Archives January 2019

(ایمرا نیوز)
برادرم سلیم صافی نے اپنی معلومات کی بنا پرجیو ٹی وی میں اپنے ایک تبصرہ کے دوران سابق وزیر اعظم نواز شریف کے حوالے سے کہا کہ وزیر اعظم ہائوس میں اپنے قیام کے دوران وہ کچن کے اپنے اخراجات اپنی جیب سے ادا کرتےتھے۔ نجانے صافی صاحب کے اس انکشاف میں ایسا کیا تھا کہ جس کی وجہ سے سوشل میڈیا میں تحریک انصاف کے حمایتیوں کو جیسے آگ لگ گئی ہو۔ سوشل میڈیا کے ساتھ ساتھ کچھ ٹی وی اینکرزاور میڈیا سے تعلق رکھنے والے صحافی بھی جیسے سٹ پٹا اُٹھے۔ اگر کوئی یہ سمجھتا ہے کہ سلیم صافی کی معلومات درست نہیں تھیں تو درست معلومات شئیر کرلیتے لیکن جیوکے مقبول پروگرام جرگہ کے میزبان کے ساتھ ایک ایسا طوفان بدتمیزی شروع کر دیا گیا جس میں گالیوں، الزامات اور ہر قسم کی لعن طعن کا بہتات تھا۔ تحریک انصاف اور ان کی حکومت کے کسی ذمہ دار کی طرف سے اس معاملےپر کوئی روک ٹوک نہیں کی گئی۔ جو لوگ سلیم صافی کی تحریر کو پڑھتے رہے اور اُن کے پروگرام کو دیکھتے رہے وہ یہ سب یہ گواہی دے سکتے ہیں کہ اُنہوں نے نواز شریف حکومت کو بہت ٹف ٹائم دیا اور سخت ترین تنقید کی۔ لیکن آج اگر اپنی معلومات کی بنا پر وہ یہ خبر اپنے قارئین سے شئیر کر رہے ہیں کہ سابق وزیراعظم نواز شریف نے وزیر اعظم ہائوس میں اپنے اخراجات خود برداشت کئے تو یہ اتنا بڑا جرم بن گیا کہ سلیم صافی برداشت کے قابل نہیں رہا۔ ایک سیاسی جماعت اور اس کےرہنمائوں نے پاکستانی سیاست میں عدم برداشت اور گالم گلوچ کے جس رواج کو پروان چڑھایا اور جسے اب دوسروں نے بھی نقل کرنا شروع کردیا ہے، اُسے روکنے اور درست کرنے کی ضرورت ہے۔ اختلاف رائے کی بنیاد پر دوسروں پر ہر قسم کی الزام تراشی اور گالم گلوچ کا ایک ایسا سلسلہ چل نکلا ہے جس سے اب کوئی نہیں بچ سکتا ۔ اس کام کے لئے سوشل میڈیا کو بطور خاص ہتھیار کے طورپر استعمال کیا جاتا ہے اور المیہ یہ ہے کہ اچھے خاصے (نام نہاد) پڑھے لکھے افراد بھی اس بہتان تراشی اور گالم گلوچ کے گندے کھیل میں بڑھ چڑھ کر حصہ لے رہے ہوتے ہیں۔ سوشل میڈیا میں ’’پڑھے لکھوں‘‘ کی باتیں سن کر افسوس ہوتا ہے کہ بحیثیت معاشرہ ہماری اخلاقی قدریںکس قدر تنزلی کا شکار ہیں۔ میری حکومت، میڈیا اور سیاسی جماعتوں سے گزارش ہے کہ اس تنزلی کو روکنے کے لئے ایک طرف تعلیم کے ساتھ تربیت کو تعلیمی اداروں میں لازم کیا جائے تو دوسری طرف میڈیا اور سیاسی جماعتیں معاشرہ کی اسلامی تعلیمات کی روشنی میں تربیت کرنے میں اپنا کردار ادا کریں تاکہ ہم اچھے مسلمان اور اچھے انسان پیدا کرسکیں۔ جہاں تک سوشل میڈیا کا تعلق ہے، تمام سیاسی جماعتوں اور اہم رہنمائوں کو چاہئے کہ وہ اپنے اپنے کارکنوں کو گندی زبان، گالم گلوچ اور جھوٹا پروپیگنڈہ پھیلانے سے روکیں تاکہ سوشل میڈیا کے استعمال کو بامقصد بنایا جائے نہ کہ اس کو ایسی گندگی سے بھر دیا جائے کہ لوگ اس کو استعمال کرنا چھوڑ دیں۔ سوشل میڈٖیا کی اس مخصوص گندگی کا تو اب ٹی وی چینلز اور اخبارات میں بھی اثر نظر آتا ہے جس کی حوصلہ شکنی بہت ضروری ہے۔ تحریک انصاف کل تک اپوزیشن میں تھی لیکن اب اُس کی وفاق کے علاوہ پنجاب، خیبر پختون خوااور بلوچستان میں حکومتیں ہیں۔ اب تمام حکومتی ادارے اور ایجنسیاں بھی تحریک انصاف کو ہی جواب دہ ہیں۔ صحافیوں پر الزام تراشی اور انہیں گالم گلوچ کا نشانہ بنانے کی بجائے، تحریک انصاف کے کارکنوں کو چاہئے کہ وہ اپنی حکومت سے مطالبہ کریں کہ سلیم صافی کو غلط ثابت کرنے کے لئےتمام حقائق عوام کے سامنے رکھ دیں اور سب کو دکھا دیں کہ سابق وزیر اعظم نے وہ کچھ نہیں کیا جس کی اطلاع سلیم صافی نے عوام کو دی۔ بلکہ بہتر ہو گا کہ نواز شریف کے اُن تین سو ارب روپیے کے ثبوت بھی عوام کے سامنے پیش کردیں جو تحریک انصاف کے الزامات کے مطابق نواز شریف نے کرپشن سے کما کر ملک سے باہر بھیجے۔ عمران خان حکومت نے اچھا کیا کہ لاہور، اسلام آباد اور ملتان میٹرو کے ساتھ ساتھ لاہور اورنج لائن کے فارنسک آڈٹ کا حکم دے دیا جس سے کم از کم تحریک انصاف کے اُس الزام کی حقیقت کا بھی پتہ چل جائیگا کہ ان تمام پروجیکٹس کے ذریعے نواز شریف اور شہباز شریف نے اربوں روپیے کمیشن کے طور پر کمائے۔ تحریک انصاف کے پاس اب سنہری موقع ہے کہ ماضی میں لگائے گئے اپنے ایک ایک الزام کے ثبوت کو ساری دنیا کے سامنے پیش کر دے۔ جہاں تک عوام کے پیسہ کو ضائع ہونے اور حکمرانوں اور افسر شاہی کی عیاشیوں پر خرچ ہونے سے بچانے کے متعلق حکومتی فیصلہ کا تعلق ہے اس کی میں مکمل تائید کرتا ہوں۔ وزیر اعظم نے اگرچہ اپنے آپ سے سادگی کے ذریعے قوم کے پیسے کو ضائع ہونے سے بچانے کا آغاز کر دیا ہے لیکن دیکھنا یہ ہو گا کہ پاکستان کی سول بیوروکریسی، دفاعی اداروں کے افسران اور جج حضرات کس طرح عمران خان کے اس فیصلہ کو کامیاب بنانے کے لئےاپنا اپنا حصہ ڈالتے ہیں ٹیکس کے پیسوں سے بنائے گئے محلات کو سرکاری رہاشگاہوں کے طور پر استعمال کرنے کا ہمارے حکمرانوں اور افسر شاہی میں ہمیشہ سے رواج رہا۔ سرکاری پیسہ سے قیمتی گاڑیوں کا استعمال بھی یہاں عام ہے۔ عوام کے پیسہ سے بیرون ملک دورے کرنا اور بڑے بڑے ہوٹلوں میں رہنا بھی یہاں معمول کی بات ہے۔ تحریک انصاف کی حکومت نے اپنی گزشتہ کابینہ میٹنگ میں اس نوعیت کے حکومتی اخراجات کو کم سے کم کرنے کیلئےکچھ اہم فیصلے بھی کئے جن پر عملدرآمد ایک بڑا چیلنج ہو گا۔ اس نوعیت کے فیصلوں پر عملدرآمد کیلئےوزیر اعظم کو اہم قومی اداروں کی طرف سے مکمل سپورٹ کی ضرورت ہو گی میری چیف جسٹس ثاقب نثار تینوں مسلح افواج کے سربراہان اور سول بیوروکریسی کے اعلیٰ افسران سے درخواست ہے کہ وہ وزیر اعظم عمران خان کے اس بہترین کام میں عملی طور پر ساتھ دیں تاکہ سادگی اور کفایت شعاری کو عام کیا جا سکے اور اس طرح بچائے جانےوالے پیسے کو عوام کی فلاح و بہبود کیلئے استعمال کیا جا سکے۔
(کالم نگار کے نام کے ساتھ ایس ایم ایس اور واٹس ایپ رائے دیں 00923004647998)
(بشکریہ جنگ لاہور)

(ایمرا نیوز)

قبل از وقت حالات کی سنگینی کا اندازہ ہو تو بندہ ذہنی طور پر تیار ہو جاتا ہے اور اگر ذہنی و نفسیاتی طور پر تیار ہو تو جھٹکا کم لگتا ہے، شاک کی شدت بھی نسبتاً قابل برداشت ہو جاتی ہے جیسے سڑک پر اچانک کھڈا سامنے آجائے تو پورا جسم جھنجھنا اٹھتا ہے لیکن ڈرائیونگ کے دوران وہی کھڈا ذرا پہلے دکھائی دے جائے تو اک خودکار نظام کے تحت جسم اسی حساب سے تیار ہو جاتا ہے ۔ٹیک آف اور لینڈنگ کے وقت سیٹ بیلٹ باندھنے کے پیچھے بھی یہی منطق ہوتی ہے اور یہی حال ملکی حالات کا بھی ہے خصوصاً اقتصادی حالات کا۔ آپ اعصابی طور پر پہلے سے تیار ہوں تو امپیکٹ میں وہ زور نہیں رہتا۔اسی لئے میں وقفے وقفے سے اپنے قارئین کو شدید قسم کی ’’ایئرپوکٹس‘‘ سے خبردار کر رہا ہوں حالانکہ یہ کام حکومت کا ہے جو ’’سب اچھا‘‘ کا تاثر دینے کی حماقت کر رہی ہے ۔بمشکل دس پندرہ دن پہلے بھی عرض کیا تھا کہ یہ مہنگائی نہیں، مہنگائی کا ’’پرومو‘‘ ہے، مہنگائی ابھی میدان میں نہیں اتری صرف ’’وارم اپ ‘‘ ہو رہی ہے اور ابھی تو مہنگائی صرف انگڑائی لے رہی ہے جو پوری طرح بیدار ہونے کے بعد ایسی دھمال ڈالے گی کہ طبیعتیں صاف ہو جائیں گی یعنی….’’روک سکوتو روک لو مہنگائی آئی رے ‘‘میرے تو کچے پکے اندازے ہی تھے لیکن اب تو اسٹیٹ بینک نے بھی رواں مالی سال کی پہلی سہ
