Tag ایمرا سپورٹس

کراچی (ویب ڈیسک) لیجنڈ کامیڈین عمر شریف جرمنی میں انتقال کر گئے ہیں .ان کی نماز جنازہ آج جرمنی کے شہر نیورمبرگ میں ادا کی جائے گی علاوہ ازیں عمر شریف کی میت کو ممکنہ طور پر کل بروز منگل پاکستان لایا جائے گا .خیال رہے کہ کامیڈی کے بے تاج بادشاہ و اداکار عمر شریف طویل علالت کے بعد جرمنی کے اسپتال میں وفات پا گئے تھے۔عمر شریف کو علاج کی غرض سے کراچی سے امریکا منتقل کیا جارہا تھا لیکن ان کی جرمنی میں ڈائیلیسز کے دوران طبیعت بگڑ گئی۔

انصار عباسی کے قلم سے ……
وزیر اعظم عمران خان ان دنوں کافی پریشان ہیں۔ یہ بات پہلے مجھے چند علمائے کرام سے معلوم ہوئی جنہوں نے وزیر اعظم کے حالیہ دورۂ کراچی کے دوران اُن سے ملاقات کی۔ بعد میں گزشتہ ہفتہ کے دوران اسلام آباد میں اپنی اسی پریشانی کے حوالے سے وزیر اعظم نے دو اجلاسوں میں شرکت کی۔

پریشانی کا تعلق ملک کی معیشت اور سیاست سے نہیں ہے بلکہ روز بروز بڑھتے معاشرتی بگاڑ سے ہے جس کے نئے نئے ڈراؤنے روپ ہمارے سامنے آ رہے ہیں اور جس کی وجہ سے معاشرہ بڑی تیزی سے تنزلی کا شکار ہو رہا ہے ۔ وزیر اعظم کی اس پریشانی سے ممکنہ طور پر ایک اچھا کام ہونے جا رہا ہے جس کی اس معاشرے کو اشد ضرورت ہے اور وہ ہے تربیت اور کردار سازی۔

مجھے بتایا گیا کہ وزیر اعظم عمران خان نے گزشتہ ہفتے اسی موضوع پر دو اجلاس کیے جن میں یہ فیصلہ کیا گیا کہ معاشرےکی تربیت اور کردار سازی کے لیے جنگی بنیادوں پر تمام ممکنہ اقدامات کرنے کی ضرورت ہے۔ اس سلسلے میں وزیر اعظم بارہ ربیع الاول کے روز ایک نیا محکمہ یااتھارٹی بنانے کا اعلان کرسکتے ہیں جس کا مقصد معاشرے کی کردار سازی اور تربیت کے لیےپالیسی بنانااور اُس پالیسی پر عملدرآمد کروانا ہو گا تاکہ ہم ملک میں بڑھتی ہوئی معاشرتی خرابیوں اور برائیوں سے اسے پاک کر سکیں۔

صرف سزاؤں سے کام نہیں چلے گا اور بغیر تربیت تعلیم بھی کسی کام کی نہیں‘ اس لیے ضرورت اس امر کی ہے کہ اسکولوں و کالجوں میں تعلیم کی فراہمی کے ساتھ ساتھ تربیت اور کردار سازی پر بھی غیرمعمولی توجہ دی جائے بلکہ میڈیا، مسجد و منبر، سول سوسائٹی اور دوسرے ذرائع کو معاشرے کو بہتر بنانے اور برائیوں کو روکنے کی جدوجہد کے لیے کردار ادا کرنے کے لیے کہا جائے گا۔

والدین کو اپنے بچوں کی بہترین تربیت کرنے کی اُن کی ذمہ داری یاد دلائی جائے۔ تربیت کیسے کی جائے، کردار سازی کے لیے کیا میکنزم اپنائے جائیں اس کے لیے بنیادی ذمہ داری نئی اتھارٹی کو سونپی جائے گی۔ ہماری جو اس وقت حالت ہے وہ انتہائی تشویشناک ہے۔

ہم کہنے کو تو مسلمان ہیں لیکن ہمارے اعمال درست نہیں۔ جھوٹ، فراڈ، دھوکہ دہی، ملاوٹ، رشوت، سفارش یا کسی بھی دوسری خرابی اور برائی کا نام لیں وہ یہاں ہر طرف ہر شعبہ میں پھیل چکی ہیں، عورتوں سے بدسلوکی اور ریپ کے بڑھتے ہوئے واقعات، بچوں سے زیادتی اور قتل جیسے گھناونے جرائم ہیں کہ تھمنے کا نام ہی نہیں لے رہے۔ بڑھتی فحاشی و عریانیت نے معاشرتی برائیوں کواوربڑھادیا ہے۔

