Category پراپرٹی گائیڈ

لاہور(میڈیا 92نیوز آن لائن)

سیکرٹری  ہاؤسنگ ندیم محبوب کی زیر صدارت پی ایچ اے کے سابقہ اور جاری پروجیکٹس کے حوالے سے خصوصی اجلاس کا انعقاد کیا گیا. اجلاس میں  ڈی جی پی ایچ اے لاہور مظفر خان نے کام کے حوالے سے ندیم محبوب کو  تفصیلات سے آگاہ کیا۔ اجلاس میں ڈائریکٹر ہیڈکواٹر پی ایچ اے مدثر اعجاز ، ڈائریکٹر فنانس پی ایچ اے  عثمان غنی ڈائریکٹر ایڈمن پی ایچ اے عامر ابراہیم ، ڈائریکٹر ہارٹیکلچر اظہر سلہریا ،سمیت دیگر افسران نے شرکت کی ۔

سیکرٹری  ہاؤسنگ ندیم محبوب کا کہنا تھا کہ پی ایچ اے لاہور وزیر اعظم پاکستان عمران خان کے ویژن کے مطابق  گرین اینڈ کلین مہم کے تحت باغوں کے شہر کو سرسبز اور شاداب بنائے۔
ان کا مزید کہنا تھا کہ شہر میں پارکوں کی جگہ پر بننے والی تجاوزات اور غیر قانونی فنگشنز پر کارروائی احسن اقدام ہے۔

اس موقع پر ڈی جی پی ایچ اے لاہور مظفر خان نے کہا کہ پی ایچ اے شہر میں تمام پارکوں کو سہولیات سے آراستہ کرنے کیلئے تمام اقدامات کر رہا ہے۔ شجرکاری مہم میں پونے دو لاکھ سے زائد لگائے گئے پودوں اور درختوں کی نگداشت کا کام جاری ہے

انہوں نے مزید کہا کہ سرسبز اور شاداب شہر  پی ایچ اے لاہور کا ٹارگیٹ ہے.

پارکوں اور گرین بیلٹس پر غیر قانونی پروگرامات کے انعقاد پر پی ایچ اے قانونی کاروائی کرے گا، ڈی جی پی ایچ اے لاہور مظفر خان

لاہور (میڈٰیا92نیوز/سبط اعوان سے)
ڈی جی پی ایچ اے لاہور مظفر خان نے کہا ہے کہ شہر بھر کے پارکوں پر قبضہ مافیا اور تجاوزات کے خاتمے کیلئے تمام وسائل بروائے کار لائیں گے۔پارکوں اور گرین بیلٹس پر غیر قانونی پروگرامات کے انعقاد پر پی ایچ اے قانونی کاروائی کرے گا۔ ان خیالات کا اظہار انہوں نے جیلانی پارک ہیڈ کواٹر پی ایچ اے کے آل ڈائریکٹرز کے اجلاس میں احکامات جاری کرتے ہوئے کیا۔

ڈی جی پی ایچ اے مظفر خان نے اجلاس میں آل ڈائریکٹرز کوشہر کے تمام پارکوں کے اطراف میں ناجائز تجاوزات کے خاتمے کیلئے 8 دن کی ڈیڈ لائن دیتے ہوئے کہا کہ تمام ڈائریکٹرز شہر بھر کے پارکوں کی جگہ پر بننے والی تجاوزات کا خاتمہ کرکے تحریری رپورٹ 8 دن میں جمع کروایں گے۔

اس موقع پر آل ڈائریکٹرز پی ایچ اے سمیت تمام افسران نے ڈی جی پی ایچ اے کو یقین دہانی کروائی کہ جلد ازجلد احکامات پر عمل درآمد ہو گا۔ 