ماہی رپورٹ جاری کر دی ہے جس کی ’’ہائی لائیٹس‘‘ پیش کرنا ضروری ہے تاکہ آپ فکری اور اعصابی طورپر تیار رہیں اور یہ تیاری بوقت ضرورت کام آئے۔اسٹیٹ بینک کا کہنا ہے ….مہنگائی میں اضافہ ہو گا۔معاشی ترقی اپنے ہدف سے 2فیصد کم رہے گی۔افراط زر کی شرح 5.6فیصد رہی ہے۔زرمبادلہ کے ذخائر میں 1.4ارب ڈالر کی کمی رہی۔روپے کی قدر 2.2فیصد تک گرگئی۔بجٹ خسارے کا ہدف 5.5تا 6.5فیصد رہے گا۔صنعتی نمو سات سال میں پہلی بار کمی کا شکار رہی جس کی ایک وجہ نان فائیلرز پر جائیداد اور گاڑیوں کی خریداری پر پابندی تھی ۔مہنگائی مزید بے قابو ہو جائے گی اور معاشی ترقی کا ہدف حاصل نہیں ہو گا۔معاشی مشکلات کی وجوہات میں گیس کی قیمتوں میں اضافہ بھی ہے ۔ جی ڈی پی کے 4.9فیصد تک محدود رکھنے کا ہدف حاصل کرنا بھی دشوار ہو گا۔ایک انگریزی اخبار بھی چکھ لیں”Achieving 6.2 PC growth unlikely””Development spending slashed””Consumer industries to suffer as purchasing power hit by rising inflation, increasing interest rates and adverse currency movements, current account deficit.”یہ ہیں آنے والے بلکہ تقریباً آ چکے دنوں کی چند جھلکیاں جنہیں اس خبر کے ساتھ ملا کر پڑھیں تو لطف دوبالا ہو جائے گا اور احمد فراز کا یہ شعر کئی گنا زیادہ کیف آور ثابت ہو گا۔غم دنیا بھی غم یار میں شامل کرلونشہ بڑھتا ہے شرابیں جو شرابوں میں ملیںیعنی اسٹیٹ بینک کی رواں مالی سال کی پہلی سہ ماہی کی مبارک رپورٹ کی مندرجہ بالا جھلکیوں کےساتھ یہ خبر بھی شامل کرلیںکہ گردشی قرضوں کی ادائیگی کیلئے سکوک بانڈز کے اجراء کی منظوری دے دی گئی ہے ۔حکومت 200ارب روپے کے اسلامی سکوک بانڈز جاری کرے گی جس کے حوالے سے سود کو ’’چیرٹی‘‘ قرار دینے کا تڑکا بھی لگایا گیا ہے اور اس سلسلہ میں کون کون زیربار ہو گا… یہ کہانی پھر سہی ۔فی الحال صرف اتنا ہی عرض ہے کہ سلسلہ یونہی چلتا بلکہ گھسٹتا رہا تو اسحٰق ڈار ’’ولی اللہ ‘‘ دکھائی دینے لگے گا۔ڈار یک دھاری تو یہ دو دھاری تلوار کا منظر پیش نہ کرے تو پیسے واپس۔’’روک سکو تو روک لو مہنگائی آئی رے‘‘اور اب آخر پہ حکومت اور حکومتوں کیلئے ایک بے ضرر سا مشورہ ۔نجانے ہر حکومت کو وہ بڑی بڑی توپیں چلانے کا شوق کیوں چراتا ہے جو یہ چلا نہیں سکتے تو کیا یہ بہتر نہیں کہ اپنا یہ احمقانہ شوق جاری رکھتے ہوئے یہ چھوٹی چھوٹی غلیلیں چلانے پر بھی توجہ دیں مثلاًملک کی معاشی حالت اگر سدھری تو وہ سدھرتے سدھرتے ہی سدھرے گی لیکن اسی دوران اگر بظاہر بہت سی چھوٹی چھوٹی معمولی باتوں کو بھی ترجیحات میں شامل کر لیا جائے تو عوام کو بہت سا ریلیف مل سکتا ہے ۔