Category شوبز

ممبئی: معروف بھارتی اداکارہ حنا خان اور روکی جیسوال کے درمیان دوستی ہے یا کچھ اور یہ معمہ گزشتہ کچھ عر صے زیر بحث تھا۔ آخر کار معروف اداکارہ حنا خان نے اپنے اور جیسوال کے درمیان” دوستی سے کچھ زیادہ” کی خبروں کی تردید کر دی ہے،اور جیسوال کے ساتھ اپنے رشتے کے بارے میں اہم انکشافات کر دئیے ہیں۔
حنا خان نے بھارتی میڈیا سے بات کر تے ہوئے بتا یا کہ “میرے اور جیسوال کے درمیان دوستی سے زیادہ کچھ اور نہیں ہے گو کہ جیسوال میرے دوست سے کچھ زیادہ ہیں لیکن ابھی ہمارے درمیان کوئی باہمی رشتہ قائم نہیں ہوا”۔
انہوں نے مزید یہ بھی کہا جب ہم دونوں ایک ہونے کا ارادہ کریں گے تو اسکاباضابطہ اعلان کریں گےاور اپنے چاہنے والوں سے یہ خبر ضرور شئیر کریں گے۔

بولی وڈ کی ایکشن تھرلر فلم ’ریس‘ کے پہلے دو حصوں میں سیف علی خان نے مرکزی کردار ادا کیا تھا، جو باکس آفس پر بھی شاندار بزنس کرنے میں کامیاب رہیں، تاہم اب سیف علی خان کے اس کردار پر بولی وڈ دبنگ اداکار سلمان خان نے قبضہ کرلیا ہے۔
اس بات کا انکشاف اداکارہ جیکولین فرنینڈز نے کیا، جو خود اس فلم میں سلمان خان کا ساتھ دیتی نظر آئیں گی۔
ہندوستان ٹائمز کی ایک رپورٹ کے مطابق 32 سالہ جیکولین فرنینڈز نے اپنی جلد ریلیز ہونے والی فلم ’اے جینٹل مین‘ کی تشہیر کے موقع پر میڈیا سے بات کرتے ہوئے اپنے آنے والے پروجیکٹس کے حوالے سے بتایا۔
اس دوران اداکارہ کا کہنا تھا کہ ’اس فلم کے علاوہ میں ورن دھون کی فلم ’جڑواں 2‘ میں مصروف ہوں، جس کے بعد میں فلم ’ڈرائیو‘ کروں گی جس میں میرے ہمراہ سوشانت سنگھ راجپوت ہوں گے اور اس کے بعد میں سلمان خان کے ساتھ ’ریس 3‘ کی شوٹنگ کا آغاز کروں گی‘۔
خیال رہے کہ 51 سالہ سلمان خان تو فلم ’ریس‘ کے سیکوئل میں پہلی مرتبہ کام کرتے نظر آئیں گے، تاہم جیکولین فرنینڈز اس کے دوسرے حصے میں جلوہ گر ہوچکی ہیں۔
2008 میں ریلیز ہونے والی فلم ’ریس‘ میں سیف علی خان، اکشے کھنہ، بپاشا باسو، انیل کپور، سمیرا ریڈی اور کترینہ کیف نے مرکزی کردار ادا کیے تھے، اس فلم نے باکس آفس پر شاندار کامیابی حاصل کی اور سب نے ہی سیف کے اسٹائلش کردار کو بےحد پسند کیا تھا، فلم کی کامیابی کے بعد ہدایت کار نے اس کا سیکوئل بنانے کا ارادہ کیا تھا۔
2013 میں ’ریس 2‘ ریلیز کی گئی جس کی کاسٹ میں سیف علی خان کے ساتھ جون ابراہم، جیکولین فرنینڈز، انیل کپور، امیشا پٹیل اور دپیکا پڈوکون نے مرکزی کردار ادا کیے۔
’ریس‘ اور ’ریس 2‘ کی ہدایات عباس اور مستان نے دی تھیں جبکہ یہ اطلاعات بھی ہیں کہ ’ریس 3‘ کی ہدایات ریمو ڈی سوزا کرنے جارہے ہیں۔
اس حوالے سے بھی کچھ رپورٹس سامبے آئی تھیں کہ سلمان خان نے ’ریس 3‘ میں کام کرنے کے لیے فلم کے پروڈیوسر رمیش ترانی کے سامنے یہی شرط رکھی تھی کہ وہ اس فلم کی ہدایات عباس اور مستان سے نہیں بلکہ ریمو ڈی سوزا سے کروائیں۔
فلم میں سلمان خان کا مرکزی کردار تو فائنل ہوگیا لیکن اب تک یہ واضح نہیں ہوا کہ وہ فلم میں ہیرو بنیں گے یا ولن کا اہم کردار ادا کرتے نظر آئیں گے۔

