All posts by EMRA

اسلام آباد (میڈیا پاکستان آن لائن )پاناما کیس کے فیصلے کے بعد کسی بھی ممکنہ صورتحال سے نمٹنے کی پیش نظر ایف آئی اے نے ملک بھر کے تمام زونز کو الرٹ جاری کردیا ۔میڈ یا رپورٹس کے مطابق قائم مقام ڈی جی ایف آئی اے کی سربراہی میں اہم اجلاس ہوا جس میں سپریم کورٹ کے فیصلے کے بعد پیدا ہونے والی صورتحال کا جائزہ لیا گیا ۔اس موقع پر پاناما کیس فیصلے کے موقع پر ایف آئی اے نے ہائی الرٹ بھی جاری کردیا اور کسی بھی ممکنہ صورتحال کے پیش نظر تمام زونز کو الرٹ جاری کردی گئی ۔اس موقع پر پاناما کیس کے فیصلے کے مقدمات نیب میں منتقل کیے جانے پر بھی غور کیا گیا ۔

سلام آباد (میڈیا پاکستان آن لائن )تحریک انصاف کے چیئر مین عمران خان نے سپریم کورٹ میں زیر سماعت نا اہلی کیس میں لندن فلیٹس سے متعلق منی ٹریل مکمل نہ ہونے کا تحریری اعتراف کر لیا جس پر وزیر اعظم نواز شریف کی صاحبزادی مریم نواز بھی میدان میں آگئیں ۔انہوں نے عمران خان کو سبق سکھاتے ہوئے کہا ہے کہ دوسروں پر جھوٹ سے حملہ نہ کریں جبکہ آپ خود سچ کے ساتھ تباہ ہو سکتے ہیں ۔
تفصیل کے مطابق عمران خان کی جانب سے سپریم کور ٹ میں منی ٹریل مکمل نہ ہونے کے تحریری اعتراف کے بعد مریم نواز نے مائیکرو بلاگنگ ویب سائٹ ٹوئٹر پر پیغام جاری کرتے ہوئے کہا کہ جب آپ دوسر وں کے خلاف سازشیں کرنے میں مصروف تھے تو اس دوران آپ نے اپنی الماری کھولی چھوڑ دی جس میں سے آپ کی اپنی برائیاں باہر آرہی ہیں ۔انہوں نے کہا کہ اللہ تعالیٰ اپنے طریقے سے جواب دیتے ہیں ۔مریم نواز نے مزید کہا کہ اس کام سے سبق ملتا ہے کہ جب آپ خود سچ سے تباہ ہو سکتے ہیں تو دوسروں پر جھوٹ سے حملہ نہیں کرنا چاہیے

اسلام آباد (میڈیا پاکستان آن لائن)قائم مقام چیئرمین ایس ای سی پی کی تعیناتی کا نوٹیفکیشن آج جاری ہونے کاامکان۔نجی ٹی وی جیو نیوز نے ذرائع کے حوالے سے کہا ہے وزارت خزانہ نے ظفر عبد اللہ کی تعیناتی کا نوٹی فکیشن وزارت قانون کو بھجوا دیا، وزارت قانون نے کمشنروں کی سینیارٹی کے معاملے پر اپنی رائے دےدی، وزارت قانون کی نظر میں کانٹریٹ کے مطابق ظفر عبد اللہ سینئر ترین کمشنر ہیں، وزارت قانون کا کہنا ہے نیاکانٹریٹ ملنے پر سینیارٹی قائم نہیں رہتی،طاہر محمود بھی کانٹریٹ ملازم ہیں،انکی سروس میں بریک آتا رہتا ہے۔

