Tag market

لاہور(ایمرا نیوزآن لائن) لاہور کے علاقے ہربنس پورہ میں تاج پور روڑ پر واقع غیر قانونی مارکیٹ کو ضلعی انتظامیہ نے گرا دیا۔لاہور کی ضلعی انتظامیہ کے ترجمان کے مطابق ضلعی انتظامیہ نے تجاوزات کے خاتمے اور سرکاری زمین واگزار کرانے کے لیے یہ کارروائی کی تھی۔ترجمان ضلعی انتظامیہ کا کہنا ہے کہ کارروائی کے دوران 15 دکانوں کو گرایا گیا، غیرقانونی طور پر قائم 2سروس اسٹیشن اور 2ورکشاپس بھی گرادی گئیں۔ترجمان ضلعی انتظامیہ نے مزید بتایا ہے کہ تجاوزات کے خلاف کارروائی کے دوران 6 کنال، 10 مرلہ زمین کو واگزار کرایا گیا ہے جس کی مالیت 40 کروڑ روپے ہے۔ترجمان ضلعی انتظامیہ کا یہ بھی کہنا ہے کہ واگزار کرائی گئی زمین پر اب پودے لگائے جائیں گے۔

مقامی صرافہ مارکیٹوں میں بھی فی تولہ سونا100روپے مہنگاہوگیا،چاندی کی قیمت میں استحکام رہا
کراچی(ایمرا نیوز آن لائن)بین لاقوامی گولڈمارکیٹ میں فی اونس سونے کی قیمت میں7ڈالرکااضافہ ،جس کے نتیجے میں مقامی صرافہ مارکیٹوں میں بھی فی تولہ سونا100روپے مہنگاہوگیا۔ آل کراچی صراف اینڈجیولرزایسوسی ایشن کے مطابق منگل کو بین الاقوامی گولڈ مارکیٹ میں فی اونس سونے کی قیمت میں7ڈالرکا اضافہ ریکارڈ کیا گیا،جس کے نتیجے میں فی اونس سونے کی قیمت1323ڈالرسے بڑھ کر1330ڈالرہوگئی۔ آل کراچی صراف اینڈ جیولرزایسوسی ایشن کے مطابق کراچی،حیدرآباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میںفی تولہ قیمت میں100روپے اوردس گرام سونے کی قیمت میں86روپے کااضافہ ریکارڈ کیاگیا،جس کے نتیجے میںفی تولہ سونے کی69100روپے سے بڑھ کر69200روپے اور دس گرام سونے کی قیمت59242روپے سے بڑھ کر59328روپے ہوگئی۔پیر کوچاندی کی فی تولہ قیمت اوردس گرام قیمت میںاستحکام رہا،جس کے نتیجے میںچاندی کی فی تولہ قیمت880.00روپے اوردس گرام چاندی کی قیمت754.45روپے پرمستحکم رہی۔

لاہور (میڈیا نائن ٹو ڈاٹ ٹی وی )لاہور ہائیکورٹ نے مہتاب الٰہی مارکیٹ اچھرہ میں غیر قانونی تعمیرات کے خلاف دائر درخواست پر ڈی سی لاہور سے جواب طلب کر لیا۔ تفصیلات کے مطابق  جسٹس عابد عزیز شیخ نے مارکیٹ کے دوکاندار موسی خان کی درخواست پر سماعت کی درخواستگزار وکیل نے عدالت کے روبرو موقف اختیار کیا کہ زیلدار روڈ پر مہتاب الہی  مارکیٹ سنگل  سٹوری دکان  جو پرانی حالت میں ہے  درخواستگزار وکیل نے الزام لگایا کہ مارکیٹ کے ایک دوکاندار غلام حسین نے  سیاسی بنیادوں  پر مارکیٹ میں دوکان کے اوپر  تعمیر شروع کر دی ہے۔درخواستگزار وکیل بے نشاندہی کی کہ دکانوں کے اوپر دکانوں کی تعمیر بلڈنگ پلان کی منظوری اور این  او سی نہیں  لیا گیا درخواستگزار وکیل نے استدعا کی کہ عدالت  غیرقانونی  تعمیر  پر  کاروائی کا حکم دے عدالت نے درخواست پر کارروائی کرتے ہوئے ڈی سی لاہور سے جواب طلب کر لیا۔

