Category پراپرٹی گائیڈ

لاہور(رپورٹ:ذیشان علی +ایمرا نیوز آن لائن)ضلعی انتظامیہ لاہور کے افسران کے اراضی ریکارڈ سنٹرز کے دورے۔ ایڈیشنل ڈپٹی کمشنر ریونیو اصغر جوئیہ اور اے سی سٹی تبریز مری کے دورے ایڈیشنل ڈپٹی کمشنر ریونیو اصغر جوئیہ کا تحصیل سٹی و رائیونڈ اور اے سی سٹی تبریز مری کا تحصیل سٹی کے اراضی ریکارڈ سنٹرز کا دورہ۔

افسران نے سروس سنٹرز میں انتظامی امور کا جائزہ لیا۔سنٹرز میں تعینات ملازمین کی حاضری کو چیک کیا۔سنٹرز میں کمپیوٹر سیکشن کو چیک کیا۔ریکارڈ اور زیر التوا کیسز کا جائزہ لیا۔سروس سنٹرز میں آئے ہوئے سائلین سے انتظامات اور انتظامیہ کے برتاو¿ کے بارے میں دریافت کیا۔سائلین نے تسلی بخش جوابات دئیے۔

افسران نے سنٹرز میں تعینات ملازمین سے بھی بریفنگ لی، ان سے کام کے متعلق پوچھا۔افسران نے زیر التوا کیسز کو فوری طور پر نمٹانے کی ہدایت کی۔سنٹرز انچارج اور ملازمین کو سائلین سے اچھا برتاو¿ رکھنے اور ان کی شکایات کا فوری ازالہ کرنے کی بھی ہدایت کی۔افسران نے سنٹرز میں صفائی ستھرائی کے انتظامات کو مزید بہتر کرنے کی ہدایت بھی کی۔

لاہور(رپورٹ:ذیشان علی+ ایمرا نیوز آن لائن )ضلعی انتظامیہ لاہور کا سرکاری زمین کو واگزار کروانے کے لئے آپریشن جاری ہے۔ذرائع نے بتایا کہ اے سی رائیونڈ عدنان بدر کا موضع خود پورہ تحصیل رائیونڈ نے اچانک دورہ کیا۔اے سی رائیونڈ عدنان بدرکا کہنا تھا کہ سرکاری زمین کو قبضہ مافیا سے چھڑوانے کے لئے دورہ کیا گیا۔اے سی رائیونڈ عدنان بدر نے بتایا کہ قابضین سے 16 کنال سرکاری زمین کو واگزار کروا لیا گیا ہے۔زمین کی کل مالیت 10 ملین ہے۔4 افراد نے زمین پر قبضہ کر رکھا تھا اور وہ لوگ موقع پر فرارہو گئے ۔ایف آئی آر کا اندراج کروایا گیا ہے۔ڈی سی لاہور دانش افضال کی خصوصی ہدایت پر کاروائی کی گئی۔

لاہور(رپورٹ ذیشان علی + ایمرا نیوز آن لائن) ڈی سی لاہور دانش افضال کے اراضی ریکارڈ سنٹرز کے دورے کئے۔ڈی سی لاہور دانش افضال نے تحصیل ماڈل ٹاو¿ن اور کینٹ اراضی ریکارڈ سنٹرز کے دورے کئے۔اے سی ماڈل ٹاؤن ذیشان نصر اللہ رانجھا بھی ہمراہ تھے۔انتظامی امور کا جائزہ لیا گیا۔سٹاف کی حاضری کو چیک کیا گیا۔ڈی سی لاہور دانش افضال نے ریکارڈ اور زیر التوا کیسز کا جائزہ لیا.۔ڈی سی لاہور دانش افضال نے زیر التوا انتقال اراضی کے کیسز کو چیک کیا۔ڈی سی لاہور دانش افضال نے اراضی ریکارڈ سنٹرز کے انچارج کو زیر التوا کیسز کو فوری طور پر نمٹانے کی ہدایت کی کہکیسز کو فوری نمٹا کر رپورٹ جمع کروانے کی بھی ہدایت کی گئی۔ڈی سی لاہور دانش افضال نے سنٹرز میں آئے ہوئے سائلین سے بھی انتظامیہ اور ملازمین کے رویہ کے بارے میںپوچھا گیا۔

