Tag وزیراعظم

اسلام اباد(ویب ڈیسک)وزیراعظم عمران خان نے کسان پورٹل کے اجرا کی تقریب سے خطاب کیا.وزیراعظم عمران خان نے کہا کہ تحریک انصاف نے انصاف کی تحریک چلائی، اللہ تعالیٰ کمزور اور محنت کش طبقے کی آواز خاص طور پر سنتا ہے، چھوٹا آدمی انصاف کی تلاش میں رہتا ہے۔
انہوں نے ایک بار پھر اپوزیشن رہنماؤں کو آڑے ہاتھوں لیتے ہوئے کہا کہ چھوٹا کسان باہر پیسہ لے کر نہیں جائے گا، لندن میں فلیٹ نہیں لے گا، بڑا آدمی انصاف نہیں این آر او چاہتا ہے، چھوٹا کسان قرضہ لینے جاتا ہے تو اسے بہت سود دینا پڑتا ہے، چھوٹا کسان سب سے زیادہ محنت کرتاہے اور مشکلات کا بھی سامنا کرتا ہے۔

عمران خان کا کہنا تھا کہ کسان شوگر ملوں کے باہر لائن میں کھڑے رہتے تھے، کسانوں کو گنے کی کم قیمت ملتی تھی، میں نے سوچا تھا جب میری باری آئے گی تو کسان کو پورا پیسہ دلاؤں گا۔انہوں نے مزید کہا کہ 50سال بعدپاکستان میں بڑے ڈیمزبن رہے ہیں، دریاؤں میں پانی برسات اور گلیشیئر پگھلنے سے آتا ہے، پانی اسٹورکریں گے تو کسان کو پانی دے سکیں گے۔

اسلام آباد: وفاقی حکومت نے چیف الیکشن کمشنر کے معاملے پر جارحانہ رویہ اختیار کرنے کا فیصلہ کیا ہے۔
وزیراعظم عمران خان کی سربراہی میں وفاقی کابینہ کا اجلاس ہوا جس میں ملکی سیاسی، معاشی صورتحال کا جائزہ اور نیوزی لینڈ کرکٹ ٹیم کے دورہ منسوخی سمیت 21 نکاتی ایجنڈے پر غور کیاگیا۔ اجلاس میں ازبکستان کو بزنس ویزا لسٹ میں شامل کرنے ، ٹریڈنگ کارپوریشن پاکستان کے چیئرمین ، سی ای او ڈریپ اور ریلوے بورڈ ممبران کی تقرری و تعیناتی کی منظوری، خطے کے ممالک سے فلموں کی درآمد، جموں کشمیر اسٹیٹ پراپرٹی بجٹ کی منظوری اور دیگر معاملات زیر غور آئے۔

کابینہ کے اجلاس میں الیکٹرانک ووٹنگ مشین اور بیرون ملک مقیم پاکستانیوں کو ووٹ کا حق دینے کے معاملے پر بریفنگ لی گئی، اس موقع پر چیف الیکشن کمشنر کے وفاقی وزرا کو نوٹسز پر بھی گفتگو ہوئی، اجلاس میں حکومت نے چیف الیکشن کمشنر کے معاملے پر جارحانہ رویہ اختیار کرنے کا فیصلہ کیا ہے۔
اجلاس کے بعد میڈیا بریفنگ کے دوران وفاقی وزیر اطلاعات فواد چوہدری نے کہا کہ ہمیں انتخابی اصلاحات کو آگے بڑھانا ہے، یہ نہیں ہوسکتا کہ اوورسیز پاکستانیوں کو ووٹ کا حق نہ دیں، ہم اوورسیز پاکستانیوں کو ان کا حق دلائیں گے۔ اگلا الیکشن نئی مردم شماری اور حلقہ بندیوں پر ہونا ہے، مردم شماری کے لیے 18 ماہ کا وقت درکار ہوگا۔واضح رہے کہ انتخابات میں الیکٹرانک ووٹنگ مشین کے استعمال کے معاملے پر حکومت اور الیکشن کمیشن کے درمیان شدید اختلافات ہیں۔ اس حوالے سے وفاقی وزرا نے چیف الیکشن کمشنر پر الزام لگایا ہے کہ وہ اپوزیشن کی زبان بول رہے ہیں۔

