All posts by Sibte Hussain

لاہور (میڈیا 92 نیوز آن لائن)

چیئرمین پنجاب لینڈ ریکارڈ اتھارٹی کی زیر صدارت پنجاب لینڈ ریکارڈز اتھارٹی بورڈ آف ڈائریکٹرز کا اجلاس منعقد ہوا۔ اجلاس میں ڈی جی پی ایل آر اے۔ ممبر ٹیکسز۔ ڈویژنل کمشنرز۔ سابق کمشنر یسرب ہنجرا۔ ایڈوکیٹ وقار مشتاق طور و دیگر نے شرکت کی۔ ڈائریکٹر جنرل پی ایل آر اے کی جانب سے بورڈ آف ڈائریکٹرز کو بریفنگ دی گئی اور 5 نکاتی ایجنڈہ پیش کیا گیا

بورڈ نے پنجاب لینڈ ریکارڈز اتھارٹی ملازمین کی تنخواہوں میں اضافے کی اصولی منظوری دے دی۔ اجلاس میں پی ایل آر اے سٹاف کے سروس سٹرکچر اور مستقلی کے حوالے سےقوانین اور رولز کی مطابقت مین ایگزیکٹیو کمیٹی کی سفارشات منظور کر لیں گئیں۔ حتمی منظوری کے لیئے کیس حکومت کو بھیجا جائے گا۔

ملتان (ایمرا نیوز/ رپورٹ‌سرفرازاحمدسے)
پاکستان کیمسٹ ایسوسی ملتان ڈویژن کے صدر محمد اختر بٹ نے کہا کہ انسانی زندگی بچانے والی ادویات کی قیمتوں میں کمی کا اعلان کرنے کے بعد قیمتوں میں مزید اضافہ غریب اور متوسط طبقے سے ظلم اور بدعہدی کی بھرمار مزمت کرتے ہیں.

موجودہ دور میں ہاسپٹل میں ادویات کی قلت ٹیسٹوں کی فیس اور پرچی فیس. میں اضافے کی مستقبل میں مثال نہیں ملتی مہنگائی بے روزگاری سے جرائم میں اضافے نے عوام کا جینا حرام کر دیا انسانی زندگی بچانے والی بیشتر ادویات کی شدید قلت کی وجہ سے بلیک مارکیٹنگ ایک مستقل درد سر مریض دھکے کھاتے ہیں اور مایوسی ھو کر بدعاییں دیتے ہیں.

انسانی زندگیوں سے کھیلنا کسی بھی مہزب معاشرے کو زیب نہیں دیتا بار ھا دفعہ متعلقہ زمے داران کو اپیل کرتے ہیں لیکن کوئی شنوائی نہیں ھوتی افسوس سے کہنا پڑتا ھے کے ملٹی نیشنل کمپنیوں نے ناجائز منافع خوری کی وجہ سے یہ وطیرہ بنا لیا ھے جن کے خلاف محکمانہ کاروائی اشد ضروری ہے ھم حکمرانوں سے اپیل کرتے ہیں کہ ادویات کی قیمتوں میں کمی کا اور قلت کا فلفور نوٹس لیں تاکہ عوام سکھ کا سانس لے سکیں

(ایمرا نیوز آن لائن)

زرعی انکم ٹیکس کی ریکوری ، ایف بی آر ٹیکس کی وصولی، اسیٹٹ لینڈ کا تحفظ ، قابضین کے خلاف کاروائی ، ایڈنشنل ڈپٹی کمشنر ریونیو محمد اصغر جوہیہ نے ریونیو سٹاف کو عندیہ دیدیا،

جمندیوں کی بروقت تیاری ، اراضی ریکارڈ سنٹر پر کھیوٹ ایشو کا ازلہ ریونیو سٹاف کی ماہانہ بیناد پر کارگردگی کی مانیٹرینگ کی بھی ھدایت کر دی

اسیٹنٹ کمشنر صابان جوڈیشیلی کیسز نمٹانے ، شجر کاری مہم کو بنانے۔ ریونیو ریکارڈ کی انسپکشن ، اور ساہلین کو بروقت ریلیف دینے کیلے اپنے دفاتر میں ماجودگی کو بھی یقینی بنائیں گے

ایڈنشنل ڈپٹی کمشنر ریونیو محمد اصغر جوہیہ سرکاری جائیداوں پر قبضے کا بھی نوٹس لیے لیا ھربنس پوڑہ میں ھونے میں سرکاری اراضی پر تعمیرات کرنے والوں کے خلاف سخت قانونی کاروائی کی جائے ریونیو سٹاف کو بلاامیتاز کاروائی کرنے کی ھدایت کر دی