لاہور(رپورٹ :ذیشان علی + ایمرا نیوز آن لائن)ہربنس پورہ میں سرکاری جائیدادوں پر قابض لینڈ مافیا کے جاری کارروائیاں رک گئیں، سابق ڈائریکٹر اینٹی کرپشن ڈاکٹر شاہ زیب کے جانے کے بعد کوئی آپریشن نہیں کروایا جا سکا۔سابق ڈائریکٹر اینٹی کرپشن ڈاکٹر شاہ زیب کی تعیناتی کے دوران ہربنس پورہ میں سرکاری جائیدادوںپر قابض لینڈ مافیا 15سے زائد آپریشن کرتے ہوئے اربوں روپے کی جائیدادیں واہ گزار کروائی گئیں۔سابق ڈائریکٹر ڈاکٹر شاہ زیب حسین کے دور میں شروع ہونے والی انکوائریاں اور ہربنس پورہ کے ریونیو سٹاف کے خلاف جاری تحقیقات سرخ فیتے کی نظر ہو چکی ہے۔موجودہ ڈائریکٹر اینٹی کرپشن احمد افغان نوٹس لیں ، ہربنس پورہ کے ریونیو سٹاف اور لینڈ مافیا کے خلاف جاری تحقیقات کو ریڈر حضرات نے سست روی کا شکار کرتے ہوئے ملزمان کو تحفظ دینے کی پریکٹس جاری کر رکھی ہے۔

پاکستان پراپرٹی شو کی کامیابی درحقیقت متحدہ عرب امارات میں مقیم پاکستانی کمیونٹی کی کامیابی ہے: ذیشان علی خان

دبئی(میڈیا 92 نیوز / رپورٹ‌ سبط اعوان سے)
پاکستان کے سب سے بڑے رئیل اسٹیٹ پورٹل زمین ڈاٹ کام کے زیر اہتمام دبئی میں پاکستان پراپرٹی شو کا کامیاب انعقاد کیا گیا جہاں دو روز میں ۲۰ ہزار سے زائد پاکستانی شریک ہوئے ۔ زمین ڈاٹ کام کی جانب سے دبئی میں یہ اپنی نوعیت کا تیسرا ایونٹ ہے۔

پاکستان پراپرٹی شو میں لاہور، کراچی ، اسلام آباد ، پشاور، ملتان، گوجرانوالہ، فیصل آباد، مری، رحیم یار خان، ڈیرہ غازی خان، بہاولپور اور گوادر سمیت پاکستان کے دیگر شہروں سے پراپرٹی بلڈرز اور ڈویلپرز اپنی پراپرٹیز کی 60 سے زائد اسٹالز پر نمائش کی۔اس ایونٹ کےبڑے اسپانسرز پاکستان کی رئیل اسٹیٹ انڈسٹری کے دو معروف نام ’’ایٹین‘‘ اور ’’کیپٹل اسمارٹ سٹی‘‘ تھے۔

پاکستان پراپرٹی شو کا افتتاح دبئی رئیل اسٹیٹ ریگولیٹری ایجنسی (ریرا ) کے سی ای او عزت مآب مروان احمد بن غلیطہ نے کیا۔ ۔ میڈیا کے نمائندوں سے گفتگو کرتے ہوئے ان کا کہنا تھا کہ یہاں بہت سی کمپنیاں منفرد پراجیکٹ لے کر آئی ہیں۔اُن کا کہنا تھا کہ اس سے ایک جانب ڈیٹا کی شیئرنگ ہوتی ہے تو دوسری جانب علم کی شیئرنگ بھی ہو جاتی ہے جس سے سب ہی کا فائدہ ہوتا ہے ۔ اُنہوں نے کہا کہ سرمایہ کاری اب سرحدوں کی محتاج نہیں ہے۔

افتتاح کے بعد زمین ڈاٹ کام کے سی ای او ذیشان علی خان نے ادارے کے دیگر سینئر افراد کے ہمراہ اُنہیں ہال کا دورہ کروایا۔ایونٹ کے دوسرے روز پاکستان کے کونسل جنرل برائے متحدہ عرب امارات احمدامجد علی نے بھی وفد کے ہمراہ پاکستان پراپرٹی شو میں شرکت کی۔انہوں نے ایونٹ کا دورہ کرتے ہوئے زمین ڈاٹ کام کی اس کاوش کو سراہا اور کامیاب ایونٹ پر مبارکباد پیش کی۔

زمین ڈاٹ کام کے اس پاکستان پراپرٹی شو میں پرائیوٹائزیشن کمیشن آف پاکستان کے نمائندے بھی موجود تھے، وزیر اعظم عمران خان کی ہدایت پر اُنہوں نے اوور سیز پاکستانیوں کو سرکار کے زیر انتظام ملک میں موجود مختلف سرکاری پراپرٹیز میں سرمایہ کاری کی ترغیب دی۔

