Tag interesting

(ایمرا نیوز آن لائن)
میری لینڈ: ایک امریکی شخص نے اسٹور سے خریدی گئی پیک شدہ خوراک کو میعاد (ایکسپائری ڈیٹ) گزر جانے کے بعد استعمال کیا اور اپنی کیفیات پر ایک بلاگ لکھا ہے۔

میری لینڈ کے شخص اسکاٹ ناش کو تین سال قبل اس عجیب وغریب تجربے کا خیال آیا۔ پہلے اس نے پیکنگ میں بند دہی کو اس کی مدت ختم ہونے کے 6 ماہ بعد کھایا۔ اگرچہ اس کا ذائقہ بدل چکا تھا لیکن پورا دہی کھانے کے بعد اسے کچھ نہیں ہوا۔ واضح رہے کہ اسکاٹ خود بھی ایک ماحولیات داں ہیں اور ایک نامیاتی فوڈ اسٹور کمپنی کے مالک ہیں۔

اس کے بعد اسکاٹ کو خیال آیا کہ آخر ’ایکسپائر یا میاد ختم‘ ہونے کا کیا مطلب ہوتا ہے؟ اسی طرح ’ اس تاریخ سے قبل بہترین یا بیسٹ بیفور یا سیل بائے وغیرہ کس کو ظاہر کرتے ہیں؟ اسکاٹ کے نزدیک یہ ہدایات پریشان کن اور مبہم ہیں۔
اسکاٹ ناش نے اپنے بلاگ میں لکھا ’ میں سمجھتا ہوں کہ غذا اور غیر غذائی مصنوعات پر ایکسپائر تاریخ لکھنے کا رجحان تبدیل ہونا چاہیے، انہیں حقیقیت سے قریب ہونا چاہیے، بعض اشیا پر تاریخ لکھنے کی کوئی ضرورت ہی نہیں رہتی جن میں نمک، شہد اور بچوں کے وائپس شامل ہیں۔‘

خود پر کیے گئے تجربات میں اس نے ایک سال پرانی روٹیاں بھی کھائیں اور خود اپنے اہلِ خانہ کو بھی کھلائیں یہاں تک گوشت کی تاریخ گزرنے کے ایک ہفتے بعد، دہی کی ایکسپائری ڈیٹ ختم ہونے کے اسے چھ سے آٹھ ماہ بعد، کئی ماہ بعد کریم استعمال کی اور ایک مرتبہ ایسا مکھن کھایا جس پر پھپھوند آگئی تھی اور ان تجربات سے انہیں کوئی نقصان نہیں ہوا۔

اسکاٹ نے بتایا کہ بعض کھانے میعاد کے بعد اتنے خراب ہوجاتے ہیں کہ انہیں کوڑے دان کی نذر کرنا پڑتا ہے، اگر کھانے کی شکل، ذائقے اور بو میں کچھ فرق ہوجائے تو آپ اسے نہیں کھاتے لیکن بعض لوگ ایسے ہوتے ہیں کہ وہ بہترین کھانوں کو بھی میعاد ختم ہونے کے ایک روز بعد ہی تلف کردیتے ہیں۔

انہوں نے کہا کہ نمک خود کروڑوں سال پرانا ہوتا ہے اور اس کی ایکسپائر تاریخ کس طرح مرتب کی جاسکتی ہے؟ یہی حال ٹوتھ پیسٹ کا بھی ہے جس پر دو ماہ بعد خراب ہونے کی تاریخ لکھی ہوتی ہے۔ انہوں نے یہ اعتراف بھی کیا کہ بعض کمپنیاں چاہتی ہیں کہ لوگ تیزی سے ان کا کھانا تلف کریں تاکہ وہ اسٹور سے نئی غذائیں اور اشیا خریدسکیں اور ان کا منافع بڑھتا رہے۔

امریکی فوڈ اینڈ ڈرگ اتھارٹی (ایف ڈی اے)، غذائی سائنس کے ماہرین اور خود سپراسٹور کے مالکان یہ کہتے آئے ہیں کہ ایکسپائرڈ ڈیٹ کو واضح ہونا چاہیے تاکہ غذا کو ضائع ہونے سے بچایا جاسکے۔

ممبئی(ایمرا نیوزآن لائن) بھارتی فلم عشق زادے سے اپنے کیریئر کاآغاز کرنے والے خوبرواداکار ارجن کپور نےارباز خان کی سابقہ بیوی ملائیکہ اروڑاخان سے شادی سے انکار کرتے ہوئے کہاکہ وہ شادی نہیں کر رہے ہیں۔بھارتی میڈیا رپورٹس کے مطابق ارجن کپورنےایک انٹرویو میں ملائیکہ اروڑاسے شادی کی افواہوں سے متعلق سوال کے جواب میں ہنستے ہوئے کہا کہ ’عام طور پر مرد شادی کے بعد ’’گنجے ‘‘ہو جاتے ہیں ، پھر میں اداکار ہونے کے ناطے شادی کیوں کرنا چاہوں گا ؟‘

