All posts by Emra TV

آل پاکستان میرج انڈسٹری ایکشن کمیٹی بلوچستان کے صدر زاھد خان کی وفد کے ہمراہ پنجاب کے ضلع جھنگ آمد. چیئرمین آل پاکستان میرج انڈسٹری ایکشن کمیٹی ذوالقرنین حیدر جگر نے والہانہ استقبال کیا. اس موقع پر صحافیوں کی بڑی تعداد بھی موجود تھی. دونوں رہنماؤں نے میڈیا سے غیر رسمی گفتگو کرتے ہوئے کہا کہ پاکستان کی میرج انڈسٹری اسوقت شدید بحران کا شکار ہے حکومت نے دوسری مرتبہ اس انڈسٹری کو بین کر کے اسکی تباہی میں کوئی کسر نہیں چھوڑی مسلسل پابندی اور نظر انداز کیے جانے کی وجہ سے میرج انڈسٹری سے جڑے لاکھوں خاندانوں کی حالت انتہائی مخدوش ہے .
چیرمین کا مزید کہنا تھا کہ حکومت وقت میرج انڈسٹری کو بلیک لسٹ سے نکالے ورنہ لاکھوں لوگ ایک بار پھر سڑکوں پر آنے پر مجبور ہوں گے.
زاھد خان نے کہا حکومت سے اپیل کرتے ہیں کہ میرج انڈسٹری سے جڑے لاکھوں لوگوں کو بیروزگاری سے نکالنے کے لیے فوری طور پر ایس او پیز وضح کیے جاہیں.
آخر پر چیرمین آل پاکستان میرج انڈسٹری ذوالقرنین حیدر جگر کا کہنا تھا کہ پاکستان کے تمام کاروبار تمام طرح کی انڈسٹری رواں دواں ہے اگر تالے پڑے ہیں تو صرف اور صرف شادی ہال اور اس سے جڑے لاکھوں لوگوں کے چولہے پر.

لاہور: پاکستان مسلم لیگ ن کے صدر میاں شہباز شریف سینیٹر کیپٹن ر شاہین خالد بٹ کے گھر آمد.
اس موقع پر سابق ٹریڈ ونگ کے سرپرست اعلیٰ انجم محمود بٹ، سابق اعزازی گیم واڈن پنجاب شاہ رخ بٹ، اور تاجر رہنما خالد بٹ بھی موجود تھے. پاکستان مسلم لیگ ن کے صدر میاں محمد شہباز شریف نے ملکی حالات پر بات چیت کی.
میاں محمد شہباز شریف نے تاجر برادری کے حالات پر تشویش کا اظہار کیا ہے

پروازوں کی بندش کے باعث‌ہزاروں پاکستانی سعودی عرب جانے کے منتظرہیں. سعودی حکومت کا 17 مئی کے بعد فلائٹ آپریشن بحال کرنے کا عندیہ دے دیا. کورونا ویکسین کی 2 ڈوز لگوانے والا شہری ہی سعودی عرب جاسکے گا.پاکستانی حکام نے اوورسیز شہریوں کی ویکسی نیشن کا کوئی نظام وضع نہیں کیا.تاحال صرف 40 سال سے زائد عمر کے افراد کی ویکسی نیشن کا طریقہ کار موجود ہے.ویکسی نیشن نہ ہونے کے باعث اقامے ،ویزے ایکسپائر ہونے کا خدشہ . اوورسیزکا 40 سال سے کم عمر افراد کیلئے بھی جلد ویکسی نیشن شروع کرنے کا مطالبہ.اوورسیز نے اپیل کی ہے کہ سعودی عرب جاکر روزگار کمانا چاہتے ہیں، حکومت ساتھ دے،

