Tag pakistan

بھارتی تحقیقاتی ادارے این آئی اے نے میرواعظ کو دوبارہ دہلی طلب کر لیا
سرینگر(ایمرا نیوز آن لائن) تحقیقاتی ایجنسی این آئی اے نے میرواعظ مولوی عمر فاروق کے نام تازہ سمن جاری کرتے ہوئے ان سے کہا کہ وہ 18 مارچ (سوموار) کو ایجنسی کے ہیڈ کوارٹر نئی دہلی میں خود کو حاضر کریں ۔ جہاں ان سے پوچھ گچھ کی جائے گی ۔ اس سے قبل میرواعظ کو جب تحقیقات ادارے کے سامنے پیش ہونے کے لئے کہا گیا تھا کہ وہ سکیورٹی اور دیگر وجوہات کی بنا پر نئی دہلی میں این آئی اے کے ہیڈ کوارٹر پر حاضر نہیں ہو سکتے ہیں ۔( جاوید)

عوام سے عملے کے بہتر رویے ، ڈیوٹی پر موجودگی کی کڑی نگرانی کررہا ہوں،ایم ایس جناح ہسپتال
لاہور(ایمرا نیوز آن لائن) ایم ایس جناح ہسپتال لاہور ڈاکٹرعاصم حمید نے کہا ہے کہ صحت کا محکمہ لوگوں کی خدمت کا شعبہ ہے۔ عوام کی خدمت انسان دوست رویے اور پروفیشنل طریقے سے کی جائے تو اس میں ثواب بھی ہے اور طب کے شعبے کا تقاضہ بھی۔ ہسپتال میں گروپنگ ، ما فیا اور سیاسی مداخلت کا خاتمہکردیا گیا ہے۔ ہسپتال کی انتظامیہ کو خاص طور پر اپنے سٹاف کے رویے کو بہتر اور ا±ن کی ڈیوٹی پر موجودگی کو یقینی بنانا ہو گا۔ان خیالات کا اظہارڈاکٹرعاصم حمیدنے گزشتہ روزآن لائن سے خصوصی گفتگوکرتے ہوئے کیا،انہوں نے کہا کہ جناح ہسپتال اگر کوئی ڈاکٹر ، پیرا میڈیکل سٹاف اور ہسپتال کا دیگر عملہ ڈیوٹی سے غائب پایا گیا تو اس کے خلاف تادیبی کارروائی ہو گی۔ انہوں نے کہا کہ میں ہسپتال کو خود مانیٹر کررہا ہوں اور عوام کے ساتھ اپنے سٹاف کے رویے کو بہتر بنانے اور سٹاف کی ڈیوٹی پر موجودگی کی کڑی نگرانی بھی کررہا ہوں۔انہوں نے کہا کہ کسی بھی قسم کی لاپرواہی برداشت نہیں کی جائے گی،ڈاکٹرعاصم حمیدنے بتایا کہ ہسپتال میں مریضوں اور ان کے لواحقین کے ساتھ سٹاف کا رویہ بہترکیا گیا ہے۔

