All posts by Sibte Hussain

(ایمرا نیوز آن لائن) سوئیڈن کے قصبے Tjoloholmمیں سالانہ ٹمبر اسپورٹس ورلڈ چمپئن شپ کاانعقادکیا گیا جس میں دنیا بھر سے ماہر پیشہ ور لکڑہاروں نے شرکت کی۔

اس منفرد مقابلے میں دنیا کے مختلف ممالک سے آئی ٹیموں اور انفرادی طور پر کھلاڑیوں کے درمیان برقی آرے،گرم آرے اور کلہاڑیوں سمیت دیگر اوزاروں سے درخت کے موٹے تنے کاٹنے اور توڑنے کے مقابلے کروائے گئے۔

اس موقع پرامریکاکے کھلاڑی میٹ کوگرنے شاندار کارکردگی کا مظاہرہ کرتے ہوئے دنیا کے بہترین لکڑہارے کا اعزاز اپنے نام کرلیا۔

(ایمرا نیوز آن لائن)
بوسٹن: امریکا کے مصروف شہر بوسٹن میں گھر میں نقب زنی کی عجیب و غریب واردات ہوئی جس میں گھر میں چور داخل ہوئے۔ لیکن وہ کچھ لے کر نہیں گئے اور الٹا گھر کو صاف ستھرا اور منظم کرکے واپس چلے گئے۔ جاتے جاتے انہوں نے کئ مقامات پر کاغذ کے پھول بھی رکھے ہوئے ملے ہیں۔

نیٹ رومن اپنے بیٹے کے ساتھ رہتے ہیں۔ 15 مئی کو وہ جب اپنے بچے کو اسکول سے واپس گھر لے کر آئے تو معلوم ہوا کہ ان کے گھر کا دروازہ کھلا ہوا ہے۔ لیکن گھر کے اندر جاتے ہی انہیں بلیچنگ کے عمل کو بو آئی اور دیکھا کہ بقیہ کمروں کے دروازے بھی بند تھے جو عام حالات میں کھلے رہتے تھے۔

اس کے بعد وہ اوپر کی جانب بیڈروم میں گئے تو دیکھا کہ بچے کے کمرے کی تمام اشیا بہت منظم انداز میں ترتیب سے موجود تھیں جبکہ فرش کو بھی صاف کیا گیا ہے۔ اس کے بعد دیکھا گیا تو کمرے سے کوئی شے غائب نہ تھی اور گھر میں آنے والوں نے کسی قیمتی شے پر ہاتھ صاف نہیں کیا تھا بلکہ صرف گھر ہی صاف کیا تھا۔

یہاں تک کہ فرش کے بچھونے بھی ویکیوم کلینر سے صاف کئے گئے تھے کیونکہ دونوں بیڈروم کی حالت بہت ہی خراب تھی ۔ اس کےعلاوہ ایک اور دلچسپ شے بھی موجود تھی۔ وہاں کاغذ سے بنے دو پھول بھی رکھے گئے تھے۔ بغور جائزے کے بعد بھی گھر سے کوئی شے غائب نہیں ہوئی تھی اور نہ ہی پڑوسیوں نے کسی کو گھر میں نقب لگاتے دیکھا تھا۔

گھر کا الارم سسٹم دن کے وقت بند تھا جبکہ دروازے کے پاس وقت نوٹ کرنے والے نظام بتایا کہ گھر میں گھسنے والے افراد ڈیڑھ گھنٹے تک اندر موجود رہے تھے۔ لیکن گھر سے کوئی سامان غائب نہ تھا اور نہ ہی کسی شے کو نقصان پہنچایا گیا تھا۔ خیال تھا کہ شائد گھر صاف کرنے والے افراد غلطی سے کسی اورگھر کی بجائے اس کے گھر کو صاف کرکے گئے تھے لیکن پورے گھر میں صفائی کے باوجود باورچی خانے کو ہاتھ تک نہیں لگایا گیا۔

(ایمرا نیوزآن لائن)
لاہور: مختلف مصنوعات کے برآمدکنندگان (ایکسپورٹرز) نے زیرو ریٹڈ سہولت کے ختم ہونے سے برآمدات میں اربوں روپے کی کمی کے خدشات ظاہر کیے ہیں۔