میں ایک عرصہ سے تربیت اور کردار سازی کی ضرورت پر زور دے رہا ہوں اور سمجھتا ہوں کہ یہ وہ معاملہ ہے جس پر توجہ دی گئی تو ہم ہر میدان میں کامیاب ہو جائیں گے اور اگر ایسا نہ ہوا تو پھر تباہی سے ہمیں کوئی نہیں بچا سکتا۔ لیکن نہ کسی سیاستدان نے اس پر کان دھرا نہ میڈیا نے اس طرف توجہ دی۔

مجھے یہ جان کر خوشی ہوئی کہ وزیر اعظم عمران خان کی توجہ اس اہم ترین مسئلہ کی طرف مبذول ہوئی اور اسی وجہ سے وہ پریشان اور فکر مند ہیں جس کا اظہار انہوں نے کراچی میں علما کے ساتھ ایک میٹنگ میں بھی کیا اور علماء سے تجاویز بھی مانگیں کہ اُن کے خیال میں کس طرح معاشرے کو اچھائی کی طرف لے جایا جائے اور برائیوں سے روکا جائے؟

وزیر اعظم اگر اس بارے میں فکر مند اور پریشان ہیں تو اس پر مجھے خوشی ہوئی۔ اس فکر اور اس پریشانی سے ہی مسئلے کا کوئی حل نکلے گا۔ اچھا ہو کہ ہماری پارلیمان اور سیاسی رہنما اس مسئلہ پر بات کریں اور یہ فکر کریں کہ اگر ہم نے اپنی معاشرتی برائیوں اور خرابیوں کو دور نہ کیا تو ہم تباہ و برباد ہو جائیں گے۔

ہم کیسے لوگ ہیں کہ یہاں علاج جعلی، یہاں دوائیاں دو نمبر، یہاں پل، سڑکیں اور عمارتیں خراب مال سے بنائی جاتی ہیں، عدالتوں پر اعتبار نہیں، پولیس پر بھروسہ نہیں، سرکاری دفاتر میں کوئی جائز کام بھی رشوت اور سفارش کے بغیر نہیں ہوتا۔

ہم چاہے سرکاری شعبہ میں ہوں یا نجی شعبہ میں، اپنے چھوٹے چھوٹے ذاتی فائدوں کے لیے جھوٹ بولنے اورفراڈکرنے سے باز نہیں آتے، اپنے چھوٹے سے نفع کے لیے دوسروں اور قوم کا بڑے سے بڑا نقصان بھی کر لیتے ہیں، یہاں تک کہ دوسروں کی جان بھی لے لیتے ہیں۔ رشتوں کے آپس میں کیا حقوق و فرائض ہیں، معاشرتی تعلقات کی نوعیت کیا ہونی چاہیے اور ہے کیا؟ جس طرف دیکھیں خرابی ہی خرابی۔

میری دعا ہے کہ وزیر اعظم کی اس پریشانی سے قوم اور معاشرے کے لیے کوئی اچھا حل نکلے اور تربیت اور کردار سازی کا کوئی مربوط اور مستقل سلسلہ شروع ہو سکے تاکہ ہم اچھے مسلمان اور اچھے انسان بن سکیں اور ہمارا معاشرہ ایک اچھا معاشرہ بن کر اُبھرے۔

ابھی تک ہمارا زور صرف نئے سے نئے قانون بنانے پر ہی رہا جبکہ اصل علاج یعنی تربیت اور کردار سازی کی طرف ہم نے توجہ ہی نہ دی اور اسی وجہ سے ہم آج ایسی قوم بن گئے ہیں کہ اپنے آپ کو دیکھ کر پریشانی ہی پریشانی ہوتی ہے اور بندہ سوچتا ہے ہمارا کیا بنے گا۔

