Tag سیاست

لندن (ویب ڈیسک) سابق ہائی کمشنر اور پیپلز پارٹی کے سینئر رہنما واجد شمس الحسن لندن میں انتقال کر گئے۔ذرائع کا کہنا ہے کہ واجد شمس الحسن کا شمار ذوالفقار علی بھٹو اور بے نظیر بھٹو کے قریبی ساتھیوں میں تھا، وہ لندن کے ہسپتال میں زیر علاج تھے۔سابق صدر آصف علی زرداری نے سید واجد شمس الحسن کے انتقال پر اظہارکا افسوس کرتے ہوئے کہا کہ سید واجد شمس الحسن صحافی ،سفارتکار اور تاریخ کا عظیم ورثہ تھے ،ان کے والد نواب شمس الحسن قائداعظم کے 40 سال کے ساتھی رہے . سید واجد شمس الحسن بھٹو خاندان کے عظیم دوست اور ساتھی تھے.ان کے انتقال پر اہل خانہ کے غم میں برابر کے شریک ہیں۔

اسلام آباد (ویب ڈیسک) وزیراعظم عمران خان کا کہنا ہے کہ پاکستان کو افغانستان میں جنگ کے نتائج پر مورد الزام نہیں ٹھہرانا چاہئے.ان کا مزید کہنا تھا کہ کیا 3 لاکھ افغان سیکیورٹی فورسز کے مکمل طور پر ہتھیار ڈالنے پر پاکستان کو مورد الزام ٹھہرانا درست ہے؟
وزیراعظم عمران خان نے امریکی جریدے واشنگٹن پوسٹ میں مضمون لکا .ان کا کہہنا تھا کہ حیرت ہے کہ امریکی کانگریس میں امریکی نقصان پر پاکستان پر الزام لگایا گیا. ماضی میں پاکستانی حکومتیں امریکہ کو افغانستان کے معاملے پر خوش کرتی رہیں،نائن الیون واقعے کے بعد ماضی کے مجاہدین کو دہشت گرد قرار دیا گیا، عسکری گروپس نے پاکستان کی ریاست کے خلاف جنگ شروع کردی، ہم اپنی بقا کے لئے لڑے، بہترین فوج اور انٹیلی جنس کے باعث دہشتگردی کو شکست دی۔
انہوں نےمزید کہا کہ نائن الیون کے بعد یکے بعد دیگرے آنے والی افغان حکومتیں افغانوں کی نظروں میں مقام پیدا نہ کرسکیں، یہی وجہ تھی کہ افغانستان میں کوئی بھی بدعنوان اور ناکام حکومت کے لئے لڑنے کو تیار نہ تھا، اس حقیقت کو تسلیم کرنے کی بجائے افغان اور مغربی حکومتیں پاکستان پر الزام لگانے کے لئے بھارت کے ساتھ مل کر جعلی خبریں چلاتی رہیں، بے بنیاد الزامات کے باوجود پاکستان نے سرحد کے بائیو میٹرک کنٹرول اور سرحد کی مشترکہ نگرانی کی پیشکش کی، ہم نے اپنے محدود وسائل کے باوجودافغانستان کے ساتھ سرحد پر باڑ لگائی، ہمیں اب الزام تراشی کا رویہ ترک کردینا چاہیے اور افغانستان کے مستقبل کی جانب دیکھنا چاہیئے۔