مسلم لیگ ن کے صدر شہباز شریف دوحہ کے راستے برطانیہ جانے کے لئے پرواز نہ کر سکے۔ ائیر پورٹ سے بورڈنگ کارڈ جاری ہونے کے بعد ایف آئی حکام نے آف لوڈ کر دیا۔
شہباز شریف نے بتایا کہ لاہور ہائی کورٹ نے انہیں ون ٹائم بیرون ملک جانے کی اجازت دی ہے۔ عطاللہُ تارڈ نے حکام کو عدالتی فیصلہ دکھایا اور پڑھ کر بھی سنایا، مگر مریم اورنگزیب اور عطااللہ تارڈ ایف آئی اے حکام کو قائل نہ کرسکے۔ ایف آئی حکام کے روکے جانے کے بعد شہباز شریف کو آف لوڈ کرنے کا فارم آرڈر بھی جاری کر دیا گیا۔

قطر ائیر لائن کی پرواز کیو آر 621 اپنے مقررہ وقت چار بجکر پچاس منٹ پر لاہور سے دوحہ کے لئے پرواز کرگئی۔ شہباز شریف اور لیگی قیادت آج قانونی ٹیم سے مشاورت کے بعد آئندہ کا لائحہ عمل اختیار کریں گے۔

ترجمان مسلم لیگ نون مریم اورنگزیب نے کہا کہ ایف آئی اے عمران خان کے حکم پر توہین عدالت کر رہی ہے، شہباز شریف کا نام ایک اور لسٹ میں شامل کر دیا، چھوٹی حرکتوں سے شہباز شریف کو فرق نہیں پڑے گا، وکلاء سے مشاورت جاری ہے، عدالت جائیں گے۔

لیگی رہنما عطااللہ تارڑ کا کہنا تھا کہ زلفی بخاری کا نام ڈیڑھ گھنٹے میں ای سی ایل سے نکل سکتا ہے، شہبازشریف کا نام ای سی ایل میں نہیں تھا، نیب نیازی گٹھ جوڑ کا پل شہزاد اکبر ہیں، یہ سلیکٹڈ حکمران کی چھوٹی چھوٹی خوشیاں ہیں۔

طیبہ بٹ
گرمی کے موسم میں سورج پوری آب وتاب کے ساتھ چاروں طرف اپنی چمکیلی کرنیں بکھیرنے لگتا ہے آگ برساتے اس سورج سے آنکھوں کو بچانے کیلئے دھوپ کے چشموں کا بھی استعمال بڑھ جاتا ہے جھلساتی اس دھوپ دھوپ کی شدت سے آنکھیں بند ہونے لگتی ہیں ایسے میں گھر سے باہر جاتے وقت ایک عدد دھوپ کا چشمہ آنکھوں کیلئے کسی گھنے سایہ دار درخت سا محسوس ہوتا ہے جیسے جیسے انکی مانگ میں اضافہ ہوا انکا فیشن بھی آئے دن بدلنے لگا عموما کہا یہ جاتا ہے کہ خواتین کی چھوٹی سے چھوٹی چیز بھی فیشن اور اسٹائل سے خالی نہیں ہوتی مگر آجکل مرد حضرات بھی فیشن اور اسٹائل میں کسی سے کم نہیں سورج کے تیور گرماتے ہی انکے بھی تیور بدلنے لگتے ہیں کہتے ہیں چشمہ اگرلباس کی مناسبت سے لگایا جائے تو شخصیت مزید دلکش نظرآنے لگتی ہے
زرد اورنج تیزگلابی، ترمزی اور سبزرنگ کے سن گلاسز کی بہار اب ہرجانب دکھائی دیتی ہے دکانداروں کے مطابق ان دنوں cat eyes یعنی بلی کی آنکھوں جیسی سن گلاسزخاص طور سے فیشن میں ان ہیں جبکہ طبی ماہرین کا کہنا ہے کہ غیر معیاری چشمہ کے استعمال سے آنکھوں کے مختلف امراض کا سامنا ہوسکتا ہے پلاسٹک کے شیشوں والی عینکیں دھوپ میں جلدی گرم ہق جاتی ہیں اور آنکھوں کو شدید نقصان پہنچاتی ہیں تا ہم آنکھوں کو دھوپ سے بچانے کے لیے ایسے چشموں کا انتخاب کیا جائے جو آنکھوں کو الٹرا وائلٹ شعاعوں سے بچاسکیں
سورج کے تیور دیکھتے ہی سن گلاسز کا استعمال تو بڑھ جاتا ہے مگر غیر معیاری چشموں سے اختیاط بھی ضروری ہے

