Tag womens

ممبئی(ایمرا نیوزآن لائن) بالی ووڈ کنگ شاہ رُخ خان ایک بہترین شخصیت کے مالک ہونے کے ساتھ ساتھ مداحوں کے دلوں کو جیتنا بھی جانتے ہیں ۔شاہ رُخ خان کی اہلیہ انٹیرئر ڈیزائنر گوری خان نے سماجی رابطے کی ویب سائٹ ٹوئٹر پر ایک تصویر شیئر کی ہے جس میں وہ اپنے سب سے چھوٹے بیٹے ابرام اور بھارتی فلمی انڈسٹری کے نامور ہدایتکار کرن جوہر کے بچوں روہی اور یش کے ہمراہ خوشگوار موڈ میں نظر ا ٓرہی ہیں۔

گوری خان نے تصویر شیئر کرتے ہوئے ساتھ ہی لکھا کہ’ وہ تین جنگجؤوں کے ساتھ وقت گزار رہی ہیں۔‘شاہ رخ خان نے اپنی اہلیہ گوری کے ٹوئٹ کو اپنے اکائونٹ پر ریٹوئٹ کیا اور اے آر رحمٰن کا سانگ ’ ماں تجھے سلام ‘ کا سہارا لیتے ہوئےاپنی اہلیہ گوری خان کو خراجِ تحسین پیش کرنے کے ساتھ ساتھ سبھی ماؤں کے دل جیت لیے۔

چینی شہری غریب بچیوں کو پیسے دیکر شادیاں کر رہے ہیں اور شادی کے بعد ان کے جسم کے اعضا نکال لیتے ہیں،ہندو بچیوں کے مسلمان ہوجانے کے جعلی سرٹیفکیٹ بھی بنائے جاتے ہیں، ممبران کا قائمہ کمےٹی برائے قانون و انصاف
اسلام آباد (ایمرا نیوز آن لائن ) قومی اسمبلی کی قائمہ کمیٹی برائے قانون و انصاف میں انکشاف ہوا ہے کہ چینی شہری پاکستانی خواتین سے شادی کے بعد ان کے جسم کے اعضا نکال لیتے ہیں۔کمیٹی کا اجلاس چیئرمین ریاض فتیانہ کی زیر صدارت پارلیمنٹ ہاؤس میں ہوا۔ کمیٹی نے قومی اسمبلی میں اقلیتوں کی نشستوں میں اضافے اور خواتین پر تشدد سے متعلق سفارشات کی تیاری کے لئے ذیلی کمیٹی تشکیل دیدی ہے۔ رکن قومی اسمبلی حسین طارق کنوینر ہوں گے۔ قائمہ کمیٹی نے صوبوں اور وفاق سے خواتین پر تشدد کے واقعات کی مکمل تفصیلات طلب کرلیں۔ ممبر کمیٹی شنیلا رتھ نے مذہب کی زبردستی تبدیلی کیخلاف قانون سازی کا مطالبہ کرتے ہوئے کہا کہ پنجاب میں خواتین پر تشدد کے خلاف بنائے گئے قوانین پرعملدرآمد نہیں ہو رہا، تشدد کیساتھ مذہب کی زبردستی تبدیلی بھی بڑھ رہی ہے۔شنیلا رتھ نے انکشاف کیا کہ پنجاب میں خواتین چینی شہریوں سے شادیاں کر رہی ہیں، چینی شہری غریب بچیوں کو پیسے دیکر شادیاں کر رہے ہیں اور شادی کے بعد ان کے جسم کے اعضا نکال لیتے ہیں۔ ممبر کمیٹی لعل چند نے کہا کہ چینی شہری جعلی طور پر مسلمان بن کر بچیوں سے شادیاں کر رہے ہیں جب کہ ہندو بچیوں کے مسلمان ہوجانے کے جعلی سرٹیفکیٹ بھی بنائے جاتے ہیں۔اجلاس میں ملتان اور چترال میں فوکر جہازوں کے حادثات پر معاوضوں کے حوالے سے جائزہ لیا گیا پی آئی اے کی جانب سے ائیر وائس مارشل نور عباس نے کمیٹی کو بتایا کہ حادثے کی صورت میں عالمی فلائٹ میں مرنے والوں کو 50 لاکھ روپے فی کس اور سامان کا ایک ہزار روپے فی کلو دیا جاتا ہے ملتان حادثے کے وقت اندروں ملک مرنے والوں کو 40 لاکھ رروپے ملنے کا ملکی قانون تھا ملتان حادثے میں دو جج بھی جاں بحق ہوئے تھے، اس حادثے میں مرنے والوں کو 40 لاکھ روپے فی کس دیا گیا جبکہ چترال حادثے میں ہلاک شدگان کے ورثہ کو 50 لاکھ فی کس دیئے گئے۔کمیٹی نے پی آئی اے کے حادثات میں متاثرہ افراد کو معاوضہ جات کی ادائیگی کا معاملہ آئندہ اجلاس تک موخر کر دیا۔ اجلاس میں پارلیمانی سیکرٹری قانون ملائیکہ بخاری نے کہا کہ ملک بھر میں خواتین پر تشدد کے واقعات سامنے آرہے ہیں۔ گھریلو تشدد کے واقعات میں پولیس اور پراسیکیوشن کا رویہ مناسب نہیں ہے۔ کمیٹی کو اس معاملے پر غور کرنا چاہیے۔ چیئرمین کمیٹی نے وزارت قانون و انصاف کو ہدایت کی کہ وہ ایک ماہ میں تمام صوبائی حکومتوں اور صوبائی وزارت داخلہ سے خواتین پر تشدد، تیزاب گردی کے واقعات اور ان پر سزا سے متعلق معلومات فراہم کریں۔ خواتین پر تشدد کے حوالے سے قوانین کو مربوط بنانے کی ضرورت ہے۔وزارت قانون نے بتایا کہ پارلیمنٹ کی جانب سے قانون سازی کے بعد متعلقہ محکمے کی مشاورت سے قواعد وضوابط وضع کئے جاتے ہیں تاہم قانون کے بعد اس پرعملدرآمد کو جانچنے کا کوئی طریقہ کار موجود نہیں جس پر چیئرمین کمیٹی نے کہا کہ تمام محکموں کو واضح ہدایات دیں کہ وہ قانون کے مطابق اپنے قواعد وضوابط وضع کریں جبکہ آئندہ قانون سازی میں بھی یہ شق شامل کی جائے کہ قانون سازی کے بعد مخصوص مدت میں قواعد وضوابط بنانا ضروری ہو گا.