کراچی(ویب ڈیسک) پاکستانی ٹک ٹاکر حریم شاہ اکثرخبروں میں ان رہتی ہیں،یہی وجہ ہے کہ اس کی خبر اتے ہی لوگ فوری پڑھ لیتے ہیں. کا کہنا ہے کہ وہ پی ٹی آئی اور عمران خان کی کارکردگی سے دلبرداشتہ ہوگئی ہیں۔
حریم شاہ نے حال ہی میں اداکار ساجد حسن کے شو ’’زندگی ود ساجد حسن‘‘ میں شرکت کی جہاں انہوں نے اپنی زندگی اور پاکستانی سیاست کے بارے میں بہت سی باتیں کی۔
انٹرویو کے دوران حریم شاہ نے بتایا کہ وہ چار بہنیں اور تین بھائی ہیں ان کے والدین سرکاری ملازم ہیں لہذا انہوں نے ان کی تعلیم پر خاص توجہ دی۔ انہوں نے ابتدائی تعلیم پشاور سے حاصل کی اور بعد ازاں اسلامک یونیورسٹی سے ماسٹرز کیا۔
حریم شاہ نے بتایا کہ فی الحال ان کا شادی کرنے کا کوئی ارادہ نہیں ہے کیونکہ ابھی وہ کوئی منفرد کام کرنا چاہتی ہیں جو اس سے پہلے کبھی کسی نے نہ کیا ہو۔ حریم شاہ نے مردوں کے متعلق اپنے خیالات بتاتے ہوئے کہا ان کے خیال میں مرد بہت مقدس چیز ہے۔

حریم شاہ نے پاکستانی سیاست کے بارے میں بات کرتے ہوئے کہا کہ یونیورسٹی کے دنوں سے میں پاکستان تحریک انصاف سے وابستہ تھی اورعمران خان کو اس وقت سے جانتی ہوں جب وہ وزیراعظم نہیں تھے۔ عمران خان مجھے شروع سے ہی بہت پسند تھے لیکن اب ان کی پسندیدگی میں کمی آگئی ہے۔

میزبان نے پوچھا اب کیا ہو گیا تو حریم شاہ نے کہا کہ وہ پی ٹی آئی اور عمران خان کی کارکردگی سے تھوڑی سی دلبرداشتہ ہوگئی ہیں۔ انہوں نے موجودہ حکومتی سیاسی پارٹی سے دلبرداشتہ ہونے کی وجہ بتاتے ہوئے کہا جب آپ کسی سے بہت زیادہ امیدیں رکھتے ہیں اور جب آپ کی امید ٹوٹ جاتی ہے تو آپ دلبرداشتہ ہوجاتے ہیں۔ پاکستانیوں نے بھی عمران خان اور پی ٹی آئی سے بہت زیادہ امیدیں وابستہ کی ہوئی تھیں۔ عمران خان نے ہمیں امید دلائی تھی کہ پاکستان ایک نیاپاکستان ہوگا لیکن ابھی تک ایسا کچھ نہیں ہوا۔

تاہم حریم شاہ نے وزیراعظم عمران خان کی خوبیاں بھی بتائیں اور کہا خان صاحب پاکستان کے لیے مثبت سوچتے ہیں اور کرپٹ نہیں ہیں۔ وہ ہمارے لیڈر ہیں انہیں ہمارے لیے کچھ کرنا چاہئے لیکن ابھی تک انہوں نے کچھ نہیں کیا۔ حریم شاہ نے کہا میں چاہتی ہوں اب پاکستان میں پیپلز پارٹی کی حکومت آئے۔