لاہور(رپورٹ:ذیشان علی+ ایمرا نیوز آن لائن) کرایہ داری ایکٹ میں ترمیم عوام الناس کے لئے وبال جان بن گئی بورڈ آف ریونیو کے شعبہ رجسٹریشن برانچ کے سٹاف نے کرایہ داری کی سیل ڈپو کو رجسٹرڈ کرنے کی بجائے اعتراضات کی بھرمار کر دی، شہریوں کی جانب سے شدید احتجاج ، رجسٹریشن میں لڑائی جھگڑے کے واقعات رونما ہونے لگے، میڈیا کی جانب سے کئے جانے والے سروے کے دوران معلوم ہوا ہے کہ پنجاب حکومت کی جانب سے کرایہ داری ایکٹ میں ترمیم کے بعد بورڈ آف ریونیو کے شعبہ رجسٹریشن برانچوں کے سب رجسٹرار اور رجسٹری محرر کو اختیار دیدیا گیا ہے کہ وہ کرایہ داری کی ڈیڈ رجسٹرڈ کرے تاہم 9ٹاﺅنوں کے سب رجسٹرار اور رجسٹری محرروں نے کرایہ داری ڈیڈ کو رجسٹرڈ کرنے میں تعاون نہ ملنے پر اعتراضات کی بھرمار کر دی اور ایسے ایسے اعتراضات لگائے جا رہے ہیں جس سے کرایہ داری ڈیڈ تاخیر اور التوا میں پڑ چکی ہے اور سینکڑوں کی تعداد میں شہریوں کو خواری کا سامنا کرنا پڑ رہا ہے شہری محمد عاطف، اسلم خان ، وقار شاہ ، نوید گھمن، تنویر شاہ نے الزام عائد کیا کہ کرایہ داری ڈیڈ کی رجسٹریشن کی آڑ میں رشوت طلب کی جا رہی ہے پیسے نہ دینے والے شہریوں کی کرایہ داری ڈیڈ پر اعتراضات جان بوجھ کر لگائے جا رہے ہیں ۔ممبر ٹیکسرز فوری نوس لیں، شہری محمد اختر بٹ، آغا نوید، شرجیل خان، مزمل جٹ اور ہمایوں شاہ نے آگاہی دی کہ یہاں تو سب رجسٹرار صاحبان کو کرایہ داری کے ملنے والے اختیار کی سمجھ بوجھ نہ ہے یا وہ جان بوجھ کر اسی معاملے پر عوام الناس کو تنگ کر رہے ہیں جن پر ان کے مقاصد بھی عیاں ہو چکے ہیں ممبر ٹیکسرز اور ایڈیشنل ڈپٹی کمشنر جنرل فوری نوٹس لیں اور معلوم کریں کہ ضلع لاہور میں کرایہ داری ڈیڈ کے کتنے کاغذات التوا میں ڈال دیئے گئے ، شہریوں کی جانب سے کرایہ داری ڈیڈ پر اعتراضات لگانے پر احتجاج زور پکڑ گیا ، اختیارات کا ناجائز استعمال اور رشوت وصولی کی ڈیمانڈ کی روک تھام کے لئے ڈی جی اینٹی کرپشن پنجاب سے بھی فوری نوٹس لینے کی اپیل کر دی ہے۔

لاہور(رپورٹ:عامر بٹ سے + ایمرا نیوز آن لائن ) وزیر اعظم پاکستان عمران خان نیازی کی ہدایت پرنظر انداز ضلعی انتظامیہ بے نامی جائیدادوں کا سراغ لگانے میں ناکام ہو گئی، این جی آر اور ضلعی انتظامیہ کے اشتراک سے شروع کی جانے والی پریکٹس ضلع لاہور میں بند کر دی گئی۔ ریونیو سٹاف کے عدم تعاون کے باعث بے نامی جائیدادوں کے مالکان محفوظ رہے