برآمدات میں اربوں روپے کی کمی کے خدشات پاکستان ریڈی میڈ گارمنٹس مینوفیکچررز ایکسپورٹرز ایسوسی ایشن (PRGMEA)کے تحت ایک اجلاس میں چمڑے، قالین،سرجیکل آلات، کھیلوں کا سامان اور دیگر اشیا کے ایکسپورٹرز نے ظاہر کیے۔ برآمدکنندگان کا کہنا تھا کہ روپے کی قدر میں کمی کی وجہ سے انھیں پہلے ہی خام مال کی زیادہ قیمتوں کے مسائل کا سامنا ہے۔

سیالکوٹ سے تعلق رکھنے والی برآمدی اشیا کے مینوفیکچررز نے حکومت سے مطالبہ کیا ہے کہ زیرو ریٹڈ نظام کا سلسلہ جاری رکھا جائے ورنہ برآمدات میں 21 سے 24 بلین ڈالرکی کمی کا سامنا کرنا پڑسکتا ہے۔ اجلاس کی صدارت پاکستان ریڈی میڈ گارمنٹس مینوفیکچررز ایکسپورٹرز ایسوسی ایشن کے چیف کوآرڈینیٹراعجاز کھوکھر نے کی۔

(ایمرا نیوز آن لائن)
کراچی: پاکستان کسٹمز نے درآمد و برآمد کنندگان کی سہولت کے لیے مقامی طورپر تیارکردی انتہائی سہل اور تیزرفتار کسٹمز کلیئرنس سسٹم ’’وی بوک‘‘ کو مزید اپ گریڈ کردیاہے۔

کسٹمز کلیئرنس سسٹم ’’وی بوک‘‘ کے ذریعے ہفتے کے7دن اور 24 گھنٹے کسٹمز کلیئرنس ہوسکے گی اور درآمد وبرآمدکنندگان کسٹم ہائوس آئے بغیراپنے گھریادفتر میں بیٹھے اپنی درآمدی وبرآمدی کنسائمنٹس کی کلیئرنس کے لیے گڈز ڈیکلریشن داخل کرسکیں گے۔ وی بوک کلیئرنس سسٹم کی اپ گریڈیشن کے باعث ٹریڈ سیکٹر کووقت کی بچت بھی ہوگی۔

اس سلسلے میں چیرمین ایف بی آرشبر زیدی کی جاری کردہ ہدایات کی روشنی میںمحکمہ کسٹمز کے تمام فیلڈ آپریشن افسران کومستعدی کے ساتھ کلیئرنس کرنے کے احکام جاری کیے گئے ہیں۔

(ایمرا نیوز آن لائن)
اسلام آباد: نیشنل ہائی وے اتھارٹی (این ایچ اے) کے 14منصوبوں کے تعمیراتی کام میں تاخیرڈیزائن میں تبدیلیوں یا دیگر وجوہ کے باعث 2 ارب 76 کروڑ سے زائد لاگت میں اضافہ ہونے کا انکشاف ہوا ہے۔

گزشتہ 5سال کے دوران حسن ابدال حویلیاں ایکسپریس وے کے پیکیج تھری ، لاہور ایسٹرن بائی پاس پیکیج ون اور ٹو ،گوجرہ ٹوبہ ٹیک سنکھ کے پیکج ٹو اے اور بی سمیت 14منصوبوں کی لاگت میں بڑا اضافہ ہوا ، سب سے زیادہ اضافہ شور کورٹ دین پور کے پیکیج تھری اے پر 67 کروڑ 98 لاکھ روپے تک کا ہوا۔

ایکسپریس کو حاصل ایک دستاویز کے مطابق قومی شاہراہوں کی تعمیر و ترقی کے منصوبوں میں گزشتہ 5 سال کے دوران تاخیر، ڈیزائن میں تبدیلیوں یا دیگر وجوہات کے باعث بڑے پیمانے پر قومی خزانے کو نقصان برداشت کرنا پڑا ہے جب کہ گزشتہ5 سال کے دوران نیشنل ہائی وے اتھارٹی کے 14 منصوبوں میں تاخیر کی وجہ سے ان منصوبوں کی لاگت میں 2ارب 76کروڑ روپے سے زائدکا اضافہ ہونے کا انکشاف ہوا ہے۔

(ایمرا نیوز آن لائن)
اسلام آباد: پاکستان اور ازبکستان نے دوطرفہ ریل رابطے اور تجارتی تعلقات کو بڑھانے پر اتفاق کیا ہے۔

