All posts by emra

سیالکوٹ : وزیر دفاع خواجہ آصف نے کہا ہے کہ ملک دیوالیہ ہوچکا ہے، ہم ایک دیوالیہ ملک کے رہنے والے ہیں۔سیالکوٹ میں نجی کالج میں کانووکیشن کی تقریب سے خطاب کرتے ہوئے انہوں نے کہا کہ جمعہ کی ساری رات سیکیورٹی کے لوگ مقابلہ کرتے رہے، ڈیڑھ سال قبل دہشت گردوں کو اپنی سرزمین پر لا کر بسایا گیا۔ ایسے کھیل کھیلے کہ دہشت گردی ہمارا مقدر بن گئی، جس نے آواز اٹھائی اسے جلا وطن کر دیا گیا۔وفاقی وزیر نے کہا کہ میں نے زیادہ وقت اپوزیشن میں گزارا، جو باتیں ٹی وی پروگرامز میں کی جاتی ہیں ان کاحقیقت سے کوئی تعلق نہیں۔ انہوں نے کہا کہ تمام مسائل کا حل ملک میں ہے، آئی ایم ایف کے پاس نہیں، گزشتہ 32 سالوں میں سیاست کو رسوا ہوتے دیکھا۔

اےاین ایف کی ملک بھر میں منشیات کےخلاف کارروائیاں جاری ہیں، اسلام آبادائیرپورٹ سےدوحہ جانیوالے مسافرکے پیٹ سے90 ہیروئن بھرے کیپسولز برآمد کر لیے گئے ، فیصل آباد کا رہائشی ملزم گرفتار کرلیا گیا ۔

ترجمان اےاین ایف کے مطابق باچہ خان ائیرپورٹ سےشارجہ جانیوالےمُلزم کے پیٹ سے9چرس بھرےکیپسولزبرآمد کرلیے گئے ، منشیات سمگلنگ میں بنوں کارہائشی ملزم گرفتار کرلیا گیا ۔

ترجمان کے مطابق اےاین ایف اور ایف سی کی خیبر میں مشترکہ کارروائی میں منشیات برآمد ، پاک افغان بارڈر پر پلاسٹک کےتھیلوں سے18کلو چرس برآمد کر لی گئی ۔

اےاین ایف نے کراچی کے علاقے کورنگی روڈ کے قریب کارروائی کرتے ہوئے  3ملزمان سے150گرام ویڈ برآمد کرلی، ایک اور کارروائی میں پنجگورتربت ہائی وے کے قریب جھاڑیوں میں چھپائی گئی30کلو چرس برآمد کی گئی ۔

ترجمان اے این ایف کے مطابق گرفتار مُلزمان کیخلاف انسدادِ منشیات ایکٹ کےتحت مقدمات درج کرلیے گئے ہیں ۔

اسلام آباد:وفاقی وزیر شازیہ مری نے کہا ہے کہ ایوان ِصدر کو دوبارہ سازشوں کا گڑھ بننے نہیں دیں گے۔اپنے بیان میں پیپلز پارٹی پارلیمنٹیرینز کی ترجمان نے کہا کہ آصف علی زرداری نے پارلیمنٹ کو با اختیار بنایا تھا۔انہوں نے کہا کہ عارف علوی کو عمران خان کی ہدایات پر چلنا ہے اور ان کی ملازمت کرنی ہے تو صدارتی منصب چھوڑ دیں اور جیل بھرو تحریک کا حصہ بن جائیں۔ انہو ں نے کہا علوی الیکشن کمیشن کی آئینی خود مختاری سے چھیڑ چھاڑ نہ کریں۔ ادارے سیاست سے لاتعلقی کا اظہار کر چکے ہیں، انہیں سیاست میں گھسیٹنا بند کیا جائے۔

لاہور:پاکستانی خوبرو اداکارہ اْشنا شاہ اور ان کے منگیتر معروف گالفر حمزہ امین رواں ماہ شادی کے بندھن میں بندھ جائیں گے۔گزشتہ ماہ وائرل ہونے والی ویڈیو میں اشنا شاہ کو ڈیزائنر وردہ سلیم کی جانب سے ذیزائین کردہ عروسی جوڑے کے خاکے کو دیکھ کر جذباتی ہوتے ہوئے دیکھا گیا تھا، جس سے با خوبی اندازہ لگایا جاسکتا ہے کہ اداکارہ اپنے اس خاص دن پر وردہ سلیم کا تیار کردہ عروسی جوڑا زیب تن کریں گی۔تاہم اب اداکارہ نے نجی ٹی وی چینل کے گیم شو میں بطور مہمان شرکت کی۔ دوران شو میزبان نے اداکارہ کو مبارک باد دیتے ہوئے اعلان کیا کہ اْشنا شاہ اور حمزہ امین اگلے دس دنوں میں شادی کرنے والے ہیں اور شادی کی تیاریاں زور و شور سے چل رہی ہیں۔ واضع رہے کہ حمزہ امین پاکستان کے پہلے گالفر ہیں جنہوں نے عالمی ٹورنامنٹ وَن ایشیا گالف ٹور کے لیے 2015ء میں کوالیفائی کیا تھا ، انہیں کئی مرتبہ اشنا شاہ کے ساتھ دیکھا گیا۔