لاہور (ایمرا نیوز آن لائن)
اینٹی کرپشن لاہور ریجن اے کی ٹیم کی چھاپہ مار کارروائی

اینٹی کرپشن نے سید والا ھسپتال میں تعینات محکمہ ہیلتھ کے ٹیوب ویل آپریٹر کو رشوت لیتے رنگے ہاتھوں پکڑ لیا. ٹیوب ویل آپریٹر ملک بابر علی کو 8ہزار روپے رشوت لیتے ہوئے رنگے ہاتھوں ہاتھوں گرفتار کیا گیا

ٹیوب ویل آپریٹر ملک بابر علی نے شہری کو ملازمت دلوانے کیلئے رشوت کامطالبہ کیا تھا.

اینٹی کرپشن کی ٹیم نے جوڈیشل مجسٹریٹ عمران علی جعفری کی زیرنگرانی چھاپہ مار کارروائی کی

لاہور(ایمرا نیوز آن لائن)

بااثر قبضہ مافیا کے خلاف اینٹی کرپشن لاہور ریجن اے کا کریک ڈاؤن جاری ہوگیا.

اینٹی کرپشن کی ٹیم نے موضع مناواں میں گرینڈ آپریشن کرکے محکمہ جنگلات کا 8کنال 12مرلہ رقبہ واگزار کروا لیا

ڈی جی اینٹی کرپشن گوہر نفیس کی ہدایت پر ڈائریکٹر لاہورریجن اے ڈاکٹر شاہ زیب حسنین کی سربراہی میں کارروائی کی گئی

اسسٹنٹ ڈائریکٹر اینٹی کرپشن شیخ محمد احمد کی زیرنگرانی 18کروڑ روپے مالیت کا رقبہ واگزار کروایا گیا

امریکا اور برطانیہ سمیت دنیا کے کئی ممالک میں بھارتی اقدامات کے خلاف اور کشمیریوں کے حق میں ریلیاں نکالی گئیں۔

لاہور (ایمرا نیوز آن لائن)
امریکا میں پاکستانی اور کشمیری کمیونٹی نے وائٹ ہاؤس کے سامنے احتجاج کیا اور صدر ڈونلڈ ٹرمپ سے مطالبہ کیا کہ بھارتی وزیراعظم نریندر مودی کو مقبوضہ کشمیر میں لیے گئے حالیہ اقدامات واپس لینے پر مجبور کریں۔ امریکی ریاست کیلی فورنیا میں بھی مسلم کمیونٹی نے کشمیریوں سے اظہار یکجہتی کے لیے ریلی نکالی جس میں خواتین اور بچوں کی بڑی تعداد نے بھی شرکت کی۔

برطانیہ میں بھارتی ہائی کمیشن اور قونصل خانوں کے باہر احتجاجی مظاہرے کیے گئے۔ آسٹریلیا کے شہر میلبرن میں بھی مودی سرکار کے اقدامات کے خلاف احتجاج کیا گیا اور دھرنا دیا گیا جس میں سکھ برادری کے نمائندوں نے بھی شرکت کی۔

جرمنی کے شہر برلن کے تاریخی برانڈنبرگ گیٹ کے سامنے کشمیری برادری نے جرمن، بھارتی اور پاکستانی شہریوں کے ساتھ مل کر ہندو قوم پرست مودی حکومت کے خلاف مظاہرہ کیا۔ بیلجیئم کے دارالحکومت برسلز میں بھی عوام کی بڑی تعداد نے کشمیریوں کے حق میں مظاہرہ کیا۔

کینیڈا اور آئرلینڈ میں بھی کشمیریوں کے اظہار یکجہتی کے لیے ریلیاں نکالی گئیں جس میں عوام کی بڑی تعداد نے شرکت کی۔ بھارت کے دارالحکومت نئی دلی میں بھی بائیں بازو کی جماعتوں اور پروگریسو فرنٹ نے کشمیریوں سے اظہار یکجہتی کے لیے ریلی نکالی اور بی جے پی کی حکومت سے آرٹیکل 370 کے خاتمے کا فیصلہ واپس لینے کا مطالبہ کیا۔

