All posts by Emra TV

پاکستان کے سب سے بڑے رئیل اسٹیٹ پورٹل زمین ڈاٹ کام کے تعمیراتی ادارے زمین ڈویلپمنٹس کا بحریہ گارڈن سٹی اسلام آباد میں کثیر المنزلہ منصوبے کی تعمیر کے لئے ٹوٹل کئیر ڈویلپرز اور فور والز ڈویلپرز کے ساتھ معاہدہ طے پا گیا ہے۔ معاہدے پر دستخط کرنے کی تقریب زمین ڈاٹ کام کے ہیڈ آفس لاہور میں منعقد ہوئی، جس میں زمین ڈاٹ کام، زمین ڈویلپمنٹس کے سی ای اوذیشان علی خان، سی ای او ٹوٹل کئیر ڈویلپرز چوہدری محمد سجاد قیصراور سی ای او فور والز ڈویلپرز عامر عزیز نے دستخط کئے۔
اس موقع پر گفتگو کرتے ہوئے زمین ڈاٹ کام کے سی ای او ذیشان علی خان نے کہا کہ وفاقی دارالحکومت کی تیزی سے بڑھتی ہوئی آبادی کیلئے رہائشی و کمرشل انتظامات کرنا وقت کی اہم ترین ضرورت ہے۔ جڑواں شہروں میں رہائشی و کمرشل سہولیات کے حامل کثیر المقاصد منصوبوں کی مانگ میں دن بدن اضافہ ہو رہا ہے، جسے پورا کرنے کے لئے ہم ایک اور شاندار پراجیکٹ سامنے لائے ہیں۔ راولپنڈی ،اسلام آباد میں ایسی تعمیرات سے نا صرف یہاں پر رہائش کی مانگ کے بابت دباؤ میں کمی آئےگی بلکہ پراپرٹی کی قدر میں بھی اضافہ ہوگا۔
زمین ڈویلپمنٹس کے ڈائریکٹر فہد عارف خواجہ کا کہنا تھا کہ اہلیان پاکستان کو دارالحکومت اسلام آباد کی سب سے پُرکشش لوکیشن پر شاندار، پُر تعیش اور مناسب قیمت پررہائشی و کمرشل منصوبہ فراہم کرنے کے لئے کوشاں ہیں۔ بحریہ گارڈن سٹی کی شاندار لوکیشن پر سنے گولڈ سینما کے ساتھ گالف کورس کے سامنے تعمیر ہونے والا یہ منصوبہ اپنی مثال آپ ہو گا۔

پروڈیوسر و اداکار یاسر نواز نے شوبز انڈسٹری سے علیحدگی کا اعلان کر دیا۔

رپورٹ کے مطابق یاسر نواز کا سوشل میڈیا پر کہنا تھا کہ وہ ڈراموں کی ہدایتکاری اور پروڈکشن کا کام چھوڑ رہے ہیں، انہوں نے تم کون پیا، چپ رہو، سات پردوں میں، تھوڑی سی وفا سمیت کئی مقبول عام سیریلز ڈائریکٹ کئے ہیں۔اس کے ساتھ ساتھ بڑی سکرین کی بہت سی پروڈکشنز جنہوں نے کھڑکی توڑ بزنس کیا جیسے مہرالنسا وی لب یو، رانگ نمبر 2 بھی یاسر نواز کے نام ہیں۔ یاسر نواز سنہ 2002 میں اداکارہ ندا یاسر کے ساتھ شادی کے بندھن میں بندھے، شوبز کے اس معروف جوڑے کے 3 بچے ہیں۔

پاکستان اور ویسٹ انڈیز کے درمیان سیریز کا دوسرا اور آخری ٹیسٹ میچ آج سے جمیکا میں شروع ہو گا، نائب کپتان محمد رضوان نے جیت کر حساب برابر کرنے کی امیددلا دی، کہتے ہیں کہ فیلڈنگ سمیت تمام خامیاں بھلا کر اِن ایکشن ہوں گے۔