نیو یارک: امریکی گلوکار کائل جیکبز نے مبینہ طور پر انچاس سال کی عمر میں خودکشی کرلی۔غیرملکی میڈیا کے مطابق کائل جیکبز مشہور ٹی وی شخصیت اور گلوکارہ کیلی پکلر کے شوہر تھے۔رپورٹس کے مطابق کائل جیکبز امریکی شہر نیش ول میں اپنے گھر میں مردہ حالت میں پائے گئے جس کے بعد امکان ظاہر کیا جارہا ہے کہ انہوں نے خودکشی کی۔کائل جیکبز کی اہلیہ کیلی پکلر نے پولیس کو بتایا کہ سو کے اٹھنے کے کچھ دیر بعد شوہر کو گھر میں نہ پاکر انہیں ڈھونڈنا شروع کیا۔انہوں نے پولیس کو بیان دیا کہ وہ اور گھر میں کام کرنے والے ایک شخص نے اوپر کی منزل پر کمرے کا دروازہ نہ کھولے جانے پر پولیس کو اطلاع دی۔

ممبئی:تیلگو فلم انڈسٹری کے بڑے دل والے اداکار وجے دیوراکونڈا نے کرسمس کے موقع پر اپنے ایک سو مداحوں سے کیا وعدہ پورا کر دیا۔بھارتی میڈیا کی رپورٹس کے مطابق تیلگو فلموں کے سْپر اسٹار ہر سال کرسمس کے موقع پر اپنے پرستاروں کے لیے سرپرائز کا اعلان کرتے ہیں اور گزشتہ برس انہوں نے اپنے ایک سو پرستاروں کو اپنے خرچے پر چھٹیوں پر بھیجنے کا اعلان کیا تھا۔اس سلسلے میں انہوں نے مائیکروبلاگنگ سائٹ ٹوئٹر پر صارفین سے ان کی من پسند جگہ جاننے کے لئے پول کا آغاز کیا تھا جس میں بیشتر صارفین نے پہاڑی علاقہ جات کا انتخاب کیا تھا۔جگہ کے انتخاب کے بعد مذکورہ جگہ پر ریزوٹ بْک کروانے کے بعد، اس حوالے سے بھی گزشتہ ماہ مداحوں کو بذریعہ ٹوئٹر آگاہ کیا تھا۔تاہم اب انہوں نے اپنا یہ وعدہ پورا کرتے ہوئے رواں ماہ کے آغاز میں چھٹیوں کی تاریخوں کا اعلان کرتے ہوئے ٹوئٹر پر ایک سو خوش نصیب پرستاروں کی ایک فہرست جاری کی تھی۔جنہیں اداکار کی جانب سے مکمل طور پر 5 دنوں کی مفت چھٹیاں گزارنے کے لئے، جس میں سفر، کھانے اور رہائشی اخراجات شامل ہیں، پہاڑی علاقے منالی میں بھیجا جائے گا۔تاہم گزشتہ روز یہ 100 خوش نصیب پرستار چھٹیوں کے لئے منالی روانہ ہوگئے ہیں اور ایک مداح نے ہوائی جہاز سے ویڈیو بناکر ٹوئٹر پر شیئر کر دی ہے۔

ترجمان محکمہ انسداد دہشت گردی ( سی ٹی ڈی) کی جانب سے جاری بیان کے مطابق دہشت گردوں کے خلاف آپریشن گزشتہ رات لاہور، سرگودھا اور ملتان سمیت دیگر اضلاع میں کیا گیا۔

گرینڈ آپریشن کے دوران دہشت گردوں کے ٹھکانوں سے داعش اور ٹی ٹی پی کے آٹھ دہشت گرد گرفتار کیے گئے۔

سیکیورٹی حکام کے مطابق دہشت گردوں کی گرفتاری 36 مشتبہ افراد سے تفتیش کے دوران ہوئی۔

آپریشن کے دوران دہشت گردوں کے قبضے سے خودکش جیکٹس، بارودی مواد، اسلحہ ، گولیاں بھی برآمد کیں۔ بیان کے مطابق دہشت گردوں کے خلاف سات مقدمات درج کرکے تفتیش کا آغاز کردیا گیا ہے۔

