Tag بھارتی اداکارہ

نئی دہلی(ویب ڈیسک) بھارتی اداکارہ، ماڈل اور ڈانسر نورا فتیحی کو 200 کروڑ کے فراڈ اور منی لانڈرنگ کیس میں طلب کیا گیا ہے۔
بھارتی میڈیا کے مطابق نورافتیحی کو قانون نافذ کرنے والے ادارے انفورسمنٹ ڈائریکٹوریٹ، جسے مختصراً ای ڈی کہا جاتا ہے، نے کیس میں سمن جاری کیا ہے۔
بھارتی نیوز ایجنسی اے این آئی کے مطابق نورا کو سمن جاری ہونے کے بعد ای ڈی آفس کے باہر دیکھا گیا۔ اے این آئی نے آج صبح ٹوئٹ کیا کہ اداکارہ نورا فتیحی سکیش چندراشیکھر فراڈ کیس کے سلسلے کی تحقیقات میں شامل ہونے کے لیے انفورسمنٹ ڈائریکٹوریٹ کے آفس پہنچیں۔
اس سے قبل اداکارہ جیکولین فرنینڈس نے بھی اگست میں اسی کیس کے سلسلے میں انفورسمنٹ ڈائریکٹوریٹ میں بطور گواہ اپنا بیان ریکارڈ کروایا تھا۔ ای ڈی 5 گھنٹوں تک اداکارہ سے پوچھ گچھ کرتی رہی۔
بھارتی میڈیا کے مطابق انفورسمنٹ ڈائریکٹوریٹ نے اداکارہ جیکولین فرنینڈس کو 15 اکتوبر کو دوبارہ پوچھ گچھ کے لیے ای ڈی آفس بلایا ہے۔
واضح رہے کہ 200 کروڑ کے فراڈ، بھتہ خوری اور منی لانڈرنگ کیس میں سکیش چندرا شیکھر نامزد ملزم ہیں۔ اداکارہ جیکولین فرنینڈس اس شخص کی قریبی دوست اور پارٹنر لینا پال کے ذریعے اس ریکٹ کا شکار ہوئیں۔
بھارتی میڈیا کے مطابق سکیش چندرا شیکھر جیل کے اندر سے بھتہ خوری کا ریکٹ چلا رہاتھا اور ایک تاجر سے 200 کروڑ روپے بھتہ لیا۔ انفورسمنٹ ڈائریکٹر نے اپنے بیان میں کہاتھا کہ چندرا شیکھر اس فراڈ کا ماسٹر مائنڈ ہے۔ وہ 17 سال کی عمر سے جرائم کی دنیا کا حصہ رہا ہے۔ اس کے خلاف پولیس اسٹیش میں کئی شکایات درج ہیں اور وہ جیل میں بند ہے۔

پونے(ویب ڈیسک) مراٹھی فلموں کی 25 سالہ اداکارہ اشواری دیش پانڈے کار حادثے میں ہلاک ہوگئی۔

بھارتی میڈیا کے مطابق پونے سے تعلق رکھنے والی اداکارہ اشواری دیش پانڈے کی کار کو حادثہ 20 ستمبر کی صبح تقریباً 5 بجے گووا میں پیش آیا۔ حادثے میں اداکارہ جانبر نہ ہوسکی اور ہلاک ہوگئی۔بھارتی میڈیا نے حادثے کی تفصیلات بتاتے ہوئے کہا کہ اشواری 15 ستمبر کو اپنے دوست شوبھم کے ساتھ چھٹیاں منانے گووا گئی تھی۔ دونوں کار میں کہیں جارہے تھے اور کار میں سینٹرل لاک لگا ہوا تھا۔ کار ایک پل سے گزررہی تھی جب ڈرائیور نے کار کا کنٹرول کھودیا اورکار پل سے ندی میں جاگری۔ کار میں سینٹرل لاک لگا ہونے کی وجہ سے دونوں باہر نہیں نکل پائے اور دونوں کی موت ہوگئی۔
رپورٹس میں یہ بھی کہا گیا ہے کہ اداکارہ اشواری اور شوبھم میں رشتہ دوستی سے زیادہ تھا بلکہ دونوں اگلے ماہ منگنی کرنے کی تیاریاں کررہے تھے۔
جہاں تک بات کی جائے اداکارہ اشواری کے فلمی کیریئر کی تو انہوں نے حال ہی میں ہندی اور مراٹھی پراجیکٹس کی شوٹنگ مکمل کی تھی۔ اور اداکار سنیل کے ساتھ فلم ’’پری ماچے سائیڈ ایفیکٹس‘‘ کے ذریعے مراٹھی انڈسٹری میں ڈیبیو کرنے والی تھی۔