’ڈزنی نے پاکستان کو فلم” کیپٹن مارول“ ریلیز کرنے کے رائٹس نہیں دیئے‘سنی پیکس
کراچی (ایمرا نیوز آن لائن) شائقین کو پاکستان سینما گھروں میں ہالی ووڈ کی مشہور فینٹیسی فلم کیپٹن مارول کی ریلیز کا بے صبری سے انتظار تھا تاہم اب سینما مالکان نے بری خبر کا اعلان کردیا ہے۔چند روز قبل ایسی قیاس آرائیاں تھیں کہ پاکستانی سینما گھروں میں فلم کیپٹن مارول کی ریلیز کو تاخیر کا سامنا کرنا پڑ رہا ہے، تاہم اب ایک نئی خبر سامنے آگئی ہے۔سنی پیکس کی جانب سے جاری کردہ بیان کے مطابق ہالی ووڈ فلم” کیپٹن مارول“ اب پاکستان میں نمائش کے لیے پیش نہیں کی جائےگی۔یہ اعلان انہوں نے فیس بک پر ایک پوسٹ کے ذریعے کیا۔انہوں نے پاکستان میں فلم کی ریلیز نہ ہونے کی وجہ بتاتے ہوئے لکھا کہ ’ڈزنی نے پاکستان کو کیپٹن مارول ریلیز کرنے کے رائٹس نہیں دیے ہیں۔مارول اسٹوڈیو کے بینر تلے بننے والی اس پہلی خاتون سپر ہیرو فلم میں 28 سالہ اداکارہ بری لارسن نے سپر ہیرو کا روپ اختیار کیا۔فلم کی کہانی بری لارسن یعنی کیپٹن مارول کی غیر معمولی صلاحیتوں کے گرد گھومتی ہے، وہ اگرچہ ایئر فورس کی پائلٹ بنتی ہیں، تاہم جلد ہی اسے اندازہ ہوجاتا ہے کہ وہ عام خاتون پائلٹ سے بڑھ کر ہیں۔فلم کو دنیا بھر میں 8 مارچ کو ریلیز کردیا گیا تھا، جس کے بعد کیپٹن مارول نے دنیا بھر سے ابتدائی 3 دن میں 44 کروڑ 50 لاکھ امریکی ڈالر یعنی پاکستانی 62 ارب روپے سے زائد کی کمائی کرکے ایک نیا اعزاز اپنے نام کرلیا تھا۔

”می ٹو“ مہم میں ایک اور اضافہ ‘ فاطمہ ثنائشیخ سامنے آگئی
بالی ووڈ میں بھی می ٹو مہم زوروں پر ہے اور اب تک کئی پردہ نشینوں کے نقاب الٹ چکے ہیں میرا بھی بالی ووڈ میں جنسی استحصال ہوا ہے لیکن میں بات نہیں کرنا چاہتی‘اداکارہ
ممبئی (ایمرا نیوز آن لائن) ہالی ووڈ کے بعد بالی ووڈ میں بھی می ٹو مہم زوروں پر ہے اور اب تک کئی پردہ نشینوں کے نقاب الٹ چکے ہیں۔ کئی اداکاراﺅں نے خود کےساتھ ہونے والے جنسی استحصال کے بارے میں بات کی ہے جس میں ایک نیا اضافہ بالی ووڈ کی دنگل گرل فاطمہ ثنا شیخ ہیں۔اداکارہ فاطمہ ثنا شیخ نے ایک انٹرویو کے دوران انکشاف کیا کہ ان کا بھی بالی ووڈ میں جنسی استحصال ہوا ہے لیکن وہ اس بارے میں بات نہیں کرنا چاہتیں۔اداکارہ نے واضح کیا کہ وہ اپنی زندگی کی کوئی بھی ایسی بات لوگوں کے سامنے نہیں لانا چاہتیں بلکہ خود ہی اپنے طریقے سے ان معاملات سے نمٹیں گی۔انہوں نے می ٹو مہم کی تعریف کرتے ہوئے کہا کہ بھارتی معاشرے میں بھی جنسی استحصال جیسے مسائل پر بات کرنا شروع ہوگئی ہے جو کہ اچھی پیشرفت ہے، اس مہم کی وجہ سے اب لوگ ایسا کچھ کرنے سے ڈرنے لگے ہیں۔