لاہور (ایمرا نیوز آن لائن)
وزیراعظم کی معاون خصوصی برائے اطلاعات فردوس عاشق اعوان کا کہنا ہے کہ عالمی برادری خاموش تماشائی بننے کے بجائے دنیا کے مودیوں کی انتہا پسندی کو روکے۔ ڈاکٹر فردوس عاشق اعوان نے اپنے بیان میں کہا کہ مودی کی فسطائیت اور 9 لاکھ قابض فوج کشمیریوں کا حق دبا نہیں سکتی۔

کشمیریوں کو سلام اور ان کی قربانیوں کو عظیم قرار دیتے ہوئے فردوس عاشق اعوان نے کہا کہ مزید کہا کہ مسلمانوں کو عبادات سے روکنا سیکیولر بھارت کی موت ہے۔ قبوضہ کشمیر میں آر ایس ایس کے نظریات کے عین مطابق نسل کشی ہو رہی ہے: وزیراعظم

وزیراعظم کی معاون خصوصی نے کہا کہ کشمیریوں کا جذبہ اور نصب العین سے وابستگی بھارت کو شکست دے چکی ہے، کشمیریوں کی حمایت دراصل اصول اور جمہوریت کی حمایت ہے۔ ان کا کہنا ہے کہ کشمیریوں کی قربانیاں سنہرے حروف سے لکھی جائیں گی، ہمیں کشمیری ماؤں، بہنوں اور بیٹیوں پر فخر ہے۔

انہوں نے کہا کہ پاکستان کشمیریوں کی آزادی تک ان کے شانہ بشانہ کھڑا ہے اور کشمیر سے ہمارا رشتہ لا الہ الا اللہ کے ابدی پیغام پر مبنی ہے۔

قومی ٹیم کے اوپننگ بلے باز فخرزمان نے تکنیک میں خرابی کا تاثر مسترد کر دیا۔

(ایمرا نیوز آن لائن)
ایک برطانوی ویب سائٹ کو انٹرویو دیتے ہوئے قومی ٹیم کے جارح مزاج بلے باز کا کہنا تھا کہ جب بھی اچھی کارکردگی نہ دکھا پاؤں تو تنقید کے ساتھ اسی طرح کی باتیں ہوتی ہیں کہ تکنیک درست نہیں، سنچری بناتے ہی لوگوں کی رائے تبدیل ہوجاتی ہے مگر مجھے باتوں کی پرواہ نہیں، اپنی طرف سے بہترین کوشش کرتا ہوں۔

فخرزمان نے کہا کہ میرے بارے میں کہا جاتا ہے کہ حریف ٹیمیں میری بیٹنگ کے بارے میں جان چکیں، اس لیے آؤٹ کرنے میں کامیاب ہوجاتی ہیں، مگر کرکٹ کو سمجھنے والے اس طرح کی رائے قائم نہیں کرتے، مثال کے طور انگلینڈ سے پہلے میچ میں 3 رنز تک محدود رہا تو میری تکنیک اور بیٹنگ میں کمزوریاں بھانپ لینے کی باتیں ہوئیں اور اگلے ہی میچ میں 138رنز کی اننگز کھیلنے میں کامیاب ہوگیا تو لوگوں کی رائے بھی یکسر تبدیل ہوگئی۔

ایک سوال پر فخرزمان نے کہا کہ کئی سابق کرکٹرز نے کاؤنٹی کرکٹ میں شرکت کرتے ہوئے اپنا کھیل نکھارا، میرے لیے بھی یہ بہترین موقع ہے، ٹی ٹوئنٹی بلاسٹ ٹورنامنٹ میں بہت کچھ سیکھا، انگلینڈ میں گرمی کی وجہ سے کنڈیشنز ذرا مختلف اور ایشیا جیسی لگ رہی ہیں، ٹیمیں زیادہ ہونے کی وجہ سے مسابقت کی فضا متاثر ہوئی تاہم میں اپنی کارکردگی سے مطمئن ہوں۔

فخر زمان نے کہا کہ مجھے کولن انگرام کی قیادت میں کھیلتے ہوئے سیکھنے کا موقع ملا ہے،ان کی سپورٹ حاصل ہونے کی وجہ سے نیچرل کھیل کا مظاہرہ کرنے میں کامیاب ہوا۔ ایک سوال پر اوپنر نے کہا کہ ایشز سیریز میں دونوں ٹیمیں ہی ہم پلہ نظر آتی ہیں.

