All posts by News Editor

اسلام آباد: جسٹس فائز عیسی کیس میں حکومت نے نظرثانی درخواست دائر کردی۔

تفصیلات کے مطابق حکومت کی جانب سے سپریم کورٹ میں ایک بار پھر جسٹس قاضی فائز عیسی کیس کے فیصلے میں نظر ثانی درخواستیں دائر کردی ہیں، قابل اصلاح نظرثانی درخواست صدر، وزیراعظم، وزیرقانون نے دائر کی، جب کہ معاون خصوصی احتساب شہزاد اکبر کی جانب سے بھی قابل اصلاح نظرثانی درخواست دائر کی گئی ہے۔

درخواست میں استدعا کی گئی ہے کہ عدالت نظرثانی فیصلے میں ایف بی آر رپورٹ کی حد تک دوبارہ نظرثانی کرے، اور سپریم جوڈیشل کونسل کو ایف بی آر رپورٹ پر ازخود کارروائی کرنے دی جائے۔

اس سے قبل بھی حکومت کی جانب سے جسٹس فائز عیسی کیخلاف ایک اور کیس بنانے کی کوشش ناکام ہوگئی تھی، حکومت کی جانب سے جسٹس قاضی فائز عیسی کیس کے فیصلے میں نظر ثانی درخواستیں دائر کی تھیں، تاہم سپریم کورٹ نے جسٹس قاضی فائز عیسی کیخلاف حکومت کی نئی درخواستیں اعتراض لگا کر واپس کر دیں۔ رجسٹرار آفس نے اعتراض لگایا کہ ایک کیس میں دو مرتبہ نظرثانی نہیں ہوسکتی۔

واضح رہے کہ حکومت نے جسٹس قاضی فائز عیسٰی کے خلاف ریفرنس دائر کیا تھا جسے سپریم کورٹ نے کالعدم قرار دے دیا تھا، تاہم ٹیکس معاملات ایف بی آر کو بھیجنے کا حکم دیا تھا۔

اس حکم کے خلاف جسٹس قاضی فائز عیسٰی اور ان کی اہلیہ نے نظر ثانی درخواستیں دائر کیں جو سپریم کورٹ نے منظور کرلیں تھیں جس کے نتیجے میں ان کے خلاف ہونے والی ایف بی آر کی کارروائی، تحقیقات اور رپورٹ کالعدم قرار دے دی گئی۔

وزیر اعظم عمران خان نے کہا ہے کہ ہمیں خطرہ ہے کہ کورونا وائرس کی چوتھی لہر آنے والی ہے لہٰذا کیسز میں اضافے کے پیش نظر میں پاکستان کے عوام سے اپیل کرتا ہوں کہ وہ ماسک پہنیں تاکہ ہم اس وائرس کی چوتھی لہر سے ملک کو بچا سکیں گے۔

ملک میں کورونا کی صوررتحال پر اظہار خیال کرتے ہوئے وزیر اعظم نے کہا کہ سب سے بڑا مسئلہ وائرس کی بھارتی قسم بنی ہوئی ہے، یہ وہ وائرس ہے جو بھارت سے مختلف شکل اختیار کر کے دنیا بھر میں پھیل رہاہے، اس وقت بنگلہ دیش میں بہت برے حالات ہیں، وہاں گئی ہے، ہندوستان میں ہم سب کو معلوم ہے کہ اس نے کتنی تباہی مچائی ہے۔

ان کا کہناتھا کہ یہ وائرس کی یہ طرز اب افغانستان پہنچ گئی ہے،افغانستان کے ہسپتالوں میں آکسیجن کی کمی ہو گئی ہے اورایک موقع پر ہندوستان کو بھی یہی صورتحال درپیش تھی۔

انہوں نے کہا کہ اب یہ وبا انڈونیشیا پہنچ گئی ہے اور وہاں بھی صورتحال خراب ہے اور آکسیجن کی کمی سمیت دیگر مسائل کا سامنا ہے جبکہ روزانہ بڑی تعداد میں لوگ اس وائرس سے مررہے ہیں۔

