All posts by News Editor

ایل ڈی اے کورونا کا گڑھ بن گیا۔ ایک ہفتے میں سات سے زائد افسران و ملازمین کورونا کا شکار ، اسسٹنٹ ڈائریکٹر ایل ڈی اے سٹی بلال سعید سمیت دیگر افسران و ملازمین بھی میں کورونا کا شکار ہوگئے۔

تفصیلات کے مطابق ایک ہفتے میں سات سے زائد افسران و ملازمین کورونا کا شکار ہوگئے اسسٹنٹ ڈائریکٹر ایل ڈی اے سٹی بلال سعید کوروناکا شکار ہوگئے بلال سعید نے کورونا علامات ظاہر ہونے پر ٹیسٹ کرایا جو مثبت آیا۔

اس سے قبل ایل ڈی اے کے وائس چیئرمین اور مختلف ڈائریکٹوریٹس کے افسران کرونا کا شکار ہوچکے ہیں ۔ وائس چیئرمین ایل ڈی اے کورونا کا شکار ہوکر ہسپتال منتقل ہوگئے۔ ڈائریکٹر ریونیو ہارون الرشید بھی کورونا کا شکار ہوکر ہسپتال میں زیر علاج ہیں۔ ڈائریکٹر انجینئرنگ اقرار الحسن ، ڈپٹی ڈائریکٹر شبیر حسین بھی کورونا کا شکار ہوچکے ہیں ڈپٹی ڈائریکٹر اکاونٹس رضوان بھی کورونا کا شکار ہوگئے جبکہ ڈپٹی ڈائریکٹر رشید کامریڈ بھی کرونا کا شکار ہوچکے ہیں۔

لاہور: ماس ٹرانزٹ سروسز پر سبسڈی کا دباؤ کم کرنے کیلئے لاہوریوں پر نیا ٹیکس لگانے کی تجویز پر غور کیا جا رہا ہے جس کے تحت نئی گاڑی کی رجسٹریشن پر شہریوں سے الگ سے ماس ٹرانزٹ ٹیکس وصول کیا جائے گا۔

نئی گاڑیوں کی رجسٹریشن پر ماس ٹرانزٹ ٹیکس وصول کرنے کی تجویز حکومت کو پیش کردی گئی، اورنج ٹرین، میٹروبس اور فیڈر بسوں پر حکومت پنجاب سالانہ 18 ارب روپے سے زائد کی سبسڈی دے رہی ہے، اس سے حکومت کو آئے روز پریشانی کا سامنا رہتا ہے، ماس ٹرانزٹ اتھارٹی نے شہریوں سے گیسولین ٹیکس کے بعد اب گاڑیوں پر ماس ٹرانزٹ ٹیکس کی وصولی کی تجویز دی ہے۔

ٹیکس کا اطلاق صرف تین بڑے شہروں پر ہوگا، ان شہروں میں لاہور، ملتان اور راولپنڈی شامل ہیں، ان اضلاع کے شہریوں سے ہر نئی گاڑی کی رجسٹریشن پر دیگر ٹیکسز کے ساتھ ساتھ ماس ٹرانزاٹ ٹیکس وصول کیا جائے گا، اس ٹیکس کی مد میں وصول ہونے والی رقم سے ماس ٹرانزٹ پر دی جانے والی حکومتی سبسڈی کو کم کرنے میں مدد دے گی۔

پاکستان کی متنازع شخصیت اور اداکارہ متھیرا تنقید کرنے والوں پر برس پڑیں۔

حال ہی میں متھیرا نے انسٹاگرام پر ایک اسٹوری شیئر کی جس میں انہوں نے اپنے ناقدین کو کھری کھر ی سنائیں۔

متھیرا نے کہا کہ ’میں موٹی ہوں، میں خوش ہوں، آپ کون ہیں مجھے شرمندہ کرنے والے ، برائے مہربانی اپنی ذات پر توجہ مرکوز رکھیں‘۔

متھیرا نے مزید لکھا کہ ’مجھے ہارمونل اور وزن کے اتار چڑھاؤ کا سامنا ہے ، اگر میں سرجریز کرواؤں گی تو میں تسلیم کروں گی، برائے مہربانی مجھے پلاسٹک کہنا بند کریں‘۔