لیکن گرم موسم کو دیکھتے ہوئے محسوس ہوتا ہے کہ کنڈیشنز آسٹریلیا کیلیے زیادہ سازگار ہیں۔

مونٹریال: ’’اگر آپ چاہتے ہیں کہ آپ کے بچے تمیز دار اور باادب بنیں تو ان کے ساتھ شفقت سے پیش آئیے، اور محبت سے بات کیجیے۔‘‘ صدیوں پرانی یہ نصیحت ایک بار پھر سے ایک نئے روپ میں ہمارے سامنے آئی ہے۔

(ایمرا نیوز آن لائن)
امریکا اور کینیڈا کے نفسیاتی ماہرین نے ایک مشترکہ تحقیق میں 13 سے 15 سال عمر کے 1,400 سے زائد بچوں کا جائزہ لے کر یہ نتیجہ اخذ کیا ہے کہ جن بچوں کے والدین اور بڑے ان کے ساتھ اکثر توہین آمیز رویہ رکھتے ہیں، انہیں طنز کا نشانہ بناتے ہیں اور ان کی تذلیل کرتے رہتے ہیں، وہ بچے گھر سے باہر کی دنیا میں انتہائی جھگڑالو بن جاتے ہیں اور بدتمیزی، بدکلامی، گالم گلوچ اور مار پیٹ تک ان کے روزمرہ معمولات کا حصہ بن جاتی ہیں۔

اس وجہ سے ایک طرف تو وہ دوسروں کے ساتھ مار پیٹ کرتے ہیں تو خود بھی دوسروں سے مار کھاتے ہیں۔ یہی چیز آگے چل کر ان کی شخصیت میں عدم اعتدال کو جنم دیتی ہے اور بڑے ہونے پر وہ تشدد پسند اور مجرمانہ ذہنیت کے حامل بھی بن سکتے ہیں۔

13 سے 19 سال کی عمر کو ’’نو بلوغت‘‘ بھی کہا جاتا ہے کیونکہ اس دوران ایک بچہ اپنے بچپن کو خیرباد کہہ کر جوانی میں قدم رکھ رہا ہوتا ہے۔ ذہنی و جسمانی نشوونما کے اعتبار سے یہ عمر کسی بچے کےلیے خاص طور پر اہم ترین ہوتی ہے کیونکہ اس عمر میں جو اثرات بھی شخصیت پر مرتب ہوتے ہیں، وہ بالعموم مرتے دم تک کسی نہ کسی صورت برقرار رہتے ہیں۔

یہ مطالعہ فلوریڈا اٹلانٹک یونیورسٹی کے ڈاکٹر بریٹ لارسن اور کونکورڈیا یونیورسٹی مونٹریال کے ڈاکٹر ڈینیئل ڈکسن کی سربراہی میں انجام دیا گیا، جس سے معلوم ہوا کہ بچوں پر سختی کرکے انہیں نظم و ضبط کا پابند بنانے اور سختی کے نام پر بچوں کے ساتھ توہین آمیز سلوک کرنے کے اثرات میں بہت فرق ہے۔

اگر بچوں کو ڈسپلن سکھانے کےلیے ان پر اس طرح سے سختی کی جائے کہ انہیں اپنے بڑوں سے کوئی خوف نہ ہو اور نہ ہی وہ اپنی توہین محسوس کریں، تو اس عمل کے اثرات مثبت نکلتے ہیں۔ اس کے برعکس، اگر بچوں کو گالیاں دے کر، ان پر طنز کرکے، ان کی توہین کرکے یا انہیں طعنے دے کر ’’تمیز‘‘ سکھائی جائے تو اس کے اثرات الٹ نکلتے ہیں جو بچے کے اندر غصہ پیدا کرتے ہیں جس کا اظہار وہ اپنے گھر کے بڑوں کے سامنے نہیں کرسکتا۔ اسی لیے گھر میں تذلیل و توہین کا نشانہ بننے والے بچے اپنی ساری بھڑاس باہر نکالتے ہیں جو اکثر اوقات اپنے ہم عمر دوستوں کے ساتھ گالم گلوچ اور مار پیٹ کی صورت میں ہوتی ہے۔ یہی چیز آگے چل کر انہیں جرائم پیشہ اور تشدد پسند مزاج کا حامل بنا دیتی ہیں۔

اس تحقیق کی روشنی میں ماہرین کا مشورہ بھی بہت آسان اور قابلِ فہم ہے: بچے کی تربیت کیجیے لیکن اس کی عزتِ نفس مجروح نہ کیجیے، ورنہ آپ بچے کی شخصیت بنانے کے بجائے اسے تباہ کردیں گے۔