لاہور(ایمرا نیوزآن لائن) پنجاب یونیورسٹی انسٹی ٹیوٹ آف سوشل اینڈ کلچرل سٹڈیز کی ڈائریکٹر پروفیسر ڈاکٹر روبینہ ذاکر نے کہا ہے کہ کم عمری میں ہونے والی شادیوں کی روک تھام سے خواتین میں سرویکل کینسر کی بڑھتی شرح پر قابو پایا جاسکتا ہے. انہوں نے کہا کہ روزانہ 20 خواتین میں سرویکل کینسر ڈائیگناز ہورہا ہے. وہ نیو کیمپس میں منعقدہ پاکستان میں سرویکل کینسر کی روک تھام سے متعلق آگاہی سیمینار سے خطاب کررہی تھیں. سیمینار میں مختلف این جی اوز کے نمائندوں ، اساتذہ اور طالبات نے شرکت کی. سیمینار سے خطاب کرتے ہوئے ڈاکٹر روبینہ ذاکر نے خواتین میں سرویکل کینسر کی سکریننگ اور حفاظتی اقدامات کی اہمیت پر تفصیلی بریفنگ دی. انہوں نے کہا کہ سرویکل کینسر سے بچنے کے لئے ہمیں کم عمری کی شادی ،سگریٹ نوشی جیسے رسک فیکٹرز پر قابو پانا ہوگا اور صحت مند طرز زندگی اپنانا ہوگا.انہوں نے کہا کہ حفاظتی تدابیر اختیار کرنے سے سرویکل کینسر سے ہونے والی اموات پر بھی کنٹرول کیا جاسکتا ہے.

پاکستانی فوجی دستے اقوام متحدہ کی قیام امن کوششوں میں سب سے آگے رہے ہیں اور خواتین اہلکار مختلف ممالک میں فوجی مبصرین اور اسٹاف آفیسرز کے فرائض سرانجام دے رہی ہیں،ملیحہ لودھی
اقوام متحدہ کو امن مشنز کیلیے مختص بجٹ میں کمی نہیں کرنی چاہیےاس سے قیام امن کی کوششوں پر منفی اثر پڑے گا، اقوام متحدہ کو امن مشنز میں فوجی دستے بھیجنے والے ممالک کے تجربات سے فائدہ اٹھانا چاہیے، مستقل مندوب