میڈیا کو ملنے والی معلومات کے مطابق ایک طرف تو وزیر اعظم پاکستان عمران احمد خان نیازی بے نامی جائیدادوں کے مالکان کو ٹیکس نیٹ میں لانے کے لئے بھرپور کوششیں کر رہے ہیں مگر دوسری جانب بیورو کریسی کی عدم توجہی اور لاپرواہی کی پریکٹس وزیر اعظم کی ان کوششوں کو ناکام بنانے میں اہم کردار ادا کر رہی ہے مزیدم علوم ہوا ہے کہ صوبائی دارالحکومت میں ضلعی انتظامیہ اور ایف بی آر کے اشتراک سے بے نامی جائیدادوں کے مالکان کا سراغ لگانے کی ناکام

کوششیں سب پر عیاں ہو چکی ہے اور کئی ماہ گزر جانے کے بعد بھی بے نامی جائیدادوں کے مالکان کا کوئی سراغ نہ لگایا جا سکا اور ضلع لاہور میں بے نامی جائیداد کے کسی مالک کو منظر عام پر نہیں لایا جا سکا ذرائع سے معلوم ہوا ہے کہ ریونیو سٹاف کی کثیر تعداد نے بے نامی جائیدادوں کے مالکان کو الٹا تحفظ فراہم کیا ہے اور خود محکمہ ریونیو کے سٹاف کی بے نامی جائیدادوں کی ایک لمبی فہرست کا بھی تعین نہیں کیا جا سکا بے نامی جائیدادوں کے حوالے سے جو فارم دیئے گئے تھے اور جس رولز کے مطابق یہ پالیسی بنای گئی تھی

اس پر اتنی خامیاں اور بے نامی جائیدادوں کے مالکان کے لئے آسانی تھی کہ کسی بھی صورت اس کا تعین نہیں لگایا جا سکتا تھا ذرائع کا مزید کہنا تھا کہ اس کے علاوہ ضلعی انتظامیہ کی جانب سے بھی بے نامی جائیدادو ں کے مالکان کا سراغ لگانے میں عدم دلچسپی کا مظاہرہ کیا گیا اور اس وقت صورتحال یہ ہے کہ کوئی بھی محکمہ بے نامی جائیدادوں کے حوالے سے خاص کر ضلعی انتظامیہ اقدامات کرنے سے گریزاں ہے جس کا وزیر اعظم پاکستان اور وزیر اعلیٰ پنجاب کو فوری نوٹس لینے کا مطالبہ بھی کیا گیا ہے۔

لاہور (رپورٹ:ذیشان علی + ایمرا نیوز آن لائن )پی ایچ اے ایمپلائز یونین سی بی اے لاہور کے عہدیداران کی ڈی جی پی ایچ اے لاہور مظفر خان سے ملاقات ،جیلانی پارک ہیڈآفس میں چیئرمین پی ایچ اے ایمپلائز یونین چوہدری محمودالاحد ، صدر مشتاق بھٹی، چیف آرگنائزر محمد عارف،سرپرست ساجد امین تتلہ، جنرل سیکرٹری جمتازعلی خان، چیف کوآرڈی نیٹر فلک شیر پراچہ ، ڈپٹی چیئرمین سمیت پی ایچ اے ورکرز کے ہمراہ ڈی جی پی ایچ اے لاہور مظفر خان کو شہر لاہور میں تعیناتی پر مبارکباد اور پھول پیش کیے۔شہر لاہور کو سر سبز اور شاداب بنانے کیلئے مل کر کام کرنے سے ہی مثبت نتائج حاصل کیے جا سکتے ہیں۔ پی ایچ اے ایمپلائز یونین ورکرز کے مسائل کے حل اور ادارے کی بہتری کیلئے کام کریں۔ ڈی جی پی ایچ اے لاہور مظفر خان کی سربراہی میں ادارے کی تعمیر و ترقی کیلئے مل کر کام کریں گے۔پی ایچ اے ایمپلائز یونین سی بی اے  مزدور طبقے کی مسائل کے حل کیلئے جدوجہد کررہی ہے۔ مزدور طبقے کے مسائل کا حل اور ان کے حقوق  کی پاسداری کیلئے ہر ممکن اقدامات کر رہے ہیں۔ڈی جی پی ایچ اے لاہور مظفر خان ادارے کو رول ماڈل بنانے کیلئے وزیراعظم کے ویژن کے مطابق سی بی اے یونین کو ساتھ لے کر چلیں گے۔