پاکستان کے دورے پرآئے ازبک نائب وزیراعظم علیور غنیوف نے پیر کے روز وزیراعظم عمران خان،وزیرخارجہ شاہ محمود قریشی،وفاقی وزیرریلوے شیخ رشید اور وفاقی وزیرمنصوبہ بندی مخدوم خسرو بختیار سے الگ الگ ملاقاتیں کیں۔

وزیراعظم عمران خان نے اپنی ملاقات میں وسطی ایشیا کے ساتھ گہرے روابط استوار کرنے کے اپنے وژن کا ذکر کرتے ہوئے پاکستان اور ازبکستان کے درمیان سیاسی، معاشی، توانائی اور ثقافتی اشتراک کار کی اہمیت کو اجاگر کیا اور کہا کہ دونوں ملکوں کے درمیان قریبی تجارتی، اقتصادی اور توانائی تعلقات بہت اہمیت رکھتے ہیں۔

وزیراعظم نے ازبک صدر سخاوت مرزوف کے ساتھ اپریل 2019ء میں بیجنگ میں بیلٹ اینڈ روڈ فورم کے موقع پر ہونے والی ملاقات کا بھی ذکر کیا جس میں دوطرفہ تعلقات اور روابط پر توجہ مرکوز کی گئی تھی ۔

ازبک نائب وزیراعظم نے ازبک صدر کی طرف سے نیک تمنائیں پہنچائیں اور دونوں ملکوںکو ریلوے کوریڈور کے ذریعے براستہ مزار شریف،کابل اور پشاور ملانے کے منصوبہ پر تفصیلی بریفنگ دی۔

وزیراعظم نے بریفنگ کوسراہتے ہوئے اتفاق کیا کہ ریل رابطوں سے نہ صرف پاکستان، افغانستان اور وسطی ایشیائی ریاستوں کو فائدہ ہو گا بلکہ چین، سنٹرل ایشیا کی ریاستوں اور یورپ کے ساتھ مواصلاتی رابطوں کو بھی فروغ ملے گا۔وزیر ریلوے شیخ رشید احمد اورازبک نائب وزیراعظم کی ملاقات میں پاکستان اورازبکستان کے درمیان ریل تعاون بڑھانے پر اتفاق کیا گیا ۔

شیخ رشید احمد نے کہا کہ پاکستان علاقائی ترقی کے لیے وسط ایشیائی ممالک کو ریل نیٹ ورک کے ذریعے ملانے کا خواہشمند ہے۔اس میں افغانستان اہم شراکت دار ہے۔پاکستان اس ضمن میں کی جانے والی مشترکہ کوششوں کی حمایت کریگا۔انھوں نے کہاکہ پاکستان ریلوے گوادر،کوئٹہ ، تافتان ریل نیٹ ورک قائم کررہا ہے۔اس میں ازبکستان کی شراکت داری کو خوش آمدید کہیں گے۔

ازبکستان کے نائب وزیراعظم نے کہاکہ پشاور، کابل، مزارشریف ریل لائن منصوبہ خطے کیلیے ناگزیر ہے۔ وزیرخارجہ شاہ محمود قریشی اور ازبک نائب وزیراعظم کی ملاقات میں دونوںملکوں نے دوطرفہ تجارت کے حجم کو 300ملین ڈالر تک لے جانے پر اتفاق کیا۔مذاکرات میں دو طرفہ تعلقات،اقتصادی و تجارتی تعاون کے فروغ سمیت اہم علاقائی و عالمی امور پر تبادلہ خیال کیا گیا۔

وفاقی وزیرمنصوبہ بندی مخدوم خسرو بختیار نے ازبک نائب وزیراعظم کے ساتھ ملاقات میں گفتگو کرتے ہوئے کہا کہ علاقائی تجارت اور سرمایہ کاری کو فروغ دینے کے لیے توانائی اور ٹرانسپورٹ کے کوریڈورز قائم کرنا ضروری ہیں۔

ازبک کمپنیاں سی پیک کے تحت خصوصی اقتصادی زونز میں سرمایہ کاری کر سکتی ہیں۔ ازبکستان کے نائب وزیر اعظم نے بتایا کہ ازبکستان نے تاشقند سے مزار شریف تک ریلوے لائن بچھائی ہے جس کو پشاور تک بڑھایا جا سکتا ہے جس سے علاقائی رابطوں اور تجارت کو مزید فروغ ملے گا۔