ایبٹ آباد(میڈیا پاکستان) پاکستانی سرجن نے کارنامہ انجام دیتے ہوئے 4 سالہ بچے کا 5 کلو اضافی سر الگ کرنے کا کامیاب آپریشن کردیا۔ایکسپریس نیوز کے مطابق پاکستانی سرجن اور ڈاکٹرز کا شمار دنیا کے بہترین طبی ماہرین میں ہوتا ہے جنہوں نے نہ صرف وطن میں بلکہ بیرون ملک بھی نمایاں کارنامے انجام دے کر تاریخ میں اپنا اور ملک کا نام روشن کیا۔ ایسے ہی ایک ڈاکٹر نیورو سرجن عبدالعزیز بھی ہیں جنہوں نے ایبٹ آباد میں چار سالہ بچے کا اضافی سر الگ کرنے کا کارنامہ سرانجام دیا ہے۔ سرجن عبدالعزیز اور ان کی ٹیم نے سرکاری اسپتال ایوب میڈیکل کمپلیکس میں 4 سالہ بچے کے اضافی سر کی پیچیدہ سرجری کرکے تاریخ رقم کر دی۔

انہوں نے آپریشن کرکے نہ صرف بچے کے 5 کلو اضافی سر اور اسکن کو کاٹ کر الگ کیا بلکہ اس کے دماغ کی شریانوں کو بھی مہارت سے جوڑ دیا۔ آپریشن کے بعد 4 سالہ عاصم کی حالت بہتر ہے اور وہ تیزی سے صحتیاب ہورہا ہے۔ بچے کے اہل خانہ نے کامیاب آپریشن پر خدا کا شکر ادا کرتے ہوئے مسرت کا اظہار کیا اور سرجن عبدالعزیز کے لیے ڈھیروں دعائیں کیں۔ سرجن عبدالعزیز نے بچے کو مکمل صحت مند قرار دیتے ہوئے کہا ہے کہ آپریشن کے بعد عاصم کی حالت بہتر ہے اور اپنی زندگی عام انسان کی طرح گزار سکتا ہے۔اس آپریشن کو دیکھتے ہوئے یہ کہنا بے جا نہ ہوگا کہ ذرا نم ہو تو یہ مٹی بڑی زرخیز ہے ساقی۔

لاہور(میڈیا پاکستان)جعلی رسیدوں کے ذریعے ایل ڈی اے کو کروڑوں کا نقصان پہنچانے والے ملازمین محمود اور عثمان کا نیب کو 12روز کا جسمانی ریمانڈ دیا گیا ہے۔احتساب عدالت میں ریمانڈ ختم ہونے پر نیب نے ایل ڈی اے کے دو ملزمان محمود اور عثمان کو مزید ریمانڈ کے لئے پیش کیا ،عدالت کوبتایا کہ دونوں ملزمان سے ابھی کروڑوں کی رقم برآمد کرنی ہے ان کے دیگر ساتھیوں کے بارے میں بھی معلومات حاصل کرنی ہے ،عدالت سے استدعا ہے کہ دونوں کا جسمانی ریمانڈ دیا جائے اس پر عدالت نے ریکارڈ کی پڑتال کے بعد ملزمان کا 12روز کا جسمانی ریمانڈ دے دیاہے۔ملزمان پر الزام ہے کہ وہ کمرشل پلازوں کو کیے جانے والے جرمانے وصول کرکے ان کی جعلی رسیدیں فائلوں میں لگادیتے تھے جس سے ایل ڈی اے کو کروڑوں روپے کا نقصان ہوا۔ایل ڈی اے کو کروڑوں کا نقصان پہنچانے والے ملازمین محمود اور عثمان ریمانڈ پر جرمانوں کی جعلی رسیدیں بنانے کا الزام ہے

پشاور (میڈیا پاکستان آن لائن )خیبر پختونخواہ کے دارالحکومت پشاور سمیت مختلف شہر وں میں زلزلے کے شدید جھٹکے محسوس کیے گئے ہیں جس سے خوفزدہ ہو کر لوگ کلمہ طیبہ کا ورد کرتے ہوئے گھروں سے باہر نکل آئے ۔میڈ یا رپورٹس کے مطابق پشاور اور گرد ونواح میں زلزلے کے جھٹکے محسوس کیے گئے ہیں جس سے لوگ خوفزدہ ہو گئے ۔زلزلہ پیما مرکز کے مطابق زلزلے کی شدت 4.5ریکارڈ کی گئی جس کا مرکز افغانستان کے پہاڑی سلسلے ہندو کش میں تھا اور اس کی گہرائی 268میٹر ریکارڈ کی گئی ۔