اس موقع پر گفتگو کرتے ہوئے ڈائریکٹر جنرل آف پرائیوٹائزیشن کمیشن آف پاکستان افتخار حسین نقوی نے کہا کہ ایسے ایونٹس میں پاکستانیوں کی بڑی تعداد شرکت کرتی ہے جس سے ایک ہی وقت میں بہت سارے ہم وطنوں سے ملنا اور اُن کو سرمایہ کاری کی ترغیب دینا بہت آسان ہے۔

زمین ڈاٹ کام کے سی ای او ذیشان علی خان نے اس موقع پر کہا کہ تیسرے پاکستان پراپرٹی شو کی کامیابی پر ہم اللہ رب العزت کے شکرگزار ہیں۔ اُن کا کہنا تھا کہ پاکستان پراپرٹی شو اب اس خطے میں پاکستان کی پہچان بن چکی ہے اور ہمیں خوشی ہے کہ پاکستانی اس بڑی تعداد میں اس شو میں شرکت کر کے اس کو کامیاب کرتےہیں ۔ا ُن کا کہنا تھا کہ اس شو میں بہت سے ایسے نمائش کنندگان موجود ہیں جو کہ گزشتہ ایونٹس میں بھی ہمارے ساتھ یہاں آئے تھے اور چونکہ اُن کو اِس نمائش میں شرکت سے نفع حاصل ہواہے تو وہ دوبارہ بھی یہاں موجود ہیں ۔

اُنہوں نے کہا کہ وطن عزیز میں محفوظ سرمایہ کاری اور اپنے گھر کا خواب ہر پاکستانی دیکھتا ہے لیکن مصروفیت اور دیگر امور کے باعث اس خواب میں رنگ بھرنا مشکل ہو جاتاہے۔ زمین ڈاٹ کام نے اس ضمن میں آسانی پیدا کی اور پاکستان بھر سے محفوظ سرمایہ کاری کی آپشن یہاں دبئی میں پاکستانیوں کیلئے پیش کی۔

اُنہوں نے کہا کہ رئیل اسٹیٹ کا شعبہ کسی بھی ملک کیلئے ریڑھ کی ہڈی کی حیثیت رکھتا ہے جس کے ساتھ 55 سے زائد دیگر انڈسٹریز بھی شامل ہوتی ہیں، لہذا رئیل اسٹیٹ کی ترقی سے ہی ملک تیزی سے ترقی کر سکتا ہے ۔ اُنہوں نے ایک سوال کے جواب میں کہا کہ اوور سیز پاکستانی ہمارے ملک کا سرمایہ ہیں اور ہم انہیں ملک میں محفوظ اورمنافع بخش سرمایہ کاری کے مواقع فراہم کرتے رہیں گے۔

لاہور(ایمرا نیوز آن لائن)احتساب عدالت نے پیرا گون ہاؤسنگ کیس میں خواجہ برادران کے جوڈیشل ریمانڈ میں 23 دسمبر تک توسیع کر دی۔احتساب عدالت کے جج جواد الحسن نے پیراگون ریفرنس میں خواجہ برادران کے خلاف کیس کی سماعت کی۔ عدالت نے خواجہ سعد رفیق کو اجلاس کے لیے اسلام آباد جانے کی اجازت دے دی۔

خواجہ سعد رفیق نے کہا عدالت میں کچھ کہنا چاہتا ہوں، اوپن کورٹ میں ٹرائل ہر شخص کا بنیادی حق ہے، ہر کوئی کیس سن سکتا ہے، میرے کیس میں کورٹ رپورٹرز کو کمرہ عدالت میں نہیں آنے دیا جا رہا۔

سعد رفیق کا کہنا تھا میرے کیس میں عوام سے حقائق چھپائے جا رہے ہیں، پولیس ہر پیشی پر وکلا، رپورٹرز اور سائیلین کو کمرہ عدالت میں آنے سے روکتی ہے۔ جس پر عدالت نے کہا وکلا اور رپورٹرز کو عدالت میں آنے سے نہ روکا جائے، جج جواد الحسن نے پولیس سے استفسار کیا اگر آپ سیکیورٹی نہیں کر سکتے تو میں یہاں رینجرز بلا لوں گا۔