ازبکستان کے نائب وزیراعظم علیور غنیوف گزشتہ روز سرکاری دورے پرپاکستان پہنچے تونور خان ایئر بیس پروزارت خارجہ کے سینئر حکام نے ان کا استقبال کیا، پاکستان میں ازبکستان کے سفیر فرکت صدیقوف بھی وہاں موجود تھے۔دریں اثنا وزیراعظم عمران خان نے آئندہ ماہ سے قرضہ حسنہ اسکیم شروع کرنے کا اعلان کیا ہے۔

وزیر اعظم ہاؤس سے جاری اعلامیہ کے مطابق ’’احساس پروگرام ‘‘ کے تحت غریب، مستحق خاندانوں کے نوجوانوں اور خواتین کو کاروبار کے لیے 80 ہزار روپے کا ماہانہ قرضہ دیا جائے گا۔قرضہ آئندہ ماہ سے پسماندہ اضلاع میں تقسیم ہو گا، وزیراعظم اثاثہ جات منتقلی اسکیم کا اعلان بھی کرینگے۔

قرضہ نوجوانوں اور خواتین میں تقسیم کیا جائے گا تاکہ وہ اپنے خاندانوں کی کفالت کرسکیں۔ اس حوالے سے فیصلہ وزیراعظم کی زیر صدارت بریفنگ اجلاس میں کیا گیا۔ وزیراعظم کی معاون خصوصی ڈاکٹر ثانیہ نشتر نے ’’احساس پروگرام‘‘ پر پیشرفت کی صورتحال کے بارے میں بریفنگ دی۔

وزیراعظم آفس سے جاری اعلامیہ کے مطابق احساس غربت کے خاتمہ اور پسماندہ طبقوں کی کفالت اور تحفظ کیلیے یہ حکومت کا اہم ترین پروگرام ہے، اس پروگرام کا دائرہ کار چاروں صوبوں اور خصوصی علاقہ جات پر محیط ہو گا اور اس پر عملدرآمد میں 26 وفاقی ادارے شریک ہوں گے۔

وزیراعظم عمران خان نے کہا کہ ہمارا مقصد پاکستان کو ریاست مدینہ کی طرز پر ایک فلاحی ریاست بنانا ہے جہاں غربا اور ضرورت مند افراد کی ضروریات کا پوری طرح احساس کیا جائے۔

(ایمرا نیوز آن لائن)
اسلام آباد: ٹیکس حکام نے برآمد و درآمدکنندگان کی حقیقی آمدن سامنے لانے کے لیے ٹیکس کا موجودہ نظام ختم کرکے نیا نظام لانے کی تجویز پیش کی ہے کہ اگر یہ اقدام کامیاب رہا تو اس سے حکومت کو معیشت کو دستاویزی بنانے میں مدد ملے گی۔

نئے ٹیکس نظام کی تجویز چیئرمین ایف بی آر شبرزیدی کے ذہن کی پیداوار ہے جو آئندہ بجٹ میں ان تمام ایریاز کو شامل کرنا چاہتے ہیں جو اب تک ٹیکس نیٹ سے باہر ہیں۔ تاہم اس تجویز کو منظور کرنے کے لیے وزیراعظم عمران خان کو سیاسی جرأت کا مظاہرہ کرنا ہوگا۔

شبرزیدی کے لیے آئندہ مالی سال میں کم از کم 36 فیصد سالانہ شرح نمو کے ساتھ 5.550 ٹریلین روپے کا ٹیکس ریونیو اکٹھا کرنے کا ہدف ہوگا ، اور اگر یہ ہدف حاصل نہ کیا گیا تو پھر حال ہی میں آئی ایم ایف کے ساتھ طے پانے والا 6 ارب ڈالر کا بیل آئوٹ پیکیج خطرے میں پڑجائے گا۔
ایف بی آر برآمدکنندگان سے 32 بلین روپے حاصل کرتا ہے، برآمدکنندگان 1فیصد کی شرح سے اپنی برآمدات پر ادائیگی کرتے ہیں، ایف بی آر اس شرح کو ختم کرنا چاہتا ہے، اسی لیے یہ تجویز کیا گیا ہے کہ برآمدکنندگان انکم ٹیکس ریٹرن فائل کریں اور اپنی مکمل آمدنی اور اخراجات پیش کریں۔