https://youtu.be/FkDKyGD0dZQ

طیبہ بٹ

لاہور کی بحریہ ٹاون مسجد میں ایک خوبصورت قرآن گیلری موجود ہے جس میں 500 سے 1000 برس قدیم 52 قرآنی نسخے محفوظ کئے گئے ہیں
جوپاکستان،انڈونیشیا،ایران،افغانستان،سعودی عرب اور دیگر ممالک سے اکٹھے کئے گئے ہیں
1165 میں کپڑے پر تیار کیا گیا قرآنی نسخہ بھی قرآن گیلری میں موجود ہے جس پر ہاتھ سے تمام پارے تحریر کئے گئے ہیں اور ہمسائے ملک بھارت سے یہاں لایا گیا ہے.
لائبریری میں مغلیہ دور کے بادشاہ نگزیب عالمگیر کے ہاتھ سے لکھا گیا 300 سال پرانا قرآن پاک بھی محفوظ ہے. جس پر اورنگزیب عالمگیر کی مہریں بھی درج ہیں.
کئی قرآن مجید ایسے بھی ہیں جو آب زر سے لکھے گئے ہیں یعنی پانی اور رنگوں کو ملا کر ہاتھوں سے تحریر کئے گئے ہیں. قرآن گیلری میں شہد قرآن پاک بھی کیمیکلز لگا کر اس انداز سے مخفوظ کر دئیے گئے ہیں کہ دیکھنے والے دھنگ رہ جائیں. بہت سے قرآن پاک رنگین پتھروں کو پیس کر سونے کے پانی کی آمیزش سے تیار کئے گئے ہیں جو آج بھی بہترین انداز میں موجود ہیں.

قرآن گیلری میں 17 قرآن پاک ایسے بھی ہیں جن کا ترجمہ فارسی،ہندی،انگریزی،چائنیز اور دیگر مختلف زبانوں میں کیا گیا ہے صرف یہی نہیں بلکہ لائبریری میں جبل کعبہ،جبل احد کے پتھر،ریاض الجنتہ کا پتھر،غلاف کعبہ اور مسجد اقصی کی مٹی بھی محفوظ کی گئی ہے.
قرآن لائبریری عوام الناس کیلئے ہر وقت کھلی ہے

بشریٰ بٹ

حکومت پنجاب کی جانب سے صوبے کے دیگر شہروں کی طرح لاہور میں بھی سستے رمضان بازار قائم کیے گئے جہاں پر اشیاء خوردونوش بڑی سبسڈی پر فراہم کی جا رہی ہیں. عام مارکیٹ میں 110 روپے کلو فروخت ہونے والی چینی یہاں 65 روپے کے حساب سے فروخت کی جا رہی ہے. مگر ان سستے رمضان بازاروں میں بچے جوانوں اور بزرگوں کی چینی کے حصول کے لئے لگی لمبی قطاریں انسانیت کی تذلیل سے کم نہیں.تقریباً تمام مراکز پر کرائے پر کرسیاں منگوا کر تو رکھ دی گئی ہیں مگر نہ تو کوئی اس پر بیٹھا نظر آتا ہے اور نہ ہی بٹھانے والا.گھروں میں آنے والے پانی کی طرح چینی بھی دن میں دو بار دی جاتی ہے مگر قطاریں سارا دن میں لگی رہتی ہیں.

اس حوالے سے جب ہم نے رمضان بازار میں موجود ایک خاتون سے بات کی تو ان کا کہنا تھا کہ ان کو یہاں پر کافی گھنٹوں لائن میں کھڑے رہنے کے بعد چینی ملی ہے تو وہ بھی صرف ایک پیکٹ

یہاں پر موجود ایک بزرگ شہری کا کہنا تھا کہ حکومت کو غریبوں کے لئے سوچنا چاہیے اور چینی کی مقدار کو بڑھانا چاہیے تاکہ چینی کی لمبی قطاروں سے بچا جا سکے.

