Tag women

خاتون نے بینک سے قرضہ حاصل کرنے کی خاطر پاکستانی ملازم کو ایک لاکھ درہم کی آفر کی تھی
دبئی(ایمرا نیوز آن لائن)پولیس نے ایک پاکستانی خاتون کو جعلی دستاویزات تیار کرنے اور ہم وطن بینک ملازم کو رشوت کی آفر دینے کے الزام میں گرفتار کر لیا ہے۔ استغاثہ کی جانب سے پاکستانی کاروباری خاتون پر الزام عائد کیا گیا ہے کہ اس نے بینک سے اڑھائی لاکھ درہم کا قرضہ حاصل کرنے کی خاطر کسی اورخاتون کے نام سے جعلی کاغذات تیار کیے اور بینک کے 28 سالہ پاکستانی ملازم کو آفر کی کہ اگر وہ اس کے قرضے کی درخواست منظور کروا دے گا تو وہ اسے ایک لاکھ درہم بطور رشوت ادا کرے گی۔بینک ملازم کی جانب سے اپنے اعلیٰ افسران کو آگاہ کیا گیا کہ 34 سالہ پاکستانی خاتون نے اسے رشوت کی آفر کی ہے جس پر بینک انتظامیہ نے خاتون کے خلاف دبئی پولیس اسٹیشن میں مقدمہ درج کروا دیا۔ اس مقدمے میں خاتون کے علاوہ ایک اور پاکستانی کو بھی نامزد کیا گیا ہے جو تاحال مفرورہے۔ استغاثہ کے مطابق خاتون نے ایک اماراتی خاتون کے نام سے جعلی کاغذات تیار کروا کر ایک مقامی بینک میں اکاﺅنٹ کھلوانے کی درخواست دے دی۔اس مقصد کے لیے اس نے تنخواہ کے جعلی سرٹیفکیٹس تیار کروائے۔ اس کے علاوہ تنخواہ کی بینک میں منتقلی کے لیے بھی جعلی سر ٹیفکیٹس پیش کیا۔ پاکستانی خاتون نے اماراتی خاتون کے نام سے ایک لاکھ درہم کا جعلی چیک بھی پیش کیا۔ استغاثہ کی جانب سے خاتون پر سرکاری ملازمہ کو رشوت کی آفر کرنے، دستاویزات میں رد و بدل کرنے، ایک سرکاری محکمے کی مہر جعلی طور پر تیار کرنے کے علاوہ دھوکا دہی کے الزامات بھی عائد کیے گئے ہیں اور خاتون کو سخت سے سخت سزا دینے کی درخواست کی ہے۔ اس مقدمے کا فیصلہ کل سنایا جائے گا۔

برازیل(ایمرا نیوزآن لائن) برازیل میں براہ راست انٹرویو کے دوران ایک سوال کا جواب دیتے ہوئے خاتون والی بال پلیئر بے ہوش ہوگئی۔واقعے کے بعد 35سالہ جیکولین کو فوری طور پر طبی امداد فراہم کی گئی ۔
ڈاکٹروں کا کہنا ہے کہ جیکولین بلڈ پریشر میں کمی کی وجہ سے بے ہوش ہو گئی تھیں اور اب بالکل ٹھیک ہیں

اسلام آباد (ایمرا نیوز آن لائن ) پاکستان سے خواتین اور بچوں کو جنسی استحصال کیلئے بیرونی ممالک میں غیر قانونی طریقے بھیجا جاتا ہے ۔انسانی سمگلنگ جیسے گھناونے جرم کو روکنے کیلئے سرکاری اور نجی شعبوں کے متعلقہ محکموں کو مل کر کا م کر نا ہو گا۔ ان خیالات کا اظہار مقررین نے اقوام متحدہ کے ادارہ برائے منشیات و جرائم، یو این او ڈی سی اور امریکہ کے ڈپارٹمنٹ آف اسٹیٹ کے ادارے یوایس جے کی معاونت سے ہونے والی دوسری بین الاقوامی کانفرس سے خطاب کرتے ہوئے کیا۔یو این او ڈی سی پاکستان آفس گزشتہ 35 سال سے مشترکہ مشکلات پر قابو پانے اور بین الاقوامی ذمہ داریوں کی تکمیل میں معاونت کے مقصد کے تحت حکومت پاکستان کی مدد کر رہا ہے۔

