All posts by EMRA

لاہور(میڈیا پاکستان آن لائن) وزیراعلی پنجاب شہباز شریف نے پی ٹی آئی اور پیپلز پارٹی پر شدید تنقید کرتے ہوئے کہا ہے کہ دھرنا دینے والے اور کرپشن کرنے والے سابق حکمران ایک ہی سکے کے دو رخ ہیں۔
تفصیلات کے مطابق پنجاب کے وزیر اعلی شہباز شریف نے کہا ہے کہ مخالفین کا گٹھ جوڑ عوام کی ترقی اور خوشحالی کےخلاف ایک سازش ہے۔ قومی معیشت کو دھرنوں سے اربوںڈالر کا نقصان پہنچانے والے عوام کے دشمن ہیں۔ انہوں نے کہا کہ وطن عزیز کو عدم استحکام سے دو چار کرنے والے ملک کے و قوم کے خیر خواہ نہیں ہو سکتے۔ جبکہ معاشی ترقی کے لیے سیاسی استحکام بہت ضروری ہے۔شہباز شریف کا مزید کہنا تھا کہ ان عنا صر کو پاکستان کی ترقی و خود مختاری سے زیادہ اپنا ذاتی مفاد عزیز ہے۔

اسلام آباد(میڈیا پاکستان آن لائن) وفاقی وزیر داخلہ چوہدری نثار علی خان نے اپنے حوالے سے کئے جانے والے پروپیگنڈے اور خبروں کے بعد بالآخر اپنی خاموشی توڑنے کا فیصلہ کر لیا ہے، چوہدری نثار اتوار کو اہم پریس کانفرنس کریں گے۔

پاناما کا فیصلہ خلاف آنے پر تمام قانونی و آئینی آپشن استعمال کئے جائیں گے، ن لیگ کے اجلاس میں فیصلہ
ترجمان وزیر داخلہ کے مطابق وزیر داخلہ چوہدری نثار علی خان اتوار شام 5بجے اپنا مئو قف بیان کرنے کے لئے پنجاب ہاﺅس میں اہم پریس کانفرنس کریں گے۔واضح رہے کہ جے آئی ٹی کی جانب سے رپورٹ سپریم کورٹ میں پیش کرنے کے بعد وزیر اعظم پاکستان میاں محمد نواز شریف اور وزیر داخلہ چوہدری نثار علی خان کے درمیان اختلافات کی خبریں گردش کر رہی تھیں جبکہ وزیر داخلہ نے وزیر اعظم کی زیر صدارت کئی مشاورتی اجلاسوں میں بھی شرکت نہیں کی آج بھی سپریم کورٹ کے متوقع فیصلے پر مسلم لیگ(ن) کی اعلیٰ قیادت کا اجلاس پنجاب ہاﺅس میں ہوا، چوہدری نثار علی خان پنجاب ہاﺅس میں موجود ہونے کے باوجود اجلاس میں شریک نہیں ہوئے تھے اور اب ترجمان وزارت داخلہ نے کہا ہے کہ وزیر داخلہ چوہدری نثار علی خان اپنے مئو قف سے میڈیا اور عوام کو آگاہ کرنے کے لئے اتوار کو شام 5بجے پنجاب ہاﺅس میں اہم پریس کانفرنس کریں گے۔
دوسری جانب وزیر اعظم پاکستان میاں محمد نواز شریف نے چوہدری نثار علی خان کو مرد بحران قرار دیتے ہوئے وزیر اعلیٰ پنجاب شہباز شریف کو وزیر داخلہ کو منانے کا ٹاسک دے دیا ہے۔

نئی دہلی (میڈیا پاکستان آن لائن) بالی ووڈ اداکار سیف علی خان بھلے ہی ان دنوں کرینہ کپور اور اپنے بیٹے تیمور علی خان کیساتھ ایک خوشحال زندگی گزار رہے ہیں مگر ان کیساتھ ماضی کی چند ایسی تلخ یادیں بھی جڑی ہیں جن کے بارے میں بہت ہی کم لوگوں کو معلوم ہے۔