ممبئی(ویب ڈیسک)بالی وڈ کی ورسٹائل اداکارہ جوہی چاولہ کو فلم بین بے حد پسند کرتے ہیں،وہ جب سے فلم انڈسٹری میں‌کام کررہی ہیں ان کا کام منفرد ہے،انہوں نے 1987 میں بننے والے اپنے پہلے ڈرامے کی ویڈیو شیئر کی ہے۔

اداکارہ نے انسٹاگرام پر ایک ویڈیو کلپ پوسٹ کیا جس پر طویل کیپشن درج تھا۔ جوہی چاولہ نے بتایا کہ یہ بھارت کے معروف فلم ساز ‘بی آر چوپڑا’ کا ڈرامہ تھا اور میرا اس میں مختصر کردار تھا۔ انہوں نے لکھا کہ ڈرامے کا نام ‘بہادر شاہ ظفر’ تھا، شوٹنگ کے دوران میں بہت گھبرا رہی تھی کیونکہ میں بالکل نئی اداکارہ تھی۔
جوہی نے کیپشن میں بتایا کہ میں بار بار اپنے ڈائیلاگز بھول رہی تھی لیکن ڈائریکٹر نے بہت صبر و تحمل کا مظاہرہ کیا اور مجھے بار بار پرسکون ہونے کا کہتے رہے۔
جوہی چاولہ نے اس کلپ سے متعلق کہا کہ یہ کلپ انہوں نے اس سے پہلے نہیں دیکھا تھا، انہوں نے ویڈیو بھیجنے والے انسٹاگرام اکاؤنٹ کا شکریہ ادا بھی کیا۔
یاد رہے کہ اداکارہ جوہی چاولہ نے 1986 میں فلم ‘سلطنت’ سے فلمی دنیا میں قدم رکھا لیکن انہیں 1988 میں ریلیز کی جانیوالی سپرہٹ فلم’قیامت سے قیامت تک’ سے پہچان ملی۔

ممبئی(ویب ڈیسک) بالی ووڈ اداکارہ ایشوریا رائے بچن نے انکشاف کرتے ہوئے کہا ہے کہ جب شاہ رخ خان نے انہیں بغیر وجہ بتائے 5 فلموں سے نکالا تو انہیں بہت تکلیف ہوئی۔

بالی ووڈ کنگ شاہ رخ خان اور ایشوریا رائے بچن ایک ساتھ کئی ہٹ فلموں میں کام کرچکے ہیں جن میں ’’دیوداس‘‘،’’جوش‘‘ اور’’محبتیں‘‘ شامل ہیں۔ دونوں کو شوبز انڈسٹری میں اچھا دوست بھی مانا جاتا ہے۔ لیکن ایک وقت تھا جب دونوں کے پیشہ ورانہ تعلقات میں دراڑ آگئی تھی۔
ایشوریا رائے نے ایک ٹی و ی شو کے دوران اس بات کا اقرار کیا تھا کہ شاہ رخ خان نے انہیں سپر ہٹ فلم ’’ویرزارا‘‘ اور ’’چلتے چلتے‘‘ سمیت 5 فلموں سے الگ کردیا تھا۔
ماضی میں سیمی گریوال کے شو میں جب ایشوریا سے پوچھا گیا کہ کیا یہ سچ ہے کہ ایک ساتھ بہت اچھا کام کرنے کے باوجود شاہ رخ خان نے آپ کو کئی فلموں سے نکال دیا تھا؟ اس سوال پر ایشوریا کا کہنا تھا ’’میں کیسے اس سوال کا جواب دے سکتی ہوں؟‘‘ ہاں ایک وقت تھا جب ایک دو فلموں میں میرے اور شاہ رخ کے ایک ساتھ کام کرنے کے بارے میں بات ہورہی تھی۔ اور پھر اچانک بغیر کسی وضاحت کے یہ نہیں ہوا۔ میرے پاس اس کا کبھی جواب نہیں تھا کہ کیوں‘‘۔

بعد میں شاہ رخ خان نے اپنے فیصلوں پر افسوس کا اظہار کیا تھا۔ 2003 میں انڈیاٹوڈے کے ساتھ بات کرتے ہوئے کنگ خان نے کہا تھا ’’کسی کے ساتھ پراجیکٹ کا آغاز کرنا اور پھر اسے بغیر اس کی کسی غلطی کے تبدیل کردینا بہت مشکل ہے۔ ایش میری بہت اچھی دوست ہے لہذا یہ افسوناک ہے۔ ذاتی طور پر مجھے لگتا ہے کہ میں نے غلط کیا تھا لیکن بطور پروڈیوسر اس کی وجہ تھی، اور میں نے ایش سے اس کے لیے معافی مانگی تھی۔

