اداکارعمران خان طلاق کے بعد ایک اور لڑکی کی محبت میں گرفتار
ممبئی : بالی ووڈ اداکار عامر خان کے بھانجے عمران خان ایک بار پھر خبروں میں چھائے ہوئے ہیں جس کی وجہ ان کی کوئی نئی فلم نہیں بلکہ ایک افیئر ہے۔ بھارتی میڈیا رپورٹس کے مطابق اداکار عمران خان اہلیہ اونتیکا سے طلاق کے بعد ایک اور لڑکی کی محبت میں گرفتار ہوگئے ہیں، ساؤتھ انڈین اداکارہ کیساتھ ان کی تصاویر اور ویڈیوز سوشل میڈیا پر وائرل ہو رہی ہیں۔اس اداکارہ کا نام لیکھا واشنگٹن ہے جو تیلگو کے علاوہ بالی ووڈ فلموں میں بھی کام کرچکی ہیں ، رپورٹس کے مطابق عمران خان اور لیکھا کی پہلی ملاقات بالی وڈ فلم ’مٹرو کی بجلی کا منڈولا‘ کی شوٹنگ کے دوران ہوئی۔ اب عمران خان کے ساتھ ان کے معاشقے کی خبریں گردش کر رہی ہیں۔دوسری جانب عمران خان نے2011 میں اپنی بچپن کی دوست اونتیکا ملک سے شادی کی تھی، ان کی ایک بیٹی امارہ بھی ہے ، تاہم سال 2019 میں دونوں کے درمیان طلاق ہوگئی تھی