Category پراپرٹی گائیڈ

پشاور(ایمرا نیوز آن لائن) خیبر پختونخوا میں تحریک انصاف کے گزشتہ دورِ حکومت میں شروع ہونے والا میگا منصوبہ بی آر ٹی فنڈز کی تاخیر کے باعث سست روی کا شکار ہو گیا۔ میگا منصوبہ دسمبر 2019 میں بھی مکمل نہیں ہو سکے گا، صوبائی وزیر شوکت یوسفزئی کہتے ہیں کہ بی آر ٹی کا فرانزک آڈٹ کریں گے۔سابق وزیراعلی پرویز خٹک کا چھ ماہ میں مکمل کرنے کا دعوی، منصوبہ ٹھیکیداروں کو ادائیگیوں میں تاخیر کے باعث لٹک گیا، صوبائی حکومت نے بھی ایشئین ڈیویلپمنٹ بینک سے فرانزک آڈٹ کا فیصلہ کرلیا، رواں سال کے چھ ماہ کے دوران صرف چھ فیصد کام کیا گیا۔

بی آرٹی منصوبے میں صوبائی انسپکشن ٹیم نے بھی خامیوں کی نشاندہی کرائی، رپورٹ میں ناقص منصوبہ بندی، ڈیزائن میں بار بار تبدیلی ہی بی آر ٹی کی لاگت میں اضافے کا باعث قرار دی گئی۔میگا منصوبے میں تاخیر کی بنیادی وجہ فنڈز کا نہ ہونا قراردیا گیا ہے، ٹھیکیداروں کو ادائیگی نہ ہونے سے مزدورنہ صرف تنخواہوں سے محروم ہیں بلکہ سراپا احتجاج بھی ہیں۔بی آر ٹی منصوبے پر لاگت کا تخمینہ 49 ارب روپے لگایا گیا تھا جو اب 68 ارب روپے تک پہنچ گیا ہے، شہریوں نے بھی مںصوبہ بروقت مکمل نہ ہونے پر حکومت کو تنقید کا نشانہ بنایا۔

صوبائی وزیر اطلاعات کہتے ہیں کہ بی آر ٹی منصوبے پر کام اب تیز ہوگیا ہے، پیش آنے والے ایشوز کو حل کرلیا گیا ہے، دو یا تین ماہ میں منصوبہ مکمل ہوجائے گا۔بی آر ٹی کی عدم تکمیل جہاں پشاور کے شہریوں کے لیے اذیت بنی ہوئی ہے تو وہیں ہیروئنچیوں نے بھی شہر کے مختلف مقامات پرکوریڈور کے نیچے ڈیرے ڈال رکھے ہیں اور کھلے عام نشہ جاری ہے۔

لاہور(رپورٹ:ذیشان علی ،ایمرا نیوز آن لائن ) کمشنر لاہور کی ہدایت پر ٹرانسپورٹ اونرز فیڈریشن پنجاب ، ڈی کلاس اسٹینڈ ٹرانسپورٹرز اور آزاد ٹرانسپورٹ کمپنی کے ساتھ میٹنگ کا انعقاد کیا گیا۔ جس میں لاری اڈہ پر اٹھائے گئے اقدامات کے بارے میں بریفنگ دی گئی۔

جن میں ٹرانسپورٹرز کو جہاز پر لے جایا گیا۔لاری اڈا بادامی باغ کی سیوریج / تار پانی کی نالیوں کی اسکیمیں مجاز اتھارٹی سے منظور کروائی گی ۔ ٹرانسپورٹرز سے یہ بھی درخواست کی گئی تھی کہ وہ خصوصی طور پر نالی کے اطراف میں بس اسٹینڈ پر غیر قانونی پارکنگ یا اسٹینڈ نہ لگائیں جس کی وجہ سے ٹوٹ پھوٹ اور گندگی میں اضافہ ہو ۔کلین اینڈ گرین مہم کے تحت بھی صفائی مہم روزانہ کی بنیاد پر جاری رکھی جاتی ہے ۔