خیال رہے کہ متھیرا نے گزشتہ دنوں ایک ویب شو میں بتایا تھا کہ ان کے والد زمبابوے کے سیاستدان ہیں اور والدہ کو طلاق کے بعد انہیں راتوں رات پاکستان منتقل ہونا پڑا تھا۔

اداکار شہزاد شیخ نے انکشاف کیا ہے کہ ان کی بہن اور اداکارہ مومل شیخ نے لاک ڈاؤن کے دوران سال بھر کی کمائی ایک ساتھ کرلی۔

شہزاد شیخ اپنی بہن مومل کے ہمراہ نجی ٹی وی شو میں شریک ہوئے اور بتایا کہ مومل شیخ کے انسٹاگرام بزنس کے بارے میں بتایا۔

شہزاد شیخ نے بتایا کہ گزشتہ برس کورونا لاک ڈاؤن کے دوران وہ پورا سال گھر میں بیٹھے رہے لیکن مومل نے اسی دوران اتنے پیسے کمائے جتنے کوئی سال بھر میں نہیں کماسکتا۔

انہوں نے مزید بتایا کہ لاک ڈاؤن کے دوران کبھی مومل انسٹاگرام پر ڈائپر بیچ رہی تھیں تو کبھی دودھ بیچ رہی تھیں، یوں سمجھ لیں کہ یہ لڑکی پورا سال پیسے کمانے میں لگی رہی۔

شہزاد شیخ کا کہنا تھا کہ مومل نے اس دوران اپنے بیٹے کو بھی ساتھ ملالیا تھا اور وہ بھی ان کی بنائی ہوئی ویڈیوز میں شامل ہوا کرتا تھا اور مومل بیٹے کے پیسے اور بھی زیادہ لیا کرتی تھیں۔

خیال رہے کہ مومل شیخ انسٹاگرام آئی ڈی پر لاک ڈاؤن کے دوران بھی مختلف اشتہارات کی ویڈیوز شیئر کرتی رہی ہیں۔

ممبئی: بھارتی ہدایت کار رام گوپال ورما نے اداکار اجے دیو گن کے ساتھ کام نہ کرنے کی وجہ بتادی ہے۔

بھارتی ہدایت کار رام گوپال ورما بالی ووڈ میں جرائم، مافیا اور انڈر ورلڈ گینگز پر فلم بنانے کے حوالے سے شہرت رکھتے ہیں، ان کی مشہور فلموں میں کمپنی، سرکار اور ستیا سمیت دیگر نام شامل ہیں۔ ایک انٹرویو میں ہدایت کار نے فلم ’کمپنی‘ بنانے کے بعد اجے دیوگن کے ساتھ کام نہ کرنے سے متعلق کہا کہ جب فلم کمپنی بنائی تو اس وقت اجے دیوگن بڑا اسٹار نہیں تھا تاہم فلم ’سنگھم‘ کے بعد اجے کا شمار بڑے اداکاروں میں ہوتا ہے۔

رام گوپال نے کہا کہ اب اگر اجے دیوگن کو فلم ’کمپنی‘ جیسے کردار دیے جائیں تو میرا نہیں خیال کہ کچھ خاص فرق پڑے گا یا مداحوں کو فلم پسند آئی گی، اور میں جب بھی کسی خاص جینرے کی فلم بناتا ہوں تو یہ باتیں ذہن میں رکھتا ہوں

پاکستان کے ٹاپ پروفیشنل باکسر محمد وسیم نے انکشاف کیا ہےکہ انہیں 2016 میں ڈبلیو بی سی سلور بیلٹ کے مقابلےمیں پڑوسی ملک کی جانب سے فکسنگ کے لیے لاکھوں پاؤنڈز کی آفر کی گئی تھی۔

ایک بیان میں پاکستانی باکسر محمد وسیم کا کہنا تھا کہ انہوں نے جب 2016 میں ڈبلیو بی سی سلور بیلٹ کا ٹائٹل جیتا تھا تو اس وقت انہیں پڑوسی ملک سے فکسنگ کےلیے لاکھوں پاؤنڈز کی آفر آئی تھی۔

محمد وسیم کا کہنا تھا کہ میں ایک محبت وطن پاکستانی کھلاڑی ہوں، میں نے پڑوسی ملک کی جانب سے فکسنگ کی آفر ٹھکرا دی تھی۔

باکسر کا کہنا ہےکہ رواں سال کے آخر یا وسط میں ورلڈ ٹائٹل کی فائٹ لڑنا ہے اور ایک بار انہیں پھر اپروچ کیا جارہا ہے۔

