Tag Germany

لاہور(ایمرا نیوزآن لائن رپورٹ عمر خالد سے) لاہور کی سیشن عدالت کے باہر فائرنگ کا واقعہ پیش آیا ہے جس کے نتیجے میں پیشی کے لیے آیا ہوا ایک شخص جاں بحق ہو گیا۔ذرائع کے مطابق سیشن کورٹ کے باہر نامعلوم ملزمان کی فائرنگ سے بلال نامی شخص جاں بحق ہوا ہے جس کے خلاف ایک لڑکی کے اغوا کا مقدمہ درج ہے۔بلال اپنے کیس کی پیشی کے سلسلے میں سیشن کورٹ آیا تھا کہ نامعلوم ملزمان کی فائرنگ کا نشانہ بن گیا، جو فائرنگ کرنے کے بعد باآسانی فرار ہو گئے۔پولیس کے مطابق بلال مغلپورہ کا رہائشی تھا جس کی لاش پوسٹ مارٹم کے لیے اسپتال منتقل کی گئی ہے۔پولیس نے بلال کے قاتلوں کی گرفتار کے لیے تفتیش شروع کر دی ہے۔

لاہور(ایمرا نیوز آن لائن) ’کنگ آف غزل‘ جگجیت سنگھ کی آج 78 ویں سالگرہ منائی جارہی ہے، جگجیت سنگھ نے اپنی آواز سے لوگوں کے دل جیت لیے تھے.جگجیت سنگھ کا تعلق بھارت کے شہر راجستھان سے ہیں،مرحوم جگجیت سنگھ 8 فروری 1941ء کو راجستھان میں پیدا ہوئے. جگجیت سنگھ کی غزلوں نے نا صرف بھارت بلکہ پوری دنیا میں مقبولیت حاصل کی، اور آج بھی ان کی گائی ہوئی غزلیں لوگوں کے دلوں میں زندہ ہیں.

جگجیت سنگھ نے اپنے فنی سفر کا آغاز 1966ء میں کیا تھا، اور اس کے بعد جگجیت سنگھ کی غزلوں کا جادو پوری دنیا میں پھیل گیا.بھارت کے تیسرے بڑے سول اعزاز پدما بھوشن سے بھی نوازا گیا ہے۔ جگجیت سنگھ نے فنی زندگی میں بے تحاشا کامیابیاں حاصل کیں، لیکن ذاتی زندگی ان کے لیے اچھی ثابت نہیں ہوئی، ان کے بیٹے کی ایک حادثے میں موت ہوگئی تھی، اور ان کی اہلیہ نے بھی خودکشی کرلی تھی.جگجیت سنگھ 10 اکتوبر 2011 کو انتقال کرگئے تھے، اور دنیا بھر میں اپنے مداحوں کو اُداس کرگئے. جگجیت سنگھ کی غزلیں آج کل کے نوجوان بہت شوق سے گاتے ہیں اور ان کو خراج تحسین پیش کرتے ہیں.

