مانسہرہ میں مسافر گاڑی دریا میں گرنے سے 7 افراد جاں بحق
مانسہرہ: لساں نواب روڈ گوجرہ پل کے قریب مسافر گاڑی دریائے سرن نہر میں گرنے 7 افراد جاں بحق ہوگئے۔
مانسہرہ کے علاقے لساں نواب روڈ گوجرہ پل کے قریب ایک مسافر گاڑی (ہائی روف) دریائے سرن ندی میں جاگری، جس کے نتیجے میں 7 افراد جاں بحق اور 3 بچے اور ایک شخص زخمی ہوگئے۔
پولیس حکام کے مطابق حادثے میں 2 خواتین اور ایک بچے سمیت 7 افراد جاں بحق جب کہ 3 کمسن بچے شدید زخمی ہوئے ہیں، زخمی بچوں کو پھلڑہ اور میتوں کو گنگ عبداللہ اسپتال منتقل کر دیا گیا ہے، جہاں مرنے والوں کی شناخت ڈرائیور وزیر محمد، اعجازِ، پرویز، فریدہ بی اور نگینہ بی بی شامل ہیں، تاہم ایک بچے کی شناخت نہیں ہوسکی.
ریسکیو ذرائع کے مطابق دریا میں گاڑی گرنے سے جاں بحق ہونے والوں میں ایک ہی خاندان کی 2 خواتین اور2 بچے بھی شامل ہیں۔
ریسکیو حکام کے مطابق بدقسمت خاندان شاپنگ کے بعد ترمنگ جا رہا تھاکہ گوجرہ کے مقام پرحادثے کا شکار ہوگیا۔