البانیہ(میڈیا 92نیوزآن لائن) میں شدید زلزلے نے تباہی مچادی جس کے نتیجے میں 4 افراد ہلاک ہوگئے۔

برطانوی نشریاتی ادارے کے مطابق زلزلے کی شدت 6.4 ریکارڈ کی گئی جس کے نتیجے میں کئی عمارتیں زمین بوس ہوگئیں اور لوگ ملبے تلے دب گئے۔ زلزلے کے نتیجے میں اب تک 4 افراد کے ہلاک ہونے کی تصدیق ہوئی ہے جن میں سے ایک شخص زلزلے کے خوف سے اونچی عمارت سے چھلانگ لگانے کے باعث گرکر ہلاک ہوا۔

البانیہ کی وزارت دفاع نے ہلاکتوں کی تصدیق کرتے ہوئے بتایاکہ زلزلے میں ابتدائی طور پر 150 سے زائد افراد کے زخمی ہونے کی اطلاعات ہیں۔ برطانوی میڈیا کا بتانا ہے کہ زلزلہ منگل کی علی الصبح آیا جس نے دارالحکومت کے 34 کلو میٹر کے شمال مغربی علاقے کو متاثر کیا جب کہ زلزلہ سربیا کے شہر سمیت پورے خطے میں 700 کلو میٹر تک محسوس کیا گیا۔

ریسکیو حکام نے زلزلے کے نتیجے میں ملبے سے تین افراد کی لاشیں نکالنے کی تصدیق کردی ہے جن میں ایک بوڑھی خاتون بھی شامل ہیں۔ ترجمان وزارت دفاع کا کہنا ہے کہ ملبے تلے افراد کو نکالنے کے لیے ریسکیو اہلکار اور آرمی کی ٹیمیں امدادی کارروائیوں میں مصروف ہیں۔ یورپی زلزلہ پیما مرکز کے مطابق البانیہ میں زلزلے کے بعد متعدد آفٹر شاکس بھی ریکارڈ کیے گئے جن کی شدت 5.3 تک تھی۔

لاہور(رپورٹ:ذیشان علی سے+ایمرا نیوز آن لائن)معطلی کے بعد ریکارڈ لیکر بھاگنے کی روایت قائم،محکمہ مال کے پٹواریوں نے عوام الناس کی بڑی تعداد کو عذاب میں ڈال دیا۔محکمہ ریونیو کی انتظامی سیٹوں پر براجمان افسران پٹواریوں کی جانب سے ریونیو ریکارڈ اور شہریوں کی رجسٹری اور دستاویزات لیکر روپوش ہو جانے والی غیر قانونی پریکٹس کو ختم کروانے میں نا صرف بڑی طرح ناکام ہو چکے ہیں بلکہ سالہ سال سے جاری اس غیر قانونی پریکٹس کی روک تھام کیلئے کوئی بھی موثر اقدامات کرنے میں بھی کامیابی حاصل نہیں کر پائے ہیں