ایڈمنسٹریٹرلاری اڈا احمد رضا بٹ کی جانب سے ٹرانسپورٹرز کو اپنی بسوں کو خلیجوں پر نہ دھونے کی ہدایت کر رکھی ہے خلاف ورزی کی صورت میں بھاری جرمانے بھی وصول کیے جارہے ہیں ۔ایڈمنسٹریٹر لاری اڈا احمد رضا بٹ نے مزید آگاہی دی کہ بس اسٹینڈ کی ڈیجی ٹیلائزیشن کا سافٹ ویئر تیار کر لیا گیا ہے اور انفراسٹرکچر کے کاموں کے لئے ٹینڈر عمل کی آگاہی دیدی گئی ہے۔

ایڈمسٹریٹر لاڑی اڈا احمد رضا بٹ نے ٹرانسپورٹر کو اپنی بسوں کی رجسٹریشن کروانے کے لئے جہاں حتمی وارننگ دیدی ہے وہاں غیر رجسٹرڈ بسوں کے داخلے پر بھی پابندی عائد کر دی گی ہے۔

لاہور(ایمرا نیوز آن لائن) سپیکر پنجاب اسمبلی کی یقین دہانی پر پنجاب لینڈ ریکارڈ اتھارٹی کے ملازمین نے 12 روز بعد دھرنا ختم کر دیا۔ لینڈ ریکارڈ اتھارٹی کے ملازمین کا کہنا تھا کہ سپیکر پنجاب اسمبلی چوہدری پرویز الہیٰ نے انہیں دو ماہ کی مہلت دی ہے، جس کے تحت اتھارٹی کو حکم دیا گیا ہے کہ تمام قانونی تقاضے پورے کرکے ملازمین کے تمام مطالبات پورے کیے جائیں۔

اس سے قبل ہال روڈ کے تاجروں نے 12 روز سے مال روڈ پر دھرنا دئیے بیٹھے پنجاب لینڈ اتھارٹی کے ملازمین پر دھاوا بول دیا تھا۔ تاجروں نے کرسیاں میز توڑ دیے، ٹینٹ اور فلیکس اکھاڑ پھینکے تھے۔ پولیس کی بھی جرات نہ ہوئی کہ وہ کسی بھی پارٹی کو روکے۔ تاجروں نے کہا کہ عدالتی حکم کے باوجود دھرنا ختم نہ کرنا ہٹ دھرمی ہے۔دوسری جانب لاہور ہائیکورٹ نے بھی پیمرا کو تحریری حکم جاری کردیا تھا کہ مال روڈ پر ہونے والے تمام دھرنوں اور احتجاجوں کو میڈیا کوریج نہیں دی جائے گی۔

پراپرٹی مارکیٹ کے حصہ داروں اور صارفین کے لیےآسانیاں پیدا کرنا مقصد ہے:ڈائریکٹر کمیونکیشنز‘ ابراہیم سہیل

لاہور (وقت نیوز رپورٹ سبط اعوان سے) پاکستان کے سب سے بڑے رئیل اسٹیٹ پورٹل زمین ڈاٹ کام کی جانب سے ’’پلاٹ فائنڈ ر‘‘ کے نام سے نئی پراڈکٹ لانچ کر دی گئی ہے۔ مقامی ہوٹل میں منعقد ہونے والی تقریب میں اس پراڈکٹ کو ذرائع ابلاغ کےنمائندوں کے سامنے پیش کیا گیا ۔ پلاٹ فائنڈر نقشوں پر مشتمل پراڈکٹ ہے، جہاں سے صارفین شہروں میں پلاٹوں کے حوالے سے بہت سی تفصیلات جان سکیں گے۔ اس میں پاکستان بھر سے 2500 سے زائد ہاؤسنگ سوسائٹیز کی درست حد بندی اور 12 لاکھ سے زائد گھروں اور پلاٹس کی درست معلومات دستیاب ہیں، جو کہ وقت کے ساتھ تیزی سے بڑھتی رہیں گی۔ تقریب میں زمین ڈاٹ کام کی جانب سے ڈائریکٹر کارپوریٹ کمیونکیشنزابراہیم سہیل اور سینئر ڈائریکٹر سنٹرل ریجن شیخ شجاع اللہ خان سمیت زمین ڈاٹ کام کی سینئر مینجمنٹ موجود تھی ۔

