتی ہے، اور اگر آپ اپنے دشمن ملک میں پھنسے ہوئے ہوں اور وہ آپ کو واپس نہ جانے دے رہا ہو تو اس سے بُری بات کیا ہوگی کچھ یہی کہانی کبریٰ گیلانی کی ہے جو اس وقت جموں و کشمیر میں ہے اس کی اپنے شوہر سے علیحدگی کے بعد پاکستان واپس آنا چاہتی ہے لیکن بھارت اپنی حرکتوں سے باز نہیں آیا ہے اور ایک بار پھر دنیا کو اپنا اصل چہرہ دیکھا رہا ہے، بھارت کبریٰ گیلانی کو کلیئرنس نہیں دیا جارہا ہے .
https://emra.tv/2019/01/26/کراچی-15سال-میں-…مرشل-کئے-گئے-ایک/
کبریٰ گیلانی کا پاکستان میں ضلع مظفر گڑھ سے تعلق ہے اور یہ مظفر گڑھ میں تحصیل ڈومیل کی رہائشی ہے. اس کی آٹھ سال پہلے مقبوضہ کشمیر میں شادی ہوئی تھی جس شخص سے اس کی شادی ہوئی تھی اس کا نام محمد الطاف ہے. ان کے درمیان علیحدگی کی بڑی وجہ اولاد کا نہ ہونا ہے جس کی وجہ سے ان کی طلاق ہوگئی ہے. طلاق کے بعد کبریٰ گیلانی اپنے ملک پاکستان واپس آنا چاہتی ہیں اس کے لیے انہوں تمام سفری دستاویزات بھارتی حکام کو فراہم بھی کیے ہیں لیکن بھارت ان کو پاکستان جانے نہیں دے رہا جس کی وجہ سے وہ بھارت میں پھنس گئی ہیں. کبریٰ گیلانی نے بتایا ہے کہ ان کی طرح بہت سی خواتین بھارت میں پھنسی ہوئی ہیں اور ان میں سے کچھ خودکشی بھی کر چکی ہیں. کبریٰ گیلانی نے وزیراعظم عمران خان سے اپیل کی ہے کہ وہ ان کو وطن واپس لانے کے لیے مدد کریں.

ہوائی(نیٹ نیوز/ایمرا نیوز) ہوائی کے سمندر میں بہادر خاتون مہم جو نےخونخوار شارک کے ساتھ تیراکی کا خطرناک مظاہرہ پیش کیا۔یوں تو شارک کو کافی خونخوار اور خوف و دہشت کی علامت سمجھا جاتا ہے لیکن اس بہادر خاتون ڈائیور کے تو کیا ہی کہنے جس نے شارکس کیساتھ تیراکی کرکے خود کو خطروں کا کھلاڑی ثابت کردکھایا ہے۔

ہوائی کے گہرے سمندرمیں تیراکی کرتی اس نڈرخاتون ڈائیور نے 20فٹ لمبی اور 8فٹ چوڑی خطرناک شارک مچھلی کے ساتھ تیراکی کی۔بغیر کسی حفا ظتی انتظا م کے جا ن لیوا شا رک کے ساتھ غوطہ خوری کے ان یاد گار لمحا ت کو دیکھتے ہوئے ڈائیور کی بہادری کو داد تو دینی پڑے گی۔

ویت نام:(نیٹ نیوز/ایمرا نیوز) ہم جانتے ہیں کہ جونک (لیچ) دوسروں کے خون پر زندہ رہتی ہیں۔ لیکن ایک انوکھا واقعہ اس وقت پیش آیا جب ڈاکٹروں نے ایک خاتون کے حلق سے زندہ جونک برآمد کی ۔63 سالہ ویت نامی خاتون اپنے حلق میں بے آرامی اور کسی پھوڑے کی شکایت لے کر ہسپتال آئیں تو ڈاکٹروں نے ان کا معائنہ کیا تو وہ حیران رہ گئے کہ ان کے حلق کے ایک جانب 6 انچ لمبی جونک چپکی ہوئی ہے جو ان کا خون پی کر زندہ تھی۔

