Tag wrestling

لاہور(ایمرا نیوزآن لائن) قومی پہلوان انعام بٹ بیچ ریسلنگ ورلڈ سیریز میں شرکت کے لیے برازیل روانہ ہوگئے۔دو روزہ ورلڈ سیریز دس مئی کو برازیل کے شہر ریو ڈی جنیرو میں شروع ہوگی۔انعام بٹ کا کہنا تھا کہ میرے لیے فخر کی بات ہے کہ ایک مرتبہ پھر میں پاکستان کی نمائندگی کرنے کے لیے برازیل جارہا ہوں۔انہوں نے مزید کہا کہ ورلڈ سیریز کے لیے 10 کلو وزن بھی کم کیا ہے۔

واضح رہے کہ انعام بٹ نے ترکی میں ہونے والی ورلڈ بیچ ریسلنگ چیمپئن شپ میں گولڈ میڈل حاصل کیا تھا۔اس کے علاوہ انہوں نے آسٹریلیا کے شہر گولڈ کوسٹ میں ہونے والے کامن ویلتھ گیمز 2018 کے مقابلوں میں بھی گولڈ میڈل جیت تھا۔

لاہور(ایمرا نیوز)
’’سی ایم پنک‘‘جس نے نہایت ہی کم عرصے میں اپنے شان دار کھیل سے خود کو منوایا ہے۔ جب وہ اپنے جسم پر نت نئے انداز کے ٹیٹوز بناکر رنگ میں داخل ہوتا ہے ، تو تماشائی تالیاں بجا کر نہایت گرم جوشی سے اس کا استقبال کرتے ہیں، وہ بھی تماشائیوں کی چاہت کا ہاتھ اٹھا کر جواب دیتا ہے اور جب مقابلہ شروع ہوتا ہے، تو اپنے عمدہ دائو پیچ اور پُھرتی سے حریف پہلوان کو تگنی کا ناچ نچادیتا ہے۔ پنک کا اصل نام فل بروکس ہے، جب کہ ریسلنگ کی دنیا میں وہ سی ایم پنک کے نام سے پہچانا جاتا ہے ۔ اس نے 26 اکتوبر 1978ء کو امریکا کے شہر شگاگو میں آنکھ کھولی، وہیں پلا بڑھا۔ اُسے بچپن ہی سے کُشتی کا کھیل پسند تھا۔ وہ اس کے مقابلے ذوق وشوق سے دیکھتا تھا۔ اسی شوق نے اسے اپنے جسم کو بنانے سنوارنے کی طرف راغب کیا ، اس کا جسم بچپن ہی سے پہلوانوں کی طرح کسرتی تھا، جو اس بات کا اشارہ تھا کہ یہ کشتی ہی کے لیے بنا ہے۔ کشتی میں حصہ لینے کا شوق اسے کشتی کے معروف ادارے ’’اوہیوویلی‘‘ میں لے گیا، جہاں اس نے اس فن کے اسرار و رموز میں مہارت حاصل کی اور فن میں طاق ہونے کے بعد شان دار پہلوان کا روپ دھار لیا۔