پاکستانی کرکٹر شعیب ملک کی اہلیہ6 گرینڈ سلام ڈبلز ٹائٹل جیتنے والی ثانیہ مرزا کی سوانح حیات پہلے ہی منظرعام پر آچکی ہے، فلم کی عکس بندی کا آغاز جلد ہونے امکان
ممبئی (ایمرا نیوز آن لائن) بھارتی ٹینس اسٹار اورپاکستانی کرکٹر شعیب ملک کی اہلیہ ثانیہ مرزا کی زندگی پر فلم بنانے کی تیاریاں مکمل کرلی گئیں۔ٹینس اسٹار ثانیہ مرزا کی زندگی پر بننے والی فلم کی عکس بندی کا آغاز جلدکر دیا جائے گا۔6 گرینڈ سلام ڈبلز ٹائٹل جیتنے والی ٹینس اسٹار ثانیہ مرزا کی سوانح حیات پہلے ہی منظرعام پر آچکی ہے، اب پروڈیوسر رونی اسکریو والا نے کئی ماہ تک رابطوں کے بعد معاملات طے کر لیے ہیں۔فلم میں ثانیہ مرزا کی جدوجہد، کیریئر میں اتارچڑھا اور شعیب ملک سے شادی سمیت ان کی زندگی سے جڑی مختلف حقیقتوں کو عکس بند کیا جائے گا۔ ثانیہ مرزا نے کہا ہے کہ اپنی زندگی کو پردہ اسکرین پر دیکھنا ان کے لیےحیرت انگیز تجربہ ہوگا۔واضح رہے کہ اس سے قبل بھی بھارتی اسپورٹس شخصیات کی زندگی پر کئی فلمیں بنائی جاچکی ہیں، میری کوم، دنگل، گولڈ ، بھاگ ملکھا بھاگ اور ایم ایس دھونی فلموں میں اسپورٹس اسٹارز کی زندگی کا احاطہ کیا گیا تھا۔

ٹیمیں ایف بی آر، ایکسائز اور اسٹیٹ بینک سے ریکارڈ جمع کریں گی جس کے بعد طلبی کے نوٹس جاری کیے جائیں گے
اسلام آباد (ایمرا نیوز آن لائن)جعلی بینک اکانٹس کیس کی تحقیقات کیلئے نیب کی مشترکہ تحقیقاتی ٹیمیں کراچی روانہ ہوگئی ہیں ٹیمیں ایف بی آر، ایکسائز اور اسٹیٹ بینک سے ریکارڈ جمع کریں گی جس کے بعد طلبی کے نوٹس جاری کیے جائیں گے. جعلی بینک اکانٹس کیس میں اہم پیش رفت ہوئی ہے اور نیب کی مشترکہ تحقیقاتی ٹیمیں ڈی جی نیب عرفان منگی کی قیادت میں تحقیقات کے لئے کراچی روانہ ہوگئی ہیں.نیب راولپنڈی سے محمد یونس اورگل آفریدی سی آئی ٹی کی سربراہی جبکہ ڈپٹی ڈائریکٹر محبوب عالم اور محسن علی راولپنڈی کی ٹیم کی سربراہی کررہے ہیں.نیب کی چار ٹیمیں ایف بی آر، ایکسائز، اسٹیٹ بینک سے ریکارڈ جمع کریں گی اور انورمجید کی تمام ملز سے متعلق بھی ریکارڈ حاصل کیا جائےگا، ریکارڈ کے بعد طلبی کے نوٹس جاری کیے جائیں گے. ذرائع نے بتایا ڈیڑھ ارب روپے سے زائد کک بیکس کی رقم منتقلی پرافسران سے بھی پوچھ گچھ ہوگیم اور تمام ٹیمیں ڈی جی نیب عرفان منگی کوتحقیقات سے آگاہ رکھیں گی.دوسری جانب نیب نے سربمہر پیشرفت رپورٹ سپریم کورٹ میں جمع کرادی ہے ، رپورٹ میں بتایا گیا ہے کہ تحقیقات کیلئے 4 مزید مشترکہ تحقیقاتی ٹیمیں بنادی گئیں اور سیکرٹریٹ نیب کے پرانے دفتر میں قائم کردیاگیا ہے. رپورٹ میں کہا گیا ہے کہ تحقیقاتی ٹیموں کی سربراہی ڈی جی نیب راولپنڈی کررہے ہیں، چیئرمین نیب تمام معاملے کی نگرانی خود کریں گے، عدالتی فیصلے پر مکمل عملدرآمدکیا جائے گا.