اس کانفرنس کا مقصد اہم حکومتی اداروں اور نجی شعبے کے درمیان اشتراک عمل میں بہتری لانا تھا۔ نجی شعبے کے فریقوں میں سول سوسائٹی، غیرسرکاری تنظیمیں اور نجی کارپوریشنیں شامل ہیں۔ یہ ایک حقیقت ہے کہ پاکستان میں خواتین اور بچوں کی جنسی استحصال کے لئے سمگلنگ کی جاتی ہے جو بعض اوقات زبردستی شادیوں کی صورت میں بھی ہوتی ہے۔ انسانی سمگلنگ کو کم سے کم کرنے میں مدد دینے کے لئے یو این او ڈی سی اور ایف آئی اے کئی سالوں سے مل کر کام کر رہے ہیں۔ بطور پارٹنرز یو این او ڈی سی اور ایف آئی اے اس امر سے بخوبی آگاہ ہیں کہ انسانی سمگلنگ سے نمٹنے کے لئے سرکاری اور نجی دونوں شعبوں کے متعلقہ فریقوں کو ساتھ لے کر چلنا ضروری ہے۔ اس مقصد کے لئے اسلام آباد میں ایک کانفرنس کا اہتمام کیا گیا جس میں متعدد سینئر حکومتی افسران، قانون نافذ کرنے والے اداروں کے افسران کے علاوہ سول سوسائٹی، نجی شعبے کی تنظیموں، غیرسرکاری تنظیموں، میڈیا اور اقوام متحدہ کے دیگر اداروں کے ارکان کو شرکت کی دعوت دی گئی تاکہ انسانی سمگلنگ سے نمٹنے کی کوششوں کو اجاگر کیا جا سکے اور اس سلسلے میں اشتراک عمل کو فروغ دیا جا سکے۔ ایف آئی اے کے آڈیشنل ڈائریکٹر جنرل امیگریشن جناب احمد مکرم نے اپنے ابتدائی کلمات میں یو این او ڈی سی کی کوششوں اور امریکی ڈپارٹمنٹ آف سٹیٹ کی طرف سے فراہم کی جانے والی معاونت کو سراہا۔

