All posts by Sibte Hussain

بھارت کے تمام تر جبر اور سنسرشپ کے باوجود مقبوضہ کشمیر سے کشمیریوں کے احتجاج کے مناظر دنیا بھر کے سامنے آ گئے

(ایمرا نیوز آن لائن)
بھارت کی جانب سے مقبوضہ کشمیر کی خصوصی حیثیت سے متعلق آرٹیکل 370 کے خاتمے کے بعد سے مقبوضہ وادی میں جذبہ حریت عروج پر پہنچ گیا ہے۔ کشمیری نوجوان قابض افواج کی گولیوں کو خاطر میں نہ لائے اور ہزاروں افراد نے سری نگر کی سڑکوں پر بھارتی اقدامات کے خلاف شدید احتجاج کیا۔

پوری مقبوضہ وادی بھارتی تسلط کے خلاف اور آزادی کے حق میں نعروں سے گونج اٹھی۔ مظاہرین نے سبز ہلالی پرچم لہرا کر پاکستان سے اپنے والہانہ لگاؤ کا بھی کھل کر اظہار کیا۔ کشمیری عوام کا کہنا ہے نا کشمیریوں نے کبھی بھارت سے الحاق کا فیصلہ قبول کیا اور نا کبھی بھارتی آئین کو تسلیم کریں گے۔

امریکی اخبار واشنگٹن پوسٹ نے مقبوضہ کشمیر میں بھارتی اقدام کے خلاف احتجاج کو سرورق پر جگہ دی ہے

(ایمرا نیوز آن لائن)
کشمیر میڈیا سروس کے مطابق مقبوضہ کشمیر میں خواتین اور بچوں سمیت ہزاروں افراد کرفیو توڑ کر نماز جمعہ کے بعد سری نگر کے علاقے سعورا میں سڑکوں پر نکل آئے اور قابض بھارتی حکومت کے خلاف شدید احتجاج کیا۔اس دوران قابض فوج نے ایوا پل پر مظاہرین پر آنسو گیس کے شیل اور گولیاں فائر کیں جس سے متعدد افراد زخمی ہوئے۔ مقبوضہ کشمیر: ہزاروں افراد کرفیو توڑ کر بھارت کے خلاف سڑکوں پر نکل آئے

ایک پولیس افسر نے میڈیا کو بتایا کہ سعورا میں ہونے والے احتجاج میں 10 ہزار کے لگ بھگ لوگ شریک ہوئے جو کہ کرفیو کے دوران اب تک کا سب سے بڑا احتجاج ہے. امریکی اخبار واشنگٹن پوسٹ نے مقبوضہ وادی میں احتجاج کی نئی لہر پر تبصرہ کرتے ہوئے کہا ہے کہ کشمیر کی حیثیت بدلنے کے بعد پوری وادی میں احتجاجی مظاہرے پھوٹ پڑے ہیں اور یہ کشمیریوں کو دیوار سے لگانے کا نتیجہ ہے۔

امریکی روزنامے نے سری نگر میں خواتین کے احتجاج کی تصاویر کو سرورق پر جگہ دی۔ یاد رہے کہ 5 اگست کو بھارت نے مقبوضہ کشمیر کی خصوصی حیثیت صدارتی حکمنامے کے ذریعے ختم کردی تھی۔ بھارتی اقدام کیخلاف کشمیری عوام سڑکوں پر نکل آئے ، 6 مظاہرین شہید ہوگئے.

