All posts by EMRA

اسلام آ باد(میڈیا پاکستان)ایف آئی اے نے کرنسی کا غیر قانونی کاروبار کرنے والے شخص کو گرفتار کر کے بھاری مقدار میں غیرملکی کرنسی برآمد کر لی۔ ذرائع کے مطابق وفاقی تحقیقاتی ادارے (ایف آئی اے) نے اٹک میں کارروائی کر کے ایک ملزم کو گرفتار کر لیا۔ ملزم کے قبضے سے 14 ہزار سے زائد سعودی ریال ، 5800 درہم اور ایک ہزار سے زائد امریکی ڈالر برآمد کر لئے گئے۔ ایف آئی اے کے مطابق ملزم نصیر احمد حوالہ ہنڈی کا کاروبار کرتا ہے۔

لاہور (میڈیا پاکستان آن لائن )ٹریفک پولیس کے رویے نے ایک اور شہری سے ذریعہ روزگار چھین لیا ،چالان ہونے پر ڈرائیور نے جی پی او چوک میں اپنے رکشے کو آگ لگا دی ۔

ایکسپریس نیوز کے مطابق جی پی او چوک میں چالان کٹنے پر رکشہ ڈرائیور نے اپنی گاڑی کو آگ لگا دی جس سے نہ صرف رکشہ جل گیا بلکہ مال روڈ پر ٹریفک بھی بلاک ہو گئی ۔ واقعے کے بعد پولیس نے رکشہ ڈرائیور عبدالجبار کو گرفتار کر کے تحقیقات کا آغا ز کر دیا ۔
رکشہ ڈرائیور عبدالجبار کا موقف ہے کہ اس کے پاس گاڑی کے کاغذات پورے تھے مگر اس کے باوجود ٹریفک وارڈن نے چالان کر دیا جو کسی صورت قابل قبول نہیں ۔
ا س کا کہنا تھا کہ وارڈن کی منت سماجت بھی کی مگر اس نے ایک نہ سنی تاہم چالان ہونے کے بعد اس نے دلبرداشتہ ہو کر اپنے رکشہ کو آگ لگا دی ۔
عینی شاہدین کا کہنا ہے کہ اشعارہ بند تھا مگر رکشہ کی بریک فیل ہونے پر عبدالجباز گاڑی کو روک نہ سکااور ٹریفک سنگل کی خلاف ورزی ہوگئی جس پر ٹریفک وارڈن آصف نے رکشہ کو روک کر چالان تھما دیا ،چالان ہونے کے بعد رکشہ ڈرائیور مال روڈ پر لیٹ گیا اور پھر اپنے رکشہ پر پٹرول چھڑک کر آگ لگا دی ۔واقعے کے بعد مال روڈ پر ٹریفک کی روانی بھی بری طرح متاثر ہوئی تاہم پولیس نے رکشہ ڈرائیو ر کو گرفتار کر کے تھانے منتقل کر دیا ہے۔

راولپنڈی (میڈیا پاکستان آن لائن ) آپریشن خیبر فور میں فورسز کو ایک اور بڑی کامیابی حاصل ہو گئی ، پاک فوج نے کامیاب آپریشن کے بعد اہم چوٹی برخ محمد کنڈاﺅ کا کنٹرول حاصل کر لیا ۔چوٹی پر دہشتگردوں کے ٹھکانے تھے جنہیں تباہ کر دیا گیا ہے۔