انہوں نے کہا کہ ان کوششوں کی بدولت پاکستان میں انسانی سمگلنگ کے خلاف قانون کا نفاذ ہوا ہے۔ انہوں نے مزید کہا کہ اس طرح کی مشترکہ سرگرمیوں سے اس مسئلے کے بارے میں متعلقہ فریقوں کے درمیان ابلاغ بہتر بنانے اور آگاہی بڑھانے میں مدد ملتی ہے۔ یہ سرگرمیاں متاثرہ افراد کے اعتراف میں مدد دیتی ہیں اور انسانی سمگلنگ سے متاثرہ افراد کے تحفظ سے متعلق خدمات کو بہتر بنانے اور دستیاب خدمات تک رسائی وسیع بنانے میں بھی مدد ملتی ہے۔یو این او ڈی سی ویانا کے کرائم پریونشن اینڈ کریمنل جسٹس آفیسر جناب ڈیوور روس نے متعلقہ فریقوں کی شرکت پر ان کا شکریہ ادا کیا۔ نجی اور سرکاری شعبے کے درمیان اشتراک عمل کی اہمیت پر زور دیتے ہوئے انہوں نے کہا کہ ہر طرح کی انسانی سمگلنگ کی روک تھام اور اس کے خاتمہ میں حکومتوں اور نجی شعبے کے درمیان اشتراک عمل وقت کا تقاضا بن چکا ہے اور انہی اجتماعی کوششوں کے ذریعے ہی ہم اس لعنت کو شکست دے سکتے ہیں اور اپنی اس دنیا کو زیادہ محفوظ بنا سکتے ہیں۔ انہوں نے مزید کہا کہ یو این او ڈی سی، سول سوسائٹی اور نجی شعبے کی تنظیموں سے امید کرتا ہے کہ وہ انسانی سمگلنگ کی روک تھام کے بارے میں آگاہی بڑھانے میں اپنا کردار ادا کریں۔ آڈیشنل ڈائریکٹر امیگریشن ایف آئی اے جناب مفخر عدیل نے بین الاقوامی و قومی اقدار اور مروجہ طریقوں پر روشنی ڈالی اور ان جرائم پر قابو پانے کے لئے ایف آئی اے کی شبانہ روز کوششوں کے بارے میں آگاہ کیا۔ یو این او ڈی سی کے کنسلٹنٹ جناب نوید احمد شنواری نے انسانی سمگلنگ کے خاتمہ میں سول سوسائٹی، این جی اوز اور نجی شعبے کے کردار، ذمہ داریوں اور مختلف سرگرمیوں پر ایک پریزنٹیشن دی۔ انہوں نے بتایا کہ اس لعنت سے نمٹنے کے لئے ہر شعبہ اپنی اپنی جگہ کوششیں کر رہا ہے لیکن ایک کلی سوچ کے تحت اس مسئلے سے نمٹنے کے لئے متعلقہ فریقوں کے درمیان کوآرڈینیشن نہیں ہو رہی۔ امریکی سفارتخانہ اسلام آباد کی محترمہ لوسی کوبرن نے ایک پریزنٹیشن دی جبکہ انسانی سمگلنگ کی نگرانی اور روک تھام کے لئے امریکی سٹیٹ ڈپارٹمنٹ کے ادارے سے محترمہ سمانتھا نوویک اور محترمہ اینڈریا بیلنت نے بھی اس کانفرنس میں شرکت کی۔ متعدد شرکاءنے اس موقع پر انسانی سمگلنگ اور اس سے نمٹنے میں نجی شعبے کے کردار کو بہتر طور پر سمجھنے کے لئے سرکاری پارٹنرز کے ساتھ مل کر کام کرنے کا عزم ظاہر کیا۔ کانفرنس کے آخر میں یو این او ڈی سی اور ایف آئی اے کی جانب سے امید کا اظہار کیا گیا کہ انسانی سمگلنگ کی روک تھام سے نمٹنے کے لئے مل کر کام کیا جائے گا اور پالیسی اور اس پر عملدرآمد میں پائی جانے والی خامیوں کو دور کرنے میں متعلقہ فریقوں کی مدد کی جائے گی۔ کانفرنس کا انعقاد انسانی سمگلنگ کی نگرانی اور خاتمہ کے لئے امریکی سٹیٹ ڈپارٹمنٹ کے ادارے کی جانب سے مالی معاونت کی بدولت ممکن ہوا۔

لاہور: (ایمرا نیوزآن لائن) لاہور میں ناروے نژاد پاکستانی خاتون کے قتل کا معاملے پر پاکستانی تاریخ میں پہلی مرتبہ ڈسٹرکٹ جیل میں قید ملزم کا آن کیمرہ ٹرائل کیا گیا، آن کیمرہ سماعت کو ناروے کے شہر اوسلو سے منسلک کیا گیا۔ کیس کی سماعت کے لئے اوسلو کی پولیس پراسکیوشن اور گواہ ناروے سے لاہور پہنچے۔لاہور کے علاقہ بیگم کوٹ میں گزشتہ سال ثوبیہ نامی ناروے نژاد پاکستانی خاتون کا قتل ہوا۔ پولیس نے گھر کے چوکیدار شیرسود کو گرفتار کیا تو اس نے انکشاف کیا کہ اس نے خاتون کا قتل اسکے شوہر اسحاق کے کہنے پر کیا۔مقتولہ ثوبیہ کا قتل پاکستان میں ہوا اور مقتولہ کے شوہر ناروے میں موجود ہیں اسلئے پاکستانی تاریخ میں پہلی مرتبہ خاتون کے قتل کے الزام میں گرفتار ملزم شیر سود کی آن کیمرہ کیس کی سماعت کوٹ لکھپت جیل میں ہوئی ہے۔کوٹ لکھپت جیل میں آن کیمرہ سماعت کو ناروے کے شہر اوسلو سے منسلک کیا گیا اور آن کیمرہ ملزم شیر سود کا بیان بھی ریکارڈ کیا گیا۔ ملزم کا آن کیمرہ ٹرائل سیف سٹی کی مدد سے کیا گیا۔ سماعت کے دوران اوسلو کی پولیس پراسکیوشن اور گواہ بھی موجود تھے۔