اطلاعات کے مطابق مقبوضہ کشمیر میں بھارتی فوجیوں کی تعداد اس وقت 9 لاکھ کے قریب پہنچ چکی ہے۔ کشمیر کی خصوصی حیثیت ختم کرنے کے بعد سے وادی بھر میں کرفیو نافذ ہے، ٹیلی فون، انٹرنیٹ سروسز بند ہیں، کئی بڑے اخبارات بھی شائع نہیں ہورہے۔

بھارتی انتظامیہ نے پورے کشمیر کو چھاؤنی میں تبدیل کررکھا ہے، 7 اگست کو کشمیری شہریوں نے بھارتی اقدامات کیخلاف احتجاج کیا تھا لیکن قابض بھارتی فوجیوں نے نہتے کشمیریوں پر براہ راست فائرنگ، پیلٹ گنز اور آنسو گیس کی شیلنگ کی جس کے نتیجے میں 6 کشمیری شہید اور 100 کے قریب زخمی ہوئے۔

اطلاعات کے مطابق بھارتی فوج نے 8 اگست کو کشمیر میں احتجاج کرنے والے تقریباً 500 کشمیریوں کو بھی حراست میں لے لیا ہے جبکہ حریت قیادت سمیت بھارت کے حامی رہنما محموبہ مفتی اور دیگر نظر بند ہیں۔

مسجد نمرہ کے امام الشیخ محمد بن حسن نے خطبہ حج میں کہا ہے کہ مسلمان اپنے آپ کو سیاسی طور پر مضبوط کریں۔

مکہ مکرمہ (ایمرا نیوز آن لائن)
الشیخ محمد بن حسن نے مسجد نمرہ سے خطبہ حج دیتے ہوئے کہا کہ نجات کا راستہ صرف اللہ کی رسی کو مضبوطی سے تھامنے میں ہے، قرآن میں فرمایا گیا اللہ کی رسی کو مضبوطی سے تھام لیا جائے اور جدا جدا راستے نہ اختیار کیے جائیں، نبی کریم ﷺ نے مسلم امہ کو ایک جسم کی مانند قرار دیا، مومن اللہ اور اس کے رسول کی اطاعت کریں، ایک دوسرے کیلیے مغفرت کی دعا کریں، نماز قائم کریں اور برائی کو روکیں، اللہ نے انسانوں اور جنات کو اپنی عبادت کیلئے بنایا ہے۔

خطبہ حج میں کہا گیا کہ اسلام دین رحمت ہے، انسان ہو یا جانور، سب سے رحمت کا معاملہ کریں، امت کو چاہیے ایک دوسرے سے شفقت کا معاملہ رکھے اور نفرتیں ختم کرے، رحم دلی سے آپس میں تعاون اور بھائی چارہ قائم کرو، رسول ﷺ نے فرمایا ہے کہ تم زمین والوں پر رحم کرو اللہ تم پر رحم فرمائے گا، اپنے والدین کے ساتھ بھلائی کا راستہ اختیار کریں، والدین کے بعد دیگر رشتے داروں سے اچھا رویہ اختیار کریں۔

الشیخ محمد بن حسن نے کہا کہ مسلمان نماز قائم کریں اور اللہ کے راستے پر مضبوطی سے چلیں، اہل ایمان کو تقویٰ کا راستہ اختیار کرنا چاہیے، مسلمان اپنے آپ کو سیاسی طور پر مضبوط کریں، اللہ کی توحید اور وحدانیت کو مضبوطی سے پکڑنا چاہیے، مخلوق کو پیدا کرنے کا مقصد ہے اللہ کی عبادت کی جائے، جو اللہ سے ڈرتا ہے اللہ اسے دنیا و آخرت کے خوف سے نجات دلاتا ہے۔

خطبہ حج میں کہا گیا کہ اللہ کی رحمت بہت وسیع ہے، کائنات پر غور سے اللہ کی وحدانیت پر پختہ ایمان پیدا ہوتا ہے، اے عقل والو اللہ کی کائنات اور اس نظام پر بار بار غور کرو، امت مسلمہ نفرتوں کو مٹادے، نیکی میں تعاون کرے، امت مسلمہ میں جس قدر محبت ہوگی اسی قدر امن ہوگا، جو اپنے نفس کا تزکیہ کرتا ہے اللہ اسے پاکی عطا کرتا ہے، یہ ایام تشریق ہیں، ان ایام میں کثرت سے اللہ کا ذکر کرنا چاہیے.