کرینہ کپور کیساتھ شادی سے پہلے سیف علی خان کی شادی اداکارہ امریتا سنگھ کے ساتھ ہوئی تھی جنہوں نے اسلام قبول کر لیا تھا۔ شادی کے وقت سیف علی خان امریتا سنگھ سے 7 سال چھوٹے تھے۔ 1993ءمیں امریتا سنگھ نے اپنی شادی شدہ زندگی کو وقت دینے کیلئے فلموں کو خیرباد کہہ دیا۔ ان دونوں کے 2 بچے ہوئے جن میں ایک لڑکی سارہ علی خان اور ایک بیٹا ابراہیم علی خان ہیں اور پھر 13 سال بعد 2004ءمیں دونوں میں علیحدگی ہو گئی۔
لیکن اب سیف علی خان کا اپنی پہلی شادی کے بارے میں 2005ءمیں د یا گیا انٹرویو انٹرنیٹ پر وائرل ہو گیا ہے جس کے مطابق ان کا کہنا ہے کہ ”بار بار یہ سننا بالکل بھی اچھا نہیں لگتا کہ آپ کتنے بیکار ہیں۔ اور ہر وقت اپنی ماں اور بہن پر طنز کرنا، تمسخر اڑانا، بے عزت کرنا اور گالیاں بھی نہیں سنی جاتیں، میں ان سب سے گزرا ہوں۔“

امریتا سنگھ کیساتھ مالی معاملات سے متعلق گفتگو کرتے ہوئے انہوں نے کہا کہ ”میں امریتا سنگھ 5 کروڑ روپے دینے کی توقع کر رہا ہوں، جن میں سے اڑھائی کروڑ روپے پہلے ہی ادا کر چکا ہوں۔ اس کے علاوہ میں ہر مہینے ایک لاکھ روپے بھی ادا کر رہا ہوں، جو اپنے بیٹے کے 18 سال کا ہونے تک دیتا رہوں گا۔ میں شاہ رخ خان نہیں ہوں اور میرے پاس اتنے زیادہ پیسے نہیں ہیں، میں نے اس سے وعدہ کیا ہے کہ میں تمام رقم ادا کروں گا، اور میں کروں گا، چاہے مجھے اس کیلئے مرتے دم تک سخت مشقت ہی کیوں نہ کرنی پڑے۔“

لاہور(میڈیا پاکستان)تھانہ مناواں پولیس کی کارروائی،تین رکنی منشیات فروش گینگ 2کلومنشیات سمیت رنگے ہاتھوں گرفتار،مقدمہ درج کر لیا گیا،تھانہ مناواں پولیس کو اطلاع ملی کہ علاقہ تلواڑہ گاؤں میں اشتیاق احمد،جاوید اور سہیل احمد سرعام منشیات فروخت کرنے میں مصروف ہیں ،ایس ایچ او تھانہ مناواں نے پولیس پارٹی کے ہمراہ ریڈ کرکے تینوں ملزمان سے 2کلو چرس برآمد کرکے 9Bکی دفعہ کے تحت مقدمہ نمبر 519/17درج کرکے ملزمان کو حوالات میں بند کر دیا ۔

اسلام آباد (میڈیا پاکستان آن لائن ) جے آئی ٹی کی رپورٹ کے حفیہ رکھے گئے والیم 10کو آج سپریم کورٹ میں کھول دیا گیا جس میں موجود تفصیلات بھی سامنے آگئی ہیں۔
جیو نیوز کے مطابق پاناما کیس کی تحقیقات کرنے والی مشترکہ تحقیقاتی ٹیم (جے آئی ٹی) کی رپورٹ کی جلد نمبر 10 میں جے آئی ٹی کے مختلف ممالک کولکھے گئے خط اور سوالات ہیں۔
ذرائع نے بتایا کہ رپورٹ میں سوئٹزرلینڈ اور لیگزمبرگ میں بھی شریف خاندان کی جائیدادسے متعلق خط وکتابت بھی شامل ہے جب کہ جے آئی ٹی نے لیگزمبرگ حکومت سے بھی شریف خاندان کی جائیداد اور اکاو¿نٹس تفصیلات طلب کی ہیں۔
ذرائع کے مطابق جے آئی ٹی نے برطانیہ، سعودی عرب، دبئی اور برٹش ورجن آئی لینڈز سے معلومات طلب کیں جب کہ دبئی اور برٹش ورجن آئی لینڈز نے جے آئی ٹی کی خط و کتابت کا جواب دیا۔جے آئی ٹی نے ان ممالک کے جوابات آنے تک جلدنمبر 10منظر عام پرنہ لانے کی درخواست کی تھی۔

اسلام آباد(میڈیا پاکستان آن لائن)پیپلزپارٹی کے چیئرمین بلاول بھٹو زرداری کے زیر صدارت پارٹی رہنماﺅں کا مشاورتی اجلاس ہوا جس میں پاناما کیس کے حوالے سے بریفنگ دی گئی۔ چیئرمین پیپلز پارٹی نے وزیراعظم کو مشورہ دیتے ہوئے کہا پاناما کیس میں حقائق سامنے آ گئے ہیں شریف خاندان اداروں سے تصادم کا راستہ اختیار نہ کرے۔