لوئر مال(ایمرا نیوز آن لائن) سیکرٹری بلدیات پنجاب کا بڑا فیصلہ، پنجاب میں ہاﺅسنگ سکیموں کا ز سر نو سروے کر لیا جائے گا۔ قانونی اور غیر قانونی سوسائیٹز کا آڈٹ ہو گا۔ لوکل گورنمنٹ ایکٹ 2019ءمیں ڈویلپمنٹ ادارے کارپوریشنز کے تابع ہوں گے۔ اربن کیساتھ ساتھ رورل کا ماسٹر پلان تیار کیا جا رہا ہے۔

لاہور کے ماسٹر پلان کی تیاری، اربن پلاننگ اور لوکل گورنمنٹ ایکٹ 2019ءپر عملدرآمد کرانے کے حوالے سے سیکریٹری بلدیات احمد جاوید قاضی کی زیر صدارت ٹاﺅن ہال میں اہم اجلاس ہوا۔ اس موقع پر ان کا کہنا تھا کہ شہر میں غیر قانونی تعمیرات کسی صورت قابل قبول نہیں۔

ہاﺅسنگ سکیموں کے متعلق سینکڑوں نہیں ہزاروں شکایات موصول ہوئی ہیں۔ کمرشلائزیشن کا دائرہ کار وسیع کر کے سہل قانون بنایا جائیگا۔ غیر قانونی سکیموں میں پلاٹس کی حدود فروخت اور تعمیر کو قانون کے مطابق لانا ہو گا۔ ہاﺅسنگ سوسائٹی اور کمرشل جگہوں پر تعمیر سے قبل ہی غیر قانونی ہونے کی نشاندہی کی جائے گی۔

ہاﺅسنگ سوسائٹیز کے مالکان خرید و فروخت کے لئے دفاتر میں آویزاں کریں گے۔ پنجاب لوکل گورنمنٹ 2019ءکا قانون 2020ءمیں کھل کر سامنے آئے گا۔ شہر کے ماڈل روڈ پر نقشہ جات کی خلاف ورزی کرتے ہوئے 246 پلازوں کی تعمیر پر سیکریٹری بلدیات کا کہنا تھا کہ غیر قانونی اور نقشہ کی خلاف ورزی کرنیوالوں کے خلاف کارروائیاں عمل میں لائی جائیں گی۔

اجلاس میں ڈائریکٹر انسپکشن محمود مسعود تمنا، چیف آفیسر میٹروپولیٹن کارپوریشن سید علی عباس بخاری، سردار نصیر اور رانا نوید اختر سمیت دیگر اضلاع، زون و ٹاﺅن کے پلانرز نے شرکت کی۔

پشاور(ایمرا نیوز آن لائن) پشاور میں شہریوں کو درپیش مسائل کے بروقت حل کرنے لیے انتظامیہ نے ریونیو دربار شروع کر دیا، شہری بھی عرصہ دراز سے درپیش مشکلات کے حل کےلیے پہنچ گئے۔ ریکار ڈ میں غلطیوں اور کوتاہی پر دو پٹواریوں کے خلاف محکمانہ انکوائری کے احکامات بھی جاری کردیئے گئے۔

پشاور کی ضلعی انتظامیہ نے شہریوں کو درپیش مسائل کے حل کے لیے ریونیو دربار کا آغاز کردیا، اراضی سے متعلق مشکلات اب موقع پر حل ہوں گی، شہری بھی سہولیات سمیت زمین کے نقولات، فردات سمیت دیگر اسناد کی جلد فراہمی کے اقدامات پر مطمئن ہیں، کہتے ہیں اس قسم کی سرگرمیاں جاری رکھنی چاہیئے۔ضلعی انتظامیہ کے مطابق پہلے ہی دن سینکڑوں درخواست دہندگان نے ریونیو دربار میں افسران کو اپنے مسائل کے بارے میں بتایا جن کو موقع پر حل کیا گیا۔

ریونیو دربار میں افسران نے پٹواریوں کے رجسٹر و ریکارڈ بھی چیک کیے جبکہ ریکارڈ میں غلطیوں اور کوتاہی پر دو پٹواریوں کے خلاف محکمانہ انکوائری کے احکامات بھی جاری کئے۔

