Tag pakistan

Dollar had climbed up to Rs130 in the past week, largely due to political uncertainty ahead of the July 25 polls. Photo: File
KARACHI: The US dollar fell by Rs4 in the open market to reach Rs124, the Currency Exchange Association said Saturday.

End of political uncertainty following elections was attributed as the main factor in the significant drop in the greenback’s price, which had soared as high as Rs130 in the past week.

According to the association, the dollar price dipped due to a sufficient supply of the foreign currency in the local market.

Dollar surges to new high of Rs130 in open market

The country’s economic fundamentals had deteriorated ahead of the July 25 general election. Since December, the rupee has cumulatively shed over 21% of its value after the State Bank of Pakistan reportedly abstained from intervening in response to the pressure exerted by a widening current account deficit.

Most financial analysts expect the incoming government to seek a post-election bailout from the International Monetary Fund.

Pakistan’s current account balance has widened sharply, while foreign currency reserves have plummeted over the past few years.

Pakistan Tehreek-e-Insaf (PTI) supporters started celebrations across Pakistan as their party, according to unofficial and inconclusive results thus far, is emerging victorious in the general elections 2018. On the other hand, Pakistan Muslim League-Nawaz (PML-N) has rejected the election results alleging ‘rigging’.

نیویارک(بشکریہ رضا ہمدانی)لندن کے بعد ورلڈ بلوچ آرگنائزیشن نے امریکی شہر نیو یارک کے مصروف ترین اور مشہور ترین علاقے ٹائمز سکوائر میں ’فری بلوچستان‘ کا اشتہار لگایا ہے۔ورلڈ بلوچ آرگنائزیشن نامی تنظیم کا کہنا ہے کہ ’فری بلوچستان‘ کی مہم کے لیے ٹائمز سکوائر کے وسط میں اشتہاری بورڈ پر
مہم چلائی جا رہی ہے۔تنظیم کے مطابق یہ اشتہار تین روز تک یعنی نئے سال کی آمد تک اس بل بورڈ پر رہے گا۔ورلڈ بلوچ آرگنائزیشن کی ویب سائٹ پر شائع ہونے والے بیان میں کہا گیا ہے کہ نیو یارک کے مصروف اور مشہور ترین علاقے ٹائمز سکوائر میں مہم چلانے کا مقصد امریکی عوام کو ’بلوچستان کی بگڑتی صورتحال سے آگاہ کرنا ہے۔‘تنظیم کا مزید کہنا ہے کہ بل بورڈ پر اشتہار لگانے کے علاوہ نیو یارک کی ایک سو ٹیکسیوں کے ذریعے بھی اسی قسم کی مہم چلائی جا رہی ہے۔ہر ہفتے ٹائمز سکوائر سے پانچ لاکھ گاڑیاں گزرتی ہیں۔تین لاکھ نوے ہزار لوگ ٹائمز سکوائر میں واقع دفاتر میں کام کرتے ہیں۔نیو یارک سٹی میں واقع ہوٹل کے کمروں میں سے 25 فیصد کمرے ٹائمز سکوائر میں ہیں۔کلیئر چینل سپیکٹا کلر کمپنی کے جس بل بورڈ پر فری بلوچستان کی تشہیر کی جا رہی ہے وہ فاسٹ فوڈ میکڈونلڈز کے بالکل اوپر لگا ہوا ہے۔واضح رہے کہ اسی تنظیم کے تحت ستمبر میں سوئٹزرلینڈ کے شہر جنیوا میں متعدد مقامات اور بسوں اور دیگر گاڑیوں پر ایسے پوسٹر آویزاں کیے گئے تھے جن پر بلوچستان کی آزادی اور پاکستان میں اقلیتوں سے مبینہ طور پر ناروا سلوک
کے بارے میں نعرے درج تھے۔حکومت پاکستان نے ‘فری بلوچستان’ کے پوسٹرز مہم پر سوئس حکومت سے احتجاج کیا تھا اور مطالبہ کیا تھا کہ اس ‘شرانگیز’ مہم میں ملوث افراد کے خلاف سخت کارروائی کی جائے۔اس سلسلے میں جنیوا میں اقوامِ متحدہ کے دفتر میں پاکستان کے مستقل مندوب فرخ عامل نے چھ ستمبر کو اپنے سوئس ہم منصب کو بھیجے گئے ایک مراسلے میں اس اشتہاری مہم کو پاکستان کی سالمیت و خودمختاری پر حملہ قرار دیتے ہوئے اپنے خدشات سے آگاہ کیا تھا۔تاہم سوئس حکام کی جانب سے کوئی کارروائی نہ ہونے پردفتر خارجہ نے سوئس سفیر کو طلب کیا تھا اور ایک بار پھر جنیوا میں ‘پاکستان مخالف’ تشہیری مہم پر احتجاج کیا تھا۔اس مہم کے بعد نومبر میں برطانیہ کے دارالحکومت لندن کی ٹیکسیوں پر فری بلوچستان مہم کے پوسٹرز لگائے گئے تھے۔پاکستان کے دفتر خارجہ نے برطانوی دارالحکومت لندن میں ٹیکسیوں پر لگے ‘فری بلوچستان’ کے اشتہار پر برطانیہ سے احتجاج کرتے ہوئے اسے ملکی سالمیت پر براہ راست حملے کے مترادف قرار دیا تھا۔سیکریٹری خارجہ تہمینہ جنجوعہ نے پاکستان میں برطانوی ہائی کمشنر ٹومس ڈرو کو طلب کر کے ان سے لندن میں چند ٹیکسیوں پر لگے اشہتارات پر تشویش کا اظہار کیا تھا۔