کراچی کا دولہا مہنگی گاڑی کی بجائے اپنی دولہن کو آن لائن ٹیکسی سروس اوبر میں رخصت کروا کر گھر لے آیا جس کے چارجز صرف 163 روپے بنے
کراچی (ایمرا نیوز آن لائن)ہر جوڑے کی خواہش ہوتی ہے کہ اس کی شادی یادگار ہو جس کے لیے دلہا دلہن نت نئے انداز اپنانے کے ساتھ ساتھ شادی کی تقریبات کے انتظامات میں ہمیشہ ہی منفرد انداز اپنائے نظر آتے ہیں۔آج کل شادیوں کا سیزن چل رہا ہے اوت گزرتے وقت کے ساتھ ساتھ جہاں شادی کے ایونٹس میں اضافہ ہو گیا ہے وہیں فیشن سمیت اور کئی چیزوں میں بھی لوگوں کے رحجان بدل رہے ہیں۔ہر جوڑے کی خواہش ہوتی ہے کہ ان کی شادی پر دلہن اور دولہے کی انٹری سمیت ہر چیز منفرد ہو۔ شادی کا دن سب کے لیے بہت خاص ہوتا ہے لیکن کچھ لوگ اپنی شادی کے دن کو یادگار بنانے کے لیے ایسا کام کرتے ہیں جو ہمیشہ یاد رہتا ہے۔اسی طرح کئی دولہے اپہنی دلہن کو لے جانے کے لیے مہنگی مہنگی گاڑیاں بھی لاتے ہیں تاکہ ہر کوئی اس کی تعریف کرے۔تاہم کچھ ایسے لوگ بھی ہیں جو ان کاموں پر خرچ نہیں کرتے۔کراچی میں ایک دولہا صرف 163روپے میں اپنی دلہن کو رخصت کر کے لیا گیا۔اسی حوالے سے ایک اوبر ڈرائیور نے اپنا تجربہ سوشل میڈیا پر شئیر کیا ہے اور لوگوں کو بتایا کہ جہاں لوگ رخصتی کے موقع پر گاڑیوں پر اتنا پیسہ خرچ کرتے ہیں وہیں کچھ ایسے لوگ بھی ہیں جو اوبر گاڑی پر ہی اپنی بیگم کو رخصت کر کے لے جاتے ہیں۔اوبر ڈرائیور کا مزید کہنا تھا کہ ایک بار وہ اپنی سواریوں کو پک کرنے گیا تو یہ دیکھ کر حیران رہ گیا کہ اس کی سواریوں میں دولہا دلہن شامل ہیں۔اوبر ڈرائیور کا کہنا تھا کہ وہ یہ دیکھ کر حیران رہ گیا کہ اس سواری کے صرف 163 روپے چارجز بنے۔اوبر ڈرائیور کا کہنا تھا کہ وہ دو بار اپنی اوبر ایکس میں دلہنوں کو رخصت کروا چکا ہے۔اوبر ڈرائیور کی جانب سے اس پوسٹ نے لوگوں کو حیرت میں مبتلا کر دیا ہے اور کچھ صارفین کا کہنا ہے کہ واقعی شادی پر فضول خرچی سے بچنے کا یہ ایک اچھا راستہ ہے۔

بلاول بھٹو اور سندھ حکومت کی 7جنوری کے حکم نامہ پر نظر ثانی اپیلیں بھی دائر
مذکورہ کیس سے متعلق نیب کوئی ریفرنس فائل کرنا چاہیے تو وہ کراچی میں فائل کرے:پی پی قیادت کا موقف
کیس کی جامع تحقیقات کیلئے 4 مشترکہ تحقیقاتی ٹیمیں تشکیل دی گئیں‘ عدالتی فیصلے پر مکمل عملدرآمد یقینی بنایا جائیگا :نیب رپورٹ