بشکریہ جیو نیوز

اسلام آباد (ویب ڈیسک)صحافیوں کی عالمی تنظیم آئی سی آئی جے تاریخ کے سب سے بڑے مالیاتی اسکینڈل ’’پینڈورا پیپرز‘‘ کودنیا کے سامنے لے آئی ہے .پنڈورا پیپرز کے حوالے سے اہم انکشاف ہوا ہے کہ لندن میں جائیدادیں خریدنے والوں میں پاکستانی 5نمبر پر ہیں۔اس سکینڈل میں‌ دنیا بھر کے متعدد سربراہان مملکت، سیاست دانوں، صنعت کاروں، بیورو کریٹس، ریٹائرڈ افسران کی آف شور کمپنیوں کے نام سامنے آئے ہیں . سکینڈل کی فہرست میں700 پاکستانی بھی شامل ہیں۔تفصیلات کے مطابق صحافیوں کی عالمی تنظیم نے پاناما پیپرز کے بعد اب اس سے بھی بڑا مالیاتی اسکینڈل بے نقاب کیا ہے. جس کا نام ’’پنڈورا پیپرز‘‘ رکھا گیا ہے۔ اتوار کی رات ساڑھے 9 بجے آئی سی آئی جے نے اس حوالے سے پیپرز جاری کئے جن پر 117 ممالک سے تعلق رکھنے والے 600 صحافیوں نے 2 سال تک محنت کی ہے۔
ان پیپرز کے مطابق 700 پاکستانی باشندے بھی اس مالیاتی اسکینڈل میں شامل ہیں ۔ اس مالیاتی سکینڈل میں شامل نمایاں ناموں میں وزیر خزانہ شوکت ترین، سینیٹر فیصل واوڈا، وفاقی وزیر مونس الٰہی، پیپلز پارٹی کے رہنما شرجیل میمن، اسحاق ڈار کے بیٹے علی ڈار، خسرو بختیار کے بھائی عمر بختیار، راجہ نادر پرویز، سینئر وزیر عبدالعلیم خان، سابق معاون خصوصی وزیراعظم وقار مسعود کے بیٹے کا نام بھی ہے۔
پیپرز کے مطابق ابراج گروپ کے سی ای او عارف نقوی، ایگزٹ کمپنی کے مالک شعیب شیخ سمیت متعدد بینکار اور ریٹائرڈ فوجی افسران لیفٹیننٹ جنرل (ر) شفاعت اللہ، لیفٹیننٹ جنرل (ر) نصرت نعیم اور لیفٹیننٹ جنرل (ر) افضل مظفر کے بیٹے، کرنل (ر) راجہ نادر پرویز، جنرل (ر) خالد مقبول کے داماد احسن لطیف، جنرل (ر) علی قلی خان کی ہمشیرہ کی بھی آف شور کمپنیاں کے مالک نکلے ہیں‌.

کوئٹہ (ویب ڈیسک)وزیراعلیٰ بلوچستان جام کمال خان نے استعفیٰ دے دیا.تفصیلات کے مطابق بلوچستان عوامی پارٹی کے صدر اور وزیراعلی بلوچستان جام کمال خان نے پارٹی کی صدارت سے اپنا استعفی پیش کر دیا. اانہوں نے اپنے ٹویٹر اکاؤنٹ پر اس بات کا اعلان کیا ہے اورلکھا ہے کہ میں نے الحمداللہ تین سال تک پارٹی کی بہترین طریقے سے صدارت کی، پارٹی کے چیف آرگنائزر جان جمالی اور جنرل سیکریٹری سینیٹر منظور کاکڑ جلد آرگنائزنگ کمیٹی کا اجلاس بلا کر پارٹی کے انتخابات کے انعقاد کا اعلان کریں۔ جام کمال خان کے استعفی کے بعد بلوچستان عوامی پارٹی کا اعلیٰ مشاورتی کمیٹی کا اجلاس طلب کرلیا گیا۔

کراچی (ویب ڈیسک) پولیس نے تاوان کے لیے اغوا کیا گیا تاجر بازیاب کرالیا .تفصیلات کے مطابق اغوا کیا گیا تاجر پولیس نے ڈی جی ایکسائز کے دفتر سے بازیاب کرلیا۔پولیس ذرائع کے مطابق علی حسین نامی شہری کے اغوا کا مقدمہ پیر آباد تھانے میں بیٹے کاشف آفریدی کی مدعیت میں درج ہو، گرفتار ملزمان نے گزشتہ علی حسین نامی شہری کے اہل خانہ سے 20 لاکھ روپے تاوان طلب کیا تھا، دوران تفتیش پولیس نے موبائل فون کی لوکیشن کی مدد سے آئی آئی چند ریگر روڈ پر ڈی جی ایکسائز کے دفتر پر چھاپہ مارا۔ اغوا میں ملوث ایک ملزم کو گرفتار کرلیا گیا ہے ، جس کی شناخت جان محمد کے نام سے ہوئی ہے اور وہ محکمہ ایکسائز کا ہی ملازم ہے۔

لاہور(ویب ڈیسک) مشہور و معروف کامیڈین عمر شریف طویل بیماری کے بعد انتقال کرگئے۔تفصیلات کے مطابق عمر شریف جرمنی میں انتقال کرگئے، چند روز قبل عمر شریف علاج کے لیے ایئر ایمبولینس کے ذریعے کراچی سے براستہ جرمنی امریکا کے لئے روانہ ہوئے تھے تاہم راستے میں طبیعت بگڑنے پر انہیں جرمنی کے اسپتال میں منتقل کیا گیا۔عمرشریف کو ایئرایمبولینس کے ذریعے جارج واشنگٹن اسپتال منتقل کیا جانا تھا جہاں ان کے دل کے والو کا ایک بالکل نئے تکنیک ’مائٹرل والو کلپنگـ‘ کے ذریعے علاج کیا جانا تھا، اس ٹیکنالوجی کی بدولت اوپن ہارٹ سرجری کے بغیر ہی والو کا علاج کیا جاتا ہے۔