آنکھ، ناک اور حلق کے ڈاکٹروں نے ان کے حلق میں گوشت کا غیرمعمولی ٹکڑا دیکھا اور اسے فوری طور پر نکالا جو حقیقت میں ایک جونک تھی۔ہا گیانگ شہر کے ایک ڈاکٹر نگوین تان کا خیال ہے کہ خاتون نے کسی تالاب کا کنویں کا پانی پیا تھا جس میں بچہ جونک تھی اور وہ خاتون کے حلق میں جاکر چپک گئی۔ اس کے بعد خاتون نے سانس لینے میں دقت اور ناک بند ہونے کی شکایت کی اور جب یہ کیفیت مزید خراب ہوگئی تو وہ ہنگامی حالت میں ہسپتال پہنچیں۔ڈاکٹروں کے مطابق یہ ایک عجیب طبی واقعہ ہے۔ اگر خون پینے والی اس جونک کو بروقت نہ نکالا جاتا تو یہ یہ دردِ سر، حلق کی بندش اور یہاں تک کہ جان لیوا کیفیات کی شکار بھی ہوسکتی تھیں۔ تاہم اس سے قبل چین میں ایک شخص کے ناک میں تین ماہ سے چپکی جونک کو نکالا گیا تھا اور ایک خاتون کے جسم سے جونک برآمد کی گئی تھی۔

سعودی عرب(نیٹ نیوز/ایمرا نیوز) سعودی عرب میں خواتین کی ڈرائیونگ پر عائد پابندی اٹھالی گئی جسے عالمی پزیرائی ملی تاہم وہاں خواتین پر اب بھی پابندیاں موجود ہیں جن میںمرد کی سرپرستی کا نظام شامل ہے۔اس نظام کے تحت سعودی عرب میں کسی عورت سے متعلق اہم فیصلے کرنے کا اختیار اس کے والد، بھائی، خاوند یا بیٹے کے پاس ہے اور اگر وہ اس کی نا فرمانی کرتی ہے تو اسے گرفتار بھی کیا جا سکتا ہے۔چند روز قبل ایک سعودی خاتون نے بینکاک کے ایک ہوٹل کے کمرے میں خود کو بند کر دیا تھا۔ اس کا کہنا تھا کہ اگر انہیں واپس سعودی عرب، ان کے گھر بھیجا گیا تو انہیں قید کیے جانے کا خطرہ ہے۔اس کی ایک اور مثال یہ ہے کہ 2018 میں سماجی کارکن ثمر بداوی اپنا آبائی گھر چھوڑ کر ایک پناہ گاہ منتقل ہو گئی تھیں اور اس کی وجہ انہوں نے اپنے والد کی طرف سے اُن پر ہونے والا مبینہ جسمانی تشدد بتایا تھا جس کے بعد انہوںنے اپنے والد کی سرپرستی ختم کرنے کے لیے قانونی چارہ جوئی شروع کی۔بداوی کا کہنا تھا کہ مبینہ جوابی کارروائی کے طور پر اُن کے والد نے اُن کے خلاف ‘ نافرمان‘ ہونے کا دعویٰ دائر کر دیا۔واضح رہے سعودی عرب میںسرکاری اسکولوں میں خواتین کے کھیلوں اور خواتین کے فٹبال سٹیڈیم جا کر میچ دیکھنے پر عائد پابندی بھی ختم کی گئی ہے تاہم اقوام متحدہ کے ماہرین نے فروری 2018 میں ملک میں خواتین سے امتیازی سلوک کی روک تھام سے متعلق مخصوص قانون اپنانے اور قانونی تعریف کی عدم موجودگی پر تحفظات کا اظہار کیا تھا۔سعودی عرب میں خواتین کی معاشرے اور معیشت میں شرکت میں بڑی رکاوٹ مرد کی سرپرستی کا نظام ہے۔