اسلام آباد (ایمرا نیوز آن لائن) جعلی بینک اکاﺅنٹس کیس میں نیب نے سربمہر پیش رفت رپورٹ عدالت عظمیٰ میں جمع کروادی ہے جبکہ بلاول بھٹو زرداری اور سندھ حکومت کی طرف سے سات جنوری کے حکم نامہ پر نظر ثانی اپیلیں بھی سپریم کورٹ میں دائر کی گئی ہیں عدالت عظمیٰ نے سات جنوری کے حکم نامہ میں وزیراعلیٰ سندھ اور بلاول بھٹو زرداری کا نام ای سی ایل سے نکالنے کے احکامات دیئے تھے جس کے پیرا 29,35,37 پر نظر ثانی کی استدعا کی گئی ہے نظر ثانی اپیل میں جعلی بینک اکاﺅنٹس کیس کی مزید انکوائری اسلام آباد میں کرانے کو شفاف ٹرائل سے متصادم قرار دیتے ہوئے معاملہ نیب کراچی کے حوالے کرنے کی درخواست کی گئی ہے مزید استدعا کی گئی ہے کہ اس سلسلے میں نیب کوئی ریفرنس فائل کرنا چاہیے تو وہ کراچی میں فائل کرے بلاول بھٹو زرداری کی طرف سے دائر کی گئی نظر ثانی اپیل میں جے آئی ٹی کی تشکیل اور حساس اداروں کے ممبران کی شمولیت اور اعتراض اٹھانے کے ساتھ ساتھ سپریم کورٹ کے صوابدیدی اختیارات پر بھی اعتراض اٹھایا ہے اپیل میں سات جنوری کے عدالت عظمیٰ کے زبانی اور تحریری حکم نامے میں موجود فرق کا ذکر کرتے ہوئے موقف اپنایا گیا ہے کہ عدالت عظمیٰ نے وزیراعلیٰ سندھ اور بلاول بھٹو زرداری کا نام ای سی ایل سے نکالنے کا حکم دیا تھا جو کہ تحریری حکم نامے میں موجود نہیں اپیل میں مقدمہ کو نیب کی جگہ بینکنگ کورٹ کا معاملہ قرار دیا گیا ہے بلاول بھٹو نے بھی سات جنوری کے حکم نامے پر نظر ثانی کی اپیل کی ہے دوسری طرف نیب کی طرف سے جعلی بینک اکاﺅنٹس معاملہ پر اپنی پیش رفت رپورٹ میں سیل بند عدالت میںجمع کرائی گئی ہے معاملہ کی تحقیقات کیلئے چار مزید مشترکہ تحقیقاتی ٹیمیں تشکیل دی گئی ہیں تحقیقات کیلئے سیکرٹریٹ بھی نیب کے پرانے دفتر میں قائم کیاگیا ہے معاملہ پر مقرر تمام تحقیقاتی ٹیموں کی سربراہی ڈی جی نیب راولپنڈی عرفان منگی کررہے ہیں جبکہ رپورٹ کے مطابق چیئرمین نیب تمام معاملہ کی خود نگرانی کررہے ہیں اس حوالے سے عدالتی فیصلے پر مکمل عملدرآمد یقینی بنایا جائیگا ( توصیف عباسی )

گرائونڈ میں لگے فٹبال پول اکھاڑ دئیے ‘ فٹبالرز کا احتجاج
جیکب آباد(ایمرا نیوز آن لائن) جیکب آباد میں نامعلوم افراد نے شاہ لطیف فٹبال اسٹیڈیم گرائونڈ پر غیر قانونی میلہ لگانے کے لیے سامان اتارنا شروع کردیا،گرائونڈ میں لگے فٹبال کے پول اکھاڑ دئیے ، گھڑے کھود کر گرائونڈ کا ستیاناس کردیا، فٹبالرز کا احتجاج، ضلع انتظامیہ معاملے سے بے خبر۔ تفصیلات کے مطابق جیکب آباد میں واقع شاہ عبدالطیف فٹبال اسٹیڈیم گرائونڈ پر نامعلوم افراد نے غیر قانونی طور پر میلہ لگانے کے لیے سامان اتارنا شروع کردیا ہے، ٹرکوں میں سامان لاد کر گرائونڈ میں رکھا جارہا ہے جبکہ گرائونڈ میں لگے فٹبال کے پول بھی اکھاڑ دئیے گئے ہیں اور پورے گرائونڈ میں جگہ جگہ گھڑے کھود کر گرائونڈ کا ستیاناس کردیا گیا ہے، ڈسٹرکٹ فٹبال ایسوسی ایشن کے رہنمائوں نے فٹبالر سہراب کھوسو