چھ فٹ ، ایک انچ ، قدوقامت کے مالک سی ایم پنک کی 1999ء میں رنگ میں آمد ہوئی، تو ہر ایک اس کی شان دار کشتی سے متاثر نظر آیا، پھر ایک کے بعد ایک ہونے والے مقابلے اس کی مقبولیت میں اضافہ کرتے گئے۔ اس نے اپنے شان دار کھیلوں سے ڈبلیو ڈبلیو ای کے قریباً تمام ہی نامی گرامی پہلوانوں کو شکست کا مزہ چکھایا۔ ڈبلیو ڈبلیو ای سے منسلک ہونے سے پہلے وہ آر او ایچ ادارے سے وابستہ رہا، جہاں اس کے اس ادارے کے معروف ریسلر سوموجو کے ساتھ کئی تاریخی مقابلے ہوئے، جس میں اس نے سوموجو جیسے ماہر، تجربے کار پہلوان کو ٹف ٹائم دیا اور اس کی خوب پٹائی بھی لگائی۔ ان دونوں کے درمیان ہونے والا ایک مقابلہ آر او ایچ کی تاریخ کا طویل ترین مقابلہ ثابت ہوا، جس میں دونوں نے ایک دوسرے کا قریباً ایک گھنٹے مقابلہ کیا۔ اس مقابلے میں دونوں پہلوانوں نے ایک دوسرے کو زیر کرنے کے لیے خطرناک دائو پیچ استعمال کیے، لیکن کوئی بھی جیت نہ سکا ، اس طرح یہ مقابلہ برابری پر ختم ہوا۔ ای سی ڈبلیو میں سی ایم پنک کی انٹری بڑی شان دار تھی، اس نے اپنے پہلے ہی میچ میں معروف پہلوان اسٹیو رچرڈز کو شکست دے کر اس بات کا اعلان کیا کہ نامی گرامی پہلوانوں کی سرکوبی کے لے ایک شان دار پہلوان رنگ میں اُترچکا ہے۔ اس کے بعد اس نے اگلے مقابلوں میں اپنے عمدہ کھیل سے تماشائیوں کے دل موہ لیے اور ہر ایک کو اپنے خوب صورت دائو پیچ سے متاثر کیا۔ریسل مینیا میں جب پنک نے ان دی بینک کا ٹائٹل جیتا، تو ورلڈ ریسلنگ نے اسے ورلڈ چیمپئن شپ میں بھی بیلٹ کی کشتی لڑنے کا اہل قرار دیا،جو پنک جیسے پہلوان کے لیے اعزاز کی بات تھی۔ اس استحقاق کو کام میں لاتے ہوئے اس نے و رلڈ ہیوی ویٹ چیمپئن ایج کو را مقابلے میں لڑنے کا چیلنج دیا، جو اس نے قبول کرلیا۔ جس وقت ایج نے لڑنے کا چیلنج قبول کیا، اس وقت رنگ میں ایج کا طوطی بولتا تھا اور نامی گرامی پہلوان اس سے لڑتے ہوئے خائف رہتے تھے، کیوں کہ وہ جس مقابلے میں حصہ لیتا تھا، اس میںناقابل شکست رہتا تھا، لیکن سی پنک یہ سوچ کر آیا تھا کہ وہ اس مقابلے میں اسے ناکوں چنے چبوادے گا… چناں چہ یہی کچھ ہوا، جو پنک نے سوچا تھا۔ اس مقابلے میں ایج نے بھی ڈٹ کر پنک کا مقابلہ کیا اور بعض مواقع پر ایسے خطرناک دائو پیچ استعمال کیے کہ لگا پنک اب ہارا،جب ہارا، لیکن سخت جاں پنک کہاں ہار ماننے والا تھا۔

اس نے بھی ایج پر اپنے تمام خطرناک دائو استعمال کیے اور اس کی خوب پٹائی بھی لگائی، یہاں تک کہ ایج نڈھال ہوگیا۔ ایج کو تھکانے کے بعد اس نے اس پر اپنا آخری دائو لگایا اور ایج کو ہرا کر ورلڈ ہیوی ویٹ ٹائٹل اپنے نام کرلیا۔اسے یہ ٹائٹل حاصل کیے ہوئے کچھ ہی عرصہ ہوا تھا کہ ریسلنگ کی دنیا کے معروف پہلوان جے بی ایل نے اسے لڑنے کا چیلنج دیا، جو اس نے قبول کرلیا۔ وقت مقررہ پر دونوں پہلوانوں کے درمیان ایک سخت مقابلہ ہوا۔ جے بی ایل نے خطرناک دائو پیچ استعمال کرنے کے ساتھ ساتھ بے ایمانی کے تمام حربے بھی استعمال کیے اور بعض مواقع پر محسوس ہوا کہ پنک شکست کھاجائے گا، لیکن سخت جان پنک نے سنبھالا لیا اور حریف پہلوان پر تابڑ توڑ حملے کیے اور جب جے بی ایل لڑتے لڑتے تھک گیا تو پنک نے نہایت ہوشیاری سے اس پر اپنا خطرناک دائو استعمال کیا اور جے بی ایل کو رنگ میں گرادیا۔ ریفری نے گنتی گنی، جے بی ایل اٹھ نہ سکا اور مقابلہ ہار گیا۔ اس طرح پنک نے اپنے اعزاز کا کام یابی سے دفاع کیا۔ سی ایم پنک اپنے شان دار کیریئر میں قریباً تمام ہی نامی گرامی پہلوانوں کو شکست کا مزہ چکھا چکاہے۔ وہ ایک مرتبہ ای سی ڈبلیو اور ایک بار ڈبلیو ڈبلیو چیمپئن رہا ،اس کے علاوہ پیشہ ورانہ مقابلوں میں کئی اعزازات بھی اپنے نام کیے ہیں۔ آج بھی ریسلنگ کی دنیا میں وہ اپنے منفرد اسٹائل اور شان دار کھیل سے تماشائیوں کا مقبول ترین پہلوان ہے۔