سٹی ٹریفک پولیس (لاہور) کا ایک بیحد خوشگوار ، اہم اور مثبت فیصلہ سامنے آیا ہے اور وہ یہ کہ اب دکانوں کے باہر سامان رکھنے، فٹ پاتھوں پر قبضہ کرنے، سکولوں کالجوں ، اسپتالوں، ورکشاپوں، شادی ہالز، شاپنگ مالز کے باہر غیر قانونی پارکنگ سٹینڈز قائم کرنے اور تجاوزات وغیرہ پر تعزیرات پاکستان کے تحت مقدمات درج ہوں گے۔ اگر اس فیصلہ پر عملدرآمد ہو گیا تو شہر کی شکل ہی نہیں کلچر اور رویے بھی تبدیل ہو جائیں گے۔اسی طرح ہر چوک چوراہے پر بھکاریوں کی بھرمار سے نمٹنا کون سا ایسا بڑا چیلنج ہے ؟ عام شہری کیلئے گھر کا نقشہ پاس کرانے سے لیکر ڈیتھ سرٹیفکیٹ یا جنم پرچی لینا تک عذاب ہے تو ایسے ہر پراسیس کو سپیڈ اپ کرنا کون سا مشکل ہے ؟ عرض کرنے کا مقصد یہ کہ اگر ’’بڑے کام‘‘ کرنے کی مہارت، ہنر، سلیقہ یا تجربہ نہیں تو عوام کو چھوٹے موٹے ریلیف دینے کا ہی سوچ لو …..میں نے زندگی میں بیشمار لوگوں کو صرف اس لئے ذلیل و رسوا و ناکام ہوتے دیکھا کہ ’’چھوٹا کام‘‘ ان لوگوں نے کیا نہیں اور ’’بڑے کام‘‘ نے انہیں اپنے نزدیک نہیں پھٹکنے دیا۔اللہ جانے کس قسم کی مخلوق ہر بار ہماری گردنوں پر سوار ہو جاتی ہے جو کامن سینس سے بھی کام نہیں لیتی اور بالآخر نواز شریف اور زرداری بن جاتی ہے۔
(بشکریہ جنگ لاہور)

لاہور (میڈیا 92/رپورٹ رضا ملک سے)
لاہور میں ہنجروال ملتان روڈ پر 2 گروپوں میں ویگن اسٹینڈ پر جھگڑے کےدوران فائرنگ سے 16 سالہ نوجوان جاں بحق جبکہ 2 افراد زخمی ہوگئے۔ پولیس کے مطابق دو گروپوں میں ویگن اسٹینڈ پر گاڑیاں کھڑی کرنے کے باعث جھگڑا ہوا تو ایک گروپ نے اندھا دھند فائرنگ کر دی جس کے نتیجے میں 16 سالہ نوجوان دانش ہلاک ہو گیا جبکہ 2 افراد شاہد اور احمد شفیق زخمی ہو گئے۔

پولیس کے پہنچنے پر ملزمان فرار ہو گئے جبکہ زخمیوں کو اسپتال منتقل کر دیا گیا، جہاں ان کی حالت خطرے سے باہر بتائی جاتی ہے۔ پولیس نے مقدمہ درج کر کے ملزمان کی تلاش شروع کر دی ہے۔

سابق صدر اور پاکستان پیپلز پارٹی کے شریک چیئرمین آصف علی زرداری کی نااہلی کے لیے اسلام آباد ہائی کورٹ میں دائر کی گئی درخواست کی سماعت کازلسٹ میں شامل نہ ہونے کے باعث نہیں ہوسکی۔ رجسٹرار آفس تحریک انصاف کی درخواست دوبارہ سماعت کے لیے مقرر کرے گا۔ اس سے قبل گزشتہ روز اسلام آباد ہائی کورٹ کے چیف جسٹس اطہر من اللہ نے یہ درخواست آج سماعت کے لیے مقرر کی تھی۔