نیویارک(ایمرا نیوز آن لائن) پاکستان نے اقوام متحدہ کی امن فوج میں خدمات سرانجام دینے والی خواتین اہلکاروں کی تعداد میں اضافہ کردیا۔اقوام متحدہ میں پاکستان کی مستقل مندوب ڈاکٹر ملیحہ لودھی نے امن آپریشنز سے متعلق خصوصی کمیٹی سے خطاب کرتے ہوئے کہا کہ پاکستان نے اقوام متحدہ امن دستوں میں خواتین فوجیوں کی تعداد بڑھا کر 15 فیصد کردی ہے، پاکستانی فوجی دستے اقوام متحدہ کی قیام امن کوششوں میں سب سے آگے رہے ہیں اور خواتین اہلکار مختلف ممالک میں فوجی مبصرین اور اسٹاف آفیسرز کے فرائض سرانجام دے رہی ہیں۔ملیحہ لودھی نے بتایا کہ پاکستان نے اقوام متحدہ کے فوجی مبصر گروپ سے ہمیشہ تعاون کیا ہے اور صرف 15 ماہ کی قلیل مدت میں خواتین کی تعداد صفر سے 15 فیصد تک کرتے ہوئے اقوام متحدہ مشنز میں خواتین کی شمولیت کا ہدف حاصل کرلیا ہے۔ملیحہ لودھی کا کہنا تھا کہ اقوام متحدہ کو امن مشنز کیلیے مختص بجٹ میں کمی نہیں کرنی چاہیے، کیونکہ اس سے قیام امن کی کوششوں پر منفی اثر پڑے گا، اقوام متحدہ کو امن مشنز میں فوجی دستے بھیجنے والے ممالک کے تجربات سے فائدہ اٹھانا چاہیے۔ملیحہ لودھی نے بھارت اور پاکستان میں اقوام متحدہ کے فوجی مبصر گروپ کو مزید موثر بنانے کے لئے اپنی حمایت کا اعادہ کرتے ہوئے کہا کہ پاکستان نے اقوام متحدہ کے اختیار پر عملدرآمد کے لئے ہمیشہ اپنی ذمہ داریاں نبھائی ہیں، لائن آف کنٹرول پر جنگ بندی کی نگرانی کے مشن کو فعال بنانےکی بھی ضرورت ہے۔

سعودی عرب(نیٹ نیوز/ایمرا نیوز) سعودی عرب میں 15ہزار سے زائد خواتین نے پہلی مرتبہ اسٹیڈیم میں فٹ بال میچ دیکھا۔سعودی عرب میں کچھ عرصہ قبل شروع ہونے والی تبدیلی کی لہر جاری ہے جہاں خواتین پر لگی کئی پابندیاں ختم کی جارہی ہیں۔ سعودی خواتین پر اسٹیڈیم جا کر میچز دیکھنے پر لگی پابندی بھی ختم کردی گئی ہے۔ پابندی ختم ہونےکے بعد خواتین نے پہلی مرتبہ کوئی انٹرنیشنل فٹ بال میچ اسٹیڈیم میں بیٹھ کر دیکھا۔جدہ میں منعقد ہونے والے اطالوی سپر کپ فٹ بال کے فائنل میچ میں 62ہزار تماشائی اسٹیڈیم میں موجود تھے جن میں 15ہزار سے زائد خواتین شامل تھیں۔

لندن:(نیٹ نیوز/ایمرا نیوز) برطانیہ میں کپڑوں اور دیگر اشیا کی ایک بڑی دکان کی مالکن نے ماہر چوروں سے درخواست کی ہے کہ وہ اس کی دکان سے لباس چوری کریں، ان میں سے تین کپڑے اپنے پاس رکھیں اور اپنی کوشش کے بدلے فی گھنٹہ 8 ہزار روپے (64 ڈالر) رقم بھی کمائیں۔

اس چوری کے عوض خاتون نے شرط عائد کی ہے کہ وہ ماہر چور سے یہ سوال کریں گی کہ اس نے چیزیں کیسے چرائیں؟ تاکہ وہ اسٹور کے حفاظتی اقدامات کو بڑھا کر چوری کم کرنے کی کوشش کریں کیونکہ وہ آئے دن قیمتی کپڑوں کی چوری سے بہت پریشان ہوچکی ہیں۔

خاتون نے اس ضمن میں باقاعدہ ملازمت کا اشتہار بھی دیا ہے۔ معاہدے کے مطابق کامیاب امیدواروں کو ہفتے میں کئی مرتبہ اسٹور آنا ہوگا اور واردات کے بعد چوری شدہ مال کی پوری رپورٹ دینا ہوگی۔ چور کو یہ بھی بتانا ہوگا کہ آخر کس طرح انہوں نے سامان چوری کیا۔خاتون نے بتایا کہ وہ کئی برس سے خصوصاً ہر سال کرسمس پر چوری کی واردات سے بہت نقصان اٹھا چکی ہیں۔ اب وہ ماہر چوروں کے تعاون سے اپنی کمزوریوں کو دور کرنا چاہتی ہیں۔ خاتون کے مطابق نومبر میں اسٹور دن رات کھلا رہتا ہے اور زبردست رش کی وجہ سے ہر شخص پر نظر رکھنا ناممکن ہوتا ہے۔