Tag world bank

وزیراعلیٰ(میڈیا 92نیوزآن لائن) سندھ سید مراد علی شاہ سے ورلڈ بینک کے وفد وائس صدر سیلا پازاربیسیگلو نے ملاقات کی۔

وزیراعلیٰ سندھ مراد علی شاہ اور ورلڈ بینک کے وفد کے درمیان ہونے والی ملاقات میں سندھ میں کاروبار کرنے کی سہولت فراہم کرنے اور سرمایہ کاری کے لیے این او سیز کا سسٹم مزید آسان اور کم کرنے پر تبادلہ خیال کیا گیا۔

اسلام آباد:(ایمرا نیوزآن لائن) مشیر خزانہ ڈاکٹر عبدالحفیظ شیخ نے کہا ہے کہ عالمی بینک پاکستان کیلیے فنانسنگ کا عمل تیزکرے۔مشیر خزانہ ڈاکٹر عبدالحفیظ شیخ نے ملاقات کیلئے آئے ہوئے چینی سفیر یاؤجنگ سے گفتگو کرتے ہوئے کہا ہے کہ پاکستان میں سرمایہ کاری کا ماحول سازگارہے، چینی سرمایہ کاروں کو ہر ممکن مراعات اورسہولیات فراہم کی جائیں گی۔ ملاقات میں دوطرفہ اقتصادی تعلقات پر تبادلہ خیال کیاگیا۔

ڈاکٹرحفیظ شیخ نے کہاکہ پاکستان میں غیرملکی سرمایہ کاروںکو مراعات دی جا رہی ہے، چینی سرمایہ کارپاکستان میں سرمایہ کاری کرسکتے ہیں، چین پاکستان کا قابل اعتماد دوست ہے، چین نے پاکستان کے سماجی اور اقتصادی شعبوں میں تعاون کیا ہے۔

چینی سفیریاوجنگ کاکہنا تھا کہ چینی سرمایہ کار پاکستان میں سرمایہ کاری کرنا چاہتے ہیں، چینی قیادت سی پیک کی مکمل سپورٹ جاری رکھے گی اور سی پیک منصوبوں پر عمل درآمد یقینی بنایا جائیگا۔ ملاقات میںوزیر اعظم کے دورہ چین پر بھی تبادلہ خیال کیاگیا۔علاوہ ازیں ڈاکٹرعبدالحفیظ شیخ سے عالمی بینک کے کنٹری ڈائریکٹر پیچا موتھو الینگووان نے ملاقات کی۔

اسلام آباد:(ایمرا نیوزآن لائن) عالمی بینک نے پاکستان میں جاری اصلاحات کا خیرمقدم کیا ہے۔عالمی بینک نے پاکستان میں جاری اصلاحات کو سراہتے ہوئے پاکستان کے ساتھ بھرپور تعاون کی یقین دہانی کروائی ہے۔ یہ یقین دہانی عالمی بینک کے نئے صدر نے آئی ایم ایف و عالمی بینک کے سالانہ اجلاس کے موقع پر وفاقی وزیر خزانہ اسد عمر سے ہونیوالی سائیڈ لائن ملاقات میں کروائی ہے۔وزیر خزانہ کے دورہ واشنگٹن کی مصروفیات بارے جاری کردہ تفصیلات کے مطابق وزیر خزانہ اسد عمر نے اپنے وفد کے ہمراہ آئی ایم ایف و عالمی بینک سمیت دیگر اہم حکام سے ملاقاتیں کی ہیں۔

ڈیوڈ میلپاس 9 اپریل سے اپنی ذمہ داریاں سنبھالیں گے
واشنگٹن (ایمرا نیوز آن لائن) عالمی بینک کے ایگزیکٹو بورڈ نے امریکی صدر ڈونلڈ ٹرمپ کے نامزد کردہ ڈیوڈ میلپاس کو نیا صدر منتخب کر لیا ہے، وہ اس منصب کے لیے واحد امیدوار تھے۔ میلپاس کا انتخاب جم یونگ کم کے اچانک مستعفی ہونے کے بعد کیا گیا۔بینک کی جانب سے اعلان کیا گیا ہے کہ امریکا کے نائب وزیر خزانہ برائے عالمی امور ڈیوڈ میلپاس منگل (9 اپریل) سے اپنی ذمہ داریاں سنبھالیں گے، اسی روز ورلڈ بینک اور انٹرنیشنل مانیٹری فنڈ کی بہاریہ میٹنگ کا آغاز ہو گا۔ میلپاس نے روئٹرز کو بتایا کہ وہ غربت کم کرنے کی بنیادی پالیسی کو مستحکم بنائیں گے۔ گزشتہ 73 برسوں سے عالمی بینک کا صدر امریکی صدر ہی نامزد کرتا چلا آ رہا ہے۔