لاہور: لالی ووڈ کی مایہ ناز اداکارہ میرا نے ہالی ووڈ میں انٹری کا اعلان کر دیا۔
تفصیلات کے مطابق میرا نے سماجی رابطے کی ویب سائٹ ٹوئٹر پر ایک ٹوئٹ کی جس میں اداکارہ نے بتایاکہ وہ بہت جلد ہالی ووڈ میں قدم رکھنے جارہی ہیں۔اس کے ساتھ ہی میرا نے معروف ہالی ووڈ اداکارہ و ماڈل مارلن منرو کے مجسمے کے ساتھ اپنی ایک تصویر شیئر کرتے ہوئے لکھا ہے کہ ان کی ہالی ووڈ پروجیکٹ سائن کرنے کے سلسلے میں بات چیت چل رہی ہے۔
دوسری جانب ٹوئٹر صارفین نے اداکارہ کے اس پیغام کا مذاق اڑاتے ہوئے انہیں تنقید کا نشانہ بنا ڈالا۔ ایک ٹوئٹر صارف نے لکھا کہ ” میرا سے انگلش کی ایک لائن ٹھیک سے نہیں بولی جاتی تووہ کس طرح پورا اسکرپٹ پڑھیں گی؟“

اسلام آباد (مانیٹرنگ ڈیسک) مغرب میں مسلمانوں کے خلاف بڑھتے ہوئے نسلی تعصب کا شاخسانہ، پاکستان کی معروف اور ہر دلعزیز اداکارہ نادیہ جمیل والد سمیت گوروں کے ملک میں نشانہ بن گئیں۔ تفصیلات کے مطابق سماجی رابطے کی ویب سائٹ ٹوئٹر پر ادکارہ نادیہ جمیلنے اپنے پیغام میں برطانیہ میں اپنے والد سمیت نسلی تعصب کا نشانہ بننے کا واقعہ اپنے ایک پیغام میں شیئر کرتے ہوئے بتایا ہے کہ وہ اپنے والد کے ساتھ مرکزی مارکیٹ میں مشہور اٹالین ریسٹورنٹ ڈان پاسکل میں کھانا کھانے گئیں لیکن ہوٹل کے عملے نے کہا کہ آپ چلے جائیں آپ کے
والد کی داڑھی ہے۔ ڈان پاسکل کیمبرج میں واقع ہے جہاں پر پاکستانی اور عام افراد جن کی داڑھیاں تھیں انہیں ہوٹل کھانا دینے سے انکار کردیا ، ابا جی کو اس ساری صورت حال پر برداشت کرنا ہوگا۔اداکارہ کے مطابق جب وہ ہوٹل میں گئیں تو انہوں نے ویٹر سے مینیو طلب کیا جس کے جواب میں اس نے مینیو دینے سے انکار کردیا اور کہا کہ ہم آپ کو کھانا نہیں دے سکتے ، آپ سیلف سروس لے لیں میں نے سیلف سروس کے لئے مینیو اٹھایا تو مجھے کہا گیا کہ آپ یہاں سے کھانا نہیں لے سکتے ، جب میں نے پوچھا کہ کیوں نہیں لے سکتے ؟ تو اس کے جواب میں عملے نے ٹال مٹول سے کام لیا۔