اوریگن،:(ایمرا نیوزآن لائن) حال ہی میں طبی تاریخ کا ایک انوکھا واقعہ رونما ہوا ہے کہ 99 برس تک صحت مند زندگی گزارنے والی ایک خاتون نے جب اپنی لاش میڈیکل کالج کو عطیہ کی تو معلوم ہوا کہ خاتون کے اندرونی اعضا کی ترتیب عام لوگوں کے مقابلے میں یکسرالٹ تھی۔اسی وجہ سے روز میری بینٹلے کو طبی تاریخ کا ایک اہم اور نایاب کیس قرار دیا جارہا ہے۔ لگ بھگ پانچ کروڑ میں سے کسی ایک شخص میں یہ نایاب کیفیت ہوتی ہے۔اس معاملے پر تحقیق کرنے والے پروفیسر کیمرون واکر، اوریگن ہیلتھ اینڈ سائنس یونیورسٹی میں تشریح الاعضا (ایناٹومی) پڑھاتے ہیں اور انہوں نے کہا ہے کہ یہ خاتون سائی ٹَس اِنورسِس کے ساتھ ساتھ لے وو کارڈیا میں مبتلا تھیں جن میں تمام اہم اعضا الٹی سمت میں موجود ہوتے ہیں جن میں دل بھی شامل ہے۔ پروفیسر کیمرون نے اسے نہ بھولنے والا ایک واقعہ قرار دیا ہے۔روزمیری بینٹلے نے ایک عام اور صحت مند زندگی گزاری جو اپنی اس خاصیت سے خود بھی واقف نہ تھیں۔ اپنی موت سے قبل انہوں نے دوسرے بہت سے امریکیوں کی طرح اپنی لاش طبی کالج کو دینے کی وصیت کی تھی۔جب مارچ میں ان کے جسم کو چاک کیا گیا تو صرف دل کو دیکھ کر انہیں اندازہ ہوگیا کہ جو شریانیں دائیں جانب ہوتی ہیں وہ بائیں طرف تھیں۔ اسی لیے ان کے دل کی بڑی شریان، ’وینا کے وا‘ سیدھی کی بجائے الٹی سمت میں تھی۔اسی طرح جگر اور سینے کی بعض رگیں اور شریانیں یا تو غائب تھیں یا پھر کسی دوسرے انجانے مقام تک جارہی تھیں۔ ان کے دائیں پھیپھڑے کے اندر تین کی بجائے دو راستے (لوبس) تھے۔ دل کا اوپری دایاں خانہ بھی عام جسامت سے دگنا دیکھا گیا۔روزمیری کا معدہ بھی بائیں کی بجائے دائیں جانب تھا اور جگر الٹے ہاتھ کی بجائے سیدھے ہاتھ پر واقع تھا ۔ خاتون کے نظامِ ہاضمہ کی تمام بڑی آنتوں کی سمت بھی الٹی تھی۔ ڈاکٹر واکر کے مطابق یہ عمل حمل ٹھہرنے کے 30 یا 45 روز میں ہی ہوجاتا ہے۔ڈاکٹر کے مطابق یہ ایک جان لیوا کیفیت ہوتی ہے کیونکہ الٹی جانب دل ہونے سے کئی مسائل پیدا ہوتے ہیں۔ صرف 5 سے 13 فیصد بچے ہی پانچ سال تک جی پاتے ہیں اب تک 13 سال کا ایک بچہ اور 73 سالہ ایک بزرگ دیکھا گیا ہے جو اس کیفیت میں رہے۔ اسی لیے روزمیری کا واقعہ بہت ہی عجیب ہیں جنہوں نے کبھی دل کی شکایت نہیں کی اور ایک پرمسرت اور کامیاب زندگی گزاری۔