لاہور (ویب ڈیسک)وزیراعظم عمران خان کے معاونِ خصوصی شہباز گل نے کہا ہے کہ نواز شریف کی جعلی ویکسینیشن کی سازش مریم نواز نے کی ہے .وہ گورنر ہاؤس لاہور میں میڈیا سے گفتگو کر رہے تھے .ان کا کہنا تھا کہ لندن میں موجود نوازشریف کا لاہور میں جعلی کورونا ویکسینیشن سرٹیفکیٹ بننا ملک کے خلاف سازش ہے، مریم نواز اور ایم پی ایز عمران نذیر اور چوہدری شہباز نے مل کر یہ سازش بنائی. انہوں نے تفصیلات بتاتے ہوئے کہا کہ نوید نامی شخص کو مریم نواز نے یہ ذمہ داری دی، کورونا ڈیٹا بیس کو بدنام کرنے کیلئے جعلی سرٹیفکیٹ کا ڈرامہ رچایا گیا، ڈان لیکس پر مریم نواز کو این آر او نہیں دینا چاہیے تھا، اگر ڈان لیکس پر این آر او نہ دیا جاتا تو آج یہ حالات نہ ہوتے۔
شہباز گل کا مزید کہنا تھا کہ مریم نواز نے براہ راست پاکستان کے وقار پر حملہ کیا ، ملزم عادل رفیق اسپتال میں ملازم ہے جسے ایم پی اے چوہدری شہباز نے 2015 میں اسپتال میں بھرتی کروایا تھا،علاوہ ازیں عادل رفیق مسلم لیگ ن کا بھی کارکن ہے، ابو الحسن اور عادل رفیق تھانہ گجر پورہ میں زیر حراست ہیں اور ایف آئی اے ان سے تحقیقات کرے گی، جبکہ نوید کو بھی جلد جرمنی سے گرفتار کیا جائے گا۔

لاہور(ویب ڈیسک) منی لانڈرنگ کیس میں شہباز شریف اور حمزہ شہباز کی عبوری ضمانتوں میں توسیع کر دی گئی ہے.تفصیلات کے مطابق لاہور کی بینکنگ عدالت نے منی لانڈرنگ کیس میں شہباز شریف اور حمزہ شہباز کی عبوری ضمانتوں میں 9 اکتوبر تک کی توسیع کر دی ہے۔صدر مسلم لیگ ن شہباز شریف اور حمزہ شہباز بینکنگ عدالت میں پیش ہوئے۔ جس کے بعد ملزمان کے وکیل پیش نہ ہوئے اور سماعت ملتوی کرنے کی استدعا کی گئی۔دوران سماعت ایف آئی اے کے ڈائریکٹر محمد رضوان شواہد سے بھرے 5 باکس لے کر پیش ہوئے۔ عدالت نے استفسار کیا کہ ایف آئی اے کو تفتیش مکمل کرنے کے لئے کتنا وقت درکا ہے ؟ جس پر ایف آئی اے نے ملزموں پر عدم تعاون کا الزام لگایا اور کہا کہ ہم سوالات کرتے ہیں تو ہمیں وہی پرانی کہانیاں سنائی جاتی ہیں۔
اپوزیشن لیڈر شہباز شریف روسٹرم پر آئے اور ایف آئی اے کے الزامات کر غلط بیانی قرار دیتے ہوئے کہا کہ ایف آئی اے نے جیل میں بھی تفتیش کی ہے، ہر پیشی پر حاضر ہوئے، ایف آئی اے کے پاس گیا تو وہاں چیخ چیخ کر باتیں کی گئیں، بطور وزیراعلیٰ خاندان کی شوگر ملز کو اربوں روپے کا نقصان پہنچایا۔عدالت نے شہباز شریف کو بات کرنے سے روک دیا اور ریمارکس دیئے کہ ابھی آپ کے کیس میں دلائل نہیں ہو رہے، آپ پیچھے جا کر بیٹھ جائیں۔ عدالت نے ملزموں کو ایف آئی اے سے تعاون کی ہدایت کی اور عبوری ضمانتوں میں 9 اکتوبر تک توسیع کر دی۔لیگی رہنما عطاء اللہ تارڑ نے شہباز شریف خاندان کے خلاف کیسز کو سیاسی انتقام قرار دے دیا۔ مسلم لیگ ن کے رہنما ملک احمد خان کا کہنا تھا کہ جس طرح یہاں جمہوری اقدار کو پامال کیا جا رہا ہے، اس کا تصور بھی نہیں کیا جا سکتا۔صدر مسلم لیگ ن شہباز شریف اور حمزہ شہباز کی پیشی کے موقع پر سکیورٹی کے سخت انتظامات کئے گئے۔