اللہ تعالیٰ امت مسلمہ میں اتحاد و یگانگت پیدا فرمادے۔

کراچی (ایمرا نیوز آن لائن)
سندھ حکومت کاعیدالاضحی کے موقع پرمسافروںسے اضافی کرایہ لینے والی مسافرگاڑیوں کے خلاف کارروائی کا سلسلہ جاری ہے۔ وزیر ٹرانسپورٹ اویس شاہ نے کہاہے کہ گزشتہ روز مسافروں کو3لاکھ 80 ہزار روپے اضافی کرایہ واپس کروایاگیا ہے ,اضافی کرایہ لینے والی400مسافر گاڑیوں پرایک لاکھ 80 ہزار جرمانہ کیا گیا،اضافی کرایہ لینے والی 10 مسافر گاڑیوں کے روٹ پر مٹ بھی منسوخ کردیے گئے۔

انہوں نے کہا کہ اضافی کرایہ لینے والے ٹرانسپورٹ مافیا کے خلاف عید تک کارروائیان جاری رہیں گی، وفاقی حکومت کو عوام کی کوئی فکر نہیں، اضافی کرایہ لینے والے ٹرانسپورٹرز کے خلاف محکمہ ٹرانسپورٹ کے افسران، موٹروے پولیس اور ٹریفک پولیس کو شکایت کریں فوری کارروائی عمل میں لائی جائے گی ۔

کراچی: شہر قائد میں گزشتہ رات سے ہونے والی شدید بارش کے باعث متعدد علاقوں میں سیلابی صورتحال کا سامنا ہے۔ کراچی میں گزشتہ روز سے جاری موسلا دھار بارش نے شہر قائد میں نظام زندگی درہم برہم کردیا

جب کہ مختلف علاقوں میں کرنٹ لگنے سے پانچ افراد جان کی بازی ہار گئے، بارش سے ہر طرف پانی ہی پانی ہے اور شہر کا برا حال ہے، کئی سڑکیں ندی نالوں میں تبدیل ہوگئی ہیں اور نشیبی علاقوں میں پانی گھروں میں داخل ہوگیا ہے۔

نشیبی آبادیاں زیر آب؛

اورنگی ٹاؤن کے بیشتر علاقے زیر آب آنے کے باعث سیلابی صورتحال کا سامناہے جب کہ شہریوں نے پاک فوج سے مدد کا مطالبہ کیا ہے، منظور کالونی میں بھی نالا اوور فلو ہونے کے باعث رہائشیوں کو شدید مشکلات کا سامنا ہے جب کہ گجر نالے کا پانی ایف سی ایریا کے گھروں میں داخل ہوگیا ہے اور علاقہ مکین نقل مکانی پر مجبور ہیں۔ کراچی کے علاقے صدر زیب النسااسٹریٹ کی مارکیٹوں میں بھی پانی داخل ہوگیا ہے اور الیکٹرانک مارکیٹ بھی زیرآب آگئی ہے جب کہ سڑکوں سے ریسکیو ٹیمیں غائب ہیں۔ بارشوں کے نتیجے میں شہرکی بیشتر مصروف شاہراہیں زیر آب آچکی ہیں جب کہ پاک فوج اور رینجرز کے دستے بھی مدد کے لیے میدان میں آگئے اور لوگوں کی مدد میں مصروف ہیں۔محکمہ موسمیات کے مطابق 24 گھنٹوں کے دوران زیادہ سے زیادہ بارش سرجانی ٹاون میں 150.6 ملی میٹر ریکارڈ ہوئی جب کہ پہلوان گوٹھ 111، مسرور بیس 110، بیس فیصل 121، گلشن حدید 149، نارتھ کراچی 78 اور صدر میں 86 ملی میٹر بارش ہوئی۔