درآمدکنندگان فائنل ٹیکس کے طور پر اپنی درآمدات کے طور پر 6 فیصد ادائیگی کرتے ہیں، ایف بی آر اس شرح کو بھی ختم کرنے کا متمنی ہے، رواں مالی سال کے دوران ایف بی آر نے درآمدات کی سطح پر 168 بلین روپے جمع کیے۔

ایک اور اہم تجویز یہ دی گئی ہے کہ ڈیلر اور ڈسٹری بیوٹر کاروبار کرنے کے لیے ایف بی آر کے پاس انکم ٹیکس رجسٹریشن کروائیں۔ اس تجویز کے بعد ایک بڑے غیردستاویزی سیکٹر کو دستاویزی بنانا ممکن ہوجائے گا۔

ایف بی آر بینکوں سے بے نامی اکائونٹس کی تفصیلات بھی طلب کررہا ہے جو اس سلسلے میں پس و پیش سے کام لے رہے ہیں۔ مشیر خزانہ ڈاکٹر عبدالحفیظ شیخ کے مطابق پاکستان میں موجود 50 ملین بینک اکائونٹس میں سے صرف 10 فیصد انکم ٹیکس ریٹرن فائل کرتے ہیں۔

(ایمرا نیوز آن لائن)
ناروے: ناروے کی ایک کمپنی نے ایسا انسان نما (ہیومونائیڈ) روبوٹ بنایا ہے جو تجربہ گاہ میں سائنسدانوں اور گھروں میں بزرگوں کا ہاتھ بٹائے گا۔

ناروے کی کمپنی ہیلوڈی روبوٹکس نے EVE r3 نامی روبوٹ تیارکیا ہے جس کا عملی مظاہرہ ایک نمائش میں بھی پیش کیا جاچکا ہے۔ پہیوں پر چلنے والا یہ ازخود متوازن ہونے والا روبوٹ اپنےدو بازوؤں سے کئی طرح کے کام کرسکتا ہے جو ایک وقت میں 8 کلوگرام وزن اٹھاسکتا ہے۔

روبوٹ کی اونچائی 175 سینٹی میٹر اور وزن 76 کلوگرام ہے اور اپنی مکمل رفتار پر یہ 22 کلومیٹر فی گھنٹہ کی رفتار سے آگے بڑھتا ہے۔ اس کی پچھلی جانب تیسرا پہیہ لگا ہے جس کی بدولت یہ آگے اور پیچھے جھک سکتا ہے۔ لیکن یہ انسانی نقل یا احکامات کے مطابق عمل کرتا ہے جسے ٹیلی پریزنس (دورموجود) روبوٹ کہا جاسکتا ہے۔ یہی وجہ ہے کہ اسے کئی طرح کے امور میں استعمال کیا جاسکتا ہے۔

ای وی ای آر تھری روبوٹ جامعات اور تحقیقی اداروں میں سائنسدانوں کی مدد کے لیے بنایا گیا ہے جو موبائل اور دیگر تحقیقی امور میں مدد فراہم کرتا ہے۔ اسے پروگرامنگ میں بھی استعمال کیا جاسکتا ہے اور یہ ایک بصری پلیٹ فارم بھی فراہم کرتا ہے جس کے تحت بعض علاقوں میں جائے بغیر ماہرین وہاں کی خبر لے سکتےہیں۔

اسی طرح بزرگوں کی مدد اور خیال رکھنے والے افراد دور بیٹھ کر بھی روبوٹ کے ذریعے اپنے پیاروں کو دوا اور کھانا وغیرہ دے سکتے ہیں۔ اگرچہ اس کی قیمت ڈیڑھ لاکھ ڈالر ہے اور اس کی فراہمی اگلے سال سے شروع ہوگی۔

(ایمرا نیوز آن لائن)
کراچی: اداکارہ ہانیہ عامر نے بالی ووڈ اداکارہ عالیہ بھٹ کو اپنی کامیابی کی وجہ قرار دے دیا۔

ہانیہ عامر نے اپنے ایک انٹرویو میں عالیہ بھٹ کا شکریہ ادا کرتے ہوئے کہا کہ بہت سارے پراجیکٹ حاصل کرنے کے پیچھے عالیہ بھٹ بنیادی وجہ رہیں کیوں کہ اگر کسی پروڈیوسر کو معصوم دکھنے والی نوجوان ڈمپل لڑکی کی ضرورت ہوتی تو انہیں پتا ہوتا ہے کہ انہیں مجھے کہاں تلاش کرنا ہے۔