اسلام آباد (ویب ڈیسک)ماڈل نیہا راجپوت کی سابق گورنر پنجاب سلمان تاثیر کے بیٹے شہباز تاثیر سے شادی کی تقریبات کا آغاز ہو گیا ہے.تفصیلات کے مطابق ماڈل نیہا راجپوت نےاپنی مایوں کی تقریبات کی ویڈیوز شیئرکی ہیں ۔نیہا راجپوت اور سلمان تاثیر کی شادی کے حوالے سے کئی دنوں سے چہ مگوئیاں جاری تھیں، تاہم اب ماڈل نے مایوں کی ویڈیوز اور تصاویر شیئر کرکے ان کی تصدیق کردی ہے۔ علاوہ ازیں ان کی شادی کی تقریبات میں شامل اداکاراؤں و ماڈلز نے بھی مہندی کی ویڈیو شیئر کیں۔ شیئر کی گئی ویڈیوز اور تصاویر میں ماڈل و اداکارہ ابیر رضوی سمیت دیگر ماڈلز کورقص کرتے دیکھا جا سکتا ہے۔

سندھ (ویب ڈیسک)معروف ٹک ٹاکرحریم شاہ جو مختلف تنازعات کا شکار رہتی ہیں انہوں نے ایک بار پھر ایک نیا شوشہ چھوڑا ہے. حریم شاہ اپنےشوہر کے پہلے سے شادی شدہ ہونےاور پیپلز پارٹی کے رکن سندھ اسمبلی ہونے کے دعوے سےمکر گئی ہیں . تاہم ان کا کہنا ہے کہ میرے شوہر کا نام بلال شاہ ہے اور ان کا تعلق پی پی پی سے ہے۔حریم شاہ نے دعویٰ کیا ہے کہ ان کے شوہرشادی سے پہلےغیر شادی شدہ تھے اور ان کا نام بلال شاہ ہے.علاوہ ازیں بلال شاہ کا تعلق پیپلز پارٹی سے ہے اور وہ سابق صدر آصف علی زرداری اور بلاول بھٹو زرداری کے بہت قریبی ہیں۔
حریم شاہ کا کہنا تھا میرے شوہرپہلےسے شادی شدہ ہیں، جب وہ اپنی پہلی بیوی کوراضی کرلیں گے تب سب کو شوہر سے متعلق بتاؤں گی۔تاہم اب حریم شاہ شوہر کے رکن سندھ اسمبلی ہونے سمیت پہلے سےشادی شدہ ہونے کے دعوے سے مکرگئی ہیں ۔حریم شاہ نےشادی شدہ والی بات پر وضاحت کرتے ہوئے کہا کہ ‘وہ تو میں نے مذاق میں کہا تھا ‘۔حریم شاہ نےبلال شاہ کی چند تصاویر بھی شیئر کی ہیں جن میں وہ سابق صدر آصف زرداری اور پیپلز پارٹی کے چیئرمین بلاول بھٹو زرداری کے ساتھ کھڑے نظر آ رہے ہیں.