واضح رہے کہ پی ٹی آئی رہنماؤں عثمان ڈار اور خرم شیر زمان نے آصف زرداری کی قومی اسمبلی کے رکن کی حیثیت سے اہلیت کو چیلنج کیا ہے ، جس میں عدالت سے آصف زرداری کی پارٹی سربراہ اوررکن قومی اسمبلی سےتاحیات نااہلی کی استدعا کی گئی ہے۔ درخواست میں مؤقف اختیار کیاگیا ہے کہ آصف علی زرداری اثاثے چھپانے کے باعث صادق اور امین نہیں رہے ،عدالت آصف زرداری کو آئین کے آرٹیکل 62ون ایف کے تحت نااہل قرار دے۔

رہنما تحریک انصاف خرم شیرزمان اس ضمن میں کہتے ہیں کہ امید ہے کہ آصف زرداری کےخلاف عدالت میں کامیاب ہوں گے۔ انہوں نے مزید کہا کہ سابق صدر کے خلاف جو شواہد سامنے آئے ہیں وہ دیکھ کرحیران ہیں، یہ کیس اثاثے چھپانے سے متعلق ہے، اس کا دیگر کیسز سے تعلق نہیں۔

ممبئی(ایمرا نیوزآن لائن) بھارتی پارٹی آر ایس ایس کے لیڈر Indresh Kumar نے عامر خان اور مشہور اداکار نصیر الدین شاہ کو غدار قرار رے دیا.ایک تقریب میں خطاب کرتے ہوئے ان کا کہنا تھا کہ بھارت کو ایسے مسلمانوں کی ضرورت نہیں جو Ajmal Kasab کی طرح ہوں. ان کامزید کہنا تھا کہ جو شخص اجمل قصاب کے راستے پر چلالے گا وہ غدار ہی کہلائے گا.انہوں نے کہا کہ شاید عامر خان اور نصیر الدین شاہ اچھے اداکار ہیں لیکن ان کو وہ عزت اُس وقت تک حاصل نہیں ہوسکتی جب تک وہ غدار ہیں.
https://emra.tv/2019/01/29/کراچی-بینک-کا-محافظ-ہی-چور-نکلا/
واضح رہے کہ ہندو انتہا پسند آج کل عامر خان اور نصیر الدین شاہ کے خلاف بیانات دے رہے ہیں کیونکہ ان کو لگتا ہے عامر خان اور نصیر الدین شاہ ہمیشہ پاکستان کے حق میں بات کرتے ہیں اس لیے ہندو انتہاپسند عامر خان اور نصیر الدین شاہ کو غدار قرار دے رہے ہیں، اور ان پر جھوٹے الزامات بھی لگا رہے ہیں.یاد رہے کہ کچھ دن پہلے نصیر الدین شاہ نے اپنے ایک ٹویٹ میں کہا تھا کہ ویرات کوہلی دنیا کے بدترین اخلاق والے کھلاڑی ہیں. جس پر ہندو انتہا پسند پھٹ پڑے تھے.

لاہور(ایمرا نیوزآن لائن) کسی ایسے شخص کی خواہش پوری کرنا جس کے پاس صرف کچھ دن ہی باقی ہوں تو اس سے بڑی بات کوئی نہیں ہو سکتی. برطانوی ہائی کمیشن نے یہ بات ثابت کردی، برطانوی ہائی کمیشن نے شدید بیمار نصر اللہ خان کی آخری خواہش پوری کردی، برطانوی ہائی کمیشن نے نصر اللہ خان کی بیوی اور دو بیٹوں کو چھ ماہ کے برطانیہ کے وزٹ ویزے جاری کر دیئے ہیں، جس پر وہ بہت خوش ہیں. نصر اللہ خان نے برطانوی ہائی کمیشن کا اس پر بہت شکریہ ادا کیا ہے.