آئی ایس پی آر کے مطابق پاک فوج نے دہشتگردوں کے زیر قبضہ بلند ترین چوٹی برخ محمد کنڈاﺅ کا کنٹرول حاصل کر کے چوٹی پر اپنی چیک پوسٹ قائم کر دی ہے ۔آپریشن کے دوران دہشتگردوں کے زیر استعمال اسلحہ اور گولہ بارود سمیت بارودی سرنگیں بھی قبضے میں لی گئی ہیں ۔آپریشن میں متعدد دہشتگرد بھی مارے گئےاور کئی افغانستان فرار ہو گئے۔
آئی ایس پی آر کا کہنا ہے کہ پہاڑی چوٹی جنگلات کے گھنے اور مشکل ترین علاقے پر 12ہزار فٹ کی بلندی پر واقع ہے ۔آپریشن میں ایس ایس جی کمانڈوز نے بھی حصہ لیا تاہم اس دوران کسی دہشتگردی کی ہلاکت یا گرفتاری کے بارے نہیں بتایا گیا ۔

اسلام آباد (میڈیا پاکستان آن لائن) نجی ٹی وی اے آر وائی نیوز نے دعویٰ کیا ہے کہ وزیر داخلہ چوہدری نثار علی خان نے خواجہ آصف کے وزیر اعظم بننے پر تحفظات کا اظہار کیا ہے جبکہ انہوں نے واضح کیا ہے کہ وہ کرپشن کا دفاع نہیں کریں گے اور نہ ہی فوج اور عدلیہ سے ٹکراﺅ کے کسی عمل کا حصہ بنیں گے اور اگر انہیں زیادہ مجبور کیا گیا تو وہ بیرون ملک چلے جائیں گے۔
اے آروائی نیوز نے ذرائع کے حوالے سے دعویٰ کیا ہے کہ جمعہ کو وفاقی وزیر پٹرولیم شاہد خاقان عباسی نے چوہدری نثار سے ملاقات کی جس میں چوہدری نثار نے پارٹی اور وزیر اعظم سے اپنی وفاداری کا اظہار کیا اور کہا کہ نواز شریف کی نا اہلی کی صورت میں کسی جونیئر کے ماتحت کام نہیں کروں گا، خواجہ آصف کو وزیر اعظم بنائے جانے پر تحفظات ہیں ۔شاہد خاقان عباسی اور ایاز صادق کے ساتھ کام کرنے میں کوئی مسئلہ نہیں ہے۔

سعد رفیق اور رانا تنویر کا جادو نہ چل سکا، چوہدری نثار علی خان کو منانے کی آخری کوشش بھی ناکام
چوہدری نثار نے شاہد خاقان عباسی سے کہا کہ ’کسی کی کرپشن کا دفاع نہیں کروں گا اور عدلیہ اور فوج سے ٹکراﺅ کی پالیسی میں شامل نہیں ہوں گا۔ اتوار کو اپنی پریس کانفرنس میں حالات کی خرابی کے ذمہ داروں کے نام اور اپنی وفاداری کا تذکرہ کروں گا لیکن وزیر اعظم اور پارٹی کو نہیں چھوڑوں گا، مجھے مجبور نہ کیا جائے کہ میں بیرون ملک چلا جاﺅں‘۔

اسلام آباد (میڈیا پاکستان آن لائن) وفاقی وزیر داخلہ چوہدری نثار علی خان کو منانے کی آخری کوشش بھی ناکام ہوگئی ہے ۔
نجی ٹی وی جیو نیوز نے ذرائع کے حوالے سے دعویٰ کیا ہے کہ جمعہ کے روز وزیر اعظم کی زیر صدارت ہونے والے اہم اجلاس سے پہلے وفاقی وزرا خواجہ سعد رفیق اور رانا تنویر کو چوہدری نثار کے پاس بھیجا گیا اور انہیں منا کر اجلاس میں لانے کا ٹاسک دیا گیا۔
ذرائع کا کہنا ہے کہ وزیر داخلہ پچھلے کچھ دنوں سے طبیعت کی ناسازی کی وجہ سے منظر سے غائب تھے اور وہ گزشتہ روز اسی ملاقات کیلئے پنجاب ہاﺅس آئے تھے۔ ملاقات کے دوران چوہدری نثار نے دونوں وزرا کو اپنے موقف سے آگاہ کیا جس پر دونوں وزرا نے ان کے موقف کی تائید کی اور کہا کہ وہ مانتے ہیں کہ بہت سے مواقع پر اہم وزرا کو مشاورتی عمل میں شامل نہیں کیا گیا تاہم یہ وقت اختلافات کا نہیں بلکہ مل بیٹھنے کا ہے۔ ذرائع نے مزید بتایا کہ خواجہ سعد رفیق اور رانا تنویر کی چوہدری نثار کو منانے کی کوشش ناکام ہوگئی۔ انہیں چوہدری نثار نے کہا ہے کہ وہ اتوار کو پریس کانفرنس میں ہی اپنے موقف سے آگاہ کریں گے۔