اُنہوں نے مزید کہا کہ اگر میں گنجا ہو گیا تو میری تصاویر ہر جگہ پھیل جائیں گی اور میں ایسا نہیں چاہتا۔عشق زادےاداکارنے کہا کہ میں بہت سنجیدہ ہوں، ابھی شادی نہیں کر رہا، انہوں نے مزید کہا کہ میں نے کسی سے کچھ نہیں چھپایااور مجھے لگتا ہے کہ میری ذاتی زندگی اور پرائیویسی کی عزت کی جانی چاہیے۔اُن سے ایک اور سوال پوچھا گیا کہ آپ کسی سےمحبت کرتے ہیں، آپ خوش ہیں؟جس کے جواب میں ارجن نے کہا کہ میری ذاتی اور پیشہ ورانہ زندگی بہت اچھی گزر رہی ہے ،مجھے رات میں نیندبھی اچھی آتی ہے اور میں چاہوں گا کہ سب ایسا ہی رہے ۔انٹرویو کے اختتام میں انہوں نے مزید کہا کہ میں بہت خوش ہوں اور میرے لیے میری خوشی بہت اہمیت رکھتی ہے۔

لاہور(ایمرا نیوزآن لائن) بھارتی ریاست کیرالہ کے شہر تھریسر میں ایک دسویں جماعت کی طالبہ گھوڑے پر امتحان دینے اسکول پہنچ گئی۔بھارتی میڈیا رپورٹس کے مطابق طالبہ کی یونیفارم میں ملبوس گھڑ سواری کرتے ہوئے ویڈیو سوشل میڈیا پر وائرل ہوگئی۔ ویڈیو کے اپ لوڈ ہوتے ہی اُسے بڑی تعداد میں لوگوں کی جانب سے پسند کیا گیا اور صارفین نے کمنٹس کے ذریعے اپنی رائے کا اظہار بھی کیا ہے۔منفرد انداز میں گھڑ سواری کرتی بچی کی اس ویڈیو نے بھارتی نامور کاروباری شخصیت آنند مہندرا کی توجہ بھی اپنی جانب مبذول کرالی ہے۔ مختصر ویڈیو کلپ میں دیکھا جاسکتا ہے کہ ایک باہمت لڑکی اسکول یونیفارم میں ملبوس، پیٹھ پر بیگ لٹکائے پریشانی میں اپنے امتحانی مرکزکی طرف گھوڑا بھگا رہی ہے۔اس ویڈیو پر آنند مہندرا نے ٹوئٹ کیا کہ ’شاندار! لڑکیو ں کی تعلیم کو آگے بڑھنا چاہئے، یہ کلپ عالمی سطح پر مقبول ہونے کے قابل ہے۔‘ایک اور ٹوئٹ میں آنند مہندرا نے بچی کی حوصلہ افزائی کرتے ہوئے کہا کہ یہ ایک بہادر لڑکی ہے، اس کا مستقبل کے لیے جذبہ اُمیدوں سے بھرا ہوا ہے۔

لندن (ایمرا نیوز آن لائن) دبئی میں فیس بک پوسٹ کی وجہ سے برطانوی خاتون کو 2 سال قید اور 50ہزار پاﺅنڈ جرمانہ عائد کردیاگیا،برطانوی عورت نے سابق شوہر کو احمق اور اس کی نئی بیوی کو فیس بک پرگھوڑی کہا تھا ،لندن کی رہائشی لیلہ شاہرویش کو دبئی ایئرپورٹ سے اس وقت گرفتار کیا گیا جب وہ اپنے سابق شوہر کی آخری رسومات میں شرکت کے بعد واپس لندن روانہ ہو رہی تھیں ،پچپن سالہ لیلہ شاہرویش نے 2016 میں فیس بک پر اپنے سابق شوہر کی نئی شادی کی تصاویر پر اس کی نئی بیوی کو ’گھوڑی‘ کہا تھا، عرب امارات کے سائبر قوانین کے تحت کسی بھی شخص کو سوشل میڈیا پر ہتک آمیز کمنٹ پر قید یا جرمانے کی سزا سنائی جا سکتی ہے۔