پلاٹ فائنڈ ر سے پاکستان بھر کی 2500 سے زائد سوسائیٹرز کو نقشہ کی مدد سے سرچ کیا جا سکتا ہے، اس کے علاوہ پلاٹس کی تلاش اور ان کی تفصیلات جیسا کہ پلاٹ نمبر، پتہ، درست لوکیشن ،رقبہ وغیرہ کی معلومات بھی دستیاب ہیں۔ اس پراڈکٹ میں ذاتی کلیکشن بنانے کی سہولت بھی دی گئی ہے، جس کو دوسروں کے ساتھ باآسانی شئیر بھی کیا جا سکتا ہے ۔

میڈیا سے گفتگو کرتے ہوئے ابراہیم سہیل نے کہا کہ روز اول سے زمین ڈاٹ کام کا مقصد پراپرٹی مارکیٹ اور اس سے منسلک تمام لوگوں کیلئے آسانیاں پیدا کرنا ہے۔ ہم نے رئیل اسٹیٹ کو ٹیکنالوجی کی مدد سے سب کیلئے آسان بنایا ہے اور اسی لئے ہماری ویب سائٹ کو ماہانہ پچپن لاکھ سے زائد وزٹس حاصل ہوتے ہیں۔ ان کا کہنا تھا کہ پلاٹ فائنڈر کا بنیادی مقصد بھی لوگوں کیلئے آسانی ہی ہے۔ پہلے کاغذ کے بڑے نقشوں پر پلاٹس کے حدود اربع وغیرہ کو سمجھنا ایک مشکل کام تھا لیکن اب کے بعد نقشوں کا کام بھی ڈیجیٹل ہو گیا ہے،جس کو کوئی بھی باآسانی سمجھ سکتا ہے ۔ ان کا مزید کہنا تھا کہ ایسی مزید سہولیات بھی زمین ڈاٹ کام کی جانب مستقبل میں پیش کی جاتی رہیں گی۔

شیخ شجاع اللہ خان نے کہا کہ پلاٹ فائنڈر کا فائدہ سب کو ہوگا بالخصوص رئیل اسٹیٹ ایجنٹس کو اس کا سب سے زیادہ فائدہ ہوگا۔ اُن کا کہنا تھا کہ اس پراڈکٹ کی مدد سے وہ اپنی ذاتی کلیکشن بھی بنا سکتے ہیں، اس کو اپنے کلائنٹس کے ساتھ باآسانی شیئر بھی کر سکتے ہیں، اور ہمیشہ کے لیے کاغذ کے نقشوں سے آزاد ہو سکتے ہیں ۔ اُنہوں نے کہا کہ اس سے جہاں وقت کی بچت ہوگی، وہیں دوسری جانب سیلز میں بھی خاطر خواہ اضافہ ہوگا،جس سے مجموعی طور پر کارکردگی پر مثبت اثرات مرتب ہونگے۔ اُن کا کہناتھا کہ رئیل اسٹیٹ کے شعبے میں منفرد اور نیا کرنے کی بہت گنجائش باقی ہے اور زمین ڈاٹ کام یہ کام مستقبل میں بھی جاری رکھے گی۔
زمین ڈاٹ کام کے ایسوسی ایٹ ڈائریکٹر جیومیٹکس علی ہارون نے کہا کہ پاکستان کی رئیل اسٹیٹ مارکیٹ میں ایک مسئلہ ڈیٹا کی قلت کا رہا ہے اور بالخصوص جیو لوکیشن کا ڈیٹا بہت کم ہے۔ زمین نے اس چیلنج کو قبول کرتے ہوئے کام کا آغاز کر دیا ہے اور اب ہم پاکستان بھر کے نقشوں کو ڈیجیٹل کر رہے ہیں۔ اس کیلئے ہمارے ڈیٹا سائنسدان، انجینئرز اور پروگرامرز دن رات محنت بھی کر رہےہیں۔چونکہ یہ بہت بڑا منصوبہ ہے لہذا اس میں کافی وقت درکار ہوگا تاہم اب تک ہم پاکستان کے 38 شہروں سے 1.2 ملین یعنی 12 لاکھ پراپرٹیز کو ڈیجیٹل نقشوں پر منتقل کر چکے ہیں۔اُن کا کہنا تھا کہ اگرچہ یہ بڑی کامیابی ہے، تاہم ہمارا سفر جاری ہے اور انشااللہ ہم پاکستان بھر کے نقشوں کو ڈیجیٹل پلیٹ فارم پر منتقل کریں گے۔
سینئر پراجیکٹ منیجر محمد وقاص کا میڈیا کے نمائندوں سے گفتگو کرتے ہوئے کہنا تھا کہ زمین نے آج تک جو بھی خدمات فراہم کی ہیں اور جتنے بھی پلیٹ فارمز متعارف کروائے ہیں، اُن میں ایک قدرِ مشترک یہ رہی ہے کہ صارفین کی ضروریات اور خواہشات کو مدنظر رکھا گیا ہے۔اُن کا کہنا تھا کہ پلاٹس کی خریداری اور فروخت کے عمل کو ہم مزید آسان بنا رہے ہیں۔اُنہوں نے بتایا کہ پلاٹ فائنڈ ر رئیل اسٹیٹ کے کاروبار کو فروغ دینے کیلئے زمین کی جانب سے متعارف کروائی جانے والی مصنوعات میں سے ایک ہے ۔ ہم وہ چیزیں بنا رہے ہیں جس سے اس کاروبار سے وابستہ لوگوں کے کام آسان ہو جائیں۔
اس موقع پر سینئر پراجیکٹ منیجر محمد وقاص نے میڈیا کے نمائندوں کے سامنے پلاٹ فائنڈر کا عملی مظاہرہ بھی کیا۔
پلاٹ فائنڈ ر کی خصوصیات
• پلاٹ نمبرز
o پلاٹ کا پتہ اور نقشے پر لوکیشن
o رقبہ (5 مرلہ، 10 مرلہ، ایک کنال وغیرہ)
o پلاٹ کی قسم ( کمرشل، رہائشی ، انڈسٹریل)
• پلاٹس کو اپنے کلائنٹس اور دوستوں کے ساتھ شئیر کرنے کی سہولت
• ذاتی پلاٹ کلیکشن کا بنانا اور اس کو محفوظ کرنا
• اپنی ذاتی انونٹری کیلئے یا خریداروں کیلئے پلاٹس کو شارٹ لسٹ کرنا
• اپنی کلیکشن کو کلائنٹس، فیملی یا دوستوں کے ساتھ شئیر کرنا