عمران خان نے کہا کہ اب تک اللہ نے ہم پر خاص کرم کیا ہے، انسان جتنی مرضی کوشش کرے، آخر میں اوپر والا کوشش کرتا ہے کہ آپ کی وہ کوشش کامیاب ہو گی یا نہیں، اللہ نے ہمیں اب تک بہت کامیابی دی ہے۔

انہوں نے کاہ کہ اکانومسٹ کی سروے کے مطابق پاکستان تیسرے نمبر پر وہ ملک ہے جس نے سب سے بہتر طریقے سے اپنے ملک کو بچایا ہے اور اس میں ہماری محنت کے ساتھ ساتھ قوم کا بھی بہت بڑا ہاتھ ہے کہ ہم اتنے برے حالات سے بچ گئے۔

انہوں نے کہا کہ اب یہ وبا انڈونیشیا پہنچ گئی ہے اور وہاں بھی صورتحال خراب ہے اور آکسیجن کی کمی سمیت دیگر مسائل کا سامنا ہے جبکہ روزانہ بڑی تعداد میں لوگ اس وائرس سے مررہے ہیں۔

عمران خان نے کہا کہ اب تک اللہ نے ہم پر خاص کرم کیا ہے، انسان جتنی مرضی کوشش کرے، آخر میں اوپر والا کوشش کرتا ہے کہ آپ کی وہ کوشش کامیاب ہو گی یا نہیں، اللہ نے ہمیں اب تک بہت کامیابی دی ہے۔

انہوں نے کاہ کہ اکانومسٹ کی سروے کے مطابق پاکستان تیسرے نمبر پر وہ ملک ہے جس نے سب سے بہتر طریقے سے اپنے ملک کو بچایا ہے اور اس میں ہماری محنت کے ساتھ ساتھ قوم کا بھی بہت بڑا ہاتھ ہے کہ ہم اتنے برے حالات سے بچ گئے۔

ان کا کہنا تھا کہ ساری مسلم دنیا میں پاکستان واحد ملک ہے جہاں لگاتار دو سال رمضان المبارک میں اس وبا کے باوجود تمام مساجد کھلی رہیں، باقی مسلمان ملکوں میں انہوں نے مساجد بند کردی تھیں، آج اگر ہم یہاں پہنچے ہیں تو ہمارے نیشنل کمانڈ اینڈ آپریشن سینٹر کی بڑی محنت اور مانیٹرنگ تھی اور انہوں نے پہلے سے چیزیں پرکھ کر ہمیں بتایا لیکن ساتھ ساتھ عوام بھی حکومت کے ساتھ کھڑے ہوئے اور اسی وجہ سے آج ہم اپنے اردگرد کی دنیا سے بہتر ہیں۔

وزیر اعظم نے ہمارے کیسز نیچے آتے آتے اب پھر اوپر جانا شروع ہو گئے ہیں اور اوپر اس لیے جا رہے ہیں کیونکہ ہمیں خطرہ ہے کہ وائرس کی بھارتی قسم پاکستان میں بھی آنی شروع ہو گئی ہے۔

ان کا کہنا تھا کہ مجھے معلوم ہے کہ پاکستان سمیت دنیا بھر میں لوگ ایس او پیز پر عمل کر کے تھک چکے ہیں لیکن ہمیں خطرہ ہے کہ وائرس کی چوتھی لہر آنے والی ہے لہٰذا کیسز میں اضافے کے پیش نظر میں پاکستان کے عوام سے اپیل کرتا ہوں کہ ماسک کی احتیاط کر لیں تو ہم اس وائرس کی چوتھی لہر سے ملک کو بچا سکیں گے۔