ہانیہ عامر نے یہ بھی کہا کہ عالیہ بھٹ جب ایک مشہور برانڈ کے لیے سامنے آئیں تو اسی کمپنی نے مجھے بھی پاکستان میں نمائندگی کے لیے منتخب کیا اسی وجہ سے میں عالیہ بھٹ کی بہت شکر گزار ہوں، اگر میری کبھی اُن کی ملاقات ہوئی تو شاید مجھے ایسا لگے کہ میں جیسے چاند پر پہنچ گئی ہوں۔

ہانیہ عامر نے شوبز میں کام کرنے سے متعلق بتایا کہ شوبز میں میری انٹری درحقیقت ایک اتفاق ہے کیوں کہ میں اپنی تعلیم میں مصروف تھی اور میڈیا یا بزنس میں اعلیٰ تعلیم حاصل کرنا چاہتی تھی لیکن دوران تعلیم مجھے پروڈیوسر کی جانب سے کال موصول ہوئی اور میں سب چھوڑ چھاڑ کر آڈیشن دینے چلے گئی۔

(ایمرا نیوز آن لائن)
کراچی: ڈرامہ اور فلمی انڈسٹری کے معروف اداکار فہد مصطفیٰ نے اپنے اصل نام سے پردہ اُٹھا دیا۔

شائستہ لودھی کو انٹرویو دیتے ہوئے فہد مصطفیٰ کا کہنا تھا کہ میرا اصل نام فہد صلاح الدین ہے تاہم گھر پر سب مجھے سنی تنیو کہتے ہیں لیکن اور بھائی کا نام خالد مصطفیٰ ہے، دونوں بھائیوں کے ناموں میں فرق کی وجہ ہمیں آج بھی سمجھ نہیں آئی کیوں کہ دونوں کے مخلتف نام والد نے اپنی مرضی سے رکھے تھے۔

اداکار نے کہا کہ ایک ڈرامے میں میرا نام فہد مصطفیٰ مشہور ہوگیا تھا اور پھر مصطفیٰ میرے نام سے جڑگیا، سوچا اسے تبدیل نہ کیا جائے اور پھر میں نے اپنا نام فہد مصطفیٰ ہی رکھ لیا تاہم نام کی وجہ سے کئی بار پریشانی کا سامنا بھی کرنا پڑا، ایک بار ایک پروڈکشن ہاؤس میں میرے نام کی وجہ سے جھگڑا ہورہا تھا کہ ہم سنی کو کاسٹ کریں گے اور دوسرا کہہ رہا تھا کہ ہم فہد کو کاسٹ کریں گے لیکن جب میں سامنے آیا تو پتا چلا کہ دونوں ایک ہی بندے ہیں۔
فہد مصطفیٰ نے اپنی شہرت سے متعلق بتایا کہ میں نے کبھی اپنی مقبولیت کے بارے میں نہیں سوچا تھا بس ایک عام لوگوں کی طرح سوچ تھی کہ ماہانہ ایک لاکھ روپے کمالیں گے لیکن یہ کبھی نہیں سوچھا تھا کہ بچے بچے کو میرا پتا ہوگا، اس طرح کی شہرت تو صرف پی ٹی وی کے زمانے میں ہی دیکھنے میں آتی تھی لیکن جب میں نے اداکاری شروع کی تو ایسا کچھ تھا ہی نہیں کہ ایسا کوئی اداکار ہوتا کہ جس کے لیے سڑکیں خالی ہوجائیں یا شاپنگ مال بھر جائیں، بس یہ اتفاقاً ہوگیا۔

معروف اداکار صلاح الدین تنیو کے صاحبزادہ نے یہ بھی کہا کہ میرے ساتھ یہ اتفاق تب ہوا جب میرا کیریئر ختم ہونے کے مترادف تھا بس وہ کون سی گھڑی تھی جب مجھے گیم شو ’’جیتو پاکستان‘‘ کی طرف سے پروگرام کرنے کی پیش کش ہوئی اور وہاں بھی پریشانی ہوئی لیکن جب میں نے بغیر کسی کی بات سنے اور بغیر کسی اسکرپٹ کے شو کیا تو میرے حقیقی عمل کو کافی پسند کیا گیا اور پھر اس دوران مجھے فلموں کی بھی پیش کش ہوئی اور ساتھ ہی اپنا پروڈکشن ہاؤس کھول لیا۔