جاری کردہ: زمین میڈیا پرائیوٹ لمیٹڈ
برائے رابطہ : سالار سلیمان 0300-8567531 [email protected]

(ایمرا نیوزآن لائن) چین کے شہر چانگشا میں حال ہی میں ایک بلڈر نے مالکان کو نئے رہائشی کمپلیکس میں پارک اور جھیل کے نام پر پلاسٹک کی جھیل بنا کر چونا لگادیا۔

رہائشی کمپلیکس کے مالکان کا کہنا ہے کہ بلڈر نے ان سے کمپلیکس میں جھیل اور پارک ویو بنانے کا کہا تھا لیکن یہ سب دیکھنے کے بعد ہم بہت ناخوش ہیں۔

مالکان نے بتایا کہ کمپلیکس کا درمیانی جھیل والا حصہ ایک نیلے رنگ کے پلاسٹک کے مواد سے بنا ہوا تھا جو کہ ایک جعلی جھیل تھی، اس نقلی پلاسٹک کی جھیل پر لکڑی کا چھوٹا سا پُل بنایا گیا تھا اور یہ ویسی نہیں تھی جس کی لوگ امید کر رہے تھے۔

رہائشی کمپلیکس کے ایک اور مالک کا کہنا تھا کہ ’میں جھیل کے بیچ میں پانی پر کھڑا ہوں، اس جھیل میں پانی نہیں بلکہ یہ ایک پلاسٹک سے بنی نقلی جھیل ہے۔‘ متعدد مالکان نے بلڈر کے بنائے ہوئے اس نقلی لیک ویو سے اپنی ناراضگی کا اظہار کیا۔

دوسری جانب عمارت تعمیر کرنے والی کمپنی کا کہنا تھا کہ ہم نے کبھی بھی اپنے اپارٹمنٹ کمپلیکس کے اندر مصنوعی جھیل کا وعدہ نہیں کیا تھا جب کہ مالکان کا کہنا ہے کہ اس رہائشی کمپلیکس کے بروشر میں پلاسٹک کی جھیل سے زیادہ خوبصورت جھیل بنی ہوئی دکھائی دے رہی تھی۔