کی قیادت میں احتجاجی مظاہرہ کیااس موقع پر انہوں نے کہا ہے کہ بغیر کسی اجازت کے گرائونڈ میں غیر قانونی طور پر میلہ لگانے کی کوشش کی جارہی ہے منع کرنے پر ہمیں دھمکایا جارہا ہے، نامعلوم افراد نے فٹبال گرائونڈ کو مکمل کنڈر بنا دیا ہے ،گرائونڈ میں لگے پول اکھاڑے گئے ہیں جگہ جگہ گھڑے کھودے گئے ہیں پوئلین کی حالت خراب کردی گئی ہے، انہوں نے کہا کہ کھیل اور کھلاڑیوں سے کھلواڑ بند کیا جائے ،انہوں نے کہا کہ گرائونڈ میں اس وقت لیزر لیگ کے میچز چل رہے ہیں اور ہمارے 5رائونڈ ہوچکے ہیں جبکہ 6رائونڈ شروع ہونے والا ہے لیگ کے 7رائونڈ ہونگے جس کے بعد اس لیگ کی چیمپیئن اکتوبر2019 سعودی عرب میں ہونے والے سوکا ورلڈ کپ کے لیے مئی 2019میں اسلام آباد میں ہونے والے کوالیفائی رائونڈ میں شرکت کرے گی اگر اسٹیڈیم گرائونڈ میں اس طرح غیر قانونی میلہ لگایا گیا تو ہمارے کھلاڑیوں کا مستقبل دائو پر لگ جائے گاکیوں کہ جب تک لیزر لیگ مکمل نہیں ہوگی ہماری ٹیم اسلام آباد میں ہونے والی کوالیفائی رائونڈ میں حصہ نہیں لے سکے گی، انہوں نے لیزر لیگ پاکستان کے چیف پیٹرن وفاقی وزیر محمد میاں سومرو نے مطالبہ کیا کہ اسٹیڈیم میں لگنے والے غیر قانونی میلے کو ختم کرایا جائے بصورت دیگر شدید احتجاج کیا جائے گا، اس سلسلے میں رابطہ کرنے پر اسسٹنٹ کمشنر ناصر عباسی نے کہا کہ ضلع انتظامیہ کی جانب سے ابھی تک کسی کو میلے کی اجازت نہیں دی گئی ہمیں درخواستیں موصول ہوئی تھیں مگر تاحال کسی کو اجازت نہیں دی، البتہ شاہ لطیف فٹبال گرائونڈ میں سامان اتارنے کے متعلق ہمیں کوئی علم نہیں، دوسری جانب پولیس ذررائع نے بتایا کہ ڈپٹی کمشنر کی جانب سے 11فروری سے 25فروری تک جشن بہاراں کے نام سے میلے کی سیکورٹی کے لیے درخواست موصول ہوئی ہے ۔

ہری پور(ایمرا نیوز آن لائن)قتل کیس میں گرفتار ملزم کو عدالت نے بر ی کر دیا ،ملز م فریال شاہ پر شہری کو قتل کر نے کا الزام تھا ،ملزم کی جانب سے معروف قانون دان مسعود اظہر ایڈوکیٹ عدالت میں پیش ہوئے تفصیلا ت کے مطابق ملزم فر یا ل شاہ کیخلاف ہری پور پولیس نے شہری کو قتل کر نے کے الزا م میں زیر دفعہ 302مقدمہ درج کیا تھا جس کی سماعت گذشتہ روز ایڈیشنل سیشن جج ISTکی عدالت میں ہوئی جہاں پر ملزم کی جانب سے معروف قانون دان مسعود اظہر ایڈوکیٹ نے کیس کی پیروی کی اور مضبوط دلا ئل دیئے ،عدالت نے دونوں جانب کے وکلاءکے دلا ئل سننے کے بعد ملزم فریال شاہ کو بری کر دیا ،ملزم اور اس کے عزیز واقار ب نے عدالتی فیصلہ کو حق و سچ کی فتح قرار دیتے ہوئے انصاف کی فراہمی میں اہم کردار ادا کر نے پر مسعود اظہر ایڈوکیٹ کو خراج تحسین پیش کیا.