شہریوں کی بڑی تعداد محکمہ مال کے اعلی افسران کی مجرمانہ خاموشی کیخلاف سراپا احتجاج بن گئی ۔مزید معلوم ہوا ہے کہ محکمہ ریونیو کے با اثر پٹواریوں نے کرپشن ورشوت وصولی اور اختیارات کے ناجائز استعمال کی شکایات پر معطل ہونے کے بعد معطل کرنے والے آفسر سے بدلہ لینے کیلئے ریونیو ریکارڈ اور عوام الناس کی رجسٹری ودستاویزات لیکر بھاگ جانے کا غیر قانونی راستہ اختیار کر لیا ہے محکمہ مال کے اعلی افسران کی عدم توجہ کے باعث ریکارڈ لیکر بھاگنے کی اس پریکٹس میں تیزی سے اضافہ دیکھنے میں آیا ہے ۔

میڈیا کی جانب سے کیے جانے والے سروے کے مطابق اس وقت بھی پٹوار سرکل کوٹ خواجہ سعید پٹواری محمد افضل ریونیو ریکارڈ اور کروڑوں روپے مالیت کی سینکڑوں رجسٹری دستاویزات لیکر فرار ہو چکا ہے جس کے باعث کماھاں کے سینکڑوں شہریوں کو شدید مشکلات کا سامنا کرنا پڑ رہا ہے جبکہ اس محکمہ کے ذمہ دار افسران نے مجرمانہ خاموشی اختیار کر رکھی ہے اسطرح پٹوار سرکل فتح گڑھ میں تعینات پٹواری شفاقت بھٹی بھی گزشتہ کئی دنوں سے ریونیو ریکارڈ اور شہریوں کی رجسٹریاں لیکر فرار ہوگیا۔

اس کے علاوہ پٹوار سرکل موضع جلو کے پٹواری رانا ارشد معطلی کے بعد ریکارڈ لیکر رو پوش ہو گیااور شہریوں کی بڑی تعداد ریکارڈ کی واپسی کی منتظر ہے جبکہ حسب حال محکمہ ریونیو کے اعلی افسران اس پر بھی خاموش ہیں ۔قابل ذکر بات یہ ہے کہ ریکارڈ لیکر بھاگ جانے کی اس روایت نے بہت عرصہ قبل ہی جنم لیا تھا اور محکمہ مال کی انتظامی سیٹوں پر براجمان افسران کو ایسی حرکت کرنے والے پٹواریوں کے خلاف کچھ اس انداز سے کارروائی عمل میں لانی چاہیے تھی کہ آئندہ کوئی بھی پٹواری ریکارڈ لیکر بھاگنے کی حرکت نہ کرتا تاہم محکمہ مال کے ذمہ دار افسران کی جانب سے مسلسل خاموشی اور لاپرواہی کے باعث اس غیر قانونی پریکٹس میں تیزی سے خوفناک حد تک اضافہ دیکھنے میں آیا ہے

یہاں یہ کہنا بے جانہ ہو گا کہ محکمہ ریونیو کے اعلی افسران کی خاموشی نے پٹواریوں کو اس راہ پر کامیابی سے چلنے کیلئے آمادہ کیا ہے۔تاہم ایڈیشنل ڈپٹی کمشنر ریونیو محمد اصغر جوئیہ نے اس معاملے کا نوٹس لیتے ہوئے کہا ہے کہ کوٹ خواجہ سعید، فتح گڑھ اور جلو کے پٹوار سرکل کا ریکارڈ24گھنٹوں میں پٹوار خانہ میں موجود ہو گا خلاف ورزی کرنے والوں کے خلاف مقدمات سالانہ درج ہو گا۔