لاہور(ایمرا نیوز آن لائن ) ایڈیشنل ڈپٹی کمشنر ریونیو محمد اصغر جوئیہ نئے تحصیل رائے ونڈ کا دورہ کیا ، اسسٹنٹ کمشنر عدنان بدر سے اراضی ریکارڈ سنٹر میں ہونے والے بنیادی کاموں کی تفصیلات طلب کرلی قوانین پر عمل درآمد نہ کرنے پر دو پٹواریوں کو شوکاز نوٹس جاری کر دئیے گے ۔

ٹور پروگرام کے مطابق تحصیل رائے ونڈ میں انتقالات کے اندراج ، فردوں کے اجرا ، اور سٹاف کی حاضری ٹائمنگ بھی دیکھی گی ۔ایڈیشنل ڈپٹی کمشنر ریونیو محمد اصغر جوئیہ نے اسٹنٹ کمشنر رائے ونڈ عدنان بدر کو واضع ھدایات جاری کر دی

تحصیل میں پرچہ رجسٹری کی خلاف ورزی ، سرکاری ریکارڈ پر پرائیویٹ عملے کی ماجودگی ، اور روزہ مرہ کے بینادی کاموں میں سستی اور تاخیر کسی صورت برادشت نہیں کی جائے گی

لاہور(ایمرا نیوز آن لائن ) ایل ڈی اے نے شہر میں ملائشین طرز کے انفراسٹرکچر کی تعمیر کا فیصلہ کرلیا، ڈی جی ایل ڈی اے عثمان معظم 21 نومبر کو چار روزہ مطالعاتی دورہ کرنے ملائشیا جائیں گے۔

عثمان معظم ملائشیا میں انفراسٹرکچر اور ڈویلپمنٹ سے متعلق کانفرنس میں شرکت کریں گے، ہائی رائز بلڈنگ، روڈ انفراسٹرکچر کا تفصیلی معائنہ بھی کریں گے۔

لاہور(ایمرا نیوز آن لائن نیوز)پرچہ رجسٹری قانون پر عمل درآمد نہ کرنے اور ریونیو قوانین کی خلاف ورزی کرنے پر معطل ہونے والا جلو کا پٹواری سرکاری ریکارڈ اور عوام الناس کی اصل رجسٹریاں دستاویزات لیکر رپورش ہو گیا ۔

ایڈیشنل ڈپٹی کمشنر ریونیو محمد اصغر جوئیہ نے گذشتہ روز تحصیل شالیمار کی انسپکشن کی ، پٹوار سرکل جلو کے پٹواری رانا ارشد کو خلاف ضابطہ کام کرنے پر معطل کردیا ۔پٹوار سرکل جلو کا پٹواری معطل ہونے کے فوری بعد سرکاری وغیر سرکاری افراد کا تمام ریکارڈ لیکر موقع سے فرار ہو گیا

شہریوں کا شدید احتجاج ، ڈی سی لاہور سے فوری نوٹس لینے کا مطالبہ کر دیا ۔پٹواری رانا ارشد نے ریکارڈ واپسی اپنی بحالی کی شرط سے مشروط کر دیا جب تک بحال نہیں کیا جائے گا اور اسی سرکل میں نہیں لگایا جائے گا ریکارڈ واپس نہیں کروں گا پٹواری نے انتظامیہ کو انتباہ کر دیا۔

لاہور(ایمرا نیوز آن لائن )مقامات کی انسپکشن ، 56 گراں فروشوں کے خلاف کاروائیاں ،908.500کے جرمانے اور چار افراد کو حوالات کی سیر کروانے والے اسٹنٹ کمشنر رائے ونڈ عدنان بدر گراں فروشوں کیلئے وبال جان بن گئے۔

ڈپٹی کمشنر لاہور آفس کی جانب سے تحصیل رائے ونڈ کی مورخہ 15-11-2019 کی انسکپشن رپورٹ جاری کردی گی ۔اسٹنٹ کمشنر رائے ونڈ عدنان بدر حسب روٹین اپنی کارگردگی کا لوہامنوانے میں کامیاب نظر آئے ۔

ڈپٹی کمشنر لاہور دانش افضال نے تمام پرائس کنٹرول مجسٹریٹ صاحبان کو گراں فروشوں کے خلاف بلاامیتاز کاروائیاں جاری رکھنے کی ہدایت کر دی۔