میزبان نے حریم شاہ سے پوچھا آپ کے خیال میں پاکستان کس سمت جارہا ہے جس پر ٹک ٹاکر نے کہا ہمارے یہاں زیادہ تر سیاستدان کرپٹ ہیں اور اگر انہیں سیٹ ملی ہے تو ان کی زیادہ تر توجہ اس جانب ہوتی ہے کہ ہم کیسے فائدہ اٹھائیں۔

حریم شاہ کو پاکستان میں اس وقت شہرت ملی تھی جب ان کی دفتر خارجہ کی عمارت کے میٹنگ روم سے ایک ٹک ٹاک ویڈیو وائرل ہوئی تھی اور لوگوں نے ان پر تنقید کرتے ہوئے کہا تھا کہ ایک ٹک ٹاکر کو دفترخارجہ تک رسائی کس نے دی۔

میزبان نے انٹرویو کے دوران یہی سوال حریم شاہ سے کیا جس پر حریم شاہ نے بات گول مول کردی اور صرف اتنا کہا کہ اگر آپ کسی جگہ جارہے ہو تو آپ کو وہاں جانے کا دعوت نامہ ملتا ہے، مجھے دعوت نامہ ملا تھا اسی لیے میں گئی تھی۔ تاہم انہوں نے یہ نہیں بتایا کہ انہیں دفتر خارجہ میں جانے کا دعوت نامہ کس نے دیا تھا۔

(ایمرا نیوزآن لائن) وزیراعظم عمران خان کے دورہ ایران پر کی گئی تقریر کے سوشل میڈیا پر چرچے ،ٹوئٹر پر ٹاپ ٹرینڈ بن گیا۔ہیش ٹیگ جرمنی ، پاکستان میں ٹوئٹر پر ٹاپ ٹرینڈ بن گیا ،عمران خان کے دوسری عالمی جنگ سے متعلق بیان نے ایک نیا پنڈورا باکس کھول وزیراعظم نے اپنی تقریر میں کہا کہ جرمنی اور جاپان نے لاکھوں شہریوں کو ہلاک کیا ،پھر دوسری جنگ عظیم کے بعد انہوں نے فیصلہ کیا اور جاپان اور جرمنی کی سرحد پر مل کر صنعتیں لگائیں اور اس کے بعد ان کے درمیان خراب تعلقات کا کوئی سوال نہیں۔وزیراعظم عمران خان کے بیان کے بعد دنیا کے جغرافیے اور عالمی جنگ کے حقائق سے متعلق بحث گرم ہوگئی۔سماجی رابطے کی ویب سائٹ پر جاری بحث میں ہر جانب سے نقشے نکل آئے ،تاریخ کے حوالے دیے جانے لگے یہاں تک کے لکیریں کھینچ کر فاصلہ تک بتادیا گیا۔سوال اٹھایا گیا کہ کیا جرمنی اور جاپان کی سرحدملتی ہے؟کیا دوسری عالمی جنگ میں جاپان اور جرمنی حریف تھے؟یا اتحادی تھے؟

کسی نے عمران خان کو دنیا کا جغرافیہ بدل دینے والا قرار دیا تو سرحد پار کسی نے انہیں پاکستان کا راہول گاندھی قرار دیدیا۔وزیراعظم عمران خان کی سابق اہلیہ ریحام خان بھی میدان میں کود پڑیں ،انہوں نے کہاکہ وزیراعطم کو مطالعہ پاکستان یاد کراتے ہوئے وزیراعظم آفس کو چمڑے کی جیکٹس کے بجائے نقشہ تحفے میں دینے کی تجویز پیش کردی ۔ان کی تقریر پر بلاول بھٹو زرداری نے عمران خان پر طنز کے تیر چلائے اور کہاکہ ہمارے وزیراعظم سوچتے ہیں جرمنی اور جاپان سرحد شیئر کرتے ہیں۔انہوں نے یہ بھی کہاکہ کتنی شرمندگی کی بات ہے،جب آکسفورڈ یونیورسٹی میں کرکٹ کھیلنے کی بنیاد پر لوگ آئیں گے تو ایسا ہی ہوگا۔