انہوں نے کہا کہ بند کمروں، شادیوں، ریسٹورنٹ وغیرہ میں وائرس پھیلنے کا خطرہ زیادہ ہے، اگر آپ پارک میں پھر رہے ہیں اور آپ کے درمیان فاصلہ ہے تو پھر آپ ماسک سے بچ سکتے ہیں لیکن بسوں وغیرہ میں ماسک پہن کر احتیاط کریں، یہ ماسک پہننا کوئی مسکل کام نہیں ہے لیکن ہم اس سے ہم اپنے ملک اور معیشت کو بچا سکیں گے جو اب تک ہم کرنے میں کامیاب رہے ہیں۔

عمران خان نے کہا کہ ساری دنیا میں اس وائرس کی وجہ سے غربت پھیل گئی ہے، غریب کچلا گیا ہے، صرف اس لیے کہ جب آپ لاک ڈاؤن لگاتے ہیں تو سب سے بڑا نقصان کمزور اور غریب طبقے کو ہوتا ہے، اس لیے اپنی قوم، اپنے بزرگوں اور معیشت کی خاطر عید کے موقع پر احتیاط کریں اور ماسک پہنیں۔

انہوں نے کہا کہ پچھلے سال کی طرح اس سال بھی قربانی سوچ سمجھ کر شہر سے باہر کرنی ہے تاکہ اس کی وجہ سے بھی نہ پھیلے اور عید پر بھی پوری کوشش ہے کہ ماسک پہنے رکھیں اور احتیاط کریں۔

وزیراعظم نے انتظامیہ کو خراج تحسین پیش کرتے ہوئے کہا کہ ہم نے آپ پر بہت دباؤ ڈالا ہے کہ آپ لوگوں سے احتیاط کرائیں اور ہم آپ کا مزید امتحان لیتے ہوئے چاہتے ہیں کہ عید کے دوران آپ دیکھیں عوام ماسک پہنیں اور اگر ہم نے صحیح معنوں میں کر لیا تو ہم اپنے کو بچا لیں گے۔

انہوں نے کہا کہ اگر وائرس کی چوتھی لہر آ گئی اور کیسز تیزی سے اوپر جانے لگے تو پھر ہمیں لاک ڈاؤن کرنے پڑیں گے، ریسٹورنٹ بند کرنے پڑیں گے، شادی ہال بند کرنے پڑیں گے، لوگوں کے روزگار متاثر ہوں گے۔

معروف عالم دین مفتی تقی عثمانی کے پیچھے آنے والے مشکوک شخص کو گارڈز نے پکڑ لیا۔

ایس ایس پی کورنگی شاہ جہاں کا کہنا ہے مفتی تقی عثمانی پر حملہ نہیں ہوا، دارالعلوم کورنگی میں فجر کی نماز کے بعد نامعلوم شخص نے مفتی صاحب سے ملاقات کی اجازت مانگی، محافظوں نے تلاشی لی تو اس کی جیب سے چاقو برآمد ہوا۔

ایس ایس پی کورنگی کا کہنا ہے کہ زیر حراست شخص نے بتایا کہ وہ گھریلو جھگڑے سے پریشان تھا اور دعا کروانے آیا تھا، گرفتار شخص سے مزید تفتیش بھی کی جا رہی ہے۔

میٹرک کے بعد سائنس گروپ کا نویں کلاس کا پہلا پرچہ بھی امتحانی وقت شروع ہونے سے پہلے ہی آؤٹ ہو گیا۔

کراچی میں ہونے والا سائنس گروپ نویں کلاس کا ریاضی کا پرچہ امتحانی وقت شروع ہونے سے 15 منٹ پہلے ہی آؤٹ ہو گیا۔

نویں کلاس کا ریاضی کا پرچہ ساڑھے 9 بجے شروع ہونا تھا تاہم سوا 9 بجے ریاضی کا پرچہ سوشل میڈیا پر آؤٹ ہو چکا تھا۔