اسلام آباد (ویب ڈیسک) نیوزی لینڈ کے دورہ منسوخی کے پیچھے بھارت کا ہاتھ ہے.حکومت نے اس سازش کاپردہ چاک کر دیا ہے.تفصیلات کے مطابق وزیر اطلاعات فواد چوہدری نے وزیر داخلہ شیخ رشید کے ہمراہ نیوزی لینڈ کرکٹ ٹیم کا دورہ منسوخ کرنے کے حوالے سے اسلام آباد میں پریس کانفرنس کی .انہوں نےبریفنگ دیتے ہوئے کہا کہ فیک نیوز کے پیچھے ریاستوں اور ایجنسیوں کا ہاتھ ہے، پاکستان میں ہائبرڈ وارکاسامناہے.وفاقی وزیر نے تفصیلات بتاتے ہوئے کہا کہ 19 اگست کو احسان اللہ احسان کے نام سے ایک فیس بک اکائونٹ بنایا گیا جس میں نیوزی لینڈ ٹیم کو پاکستان کے دورہ سے روکتے ہوئے کہا گیا کہ داعش کیوی ٹیم پر حملہ کرسکتی ہے۔
وزیر اطلاعات نے مزید بتایا کہا کہ 21 اگست کو بھارتی اخبار سنڈے گارڈن کے بیوروچیف ابھی نندن مشرا نے احسان اللہ احسان کی اس جعلی فیس بک پوسٹ کی بنیاد پر آرٹیکل لکھا، ابھی نندن مشرا اور پاکستان مخالف سابق افغان نائب صدر امر اللہ صالح کے آپس میں گہرے تعلقات بھی ہیں، علاوہ ازیں 24 اگست کو مارٹن گپٹل کی بیوی کو تحریک لبیک کے نام سے بنے ای میل ایڈریس سے ایک ای میل موصول ہوئی جس میں مارٹن گپٹل کو پاکستان میں قتل کر دینے کے بارے میں لکھا تھا.
یہ ای میل اکاؤنٹ 24اگست 2021 کو ہی بنایا گیا تھا اور اس سے صرف ایک ہی میل مارٹن گپٹل کی بیوی کو بھیجی گئی، حالانکہ یہ ای میل پروٹون میل پر بنائی گئی جو کافی محفوظ ای میل ہے، تمام واقعات کےباوجود نیوزی ٹیم اپناٹورکینسل نہیں کیا اور پاکستان آ گئی.

فواد چوہدری نے مزید تفصیلات سے آگاہ کیا کہ پہلی پریکٹس 13ستمبر کو ہوئی تب کوئی تھریٹ رپورٹ نہیں ہوا، 17 ستمبر کو نیوزی لینڈ کی ٹیم نے بتایا کہ حکومت کی ہدایت پر یہ ٹور منسوخ کرنا چاہتے ہیں، جس پر سیکیورٹی فورسز اور پی سی بی کے افسران نے کیوی ٹیم سے ملاقات کی اور تھریٹ بارے پوچھا تو ٹیم کو بھی کچھ معلوم نہیں پتہ تھا.
انٹرپول نے 18 ستمبر کو پاکستان کو بتایا کہ جی میل پر حمزہ آفریدی 7899 کے نام سے بنی ایک ای میل موصول ہوئی ہے جس میں نیوزی لینڈ ٹیم کو دھمکی دی گئی تھی، یہ ای میل بھارت میں بنا اس کے علاوہ وی پی این کے ذریعے یہ ای میل بھارت سے بھیجی گئی تھی تاکہ اس کی لوکیشن سنگاپور ظاہر ہو۔

فواد چوہدری نے مزید بتایا کہ جس ڈیوائس سے ای میل جنریٹ ہوئی اس پر 13 مزید ای میل بنائی گئی ہیں اوروہ سب ہندی ناموں سے بنی ہیں ، صرف ایک جعلی ای امیل حمزہ آفریدی کے نام سے بنائی گئی اور جان بوجھ کر اس ای میل پر پاکستانی نام استعمال کیا گیا ہے، یہ ای میل جس نمبر پر بنا وہ سم انڈین کے نام پر ہے، اس کا نام اوم پرکاش مشرا ہے جس کا تعلق ممبئی سے ہے، اگست 2019 میں یہ موبائل ڈیوائس آر ایم ایکس 1971 بھارت میں لانچ کی گئی اور موبائل سم اگست 2019 میں بھارت میں رجسٹر ہوئیں تھیں. وزارت داخلہ نے مقدمہ درج کرلیا ہے اور دونوں ای میل ہولڈرز کو انٹرپول کی مدد سے ٹریس کیا جا رہا ہے.