لاہور (میڈیا پاکستان) پنجاب فوڈ اتھارٹی نے ملتان روڈ پر جعلی دودھ تیار کرنے والی فیکٹری پر چھاپہ مار کر جعلی دودھ کی بھاری مقدار پکڑ لی ، گاڑی میں ڈلیوری کے لئے تیار 5ہزار لیٹر جعلی دودھ اور دودھ کی تیاری میں استعمال کی جانے والی جانوروں کی چربی کی بھاری مقداربھی برآمد کر لی گئی۔

تفصیلات کے مطابق اے ڈی جی آپریشنزرافیعہ حیدر نے تفصیلات بتاتے ہوئے کہا کہا ہے کہ پنجاب فوڈ اتھارٹی کی ٹیم نے ملتان روڈ کے دیہی علاقے میں چھاپہ مار کر خفیہ بنی ہوئی فیکڑی میں لاہوریوں کو جعلی دودھ سپلائی کرنے والی فیکٹری پکڑ لی ہے جس میں گاڑی میں ڈلیوری کے لیے5 ہزار لیٹر تیار دودھ ،مضر صحت کوکنگ آئل اور جعلی دودھ کی تیاری میں استعمال کی جانے والی جانوروں کی چربی کی بھاری مقداربھی برآمد کرتے ہوئے جعلی دودھ تیار کرنے والی تمام مشینں ضبط کر لی گئیں ہیں۔انہوں نے کہا کہ ملاوٹ مافیا کے جڑ سے خاتمے کے لیے ملاوٹ کرنے والوں کی تمام مشینری ضبط کر لی جاتی ہے تاکہ وہ کسی صورت ملاوٹ کا کام جاری نہ رکھ سکیں۔

بیونس آئرس (میڈیا پاکستان) دنیا میں ہر روز بے شمار بکریاں جنم لیتی ہوں گی لیکن گزشتہ روز ارجنٹینا کے ایک فارم ہاﺅس میں ایک بکری نے ایسے عجیب الخلقت بچے کو جنم دے دیا کہ پورے گاﺅں میں بھگدڑ کا سا سماں پیدا ہوگیا اور خوف کے مارے لوگوں نے پولیس بلوا لی۔
دی مرر کی رپورٹ کے مطابق گلیڈس اوویڈو نامی خاتون نے بتایا کہ ان کی بکری نے ایک ایسے بچے کو جنم دیا جس کا چہرہ کسی خوفناک بلا کے چہرے کی طرح نظر آتا ہے۔ ان کا کہنا تھا کہ صرف اس کا چہرہ ہی بری طرح بگڑا ہوا ہے جبکہ باقی جسم نارمل ہے۔

درخت نما آدمی جسے محلے والوں نے بے دخل کردیا
بکری کے خوفناک بچے کی پیدائش کے متعلق سنتے ہی گاﺅں والوں کی بڑی تعداد جمع ہونے لگی لیکن جو بھی اسے دیکھتا خوف کے مارے آنکھیں بند کرنے پر مجبور ہو جاتا۔ کچھ دیہاتیوں نے تو پولیس کو بھی اطلاع کردی۔ مقامی پولیس کے کچھ اہلکار گلیڈس کے گھر پہنچے اور وہاں موجود ہجوم کو منتشر کر کے حالات کو قابو کیا۔ پولیس کا کہنا تھا کہ بکری کے بچے کے معائنے کے لئے ماہرین سے رابطہ کیا گیا ہے اور ان کی رپورٹ کے بعد ہی اس کے بارے میں کوئی حتمی بیان جاری کیا جا سکے گا۔