(سپورٹس ڈیسک/ایمرا نیوز)
آدم جوزف شیر (6 ستمبر 1983 ء) پیدا ہوئے ایک امریکی پیشہ ورانہ پہلوان اور سابق طاقتور ہے. وہ فی الحال WWE پر دستخط کررہے ہیں، جہاں وہ رون برانڈ پر انگوٹی کے نام برون سٹرومن کے تحت انجام دیتے ہیں. وہ سب سے بڑا رائل رومبل ایونٹ میں ٹائٹلر میچ کے ساتھ ساتھ بینکوں کے معاہدے میں 2018 مردوں کے منی فاتح کا فاتح ہے، اور نیکولاس کے ساتھ ایک بار راؤنڈ ٹیگ ٹیم چیمپیئن بھی ہے.

اسٹرومن نے بہت سے تنخواہ فی واقعات کے سربراہ کو سرشار بنا دیا ہے، بشمول سمرسلم اور بقاور سیریز کے 2017 ایڈیشنز بھی شامل ہیں. انہوں نے پانچ کے ساتھ ایک واحد خاتمے کے چیمبر میچ میں سب سے زیادہ ختمیوں کا ریکارڈ رکھتا ہے، 13 کے ساتھ ایک ہی رائل رلمبل میچ میں سب سے زیادہ ختم ہونے والی خاتون، اور چاروں کے ساتھ ایک زندہ بچنے والی سیریز کے خاتمے کے میچ میں سب سے زیادہ ختم ہونے کے لئے بند ہے. اہم رولر پر ڈوبنے کے بعد، سٹرومن ھلنایک مستحکم وائٹ خاندان کے ساتھ منسلک کیا گیا تھا، جسے سیاہ بھیڑ ماسک پہنے ہوئے اور جسمانی طور پر غالب ہوئے. ڈبلیو ای کے ساتھ ان کی موجودگی کے دوران، سٹرومن کو ایک ناقابل اعتماد دانو کے طور پر پیش کیا گیا ہے.