لاہور(رپورٹ:ذیشان علی + ایمرا نیوز آن لائن) اضافی ڈیوٹیوں میں مصروف محکمہ مال کے انتظامی افسران ریونیو سٹاف سے بنیادی، قانونی اور ضروری ذمہ داریوں پر عملدرآمد کروانے میں ناکام ہو گئے جس کی وجہ خود محکمہ مال کے انتظامی عہدوں پر براجمان افسران کی لاعلمی نکلی ۔روزنامہ ”پاکستان“ کو ملنے والی معلومات کے مطابق صوبائی دارالحکومت محکمہ مال کے ریونیو سٹاف نے لینڈ ریونیو ایکٹ اور محکمہ مال کے قوانین کے مطابق ریونیو سٹاف کو دیئے جانے والے روزنامچہ کار گزاری کے تحت ریونیو سٹاف روزمرہ کے تمام حالات اور اپنے کئے گئے تمام کاموں کی تفصیلات روزنامچہ کار گزاری میں اندراج کرنے کا پابند ہے اور کتنی فردیں جاری کی گئیں کتنے انتقالات کا اندراج ہو، کتنی وراثت انتقالات کے بیان لئے گئے اور تصدیق کی گئی کون کون سے عدالتوں میں پیش ہوئے کون سا ریکارڈ پیش کیا گیا اور رات گئے تک کون سے ڈیوٹایں سر انجام دی یہ تمام تفصیلات بھی پٹواری صاحبان نے روزنامچہ میں تحریر کرنا ہوتی ہے مگر سالہ سال سے محکمہ مال کی انتظامی سٹیوں پر براجمان افسران کس اس قانون سے لاعلمی اور ضلعی انتظامیہ کی اضافی ڈیوٹیوں میں مصروفیت کے باعث عملدرآمد نہیں کروایا جا رہا ہے جس سے بطور تمام اسسٹنٹ کمشنرز صاحبان، ایڈیشنل ڈپٹی کمشنر ریونیو، ڈپٹی کمشنر لاہور اور کمشنر لاہور کو بھی فیلڈ کے اصل حقائق اور صورتحال بھی واضح نہیں ہو پا رہی ہے اگر ریونیو سٹاف اس قانون پر عملدرآمد کرتا ہے اور انتظامی افسران روزامچہ کارگزاری پر عملدرآمد کروانے میں کامیاب ہو پائے ہیں تو اس سے بہت سارے مسائل کا بھی ازالہ ہو جائے گا اور انتظامی افسران بھی فیلڈ ریونیو سٹاف کی تمام بنیادی کاموں کا بھی جائزہ لیکر غفلت برتنے والے اہلکاروں کے خلاف قانونی کارروائی عمل میں لائیں گے ذرائع نے مزید آگاہ کیا ہے کہقانون اپنی جگہ پر موجود ہے مگر محکمہ ریونیو کے انتظامی افسران کو محکمہ ریونیو میں کام کرنے کی بجائے اضافی ذمہ داریوں میں الجھا دیا جاتا ہے جس سے محکمہ ریونیو کے قوانین اور تمام بنیادی کام بھی بری طرح متاثر ہورہے ہیں ایڈیشنل ڈپٹی کمشنر ریونیو محمد اصغر جوئیہ کا کہنا تھا کہ ریونیو سٹاف قوانین پر عملدرآمد کرنے کے پابند ہیں روزنامہ ”پاکستان“ کی اس نشاندہی پر نوٹس لوں گا خلاف ورزی کی صورت میں قانونی کارروائی کی جائے گی۔

لاہور(اپنے نمائندے سے )تحصیل رائے ونڈ کے اسسٹنٹ کمشنر عدنان بدر سے مافیا تنگ پڑگیا ، سست روی سے کام کرنے والے سٹاف کی شامت آگئی ، قوانین کی خلاف ورزی کرنے والوں کے خلاف کاروائیاں تیز کر دی گئی۔

تحصیل رائے ونڈ میں منی پٹرول پمپس اور غیر قانونی طور پر قائم ایل پی جی کے خلاف کریک ڈوان کرتے ھوئے متعدد پوانئیٹ سیل کر دیا گے اور چار افراد گرفتار کر لیے ۔انسداد سموگ پر کاروائی کرتے ھوئے آٹھ بھٹوں کی انسپکشن کی گی دو مالکان کے خلاف مقدمات درج کروا دئیے اور چار سے زائد بھٹے سیل کر دئیے ۔