کراچی (ویب ڈیسک) حکومت کی جانب سے سی این جی کی قیمت میں 15 روپے فی کلو اضافہ کر دیا گیا ہے. تفصیلات کے مطابق سندھ حکومت کی جانب سے فی کلو سی این جی کی قیمت میں 15روپے کا اضافہ کیا گیا ہے جبکہ پنجاب میں فی لیٹر سی این جی کی قیمت 8روپے بڑھ گئی ہے۔صدر آل پاکستان سی این جی ایسوسی ایشن کے مطابق سی این جی کی قیمت میں اضافہ سیلز ٹیکس بڑھنے اور مہنگی کی وجہ سے ہوا ہے، حکومت سی این جی کی امپورٹ پر سیلز ٹیکس کی چھوٹ کا اعلان کرے، درآمدی سطح پر سیلز ٹیکس رعایت سے سی این جی کی قیمت کم ہوجائے گی۔

ممبئی (ویب ڈیسک) بالی ووڈ اداکار سیف علی خان نے کرینہ کپور سے کامیاب شادی شدہ زندگی کا راز بتادیا۔ سیف علی خان نے ایک انٹرویو میں بتایا کہ میں نے ہمیشہ کرینہ کو اسپیس دی ہے. میں کبھی انہیں یہ نہیں بتاتا کہ کیا کرنا چاہیے اور کیا نہیں .انہوں نے مزید کہا کہ میرا خیال ہے کامیاب شادی شدہ زندگی کے لیے میاں اور بیوی دونوں کو ایک دوسرے کے کاموں میں مداخلت نہیں کرنا چاہیے.سیف علی خان کا کہنا تھا کہ میں نے کرینہ کو کبھی بھی سوشل میڈیا کا استعمال کرنے سے منع نہیں کیا، وہ ایک زبردست انسان ہے.

لاہور (ویب ڈیسک) پاکستان کرکٹ بورڈ کےسابق چیف ایگزیکٹو وسیم خان نے کہا ہے کہ میرا مقصد 22کروڑ کرکٹ کی دیوانی قوم کیلئےکھیل کی بہتری میں اپنا حصہ ڈالنا تھا.ان کا مزید کہنا تھا کہ بطوربرٹش پاکستانی اور سابق کرکٹر3 سال قبل پاکستان آنے کا فیصلہ کیا.ان خیالات کا ظہار انہوں نے اپنے ایک بیان میں کیا.
مستعفی ہونے کے بعد وسیم خان کا یہ پہلا بیان ہے جس میں ان کا کہنا تھا کہ میرا مقصد کرکٹ کی دیوانی 22کروڑ قوم کیلئےکھیل کی بہتری میں اپنا حصہ ڈالنا تھا مگربد قسمتی سے پاکستان کرکٹ کے ساتھ میرا سفر ختم ہوگیا.انہوں نے کہا کہ میں نے انٹرنیشنل کرکٹ کی واپسی،مسائل سے نمٹنےکیلئےراتوں کو جاگ کر کام کیا اور ایماندارانہ طور پر فیصلے کئے۔ مجھے فخر ہے میں نے پاکستانی عوام کی خدمت کی ، پاکستان لوگوں سے پیار کرنے والا ملک ہے.

سعودیہ عرب (ویب ڈیسک)سعودی حکام نے افغان ائیرلائنز کے حوالے سے ایک ایم قدم اٹھایا ہے. تفصیلات کے مطابق سعودی حکام کی جانب سے افغان ائیرلائنز کو ہنگامی پروازیں چلانے کی اجازت دے دی گئی ہے۔غیر ملکی خبر رساں ایجنسی کے مطابق 9 افغان ائیر لائنر کو ہنگامی پروازیں چلانےکی منظوری دی گئی ہےیہ ہنگامی پروازیں سعودی عرب سے کابل کے لیے چلائی جائیں گی۔سعودی عرب میں افغانستان کے سفارتخانے کی جانب سے ایک بیان جاری کیا گیا ہے جس کے مطابق سعودی ایوی ایشن حکام نے افغان شہریوں کو مملکت سے واپس لے جانے کےلیے ہنگامی پروازیں چلانے کی اجازت دی ہے جو کورونا پابندیوں کی وجہ سے سعودی عرب میں پھنسے ہوئے تھے.