لاہور(میڈیا پاکستان)پراپرٹی پر نئے ٹیکسوں کے حوالے سے ایف بی آر لسٹ 20دن سے مرتب نہ کی جاسکی ،یکم جولائی 2017سے لاہور کی تمام رجسٹریشن برانچیں بند ، 20دن سے رجسٹریاں اور فیسیں وصول نہ کرنے کے باعث رجسٹریوں کا کام ٹھپ ہو کر رہ گیا ، پنجاب حکومت کو کروڑوں کا نقصان ، حکومت نے نت نئے ٹیکس لگا کر پراپرٹی کے کاروبار کو تباہ کرنے میں کوئی کسر نہ چھوڑی ہے.میڈیا پاکستان کے سروے کے دوران شہری فیصل خان،حاجی شہباز،امجد علی،محمد آصف نے بتایا کہ موجودہ مالی سال 2017میں حکومت نے پراپرٹی پر نئے ٹیکس ایڈوانس ٹیکس،گین ٹیکس،ودہولڈنگ ٹیکس کے ساتھ کورڈ ایریا پر ملبہ ٹیکس میں بھی اضافہ کرکے اس کاروبار کو تباہ کرنے اور غریب انسان کے لئے اپنا گھر بنانے کے خواب پر پانی پھیر دیا ہے،ٹھنڈے ایئر کنڈیشنڈ کمروں میں بیٹھ کر ڈی سی ریٹ لسٹ مرتب کرنے والے افسران ایف بی آر لسٹ کو مرتب کرنا بھول گئے ہیں ،یکم جولائی کو نئے ٹیکس کے نفاذ کے بعد آج 20دن ہو چکے ہیں کہ ابھی تک ایف بی آر لسٹ ہی مرتب نہ کی جاسکی ہے ،ہماری سمجھ سے بالاتر ہے کہ بجٹ میں تمام ہوم ورک مکمل ہونے کے باوجود اس تاخیر کی وجہ کیا ہے اور اس تاخیر سے حکومت پنجاب کو کروڑوں کے ریونیو سے محروم ہونا پڑا ہے اس کا ذمہ دار کون ہے ،پچھلے20سے ہم خوشحالی کی طرح بے صبری سے ایف بی آر لسٹ کا انتظار کررہے ہیں لیکن ہر روز افسران بالا ایک نئی کہانی سنا کر ہمیں ٹرخا دیتے ہیں ،شہری محمد عثمان ،علی مرزا ،چوہدری سجاول اور عمر گوندل نے کہا کہ پچھلے 20روز سے لاہور کی تمام رجسٹریشن برانچیں عملی طور پر بند ہیں ،نہ تو رجسٹریاں وصول کی جارہی ہیں اور نہ فیسیں وصول کی جارہی ہیں ،رجسٹریشن برانچوں میں اس وقت ہو کا عالم ہے جس کی سب سے بڑی وجہ یہ ہے کہ ابھی تک ایف بی آر ریٹ لسٹ ہی جاری نہ کی جاسکی ہے، ہمیں یہ بتایا جائے کہ اگر پراپرٹی ٹیکسوں میں اضافہ کرکے اس کام سے وابستہ افراد کو حکومت نے بے روزگار کرنے کا پروگرام بنا ہی لیا ہے تو اس طرح ذلیل کرکے بیروز گار نہ کیا جائے ،کم از کم ایف بی آر لسٹ جاری کر دی جائے تا کہ لوگ ٹیکسوں کو ادا کرکے ہی اس کاروبار سے دور ہونے کا سوچ لیں ،بورڈ آف ریونیو کے اعلیٰ افسران اور ایڈیشنل کلکٹرجنرل کے نوٹس میں تمام صورتحال ہونے کے باوجود ابھی تک ہمیں کوئی تسلی بخش جواب نہ دیا جارہا ہے کہ ایف بی آر لسٹ کب مرتب کی جائے گی ،اس وقت سینکڑوں وکلاء صاحبان اور شہری ہاتھوں میں رجسٹریاں پکڑے روزانہ کی بنیاد پر سارا دن ذلیل ہو کر اگلے دن واپس آنے کے لئے چلے جاتے ہیں ،ہمارا حکومت سے مطالبہ ہے کہ فوری طور پر ایف بی آر لسٹ کو مرتب کرکے رجسٹریوں کے کاروبار سے وابستہ افراد کو ذہنی اذیت سے نجات ۔ایڈیشنل ڈسٹرکٹ کلکٹر جنرل نے اس حوالے سے بتایا کہ ایک یا دو دن میں نئی مرتب کردہ ایف بی آر لسٹ مل جائے گی ، تکینکی وجوہات کی بناء پر اس طرح کی تاخیر ہوتی ہے جس میں جان بوجھ کر کسی کی کوتاہی نہ ہے۔