اسلام آباد (میڈیا پاکستان آن لائن)وزیراعظم نواز شریف کے زیر صدارت مسلم لیگ ن کا اہم مشاورتی اجلاس شروع ہو گیا۔اجلاس میں وزیراعلیٰ شہباز شریف ، وفاقی وزراءاور مشیروں کے علاوہ قانونی ماہرین بھی شامل ہیں۔تفصیلات کے مطابق پاناما کیس کی سماعت مکمل ہونے کے بعدوزیر اعظم ہاﺅس میں مسلم لیگ ن کا اہم اجلاس شروع ہو گیا جس میں وزیراعلیٰ شہبازشریف، شاہد خاقان عباسی، احسن اقبال اور خواجہ آصف کے علاوہ قانونی ماہرین بھی شریک ہوئے اجلاس میں آئندہ کی حکمت عملی وضع کی جا رہی ہے ۔

ایتھنز(میڈیا پاکستان آن لائن) یونان میں زلزلے کے شدید جھٹکے محسوس کئے گئے جسکے نتیجے میں دو افراد ہلاک اور متعدد زخمی ہوگئے ملکی خبر رساں ادارے کے مطابق سیاحتی جزیرہ کوس کے مئیر نے زلزلے کے باعث دو افراد کی ہلاکت کی تصدیق کی ہے جبکہ ان کا کہنا ہے کہ متعدد افراد زخمی بھی ہوئے ہیں حکام کے مطابق ریکٹر سکیل پر زلزلے کی شدت 6.7درجے ریکارڈ کی گئی ہے زلزلے کا مرکز ساحلی شہر میریماس تھا زلزلے کے نتیجے میں بڑی تعداد میں عمارات کو بھی نقصان پہنچا ہے .

(میڈیا پاکستان):اسٹیبلشمنٹ ڈویژن کی جانب سے نئے آئی جی پنجاب تعیناتی کا نوٹیفکیشن جاری کردیا گیا۔نوٹیفیکیشن کے مطابق کیپٹن (ر)عثمان خٹک انسپکٹر جنرل پنجاب تعینات کردیے گئے۔

کیپٹن ریٹائرڈ عثمان خٹک پولیس سروس کے12ویں کامن سے تعلق رکھتے ہیں۔ نئے تعینات ہونے والے آئی جی پنجاب عثمان خٹک 1957 میں اٹک میں پیدا ہوئے۔ انہوں نے 1983 میں اے ایس پی کے عہدے کے طور پرپولیس میں ملازمت شروع کی۔

عثمان خٹک ڈیرہ غازی خان میں ایس پی رہنے کے بعد ٹوبہ ٹیک سنگھ اور نارووال میں بھی بطور ایس پی اپنی خدمات انجام دے چکے ہیں۔ کیپٹن ریٹائرڈ عثمان خٹک کچھ عرصہ ڈی آئی جی ٹریفک لاہور بھی تعینات رہے۔ انسپکٹر جنرل پنجاب کیپٹن ریٹائرڈ عثمان خٹک یکم نومبر 2017 کو ریٹائر ہورہے ہیں۔

(میڈیا پاکستان):سیکرٹری ایکسائز کی زیرصدارت ڈائریکٹرزکانفرنس، ناقص کارکردگی اورریکوی کا ہدف پورا نہ کرنے پرتین ڈائریکٹرز کی سرزنش، پندرہ ای ٹی اوزکو شوکاز نوٹس جاری کردیا گیا۔

سیکرٹری ایکسائز کی زیرصدارت ٹرانسپورٹ ہاؤس میں ڈائریکٹرز کانفرنس کا انعقاد کیا گیا جس میں ڈی جی ایکسائز اکرم اشرف گوندل ،ایڈیشنل ڈی جی مسعودالحق سمیت پنجاب بھرکےڈائریکٹر نے شرکت کی- سیکرٹری ایکسائز ڈاکٹراحمد بلال نے ڈائریکٹر زکانفرنس میں گزشتہ سال کی کارکردگی کا جائزہ لیا گیا اور نئے مالی سال کے اہداف بھی مقرر کیے ۔

سیکرٹری ایکسائزکی جانب سے ناقص کارکردگی پرڈائریکٹر فیصل آباد رانا انتخاب ، ڈائریکٹر ساہیوال احمد سعید ڈائریکٹر ملتان کی سرزنش کی گئی جبکہ 15ای ٹی اوزکوناقص کارکردگی پرشوکازنوٹس جاری کیے گئے ۔ریکوری میں پہلے10نمبرز پرآنےوالوں کونقدی انعام دیئے جائیں گے اور تعریفی اسناد بھی جاری کی جائیں گی۔