لاہور(این این آئی) نجی ٹی وی کے مزاحیہ شو کی کو ہوسٹ عائمہ بیگ نے مزاحیہ شو چھوڑ کر کوک اسٹوڈیو جوائن کرلیا ۔ذرائع کے مطابق عائمہ بیگ نجی ٹی وی چینل کے مزاحیہ شو میں کو میزبان کے فرائض انجام دینے کے ساتھ گلوکاری میں مصروف تھیں اور اب انہوں نے مزاحیہ شو کو خیر آباد کہہ کر کوک اسٹوڈیو میں گلوکاری کا آغاز کردیا ہے ۔ یاد رہے کہ عائمہ بیگ فلموں بھی گلوکاری کا مظاہرہ کرچکی ہیں ۔گلوکارہ عائمہبیگ نے اس حوالے سےبتایا کہ میں بچپن سے گائیکی کا شوق رکھتی تھیں، سات سال کی عمر میں
یہ واضح ہوا کہ گانے کی صلاحیت رکھتی ہوں چونکہ ہمیشہ سے تنہائی پسند تھیں، کبھی فیملی کے سامنے یا پبلک مقام پر نہیں گایا تو جب میں نے بحیثیت گلوکار اپنے کیرئیر کا آغاز کرنا چاہا توانھیں تھوڑا دھچکا لگا، وہ انڈسٹری میں مقابلے کی فضا کو جانتے تھے کہ کس طرح خود کو بنائے رکھنا ضروری ہوتا ہے لیکن میری خواہش کے آگے انھوں نے رضامندی دے دی۔

بولی وڈ اداکار سنیل شیٹی کا شمار اپنے وقت کے کامیاب اداکاروں میں کیا جاتا ہے اور اب ان کی بیٹی اداکارہ اتھیا شیٹی بھی انٹرٹینمنٹ انڈسٹری میں اپنی جگہ بنانے کی جدوجہد کررہی ہیں۔
24 سالہ اتھیا اب تک دو فلموں میں جلوہ گر ہوئیں جن میں سے ایک 2015 کی فلم ’ہیرو‘ ہے جبکہ دوسری حال ہی میں ریلیز ہوئی فلم ’مبارکاں‘۔
ہندوستان ٹائمز کی رپورٹ کے مطابق اپنے والد کے کیریئر کے حوالے سے اتھیا شیٹی کا کہنا تھا کہ ‘میں نے اپنے والد کے کیریئر سے بہت کچھ سیکھا ہے، مجھے ان کی جو بات متاثر کرتی ہے وہ یہ ہے کہ وہ ہمیشہ میرا ساتھ دیتے ہیں اور آگے بڑھانے کی کوشش کرتے ہیں‘۔
انہوں نے مزید بتایا کہ وہ فلموں کے اسکرپٹس کا انتخاب کرنے کے لیے اپنے والد کی مدد لیتی ہیں۔
اداکارہ کا کہنا تھا کہ ’میں اپنے والد کے ساتھ فلموں کے اسکرپٹس پر بات کرتی ہوں، کوئی بھی فیصلہ لینے سے قبل مجھے یقین نہیں ہوتا، لیکن میرے والد ہمیشہ مجھے حوصلہ دیتے کہ میں اپنے فیصلے خود کروں، میں اپنے والد کی غلطیوں سے سیکھ رہی ہوں، لیکن اس کا یہ مطلب نہیں کہ میں خود غلطی نہیں کرسکتی، میں جانتی ہوں کہ مجھے کیا چاہیے‘۔
اتھیا کا اب تک صرف دو فلموں میں جلوہ گر ہونے کے حوالے سے کہنا تھا کہ ’میں ایسی فلمیں کرنا چاہتی ہوں جن پر مجھے فخر ہو، جو مجھے کچھ سکھا سکیں‘۔
یال رہے کہ حال ہی میں بولی وڈ میں اقرباء پروری پر زبردست بحث جاری تھی، اس حوالے سے اداکار سنیل شیٹی کی بیٹی کا کہنا تھا کہ ’اقرباءپروری صرف بولی وڈ میں نہیں، یہاں بہت سے اداکار ایسے بھی ہیں جن کا بولی وڈ سے کوئی تعلق نہیں تھا، جو سب سے اہم ہے جو شائقین کا ردعمل ہے، اور یہ ان کا فیصلہ ہے کہ وہ فلم دیکھنا چاہتے ہیں یا نہیں‘۔
واضح رہے کہ اتھیا شیٹی کو بولی وڈ میں ان کے والد کے بہترین دوست اور کامیاب اداکار سلمان خان نے لانچ کیا، اور سنیل شیٹی کے مطابق اتھیا کی طرح ان کے بیٹے اہان کو بھی فلمز میں لانچ کریں گے۔