ان کا کہنا ہے کہ میں ایک سچا پاکستانی ہونے کی حیثیت سے ایسا کرنےکا سوچ بھی نہیں سکتا ، میرا پنچ ان لوگوں کے لیے بھی ہے۔

لاہور: فاسٹ باؤلر حسن علی نے قومی ٹیم کے بائیوسکیور ببل ہوٹل میں رپورٹ کردی۔

پی سی بی ذرائع کے مطابق دائیں ہاتھ کے پیسر ہوٹل میں بائیو سکیور ببل جوائن کرنے کے بعد آئسولیشن میں رہیں گے، حسن علی کا پی سی بی میڈیکل ٹیم کی نگرانی میں کل بدھ کودو مختلف لیب کا عملہ کوویڈ ٹیسٹ سمپل جمع کرئے گا۔ ان دونوں ٹیسٹس کی رپورٹ منفی آنے کی صورت میں حسن علی کی جنوبی افریقہ روانگی یقینی ہوجائے گی۔

دوسری جانب پاکستان کرکٹ ٹیم کل بدھ کو آخری پریکٹس میچ کھیلے گی، جس کے اختتام پر ہوٹل پہنچنے پر چوتھی اورآخری کوویڈ ٹیسٹنگ ہوگی، نیگیٹورپورٹس والے چھبیس مارچ کو خصوصی طیارے کے ذریعے جوہانسبرگ روانہ ہوں گے۔

لاہور: قومی کرکٹ ٹیم کے اوپنر شرجیل خان کا کہنا ہے کہ فٹنس کا کوئی بڑا مسئلہ نہیں لیکن منیجمنٹ کے مقرر کردہ معیار تک پہنچنے کی کوشش کررہا ہوں۔

دورہ جنوبی افریقا اور زمبابوے کےلیے قومی ٹی ٹوئنٹی اسکواڈ میں شامل کرکٹر نے ورچوئل میڈیا کانفرنس میں کہا ہے کہ قومی ٹیم میں کم بیک پر بہت خوش ہوں ،لاہور میں جاری تربیتی کیمپ میں اچھے ماحول میں ٹریننگ کا موقع ملا ہے.

فٹنس پر تنقید کے حوالے سے سوال پر اوپنر نے کہا کہ ڈومیسٹک سیزن کھیلا، مسلسل 7 ماہ سے کرکٹ میں سرگرم اور پرفارم بھی کررہا ہوں، فٹنس کا کوئی بڑا مسئلہ نہیں تاہم منیجمنٹ کے مقرر کردہ معیار تک پہنچنے کی کوشش کررہا ہوں۔ ایک پروفیشنل کرکٹر کے طور فٹنس ضروری مگر اسکلز پر بھی کام کررہا ہوں۔

لاہور: سابق ٹیسٹ کرکٹر اور جادو گر لیگ اسپنر عبدالقادر کو بعد ازمرگ ستارہ امیتاز ایوارڈ سے نواز دیا گیا۔

گورنر ہاؤس لاہور میں منعقدہ تقریب میں عبدالقادر مرحوم کی اہلیہ نے گورنر چوہدری محمد سرور سے ایوارڈ وصول کیا۔ عبدالقادر 63 برس کی عمر میں 6 ستمبر 2019 کو لاہور میں حرکت قلب بند ہونے سے انتقال کرگئے تھے۔ ان کی خدمات کے اعتراف میں گزشتہ برس صدرمملکت عارف علوی کی جانب سے ان کو ستارہ امتیازدینے کا اعلان کیا گیا تھا۔

عبدالقادر نے 67 ٹیسٹ میچوں میں 236 اور 104 ایک روزہ میچوں میں 132 کھلاڑیوں کو آؤٹ کرکے پاکستان کی کامیابیوں میں اہم کردار ادا، آسٹریلوی لیگ اسپنرشین وارن نے ان سے لیگ اسپن آرٹ کے گُر سیکھے ، جنوبی افریقہ کے عمران طاہر نے عبدالقادر کے مشوروں سے اس فن میں مہارت پائی،عبدالقادر نے اپنا فن سب سے چھوٹے بیٹے عثمان قادر کو بھی سکھانے میں دن رات ایک کیا، عثمان قادر ان کی زندگی میں تو پاکستان کی جانب سے نہیں کھیل سکے تاہم ان دنوں وہ قومی اسکواڈ کا لازمی حصہ بن چکے ہیں۔ عثمان قادر اور ان کے بھائی سلمان قادر نے حکومت کی جانب سے والد کی اس عزت افزائی پر شکریہ اداکیاہے۔