کیربینز کے دیس ٹیسٹ کرکٹ امتحان، پاکستان اور ویسٹ انڈیز کے درمیان سیریز کے دوسرے اور آخری مقابلے کیلئے دونوں ٹیمیں کنگسٹن جمیکا میں رات آٹھ بجے مدمقابل ہوں گی۔ سیریز میں ایک صفر کا خسارہ لئے قومی کھلاڑیوں کی تیاریاں مکمل ہیں، گذشتہ روز بھی جم کر پریکٹس کی۔ نیٹ سیشن میں بیٹنگ، بولنگ اور خاص طور پر فیلڈنگ کی ٹریننگ کی، خوب پسینہ بہایا۔

کھلاڑی تو پرجوش ہیں ہی، ٹیم کے بڑوں نے بھی سر جوڑ لیے۔ فائنل الیون کے لیے جوڑ توڑ، ایک تبدیلی کا امکان ہے۔

ٹیسٹ ٹیم کے نائب کپتان محمدرضوان نے جیت پر نظریں جما لیں، کہا کہ فیلڈنگ سمیت خامیوں پر قابو پا کر کامیابی سمیٹیں گے۔ ٹی 20 کے بعد ٹیسٹ سیریز سمیت ٹور کا اختتام جیت پر ہو، کھلاڑی ہی نہیں کرکٹ دیوانے بھی پرجوش ہیں۔

احمد شاہ مسعود کے بھائی احمد ولی مسعود نے سابق حکومت میں شامل تمام افراد کو غیر متعلقہ قرار دیا، ترک میڈیا سے گفتگو کرتے ہوئے احمد ولی مسعود کا کہنا تھا کہ احمد شاہ مسعود کے بیٹے احمد مسعود نوجوان ہیں، اپنے لوگوں کا خیال رکھ رہے ہیں، انہوں نے طالبان کیخلاف ابھی تک کوئی ایکشن نہیں لیا، کابل میں اچھی حکومت بنے گی تو احمد مسعود بھی تسلیم کریں گے، پرانی تاریخ دہرائی گئی تو طالبان کو مزاحمت کا سامنا کرنا پڑے گا۔چینی میڈیا کو انٹرویو دیتے ہوئے طالبان کے ترجمان سہیل شاہین نے کہا کہ چین افغانستان کی ترقی میں اہم کردار ادا کر سکتا ہے، اگلی حکومت کیسی ہوگی، اس پر مشاورت جاری ہے، طالبان افغانستان کے سیاسی رہنماؤں کو بھی حکومت میں شامل کرنا چاہتے ہیں۔

افغانستان کے یوم آزادی کا جشن کابل سمیت کئی شہروں میں دھوم دھام سے منایا گیا، افغان شہری قومی پرچموں کے ساتھ سڑکوں پر نکل آئے، دارالحکومت میں گاڑیوں کی ریلی بھی نکالی گئی، کئی علاقوں میں خواتین بھی ریلی میں شریک ہوئیں اور نعرے لگاتی رہیں، کنڑ کے شہر اسد آمد میں یوم آزادی کے جشن کے دوران فائرنگ سے متعدد افراد ہلاک ہوگئے۔

ورونا وائرس سے 70 افراد جاں بحق ہوگئے، جس کے بعد اموات کی تعداد 24 ہزار 783 ہوگئی۔ پاکستان میں کورونا کے تصدیق شدہ کیسز کی تعداد 11 لاکھ 16 ہزار 886 ہوگئی۔

نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 3 ہزار 239 نئے کیسز رپورٹ ہوئے، پنجاب میں 3 لاکھ 77 ہزار 208، سندھ میں 4 لاکھ 17 ہزار 439، خیبر پختونخوا میں ایک لاکھ 55 ہزار 153، بلوچستان میں 31 ہزار 755، گلگت بلتستان میں 9 ہزار 526، اسلام آباد میں 95 ہزار 491 جبکہ آزاد کشمیر میں 30 ہزار 314 کیسز رپورٹ ہوئے