یہاں ہماری بات ایک ایسے شخص سے ہوئی جن کا کہنا تھا کہ وہ مطمئن ہیں کہ چلو ایک پیکٹ ہی سہی چینی مل تو رہی ہے.

چینی کی طرح آٹا بھی مارکیٹ ریٹ کی نسبت رمضان بازار میں رعایتی قیمت پر دستیاب ہے لیکن اس کی بھی فراہمی کا طریقہ چینی کی طرح قابل تعریف نہیں.
ضرورت اس امر کی ہے کہ حکومت رمضان بازار میں انتظامات کو بہتر بنائے اور چینی مصنوعی قلت کو ختم کرے.

https://youtu.be/tt4HQYNEnCU

نمائندہ ایمرا نیوز بشری بٹ

لاہور کے علاقے یوحنا آباد میں مسیحی برادری کی طرف سے مسلمانوں کےلیے تیس دن افطار کا انتظام کیا جاتا ہے یہ مذہبی ہم آہنگی کی عمدہ مثال ہے۔
یوحنا آباد کے رہائشی راجہ والٹر کا کہنا ہے کہ انہوں نے کرونا وائرس کے باعث ہونے والے لاک ڈاؤن میں اس کام کا آغاز کیا. جب پوری دنیا معاشی حالات کی وجہ سے پریشان تھی اس وقت میں ان متاثرہ لوگوں کے لیے ایک وقت کا کھانا لے کر نکلے تھے. کافی لوگوں نے ان کا ساتھ دیا اورکافی اچھا انتظام بھی تھا مگر اس کورونا کی تیسری لہر میں ان کا اپنا فوڈ پوائنٹ بھی بند ہے۔
ان کا کہنا ہے کہ اب تین سے چار دوستوں کی مدد سے مذہبی ہم آہنگی کو مضبوط کرنے کے لئے افطاری کا سلسلہ شروع کیا ہےاور جب تک خدا نے ہمت دی یہ سلسلہ جاری رہے گا.
ان کا روز کا خرچہ دس 10 سے 15 ہزار ہے ابھی بھی کم پیسوں میں وہ ایک اچھا پیکج دینے کی کوشش کر رہے ہیں آج کے ان کے افطار پیکج میں دو روٹیاں،دال، کھجور اور ڈبل روٹی شامل ہے۔ اس میں وہ کوشش کرتے ہیں کہ پھل اور بیکری کی اشیاء بھی شامل ہو۔ اس پیکج کو وہ تبدیل بھی کرتے رہتے ہیں۔ انہوں نے کافی جگہ پر فنڈز کے لیے اپیل کی لیکن انہیں کوئی مثبت ردعمل نہیں ملا۔
راجہ والٹر نے کہا اگر میرے ساتھ زیادہ لوگ نہیں بھی ہیں تو میں جتنا بھی کر رہا ہوں اس سے مطمئن ہوں۔ میرے پاس دس ورکرز ہیں ان میں سے دو تین دکانداراور باقی رضاکار ہیں جو اپنے شوق سے بلامعاوضہ کام کرتے ہیں۔
ان کا مزید کہنا ہے کہ یہ سب سے پہلے آ کر جگہ صاف کرتے ہیں اور پھر پیکنگ وغیرہ کرتے ہیں۔ میں یہاں ان لوگوں کے لئے آیا ہوں جو دن بھر محنت کرنے کے بعد بھی بھوکے سوتے ہیں میں ان کے لیے کھانا لے کر آیا ہوں۔ میں خوش ہوں کہ یہ کام کرنے سے خدا کے آگے مجھے فائدہ ضرور ملے گا۔مجھے لوگوں سے بہت سی محبتیں مل رہی ہے مجھے سارا دن لوگوں کے فون آتے رہتے ہیں بہت ساری دعائیں مل رہی ہیں.
انکا مزید کہنا ہے کہ روزے آتے ہیں تو ہم دل سے نفرتیں ختم کرتے ہیں۔ ہمارا دل بھی صاف ہوتا ہے اور ہماری نیت بھی صاف ہوتی ہے۔ لیکن ماہ رمضان میں ہی نہیں بلکہ ہمیں سارا سال ہی ایک دوسرے کو محبت کی نظر سے دیکھنا چاہیے تاکہ ہم پاکستان کے لیے مل جل کر کام کریں۔