وزیر داخلہ شیخ نے کہا کہ نیوزی لینڈ کی ٹیم کی واپسی سے اگر کوئی سمجھتا ہے کہ پاکستان دنیا میں تنہا ہو جائے گا تو یہ اسکی بھول ہے. دورے کینسل کرنے کے معاملے کو زیادہ اچھالا نہ جائے.وزیر داخلہ نے مزید کہا کہ دراصل بھارت کے 66 ٹریننگ کیمپ افغانستان میں بند کر دیے گئے ہیں جس پر بھارت میں صف ماتم بچھی ہے۔

اسلام آباد (ویب ڈیسک) نیوزی لینڈ بورڈ نے پاکستان سیریز سیکیورٹی کا بہانہ بنا کر منسوخ کر دیا اور اب انگلینڈ کی ٹیم بھی پاکستان کا دورہ نہیں کر رہی .اس سلسلے میں مختلف بیانات سامنے آ رہے ہیں .علاوہ ازیں پی سی بی اور شائقین کی جانب سے مایوسی اورغصے کا اظہار کیا جارہاہے.اس حوالے سے وفاقی وزیر اطلاعات و نشریات فواد چودھری کا کہنا ہے کہ نیوزی لینڈ اور انگلینڈ کے دوروں کی منسوخی سے پی ٹی وی کو کروڑوں کا نقصان ہوا.ان کا مزید کہنا تھا کہ دونوں بورڈز کے خلاف قانونی کارروائی کیلئے وکلا سے مشورہ کریں گے۔ ان خیالات کا اظہار انہوں نے ایک ٹویٹ کی ذریعے کیا.انہوں نے ٹویٹ میں لکھا کہ پاکستان کیخلاف ایک مخصوص بین الاقوامی لابی مصروف عمل ہے ، ہمیں جھکانے کی خواہش کبھی کامیاب نہیں ہوگی، یہ غلط فہمی جلد دور کر لیں۔

اسلام آباد (ویب ڈیسک) وزیراعظم عمران خان کے معاون خصوصی توانائی تابش گوہر نےاچانک استعفیٰ دے دیا۔ تفصیلات کے مطابق وزیراعظم عمران خان کے معاون خصوصی تابش گوہرنے استعفیٰ دے دیا ہے جسے وزیراعظم نے منظور کرلیا۔تابش گوہر 7 سال تک کے الیکٹرک میں بطور سی ای او، ڈائریکٹر اور چیئرمین کے عہدے پر فائز رہے تاہم 2015 میں وہ مستعفی ہوگئے تھے جس کے بعد وہ بجلی و توانائی کے شعبے میں تعینات کیا گیا.

راولپنڈی (ویب ڈیسک) آرمی چیف جنرل قمرجاوید باجوہ نے کہا ہے کہ پاکستان ہر طرح کے کھیلوں، سیاحت، اور کاروبار کیلئے محفوظ ملک ہے.ان کا مزید کہنا تھا کہ
عالمی شراکت داروں کے ساتھ خطے میں فروغ امن کیلئے پاکستان پرعزم ہے اور۔ آئی ایس پی آر کے مطابق پاکستان میں یونان کے سفیر آندریس پاپاستروو نے جی ایچ کیو راولپنڈی کا دورہ کیا اور آرمی چیف سے ملاقات کی۔یونانی سفیر اورآرمی چیف کی ملاقات میں باہمی دلچسپی کے امور سمیت علاقائی سیکیورٹی، افغانستان کی صورتحال اورمختلف شعبوں میں باہمی تعاون پربات چیت ہوئی۔پاک فوج کے سپہ سالار کا کہنا تھا کہ افغان عوام کے بہتر مستقبل کیلئے اپنی کوششیں جاری رکھیں گے۔
یونانی سفیرنے کورونا کے کنٹرول کیلئے پاکستانی کوششوں کی ناصرف تعریف کی بلکہ افغانستان کیلئے پاکستان کے کردار اور غیرملکی عملے کے انخلاء میں پاکستان کے تعاون کو بھی سراہا۔