ٹوکیو (میڈیا پاکستان) بیوی کے ہاتھ کی بنی چائے کے کڑوے کسیلے ذائقے سے ستائے ہوئے ایک جاپانی شخص نے معاملے کی حقیقت جاننے کیلئے اپنے باورچی خانے میں خفیہ کیمرہ لگادیا لیکن اسے جو کچھ دیکھنے کو ملا وہ کسی بھی شریف النفس شوہر کے ہوش اڑا دینے کیلئے کافی تھا۔
ویب سائٹ ورلڈ وائرڈ ویئرڈ نیوز کی رپورٹ کے مطابق 46 سالہ جاپانی شخص کا کہنا ہے کہ ایک عرصے سے اس کی اہلیہ اسے انتہائی بدمزہ چائے پلارہی تھی۔ اس کا 11 سالہ بیٹا بھی چائے کے ذائقے سے بہت تنگ تھا مگر بیچارے باپ بیٹا مسلسل احتجاج کے سوا کچھ نہیں کر پارہے تھے۔

محلے کی خواتین نے آدمی کو چھوٹی بچی کا ریپ کرتے پکڑلیا اور پھر اس کے ساتھ کیا کیا؟ دیکھ کر ہی ہر انسان کانپ اُٹھے
بدقسمت شوہر نے کئی بار اپنی اہلیہ سے شکایت کی لیکن اس نے ہمیشہ جواب دیا کہ وہ اپنی طرف سے بہترین چائے بنانے کی کوشش کرتی ہے۔ مایوس ہوکر اس نے بالآخر اپنے باورچی خانے میں خفیہ کیمرہ لگادیا۔ جب اس نے کیمرے کی ریکارڈنگ دیکھی تو یہ دیکھ کر پیروں تلے سے زمین نکل گئی کہ اس کی اہلیہ چائے میں لیکوئیڈ صابن ڈال رہی تھی۔ اس نے شوہر اور بیٹے کیلئے دو کپ چائے بنائی اور پھر دونوں کپوں میں تھوڑ اتھوڑا لیکوئیڈ صابن ڈالا اور چمچ سے اسے اچھی طرح گھول دیا۔
یہ بھیانک منظر دیکھتے ہی شوہر نے فوری طور پر پولیس بلوا لی اور اپنی اہلیہ کے ’کارنامے‘ کی ویڈیو ان کے حوالے کر دی۔ پولیس نے 49 سالہ خاتون مسامی وتنابی کو گرفتار کرلیا ہے۔ خاتون کو اس کی ویڈیو دکھائی گئی لیکن اس کے باوجود اس نے یہ ماننے سے انکار کردیا کہ وہ اپنے خاوند اور بیٹے کی چائے میں لیکوئیڈ صابن ڈالتی رہی ہے، تاہم دستیاب شواہد کی بناءپر اس کے خلاف قانونی کارروائی کی جا رہی ہے۔

لندن (میڈیا پاکستان آن لائن)دس سال تک انگلش ٹیم کی نمائندگی کرنے والے بلے باز کیون پیٹرسن نے محرومی پر انگلینڈ کرکٹ کو خیرباد کہہ کر جنوبی افریقہ کی طرف سے کھیلنے کا عندیہ دے دیاہے۔