اسلام آباد(ایم نائن ٹو)ایک ساتھ 8سرکاری چھٹیوں کا اعلان، بچوں نے سیرو تفریح کے پروگرام تشکیل دینا شروع کر دئیے۔ تفصیلات کے مطابق پنجاب کے تعلیمی اداروں میں موسم سرما کی تعطیلات کا اعلان کر دیا گیا ہے۔ تعطیلات 23دسمبر سے کم جنوریتک ہونگی۔ وزیرتعلیم پنجاب رانا مشہود خان کی جانب سے موسم سرما کی تعطیلات کا اعلان کیا گیا۔ تعطیلات کا اعلان ہوتے ہی سکول کے بچوں نے موسم سرما کو مدنظر رکھتے ہوئے سیرو تفریح اور دیگر پروگرامات تشکیل دینا شروع کر دئیے ہیں۔

اسلام آباد(میڈیا نائن ٹو) آرمی چیف جنرل قمر جاوید باجوہ کی جانب سے سینیٹ کو ملکی اور خطے کی صورت حال پر بریفنگ دی جارہی ہے۔میڈیا کے مطابق آرمی چیف جنرل قمر جاوید باجوہ پارلیمنٹ ہاوٴس پہنچ گئے ہیں جہاں وہ بند کمرہ اجلاس میں سینیٹ کو خطے کی صورت حال پر بریفنگ دے رہے ہیں۔ ڈی جی آئی ایس آئی لیفٹیننٹ جنرل نوید مختار، ڈی جی آئی ایس پی آر میجر جنرل آصف غفور اور ڈی جی ایم آئی بھی ان کے ہمراہ ہیں۔ پاک فوج کے سربراہ علاقائی و قومی سلامتی کی صورتحال خصوصاً سعودی اسلامی فوجی اتحاد میں پاکستان کی شمولیت پر سینیٹ کو اعتماد میں لیں گے۔
ذرائع کے مطابق ذرائع کے مطابق ڈی جی ایم او جنرل ساحر شمشاد مرزا کی جانب سے سینیٹ کو بریفنگ دیتے ہوئے بتایا گیا کہ فوجی عدالتوں نے اب تک 274 مقدمات کا فیصلہ کیا، 161 مجرموں کو سزائے موت سنائی گئی جن میں سے 56 مجرموں کو پھانسی دی گئی۔ 13 مجرموں کو آپریشن ردالفساد سے پہلے پھانسی دی گئی اور 43 کو آپریشن کے بعد پھانسی دی گئی۔
سینیٹ کی پورے ایوان پر مشتمل کمیٹی کے اس اہم اجلاس کے موقع پر پارلیمنٹ کی تمام گیلریاں بند کردی گئی ہیں اور پریس لاوٴنج کو بھی تالے لگ گئے جب کہ میڈیا کے کیمرے بھی اندر لانے پر پابندی ہے۔ سینیٹ کی ہول کمیٹی کا اجلاس ٹرمپ کی پاکستان کے حوالے سے پالیسی پر بلایا گیا ہے۔
پارلیمان پہنچنے پر آرمی چیف کا استقبال ڈپٹی چیئرمین سینٹ عبدالغفور حیدری نے کیا۔ آرمی چیف سیدھے چیئرمین سینیٹ کے چیمبر میں گئے اور رضا ربانی سے ملاقات کی۔ بعداں ایوان کی جانب جاتے ہوئے چیئرمین سینیٹ نے گلی دستور کی جانب اشارہ کرتے ہوئے آرمی چیف سے کہا کہ یہ گلی دستور ہے۔ آرمی چیف اس پر سرسری نظر ڈالتے ہوئے آگے بڑھ گئے۔پارلیمانی تاریخ میں پہلی مرتبہ پاک فوج کے سربراہ اور ڈی جی ملٹری آپریشنز سینیٹ کو خطے کی صورتحال پر بریفنگ دے رہے ہیں۔ اس موقع پر سوال جواب کا سیشن بھی ہوگا جس میں ارکان پارلیمنٹ کے سوالات کے عسکری حکام جواب دیں گے۔
ذرائع کے مطابق کمیٹی کا اجلاس امریکی صدر ڈونلڈ ٹرمپ کے بیان کے بعد بلایا گیا ہے، جس کی بعد پیدا ہونے والی صورتحال پر حکمت عملی طے کی جائے گی۔ سینیٹ میں قائد ایوان کی تحریک کے نتیجے میں اگست میں کمیٹی تشکیل دی گئی تھی۔ قائد ایوان راجہ ظفر الحق نے آرمی چیف اور اعلیٰ حکام کو بلانے کی تحریک پیش کی تھی۔