اسلام آباد: پاکستان بیورو شماریات (پی بی ایس) نے کہا ہے کہ اشیائے خورو نوش کی اصل قیمتوں اور ضلعی انتظامیہ کے طے شدہ نرخوں کے مابین فرق کے تناظر میں مسلسل تیسرے ہفتے کراچی اور لاڑکانہ سب سے مہنگے شہر قرار پائے ہیں۔

ایک رپورٹ کے مطابق خور و نوش اصل قیمتوں اور ضلعی انتظامیہ کے طے شدہ نرخوں کے مابین فرق کے اعتبار سے کراچی سر فہرست رہا لیکن 94.81 فیصد فرق میں 1.6 پوائنٹس کی کمی دیکھنے میں آئی۔

اسی فرق کے تناظر میں سکھر میں 4.4 پوائنٹس کی کمی آئی اور 49.54 فیصد کے اعتبار سے فرق 45.14 فیصد رہ گیا۔

علاوہ ازیں اصل قیمتوں اور ضلعی انتظامیہ کے طے شدہ نرخوں کے مابین فرق کی شرح حیدرآباد میں دیکھی گئی اور 0.4 پوائنٹس کی کمی نوٹ کی گئی جس کے بعد فرق کا تناسب 27.9 پر آگیا۔

سکھر میں مختلف اشیا کی قیمتوں کے فرق میں 3.81 پوائنٹس کا اضافہ ہوا جو 42.58 سے بڑھ کر 38.77 فیصد ہوگیا جس سے ظاہر ہوتا ہے کہ سندھ میں قیمتیں بہت زیادہ ہیں۔

پنجاب میں اشیا خور و نوش کی قیمت میں فرق بہت کم رہا۔بہاولپور میں گزشتہ ہفتے کے مقابلے میں معمولی اضافے 0.26 پوائنٹس کے ساتھ قیمت کا فرق 9.42 فیصد رہا۔

بہاولپور کے بعد قیمتوں میں سب سے کم فرق لاہور میں رہا جہاں 0.26 پوائنٹس اضافے کے ساتھ 10.61 فیصد ریکارڈ کیا گیا۔

اسی طرح سیالکوٹ میں 0.43 پوائنٹس کی کمی کے ساتھ 10.69 فیصد، راولپنڈی میں 0.68 پوائنٹس کے ساتھ 12.61 فیصد، سرگودھا میں 0.5 پوائنٹس کے ساتھ 13.48 فیصد، فیصل آباد میں 0.75 پوائنٹس کے ساتھ 16.19 فیصد اور اسلام آباد میں 1.01 پوائنٹس کے ساتھ 18.1 فیصد فرق دیکھنے میں آیا۔

قیمتوں میں فرق سپورٹ سسٹم برائے افراط زر (ڈی ایس ایس آئی) پر مبنی ہے جس سے ظاہر ہوتا ہے کہ ضلعی انتظامیہ نرخوں کو نافذ کرنے میں ناکام رہی ہے۔

پی بی ایس نے نیشنل پرائس مانیٹرری کمیٹی (این پی ایم سی)، وفاقی وزارتوں، صوبائی حکومتوں اور ضلعی انتظامیہ کو اشیائے ضروریہ کی قیمتوں کے بارے میں معلومات فراہم کرنے کے لیے ڈی ایس ایس آئی تیار کیا ہے۔

ملک بھر میں ضروری اشیائے خورونوش کی قیمتوں کی نگرانی کے لیے این پی ایم سی کا اجلاس پیر کو ہونا تھا لیکن نامعلوم وجوہات کی بنا پر ملتوی کردیا گیا۔

پشاور میں اشیا کی اصل قیمت اور ضلعی انتظامیہ کے طے شدہ نرخوں میں فرق کے بارے میں بتایا گیا کہ 0.34 پوائنٹس میں کمی کے بعد یہ فرق فیصد کے اعتبار سے 18.75 فیصد رہا۔

کوئٹہ میں یہ فرق 30.59 فیصد رہا جبکہ خصدار میں 39.76 فیصد تھا۔