https://emra.tv/2019/01/29/سانحہ-ساہیوال-مل…ی-شناخت-پریڈ-آج/
یاد رہے کہ نصر اللہ خان نے کچھ دن پہلے تھامس ڈریو اور ڈی جی آئی ایس پی آرمیجر جنرل آصف غفور سے یہ جذباتی اپیل کی تھی کہ وہ اپنی بیوی اور بیٹوں سے آخری ملاقات کرنا چاہتے ہیں، واضع رہے کہ ڈاکٹروں کے مطابق نصر اللہ خان صرف چند دنوں کا مہمان ہے.جس پر نصر اللہ خان نے یہ خواہش ظاہر کی تھی کہ وہ آخری بار اپنی فیملی سے ملاقات کرنا چاہتے ہیں ان کا کہنا تھا کہا وہ 9 سال سے اپنے بچوں سے نہیں ملے.ان کے ایک بیٹے کی عمر 9 سال ہے اور دوسرے بیٹے کی عمر 11 سال ہے.اس خواہش پر برطانوی ہائی کمیشن نے انسانی ہمدردی کی اعلیٰ مثال دیتے ہوئے نصر اللہ خان کی فیملی کو 6 ماہ کے وزٹ ویزے جاری کردیے ہیں، یہ خبر سن کر نصر اللہ بے حد خوش ہے اور اس نے برطانوی ہائی کمیشن اور خاص طور پر تھامس ڈریو اور ان کے سٹاف کا بھی بہت شکریہ ادا کیا ہے.ڈاکٹروں کا کہنا ہے کہ نصر اللہ خان ہارٹ فیل کے آخری مرحلے میں ہے، اور وہ صرف چند دنوں کا ہی مہمان ہے.

کراچی(ایمرا نیوزآن لائن) آپ نے بہت سے چوری کے واقعات دیکھے ہوں گے، لیکن کراچی میں ایک ایسا چوری کا واقعہ ہوا جس میں بینک کا محافظ ہی چور نکلا،اور بینک سے 65 لاکھ روپے لوٹ کر فرار ہوگیا۔پولیس کے مطابق سیکورٹی گارڈ بینک کے 22 لاکر توڑ کر 65 لاکھ روپے لوٹ کر فرار ہوگیا ہے، اور اس چوری میں وہ اکیا شامل نہیں تھا بلکل اس کے دیگر ساتھی بھی اس واردات میں شامل تھے.یہ واقعہ کراچی کے علاقے ڈیفنس بی مارکیٹ میں ہوا ہے. جہاں بینک کا گارڈ اپنے ساتھیوں سمیت 22 لاکر توڑ کر 65 لاکھ روپے لوٹ کر فرار ہوگیا، پولیس کا مزید بتایا کہ اس سیکورٹی گارڈ نے 10 لاکرزگیس کٹر کی مدد سے کاٹے ہیں، اور اس سیکورٹی گارڈ کا نام منظور بتایا گیا ہے.

لاہور(ایمرا نیوزآن لائن) سانحہ ساہیوال ملکی تاریخ کے بدترین سانحوں میں سے ایک ہے، یہ سانحہ پوری قوم کو اداس کرگیا ہے، ذرا ان بچوں کا سوچیں کہ ان پر کیا گزر رہی ہوگی جن کے سامنے ان کے والدین کو گولیاں مار کے قتل کردیاہو. وہ بچے ابھی بھی صدمے میں ہیں. یہاں تک کے ان کا پورا خاندان ہی اس افسوس ناک سانحہ پر صدمے سے دوچار ہے.
https://emra.tv/2019/01/29/میو-ہسپتال-زیر-ع…ی-ماں-سے-4-افراد/
اس واقعہ میں ملوث ملزمان کی شناخت پریڈ آج ہو گی۔پہلے یہ شناخت کل ہونی تھی لیکن مدعی اور عینی شاہد پیش نہ ہوسکے تھے. اس لیے یہ شناخت پریڈ منگل کو رکھ دی گئی، ملزمان کی شناخت کے لیے مدعی اور عینی شاہدین کو آج ساہیوال جیل لے جایا جائے گا، اور وہ ان ملزمان کی شناخت کریں گے جو اس سانحہ میں ملبوث تھے.