لاہور(ایمرا نیوز) اسٹون کولڈ 90 کی دہائی میں ڈبلیو ڈبلیو ای کا وہ جانا پہچانا نام تھے جنہوں نے ادارے کو اپنے مدمقابل ڈبلیوسی ڈبلیو کو پیچھے چھوڑنے میں بھرپور مدد کی تھی۔ یہ آسٹن ہی تھے جنہوں نے ریسلنگ کو ایک سحر میں تبدیل کردیا۔ اور ان کی دیکھا دیکھی دیگر ریسلر بھی کوئی نہ کوئی منفرد انداز اپناتے نظر آئےجیسا کہ ڈبلیو ڈبلیو ای کے سپر اسٹار انڈر ٹیکر جو کہ آسٹن کی تقلید میں ہیوی بائیک پر رنگ میں انٹری دینے لگے۔آسٹن چھ مرتبہ ڈبلیو ڈبلیو ای چیمپئین رہ چکے ہیں اور آج بھی ان کی پہچان سمجھی جانے والی شیشہ ٹوٹنے کی آواز اگر آتی ہے تو ریسلنگ ارینا میں ناظرین آسمان سرپراٹھالیتے ہیں۔اسٹون کولڈ کے لیے 2003 سے مشکلات کا آغاز ہوا جب وہ گھٹنوں کی انجری کا شکار ہوئے اور اسکے بعد انہیں گردن میں انجری بھی سہنا پڑی لیکن انہوںنے ہمت نہیں ہاری اور کسی نا کسی طرح رنگ میں اپنی موجودگی کو برقرار رکھا۔سن 2005 سے انہوں نے اپنے فلم کیریئر کا آغاز کیا اور 2007 میں وہ ’دی کنڈیمنڈ نامی فلم میں مرکزی کردار کے طور ہر جلوہ گر ہوئے اور اسکے بعد دی ایکسپینڈیبلز اور گرون اپ 2 میں بھی شاہکار پرفارمنس دی۔اسٹون کولڈ ایک دہائی سے زیادہ عرصے سے ریٹائرمنٹ کی زندگی گزار رہے ہیں لیکن ابھی بھی وہ کبھی کبھی سرپرائز انٹری دیتے ہیں اور اس شو کی ریٹنگ آسمان کی بلندیوں کو چھوتی ہے جیسے کہ ریسلیمینا وغیرہ۔

(نیٹ نیوز/ایمرا نیوز)
جان سینا نے ڈبلیو ڈبلیو ای میں 2002 میں کرٹ اینگل کے خلاف میچ سے ڈیبیو کیا تھا اور اب وہ سب سے زیادہ چاہے جانے والے ریسلرز میں سے ایک ہیں۔جان سینا نہ صرف 15 بار ورلڈ چیمپئن رہ چکے ہیں بلکہ فلاحی کاموں میں بھی وہ پیش پیش ہیں جس کی ایک مثال یہ ہے کہ وہ اب تک میک اے وش فاﺅنڈیشن کی 400 سے زائد خواہشات پوری کرچکے ہیں۔

22 سال کی عمر میں ریسلر بن جانے والے جان سینا کے بارے میں پرستار بہت کچھ جانتے ہیں مگر ان کے چند پہلو ایسے ہیں جن سے ہوسکتا ہے آپ واقف نہ ہو۔مکڑیاں جان سینا کو ڈرا دیتی ہیں، جی ہاں یہ بات صحیح ہے رنگ میں بڑے بڑے ریسلرز کو خاک چٹانے والے جان سینا خود ایک چھوٹی سی مکڑی سے ڈر جاتے ہیں۔جان سینا نے ویٹ لفٹنگ اس وقت شروع کی جب وہ اسکول میں بدزبانی کا شکار ہونے لگے جس سے بچنے کے لیے وہ جسمانی طور پر خود کو مضبوط بنانے میں لگ گئے۔