لاہور(ایمرا نیوز آن لائن)حکومت کی نیا پاکستان ہاؤسنگ کے تحت اپارٹمنٹ کی قیمت 29 لاکھ 85ہزار اور ماہانہ قسط 67 ہزار ہو گی۔2 مرلہ پر 4 اپارٹمنٹس بنیں گے، ڈاؤن پیمنٹ 6لاکھ روپے، رقم 36 اقساط میں دینا ہوگی جب کہ ملتان میں گھر کے حصول کیلئےکم آمدنی والا طبقہ 67 ہزار روپے ماہانہ قسط ادا کریگا۔پنجاب ہاؤسنگ اینڈ ٹاؤن پلاننگ ایجنسی سب ریجن ملتان نےملتان میں نیاپاکستان ہاؤسنگ پروگرام کےتحت گھروں کیلئے 31 دسمبر تک درخواستیں طلب کی ہیں، ایریا ڈویلپمنٹ اسکیم یو بلاک مدنی چوک ملتان میں رہائشی اپارٹمنٹس تعمیرکئے جائیں گے۔

ایک اپارٹمنٹ کا رقبہ 2 مرلہ (550مربع فٹ) ہوگاجس پر4 اپارٹمنٹس تعمیر ہوں گے جن میں ایک اپارٹمنٹ کی قیمت 29 لاکھ 85 ہزار ہوگی اس طرح سرکار 2 مرلہ پر اپارٹمنٹس تعمیرکرکے ایک کروڑ 20 لاکھ روپے کمائےگی جب کہ ملتان میں 250 اپارٹمنٹس تعمیر کئے جائیں گے۔ایک اپارٹمنٹ پر 20 فیصد ڈاؤن پیمنٹ یعنی تقریباً 6 لاکھ روپے ادا کرناہونگے جب کہ باقی رقم 36 ماہانہ اقساط میں جمع کرائی جائے گی‘ماہانہ قسط لگ بھگ 67 ہزار روپے ماہانہ بنتی ہے۔

اس سکیم میں گھرکے خواہشمند کابے گھراور کم آمدنی والا ہونا شرط ہے، 25 سے 30 ہزار ماہانہ تنخواہ والےافراد درخواست دینےکے اہل ہونگے، قرعہ اندازی میں سرکاری ملازمین‘معذور افراد، بے سہارا اور عام شہری شامل ہونگےجو 67 ہزار روپے ماہانہ قسط دینےکے پابند ہونگے۔درخواست کےہمراہ 10 ہزار روپے زر ضمانت بھی جمع کراناہوگاجوآخری قسط میں ایڈجسٹ کیا جائیگا۔

فیصل آباد(ایمرا نیوز آن لائن) فیصل آباد کے اراضی ریکارڈ سینٹرز کے ملازمین کی جانب سے گزشتہ کئی دنوں سے جاری ہڑتال کی وجہ سے سائلین دربدر کی ٹھوکریں کھانے پر مجبور ہیں جبکہ حکام ہڑتال ختم کروانے میں بھی ناکامی کا شکار ہیں۔

فیصل آباد میں کبھی وکلاء کی ہڑتال تو کبھی اراضی ریکارڈ سینٹرز کے ملازمین کا احتجاج۔ فرد اور رجسٹری کا حصول شہریوں کے لئے وبال جان بن گیا۔ ملازمین کو مستقل کرنے، تنخواہوں میں اضافے سمیت دیگر مطالبات کے حصول کیلئے پنجاب بھر کے لینڈ ریکارڈ سینٹرز کے ملازمین گزشتہ 14روز سے ہڑتال پر ہیں جس سے شہریوں کو مشکلات کا سامنا ہے۔

ملازمین سے مذاکرات کی بجائے ضلعی انتظامیہ نے ریونیو ڈیپارٹمنٹ کے ملازمین کو عارضی طور پر تعینات کرتے ہوئے اراضی سینٹرز فعال کرنے کی کوشش تو کی مگر خاطر خواہ کامیابی حاصل نہ ہوسکی۔معاملے پر اسسٹنٹ کمشنر صدر ڈویژن کا کہنا ہے کہ سسٹم کے پاسورڈ اور آئی پیز نہ ہونے کی وجہ سے مشکلات درپیش ہیں۔اراضی سینٹرز کی بندش سے نہ صرف سائلین کو مشکلات کا سامنا ہے بلکہ ریونیو کولیکشن کم ہونے سے سرکاری خزانہ بھی خسارے کا شکار ہے۔