اسلام آباد(ایم نائن ٹو) بھارت نے ایشین نیٹ بال چیمپین شپ کے فائنل میں پاکستان کو سنسنی خیز مقابلے کے بعد ایک گول سے شکست دے کر چیمپیئن شپ جیتنے کا اعزاز حاصل کر لیا۔ملائیشیا میں جاری ٹورنامنٹ میں پاکستان نے ہفتے کو کھیلے گئے ایونٹ کے سیمی فائنل میں سنگاپور کی مضبوط ٹیم کو شکست دے کر فائنل میں جگہ بنائی تھی جبکہ روایتی حریف بھارت نے میزبان ملائیشیا کو مات دے کر فائنل کیلئے کوالیفائی کیا۔اتوار کو ایونٹ کے فائنل میں سنسنی خیز مقابلے کے بعد پاکستان کو بھارت سے ایک گول سے شکست کا سامنا پڑا اور پاکستان نیٹ بال ٹیم کو چاندی کے تمغے رپ ہی اکتفا کرنا پڑا۔پاکستان نے مجموعی طور پر میچ میں شاندار کھیل پیش کیا اور کھیل کے تین کوارٹرز میں برتری حاصل کیے رکھی لیکن آخری کوارٹر میں روایتی حریف کے عمدہ کھیل نے پاکستان نے جیتی بازی چھین لی۔پاکستان ٹیم کا پہلے کوارٹر میں اسکور13-11 (دو گول کی برتری)، دوسرے کوارٹر میں 25-23(دو گول سے برتری)، تیسرے کوارٹر میں 40-36 (چار گول سے برتری) تھی۔تاہم آخری کوارٹر میں بھارت نے 15 گوال اسکور کر کے فیصلہ کن برتری حاصل کرنے کے ساتھ ساتھ میچ میں 51-50 سے کامیابی اپنے نام کرتے ہوئے چیمپیئن بننے کا اعزاز حاصل کر لیا۔یاد رہے کہ پاکستان نے ایونٹ میں ناقابل شکست رہتے ہوئے لگاتار پانچ میچ جیت کر فائنل کیلئے کوالیفائی کیا تھا۔تیسری پوزیشن کا میچ سنگاپور اور ملائیشیا کے مابین کھیلا گیا جسے سنگاپور نے 48کے مقابلے 50 گولوں سے جیت کر تیسری پوزیشن حاصل کر لی۔