ممبئی: بالی ووڈ کے مشہور کپور خاندان کے پہلے سْپر اسٹار راج کپور کا ایک ایکڑ پر محیط بنگلہ ایک سو کروڑ میں فروخت کر دیا گیا۔بھارتی یڈیا رپورٹ کے مطابق اداکار راج کپور کے ممبئی میں واقع ایک ایکٹر پر محیط بنگلے کو نجی ہاؤسنگ سوسائٹی گودریج پراپرٹیز نے خرید ا ہے ۔گودریج پراپرٹیز اس بنگلے کو 500 کروڑ مالیت کے ہاؤسنگ پراجیکٹ میں تبدیل کریں گے۔ گودریج پراپرٹیز کے ایگزیکیٹو چیئرمین پیروجشا گودریج کا کہنا ہے کہ ’اس پورے زمین کا سائز ایک ایکڑ ہے۔ ہم یہاں پر ایک مہنگا ہاؤسنگ پراجیکٹ بنائیں گے۔ اس پراجیکٹ کی مالیت 500 کروڑ تک ہوگی۔‘ودریج پراپرٹیز نے اس بنگلے کو راج کپور کے خاندان سے خریدا ہے۔

ممبئی :بھوجپوری اداکارہ سپنا گل نے کہا ہے کہ بھارتی کرکٹر پرتھوی شاہ نے انہیں سینے اور بازو پر مارا تھا۔ بھارتی میڈیا رپورٹ کے کرکٹر پرتھوی شاہ پر حملے اور لڑائی جھگڑے کے مقدمے میں گرفتار اداکارہ سپنا گل نے عدالت میں پیش ہوکر بیان ریکارڈ کروا دیا۔بھوجپوری اداکارہ نے عدالت میں بیان دیتے ہوئے کہا کہ پرتھوی شاہ نے انہیں مارا جبکہ معافی مانگتے ہوئے یہ بھی کہا ہے کہ پولیس میں شکایت مت کرنا اور پھر معافی مانگ کر وہاں سے چلے گئے۔ انہوں نے کہا کہ ’مجھے پرتھوی شاہ نے بازو اور سینے پر مارا تھا ہم پولیس کی مدد کیلئے وہاں موجود رہے پرتھوی اپنے سات آٹھ دوستوں کے ساتھ تھے جبکہ ہم صرف دو تھے ۔ پرتھوی کے ساتھ سیلفی بنوا نے کے حوالے سے اداکارہ کا کہنا تھا کہ وہ پرتھوی شاہ کو نہیں جانتی نہ انہوں نے کبھی انہیں دیکھا تھا اور انہوں نے سیلفی لینے کا نہیں کہا تھا۔

کراچی:مسلم لیگ (ن) کے سینئر رہنما اور سابق وزیراعظم شاہد خاقان عباسی نے کہا ہے کہ نیب ملک کا سب سے کرپٹ ادارہ ہے اسے ختم کیے بغیر حکومت نہیں چل سکتی۔کراچی میں میڈیا سے گفتگو کرتے ہوئے شاہد خاقان عباسی نے کہا کہ تین جمہوری حکومتیں گزرنے کے باوجود نیب قائم ہے، نیب ملک کا سب سے کرپٹ ادارہ ہے، اس ادارے کو ختم کریں ورنہ پاکستان کی حکومت نہیں چلیگی۔انہوں نے کہا کہ حکومت کے اہلکار اختیارات کے استعمال سے گھبراتے ہیں، آج جو بدحالی ہے اس کی وجہ یہ نیب کا ادارہ ہے، آج لوگ سوال کررہے ہیں کہ ملک کے حالات ایسیکیوں ہیں، جو ظلم نیب نے کیا اس کے حقائق بھی عوام کے سامنے آئیں، نیب صرف سیاسی انتقام کیلیے بنایا گیا تھا، سابق چیئرمین نیب جاوید اقبال کو ان سوالات کا جواب دینا پڑے گا۔شاہد خاقان کا کہنا تھا کہ میں 23 سال سے نیب کو سمجھتا ہوں، ملک کے سیاستدان اور صنعتکار نیب کی عدالتوں میں چکر لگا رہے ہیں، نیب کو ملکی سیاست پرقبضے کے لیے بنایا گیا، جاوید اقبال کا احتساب ہونے تک معاملات ا?گے نہیں چل سکتے۔پارٹی سے ناراضی کے سوال پر لیگی رہنما نے کہا کہ 31 سال پارٹی میں بغیر عہدے کے کام کیا ہے، (ن) لیگ سے کوئی معاملات نہیں، نواز شریف میرے لیڈر ہیں، (ن) لیگ کے بعد سیدھا گھر جائوں گا۔سابق وزیراعظم نے مزید کہا کہ جس اسٹیج پر ملک کے حالات پہنچے ہیں ہم سب اس کے ذمے دار ہیں، جو نئی لیڈر شپ آئے اسے کام کا موقع دینا چاہیے۔