اسلام آباد(ایمرا نیوز آن لائن) کیپٹل ڈیولپمنٹ اتھارٹی (سی ڈی اے) نے انٹیلی جنس ایجنسیوں کو الاٹ کردہ زمین کی لاگت جاننے کے لیے وفاقی حکومت کی خدمات حاصل کرنے کا فیصلہ کرلیا۔ذرائع کے مطابق سی ڈی اے کا کہنا تھا کہ 2009 میں ایک شہری ادارے نے زون 4 میں 45 ایکڑ زمین ایجنسی کو الاٹ کی تھی جس کے لیے وزیراعظم کی منظوری لازمی تھی۔زیراعظم نے 2018 میں منظوری دی تھی اور اب سی ڈی اے اس بات پر غور کررہا ہے کہ زمین کے لیے 2009 کی قیمت چارج کی جائے یا 2018 کی قیمت مقرر کی جائے۔اس ضمن میں ذرائع کا کہنا تھا کہ وفاقی حکومت کی جانب سے سی ڈی اے کو رقم ادا کی جانی تھی کیوں کہ مذکورہ زمین سرکاری رہائش گاہوں کے لیے خریدی گئی تھی۔

چنانچہ سی ڈی اے کے چیئرمین عامر علی احمد کی سربراہی میں ہونے والے سی ڈی اے بورڈ کے اجلاس میں یہ معاملہ زیر غور آیا جس میں ذرائع کے مطابق تمام افراد کا موقف یہی تھا کہ زمین کی قیمت 2009 کے حساب سے طے کی جائے۔ان کا کہنا تھا کہ سی ڈی اے بورڈ مذکورہ معاملہ زمین کی قیمت اور ادائیگی کی قسطوں کے بارے میں رائے لینے کے لیے وفاقی حکومت کو بھجوائے گا۔ذرائع کا یہ بھی کہنا تھا کہ سال 2009 میں زمین کی قیمت 2 ہزار 200 روپے فی مربع گز تھی جبکہ گزشتہ برس جب وزیراعظم نے سمری منظور کی تو اس میں 2014 کی قیمت مقرر کردی گئی تھی جو 7 ہزار 200 روپے فی مربع گز تھی۔اس بارے میں ایک سی ڈی اے عہدیدار کا کہنا تھا کہ یہ حکومت سے حکومت کا معاہدہ ہے یہ زمین حکومت سرکاری مقاصد کے لیے ایک حکومتی ایجنسی کے لیے خرید رہی ہے تو سہولت فراہم کرنا ہمارا فرض ہے۔

اسی اجلاس میں سی ڈی اے بورڈ نے سیکڑ 1-11/2 میں گرڈ اسٹیشن کے لیے ایک زمین کی بھی منظوری دی تا کہ رہائشیوں کو درپیش بجلی کا مسئلہ حل ہوسکے۔علاوہ ازیں اجلاس میں سی ڈی اے کی ہاؤسنگ اسکیم پارک انکلیو 2 میں الاٹ کردہ پلاٹ کے لیے ادائیگیوں کو ری شیڈول کرنے کا بھی فیصلہ کیا گیا۔خیال رہے کہ سی ڈی اے نے جنوری 2016 میں پارک انکلیو ایکسٹینشن میں 300 سے زائد پلاٹس فروخت کیے تھے اور اسے ایک سال کے عرصے میں اس علاقے میں ترقیاتی کام کروانے تھے جبکہ پلاٹ کے الاٹیز نے بروقت ادائیگیاں بھی کی تھیں۔بعدازاں پلاٹ مالکان نے اپنی قسطیں جمع کروانا بند کردی تھی کیوں کہ سی ڈی اے نے زمین پر ترقیاتی کاموں کا آغاز نہیں کرسکی تھی۔

اس ضمن میں جب سی ڈی اے ترجمان سے انٹیلی جنس ایجنسی کو الاٹ کردہ 45 ایکڑ زمین کے بارے میں پوچھا گیا کہ وفاق حکومت اس معاملے کا فیصلہ کرے گی۔ جبکہ پارک انکلیو 2 کے لیے بورڈ نے قسطوں کی ادائیگی میں توسیع کی منظوری دے دی۔