لاہور (ایمرا نیوز آن لائن) پاکستان کرکٹ بورڈ (پی سی بی) نے جنوبی افریقہ ویمن کرکٹ ٹیم کیخلاف 3ایک روزہ میچوں پر مشتمل سیریز سے پہلے فرسٹ کلاس کرکٹر اقبال امام کو قومی ویمن کرکٹ ٹیم کا بیٹنگ کوچ مقرر کر دیا ہے۔یہ سیریز آئی سی سی ویمنز چیمپین شپ کا حصہ ہیں جس میں پاکستانی ٹیم اس وقت چھٹے نمبر پر ہے۔ امام اقبال اینڈی رچرڈز سے چارج سنبھالیں گے جنہوں نے جولائی 2018ء میں بیٹنگ کوچ کا عہدہ سنبھالا تھا۔پی سی بی کے منیجنگ ڈائریکٹر وسیم خان کا کہنا ہے کہ اقبال ایک محنتی شخص اور بہترین کوچ ہیں جو ویمن کرکٹ ٹیم سے متعلق پی سی بی کے ویڑن پر پورا اترتے ہیں، اور یہ ویڑن قومی ویمن ٹیم کو ایسے انفرادی ماہرین فراہم کرنا ہے جو ان کی ترقی اور کارکردگی میں اضافہ کر سکیں۔

میجر صاعقہ گلزار نے دنیا بھر کے 52 فوجیوں میں پہلی پوزیشن حاصل کر کے گولڈ میڈل حاصل کیا
اسلام آباد(ایمرا نیوز آن لائن) پاک فوج کی میجر صاعقہ گلزار نے امریکہ میں ملک کا نام روشن کردیا اور عالمی تربیتی مقابلے میں دنیا بھر کے 52 فوجیوں میں پہلی پوزیشن حاصل کر کے گولڈ میڈل حاصل کرلیا۔تفصیلات کے مطابق پاکستانی فوج کی خاتون میجر صاعقہ گلزار نے امریکا میں عالمی فوجی تربیت کے دوران دنیا بھر سے حصہ لینے والے 52 فوجی اہلکاروں کی موجودگی میں پہلی پوزیشن حاصل کر کے ملک کا نام روشن کردیا، پہلی پوزیشن لینے پر انہیں گولڈ میڈل بھی دیا گیا۔مسیحی برادری سے تعلق رکھنے والی میجر صاعقہ گلزار کا تعلق وہاڑی سے ہے اور ان کے والد گلزار مسیح سدھو مقامی ٹیچر ہیں۔ سوشل میڈیا پر خاتون میجر کی کامیابی پر مبارک بادیں دی گئیں اور ان کی عسکری صلاحیتوں کو سہرایا گیا۔اس ضمن میں قومی چینل پاکستان ٹیلی وڑن نے سماجی رابطے کی ویب سائٹ ٹویٹر پر اپنی ایک ٹویٹ میں میجر صاعقہ گلزار کی کاوشوں کو سراہا۔