اسپیکر نے بہت غلط کام کیا ‘خان صاحب کی وجہ سے خاموش ہوں ‘پی اے سی میں شہباز شریف کسی صورت پسند نہیں‘شریف خاندان کی سیاست قطری سے شروع ہو کر پتھری پر ختم ہو جا تی ہے‘آئندہ ریلو ئے بجٹ خود تیا ر کر کے پا رلیمنٹ سے منظور کر ائیں گے
وزیر ریلوے کا ریلو ئے ورکرز سے خطاب
اسلام آباد (ایمرا نیوز آن لائن ) وفاقی وزیر ریلوے شیخ رشید نے کہاہے کہ اسد قیصر کو میری پی اے سی میں شمولیت روکنے کا کوئی صوابدیدی اختیار نہیں ‘ اسپیکر نے بہت غلط کام کیا ‘خان صاحب کی وجہ سے خاموش ہوں ‘پی اے سی میں شہباز شریف کسی صورت پسند نہیں‘شریف خاندان کی سیاست قطری سے شروع ہو کر پتھری پر ختم ہو جا تی ہے‘آئندہ ریلو ئے بجٹ خود تیا ر کر کے پا رلیمنٹ سے منظور کر ائیں گے۔ جمعہ کے روز ریلو ئے ورکرز سے خطاب کر تے ہو ئے وفاقی وزیر ریلوے شیخ رشید نے ریلو ئے کے ہر مز دور کو وزیراعظم عمرا ن خان کی جا نب سے 3ہزار روپے دینے کا اعلا ن کر تے ہو ئے کہا کہ آئیندہ سے کو ئی مسافر ٹرین امپورٹ نہیں کر ینگے ساری ٹرینیں پاکستان میں ہی تیا ر ہو نگی میں نے ابھی تک ایک روپے کی چیز نہیں خریدی بلکہ ریلو ئے ک ے مزدورں نے ٹرینیں چلا ئی ہے اب ریلو ے پو لیس کی تنخواہ بھی پنجاب پو لیس کے برابر کر نا چاہتا ہو ںبلکہ ریلو ئے کا بجٹ بھی خود تیا ر کر کے پا رلیمنٹ سے منظور کر ائیں گے ۔ انہو ں نے پبلک اکاونٹس کمیٹی میں شامل نہ کرنے پر سپیکر قومی اسمبلی کو مخاطب کرتے ہوئے کہا کہ پبلک اکاونٹس کمیٹی میں شہبازشریف کسی صورت پسند نہیں ہے ، اگلے پیر تک شہبازشریف کا فیصلہ نہ ہوا تو میں خاموش نہیں رہوں گا ، سپیکر بادشاہ آدمی ہے ، سپیکر کا کوئی حق نہیں ہے کہ مجھے پبلک اکاونٹس کمیٹی میں شامل ہونے سے روکے ، یہ پارٹی لیڈر کا حق ہے وہ کسے کمیٹی میں شامل کرتا ہے اور اسپیکر کا کوئی اختیار نہیں کہ وہ شہبازشریف کو ریمانڈ میں بلائے ، سپیکر صاحب آپ نے یہ بہت غلط کام کیا ہے ، میں پاکستان کا سینئر پارلیمنٹرین ہون اور عمران خان کی وجہ سے خاموش ہوں ، مجھے وزارت کی کوئی فکر نہیں ہے اور فکر ہے تو صرف غریب عوام کی ہے جس کے ساتھ عمرا ن خان نے وعدے کیے ہیں ۔ان کا کہناتھا کہ وزیر اعظم سے ملاقات کے بعد مجھے یقین ہو گیاہے کہ عمران خان کے پاس ڈھیل ہے نہ ہی ڈیل ہے صرف اند ر کر نے کا دھکا ہے ۔ انہو ں نے مزید کہا کہ وزیراعظم 11 فروری کوتھل ایکسپریس کاافتتاح کریں گے، پاکستان میں ریلوے کاجال بچھادوں گا، 12 فروری سے ریلوے ٹریکس کی چیکنگ کروں گا، ریلوے میں مزدوروں کی تعداد دگنی کریں گے۔