لوگوں کاکام باتیں بناناہے نظر انداز کریں‘ماہرہ خان
ہمیں مہوش حیات پر فخر ہے، بہت بہت مبارک ہو‘شہزاد رائے
کراچی(ایمرا نیوز آن لائن) پاکستان شوبز انڈسٹری سے تعلق رکھنے والے فنکاروں نے مہوش حیات کو ملنے والے سول اعزاز پر تنقید کرنے والوں کو جواب دیتے ہوئے ان کے لیے اپنی بھرپور حمایت کا اعلان کیا ہے۔اداکارہ مہوش حیات کو جب سے پاکستان کا چوتھا بڑا سول اعزاز تمغہ امتیاز دینے کا اعلان ہوا ہے تب سے سوشل میڈیا صارفین نے انہیں نشانے پر رکھا ہوا ہے۔سوشل میڈیا پرمہوش حیات کو تمغہ امتیازدینے کےخلاف مہم چل پڑی ہے اور بہت سے لوگ اس بات پر حیران ہیں کہ مہوش حیات نے آخر ملک کے لیے ایسا کون سا کارنامہ انجام دے دیا کہ انہیں تمغہ امتیاز سے نوازا جارہا ہے۔تاہم پاکستان شوبز انڈسٹری کے نامور فنکاروں نے مہوش حیات کےساتھ اظہار یکجہتی کرتے ہوئے ان کے لیے بھرپور حمایت کا اعلان کیاہے۔اداکارہ ماہرہ خان نے مہوش حیات کوتمغہ امتیاز ملنے پر مبارکباد دیتے ہوئے کہاکہ لوگوں کاکام باتیں بناناہے لہٰذا اسے نظر انداز کریں۔گلوکار شہزادرائے نے کہا ہمیں مہوش حیات پر فخر ہے، بہت بہت مبارک ہو۔اداکارہ ارمینا خان نے مہوش حیات کو مبارکباد دیتے ہوئے لکھا میں بغیر کسی تعصب کے اپنی ساتھی اداکاراؤں کےساتھ کھڑی ہوں۔اداکار فہد مصطفیٰ نے لکس اسٹائل ایوارڈ پر تنقید کرتے ہوئے کہا مہوش حیات تم یہ اعزاز حاصل کرنے کے قابل ہو اسی لیے تمہیں لکس اسٹائل ایوارڈ نہیں ملا کیونکہ تم اس سے بڑا اعزاز حاصل کرنے کے قابل تھیں۔اداکارشان شاہد نے بھی مہوش حیات سمیت دیگر فنکاروں خصوصاً بابرا شریف، ریما خان کو سول اعزاز کے لیے نامزد ہونے کے اعلان پر خوشی کا اظہار کرتے ہوئے کہا تھا کہ آپ نے فلم انڈسٹری میں اپنی بہترین خدمات سے ہمارا سر فخر سے بلند کیا ہے۔

مانگا منڈی(ایمرا نیوز آن لائن)اداکار نسیم وکی اور ان کی ٹیم انگلینڈ میں کامیابی کے جھنڈے گاڑنے گاڑنے کے بعد وطن واپس لوٹ آئے۔آن لائن کے مطابق اداکار نسیم وکی کی سربراہی میں اداکارہ لائبہ بنگش ،ببو رانا،کرن نور،پرویز خان ،آغا ماجد و دیگر فنکار انگلینڈ میں اسٹیج ڈرامہ کے لیئے گئے ہوئے تھے گذشتہ روزوہ کامیابیاں سمیٹے واپس لوٹ آئے وطن واپسی پر ائیر پورٹ پر بات چیت کرتے ہوئے لائبہ بنگش نے کہاکہ انگلینڈ ٹور بہت کامیاب رہا ہم نے وہاں 18 شوزکیئے جن میں اوورسیز پاکستانیوں کی ایک کثیرتعداد نے شرکت کی اور ہمارے ڈرامے کو سراہا۔انہوں نے مذید کہاکہ وہاں اپنے لیئے اتنا پیار دیکھ کر دل چاہتا ہے کہ بار باریہاں آئیں اور خوشیاں بانٹیں کیونکہ وہاں پر موجود پاکستانی ایسی تفریح انجوائے کرنا چاہتے ہیں۔