ایمرجنسی نافذ کرنے کا مشورہ؛

دوسری جانب کے الیکٹرک نے کراچی میں ایمرجنسی نافذ کرنے کا مشورہ دیا ہے، ترجمان کے الیکٹرک کے مطابق شہر کے بیشتر علاقوں میں سیلابی صورتحال ہے، نشیبی علاقوں میں پانی گھروں میں داخل ہورہا ہے اور حفاظتی اقدامات کے پیش نظر کئی جگہوں پر بجلی بند کردی گئی ہے، سیلابی پانی کے باعث تکنیکی عملے کو شدید دشواری کا سامنا ہے اور بجلی کی کچھ تنصیبات سیلابی پانی سے متاثر ہیں۔ترجمان کے الیکٹرک کے مطابق سولجر بازار اور منگھوپیر سمیت دیگر مقامات پر اندرونی نوعیت کے کرنٹ لگنے کے حادثات پیش آئے، موسیٰ لین اور کھارادر کے علاقوں میں کنڈوں اور ہینگنگ لائٹس سے کرنٹ لگنے کی رپورٹس آئیں، کنڈوں اور سیلاب کے باعث کچھ مقامات پر عارضی بجلی بند کی گئی ہے جب کہ صدر، گلشن، جوہر، ٹاور اور نارتھ کراچی کے بیشتر علاقوں میں بجلی بحال ہے۔

وزیراعلیٰ سندھ دورہ؛

وزیراعلیٰ سندھ مراد علی شاہ نے جام صادق پُل، کاز وے ندی اور قیوم آباد کا دورہ کیا اور ریسکیو کا کام تیز کرنے کے لیے کمشنر کو ہدایت کی جب کہ وزیراعلیٰ سندھ نے پُل کے ٹکڑے پر پھنسے 5 لوگوں اور موٹر سائیکل کو نکالنے کے لیے ایدھی کی بوٹس بھی منگوا لیں۔

مزید بارشوں کا امکان؛

چیف میٹرولوجسٹ سردار سرفراز کا کہنا ہے کہ مون سون کا بارش دینے والا سسٹم سمندر کی جانب مڑنا شروع ہوگیا ہے، سسٹم کا بڑا حصہ شہر کی فضاؤں پر موجود ہے اور آئندہ چند گھنٹوں کے دوران مزید بارشیں متوقع ہے، مون سون سسٹم کے اثرات آج رات تک تیز بارشوں کی شکل میں برقرار رہ سکتے ہیں، سسٹم کے اثرات کے نتیجے میں پیر کی سہ پہر تک معتدل اور ہلکی بارش کا امکان موجود ہے۔

کراچی کو پانی کی فراہمی معطل؛

دھابیجی پمپنگ اسٹیشن پر بجلی کا بریک ڈاؤن ہونے کے باعث شہر کو پانی فراہم کرنے والے 20 پمپ بند ہوگئے، ادھر بیک پریشر سے 72 انچ قطر کی پائپ لائن پھٹ گئی جب کہ پانی کے پریشر سے پمپنگ اسٹیشن کے لنک روڈ کا بڑا حصہ اکھڑ گیا ہے۔ پانی جمع ہونے کے باعث پائپ لائن کا مرمتی کام شروع نہ ہو سکا ہے، کینجھر جھیل سے دھابیجی پمپنگ اسٹیشن کو پانی کی سپلائی بھی بند کر دی گئی ہے جب کہ دھابیجی میں قومی شاہراہ 2 مقامات سے بیٹھ گئی ہے اور کراچی ٹھٹھہ 2 رویہ روڈ کا ایک حصہ بھی ٹریفک کے لیے بند کر دیا گیا ہے۔

لاہور (ایمرا نیوز/رپورٹ‌ذیشان علی سے)

محکمہ انٹی کرپشن کی جانب سے سرکاری جائیداوں پر قبضے واہ گزار کروانے کا سلسلہ جاری ہے لاھور ریجن کے انوسٹی گیشن افسران قبضے چھڑانے میں بھی سب سے آگے نظر آئے. ڈائریکٹر جنرل انٹی کرپشن پنجاب گوہرنفیس کی ہدایت پر ائیرپورٹ کے قریب واقع صوبائی حکومت کی 60 کروڑ روپے مالیت کی سرکاری اراضی واہ گزار کروالی گئی.