قطیف(میڈیا پاکستان) سعودی پولیس نے قطیف میں فائرنگ کے تبادلے کے بعد 3 مطلوب دہشت گردوں کو ہلاک کردیا۔غیر ملکی خبر رساں ادارے کے مطابق سعودی عرب کے شہر قطیف کے ضلع سیہات میں پولیس نے دہشت گردوں کی موجودگی کی اطلاع پر کارروائی کی تو دہشت گردوں نے ان پر فائرنگ کر دی، پولیس کی جانب سے جوابی کارروائی میں 3 مطلوب دہشت گرد مارے گئے جن کے قبضے سے 3 مشین گنیں، پستول، 10 کلو سے زیادہ بارودی مواد بھی قبضے میں لے لیا گیا۔سعودی حکام کے مطابق ہلاک ہونے والے دہشت گرد پولیس اور کیش وین پر حملوں، اغوا اور ہتھیاروں کی اسمگلنگ میں مطلوب تھے۔

نئی دہلی(میڈیا پاکستان) پاکستان اور بھارت کو ایک دوسرے کا ازلی دشمن کہا یا سمجھا جاتا ہے لیکن یہ بھی حقیقت ہے کہ کبھی یہ دونوں ملک ایک ہوا کرتے تھے۔ آج بھی دونوں ممالک اور ان کے عوام میں بہت سی چیزیں مماثل پائی جاتی ہیں۔ تاہم بعض ایسی چیزیں بھی ہیں جن میں تقسیم کے بعد کوئی ایک ملک آگے بڑھ گیا تو دوسرا پیچھے رہ گیا، لیکن ہم ایک دوسرے کی ان چیزوں پر تو نظر رکھتے ہیں جن میں وہ ہم سے پیچھے رہ گئے مگر وہ چیزیں نہیں دیکھتے جن میں دوسرا ہم سے آگے بڑھ گیا۔ بھارتی اخبار انڈیا ٹائمز نے اپنے ایک آرٹیکل میں پاکستان کی 10ایسی ہی چیزیں بیان کی ہیں جن میں پاکستان بھارت سے آگے ہیں اور بھارت کو پاکستان سے وہ چیزیں سیکھنے کی ضرورت ہے۔ یہ آرٹیکل اگرچہ 2سال قبل شائع ہوا لیکن آپ اسے سدابہار کہہ سکتے ہیں کیونکہ آج بھی اس سے دوسرے ملک کی اچھی چیزوں سے سبق حاصل کرنے کی ترغیب ملتی ہے اور ہمیشہ ملتی رہے گی۔ انڈیا ٹائمز نے لکھا ہے کہ ”پاکستان اقلیتوں سے حسن سلوک میں بھارت سے بہت آگے ہے۔ وہاں ہندوﺅں کو دہشت گرد نہیں کہا جاتا اور وہاں رہنے والے سکھ بھی اسلام کے خلاف بغض نہیں رکھتے۔ ہم پاکستان کے متعلق بہت سی فرضی کہانیاں سنتے ہیں اور افسوس کا مقام ہے کہ ان پر یقین بھی کر لیتے ہیں لیکن حقیقت یہ ہے کہ اقلیتوں سے پاکستان میں جو سلوک کیا جاتا ہے ہمیں اس سے سبق حاصل کرنا چاہیے۔
انڈیا ٹائمز نے پاکستانی عوام کو دنیا کے ذہین ترین لوگ قرار دیتے ہوئے کہا ہے کہ ”ہم بھارتی لوگ پاکستانی کرکٹرز کا اس وقت مذاق اڑاتے ہیں جب ان سے کرکٹ میچ کے آخر پر گفتگو کرنے کے لیے کہا جاتا ہے اور وہ انگریزی نہیں بول پاتے۔لیکن کیا آپ جانتے ہیں کہ پاکستانی قوم دنیا کی چوتھی ذہین ترین قوم ہے؟ انسٹیٹیوٹ آف یورپین بزنس ایڈمنسٹریشن نے 125ممالک پر مشتمل”رائے شماری“ کا اہتمام کیا جس کے نتائج نے ثابت کیا کہ ذہانت میں پاکستان کے لوگ دنیا میں چوتھے نمبر پر آتے ہیں۔ اس پول کے مطابق سائنسدانوں اور انجینئرز کی تعداد کے لحاظ سے پاکستان دنیا کا ساتواں بڑا ملک ہے۔پاکستانی قوم اتنی ذہین کیوں ہے؟ کیونکہ گزشتہ پانچ سالوں میں پاکستان میں شرح خواندگی 250فیصد کی حیران کن رفتار سے بڑھی ہے۔ ہمیں ان دونوں چیزوں میں بھی پاکستان سے سبق حاصل کرنا چاہیے۔“چوتھے نمبر پر انڈیاٹائمز نے پاکستان کے قومی ترانے کو دنیا کا مترنم ترین ترانہ قرار دیتے ہوئے لکھا ہے کہ ”کرکٹ کی وجہ سے ہم پاکستان کے قومی ترانہ اکثر سنتے رہتے ہیں۔ متاثر کن، خوبصورت اور تحریک دینے والی شاعری اور انتہائی مترنم دھن نے پاکستان کے قومی ترانے کو دنیا کا نمبرون ترانہ بنا دیا ہے۔ پاکستان کے پاس ایک ساتھ بہت سارے لوگوں کے قومی ترانہ پڑھنے کا ریکارڈ بھی ہے۔ ہم بھارتیوں کے لیے شرم کا مقام ہے کہ ہم لوگ مل کر اپنا قومی ترانے کا ایک مصرعہ بھی نہیں پڑھ سکتے۔“
انڈیا ٹائمز نے پاکستان کی موسیقی اور ٹی وی ڈراموں کو بھی بہترین قرار دیتے ہوئے لکھا ہے کہ ”ہم بھارتی مانیں یا نہ مانیں لیکن جو صوفی میوزک ہم اکثر گنگناتے ہیں وہ دراصل اسلامی ملک پاکستان کا ہے۔ حتیٰ کہ ہمارے ایم ٹی وی پر جو کوک سٹوڈیو چل رہا ہے یہ بھی ہم نے پاکستانی کوک سٹوڈیو کی نقل کی ہے۔ آپ کو اصلی پاکستانی کوک سٹوڈیو سننا چاہیے، کیونکہ اس میں گائے ہوئے گیت اتنے خوبصورت ہیں کہ ان کی خوبصورتی بیان نہیں کی جا سکتی۔اسی طرح ہمارے ٹی وی ڈراموں کے برعکس پاکستان کے ٹی وی ڈرامے اس قدر جاندار ہوتے ہیں کہ ہم ان سے متاثر ہوئے بغیر نہیں رہ سکتے۔ ان دونوں چیزوں میں بھی ہمیں پاکستان سے سیکھنا چاہیے۔“
انڈیا ٹائمز نے مزید لکھا ہے کہ ”پاکستان میں دنیا کا سب سے بڑا ہاتھ سے لگایا ہوا جنگل ”چھانگا مانگا“ ہے اور دنیا کے کم عمر ترین سول جج کا اعزاز بھی پاکستان کے پاس ہے۔ اس سول جج کا نام محمد الیاس ہے جولاہور کی عدالت میں 1952ءمیں جج تعینات ہوا۔ تب اس کی عمر محض 20سال اور 9ماہ تھی۔ پاکستان کے پاس دنیا کے سب سے بڑے ایمبولینس نیٹ ورک کا اعزاز بھی ہے جس کا نام ایدھی ایمبولینس ہے اور یہ دنیا کا سب سے بڑا ایمبولینس نیٹ ورک ایدھی فاﺅنڈیشن کے زیرانتظام کام کر رہا ہے۔ 10ویں نمبر پر خواتین کے تحفظ میں بھی پاکستان ہم سے بدرجہا بہتر ہے۔ بدقسمتی سے خواتین کے ساتھ جنسی زیادتیوں میں بھارت کا درجہ بہت نیچے ہے۔ اس کے برعکس پاکستان میں خواتین کے تحفظ کی حالت بہت بہتر ہے۔ درحقیقت پاکستانی قوم میں کچھ ایسی سرگرمیاں پائی جاتی ہیں جو وہاں خواتین کی آزادی اور ان کے تحفظ کو یقینی بناتی ہیں۔ ان میں ایک یہ ہے کہ وہاں مرد خواتین کے محافظ کا کردار ادا کرتے ہیں۔ اس حوالے سے بھی ہم مسلم ممالک کے متعلق ایک فرضی کہانی سنتے رہتے ہیں کہ ہر مسلمان ملک میں خواتین کے ساتھ ظالمانہ سلوک کیا جاتا ہے۔ حقیقت یہ ہے کہ پاکستان ان مسلم ممالک میں سے نہیں ہے۔ لہٰذا آئندہ پاکستان میں خواتین کی زبوں حالی پر بات کرتے ہوئے اپنے حقائق درست کر لیں۔ بھارت میں خواتین کے ساتھ جو سلوک روا رکھا جاتا ہے اس سلسلے میں بھی ہمیں پاکستان سے سبق حاصل کرنا چاہیے تاکہ یہاں کی خواتین بھی اسی طرح محفوظ رہ سکیں۔“