واشنگٹن(ایمرا نیوزآن لائن) نیویارک کے واشنگٹن اسکوائر پارک میں تکیوں کی لڑائی کا عالمی دن منانے کیلئے دلچسپ لڑائی کا اہتمام کیا گیا۔تکیوں کی اس منفرد لڑائی میں سینکڑوں افراد نے شرکت کی اور ایک دوسرے پر خوب تکیےبرسائے ۔منفرد نوعیت کے اس ایونٹ میں نہ صرف بڑوں بلکہ بچوں نے بھی بھرپور حصہ لیا اور اتنے تکیے برسائے کہ ہر طرف سفید روئی بکھر گئی۔

لاہور(ایمرا نیوزآن لائن) جدید ٹیکنالوجی سے لیس بیش قیمت گاڑیوں کا شوق تو کروڑوں افراد کو ہوگا لیکن گاڑیوں کے بعد اب مہنگی چابی بھی پیش کردی گئی ہے۔دبئی کی ایک کمپنی نے ہیروں سے سجی دنیا کی مہنگی ترین گاڑی کی چابی متعارف کروادی ہے۔اس چابی میں 34.5قیراط کے چھوٹے ہیرے جڑے ہیں جبکہ اس کی تیار ی میں اعلیٰ قسم کی لکڑی،خالص چمڑے اور میٹلز کا استعمال کیا گیا ہے۔

لاہور(ایمرا نیوزآن لائن) دنیا بے انتہا خوبصورت مقامات سے بھری ہوئی ہے، اور سیاح ان مقامات کی سیر کرنا بہت ہی پسند کرتے ہیں.یہ خوبصورت مقامات ہر ملک کی پہچان سمجھے جاتے ہیں، اور ان کی وجہ سے یہ ملک دنیا بھر میں مشہور ہوجاتا ہے.
سال 2019 کے لیے دنیا کے 10 بہترین سیاحتی مقامات کی فہرست میں برطانیہ کے دارالحکومت لندن کا پہلا نمبر ہے۔فرانس کا دارالحکومت پیرس دوسرے، اطالیہ کا شہر روم تیسرے، یونان کا جزیرہ کرٹ چوتھے اور انڈونیشا کا جزیرہ بالی سیاحوں کے پسندیدہ ترین مقامات میں پانچویں نمبر پر ہے۔غیرملکی میڈیا کے مطابق نئی فہرست میں ان معروف ترین مقامات کا نام پیش کیا گیا جن کا رخ دنیا بھر کے لوگ روایتی سیاحت کے مقصد سے کرتے ہیں۔مذکورہ فہرست موسم بہار کی تعطیلات شروع ہونے سے چند ہفتے قبل سامنے آئی ، اس سیزن میں ہر سال بڑے پیمانے پر سیاحتی سرگرمیاں انجام دی جاتی ہیں۔عالمی سطح پر دس بہترین مقامات کی فہرست میں مراکش کا شہر مراکش سٹی نویں نمبر پر اور متحدہ عرب امارات کا شہر دبئی دسویں نمبر پر ہے۔فہرست کی تیاری کے لیے ہونے والے سروے میں ہزاروں افراد نے شرکت کی جو سیاحت کے مقصد سے دنیا بھر میں مختلف مقامات کا رخ کرتے ہیں،مراکش اور دبئی نے اپنی درجہ بندی کے حوالے سے سیاحتی نقشے میں شامل دنیا کے بہت سے اہم شہروں پربرتری حاصل کر لی۔ان میں نیویارک (13 ویں پوزیشن)، ہینوے (15 ویں پوزیشن) اور ٹوکیو 16 ویں پوزیشن شامل ہے۔علاوزہ ازیں ہر سال لاکھوں سیاحوں کی منزل بننے والا ہانک کانگ اس فہرست میں 22 ویں نمبر پر ہے جب کہ سیاحوں اور مہم جوئی کے دیوانوں کی ایک اہم منزل آسٹریلیا کا شہر سڈنی فہرست میں 24 ویں پوزیشن پر ہے۔عالمی سطح پر اس فہرست میں برطانیہ کے دارالحکومت لندن کا پہلا نمبر ہے۔ فرانس کا دارالحکومت پیرس دوسرے، اطالیہ کا شہر روم تیسرے، یونان کا جزیرہ کرٹ چوتھے اور انڈونیشا کا جزیرہ بالی سیاحوں کے پسندیدہ ترین مقامات میں پانچویں نمبر پر ہے۔رپورٹ کے مطابق برطانوی دارالحکومت لندن قیمتوں میں اضافے، شدید ٹریفک اور سیاحتی مقامات پر طویل قطاروں کے باوجود سرفہرست رہا۔