نمائندہ ایمرا نیوز بشری بٹ

شمالی میسیڈونیا میں عجیب الخلقت بچھڑے کی پیدائش ہوئی ہے.یہ نایاب گائے کا بچہ دو سروں کا حامل ہے.اس کی چار آنکھیں دو منہ اور ایک کانوں کا جوڑا ہے.اس کے مالک کا کہنا ہے کہ اس کو صبح معلوم ہوا کہ گاۓ بچے کو جنم دینے والی ہے ہے مگر جب وہ وہاں پہنچی تو انہوں نے دیکھا کہ وہ عام گائے کے بچے سے یکسر مختلف ہے اور اس کے دو سر ہیں.
اس نے فوری جانوروں کے ڈاکٹر کو کال کی اوکے میں بتایا کہ دو سروں کا یہ عمل گائے کا بچہ پولی سفیلی کا شکار ہے ایسے لوگوں میں اس بیماری کے شکار جانور دو سر کے حامل ہوتے ہیں.

پولی سفیلی نامی بیماری میں جانوروں کے دونوں سروں میں موجود دماغ الگ الگ اعضاء کو کنٹرول کرتے ہیں تاہم دونوں میں آپس میں رابطہ ہوتا ہے یہ بیماری جرم ہے جانوروں کے بننے کے عمل کے دوران ہی رک جانے سے ہوتی ہے ہے جس کی وجہ سے پیدائش کے بعد بھی جانوروں کے اعضاء ایک دوسرے سے جڑے ہوئے ہوتے ہیں

بچھڑے کا مالک فی الحال اسے دودھ پلانے کے لیے بوتل کا استعمال کرتا ہے.

لاہور میں 22 دن بعد میٹرو اور سپیڈو بس سروس بحال کر دی گئی۔ محکمہ پرائمری اینڈ سکینڈری ہیلتھ نے مراسلہ جاری کر دیا۔ اورنج ٹرین کی بحالی سے متعلق تاحال کوئی فیصلہ نہ ہوسکا۔
کورونا وائرس کی تیسری لہر میں جزوی لاک ڈاؤن کے سبب شہر لاہور میں ماس ٹرانزٹ سسٹم کو 30 مارچ کو بند کیا گیا تھا۔ لاک ڈاؤن میں اورنج ٹرین، میٹرو بس، سپیڈو بس سروس مکمل طور پر بند رہی۔ ماس ٹرانزٹ سسٹم لاک ڈاؤن کے سبب 22 دن تک بند رہی۔ سپیڈو بس کے 17 روٹس کو معطل رکھا گیا۔ سپیڈو بس سروس کی 200 بسیں متعلقہ لاری اڈوں پر کھڑی رہیں۔

شاہدرہ سے گجومتہ چلنے والی میٹرو بس سروس بھی معطل رکھی گئیں۔ لاک ڈاؤن کے دوران میٹرو بس کے سٹیشنز پر ٹکٹنگ کا نظام بند رہا۔ میٹرو بس ٹریک پر چلنے والی 67 بسیں گجومتہ بس ڈپو میں کھڑی رہیں۔ اورنج ٹرین کی سروس کو بھی 22 روز تک کورونا کے بڑھتے کیسز کے مدنظر بند رکھا گیا۔

22 روز میں ماس ٹرانزٹ اتھارٹی کو کرائے کی مد میں 12 کروڑ 5 لاکھ روپے خسارہ ہوا۔ میٹرو بس کی بندش سے اتھارٹی کو 7 کروڑ 92 لاکھ روپے نقصان ہوا جبکہ میٹرو اورنج ٹرین کی بندش سے اتھارٹی کو 4 کروڑ 13 لاکھ 60 ہزار روپے آمدن کی مد میں خسارے ہوا۔