جب یہ بات ایشوریا کو بتائی گئی تو انہوں نے سیمی کو ردعمل دیتے ہوئے کہا میرے پاس کوئی جواب نہیں ہے۔ اور میں نے اس بارے میں کبھی شاہ رخ سے کوئی بات نہیں کی کیونکہ یہ میری فطرت میں نہیں ہے۔

ایشوریا رائے کا مزید کہنا تھا کہ وہ اس بارے میں بہت کنفیوز تھیں اور انہیں تکلیف ہوئی تھی۔ دیکھیں جب آپ کے پاس وضاحت نہیں ہوتی تو آپ کو تکلیف ہوتی ہے اور آپ حیران اورکنفیوز (الجھے ہوئے) ہوتے ہیں۔ اگر کوئی شخص کسی چیز کی وضاحت کرنے کی ضرورت محسوس کرتا ہے تو وہ کرے گا۔ یہ میری فطرت میں نہیں ہے کہ سوال کروں کہ کیا اور کیوں۔ اور میں کبھی کسی کے پاس جاکر نہیں پوچھوں گی کہ آپ نے ایسا کیوں کیا۔

واضح رہے کہ شاہ رخ خان اور ایشوریا رائے بچن آخری بار کرن جوہر کی 2016 میں ریلیز ہوئی فلم ’’اے دل ہے مشکل‘‘ میں نظرآئے تھے جس میں شاہ رخ خان نے مہمان اداکار کے طور پر کام کیا تھا۔

ممبئی (ویب ڈیسک)دیپیکا پڈوکون بالی ووڈ کی سب سے خوبرو،اسٹائلش اور خوبصورت اداکاراوں میں شمار کی جاتی ہیں ۔ خواہ سلیک ہیئر ڈو ہو یا پھر باڈی کان ڈریسیز ، دیپیکا کا فیشن ہمیشہ سے ٹاپ پر رہتا ہے ۔ لیکن رنویر سنگھ سے شادی کے بعد سے ہی دیپیکا پڈوکون کئی مواقع پر اپنی عجیب و غریب ڈریس کی وجہ سے ٹرولرس کے نشانے پر آجاتی ہیں ۔ منگل کو بھی کچھ ایسا ہی ہوا ، جب دیپیکا کی ڈریس کو دیکھ کر لوگ سکتے میں آگئے ۔ کئی لوگوں نے تو ان کی اس ڈریس کے پیچھے شوہر رنویر سنگھ کو ہی ذمہ دار ٹھہرا دیا ۔منگل کو دیپیکا ممبئی کے پرائیویٹ ایئرپورٹ کے باہر دیکھی گئیں ۔

یہان دیپیکا گرین آور آل ڈریس کے ساتھ لمبا ونٹر کوٹ پہنے ہوئی نظر آئیں ۔ اس کوٹ پر گرین بڑے چیک بنے ہوئے تھے ۔ دیپیکا کو اس اوتار میں دیکھ کر کئی لوگوں نے حیرانگی کا اظہار کیا ۔

ہرانسان کسی نہ کسی چیز کو بے حد پسند کرتاہے،اور بعض دفعہ تو وہ دیوانہ ہی ہوجاتاہے،،،اداکار اور اداکارائیں بھی اسی طرح کسی نہ کسی کی دیوانی نکلتی ہیں…بالی وڈ کی معروف اداکارہ کترینہ کیف نے ترکی کے معروف اور شہرہ آفاق ڈرامہ سیریل ارطغرل غازی کے حوالے سے اپنی پسندیدگی کا اظہار کیا ہے۔
کترینہ کیف ان دنوں سلمان خان کے ہمراہ فلم ٹائیگر 3کی شوٹنگ کے لیے ترکی میں موجود ہیں جہاں بالی وڈ کی مقبول شخصیات نے ترکی کے وزیر سیاحت و ثقافت مہمت نوری اسرائے سے ملاقات کی۔