اسلام آباد(میڈیا نائن ٹو) وزیر اعظم شاہد خاقان عباسی کا کہنا ہے کہ 16 دسمبر 2014 کا دن ملکی تاریخ میں سیاہ یوم کے طور پر یاد رکھا جائے گا اور شہدا ء کے خون سے لکھے جانے والے اِس باب کو منطقی انجام تک پہنچایا جائے گا۔
وزیراعظم پاکستان شاہد خاقان عباسی نے سانحہ اے پی ایس کی برسی کے موقع پر اپنے خصوصی پیغام میں کہا کہ 16 دسمبر 2014 کا دن ملکی تاریخ میں سیاہ یوم کے طور پر یاد رکھا جائے گا، بربریت اور سفاکیت کے علمبرداوں کی جانب سے آرمی پبلک اسکول پشاورمیں معصوم بچوں کو نشانہ بنایا گیا، حصولِ تعلیم کے لیے جانے والے معصوم جب واپس لوٹے تو اْن میں سے بہت ساروں نے شہادت کی قبا اوڑھ رکھی تھی، طلبا کی ایک بڑی تعداد زخموں سے چور اور ان کے ذہنوں میں بزدل دشمن کی سفاکیت کے نقوش ثبت تھے۔ آج ان معصوموں کا خون رنگ لے آیا ہے اور آج پاکستانی اقوامِ عالم میں وہ واحد قوم ہے جس نے دہشت گردی کے خلاف جنگ جیتی ہے۔
وزیراعظم نے کہا کہ دہشت گردی کے خلاف جنگ میں پاکستانی قوم نے جو قربانیاں پیش کیں وہ شاید ہی کسی دوسری قوم نے دی ہوں، شہیدوں کی دِن رات محنت اور قربانیوں کی بدولت آج پاکستان میں دہشت گردوں کی کمر ٹوٹ چکی ہے، نیشنل ایکشن پلان کے تحت ہماری بہادرافواج اور سیکورٹی اداروں نے دہشت گردوں کو شکستِ فاش دی، سانحہ اے پی ایس نے پاکستانی قوم میں دہشت گردی کے خلاف تاریخ سازوحدت کو جنم دیا جب کہ اس دل خراش واقعے سے پوری قوم نے دہشت گردی کے عفریت کے خلاف فیصلہ کن معرکہ لڑنے کا مصمم ارادہ کرلیا۔
وزیراعظم شاہد خاقان عباسی کا کہنا تھا کہ آج کا دن ہمیں یاد دلاتا رہے گا کہ وطنِ عزیز کو دہشت گردی سے پاک کرنے کے لیے ہم نے اپنے کیسے کیسے ہیرے قربان کیے، یہ دن ان معصوموں کو خراجِ عقیدت پیش کرنے اور اْن کے غم زدہ والدین کے ساتھ اظہارِ ہمدردی کا دن ہے، سانحہ اے پی ایس میں ہم سے بچھڑ جانے والوں کی یاد ایک کسک بن کر ہمارے دلوں میں ہمیشہ موجود رہے گی اورآج کا یہ دن دہشت گردی کے خلاف قومی عزم کے اعادہ کا دن بھی ہے۔
وزیراعظم نے کہا کہ شہداء کے خون سے لکھے جانے والے اِس باب کو منطقی انجام تک پہنچایا جائے گا، آئیں عہد کریں کہ پاکستان کو ایسا جمہوری معاشرہ بنائیں گے جہاں فرقہ واریت ، لسانیت ، تشدد اورانتہا پسندی کو برداشت نہیں کیا جائے گا، پاکستانی قوم اپنے معصوم شہیدوں، افواجِ پاکستان ، پولیس اور دیگر سیکورٹی اداروں کے شہداء کو خراجِ عقیدت پیش کرتی ہے۔

پشاور(میڈیا نائن ٹوڈاٹ ٹی وی) باب خیبر پر جماعت اسلامی نے فاٹا کو خیبرپختون خوا میں ضم کرنے کے لیے دھرنا دیتے ہوئے اسلام آباد تک لانگ مارچ کا اعلان بھی کردیا۔میڈیا کے مطابق باب خیبر جمرود پر جماعت اسلامی نے فاٹا کو خیبرپختون خوا میں ضم کرنے اور اصلاحات کے لیے دھرنا دے دیا ہے۔ دھرنے میں جماعت اسلامی کے کارکنوں کی بڑی تعداد شریک ہے اور رہنماؤں نے باب خیبر سے اسلام آباد تک تین روزہ لانگ مارچ کا اعلان بھی کردیا۔
امیر جماعت اسلامی خیبر پختون خوا مشتاق احمد خان اور فاٹا کے امیر سردار خان بھی دھرنے میں پہنچ گئے ہیں۔ جماعت اسلامی کے رہنما مشتاق احمد خان نے کہا کہ فاٹا کو خیبر پختون خوا میں ضم کرنے کے حوالے سے تاخیری حربے ناقابل برداشت ہیں، کل پشاور سے بڑا قافلہ ٹیکسلا تک جائے گا، جب کہ پارلیمنٹ ہاؤس کے سامنے دھرنے کے آخری روز امیر جماعت اسلامی سراج الحق خطاب کریں گے۔