ممبئی(نیٹ نیوز/ایمرا نیوز) عالمی مالیاتی ادارے (IMF)نے گیتا گوپی ناتھ کو ادارے کی اگلی چیف اکانومسٹ مقرر کرنے کا اعلان کیا ہے۔ گیتا گوپی ناتھ 2018ء کے اختتام پر جب چیف اکانومسٹ کے طور پر اپنی نئی ذمہ داریاں سنبھالیں گی تو اس کے ساتھ ہی وہ آئی ایم ایف کے ریسرچ ڈپارٹمنٹ کی سربراہی کرنے والی اولین خاتون کا اعزاز بھی حاصل کرلیں گی۔ اس وقت گیتا گوپی ناتھ ہارورڈ بزنس اسکول میں انٹرنیشنل اسٹڈیز اینڈ اکنامکس کی پروفیسر کی ذمہ داریاں انجام دے رہی ہیں۔گیتا گوپی ناتھ کی ریسرچ میں میکرواکنامکس اور انٹرنیشنل فنانس بشمول شرحِ تبادلہ، تجارت، سرمایہ کا بہاؤ، پیداوار اور قرضہ جات شامل ہیں۔

کئی اہم پالیسی مسائل پر گیتا گوپی ناتھ، اپنے ادارے کے ساتھ اتفاق نہیں کرتیں، جیسے کرنسی کی لچکدار شرحِ تبادلہ کی پالیسی۔وہ سمجھتی ہیں کہ کسی بھی ملک کی کرنسی کی لچکدار شرحِ تبادلہ کے مقابلے میں یہ دیکھنا زیادہ اہمیت کا حامل ہے کہ ڈالر (امریکی) کے مقابلے میں اس کرنسی کی شرحِ تبادلہ کیا ہے۔2014ء میں ورلڈ اکنامک فورم کے لیے ایک تحریری مراسلے میں گیتا گوپی ناتھ نے آئی ایم ایف پر زور دیا تھا کہ وہ عالمی منڈیوں میں ہیجان کو ختم کرنے میں اپنا کردار ادا کرے۔ ’مداخلت ختم کرنےکیلئے بحران پھوٹ پڑنے کا انتظار کرنے کے بجائے آئی ایم ایف کو رہنمائی فراہم کرنی چاہیے کہ وہ عالمی مالیاتی منڈیوں میں ہیجان کو کس طرح ختم کرے گا‘۔ماہرین معاشیات کا ماننا ہے کہ گوپی ناتھ نے معاشیات کے جن مسائل پر ریسرچ کی ہےوہ روایتی سوچ کی نفی کرتی ہے اور اجتماعی سوچ کو مثبت انداز میں آگے بڑھاتی ہے۔ یہ دیکھنا ہوگا کہ ادارہ (آئی ایم ایف) مالیات، مارکیٹ کے تکنیکی اُتار چڑھاؤ اور حقیقی معیشت کے پھیلاؤ کے درمیان تعلق قائم کرنے، آنے والے معاشی اور مالیاتی رجحانات سے قبل از وقت خبردار کرنے کا نظام وضع کرنے، آئی ایم ایف پروگرامز کے تحت انفرادی ملکوں کی بیرونی اور مارکیٹ بحرانوں کے خلاف قوت مدافعت کو بہتر بنانے اور سرمایہ کے بہاؤ میں حد سے زیادہ اضافے یا انتہائی قلت کی صورت حال سے نمٹنے کے لیے پالیسی ترتیب دینے جیسے معاملات میں گوپی ناتھ کی رائے اور ریسرچ کو کس حد تک شامل کرتا ہے۔یہ سب اسی وقت ممکن ہوپائے گا، جب آئی ایم ایف میں بیٹھے اعلیٰ عہدیدار کھُلے ذہن، فکری پھرتی اور ایک عرصے سے قائم روایتی سوچ کا ازسرنو جائزہ لینے کے لیے تیار ہوں گے۔ایک ہونہار طالبہ یہ 1991ء کی بات ہے جب گیتا گوپی ناتھ یونیورسٹی آف دلی میں بی اے کی طالبہ تھیں اور بھارت کو مالیاتی اور کرنسی کے بحران کا سامنا تھا۔ یہی وہ وقت تھا، جب گیتا کی ملکی معاشی صورت حال میں دلچسپی بڑھنے لگی اور اس نے اکنامکس کے شعبے میں مزید تعلیم حاصل کرنے کا فیصلہ کیا۔ یہ فیصلہ گیتا گوپی ناتھ کے لیے اس وجہ سے بھی نسبتاً آسان تھا، کیونکہ انٹرنیشنل فنانس میں ان کی عمومی دلچسپی پہلے بھی موجود تھی۔اس کے بعد انھوں نے دلی اسکول آف اکنامکس کے ساتھ ساتھ یونیورسٹی آف واشنگٹن سے ایم اے کی ڈگریاں حاصل کیں، جس کے بعد انھوں نے پرنسٹن سے ڈاکٹریٹ کیا۔گیتا گوپی ناتھ کے انتخاب پر آئی ایم ایف کی منیجنگ ڈائریکٹر کرسٹینا لگارڈ کہتی ہیں، ’گیتا، بے داغ تعلیمی ساکھ،ثابت شدہ دانشورانہ و قائدانہ صلاحیتوں اور وسیع بین الاقوامی تجربہ کے ساتھ اس وقت دنیا میں موجود غیرمعمولی صلاحیتیں رکھنے والے ماہرِ معاشیات میں سے ایک ہیں۔ یہ ساری باتیں، انھیں تاریخ کے اس اہم موڑ پر ہمارے ریسرچ ڈپارٹمنٹ کی سربراہی کرنے کا اہل بناتی ہیں‘۔گیتا گوپی ناتھ کے بارے میں بروکنگز انسٹی ٹیوشن کے ایک اہلکار کہتے ہیں، ’گوپی ناتھ انتہائی باریک بینی سے کام کرتی ہیں، جس سے آئی ایم ایف کو اپنے رکن ملکوں خصوصاً ترقی پذیر ملکوں کو عالمگیریت کے پیچیدہ معاشی اور سماجی چیلنجزسے نمٹنے کیلئے رہنمائی فراہم کرنے میں مدد ملے گی‘۔ انھیں 2011ء میں ورلڈ اکنامک فورم نے ینگ گلوبل لیڈر بھی منتخب کیا تھا۔