محکمہ انٹی کرپشن لاہور ریجن کے ڈائریکٹر ڈاکٹر شاہ زیب حسین کی ہدایت پر تشکیل کردہ انوسٹی گیشن افسران کی ٹیم نے شیخ احمداور آصف نور کی سربراہی میں آپریشن کیا. پٹوار سرکل گواوھا میں موجود کمرشل 16 مرلے اراضی اور تین کنال گیارہ مرلے ملکیتی صوبائی حکومت کو ناجائز قابضین سے واہ گزار کرواتے ہوئے محکمہ ریونیو کے سٹاف کی تحویل میں دیدیا .

ڈائریکٹر انٹی کرپشن لاہور نے انوسٹی گیشن افسران کو سرکاری جائیداوں کی واہ گزاری کیلئے بلاامیتاز کاروائیاں جاری رکھنے کی ہدایت کر دی.

بالی وڈ (ایمرا نیوز آن لائن لاہور) بالی وڈ اداکارہ کترینہ کیف کی بہن ایزابیلے کیف بالی اسٹار سلمان خان کے بہنوئی ایوش شرما کے ساتھ اپنی ڈیبیو فلم میں جلوہ گر ہوں گی۔بالی وڈ کے معروف تجزیہ کار ترن آدرش نے ٹوئٹر پر اعلان کیا کہ کترینہ کی بہن ایزابیلے اپنی ڈیبیو فلم ‘کوتھا’ میں ایوش شرما کے ساتھ مرکزی کردار میں جلوہ گر ہوں گی۔فلم ڈائریکٹر کرن للت کی ہدایت کاری میں بنائی جارہی ہے جس کی شوٹنگ کا آغاز ستمبر میں ہوگا۔ایزابیلے کی ڈیبیو فلم ایکشن ڈرامہ فلم ہے جس میں ایوش شرما پولیس آفیسر کا کردار نبھائیں گے جب کہ ایزابیلے کے کردار کے حوالے سے اب تک کوئی تفصیلات سامنے نہیں آئی ہیں۔ایزابیلا کے لیے کترینہ کیف کا کہنا ہے کہ وہ بہت محنتی اور خود مختار ہیں لیکن یہ ظاہر ہے کہ انہیں کیرئیر میں کچھ جدوجہد تو کرنی پڑے گی مگر یہ اچھی بات ہے کہ انہیں کافی چیزوں کے حوالے سے علم ہے۔کترینہ کا مزید کہنا تھا کہ چونکہ میں انڈسٹری میں ایک عرصے سے ہوں تو میرا ساتھ بھی ایزا کے لیے معاون ثابت ہوگا۔

بھارت (ایمرا نیوز آن لائن لاہور) بھارتی باکسر نیراج گویت نے کھیل میں بھی جنگی جنون دکھاتے ہوئے پاکستانی نژاد برطانوی باکسر عامر خان کو ٹیبل پر اسلحہ سجا کر مقابلے کا چیلنج کر ڈالا۔بھارتی باکسر نیراج گویت نے سوشل میڈیا پر ایک تصویر شیئر کی جس میں وہ اسلحے سے سجی ٹیبل کے ساتھ بیٹھے ہیں۔اس تصویر کے ساتھ بھارتی باکسر نے کیپشن لکھا کہ میں فٹ ہو گیا ہوں، عامر خان کو رنگ میں ہرانے کے لیے تیار ہوں۔برطانوی نژاد پاکستانی باکسر عامرخان نے بھارتی باکسر نیراج گویت کو کرارا جواب دیتے ہوئے کہا کہ تم مجھے ان پستول اور گن سے بھی نہیں ہرا سکتے۔عامر خان نے کہا تمہیں مجھے ہرانے کے لیے گن سے زیادہ کچھ اور کرنے کی ضرورت ہے۔خیال رہے کہ بھارتی باکسر اور عامر خان کے درمیان فائٹ گزشتہ ماہ 12 جولائی کو سعودی عرب میں شیڈول تھی لیکن کار حادثے کے باعث نیراج گویت عامر خان سے فائٹ سے دستبردار ہو گئے تھے۔