نجی ٹی وی دنیا نیوز کے مطابق انگلینڈ کی طرف سے ایک سو چار ٹیسٹ، ایک سو چھتیس ون ڈے اور سینیتس ٹی 20 انٹرنیشنل میچ کھیلنے والے کیون پیٹرسن کے کیرئر میں نیا موڑ آ گیا۔ ایشیز سیریز 2014ء میں شکست کے بعد ٹیم میں اختلافات سامنے آئے اور انہیں ٹیم سے علیحدہ کر دیا گیا۔ معروف بلے باز اب بھی بھرپور فارم میں ہیں، گزشہ روز پیٹرسن نے انگلش کاؤنٹی سرے کی طرف سے 52 رنز کی اننگ کھیلی، ایک اوور میں شاندار چار چھکے جڑے اور ٹیم کو یادگار فتح دلائی۔ پیٹرسن کا کہنا تھا کہ مسلسل نظر انداز کیے جانے پر وہ سخت مایوس ہیں، دو ہزار انیس تک زیادتیوں کا یہی سلسلہ رہا تو وہ انگلینڈ کے بجائے جنوبی افریقہ سے کھیلنا شروع کر دیں گے۔ سینتیس سالہ بلے باز جنوبی افریقہ میں پیدا ہوئے اور 2004ء سے کرکٹ کا آغاز انگلینڈ میں کیا۔

دوحہ(میڈیا پاکستان) قطر اور اس کے ہمسایہ عرب ممالک کے درمیان جاری تنازعے کی جڑیں ماضی میں ضرور ہیں مگر اس کی فوری وجہ عرب میڈیا میں سامنے آنے والا قطری امیر کا وہ بیان بنا جس میں مبینہ طور پر انہوں نے ایران کی کھل کر حمایت کی تھی اور عرب ممالک کو تنقید کا نشانہ بنایا تھا۔ اس بیان کے سامنے آنے کے بعد حالات انتہائی کشیدہ ہوگئے اور سعودی عرب اور اس کے ساتھی ممالک نے قطر کا بائیکاٹ کردیا اور اس پر سخت ترین پابندیاں عائد کردیں۔ قطر کی جانب سے موقف اپنایا گیا تھا کہ میڈیا میں سامنے آنے والا بیان حقیقی نہیں تھا بلکہ قطری نیوز ایجنسی کی ویب سائٹ کو ہیک کر کے اس پر جعلی بیان جاری کیا گیا تھا، لیکن ہمسایہ عرب ممالک نے اس کی بات تسلیم کرنے سے انکار کردیا۔ اب قطری وزیر داخلہ نے ایک تہلکہ خیز انکشاف کرتے ہوئے کہا ہے کہ قطر نے ثبوت حاصل کرلئے ہیں کہ اس کے سرکاری میڈیا کی ہیکنگ کی گئی تھی اور یہ کام متحدہ عرب امارات نے کیا تھا۔

’سعودی عرب سے جانے والے غیرملکیوں نے اب واپس آنا ہے تو پہلے۔۔۔‘ سعودی حکومت نے غیر ملکیوں کے خلاف ایک اور بڑا قدم اٹھالیا، انتہائی تشویشناک اعلان کردیا
گلف ٹائمز کی رپورٹ کے مطابق قطری حکام کا کہنا ہے کہ قطر نیوز ایجنسی پر سائبر حملے کا آغاز19 اپریل سے ہوا جب پروفیشنل ہیکروں نے VPN پروگرام کو استعمال کرتے ہوئے ایجنسی کی ویب سائٹ میں موجود کمزوریوں کو تلاش کرنا شروع کیا۔ قطری حکام کا دعویٰ ہے کہ ہیکنگ کا ابتدائی مرحلہ مکمل کرنے کے بعد دوسرے مرحلے میں ایک بڑا حملہ کیا گیا جس کے نتیجے میں بے بنیاد بیانات کو نہ صرف قطری نیوز ایجنسی کی ویب سائٹ پر شائع کی گیا بلکہ دیگر عرب میڈیا میں بھی پھیلایا گیا۔