کراچی(میڈیا نائن ٹو ڈاٹ ٹی وی) ایم کیو ایم لندن کے دو رہنماؤں بابرغوری اور شمیم صدیقی نے پارٹی رکنیت سے استعفیٰ دے دیا ہے۔میڈیا کے مطابق سابق وفاقی وزیر برائے پورٹ اپنڈ شپنگ بابر غوری اور سابق وزیر برائے مواصلات شمیم صدیقی نے ایم کیوایم لندن کی رکنیت سے استعفیٰ دے دیا ہے۔ بابر غوری اور شمیم صدیقی کا تعلق ایم کیوایم لندن سے تھا۔ بابرغوری کا کہنا ہے کہ بعض ناگزیر وجوہات کی بنا پر پارٹی کی تمام تنظیمی ذمہ داریوں اور اس کی بنیادی رکنیت سے فوری طور پر مستعفیٰ ہورہا ہوں تاہم فی الحال کسی بھی دوسری جماعت اور گروپ میں شامل نہیں ہورہا۔
سابق وزیربرائے مواصلات شمیم صدیقی کا کہنا ہے کہ ناگزیر وجوہات کی بنا پر پارٹی کی ذمہ داریوں اور بنیادی رکنیت سے مستعفیٰ ہونے کا فیصلہ میرا ذاتی ہے اور یہ فیصلہ مہاجرعوام کے حق میں سیاسی اور غیرسیاسی مفادات سے بالاتر ہوکر کیا۔

اسلام آباد(میڈیا نائن ٹو‌ڈاٹ ٹی وی) پی ٹی آئی چئیرمین عمران خان کا کہنا ہے کہ تحریک انصاف سندھ کو زرداری اور اسکے کرپٹ چیلوں کے چنگل سے چھڑوائے گی اور نواز کوکٹہرے میں لے آئے اب زرداری کی باری ہے۔چیئرمین تحریک انصاف عمران خان سے مرکزی سینئرنائب صدرعلی زیدی کی ملاقات ہوئی، جس میں علی زیدی کی جانب سے سندھ خصوصاً کراچی کے عوام کو درپیش بنیادی مسائل پربریفنگ دی گئی۔
ملاقات کے دوران عمران خان نے کہا کہ اگلے ہفتے کراچی آرہا ہوں، عوام سے مل کرزرداری اورٹولے کے مستقبل کا فیصلہ کریں گے، سندھ میں پیپلزپارٹی کی حیوانیت کی حد تک لوٹ کھسوٹ ناقابل قبول اورناقابل برداشت ہے، تحریک انصاف سندھ کوزرداری اوراسکے کرپٹ چیلوں کے چنگل سے چھڑوائے گی، نوازکو کٹہرے میں لے آئے اب زرداری کی باری ہے، سندھ پرخصوصی نظرہے، تبدیلی لائے بغیر چین سے نہیں بیٹھیں گے اورپاکستان اور سندھ کے وجود کو کرپشن سے پاک کرنے کیلئے کرپشن کے امام کا تعاقب کریں گے۔
رہنما تحریک انصاف علی زیدی نے کہا کہ سندھ پیپلز پارٹی کی بدترین انتظامی کارکردگی کی بھینٹ چڑھ رہا ہے، سندھ کے ظالم حکمران عوام سے پینے کے صاف پانی جیسا بنیادی حق بھی ہتھیا چکے ہیں، “روٹی، کپڑا، مکان” اور “جئے مہاجر”جیسے کھوکھلے نعرے لگا کر سندھ کے عوام کی رگوں میں زہر اتارا جا رہا ہے، محنتی، مخلص اور محب وطن سندھی عوام پر بدترین اور کرپٹ ترین ٹولہ مسلط ہے اسلیے شہری اور دیہی سندھ کی امیدوں کا واحد مرکز “تبدیلی” کا پیغام ہے۔