پاکپتن(ایمرا نیوزآن لائن) پاکپتن میں خاتون کانسٹیبل کو یونیفارم میں رقص کرنا مہنگا پڑگیا، خاتون کانسٹیبل کو ملازمت سے برطرف کر دیا گیا.
پاکپتن میں پچھلے سال دیوٹی کے دوران ڈانس کرنے والی خاتون کانسٹیبل ثناء تنویر کو ملازمت سے برطرف کر دیا گیا، ڈانس کی ویڈیو بنا نے والی کانسٹیبل بھی ملازمت سے ہاتھ دھو بیٹھی، ڈانس کی ویڈیو سوشل میڈیا پر وائرل ہوئی تھی۔کانسٹیبل ثناء تنویر کی ویڈیو نومبر 2018ء میں وائرل ہوئی جب وہ دربار بابا فرید کی سیکیورٹی وہ مامور تھی ۔دوران ڈیوٹی خاتون کانسٹیبل ثناء تنویر نے یونیفارم میں رقص کیا،جبکہ اس کی ساتھی کانسٹیبل امبرین ویڈیو بناتی رہی۔رقص کی ویڈیوسوشل میڈیاپروائرل ہوتے ہی اعلیٰ افسران نے واقعے کا نوٹس لیا اور معطلکردیا۔اس واقعے کی چار ماہ انکوائری چلیجس کے بعد ڈی پی او نے دونوں لیڈی کانسٹیبلوں کو برطرف کردیا ۔ڈی پی اوماریہ محمود کا کہنا ہے کہ محکمانہ ڈسپلن کی خلاف ورزی کسی صورت برداشت نہیں کی جائےگی ۔

شہزادہ ہیری کی مداح 99سالہ آسٹریلین جنگی بیوہ جو نمونیاکے باعث انتقال کرگئی
سڈنی(ایمرا نیوز آن لائن)ایک 99سالہ آسٹریلین جنگی بیوہ جوشہزادہ ہیری کی سب سے بڑی مداح کے طورپرجانی جاتی تھی ،نمونیاکے باعث انتقال کرگئی ،یہ بات اس کے اہل خانہ نے منگل کے روزکہی۔ انسٹاگرام پرجاری ایک بیان میں ڈافنے ڈونے کے اہل خانہ نے کہاکہ وہ پیرکے روزسڈنی کے ایک ہسپتال میں پرامن طورپرچل بسی ہے ،وہ چندروزقبل کی 99برس کی ہوئی تھیں کئی سالوں سے ڈونے گزشتہ اکتوبرمیں سڈنی اوپیراہاؤس سمیت ڈیوک آف سسیکس کی کئی مواقعوں پراستقبالیہ تقریبات کی تصاویراتارچکی ہیں ۔ ان کاکہناتھاکہ ڈافنے کاسڑک پرروکنے کاسادہ عمل اوراس کاہاتھ پکڑنے کامطلب کسی کے تصورسے زیادہ معانی رکھتاہے ۔ ہم بطوراہل خانہ ہرایک شخص کاشکریہ اداکرناچاہیں گے ،جنہوںنے ڈافنے سے محبت اوراس کی حمایت کی ہے ،اسے شہزادہ ہیری اوراس کی اہلیہ میگن کی طرف سے گزشتہ ہفتے سالگرہ کے موقع پرپیغام موصول ہوا،جس کے متعلق اس کاکہناتھاکہ یہ حقیقت میں میرازندگی کایادگاردن ہے ۔

سلوواکیہ(ایمرا نیوزآن لائن) یورپی ملک سلوواکیہ میں پہلی بار ایک خاتون کو صدر منتخب کرلیا ہے۔سلوواکیہ کے عوام نے آئندہ پانچ سال کے لیے ایک لبرل قانون دان خاتون زوزانا کپوٹووا کو صدر منتخب کرلیا ہے، وہ سلوواکیہ پہلی خاتون صدر ہیں۔سلوواکیہ کی غیر پارلیمانی جماعت پروگرسیو پارٹی سے تعلق رکھنے والی 45 سالہ زوزوانا نے حکمراں جماعت کے حمایت یافتہ مروس سیف کووک کو شکست دی۔خاتون صدر کو 58.3 فیصد ووٹ ملے جبکہ ان کے مدمقابل مروس سیف کووک کو 41.7 فیصد ووٹ ملے۔