جان سینا کو ڈبلیو ڈبلیو ای میں بطور ریسلر نہیں بلکہ ریپر کے طور شامل کیا گیا تھا تاہم وہ جلد اپنا لوہا منوا کر رنگ کا حصہ بن گئے۔ریسل مینیا میں سب سے زیادہ ٹائٹل جیتنے کا اعزاز بھی جان سینا کے پاس ہے جو انہوں نے چار دفعہ ٹائٹل جیت کر اپنے نام کیا۔جان سینا کو ایک اور عالمی اعزاز بھی حاصل ہے اور وہ میک اے وش فاﺅنڈیشن کے بچوں کے لیے چار سو سے زائد خواہشات پوری کرنے کا ریکارڈ ہے۔جان سینا امریکی نہیں بلکہ ان کے والد اطالوی جبکہ والدہ فرنچ کینیڈین ہیں، جبکہ ان کے چار بھائی اور ہیں۔ریسلنگ میں انجریز ہوتی رہتی ہیں مگر 2007 میں مسٹر کینیڈی کے خلاف میچ میں جان سینا نے اپنے مسلز کی انجری کے باوجود میچ کو مکمل کیا اور اسے جیتا بھی۔دلچسپ بات یہ ہے کہ جان سینا نے ابتداءمیں ریسلنگ کی دنیا میں اپنا نام دی پروٹوٹائپ رکھا تھا جب وہ الٹی میٹ پرو ریسلنگ نامی لیگ کا حصہ تھے۔جان سیناکو ایک عام شخص کیون فیڈرلائن یا کے فیڈ نے بھی ریسلنگ مقابلے میں شکست دی ہے، درحقیقت کے فیڈ ایک امریکن ڈانسر، ریپر، فیشن ماڈل اور اداکار ہیں جو ایک بار جان سینا سے ٹکرائے اور سینا کو شکست کا سامنا کرنا پڑا۔جان سینا کو مسلز گاڑیاں جمع کرنے کا شوق ہے اور ان کے پاس ایسی گاڑیوں کا کافی بڑا ذخیرہ ہے۔

ڈبلیو ڈبلیو ای کا سال کا چوتھا بڑا ایونٹ سروائیور سیریز اس اتوار کو ہورہا ہے ، جس میں ریسل مینیا 33 کے بعد پہلی بار معروف ریسلر ٹرپل ایچ بھی ایکشن میں دکھائی دیں گے۔گزشتہ کئی برسوں سے ٹرپل ایچ ریسل مینیا سے کچھ عرصے پہلے ہی ڈبلیو ڈبلیو ای کے رنگ میں نظر آتے ہیں اور سال کا باقی وقت اسکرین سے دور رہتے ہیں۔تاہم اس بار ان کی ڈبلیو ڈبلیو ای رنگ میں اچانک واپسی ہوئی اور اس کے پیچھے چھپا راز بھی سامنے آگیا ہے۔ٹرپل ایچ سروائیور سیریز کے روایتی فائیو آن فائیو میچ میں ٹیم را کی نمائندگی کریں گے اور اس کے لیے جیسن جارڈن کو جگہ خالی کرنا پڑی۔پرستاروں کی جانب سے کافی حیرت کا اظہار کیا جارہا تھا کہ ٹرپل ایچ اچانک ڈبلیو ڈبلیو ای رنگ کا حصہ کیسے بن گئے تو اس کا جواب انہوں نے ایک انٹرویو میں دیا۔ایک بھارتی سائٹ کو دیئے گئے انٹرویو میں ٹرپل ایچ نے انکشاف کیا کہ ان کی بے وقت رنگ میں واپسی کی وجہ ڈبلیو ڈبلیو ای کے متعدد ریسلرز کی بیماری ہے، جس کے باعث وہ بوٹ چڑھانے پر مجبور ہوگئے ہیں۔انہوں نے کہا کہ حالیہ ہفتوں میں کئی ریسلرز جیسے رومن رینز اور برے وائیٹ وغیرہ بیمار ہوکر مختلف ایونٹس سے باہر رہے جس کے باعث کمپنی کو کافی دھچکا لگا۔یہی وجہ ہے کہ ٹرپل ایچ گزشتہ دنوں ڈبلیو ڈبلیو ای کے یورپین ٹور کے لائیو میچز کا حصہ بھی بنیں اور اب سروائیور سیریز میں ان ایکشن دکھائی دیں گے۔ٹرپل ایچ اگلے ماہ بھارت میں ڈبلیو ڈبلیو ای کے ٹور کے دوران جندر مہل کے مدمقابل بھی آئیں گے۔ایسا کہا جارہا ہے کہ ٹرپل ایچ کی واپسی درحقیقت ریسل مینیا 34 میں ان کے اور کرٹ اینگل کے درمیان میچ کے لیے تنازع کا آغاز بھی ثابت ہوگی، کیونکہ یہ دونوں ریسلرز ٹیم را میں موجود ہیں، جبکہ ماضی میں بھی ان کے درمیان کافی مخالفت رہی ہے۔