لاہور(ایمرا نیوزآن لائن) لاہور کے میو ہسپتال میں دل دہلا دینے والا واقعہ، زیر علاج بچے کی ماں کو 4 افراد نے مبینہ طور پر جنسی زیادتی بنا ڈالا، ہسپتال انتظامیہ نے اپنی غفلت کو چھپانے کے لیے معاملے کو دودن تک دبائے رکھا. متاثرہ خاتون کی دوخواست پر تھانہ گوالمنڈی میں شاہد بٹ سمیت تین نامعلوم افراد کے خلاف زنابالجبر کا مقدمہ درج کرلیاگیا، محکمہ سپشلائزڈ ہیلتھ کیئر اینڈ میڈیکل ایجوکیشن نے بھی ایم ایس میو ہسپتال سے واقعہ کی مکمل تحقیقات کرکے رپورٹ جمع کرانے کی ہدایت کی ہیں، ایف آئی آر کے مطابق خاتون کابچہ پیڈ یا ٹرک سرجری وارڈ میں زیر علاج ہے،تیمارداری کے لیے آئے ایک عزیز عثمان کے ساتھ خاتون کو نازیبا حرکات کرتے ہوئے پکڑا گیا، وارڈ اٹینڈنٹ شاہد بٹ نے ان سے پیسے لئے اور چھوڑ دیا ، صبح پانچ بجے نامعلوم افراد نے خاتون کو افسر کے سامنے پیش ہونے کے لئے بلایا، جہاں شاہد بٹ پہلے سے موجود تھا ، شاہد نے بلیک میل کرکے خاتون کے ساتھ زیادتی کی ، شاہد اور دیگر 3نامعلوم افراد کیخلاف مقدمہ درج کرلیا گیا، مقدمہ درج ہونے کے بعد شاہد کو ملازمت سے معطل کردیاگیا ہے، محکمہ سپیشلائرڈ ہیلتھ کیئر اینڈ میڈیکل ایجوکیشن نے واقعہ کا نوٹس لیتے ہوئے ایم ایس میو ہسپتال سے رپورٹ طلب کرلی.

لاہور(ایمرا نیوز آن لائن) سوشل میڈیا کسی کو بھی راتوں رات مقبول بنا سکتا ہے اور اسی کی ایک مثال پریا پرکاش ہے جن کی ایک ویڈیو نے ان کو راتوں رات سپرسٹار بنا دیا اور ہر کوئی ان کا دیوانا بن گیا جی ہاں ہم اسی ویڈیو کی بات کررہے ہیں جس میں پریا پرکاش آنکھ مار رہی تھی اس ویڈیو نے پریا پرکاش کی زندگی ایک دم بدل دی ہر کوئی ان کے بارے میں بات کرنے لگا اور یہاں تک کہ ان کو فیلموں میں کام کرنے کی بھی آفرز آنے لگیں، یہاں تک کہ پریا پرکاش کو خود اس بات کا یقین نہیں ہو رہاتھا کہ ان کے ساتھ یہ کیا ہورہا ہے.
https://emra.tv/2019/01/29/زرداری-نااہلی-کیس،-سیاسی-مقدمات-کی/
حال ہی میں پریا پرکاش نے ایک انٹرویو میں کہنا تھا کہ جب ان کی ویڈیو وائرل ہوئی تو ان کو یہ سب ایک خواب لگ رہا تھا، پریا پرکاش کا مزید کہنا تھا کہ اب وہ آنکھ مارنے سے بور ہوگئیں ہیں اور اب کوئی ان کو آنکھ مارنے کا کہتا ہے تو ان کو اچھا نہیں لگتا کیونکہ وہ آنکھ مار مار کر اکتا چکی ہیں.انہوں نے انکشاف کیا کہ وہ 200 سے زائد بار آنکھ مار چکی ہیں.