خیال رہے کہ اس سے قبل دسویں کلاس کے پرچے بھی سوشل میڈیا پر آؤٹ ہو گئے تھے جبکہ میٹرک کا پہلا پرچہ کئی امتحانی مراکز میں بہت تاخیر سے پہنچا تھا جس کے باعث بچوں اور ان کے والدین کو شدید پریشانی کا سامنا کرنا پڑا تھا۔

وزیراعظم عمران خان نے اسلام آباد میں لڑکے اور لڑکی پر ہونے والے تشدد کے معاملے کا نوٹس لے لیا۔

ذرائع کے مطابق وزیراعظم عمران خان نے آئی جی اسلام آباد قاضی جمیل الرحمان کو ٹیلی فون کیا اور اسلام آباد میں پیش آنے والے واقعے کی تفصیلات طلب کیں۔

ذرائع کے مطابق وزیراعظم کا آئی جی اسلام آباد کو کہنا تھا کہ معاملے پر رپورٹ وزیراعظم آفس بھجوائی جائے۔

ذرائع کا بتانا ہے عمران خان کا آئی جی اسلام آباد کو کہنا تھا تمام ملوث ملزمان کو کیفر کردار تک پہنچانے کے لیے پولیس اپنی تمام تر توانائیاں صرف کرے، ایسے افراد کسی رعایت کے مستحق نہیں ہیں۔

ملتان میں اعلیٰ تعلیم یافتہ لیکچررز کی زیر نگرانی پہلے ٹرانس جینڈر اسکول میں تعلیم و تربیت کا سلسلہ شروع ہوگیا۔

اسکول کے آغاز کے پہلے روز 18 ٹرانس جینڈرز نے اپنی تعلیم کا آغاز کیا تاہم وقت کے ساتھ ساتھ یہ تعداد بڑھنے کی توقع کی جا رہی ہے۔

اس ٹرانس جینڈر اسکول میں نرسری سے انٹرمیڈیٹ تک تعلیم دی جا رہی ہے، انٹرمیڈیٹ کے بعد ٹرانس جینڈر کو روزگار کے قابل بنانے کے لیے کوکنگ، بیوٹیشن اور ٹیلرنگ کی فنی مہارت بھی دی جائے گی۔

کلاس میں لیکچر دینے والی استاد ٹرانس جینڈر علیشا شیرازی ہیں جنھوں نے ملتان کی بہاؤالدین زکریا یونیورسٹی سے انٹرنیشنل پلاننگ اینڈ مینجمنٹ میں ایم فل کر رکھا ہےاور اب پاکستان کے پہلے ٹرانس جینڈر اسکول میں اپنے جیسے افراد کو تعلیم کے زیور سے آراستہ کر رہی ہیں، اسکول کی دوسری ٹرانس جینڈر لیکچرار سائیکالوجی میں بی ایس آنرز ہیں۔

ٹرانس جینڈر اسکول کا سلیبس نرسری سے پرائمری تک جاپان سے مرتب ہو کر آیا ہے جبکہ مڈل سے انٹرمیڈیٹ تک نصاب تعلیم پاکستانی ہوگا۔

حکومت پنجاب کا دعویٰ ہے کے ٹرانس جینڈرز کو نارمل زندگی گزارنے کے لیے اس سے پہلے اس طرح کے مواقع فراہم نہیں کیے گئے ۔

لیجنڈری اداکار یوسف خان عرف دلیپ کمار انگریزوں سے آزادی سے قبل جیل بھی جاچکے ہیں۔

اس واقعے کا تذکرہ ان کی سوانح عمری ’دلیپ کمار : دی سبسٹنس اینڈ شیڈو‘ میں کیا گیا ہے۔

یہ آزادی سے پہلے کی بات ہے جب دلیپ کمار یوسف خان تھے اور پونے میں ائیر فورس کی کینٹین میں کام کرتے تھے۔