لاہور(M92) پاکستان میں غیر ملکی ٖ غیر مستند جنسی ادویات غیر قانونی کاروبار بڑھتا جارہا ہے ۔ڈیلی پاکستان آن لائن کو لاہور میں ڈرگز کے ہول سیل ڈیلرز نے بتایا ہے کہ قانون کی عملداری نہ ہونے اور محکمہ صحت میں موجود کرپٹ مافیا کی وجہ سے پاکستان میں جنسی تسکین کی ادویات کی بھرمار ہو گئی ہے ۔ایک منظم مافیا انڈین ویگا ،پنگارہ ،ویاگرا اور اس طرح کی دیگر صحت دشمن ادویات غیر قانونی طور پر پاکستان بھر میں خاص طور پر بڑے ڈیپارٹمنٹل اسٹورز ،کاسمیٹک اسٹور اس مکرو ہ کاروبار میں ملوث ہے۔ ہول سیل ڈیلرز کے ترجمان اور معروف فارماسسٹ وقانون دان نور محمد مہر نے بتایا ہے کہ ملک میں جنسی ادویات سے متعلق 1.3 ارب ڈالر کا بزنس موجود ہے۔ یہ دوائیں فوڈ سپلیمنٹ، ڈراپس، سپرے، شربت اور گولیوں کی شکل میں مارکیٹ میں موجود ہیں۔ انہوں نے کہا کہ پاکستان میں افغانستان کے ذریعے یہ ادویات پہنچائی جاتی ہیں جبکہ اس حوالے سے ہندوستانی اور چینی دوائیں عام دستیاب ہیں۔معالجین کا کہنا ہے کہ ان ادویات میں سے 70 فیصد غیر معیاری ہیں جبکہ انہوں نے خبردار کیا کہ ان دواؤں سے انسانی صحت کو شدید نقصان پہنچ سکتا ہے۔انہوں نے صوبائی وزیر صحت کو بھی اس صورتحال سے آگاہ کیا ہے۔ ان کا کہنا ہے کہ ملک میں 30 کے قریب برانڈز نے مارکیٹ پر ‘قبضہ’ جمایا ہوا ہے۔ پشاور اور کوئٹہ کو ان ادویات کی سمگلنگ کا گڑھ مانا جاتا ہے۔ اس کے علاوہ کراچی، لاہور، فیصل آباد‘ سوات، چارسدہ اور دیگر مقامات پر جنسی صلاحیت بڑھانے والی غیر معیاری ادویات تیار کی جاتی ہیں۔ گزشتہ سال ایک ملٹی نیشنل فارماسوٹیکل کمپنی نے سیکس ادویات فروخت کرنے کے لیے منظوری حاصل کرنے کی کوشش کی تھی،تاہم اس اسکیم کو وفاقی حکومت نے مذہبی حلقوں کی جانب سے مذمت پر موخر کردیا تھا جو اس کاروبار کو غیر اسلامی تصوّر کرتے ہیں۔ ان کا مزید کہنا تھا کہ اس وقت بھی آٹھ ملٹی نیشنل کمپنیاں اس حوالے سے حکومتی منظوری کا انتظار کررہی ہیں۔وفاق اطبا کے صدر حکیم عرفان اللہ مرزا ایڈووکیٹ کے مطابق جنسی صلاحیت بڑھانے والی ادویات کے بے جا استعمال سے گردوں کی خرابی اور دل کا دورہ بھی پڑ سکتا ہے۔ انہوں نے کہا کہ مستندمعالج بغیر تحقیقات کے ایسی ادویات کے استعمال کی حوصلہ افزائی نہیں کرتے۔ ان کا کہنا تھا کہ مارکیٹ میں موجود زیادہ تر ادویات صحت کے لیے خطرناک ہیں۔ان کا مزید کہنا تھا کہ گردوں کی ناکامی کے 100 معاملات میں سے پانچ کی وجہ یہ ادویات ہوتی ہیں جو کہ پاکستان میں ہربل ادویات کے نام سے فروخت ہورہی ہیں جن کے اجزاء ایلوپیتھک ہوتے ہیں۔

لاہور (M92) عالمی مارکیٹ میں خام تیل سستا ہو گیا اور فی بیرل قیمت دوبارہ پچپن ڈالر کی سطح پر آ گئی۔ انٹرنیشنل انرجی ایجنسی کی طرف سے تیل کی ڈیمانڈ کے تخمینے میں کمی اور امریکا کی طرف سے تیل کی پیداوار میں مسلسل اضافے کی رپورٹس نے خام تیل سستا کر دیا۔ ٹریڈنگ کے دوران امریکی خام تیل ڈبلیو ٹی آئی کے سودے ایک اعشاریہ تین فیصد کمی سے پچپن ڈالر فی بیرل اور یورپی بینچ مارک برنٹ خام تیل کے 61 ڈالر 33 سینٹ فی بیرل پر ہوئے۔ انٹرنیشنل انرجی ایجنسی نے تیل کی طلب میں اضافے کے اپنے پہلے تخمینے مین ایک لاکھ بیرل یومیہ کی کمی کی گئی ہے۔ چار روز کے دوران خام تیل کی قیمت میں پانچ فیصد تک کمی ریکارڈ کی گئی۔