کپاس کی مجموعی پیداوار کا قریباََ70فیصد پنجاب میں پیدا ہوتا، امسال زرعی پالیسی کے تحت کپاس کاشتکاروںکوکروڑوں روپے سبسڈی کی فراہمی کی جا رہی ہے،محکمہ زراعت پنجاب
فیصل آباد(ایمرا نیوز آن لائن)دنیا بھر میں کپاس پیدا کرنے والے ممالک میں پاکستان چوتھا بڑا ملک ہے ۔ پاکستان میںکپاس کی مجموعی پیداوار کا قریباََ70فیصد پنجاب میں پیدا ہوتا ہے ۔ حکومت پنجاب کی طرف سے امسال زرعی پالیسی کے تحت کپاس کاشتکاروںکوکروڑوں روپے سبسڈی کی فراہمی کی جا رہی ہے۔ محکمہ زراعت پنجاب کی کپاس کی منظور شدہ اقسام سے کپاس کی آئندہ فی ایکڑ پیداوار میں اضافہ ہوگا۔اس منصوبہ کے تحت حکومت پنجاب آئندہ فصل کے لئے کاشتکاروں کو 1 لاکھ ایکڑ رقبہ کے لئے کپاس کا بیج فراہم کرے گی اور وفاقی حکومت کی طرف سے بھی مزید 1 لاکھ ایکڑ رقبہ کے لئے کپاس کا بیج فراہم کیا جائے گاجس پر1 ہزار روپے فی بیگ سبسڈی دی جائے گی۔ کپاس کی پیداوار میں اضافہ کے لیے حکمت عملی کے بار ے میںنظامت زرعی اطلاعات پنجاب کے ماہرین کا کہنا ہے کہ آئندہ ماہ سے کپاس کی فصل کی کاشت کا آغاز ہونے والا ہے اور محکمہ زراعت حکومت پنجاب کی طرف سے کپاس کے زیر کاشت رقبہ اور پیداوار میں اضافہ کے لیے جامع حکمت عملی کو حتمی شکل دے دی گئی ہے جس کے تحت محکمہ زراعت کے مختلف شعبہ جات کو ان کی ذمہ داریوں کے مطابق واضح اہداف دیے گئے ہیںتاکہ وہ کاشتکاروں میں تحریک اور ترغیب کے ذریعے کپاس کے زیر کاشت رقبہ میں اضافہ کو یقینی بنائیں۔ حکومت پنجاب کی طرف سے امسال زرعی پالیسی کے تحت ملتان،خانیوال،لودھراں ،وہاڑی،بہاولنگر،بہاولپور،رحیم یار خان،ڈیرہ غازی خان،لیہ،مظفرگڑھ اور راجن پور کے اضلاع کے کاشتکار کپاس کی منظورشدہ اقسام آئی یو بی- 2013 ،ایف ایچ لالہ زار،ایف ایچ- 142 ،بی ایس- 15 ،ایم این ایچ- 886 پر کروڑوں روپے سبسڈی کی فراہمی کی جا رہی ہے۔سبسڈی کے حصول کے لئے کاشتکار پنجاب سیڈ کارپوریشن،بابا فرید کارپوریشن،نیلم سیڈز،جالندھر پرائیویٹ لمٹیڈ اور ہرل سیڈ کارپوریشن کی کمپنیوںسے واؤچر والے بیگ خرید یں گے ۔

لاہور (ایمرا نیوزآن لائن) ہیری پورٹر کا جادو پوری دنیا پر پھیلا ہوا ہے اور دنیا بھر میں اس کے مداح موجود ہیں لیکن اب ہیری پورٹر کی سب سے بڑی مداح سامنے آگئی ہے.
دنیا بھر میں جہاں مشہور جادوئی فلمی سیریز ہیری پورٹر کے مداحوں کی کوئی کمی نہیں وہیں اس فلم کے کرداروں سے متاثر نظر آنے والے دیوانوں کا بھی کوئی ثانی نہیں۔برطانیہ سے تعلق رکھنے والی Victoria Macleanنامی خاتون کو اگر دنیا میں ہیری پورٹر کی سب سے بڑی مداح کہاجائے توکچھ غلط نہ ہوگا۔

وکٹوریا گذشتہ 18سالوں سے ہالی ووڈ کی بلاک بسٹر فلم سیریزہیری پورٹر کے مختلف کرداروں اور فلم سیٹ سے جڑی یادگار اور نادر ونایاب اشیاء جمع کر نے میں مشغول ہیں۔ان کے مجموعے میں ہیری پورٹر سے منسوب3686چھوٹی بڑی اشیاء موجود ہیں جس کی وجہ سے انکا نام گینز ریکارڈ بک میں شامل کرلیا گیا ہے۔

لاہور(ایمرا نیوز)