پھر 4 دن کی تاریخ مل گئی ہے، جیل میں 4 دن 4 سال کے برابر ہوتے ہیں‘ عدالت نے ماڈل ٹریزا کو اس ماہ کے آخر تک کیس کا فیصلہ کرنے کی یقین کروا دی
لاہور (ایمرا نیوز آن لائن)سیشن کورٹ میں آج منشیات اسمگلنگ کیس کی سماعت ہوئی ۔ بیرون ملک منشیات اسمگل کرنے والی غیر ملکی ماڈل ٹریزا عدالت میں پیش ہوئی۔جج شہزاد رضا نے غیر ملکی ماڈل کو کٹہرے میں بلا لیا۔میڈیا رپورٹس میں بتایا گیا ہے کہ عدالت نے ٹریزا سے استفسار کیا کہ کیا آپ کچھ کہنا چاہتی ہے ؟ تو ماڈل کا کہنا تھا کہ پھر 4 دن مل گئے ہیں۔جیل میں 4 دن 4 سال کے برابر ہوتے ہیں۔مقدمے میں تاریخ پڑنے پر غیر ملکی ماڈل مایو س ہو گئی۔تاہم عدالت نے کہا کہ آپ کا کیس حتمی مراحل میں داخل ہو چکا ہے۔اسی ماہ کے آخر تک قانون کے مطابق آپ کے کیس کا فیصلہ کریں گے۔آپ نے ایک سال سے زائد کا عرصہ جیل میں گزار دیا اب آگے بھی پراسس سے گزرنا ہو گا۔کوشش کریں گے آئندہ سماعت پر گواہوں پر جرح مکمل ہو۔کیس کی مزید سماعت 13فروری تک ملتوی کر دی گئی۔فریقین کے وکلا حتمی بحث کے لیے طلب کر لیے گئے۔یاد رہے کہ غیر ملکی ماڈل کو منشیات برآمد ہونے پر ائیرپورٹ سے گرفتار کیا گیا تھا۔ گذشتہ برس ہونے والی سماعت کے دوران ماڈل ٹیریزا نے بھی پاکستان کے سیاستدانوں کی طرح یوٹرن لے لیا تھا۔ پہلے ماڈل ٹیریزا نے منشیات اسمگلنگ کا اعتراف کیا جس کے بعد انہوں نے اپنا بیان بدل لیا اور کہا کہ میں تو ماڈلنگ اور اسلامی تعلیمات پر ریسرچ کرنے کے لیے پاکستان آئی تھی۔جیل میں ایک سال گزارنے کے بعد غیر ملکی ماڈل کا یوٹرن لینا ان کا مقامی رنگ میں رنگنے کا ثبوت ہے جو پاکستانی لباس زیب تن کرتی ہیں اور کبھی شال اوڑھ لیتی ہیں۔ غیر ملکی ماڈل نے کہا کہ میں تو ماڈلنگ اور اسلامک اسٹڈیز کے لیے پاکستان آئی تھی لیکن ائیر پورٹ پرکسٹم حکام نے مجھے آسان ہدف سمجھ کر گرفتار کر لیا اورمنشیات اسمگلنگ کیس میں پھنسا دیا، ان کا کہنا تھا کہ میرے سامان سے بھی کچھ برآمد نہیں ہوا، میں بے گناہ ہوں۔غیر ملکی ماڈل ٹریزا کا کہنا تھا کہ میں نےجیل میں پاکستانی کلچر اور قیدی کی زندگی پر دو کتابیں لکھی ہیں اور میں رہائی پانے کے بعد جلد ہی میں ان کتابوں کو چھپواں گی۔انہوں نے کہا کہ جیل میں ساتھی خواتین بھی بہت اچھی ہیں۔پاکستانی قومی زبان کے ساتھ ساتھ سلائی کا کام بھی سیکھ رہی ہوں۔