الحمرا میں ڈپٹی سیکرٹری پلاننگ انفارمیشن اینڈ کلچرڈیپارٹمنٹ حنا پرویز (مرحومہ)کےلئے دعا، الحمرا کے تمام افسران و سٹاف کی شرکت
حنا پرویز ایک ایمانیدار اور فرض شناس آفیسر تھی۔ ایگزیکٹو ڈائریکٹر لاہور آرٹس کونسل
حنا پرویز نے ہمیشہ اپنی سرکاری ذمہ داریوں کو احسن طریقے سے نبھایا۔ اطہرعلی خان
مانگا منڈی(ایمرا نیوز آن لائن)لاہور آرٹس کونسل الحمرا میں ڈپٹی سیکرٹری پلاننگ انفارمیشن اینڈ کلچرڈیپارٹمنٹ حنا پرویزکی روح کے ایصال ثواب اور بلند درجات کے لئے دعاکا اہتمام کیا گیا۔ایگزیکٹو ڈائریکٹر لاہور آرٹس کونسل اطہر علی خان نے حنا پرویز کی خدمات کو سراہتے ہوئے کہا کہ وہ ایک ایمانیدار اور فرض شناس آفیسر تھی،انھوں نے ہمیشہ اپنی سرکاری ذمہ داریوں کو احسن طریقے سے نبھایا،اللہ تعالی مرحومہ کو جنت الفردوس میں اعلی مقام عطا فرمائے اور انکے لواحقین کو یہ صدمہ برداشت کرنے کی توفیق دے۔ڈپٹی ڈائریکٹر ایڈمن آفتاب احمد انصاری ،سینئراکاﺅنٹ آفیسر حبیب احمد خان،ڈپٹی ڈائریکٹر ریسرچ اینڈ آرکائیو محمد عارف، ڈپٹی ڈائریکٹر پبلک ریلیشنزصبح صادق،اسسٹنٹ ڈائریکٹر ایڈمن خرم نویل،کوآرڈی نیٹرنیاز حسین لکھویرا،آڈٹ آفیسر رضوان فرید،اسسٹنٹ ڈائریکٹرفائن آرٹ مینا ہارون،انفارمیشن آفیسر ثمرین بخاری و دیگر افسران نے بھی دعا میں شرکت کی۔

ذخائر 14 ارب 96 کروڑ 59 لاکھ ڈالرز کی سطح پر ریکارڈ کیے گئے
کراچی(ایمرا نیوز آن لائن)گذشتہ ہفتے کے دوران ملکی زرمبادلہ کے ذخائر میں 97 لاکھ ڈالرز کا اضافہ دیکھا گیا۔اسٹیٹ بینک کے مطابق 8 مارچ کو ختم ہونےوالے ہفتے پر زرمبادلہ کے ذخائر 14 ارب 96 کروڑ 59 لاکھ ڈالرز کی سطح پر ریکارڈ کیے گئے۔ اس دوران مرکزی بینک کے ذخائر 64 لاکھ ڈالرز اضافے سے 8 ارب 12 کروڑ 29 لاکھ ڈالرز جبکہ کمرشل بینکوں کے ذخائر33لاکھ ڈالرز اضافے سے 6 ارب 84 کروڑ 30 لاکھ ڈالرز کی سطح پر رہے۔واضح رہے کہ عرب امارات سے موصول ہونیوالے ایک ارب ڈالرز زرمبادلہ کے ذخائر کے پول میں آئندہ ہفتے شمار کیے جائیں گے۔