اسلام آباد (میڈیا پاکستان آن لائن) پارٹی سے ناراض وفاقی وزیر داخلہ چوہدری نثار علی خان اپنے دوست وزیر اعلیٰ پنجاب میاں شہباز شریف سے ملاقات کے بعد نرم پڑ گئے ہیں اور اب وہ کوئی بھی انتہائی قدم نہیں اٹھائیں گے جبکہ ان کی وزیر اعظم سے بھی ملاقات ہوگی اور اگر وہ راضی ہوئے تو انہیں اہم ٹاسک سونپا جائے گا۔
نجی ٹی وی دنیا نیوز نے ذرائع کے حوالے سے دعویٰ کیا ہے کہ وزیر داخلہ نے وزیر اعلیٰ سے علیحدگی میں ملاقات کی، جس میں چوہدری نثار نے کھل کر اپنا موقف بیان کیا اور ناراضگی کی وجوہات بیان کیں۔ شہباز شریف نے چوہدری نثار کو یقین دہانی کرائی ہے کہ ان کے تحفظات اور شکایات دور کی جائیں گی اور ان کی ہر جائز بات مانی جائے گی جس پر وزیر داخلہ تھوڑے نرم پڑ گئے ہیں۔

یہ بھی پڑھیں : چوہدری نثارکو خواجہ آصف کے وزیر اعظم بننے پر تحفظات ، مجبور کیا گیا تو بیرون ملک چلا جاﺅں گا، شاہد خاقان عباسی سے ملاقات میں اظہار خیال
ذرائع کا کہنا ہے کہ چوہدری نثار نے اپنے دوست شہباز شریف پر واضح کیا کہ وہ پارٹی کے ساتھ ہیں نواز شریف کو نہیں چھوڑیں گے لیکن اپنے ضمیر کے مطابق سچی اور کھری بات کرنے سے گریز نہیں کریں گے۔
نجی ٹی وی سماءنے اپنے ذرائع کے حوالے سے دعویٰ کیا ہے کہ شہباز شریف سے ملاقات کے بعد چوہدری نثار کوئی بھی انتہائی قدم نہیں اٹھائیں گے، ان کی وزیر اعظم سے ملاقات ہوگی اور اگر وہ راضی ہوئے تو انہیں اہم ٹاسک سونپا جائے گا۔