مذکورہ بالا تحقیق کے نتائج تحقیقی مجلے ’’جرنل آف یوتھ اینڈ ایڈولیسینس‘‘ کے تازہ شمارے میں شائع ہوئے ہیں۔

(ایمرا نیوز آن لائن)
اوسلو: ’’بلیاں گھاس کیوں کھاتی ہیں؟‘‘ عام طور پر اس سوال کا جواب یہ دیا جاتا ہے کہ بلیاں جب بیمار ہوتی ہیں تو گھاس کھاتی ہیں تاکہ وہ صحت یاب ہوجائیں لیکن ماہرینِ حیوانیات کی تازہ تحقیق کچھ اور ہی بتاتی ہے۔

برجن، ناروے میں ’’انٹرنیشنل سوسائٹی فار اپلائیڈ ایتھولوجی‘‘ کے سالانہ اجلاس میں یونیورسٹی آف کیلیفورنیا کے حیوانیات داں ڈاکٹر بنجمن ہارٹ اور ان کے ساتھیوں نے اپنی تازہ تحقیق کے نتائج پیش کرتے ہوئے بتایا ہے کہ اگرچہ بلیاں کبھی کبھار گھاس ضرور کھاتی ہیں لیکن اس کی وجہ بیماری نہیں بلکہ شاید یہ ایک ایسی عادت ہے جو ارتقائی عمل کے نتیجے میں ان کے اندر پیدا ہوئی ہے۔

انہوں نے ایک ہزار سے زائد ایسے افراد کا آن لائن سروے کیا جنہوں نے نہ صرف بلیاں پالی ہوئی تھیں بلکہ وہ اپنی بلیوں کی عادتوں اور حرکات و سکنات کا روزانہ کم از کم تین گھنٹے تک مشاہدہ بھی کیا کرتے تھے۔ سروے سے پتا چلا کہ پالتو بلیوں کی غالب اکثریت نے اپنی پوری زندگی میں کم سے کم چھ مرتبہ گھاس ضرور کھائی تھی۔ زندگی میں ایک بار بھی گھاس نہ کھانے والی بلیوں کی تعداد بہت کم تھی۔

سروے کے شرکاء نے انکشاف کیا گھاس کھانے والی بلیاں بظاہر بالکل تندرست تھیں لیکن ان میں سے بیشتر نے گھاس کھانے کے بعد الٹیاں کی تھیں، جس سے ظاہر ہوتا ہے کہ گھاس کھانے سے ان پر برے اثرات مرتب ہوئے تھے۔

تو پھر بلیاں گھاس کیوں کھاتی ہیں؟ اس سوال کا جواب دیتے ہوئے ڈاکٹر ہارٹ کا کہنا ہے کہ موجودہ بلیوں کے ارتقائی اجداد آج سے تقریباً پچاس لاکھ سال پہلے جنگلوں میں رہا کرتے تھے، جہاں انہیں دوسرے جنگلی جانوروں کی طرح پیٹ کے طفیلیوں (پیٹ کے کیڑوں) کا سامنا رہتا۔ یہ اوّلین بلیاں اگرچہ گوشت خور ہی تھیں لیکن پیٹ کے کیڑوں سے چھٹکارا پانے کےلیے کبھی کبھار گھاس کھا لیا کرتی تھیں جس سے ان کے معدے کے عضلات بہتر کام کرنے لگتے تھے اور فضلے (پاخانے) کے ساتھ ساتھ پیٹ کے طفیلیے بھی بہ آسانی خارج ہوجایا کرتے تھے۔

جہاں تک بلیاں پالنے کا تعلق ہے تو اس عمل کی تاریخ لگ بھگ 8000 سال پرانی ہے جبکہ ارتقاء کے نتیجے میں پیدا ہوجانے والی فطری عادت (جبلت) میں تبدیلی کےلیے یہ عرصہ بے حد مختصر ہے۔ پالتو بلیوں کو بالعموم پیٹ کے کیڑوں کا مسئلہ درپیش نہیں ہوتا لیکن پھر بھی وہ اپنی اسی ارتقائی جبلت کی وجہ سے کبھی کبھار گھاس کی طرف لپکتی ہیں، چاہے اسے کھانے کے بعد انہیں الٹی ہی کیوں نہ ہوجائے۔

یعنی یہ کہا جاسکتا ہے کہ بلیاں اس لیے گھاس نہیں کھاتی کہ وہ بیمار ہوتی ہیں، بلکہ وہ اس لیے گھاس کھاتی ہیں کیونکہ وہ بیمار پڑنے سے محفوظ رہنا چاہتی ہیں۔