بھارت کی سپریم کورٹ کی جانب سے منگل 22 اگست کو مختلف درخواستوں پر دیے گئے تین طلاقوں سے متعلق فیصلے کا ہندوستان بھر میں خیر مقدم کیا جا رہا ہے۔
عدالت کی جانب سے بیک وقت تین طلاق دینے پر پابندی کے فیصلے کو جہاں عام بھارتی اچھا عمل قرار دے رہے ہیں، وہی بولی وڈ اسٹارز بھی اس فیصلے سے خوش دکھائی دے رہے ہیں۔
مختلف اداکاروں نے سپریم کورٹ کے اس فیصلے پر رد عمل دیتے ہوئے اپنے سوشل اکاؤنٹس کا سہارا لیا، کچھ اداکاروں نے اس فیصلے کو خواتین کی جیت، کچھ نے تاریخی فیصلہ، جب کہ کچھ نے اسے جمہوریت کی جیت اور خودمختاری سے تشبیح د

ماضی کی ڈریم گرل ہیما مالنی کی بیٹی اداکارہ ایشا دیول اپنی خاندانی روایت کے مطابق اپنے ہی شوہر سے ایک بار پھر رسمی شادی کریں گی۔
ایشا دیول اس وقت حمل سے ہیں،اور وہ پیدا ہونے بچے کی گود بھرائی کے سلسلے میں خاندانی روایات کے تحت اپنے ہی شوہر سے ہندو رسم و رواج کے مطابق پھیرے لیں گی۔
لیکن اس بار وہ سات نہیں بلکہ تین پھیرے لیں گی، جب کہ شادی کی دیگر رسمیں بھی نہیں نبھائیں جائیں گی۔
خیال رہے کہ ایشا دیول نے 5 برس قبل 12 فروری 2012 کو ایک کاروباری شخص بھارت تکتانی سے شادی کرلی تھی، جو سندھی ہندو بزنس مین ہیں۔
ایشا دیول اپنے والدین کے حوالے سے پنجابی نسل سے ہیں، لیکن بیاہ کر سندھی خاندان میں جانے کے بعد وہ اپنے سسرالی خاندان کی روایات نبھاتے ہوئے اپنے ہی شوہر کے ساتھ دوبارہ پھیرے لیں گی۔
بعض سندھی ہندوؤں کے رسم رواج کے مطابق نئے بچے کی گود بھرائی کے موقع پر حاملہ دلہن کو اپنے ہی شوہر سے دوبارہ پھیرے لینے پڑتے ہیں، لیکن یہ رسم ان جوڑوں کا ہاں ہوتی ہے، جن کے ہاں پہلی بار بچے کی پیدائش ہونے جا رہی ہو۔
سندھی ہندوؤں میں یہ رسم نہ صرف بچے کی پیدائش بلکہ کسی دوسری خوشی ملنے پر بھی نبھائی جاتی ہے، تاہم یہ رسم تمام سندھی ہندو نہیں نبھاتے۔
بھارت میں یہ سم زیادہ تر جنوبی پنجاب کی ریاستوں میں منائی جاتی ہے، جب کہ پاکستان میں صوبہ سندھ میں رہنے والے تمام سندھی ہندو بھی اس رسم کو نہیں نبھاتے۔
انڈین ایکسپریس نے اپنی خبر میں بتایا کہ ایشا دیول اپنے سسرال کے خاندان کی رسم کو نبھانے کے لیے 27 اگست کو اپنے ہی شوہر کے ساتھ 3 پھیرے لیں گی۔
واضح رہے کہ ایشا دیول ہیما مالنی اور دھرمیندرا کی بیٹی ہیں۔
ایشا دیول نے 2002 سے اپنے فلمی کیریئر کا آغاز کیا، اور لگ بھگ 30 فلموں میں مرکزی اور مختصر کردار ادا کر چکی ہیں، ان کی مشہور فلموں میں ’دھوم‘ اور ’نوانٹری‘ شامل ہیں