پاکستان کے ترجیحی شعبوں میں سرمایہ کاری کرنے اور ان شعبوں میں کاروبار کو آپریشنل بنانے کیلئے این او سی کے اجرا سے متعلق درکار پروسیجر کا جائزہ جائزہ لے گا
اسلام آباد(ایمرا نیوز آن لائن) ملک میں کاروبار کرنے میں آسانی(ایز آف ڈوئنگ بزنس)کا جائزہ لینے کیلئے عالمی بینک کا جائزہ مشن 9 روزہ دورے پر پاکستان پہنچ گیا ہے۔ میڈیا رپورٹ کے مطابق عالمی بینک کا جائزہ مشن پاکستان کے ترجیحی شعبوں میں سرمایہ کاری کرنے اور ان شعبوں میں کاروبار کو آپریشنل بنانے کیلئے این او سی کے اجرا سے متعلق درکار پروسیجر کا جائزہ جائزہ لے گا۔ترجیحی شعبوں میں سرمایہ کاری اور کاروبار کو سہل بنانے و سرمایہ کاروں کو سہولیات کی فراہمی کیلئے درکار پروسیجر پر غور ہوگا اور ان قواعدو اور روسیجرز کی نشاندہی کی جائے گی جن کو ختم کرنے سے کاروبار میں آسانیاں پیدا ہونگی اور سرمایہ کاروں کو سہولت ملے گی۔

سندھ میں جاری منصوبوں سمیت ورلڈ بینک کے تعاون سے کراچی میں بی آر ٹی اورنج لائن، ڈرینج پروجیکٹ، شہر کے پرانے علاقوں کی بحالی اور دیگر منصوبوں پر تبا دلہ خیال
کراچی(آن لائن)وزیراعلیٰ سندھ سید مراد علی شاہ سے ورلڈ بینک کے کنٹری ڈائریکٹرپیچاموتھو لانگوان کی ملاقات، ملاقات میں ورلڈ بینک کے سندھ میں جاری منصوبوں سمیت ورلڈ بینک کے تعاون سے کراچی میں بی آر ٹی اورنج لائن، ڈرینج پروجیکٹ، شہر کے پرانے علاقوں کی بحالی اور دیگر منصوبوں پر بات چیت ہوئی۔وزیراعلیٰ سندھ مراد علی شاہ نے اس موقع پرکہا کہ ہم کوشش کر رہے ہیں کہ اربن ٹرانسپورٹ کا مسئلہ جدید طرز کی بنیاد پر حل کریں کراچی کیلئے ملیر ایکسپریس وے پر کام کر رہے ہیں اور اس پر جلد کام شروع ہو جائے گا۔#