سوانح عمری میں وہ لکھتے ہیں کہ ایک دن میں نہیں جانتا کہ کیا ہوا، میں نے ایک تقریر میں ہندوستانی عوام کی تعریف کرتے ہوئے کہا کہ ہندوستان کے عوام عدم تشدد کے پیروکار اور انتہائی محنتی ہیں، میری باتیں سن کر وہاں موجود دیگر ہندوستانیوں نے تالیاں بجنا شروع کردیں، میں خوشی منا رہا تھا کہ اچانک کچھ برطانوی فوجی ہتھکڑیاں لےکر آئے اور مجھے ہتھکڑی لگادی کیونکہ میرے خیالات انہیں انگریز مخالف لگے تھے۔

دلیپ کمار کے مطابق انہیں پونے کی یرووادا جیل لے جایا گیا جہاں انہیں دیکھ کر جیلر نے کہا کہ ایک اور گاندھی والا، مجھے اس وقت سمجھ نہیں آرہا تھا کہ وہ یہ بات کیوں کہہ رہا ہے لیکن جب میں اس سیل میں پہنچا تو مجھے معلوم ہوا کہ اس سیل میں اور بھی لوگ موجود تھے جو برطانوی حکمرانی کے خلاف تھے جن کو جیلر گاندھی جی کے پیروکار کہتے تھے، اسی لیے سب کا نام گاندھی والا رکھا گیا۔

دلیپ کمار نے اپنی کتاب میں یہ بھی ذکر کیا ہے کہ جیل میں مجھے گندی پلیٹ میں کھانا دیا گیا، مجھے نہیں معلوم کہ مجھے کیا ہوا، میں نے کھانے سے بھی انکار کردیا اور سب کے ساتھ بھوک ہڑتال میں شامل ہوگیا، بھوک لگی ہونے کی وجہ سے میں رات بھر سو نہیں سکتا تھا، رات بھر جاگتے رہا، اگلی صبح مجھے رہا کردیا گیا۔

برصغیر کے عظیم اداکار دلیپ کمار 98 برس کی عمر میں انتقال کرگئے اور انہوں نے سوگواران میں اہلیہ سائرہ بانو کو چھوڑا ہے، اداکار جوڑے کی کوئی اولاد نہیں تھی، اسی حوالے سے اب لوگوں کے ذہن میں سوال یہ ہے کہ اس عظیم اداکار کی میراث کون سنبھالے گا؟

دلیپ کمار نے اپنی سوانح عمری میں اس حوالے سے انکشاف کیا تھا کہ وہ باپ کیوں نہیں بن سکے۔

دلیپ کمار کے مطابق سائرہ بانو سال 1972 میں پہلی بار حاملہ ہوئیں، حمل کے 8ویں ماہ میں سائرہ بانو کو بلڈ پریشر کا مسئلہ ہوگیا تھا، اس دوران جین کو بچانے کی سرجری کرنا ممکن نہیں تھا اس لیے بچہ دم گھٹنے سے فوت ہوگیا۔

کتاب میں دلیپ کمار کا کہنا تھا کہ اس واقعے کے بعد سائرہ کبھی حاملہ نہیں ہوسکتی تھیں۔

2012 میں ہندوستان ٹائمز کو انٹرویو دیتے ہوئے اداکار نے کہا تھا کہ ہمیں بے اولاد ہونے پر کوئی افسوس نہیں ہے، اگر ہمارے اپنے بچے ہوتے تو یہ بہت اچھا ہوتا، ہمیں کوئی افسوس نہیں ہے ہم دونوں خدا کی مرضی کے تحت ہیں۔

دلیپ کمار نے کہا تھا کہ یہ ہمارے لیے کافی ہے کہ ہمارا خاندان ہے، میرا ایک بہت بڑا کنبہ ہے جس میں بہت ساری بھانجی اور بھانجے ہیں اور ان کے بڑھتے ہوئے بچوں کے کنبے وہ زبان بولتے ہیں جس میں وہ آج رہ رہے ہیں، سائرہ کا خاندان چھوٹا سا ہے جس میں ان کا بھائی سلطان اور ان کے بچے اور پوتے شامل ہیں۔