سوشل میڈیا کی دنیا اتنی عجیب ہے کہ اگر ایک مرتبہ کوئی چیز یہاں شیئر ہوجائے تو وہ کبھی یہاں سے ختم نہیں ہوسکتی اور ہمیشہ واپس آتی ہے چاہے کتنی ہی پُرانی کیوں نہ ہو۔
ایسا ہی کچھ بولی وڈ اداکار سیف علی خان اور ان کی سابقہ اہلیہ امریتا سنگھ کی شادی کی تصویر کے ساتھ ہوا، جو آج کل دوبارہ سوشل میڈیا پر شیئر کی جارہی ہے۔
اب آپ سوچ رہے ہوں گے کہ ان دونوں اداکاروں کی شادی کی تصویر آج کل دوبارہ کیوں شیئر ہورہی ہے، کیوں کہ نہ تو ان تاریخوں میں ان کی شادی ہوئی تھی اور نہ ہی اس ماہ میں انہوں نے علیحدگی اختیار کی۔
لیکن حیران کن بات یہ ہے کہ اس تصویر کا دوبارہ وائرل ہونے کا مقصد صرف اور صرف امریتا سنگھ کی جانب سے پہنے گئی تنھ ہے، جو اتنی بڑی ہے کہ لوگوں کی توجہ اس کی جانب مرکوز ہورہی ہے۔
امریتا سنگھ نے اپنی شادی کے موقع پر نہایت خوبصورت انداز اپنایا، ساتھ میں ایک بہت بڑی نتھ بھی پہنی جس کا سوشل میڈیا پر مذاق بنایا جارہا ہے۔
ایک صارف نے اپنے دکھ کا اظہار کرتے ہوئے کہا کہ ’امریتا سنگھ کی نتھ میرے فرینڈ سرکل (دوستوں کے گروپ) سے زیادہ بڑی نکلی‘۔
خیال رہے کہ 47 سالہ سیف علی خان نے 1991 میں 59 سالہ اداکارہ امریتا سنگھ سے شادی کی تھی، سیف علی اپنی اہلیہ سے عمر میں 12 سال چھوٹے تھے، تاہم 2004 میں ان دونوں میں علیحدگی ہوگئی، امریتا سنگھ سے سیف علی خان کے دو بچے سارہ اور ابراہیم ہیں۔
اس کے بعد سیف نے 2012 میں 36 سالہ اداکارہ کرینہ کپور سے شادی کی، گزشتہ سال ان دونوں کے ہاں بیٹے کی ہیدائش ہوئی جس کا نام انہوں نے تیمور رکھا ہے۔
دلچسپ بات یہ ہے کہ کرینہ کپور سیف علی خان سے عمر میں پورے 11 سال چھوٹی ہیں۔

اہور: معروٖف پاکستانی اداکارہ نور نے فلموں میں آئٹم سانگ کر نے سے انکار کر دیا ہے۔ انہوں نے پاکستانی میڈیا سے بات کر تے ہوئے کہا کہ اب وقت گزر گیا ہے اور ان کو زیب نہیں دیتا کہ وہ فلموں میں آئٹم سانگ کریں۔
اداکارہ نور کا مزید کہنا تھا کہ” میں نےاپنے کیر ئیر کے عروج کے وقت بہت سی فلموں میں کام کیا ہے لیکن اس وقت آئٹم سانگز کا رواج نہیں تھا، ایک بیٹی کی ماں ہونے کے بعد مجھے فلموں میں آئٹم سانگ کرنا زیب نہیں دیتا۔
اداکارہ نورنے بتایا کہ جاوید شیخ نے انہیںفلم میں کام کر نے کی پیشکش کی ہےتاہم ابھی تک انہوں نے فیصلہ نہیں کیا کہ وہ جاوید شیخ کی فلم میں کام کریں گی یا نہیں؟