تاہم اب سوشل میڈیا پلیٹ فارم انسٹاگرام پر کترینہ کیف کی سلمان خان اور ترکی کے وزیر کے ہمراہ میڈیا سے گفتگوکی ایک ویڈیو وائرل ہو رہی ہے، ویڈیو میں کترینہ کو صحافی کے سوال کا جواب دیتے سنا جاسکتا ہے کہ ارطغرل میری پسندیدہ سیریز ہے، میں نے ارطغرل کی 85 اقساط دیکھی ہیں۔
کترینہ کی گفتگو کے دوران سلمان خان نے کترینہ کی ارطغرل ڈرامہ سیریل کے حوالے سے پسندیدگی کا اعتراف کیا اور کہا کہ کترینہ ترک اداکاروں کو بھی پسند کرتی ہیں۔
خیال رہے کہ گزشتہ برس اسلامی فتوحات پر مبنی عالمی شہرت یافتہ تُرک ڈرامہ سیریل ارطغرل غازی گنیز بُک آف ورلڈ ریکارڈ میں جگہ بنانے میں کامیاب ہوچکاہے۔
ڈرامہ سیریل ارطغرل غازی کا دنیا کی 39 مختلف زبانوں میں ترجمہ کیا جا چکا ہے جو ایک ریکارڈ ہے جبکہ دنیا کے دیگر ملکوں کی طرح پاکستان میں بھی اس ڈرامے کے خوب چرچے ہیں۔

ممبئی(M92)بالی ووڈ میں ایک اور اداکارہ سوارا بھاسکر کو فلم ساز کی جانب سے جنسی ہراساں کرنے کا کیس سامنے آیا ہے۔حال ہی میں ہالی ووڈ فلمساز ہاروے وینسٹین کی جانب سے اداکاراؤں کو ہراساں کرنے کا کیس سامنے آیا تھا جس پر سوشل میڈیا پر ’می ٹو‘ نامی مہم کا آغاز ہوا جو کچھ ہی دنوں میں پوری دنیا کی آواز بن گیا اور اب تک لاکھوں خواتین اس ٹرینڈ کا استعمال کرچکی ہیں۔ بالی ووڈ میں کچھ اداکاراؤں نے ’می ٹو‘ مہم کا استعمال کیا البتہ متعدد اداکاراؤں نے اس مسئلے پر خاموش رہنا ہی پسند کیا۔بھارتی میڈیا رپورٹس کے مطابق سلمان خان کے ساتھ فلم ’’پریم رتن دھن پایو‘‘ میں اہم کردار کرنے والی اداکارہ سوارا بھاسکر نے انکشاف کیا کہ انہیں بھی ایک بار جنسی ہراساں کرنے کی کوشش کی گئی۔انٹرویو کے دوران اداکارہ سے پوچھا گیا کہ کیا آپ کو بالی ووڈ میں کسی کی جانب سے جنسی ہراساں کیا گیا جس پر انہوں نے کہا کہ ایک فلمساز نے مجھے جنسی ہراساں کرنے کی کوشش کی اور ساتھ ہی فلم کی آفر بھی کی لیکن میں نے ایسے بہت سارے کرداروں کو کھودیا کیوں کہ میں ان کے معیار پر پورا نہیں اتر رہی تھی اور اس بات نے مجھے ذہنی طور پر بہت پریشان کیا۔واضح رہے سوارا بھاسکر آج کل فلم ’ویرے دی ویڈنگ‘ کی شوٹنگ میں مصروف ہیں۔

ممبئی(M92)بھارتی اداکارہ کاجول نے انکشاف کیا کہ ان پہلا پیار اجے دیوگن نہیں بلکہ ان کی پہلی کار تھی کیونکہ پہلا پیار ہمیشہ رہتا ہے۔کاجول پانچ اگست 1974 کو ہندوستانی ریاست مہارشٹرا کے شہر ممبئی میں پیدا ہوئیں۔ ان کی والدہ اداکار تنوجا مراٹھی تھی اور نانی شوبھنا سمرتھ بھی اداکارہ تھیں۔ کاجول کے والد شومُو مکھرجی فلمساز تھے اور ان کی چھوٹی بہن تنیشا بھی اب فلموں میں کام کر رہی ہیں ۔ کاجول نے اپنے فلمی سفر کا آغاز 1992 میں فلم ‘بے خودی’ سے کیا جس میں انہوں نے رادھا کا کردار ادا کیا تھا۔ اس فلم کو باکس آفس پر کوئی خاص کامیابی نہ مل سکی تھی۔اداکارہ نے 24 فروری 1999میں کاجول نے اداکار اجے دیوگن کو زندگی کا ساتھی بنا لیا ۔ان کی ایک چھوٹی بیٹی ہے جس کا نام نيسا ہے اور ایک بیٹا جس کا نام یُگ ہے۔ وہ اجے دیو گن اور اپنے 2 بچوں کے ساتھ خوش وخرم زندگی گزار رہی ہیں۔