اسلام آباد(نیٹ نیوز/ایمرا نیوز) عالمی بینک کی انٹرنیشنل کورٹ فار سیٹلمنٹ آف انوسٹمنٹ ڈسپیوٹس (آئی سی ایس آئی ڈی) نے پاکستان کو چار ارب ڈالر سے زیادہ کے جرمانے عائد کر دیئے ہیں۔ یہ جرمانے بروقت ادا نہ کئے گئے تو پاکستان کی قومی پرچم بردار فضائی کمپنی پی آئی اے کے طیارے 60 ممالک میں نہیں آجاسکیں گے ان طیاروں کو اس وقت تک بیرون ملک روک لیا جائے گا جب تک حکومت پاکستان انٹرنیشنل کورٹ فار سیٹلمنٹ آف انوسٹمنٹ ڈسپیوٹس کے عائد کردہ جرمانوں کی ادائیگی نہیں کرے گی۔ یہ جرمانے اس لئے کئے گئے کہ آسٹریلوی کمپنی ریکوڈیک بلوچستان سے تانبا سونا چاندی نکالنے کا کیس جیت گئی ہے اور حکومت پاکستان ریکوڈیک کیس ہار گئی ہے۔ اس کے علاوہ حکومت پاکستان ترک کمپنی کارکے (KARKEY)کا سمندری پاور پلانٹ جو ہنگامی بنیادوںپر لوڈشیڈنگ ختم کرنے کیلئے اس وقت کے پاکستان کے وزیراعظم راجہ پرویز اشرف نے رینٹل ایگریمنٹ (RENTAL AGREEMENT) کرکے منگوایا تھا یہ سمندری پاور پلانٹ 2012 میں آٹھ ماہ تک کراچی کے قریب بحیرہ عرب میں کھڑا رہا نہ تو اس سے بجلی بنوائی گئی نہ ہی اسے تیل فراہم کیا گیا اس کیس میں ترک کمپنی نے انٹرنیشنل کورٹ فار سیٹلمنٹ آف انوسٹمنٹ ڈسپیوٹس سے رجوع کیا اورآئی سی ایس آئی ڈی نے انٹرنیشنل کورٹ فار سیٹلمنٹ آف انوسٹمنٹ ڈسپیوٹس نے اپنے فیصلے میں حکومت پا کستا ن ایک ارب 20 کروڑ ڈالر ترک کمپنی کارکے کو ادا کرنے کا فیصلہ دیا، یہ ادائیگی ابھی تک حکومت پاکستان نے نہیں کی۔ اس کے علاوہ انٹرنیشنل کورٹ فار سیٹلمنٹ آف انو سٹمنٹ ڈسپیوٹس نے حکومت پاکستان کے خلاف ایک تیسر ے کیس کا فیصلہ کیا اس کیس میں بھی پاکستان پر ایک ارب ڈالر کا جرمانہ عائد کیا گیا، اگر تینوں مقدمات میں ہونے والے 4 ارب ڈالر سے زائد کے جرمانے ادا کرنا پڑ گئے تو سعودی عرب اور یو اے ای کی قرضہ نما امداد ان کی ادا ئیگیو ں میں چلی جائے گی۔ تیسرا کیس پاکستان میں دنیا بھر کی کمپنیوں کے قائم کردہ انڈی پینڈنٹ پاور پروڈویوسرز میں ان کا کیس انٹرنیشنل کورٹ فار سیٹلمنٹ آف انوسٹمنٹ ڈسپیو ٹس میں چلتا رہا جس میں ان کا موقف تھا کہ 13 آئی پی پی ز نے حکومت پاکستان کی ساورن گارنٹی پر اپنی سرمایہ کاری پاکستان میں کی ہم نے اربوں روپے کی بجلی واپڈا کو فراہم کی مگر واپڈا/حکومت پاکستان نے ہمیں ادائیگیاں نہیں کیں جس پر اگلے آنے والے دنوں میں حکومت پاکستان 4 ارب ڈالر سے زیادہ کی خطیر رقم پاکستان کی افسر شاہی اور حکومتوں کی نالائقی کی وجہ سے ادا کرنا پڑیں گی۔ کارکے سے بجلی بھی نہیں لی اور 1.2 ارب ڈالر کی ادائیگی اب پاکستان کو ترک کمپنی کارکے کو کرنا پڑے گی۔ تفصیلات کے مطابق بلوچستان حکومت نے تتھیان (TETHAN) کاپر کمپنی (COPPER COMPANY) ٹی سی سی کے ساتھ لیزنگ استدعا مسترد کر دی تھی جس پر تتھیان کاپر کمپنی نے عالمی بینک کی (آئی سی ایس آئی ڈی) انٹرنیشنل کورٹ فار سیٹلمنٹ آف انوسٹمنٹ ڈسپیوٹس میں کلیم فائل کر رکھا تھا جس کا فیصلہ 2018 میں آیا مگر پاکستان بیوروکریسی نے نہ تو مقدمہ قومی جذبے سے لڑا نہ ہی جرمانے کی رقم مدعی کمپنی کو ادا کی۔