اداکار سے جب سے پوچھا گیا کہ ان کا وارث کون ہوگا تو دلیپ کمار نے کہا تھا، میں نے پہلے ہی بہت سے اداکاروں کو اپنے وقت میں قائم ہونے والی چیزوں کو انجام دینے کے لیے بے چین دیکھا ہے۔

انہوں نے کہا کہ جب ایک نوجوان اداکار میرے پاس آتا ہے اور کہتا ہے جناب ، ہم آپ کے نقش قدم پر چلتے ہیں، تو میں خدا کا شکر ادا کرتا ہوں کہ کوئی اس راہ پر چلنے کے لیے تیار ہے جس میں، میں چلنے کے لئے تیار نہیں تھا۔

برصغیر کے نامور اداکار دلیپ کمار 98 سال کی عمر میں انتقال کر گئے جس کے بعد انہیں ممبئی کے ایک قبرستان میں سپردخاک کر دیا گیا۔

دلیپ کمار ممبئی کے انتہائی مہنگے علاقے باندرا میں اپنی اہلیہ سائرہ بانو کے ساتھ رہتے تھے اور میڈیا رپورٹس کے مطابق دلیپ کمار کے کل اثاثوں کی مالیت 85 ملین ڈالر یعنی تقریباً 13 ارب روپے پاکستانی کے لگ بھگ تھی۔

دلیپ کمار کا سب سے بڑا ذریعہ آمدن اداکاری ہی تھی جب کہ وہ 2002 سے 2006 بھارت کے ایوان بالا یعنی راجیہ سبھا کے رکن بھی رہے۔

رپورٹ میں بتایا گیا ہے کہ 1950 کی دہائی میں عظیم اداکار بھارتی فلم انڈسٹری کی پہلی شخصیت تھے جنہوں نے فلم میں اداکاری کرنے کا معاوضہ ایک لاکھ روپے سے زائد وصول کیا۔

خیال رہے کہ عظیم اداکار یوسف خان عرف ’دلیپ کمار‘ نے اپنے کامیاب فلمی کیریئر کا آغاز 1944 میں ‘جوار بھاٹا’ کے ساتھ کیا تھا تاہم ان کی مشہور فلموں میں آن، دیوداس، آزاد، مغل اعظم، گنگا جمنا، انقلاب، شکتی، کرما، نیا دور، مسافر، مدھومتی، دل دیا درد لیا، مزدور، لیڈر، جوار بھاٹا، جگنو، شہید، ندیا کے پار، میلا، داغ، دیدار، آگ کا دریا، عزت دار، داستان، دنیا، کرانتی، قانون اپنا اپنا، سوداگر جیسی مایہ ناز فلمیں شامل ہیں جو اداکار کی مقبولیت کا سبب بنیں جبکہ انہوں نے 1998 میں اپنی آخری فلم ’قلعہ‘ میں اداکاری کی۔

دبئی: آئی سی سی پلئیرز آف دی منتھ جون کے لئے نامزدگیوں کا اعلان کر دیا گیا ہے۔

تفصیلات کے مطابق آئی سی سی کی جانب سے پلئیرز آف دی منتھ جون کے لئے نامزدگیوں کا اعلان کر دیا گیا ہے اور اس بار کوئی پاکستانی اس فہرست میں جگہ نہیں بناسکا۔

جون کے لیے اعلان کردہ بیسٹ پلیئر کی نامزد کردہ فہرست میں نیوزی لینڈ کے ڈیون کانوے، کائل جیمیسن اور جنوبی افریقا کے ڈی کوک کا نام شامل ہے۔ جب کہ ویمن پلئیر آف دی منتھ کے لئے بھارت کی سنہہ رانا شفالی ورما اور انگلینڈ کی صوفی ایکلسٹون اس فہرست کا حصہ بننے میں کامیاب ہوئی ہیں۔