نیب نے اسد منیر کےخلاف ایف الیون میں اختیارات کے ناجائز استعمال کر کے پلاٹ بحال کرنے پر بدعنوانی کا ریفرنس دائر کرنے کی منظوری دی تھی
نیب لوگوں کو ہراساں اور بدنام کرتا ہے ، شفاف تحقیقات میں بے گناہ ثابت ہو جاؤں تو کلیئر کر دیجیئے گا ، اسد منیر کا چیف جسٹس کو خط
اسلام آباد(ایمرا نیوز آن لائن)عسکری انٹیلی جنس ایجنسی پشاور کے ڈائریکٹر و سابق ممبر سٹیٹ سی ڈی اے بریگیڈیئر ریٹائرڈ اسد منیر نے ڈپلیومیٹک انکلیو کے فلیٹ میں پنکھے سے لٹک کر خود کشی کر لی ۔ تفصیلات کے مطابق جمعرات کے روز نیب کے ایگزیکٹو بورڈ نے عسکری انٹیلی جنس ایجنسی پشاور کے ڈائریکٹر و سابق ممبر سٹیٹ سی ڈی اے بریگیڈیئر ریٹائرڈ اسد منیر کے خلاف اسلام آباد کے پوش سیکٹر ایف الیون میں اختیارات کا ناجائز استعمال کر کے پلاٹ بحال کرنے کے الزام میں ریفرنس دائر کیا تھا ۔جس کی پریس ریلیز میڈیا پر چلی تو اسد منیر انتہائی پریشان ہو گئے اور انہوں نے اپنی اہلیہ ، بیٹی اور داماد کو بھی آگاہ کیا کہ آخر یہ نیب میرا پیچھا کیوں نہیں چھوڑتا ہے ۔اب نیب نے ایک مرتبہ پھر سے میرے خلاف ایک نئی انکوائری کھول دی ہے ۔ اس معاملے کو لے کر اسد منیر گزشتہ روز شدید پریشانی میں مبتلا رہے اور جمعرات کی رات کو جب وہ سونے کے لئے گئے اور صبح جب ان کی اہلیہ اٹھیں تو انہوں نے ا سد منیر کی لاش کو پنکھے سے لٹکتے ہوئے دیکھا جس پر اس نے فوری پولیس کو اطلاع دی اور پولیس نے اسد منیر کی لاش کو پمز ہسپتال منتقل کر دیا ۔اس کے علاوہ اسد منیرنے خودکشی سے پہلے چیف جسٹس آف پاکستان کو خط لکھا ہے جس میں انہوں نے اپنا موقف سے آگاہ کیا اور اپنے تمام ذاتی اثاثے بھی بتائے کہ کس طرح انہوں نے ایمانداری سے زندگی گزاری ہے اسد منیر نے چیف جسٹس کو کیس کی تفصیلات سے بھی آگاہ کیا ۔ سابق ممبر سٹیٹ سی ڈی اے نے چیف جسٹس سے التجا کی کہ میں تو اس دنیا کو چھوڑ کر جا رہا ہوں لیکن اگر شفاف تحقیقات کے بعد میں بے گنا ثابت ہو جاﺅں تو مجھے کلیئر ضرور کر دیجیئے گا اس کے علاوہ نیب میں بھی اصلاحات کی شدید ضرورت ہے کیونکہ یہ ادارہ لوگوں کو حراساں اور بدنام کر رہا ہے ۔ اسی لئے میڈیا پر میری پریڈ کرانے سے بہتر ہے کہ میں اس دنیا سے ہی چلا جاﺅں ۔ ( جاوید/ اشفاق)

لندن (ایمرا نیوزآن لائن) برطانوی شہزادی میگھن مرکل کے فیشن کے دنیا بھر میں چرچے جاری ہیں، میگھن کے پاس 10 کروڑ روپے کے ملبوسات، جوتے اور دیگراشیا موجود ہیں، ان کی جینز، جیکٹس، چوڑیاں اور بیگز کےڈ یزائنر کی شہرت میں بھی اضافہ دیکھنے میں آ رہا ہے ۔میگھن کے نت نئے ڈیزائنز کو دنیا بھر کے فیشن ڈیزائنرز کاپی کر چکے ہیں جبکہ انکے ملبوسات وغیرہ کی نقل بنانے والی کئی ویب سائٹس بھی صارفین کی کثرت کی وجہ سے کریش ہو چکی ہیں۔فیشن ماہرین کے مطابق میگھن کے جدید فیشن نے کئی لوگوں کی کلیکشن کو بدل کر رکھا دیا ہے ۔ انہیں 2018 کی بہترین ٹرینڈ سیٹر اور خوش لباس شخصیت بھی قرار دیا گیا ہے ۔ فیشن انڈسٹری کی معروف شخصیات شہزادی میگھن کے انتخاب کو سراہتی ہیں۔