پاکستان کی خوبرو اداکارہ حبا بخاری نے سوشل میڈیا پر جعلی اکاؤنٹس بنانے والوں سے درخواست کی ہے کہ وہ اگر ایسا کوئی اکاؤنٹ بنائیں تو اس میں فین پیج ضرور لکھیں۔

پاکستانی ڈراموں سے شہرت حاصل کرنے والی حبا بخاری نے اپنے ایک پیغام میں کہا کہ میں دیکھتی ہوں کہ جعلی اکاؤنٹس پر لوگ کتنی محنت کرتے ہیں۔

انہوں نے کہا کہ ایسے کسی کے نام سے منسوب اکاؤنٹ کو فین پیج کا نام ضرور دینا چاہئے ورنہ ایسے یہ مداحوں کو گمراہ کرنے کے مترادف ہوگا اور جعلی اکاؤنٹ کی حقیقت واضح ہونے پر مداحوں کی دل آزاری ہوگی۔

پاکستان کے سب سے بڑے رئیل اسٹیٹ پورٹل زمین ڈاٹ کام کی جانب سے وطن عزیز کا یوم آزادی روایتی جوش و خروش کے ساتھ منانے کا اہتمام کیا گیا۔ اس حوالے سے مرکزی تقریب لاہور کے علاقے کوپر روڈ پر بننے والے سٹیٹ آف دی آرٹ منصوبے زی ایونیو ،رمادا بائی ویندم میں کیا گیا جس میں زمین ڈاٹ کام کے سینئر ڈائریکٹر لئیق چوہدری، ڈائریکٹرز باسل حفیظ، محمد عثمان، علی ریحان اور حیدر مرتضیٰ ، جبکہ زی ایونیو اور رمادا بائی ویندم کی انتظامیہ نے شرکت کی۔
جشن آزادی کی تقریب سے خطاب کرتے ہوئے زمین ڈاٹ کام کے سینئر ڈائریکٹر لئیق چوہدری نے کہا کہ یہ ارض پاک ہمارے آباؤاجداد کی بے شمار قربانیوں کا ثمر ہے جس کی حفاظت اور تعمیر و ترقی ہر پاکستانی کے بنیادی فرائض میں شامل ہے۔ یوم آزادی ہمیں یہ پیغام دیتا ہے کہ ہر طرح کے تعصبات بھلا کر ہم ایک متحد قوم بنیں اور پاک وطن کے چپے چپے کی تعمیر و ترقی کے لئے اپنا تن، من اور دھن قربان کر دیں۔ زمین ڈاٹ کام کو یہ اعزاز حاصل ہے کہ اس نے اپنی بساط کے مطابق ارض پاک میں معاشی سرگرمیوں کو نہ صرف نئی جہت سے متعارف کرایا بلکہ رئیل اسٹیٹ سیکٹر کی ترقی میں بنیادی کردار ادا کرتے ہوئے مجموعی طور پر ملکی معیشت کو ترقی کی نئی منازل سے بھی روشناس کرایا۔
زی ایونیو اور رمادا بائی ویندم کی انتظامیہ کا کہنا تھا کہ یوم آزادی کی اس تقریب میں شامل تمام افراد سمیت ہر پاکستانی اپنی ارض پاک کو ترقی کی منازل طے کرتے ہوئے دیکھنا چاہتا ہے لیکن اس کے لئے وطن عزیز کے ہر شہری کو اپنا بھرپور کردار ادا کرنا ہو گا۔ انہوں نے کہا کہ آزادی اللہ کی ایک خوبصورت نعمت ہے جس کے حصول کے لئے لازوال قربانیوں کی ایک داستان رقم کی گئی ، ان قربانیوں کی بدولت ہی ہم پاک وطن کی آزاد فضاؤں میں سانس لینے کے قابل ہوئے۔
دوسری جانب زمین ڈاٹ کام کی جانب سے ملک بھر کے تمام ریجنل دفاتر میں بھی یوم آزادی کی مناسبت کے کیک کاٹنے کی تقاریب منعقد کی گئیں، اور وطن عزیز کی ترقی اور خوشحالی کے لئے خصوصی دعائیں مانگی گئیں۔