بھارت (ایمرا نیوز آن لائن لاہور) بھارتی فوج شہری آبادی کو کلسٹر بم کا نشانہ بنا رہی ہے،آئی ایس پی آر آئی ایس پی آر کا کہنا ہے کہ بھارتی فوج کنٹرول لائن پر شہری آبادی پر کلسٹر ایمونیشن استعمال کررہی ہے۔ آئی ایس پی آر کے جاری بیان کے مطابق بھارتی فوج جان بوجھ کر شہری آبادی کو کلسٹر بارود سے نشانہ بنا رہی ہے، بھارت کی جانب سے کنٹرول لائن پر جنگ بندی معاہدے کی خلاف ورزیاں جاری ہیں، کلسٹرایمونیشن معاہدے کے تحت غیرمسلح افرادکےخلاف کلسٹربموں کااستعمال ممنوع ہے۔
آئی ایس پی آر کا کہنا ہے کہ بھارتی فوج نے کنٹرول لائن پر نہتے کشمیریوں پر کلسٹر بم پھینکے ، بھارتی فوج جنیوا کنونشن اور بین الاقوامی انسانی قوانین کی خلاف ورزی کی مرتکب ہورہی ہے، بھارت کی جانب سے مسلسل عالمی قوانین اور جنیوا کنونشن کی کھلی خلاف ورزی ہو رہی ہے۔
بھارت کی جانب سے وادی نیلم میں کلسٹر ٹوائے بم کا استعمال کیا گیا، بھارتی فوج نے 30 اور 31 جولائی کو وادی نیلم میں کلسٹر بموں کے ذریعے خواتین اور بچوں کو نشانہ بنایا ہے جس کے باعث کلسٹر ایمونیشن سے 4سالہ بچے سمیت 2 افراد شہید اور 11 افراد شدید زخمی ہوئے ۔

لاہور ( ایمرا نیوز/رپورٹ ذیشان علی سے)
جاتی عمرہ میں مسلم لیگ ن کے غنڈوں کی جانب سے صحافیوں پر تشدد کا واقعہ سامنے آگیا. صدر لاھور پریس کلب ارشد انصاری ، سکرٹری پی ایف یو جے رانا عظیم صدر پی یو جے شہزاد حسین بٹ صدر ایمرا آصف بٹ کی جانب سے شدید مذمت ، فوری گرفتار کا مطالبہ کر دیا

سینئر صحافی خواجہ نصیر ، عثمان بھٹی ، دانیال راٹھور سمیت دیگر صحافیوں پر تشدد کرنے والے مسلم لیگ ن کے غنڈوں کو مقدمہ درج کرکے فوری گرفتار کیا جائے صحافیوں کی کثیر تعداد ایک موقف پر اکھٹی ھو گی.

صدر فوٹو گرافر ایسویسی ایشن اقبال چوئدری صدر پریس گیلری میاں اسلم صدر اینکا اقبال ملک کا کہنا تھا ن لیگ کو باور کروانا چاہتی ہے کہ ایسے شر پسند اور غنڈہ عناصر کی موجودگی میں لیگ کو کسی دوسرے دشمن کی ضرورت ہی نہیں ہے۔ ن لیگ کے اپنے ہی اس کی کشتی ڈبونے کے درپے ہیں.

ایک پر حملہ سب پر حملہ کرنے کے برابر ھے اس واقعہ کا مسلم لیگ ن کے رہنماوں کو بھی فوری نوٹس لیے جانا چاھیے اور اس میں ملوث افراد کے خلاف سخت قانونی کاروائی عمل میں لانی چاھیے اذان رانا میڈیا 92 لاھور