لاہور(ایمرا نیوز) Zhang Yinکون ہے؟ ویسے Zhang Yin کو 2010 میں، فوربیس کی طرف سے دنیا میں سب سے امیر خود ساختہ عورت کا نام دیا گیا تھا. اور انہوں نے اوپیرا ونفری اور جی.پی. کو شکست دے کر دنیا کی امیر ترین عورت بن گئی.

جاننا چاہتی ہے کہ اس نے یہ کیسے کیا؟ فضلہ کاغذ سے بنا گتے فروخت کرکے. بھارت میں اس ” raddi ” کے نام سے کہا جاتا ہے. Zhang Yin کو ہانگ کانگ کی ‘گتے کی رانی’ کہا جاتا ہے.

مری(نیٹ نیوز/ایمرا نیوز) مری میں مال روڈ پر سیاحوں کے ساتھ بدتمیزی کا ایک اور واقعہ، ہوٹل ایجنٹوں کی خاتون کے ساتھ بدتمیزی کی ویڈیو منظر عام پر آگئی، وزیر اعلیٰ پنجاب نے نوٹس لیتے ہوئے رپورٹ طلب کرلی۔عینی شاہدین کے مطابق اتوار کی شام ساڑھے 6بجے مال روڈ پر جی پی او چوک کے قریب کچھ ہوٹل ایجنٹس نے خاتون سیاح پر آوازیں کسیں ، خاتون کے شوہر نے منع کیا تو ایجنٹس نے اسے دھکے دیئے ۔اس موقع پر وہاں موجود لوگوں اور ٹریفک پولیس اہلکاروں نے بیچ بچاؤ کروایا، متاثرہ فیملی نے بازار پولیس چوکی جاکر ہوٹل ایجنٹس کے خلاف کارروائی کی درخواست کی تو چوکی انچارج نے کہا کہ یہ واقعہ ان کی حدود میں پیش نہیں آیا۔ویڈیو سوشل میڈیا پر وائرل ہوئی تو وزیر اعلیٰ پنجاب عثمان بزدار نے نوٹس لیتے ہوئے آئی جی پنجاب سے رپورٹ طلب کرلی اور متاثرہ فیملی کو ہر صورت انصاف فراہم کرنے کی یقین دہانی کروائی ہے ۔دوسری جانب سی پی او راولپنڈی نے بازار پولیس چوکی کے انچارج اور تمام اہلکاروں کو معطل کر دیا ۔تھانہ مری کے ایس ایچ او کا کہنا ہے کہ واقعے میں ملوث ملزمان کی نشاندہی کرلی ہے جنہیں جلد گرفتار کرلیا جائے گا۔