اے سی رائے ونڈ عدنان بدر کا آر ایچ سی سنٹر کا دورہ ، ایمرجنسی ، لیبر روم ، ڈسپنسری کی چیکنگ واش روم کی صفائی اور مریضوں کو دی جانے والی سولیات کا بھی جائزہ لیا ۔رائے ونڈ تحصیل بلڈنگ میں واقع اراضی ریکارڈ سنٹر پاجیاں کا بھی سپرائز وزٹ کیا

زیر التو کیسز کا جائزہ لیا کھیوٹ مسائل کے 28 جبکہ انتقال جائیداد کی 82 کیسز سامنے آئے زیر التوا 25 انتقالات کی فوری تصدیق کیلے اے ڈی ایل آر کو احکامات جاری کئے۔

لاہور(رپورٹ:ذیشان علی + ایمرا نیوز آن لائن)اثاثے منجمد کرنے کے احکامات ڈی جی نیب لاہور شہزاد سلیم کی جانب سے جاری کیے گئے،شہبازشریف حمزہ شہباز اور سلمان شہبازکے خلاف کرپشن کے الزامات پر تحقیقات کی گئی ۔تمام تر تفتیش نیب آرڈیننس کے سیکشن 9 اے اور 10 کے تحت کی گئیں۔دوران تفتیش انکشاف ہوا کہ شہبازشریف نے پراپرٹیاں اپنی اہلیہ نصرت شہبازشریف کے نام سے بنارکھی ہیں۔ مکان نمبر 96ایچ دی کوپرآیٹوو ماڈل ٹاون سوسائٹی لمیٹڈ کا رقبہ 6کنال ہے، مکان نمبر 96ایچ دی کوپرآیٹوو ماڈل ٹاون سوسائٹی لمیٹڈ کا رقبہ 4کنال ہے، نشاط لاجز ڈونگا گلی ایبٹ آباد کا رقبہ نو کنال ایک مرلہ ہے، ماڈل ٹاون اور ڈونگا گلی میں واقع پرآپرٹیز نصرت شہبازشریف کے نام پر ہیں، ہری پور میں پیر سہاوا کے قریب کاٹج نمبر 23 کو سیل کرنے کے احکامات جاری ، ہری پور میں پیر سہاوا کے قریب ولا نمبر انیس کا رقبہ 6مرلہ ہے، ہری پور میں پیر سہاوا کے قریب خسرہ نمبر 371 کا پلاٹ بھی سیل کرنے کے احکامات جاری ،ہری پور میں واقع تینوں جائیدادیں شہبازشریف کی دوسری اہلیہ تہمینہ درانی کے نام ہیں ، ڈی ایچ اے فیز فائیو میں کے اے بلاک میں واقع مکان نمبر 8/7 کا رقبہ 10 مرلہ ہے،لاہور: ڈی ایچ اے فیز فائیو میں کے اے بلاک میں واقع مکان نمبر 8/8 کا رقبہ 10 مرلہ ہے، ڈی ایچ اے فیز فائیو میں واقع دونوں پراپرٹیز تہمینہ درانی کے نام ہیں ، تینوں نامزد ملزمان کے خلاف تحقیقات میں ثبوت سامنے آنے پر اثاثے منجمد کیے گئے، اثاثہ جات تب تک منجمد رہیں گے جب تک احتساب عدالت میں ریفرنس دائر نہیں کیا جاتا، نوٹیفکیشن کی معیاد پندرہ دن تک ہے ، پندرہ دن کے اندر نیب حکام احتساب عدالت سے رجوع کرینگے، حمزہ شہبازاور سلمان شہباز کے نام چنیوٹ میں واقع دو جائیدادیں بھی سیل کرنے کے احکامات جاری ، چنیوٹ میں واقع جائیداد کا 182کنال 7مرلہ 136سکوئرفٹ ہے، چنیوٹ میں واقع دوسری جائیداد کا رقبہ 209کنال 4مرلہ 136سکوئرفٹ ہے، حمزہ شہباز کی جوہر ٹاون لاہور میں واقع پانچ پانچ مرلہ کے 9 پلاٹ بھی سیل کرنے کے احکامات جاری، جوڈیشل کالونی لاہور میں واقع حمزہ شہبازشریف کے نام پر خریدے گئے ایک کنال سے زائد رقبہ کے چار پلاٹس بھی سیل کرنے کے احکامات جاری کر دیئے گئے۔